Neihneic tingzin neih kei mei gan khou chaeng keikei kuku chaeng khou tat bam khou ginpu akhat kanei thei zuanguang khuan e.

Kaneirui mi ginpu hei ringthau datmei Poubauhmei e tumei thai mak khuan e. Kaniu tat cham bammei pu thau cho tumei thay makna tatkanmei kanit dak khou pat kanmei laam tei rac na lungning rianra na tatbam khuan e. Jisu rui kanei samei ta reihreina king lana kamei thau cho tumei salou ni khuan e, tiki kamei rui atau kanei khang kage nailiang Meitei salou khang tei rui kamei thau cho tumei ti thailou mak khuan e. Kamei rui tithai lou e thei, kanei khang Baibal pari kage naimei ta sa sinih kanei lung khou gut dat ni tuang ram the tuna thai puizang kamei salou ni meita sa khang rui ti thai lou mak khuane.

Tingkum kathum pahri kamei rui kaniu ta chamlou khatni dinclou bam mei hei kaniu rui Poubauhmei taanduan tihei khatsini thailou makge. “Mei nac mpou meinunc baan khou zuantu puni khatni suluai puni tuna kamei rui than thiak na salou khuane. Khatni kata suluai meitangc zang neithum khou ringcthauh dat puni, tiki kaniu rui bapta makge kamei sabammei khatni kakhou than khang ni ping khuan ne.” Mark 9:31, 32

Kanei rui zangsi na sabam khou Jisu rui zangna na sa khuan e khatni khuangnei kamei rui Baibal khou hilou mei khatni Ramundinc hei bapta khang tithai lou khuan e.

KATHAIMEI

Baibal text guay paclana kakak khou hisuk gut tho.

1. Baibal khou hilou bammei azulang ta lummo na sa bo?

Luk 24:25 Muhzwng nunc rui saloumei ____ ta lummo!

2 Timothi 3:16 Nthanmei ____ kapwm hei Ravguangc khou rui guang tuang e.

THAILOU KHANG: Ravguang tuang nthanmei latrik kaguang khatni kathan mei latdyng khou hilou bammei hei nchum mei sin de. Ndauhloumei khou hilou mei Ramundinc hei latdyng guangc khou hilou rei bammei khou rui aniu thai khang de. Kalam thu Ndauhloumei book khou verses 404 nai e, hei lung khou tei 278 thu latdyng guang tuang pari ram ethei Ramundinc de.

2. Nthanmei latrik khatni Ramundinc hei rui thou laam sa tuang e tuna Jisu sa bo?

Luk 24:27 Mousi khou rui thauna muhzung nunc nganv khou, nthanmei latrik khou. ____ khou hyloumei guay tei kamei rui kaney khou dinclou the.

Jahon 5:39 Nthan mei latrik khou kathai o, nthanmei latrik tei thu ____ khou sabam tuang de.

Ndauhloumei 1:1 ____ ____ rui ndauhloumei Raguangh rui kabangc nunc khou ndauhlou khang Jisu Khrista tii lou tina mi asaanh mak khou patpuni mei.

THAILOU KHANG: Nthanmei latrik khou hilou bammei kaguay khatni Ramundinc guai hei Jisu laam khou de. Mansei lungning ti kahi tou bammei Ramundinc Daniel khatni Ndauhloumei khou hylou bammei guay hei Jisu khatni katuang laam khou de.

3. Baibal khou Jisu zaanv baimei takum kauh bo?

Jahon 1:1 Thaurey khou ____ naibam khuan e. latkaeng tei Raguangc khou bam khuan e.

Jahon 1:14 Khatni ____ tei meipumc chaguanhna aniu pang khou lunglou the.

4. Takum mei mansei tihei Ravguangc rui Baibal ti hi bo?

2 Pitar 1:21 Ravguangh tuang ____ mansei nunc rui Raguangh khou rui patmei lat tei bumaengh nthanmei rui ti sa tuang e.

5. Ringsuangmei panti hei Jisu ta thai khou rui guang tuang e (Jahon 17:3) Kaziab nunc rui Jisua ta takum na thai kan tuang?

Luk 24:35 Kamei rui ____ _____ pukhou rui kaney kata thay kane.

THAILOU KHANG: Baibal khou ntyan hei Raguangh latkaeng tuna sinsu e.Jisu rui kumsa e, “Ntyan nac rui meicringh tuang hamh e tiki Raguangh muangh khou patmei latkaeng tei rui de.” Metthiu 4:4. Aniu rui kalatkaeng tei kathai lana khatni nthanmei latrik thei lailuai pukhou, aniu khang pumtanc, neihlamei, chuzangmei, khatni ringcsuang mei panti latauh puni.

6. Baibal kathaimei hei Khristian khang adih nthuk tu cho?

Job 23:12 Kachi khou rui patmei latdanv khou rui ai tat nbiang makge. Kamuangh khou rui patmei lat tihei nthuk na ai sin e ____ ta ____

Kalumlu 119:105 Nanglat hei aphay khang _____ e, achaeng khang ganh mei e.

THAILOU KHANG: DIABOL hei Baibal ta karaeng e khatni ngam puikam mansei ta ti paa mak khang su puni. Kamei rui thai e ramundinc guai rui manseita kamei rui meiguat khang subam mei chamraeng guai thai puni. Kumthina nang ngak nang e Seitan raui nangta mituang Baibal series hei ti kathai mak khang nangta taan tin mei ni ti nu e. Raguangh rui thu nchummei thai nina phu bam mei nunc khang thu chaeng lan lou puni de.

7. Baibal ta thaikhang thauh rui nkha lou puni cho?

Jahon 16:13 Nchumhmei ____ tei guang pwkhou, nangniw ta nchumhmei khou zailou puni.

Jahon 14:26 Tiki Nkhavloumeipu _____ _____ dinclou puni.

I Korinmei 2:13 aniu maansei ning ting rui dincloumei lat tei sa mak ge, tiki bumaengh thanmei rui _____ lat tei dinclou tuang e.

8. Ai Baibal kathai meikhou bumaengh thanmei rui zailou bame tumei ai thai khang ai tabui su khang tha?

Luk 11:9 “Hei zaeng rui, ai rui nangniw khou sa tuang e; ____ nangniw khang tii lou puni.

Luk 11:13 Kumna, meisimei nangniw sini nangniw nac nunc khang gaymei puat tii thay e thei, tingkauh thangc bammei nangniw pw rui thu tabui suna kakhou neymei kathuic khang bumaeng nthan mei tii lou mak ____ ___?

Jahon 7:17 Thow pwni kamei ___ ___ sw nic tuna ning e thei, ai rui dinc bammei hei Ravguangc khou rui guang tuang ny, achwnphuakh khou rui cho twmei kamei thay punide.

THAILOU KHANG: Bumaengh nthanmei taanv hei thu Nthanmei latrik khou hilou bammei thai khang nkhaloumei hei ni the. Hei zaeng rui Baibal phaek pat mak pui hu khou nkhalou diu khang aniu ney nina de. Bumaengh Nthanmei rui zailou bamde ai Baibal kathai pukhou tumei thai khang (1) Zailou diu khang hoineimei, khatni (2)Nchumhmei Kamei rui ndauhlou pukhou ai piu nithe tuna chun e thei, chummei ta thai puni.

9. Kalummei le kazauna Baibal kathai pukhou nkhaloumei la tou bo?

Kalumlu 119:11 Ai nang khou ____ ____ mak khang, alung khou nang latdyn (word) rylou e.

Jeremia 33:3 “Ata kaw o, kum e thei ai rui ___puni; nangniw rui thay zat makmei ____ ____ daihmei ai rui dinclou puni.”

Rommei 15:4 Nthanmei Latrik khou hylou bammei guay hei aniuta ____ khang ... kumna aniu ____ nai khang e.

Jakob 1:5 Nangniw ____ makge thei, Raguangh khou ney o ... tii puni.

10. Tabui thiak khou Baibal kathai meita nthanmei latrik rui kun loou bo?

I Korinthiamei 2:13 Kume tikii bumaeng thanmei rui dinclou mei lat tei dinclou tuang e. Bumaengh tuang laam tei ____ bumaengh le ____ tuang e,

2 Pitar 1:20 Nthanmei latrik khou naimei Ramundinc hei meic gaanv khat na sini ___ rui hanc tuang hamh e.

THAILOU KHANG: Baibal kathaic mei gan khou meic gaanv khatna sini karana ning mei kathai lakni na e tiki nthanmei latrik hei thai than khang baimei text kidana kathai nina de. Baibal karana rui kaba hei hanc nina de Hei kum pukhou nchummei tei hou than puni. Hei thiak khou rui Jisu rui kajiab ganei ta Emmaus changkak khou Kamei hei Messiah the tumei tithai lou e. (Luk 24:27).

11. Nthanmei latrik kathai mei rui aniu khang tabui taanc lou puni bo?

2 Timothi 3:15 Nthanmei latrik khou rui nang thai the Khrista Jisu khou lummei paan rui ___ zaylou nimei ___ tei.

THAILOU KHANG: Nthanmei latrik khou Raguangh rui maansei sumei aniu ta kungliangna zaikanlou khang daickanmei chamraeng taanc lou mei tei tithai lou e.

12. Jisu samei thei laina aniu nchummei kiu tabui khou rui phang punibo?

Jahon 14:6 Jisu rui mundawna kakhou sathe, “Aihei chaengkiu the, nchummei kiu the khatni ___ kiuthe.”

Jahon 17:17 Nang ___ hei nchumhmei e .

THAILOU KHANG: Nchumhmei Raguangh lat Baibal khou nai e. Kandi khou ntau gaan khou nchumhmei phang tau khang kung the khatni meic guai na heizaang rui rianra katuak mei khaeng na bam tuang the. Ramh kaguai na laam khou nchumh mei tumei hei Baibal khou na nai e.

Kathailana, chamlou mei ta piu pukhou maansei ta ningkha ti su lou e (Jahon 8:32) khatni neihla mei phung guang lou e, janggai mei panti suna lung e (Jahon 15:11).

13. Baibal kathai mei khou ramthai o tuna nthanmei latrik khou salou bo?

2 Timothi 2:15 Ravguangc mikzaw khou pianlou nuh pui taanv taanhmei, ___ nchumhna nchumhmei lat ___ thai khang.

THAILOU KHANG: “Nchumhmei lat nchumhna sinsu thai mei “ kabac kiu thu nchumhna khat ni kaling tei hanc thai mei tuang e. Nthanmei latrik tihei aniw ning mei khou hanc na khatni sinsu e thei aniu khang phaisui puni. Baibal laam khou ai samei thu ramh suthuai me tiki takumna ai rui chak bo hei tei de nthanmei latrik rui sabammeitho.

14. Rachap rariak azu rui tat bammei riak khatni dinc bammei ti hei takum mei thiak khou aniw rui ncham nitha?

Latdiutatmei 17:11 Kaniw lungh gutna nking e khatni lat guay tei kachangc ni tuna nthanmei latrik khou tingmik pum mincna ____ e.

Isaiah 8:20 Kaniu rui ____ khatni Raguangh ____(testimony) thei laina samak e thei kaniu khou ___ mak tina e.

THAILOU KHANG: Rachap guai rui dinc bammei ta tei Baibal khou hilou dai tuna zauh nina e. Dinc bammei hei Nthanmei Larik le tuna cham mak e thei hei tei laanmei de kalat laa lak nina de.

15. Lungning tangkhin na tat bammei ziab neikhou tei Jisu rui Nthanmei Latrik tei kabac salou tikhou, Kanei Emmaus chaeng kak khou tabui pat kanthe?

Luk 24:32 “Chaeng khou kamei rui anei khou Nthanmei Latrik khou rui raclouna tat bam khou tei anei ___ ___ makna cho?” tuna kaney khat khat khou sa the.”

16. Mi ziab nei Jisu hei ringcthaudat the khatni Ramundinc loumei kaba tei dinclou ti khou, Kanei rui tabui sukan bo?

Luk 24:33 Khou tei kaney kadyng khou thauna Jerusalem thangc ___ dat the, khatni ziab ruhnakhat le baimei nunc guang kaduai bamhmei ta ___ the.

THAILOU KHANG: Jisu rui Nthanmei Latrik khou hilou mei kabac dinclou ti khou ziab nunc rui reiliang mei khou meic baimei nunc khou dinc lou nimei rui maichuang kumna chuang thau the. Nangniu nic heitei kum khuang de mituang Baibal kathai mei latou mei hei tuna rigun n abam e.

NANGLAT DAUH

Nang thaithan thiak thiak na nthanmei Latrik rui samei piu khang nang chunmei tha?

MUNDAW: ________

TITHAI NBUH LOUMEI

Kabang khou hilou mei hei Baibal tuang Ramundinc kabac thai khang khamtaan nunc the. Symbol khatni kabah tei zaulou kho.

Banchara = Latdiumei .

Daniel 8:16; 9:21; Luk1:19, 26; Ibrimei 1:14

Babylon = Rachap nbiang tat mei / bapta makmei .

Thaureymei 10:8-10;11:6-9, Ndauhloumei 18: 23; 17:1-5

Khouringh= Guangdih / govt / dih-ngam

Daniel 7:17, 23

Ntian = Raguangh lat kaeng

Jahon 6:35, 51, 52, 63.

Tingmik = Tingkum

Ezekiel 4:6; Singchak 14:34

Thaangangc= Seitan rame thei kataan taanhmei

Isaia 27:1; 30:6; Kalumlu 74:13, 14; Ndauhloumei 12:7-9; Ezekiel 29:3; Jeremiah 51:34.

Sanpiang = Lungning

Rommei 7:25; Ezekial 3:8, 9.

Mangcsangmei = Tat nbiangmei phuamling / rachap

Isaiah 1:21-27; Jeremia 3:1-3, 6-9

Kapi nunc = Pumtan daimei / dihsinpou / govt. Kachei = Guangh rammethei guangdih

Daniel 7:24; 8:5, 21, 22; Zekaria 1:18, 19; Ndauhloumei 17:12

Lauziu = Jisu / khaengmei

JAHON 1:29; I Korinmei 5:7

Maibungc = Ravguangh latkaeng.

Kalumlu 119:105

Kamangliangpui = Jisu khrista

Ndauhloumei 5:4-9

Madanhmei = Nchinlou bammei / numei or numakmei tuang sil.

Ezekiel 9;4; Rommei 4:11; Ndauhloumei 13:17; 14:9-11; 7:2, 3

Chingbut nunc =Dihngam / rachap – dihngam

Isaia 2:2, 3; Jeremia 17:3; 31:23; 51:24, 25; Ezekiel 17:22, 23; Daniel 2:35, 44, 45

Thauh = Bumaengh nthanmei.

Zachariah 4:2-6; Ndauhlooumei 4:5

Haengmei = Paap / taamc maan nimei

Isaiah 1:18; Nahum 2:3 Ndauhloumei 17:1-4.

Taudai = Jisu / nchummei

I Korinthiamieii 10:4; Isaiah 8:13, 14; Rommei 9:33; Metthew 7:24

Sil = Madanhmei or nchinloumei nuhmei or numakmei

Ndauhloumei 7:2, 3; Rommei 4:11

Nrui =Seitan

Ndauhloumei 12:9; 20:2

Ganchuangna = Banchara / latdiumei

Ndauhloumei 1:16, 20; 12:4, 7-9; Job 38:7.

Neih = Jisu / Gaichamv

Kalumlu 84:11; Malakai 4:2; Metthew 17:2; Jahon 8:12; 9:5

Bangsaeng = Raguangh latkaeng

Ephisiamei 6:17; Ibrimei 4:12.

Kaihoumei = Lummak khou jisu guangnimei

I Thesolonikamei 5:2-4; 2 Pitar 3:10

Kagan = Tingkum

Daniel 4:16, 23, 25, 32; 7:25; 11:13.

Dui = Lungbammei kandi / meicnunc/zatti.

Ndauhloumei 17:15

Mphwanmei pwan = Rihngamei / nchumhmei

Ndauhloumei 19:8; 3:5; 7:14

Mpwan = Katuakmei / kachinkaromei/surih

Jeremiah 25:31-33; 49:36, 37; 4:11-13; Zekariah 7:14.

Nthanmei pui = Nchumhmei phuamling

Jeremia 6:2; 2 Korinmei 11:2; Ephisiamei 5:23-27

Mangsangmeipui= Tat nbiangmei phuamlilng

Ezekiel 16:15-58; 23:2-21; Hosea 2:5 3:1; Ndauhloumei 14:14.

Ramundinc Phaeng Hou Thanranmei, Lesson 7 ©2022 Amazing Facts International All Rights Reserved