Naman do jahaleka teho bogec’ as ńame khojkan tahẽna khan Naman do Israel te monḍhaena, uni saote mit’ṭen kạtic’ dol ac’ rukhiạiye lạgit’ ar rajak’ dhon onḍe bogec’ bakhara em lạgit’. Tinre Naman do nạbiak’ oṛak’ lahare tiṅgoena Elisha do bae oḍok’lena. Ar Elisha do uni ṭhen mit’ṭen hoṛ kulkedete nonkae metadea “Do sen katek’ jordanre eae dhao umuk’me khan amak’ hoṛmo do nawa ruạṛṛok’a arem saphak’a.” 2 Rajko 5:10.

Nạbiak’ hukum umuk’ lạgit’ do meneda je Naman do mạilạge tahek’ kante! Eae dhao umuk’e meta dea- ar ona hõ losot’ gaḍare, - ona do jahan kom do baṅ tahek’ kana mit’ṭen baḍayok’ Arami sipạhi lạgit’do okoe do mit’ṭen podre tahek’kana, Naman do ac’ren sadom ạcur kedete oṛak’te calak’e monḍhaena. Menkhan Damesekte senok’ lạgit’ khan Jordan gaḍa lekatege paromok’ huyuk’a. Uniye paromok’ kan jokhejre ac’ren gutiko nehoradea nạbiak’ solhaleka ceka aṭkar. Khan ac’ren sadom teṅgo kedeteye pheḍena ar ac’ak’ murhuc’jomak’ bạṛic’ ghaoko dapal lạgit’ horok’ak’koe tut’ katek’ doho keda Naman do astete jordan gaḍa reak’ dak’re boloena. Turui dhao uni do dak’re unumena menkhan jahan pherao do baṅ ńellena, menkhan tinre eaeak’ dhao unum katek’e oḍok’ena ac’ak’ murhuc’ jom do cabaena! ac’ak’ harta do mońjge kạtic’ gidrạleka saphaentaea.
Cet’leka Namane aṭkarkeda mońj arok’, amhom aṭkar daṛeak’a bogec’ nawa Janam arok’te.

PAṚHAO

Mimit’ Bạibel kạli ko paṛhao tayom khạli ṭhại ko perejpe.

1. Nawa niạmre nạbiko do Jordan gaḍa cet’ bạptisma se sapha ko lạgit’ko beohar keda?

Mathae 3:1, 5, 6 Onako dinre ______ ______ do hec’kate Jihuda reak’ hahaṅkarreye porcaret’ tahẽkana … khan Jerusalem ar goṭa Jihuḍa ar Jordan dene banar goṭa toṭharen uni ṭhenko oḍok calaoena. Jordan gaḍare uni titeko ______ ocok’ kan tahẽkana.

Dhean: Bhage sombat’ reak’ kạhni do bạptisma bisoe tege ehop ar mucạdok’ kana. Khạṭige noa do ạḍi bises cecet’ak’ kana Jisu lạgit’ (Mathae 28:18, 19).

2. Cet’ ṭhonokan Bạibel niạm do uduk’edae mit’ṭen “Saphak’” murhuc’ jom kại khon?

Apostal Kamiko 22:16 Ma beret’te ______ ocok’me, ar amak’ kạiko ạrup’ giḍitam, uniak’ ńutum dohaeak’te.

Dhean: Bạibel dhara lekateak’ bạptisma do mit’hoṛak’ jion khon kại sapha giḍi ar nawa jonom hõe sodoreda.

3. Bạibel lekate do tinạk’ lekanak’ bạptismako do aṅgoc’gea?

Ephesiko 4:5 Mit’ Probhu, mit’ biswạs,______ ______ .

Dhean: Teheń 15 ṭi gan eṭak’ niạmko hõ ko metak’ kana bạptisma, menkhan Bạibel lekate do eken mit’ṭen ge sạri bạptisma do menak’a.

4. Bạptisma katha reak’ mane do cet’ kana?

Kolossiko 2:12 Ar bạptismate uni tuluc’pe ______ ocoyena, one onare uni sãote jiwet’ hõpe jiwet’ beret’ ocoyen goc’ko khon uni jiwet’ beret’kedeic’ Isorak’ daṛe kạmire pạtiạuk’tege.

Dhean: Junạni kathate “Baptizo” mane “ḍubujok’,” “dak’ latarre unum,” se “unumok’.” Mit’hoṛ do tin hạbic’ purạte bae unum se topak’ kanae dak’re unhạbic’ uni do bae Bạptismak’ kana. Noa katha “Baptizo” do jaoge Bạibelre beoharakana mit’ṭen bises kạmi oka do Bạptismae sodorgea. Junạni kathate do “chiṭkạu” se “dul” kodo baṅ beoharakana.

5. Jisu do aboren nạmuna kanae uni do cet’ lekae Bạptisma oco lena?

Marke 1:9, 10 Jisui hec’ena … ar Jordanre Johan titeye bạptisena, ar dak’ ______ ______ torage serma oṛejok’ kane ńelkeda.

Dhean: Johan do Jisu unum katek’e Bạptisma kedea ona gaḍarege okare do Naman ac’ak’ murhuc’ jom khone saphalena. Dhean tạbonpe je onko do Jordanre ko tehẽlena (gaḍa reak’ ghuṭure do baṅ) ar Jisu do dak’ khone rakap hec’na. Ona iạtege Johan do “aenon sõr sạlim reye Bạptismaet’ko tahẽna cedak’je onḍe do ḍher dak’ tahekana.” Johan 3:23. Isạiko do Jisu Mạsiak’ nạmuna pańjae huyuk’ takoa. (1 Patras 2:21) Okoe do unumok’ teye Bạptismalena “sanam dhorom kạmiko purạu lạgit’.” Mathae 3:15.

6. Philip do Ethopiaren khajańci cet’ lekae Bạptisma ledea?

Apostal Kamiko 8:38, 39 Ar bana hoṛ dak’tekin ______ ______, Philip hõ ar cakrạ hõ; ado uniye bạptiskedea. Ar dak’ khonkin ______ khan Probhuren Jiu do Philipe ạtkirkedea.

7. Bạptisma do ar cet’ eṭak’ sạriak’ koe sodoreda?

Romiko 6:4 Ado bạptismate do moron sec’ uni tuluc’bon topalena, jemon cet’leka Mạsi do Baba reak’ ṭhonokte goc’ko khone ______ ocoyen, onkage abo hõ join reak’ nawatet’ rebon taṛam.

Dhean: Bạptisma do Mạsiak gujuk’, topa, ar jiwet’ beredok’e sodoreda. Kạire pạhil gujuk, ona tayom kạire mare jion dak’re topae, ar mucạt’re dak’ khon jiwet’ beredok’ mit’ṭen nawa jion ante. Unum katek’ bạptisma do purạu tet’e sodoreda. Kại reak’ jion do gujuk’ kana, khan sahet’do bondok’ kana tinre mit’hoṛ bạptisma lạgit’ tayom sec’e lawerok’te dak’teye bolok’ kana ac’ak’ hoṛmo tin hạbic’ purạute unumok’ kana se topak’kan dak’re. Enḍe khan uni hoṛ do dak’ khone beret’ ruạrok’ kana ar nawa sahet’e hataoeda mit’ṭen nawa Janam gidrạ leka. Mit’ṭen purạpurite nawa jion khemao lạgit’ oka do jiwet’ beredok’e sodoreda. Ar eṭak’lekan Bạptismako do mit’ṭen hõ Bạibel lekan bạptisma do bae sodor da. Adomko do ko mena Robibar din do sonot’ dohoepe jiwet’ beredok’ reak’ ganao lạgit’, menkhan nowa hewa do Bạibelre baṅ ńamok’ kana.

8. Bạptisma do tinạk’ bises gea?

Marke 16:16 Pạtiạuk’ic’ ar bạptis ocok’ic’ doe ______ , menkhan bepạtiạuic’ do sạjạiok’ lạgit’e bicạr ocok’.

Johan 3:5 Jãhãe dak’ ar Jiu khon bae janamlen khan, Isorak’ rajre ______ ______ ______.

Dhean: Bạptisma do Isorak’ kathare saphate em akana ạḍi bisesgea mente. Enre hõ tinre bạptisma do bań hõe daṛeak’ kana cet’ leka uni kumbṛo kurus cetanren, Jisu do uni ac’ak’ bạptisma reak’ hok’ uniye emadea (Mathae 3:15).

9. Bạptisma saote cet’ nonkan bhoranak’ kạmibon tulạnama daṛeak’a?

Galatiko 3:27 Ente tinạk’ hoṛ Mạsirepe bạptisena, Mạsipe ______ .

Dhean: Bạptisma do bapla lekanak’ kạmi kana. Bạibele meneda, “Ente Amren bebenaoic’ge amren jawae kanae, Phạt koren Probhuge uniak’ ńutum do.” Jesaea 54:5. Cet’ leka baplare bahu do jawaeak’ ńutume hatao joṅge, onkage Isạiko hõ Mạsiak’ ńutumko hataoa-ona tayom khon onko do Isạiko metak’koa. Noa banar bises kạmikin do dulạṛ ar suprot’tok’ cetanrege ṭehaṛakana judi unkin manań huyuk’kin menet’kan khan. Bạptismak’ do Isại jion lạgit’ jạruṛ gea cet’leka baplak’ do bapla jion lạgit’.

10. Jisu do ac’ren hoṛko cet’ hukume emak’ koa ac’ coṭte rakap lahare?

Mathae 28:19 Senkate sanam jạtko celakope, ar Baba ar Hopon ar sonot Jiu ńutumte ______ .

Dhean: Patras do noa hukume bataokeda tinre Penṭecost ko dinre uni do dusikoe metak’koa, “Mon ạcur tape ar ape mimit’ hoṛ Jisu Mạsi ńutumte bạptismak’pe.” Apostal Kamiko 2:38

11. Bạibel reak’ cet’ gun jạruṛa bạptismak’ lạgit do?

A. Jisu cecet’ak’ko bujhạu (Mathae 28:19, 20).
B. Jisuak’ joto cecet’ak’kore pạtiạuk’ (Marke 16:16).
C. Kại ko khon mon acur (Apostal Kamiko 2:38).
D. Purạ monete pạtiuạk’ (Apostal Kamiko 8:37).
E. Kại khon ạcurok’ lạgit’ aṅgoc’ (Luke 3:7, 8; Romiko 6:5, 6).
F. Mạsi apnar babańcaoic’ mente apnare ar nawa Janam arok reak’ aṭkar (2 Korinthiko 5:17; Johan 3:3, 5).

Dhean: Cetanre em akan kathako mit’ṭen gidrạ do bae batao daṛeak’a onate mit’ṭen gidrạ do bạptismae ona do Bạibel lekate baṅ kana tin hạbic ac’ ạuriye harak’a bhagesombad bujhạu pachnao hạbic.

12. Okare noa joto eṛe bạptisma reak dharako do etohopena?

Marke 7:8 Isorak’ hukum bạgikate manwakoak’ ______ ______ sap dohoeda.

Dhean: Dubujok’te bạptismak’ dhara do eken Bạibel oktere huyuk’kan bạptismak’ reak’ hewa tahe kana ar kurus reak’ ạḍi ḍher serma tayom. Menkhan eṛeak’te ac’yur’ acolen hoṛko bạptisma reak’ eṭak’ dhara ạgukeda hoṛ koak’ tirpitok’ lạgit. Khange Isorak sonotak’ kạmi bạptisma do bạric’ena ar noa reak’ cinhạ reak’ mane tet’do at’ena.

13. Bạibel do cet’ a menda onko koak’ babodte okoeko do Isorak’ sạriak’ lahara manwa wak’ cecet’ak’ko dohoyeda?

Mathae 15:9 ______ sewawankana, Manwakokak’______ dhorom sikhạuna menteko cet’akokante.

Galatiko 1:8 Menkhan allege, se serma khonic’ mit’ṭen dutge, allele jạhirat’pe bhage sombat khon jãhãn judạ bhage sombate jạhirape kana, uni do ______ hoyok’ ma.

14. Cet’ Sonot’ Jiu te bạptismak’do ḍubujok’te bạptismak’ do bae bodol keda?

Apostal Kamiko 2:38 Khange Patrase metat’koa, ______ ______ ar ape mimit’ hoṛ Jisu Mạsi ńutumte ______, apeak’ kạiko ikạk’ tape lạgit’; khan ______ ______ reak’ danpe ńama.

Dhean: Baṅ! Moneak’ak’bon je tinre Patrase porcaret’ kan tahena (Apostal Kamiko 10:44-48) tinạk’ do ko ańjomet’ kan tahen sanamko ṭhen Sonot Jiue hec’enae, ạḍi ḍher okoe do bako bạptismao kan tahẽna onko ṭhen hõ. Menkhan onko Sonot Jiu lekate bạptismae nako enrehõ Patras do menkeda nonko do dak’tehõ bạptismak’ jạruṛ takoa.

15. Cet’ bạptisma arok’ do mońjgea?

Apostal Kamiko 19:2-5 Are metak’koa, Pạtiạuenre Sonot Jiupe ńamkedea? Adoko metadea, Sonot Jiu menaea se baṅa, ona do ańjom hõ bale ańjomlak’a. khangeye menkeda, endekhan okaṭak’tepe baptisena? Menkedako, Johan reak’ bạptismate. Ado Pạule menkeda, Johan do mon ạcur reak’ bạptismateye bạptislet’ koa, disom hoṛe metak’kote, ac’ tayomte daraekanic’re jemonko pạtiạuk’, metak’me, Jesure ge. Ar onako ______ khan, Probhu Jisu ńutumteko ______ ocoyena.

Dhean: Ephises re tinre Paulos doe porcaret’ kan tahẽna onḍe uni gel bar hoṛe ńam ket’ koa okoe do Johan bạptis emok’ic’ hoteteko bạptisma lena, menkhan nonko okoe do Sonot’ Jiuak’ bisoete bako ańjomkak’ tahena. Khange noa mit’ṭen nawa bises cecet’ak’ko ńam ket’ khan ko bạptisma aroena, onkage judi mit’hoṛ ac’ak’ esại jion reak’ aṭ’kar purạpurite at’ ket’khan, uni do bạstismak’ arok’ jạruṛ taea probhu ṭhen ruạṛok’ lạgit’. Bạptisma arok’ do jạruṛgea judi mit’hoṛ bạibel reak’ dhara te bae bạptisma akan khan do.

16. Mit’ṭen manḍer re seledok’ lạgit’ khan cet’ bạptisma do joṛao gea?

Apostal Kamiko 2:41 Ar okoe ko uniak’ kathako jomkeda, onko doko ______ ocoyena; ar enhilok’ do pe hajar gan hoṛko onko tuluc’ko juṭuc’ena.

Apostal Kamiko 2:47 Isorko sarhaoekan ar joto disom hoṛko ṭhenko bạsut ocok’kan tuluc’. Ar Probhu do dinạmge bańcao ocok’ kankoe ______ idiket’koa.

Kolossiko 3:15 One ona lạgit’ge mit’ ______ hoho hõpe hoho ocoyen.

Kolossiko 1:18 Uni do hoṛmoren, metak’me, ______ matha kanae.

1 Korinthiko 12:13 Ente mit’ Jiu hotetege abo hõ sanamko ______ hoṛmok’ lạgit’bo bạptisena.

Dhean: Joto bạibel kathako do pusṭau gea. Joto Isoren hoṛko do mit’ṭen hoṛmo lạgit’ko hoho ocoakana, oka do manḍer kana, ar abo bạptisma katek’ bon bolok’ kana. Janam tayom, gidrạ do mit’ṭen gharojre jogaṛ joton lạgit’ bańcao lạgit’ ar hara buru lạgit’ mit’ṭen gharoj’re ko dohoakana.

17. Judi iń bạptismak’ bań reben khan, tobe okoak’ sosolhaiń nihạt’eda?

Luke 7:30 Menkhan Phạrisiko ar ạn guruko do akore ______ ______ ______ ______ ______, uni tite bako bạptis ocolente.

18. Tinre Jisui bạptismaena, ac’ baba do cet’e men keda?

Marke 1:9, 11 Onako dinre nonka hõena, Jisu do Gạlil reak’ Nasaret khone hec’ena ar Jordanre Johan titeye bạptisena. Ar serma khon aṛaṅ hõena, Am do ińren dulạṛiạ Hopon kanam, ______ ______.

Dhean: Tinre Isoren jahae gidrạ ac’ak’ kại ko khon mone ạcuret’ kan are bạptismak kan khan, Ac’ aemae kusik’kana.

Amak’ Roṛ Ruạṛ

Cet’ am ona Sonot’ bạptisma lạgit’ sapṛaem khoj kana jemon Isor ame metam, “Am do ińren Dulạṛia Hopon (Hoponera) amren kusiakana”?

Jobab: __________

Judi am bạptisma bisoete ḍherem baḍae khoj kan khan, uni Pastor se dol ren murubi okoe do noa cecet’ak’e cet’ am kan conṭacṭem amak’ sana jạhir lạgit’.

Bodolte

Noa paṭh do lahasec’ paṛhak’ lạgit’ baḍaye emok’ kana.

Bạptisma reak’ dhara
Jisu do noa mente bae bạptisma lena je uni saphak’ jạruṛaea ac’ak’ kại ko khon, cedak’je uni do bin kạiane tahek’kana. (1 Patras 2:22) Ona iạtege Johan bạptismaic’ do asbasaolena tinre Jisu do Jordan gaḍare hec’lena, uni hotete bạptismak’ lạgit’. Johan doe menkeda, “Ińgeco am tite bạptisok’ jạruṛ tiń ar am do ińṭhenem hijuk’kana?” Mathae 3:14.
Enḍekhan Jisu do cedak’e bạptisenae? Pea bises karon menak’a pạhilak’ do, okoeko do akote bako bạptis daṛeakada onko lạgit’e bạptismaena. Adom somoere tinre do hoṛko Probhuko apnarea jehelkhanare se haspatalre, noṅkan obosta hoyok’gea je onko bako bạptisma daṛeada. Jisu do onko ac’ak’ bạptisok’ reak’ lekha onkoe emakoa. Kurus cetan ren kumbṛu do mit’ṭen nạmuna kana (Luke 23:43). Dosarak’, Jisu do mit’ṭen nạmuna lekate bạptisena, jemon abo uniak’ taṛam pańja leka bon calak’ (1 Patras 2:21). Ar tesarak’ do, Jisui bạptisena jemon uniak’ aṭ’kaṛak’ ko paṛhaokatek’ abobon baḍae biswạste cet’ asok’ lagak’a mente.
Noa udug lạgit’ delabon ńela Bạibelre emakan mimit’ kạliko bạptisma khon do cet’bon as koak. Mathae 3:16, 17 paṛhaok’ tabonpe: “Tinre uni doe bạptis ocolena Jisu do khange dak’ khone rakapen khan ńelpe serma do jhic’ena ar Isoren Jiu do mit’ṭen potam leka aṛgon kana ar ac’re hijuk’ kane ńel kedea ar ńelpe serma khon aṛaṅ ańjomena, ‘Nuige ińren dulạṛia Hopon do uni unireń kusiakan.’”

“Serma do jhic’ena”                         = Abo Isorbon ńam daṛeaekana.
“Uni doe ńelkeda”                            = Aboak’ Jiuseak’ met’kin do jhic’ena,                                                                     nawa bujhạu ar  kathakoe emabon                                                                       kana.
“Isorak’ Jiu”                                       = Uniak’ ac’yur bon bujhạua.
“Potam lekae aṛgokan”                     = Suluk’ aboak’ ontore hijuk’kana.
“Mit’ṭen aṛaṅ serma khon hec’ena”  = Ona mạhir aṛaṅ ańjombonma.
“Ińren dulạṛia Hopon”                      = Abo do ac’ak’ raj huda gharońjren                                                                   hõe ocoyet’bona ar mit’ṭen eṭak’                                                                             disạmren hoṛkobon huyuk’ kana.
“Ińiń kusiakana”                                 =  Isor do purạpurite aṅgoc’ are                                                                           ikạyet’bona.

Panorama of Prophecy | Santhali, Lesson 12 ©2022 Amazing Facts International All Rights Reserved