Daniel, Hanania, Misayel, ar Asaria do Aspenasak’ nojorre ko ńamena ar onko do rajak’ siṅghạsonte ko idi ocoena. Menkhan onḍe do mit’ṭen muskilak’ huiyena. Nonko juạnko lạgit’ emlen kisạṛ jom ar ńuak’kore do aema lekanak’ jomak’ko tahẽkana okaṭak’ do Isorak’ kathare baronakada.

Akoak’ baṅ tirpitok’ reak’ baḍae begor ńel ocoete onko do ko nehor keda jemon onko lạgit’ aṛak’ sakamak’ jomak’ ar ńui lạgit’ dak’ jemonle ńam. Pạhilre raj ren guti do onkoak’jom bae ańgoc leda. “Metat’ koae onkanak’ jomtedo ape mońj hoṛmowan do bape tahe daṛek’a!” Onidoe metat’koa “Ape dope ruạk’a ar raj do ińak’ bohok’e mak’ giḍitińạ.” Menkhan Daniel do nindhạnte nehoradea, gel mãhã lạgit’ jemone biḍạu aṭkarle menteye solhawadea, Akoak’ ńelok’kan hoṛmo do onko selet’ tulạnamae okoeko do rajak’ mej khonko jomleda.

Ar noa pontha do ańgoc’ena, Ar gel mãhã hạbic’ nonko ponea juạn jihudiko do dak’ko ńukeda ar sadharon aṛak’ sakamanak’ jomak’ko jomkeda. Noa biḍạu okte reak’ mucạt’re Daniel ar ac’ren pea gateko do “Ńelok’re onko do bạṛti boge ar longo jelankoko ńelena onko joto koṛako khon okoe rajak’ soros jomak’ko jomet’ tahẽkan” Daniel 1:15.
Pe serma tayom, nonko pea juạnko do Nebukadnesar raj ṭhenko biḍạu ocoyena, Babelren sanam ạkilan hoṛko khon onko do gel ḍobolge mońjko tahẽk’ kana. Bạibele metabon kana je Daniel do mit’ sae serma gane tahẽk’ kana. Daniel ar ac’ren gateko do onak’ mońj hoṛmo ar bud, ạkil ar ạḍi din jiwedok’ lạgit’ do cet’e goṛowak’koa?

PAṚHAO

Mimit’ Bạibel kạliko paṛhao tayom khạli ṭhạiko perejpe.

1. Isorre benaolet’ manwako lạgit’ khạṭi jomak’ do cet’ tahẽkana?

Genesis 1:29 Ar Isore menkeda, Ńelben, mit’ke mit’ _____aṛak’, okaṭak’ dhạrtire menak’, ar mit’ke mit’ dare, okaṭak’re itạk’ _____ menak’ iń emakawat’pea; ape lạgit’ ona do jomak; hoyok’a.

2. Adam ar Hawa kại tayom, cet’ eṭak’ jomak’ko Isor do onkinak’ jomak’re juṭuc’ada?

Genesis 3:18 Ar tạnḍi reak’ _____ _____ joma.

Dhean: Manwako lạgit’ khạti’ jomak’ do aṛak sakap jomak’, joko ar itạko. Isor do Adam ar Hawawak’ jomak’re aṛak sakame juṭuc’ada onkin kin kạiket’ tayom ar tinre onkin do jion dare reak’ jo do ar bạkin jom daṛeada.

3. Cet’ Isor do aboak’niropan hoṛmo reak’ bisoete hudisok’gea?

Mathae 4:23 Ado Jisu goṭa Gạlil disom dãṛã dãṛãte onkoak’ sunạgogkoreye cet’akokan ar rajosṭi reak’ bhage sombate porcarakokan, ar disom hoṛko talare sanam lekan rog bighin ar sanam lekan ruạ hasoye _____ tako tahẽkana.

3 Johan 2 E dulạṛiạ, koejoṅkạnạń, jemon sanamak’rem _____ _____ ar _____ tahẽn, amak’ jiwirem jo bahak’kan leka.

Dhean: Bạibele cet’ abon kana je aboak’ niropan hoṛmo do Isor lạgit’ do ạḍi bisesangea. Jisu do tinạk’ okte cet’ako lạgit’e hatao leda onak’ oktege bogeko lạgit’ hõ. Bạibelre aema onkan niạmko menak’a okate do abo mońj hoṛmoan ar aema din jiwedok’bon daṛeak’a.

4. Isor do Israelren hoponko gok’ak’ kathae emak’ko tahẽna je judi onko Uniko sewa ar bataotae khan, Uni do joto ruạ hạso onko ṭhen khone ocoga. Cet’ uni ac’ak’ gok’ak’ kathae doholeda?

Sereńko 105:37 Oḍok ạguket’koa; Ar ac’ak’ khũṭkore _____ _____ hoṛ do mit’ hõ baṅko tahẽkana.

Dhean: Hudis legaetabonpe! Tinre Isorren hoṛko do gok’ak’ disomteko hec’ena, onre onḍe do mit’hoṛ hõ ruạ hạsuk kanko do bako tahẽkana.

5. Isor lạgit’ aboak’ hoṛmo do cedak’ ạḍi bisesgea?

1 Korinthiko 6:19, 20 Apeyak’ _____ do Sonot Jiu reak’ mundil kana … onate hoṛkore Isor mạhimawaepe.

Romiko 12:1 Apeak’ _____ do jiwet’, sonot ar Isore kusiak’ _____ menkate samaṅtape, okaṭak’ apeak’ bujanak’ sewakan.

Dhean: Isor doe khojkana aboak’ hoṛmo do jemon uniak’ tahẽn sonot ṭhại huyuk’ma. Ona iạte, abo do uni lạgit’ mit’ṭen ṭhại doho huyuk’ tabona.

6. Mońj hoṛmoan tahẽn lạgit Bạibel niạm do cet’ kana?

1 Korinthiko 10:31 Baṅ dope _____, baṅ dope_____ , baṅ do jãhãnak’ gepe cekae, sanamak’ge Isorak’ ṭhonok lạgit’ kạmipe.

Dhean: Abo do nonka tahẽn kurumuṭui lagak’a je – aboak’ jomak’ ar ńũak’te hõ – Isorak’ ṭhonok’ huyuk’.

7. Kristanko do cet’ hạnḍikoko beohar daṛeak’a?

Kahțukko 20:1 Darkha rasa do bhak’ desic’ kanae, _____ do kạumạmạuic’ge; Ar jãhãege onakinreye copaok’ uni do bae ạkilana.

Dhean: Hạnḍi lekanak’ bulak’ko do Bạibelre ekaltege nũnũ barongea. Bạibere “Darkha rasa” katha do bulok’se baṅ bulok’ darkha rasa reak’e meneda. Onage teheń doko metak’kana “Cider” se buluk’ak’. Kahțukko 23:29-32 re Bạibel do darkha rasa reak’ buluk’ak’ reak’ bisoete meneda,
Ar Isore meneda je abo do ona sec’ beṅget’hõ baṅ jạruṛa! Kristanko eken “Nawa darkha rasage” beohar jạruṛ takoa okaṭak’ do kana heṛem darkha rasa.

Jesaea 65:8 darkha jo thopare darkha ros ńamok’, ...

8. Isor do onko cet’e cekakoa okoe do akoak’ hoṛmoko bạṛic’eda?

1 Korinthiko 3:16, 17 Cet’ bape baḍaea Isorak’ mundil kanape, … Jãhãege Isorak’ mundile bạṛij, Isor do _____ _____ _____ .

Exodus 20:13 Alom _____.

Dhean: Jãhãnak’ jinisge se okaṭak’ hewa okate do hoṛmoe bạṛic’eda se jione khaṭoeda ona khon do sahaṛok’ jạruṛa. Hukum selec’te goc’ko do apnarte gojok’geko metak’a. Noa gojok’ do bạṛic’ak’kote gojok’ hoe meneda cet’leka (thamakur ona reak’ aemaleknak’ko) ar aema ńũwak’ko okako do ạḍi cạltigea menkhan ona do ạḍi bạṛic’ drugs kana oka do Kephinko (Caffine) metak’kana. Isor doe menakada je okoe do baḍae tuluic’ akoak’ hoṛmo reak’ mundilko bạṛija onko doe nosṭokoa.

9. Isor do cet’ lekan janwar jomko lạgit’e hukumakada?

Levitikus 11:3 mit’ke mit’ paṛak’ _____, metak’me, goṭage hạṭiń khurạwan ar _____ janwarko, onko dope jom daṛeakoa.

Dhean: Abo lạgit’ jinisko do algae mente, Isor do sanam jiwiwan janwarko do barea lekan hạṭińre hạṭińket’koa … sapha ar besapha janwar menkatek’. Sapha janwarko jomkope mente metabonkana menkhan uni do besapha janwarko do jomko lạgit’ do bako mońja. Sanam janwarko do okoeṭak’ doko saphagea noa barea gun menak’takoa. Unko do: (1) hạṭiń khurạ menak’takoa, ar (2) Jomak’ pạk’gurko. Nạmunalekate, Sukriyak’ do hạṭiń khurạ menak’ takoa menkhan onko do Jomak’ bako pạk’gurgea, onate onko do besapha janwar kanako.

10. Cet’lekan hako ar jalapuriren jomak’ko doko saphagea?

Levitikus 11:9 Dak’re sanam tahẽnko modre nokope jom daṛeakoa. Dak’re menak’ko mit’ke mit’ _____ ar _____ … onko dope jom daṛeakoa.

Dhean: Aema hakokoge jom lạgit’ doko saphagea. Enreho, Bạmbi hako, Jalapuri hako, Mạgur hako nonkanko modren. Dak’re sanam tahẽnko modre mimit’ ilanko ar cũiạk’anko doko besaphagea ar onkanko do baṅ jomko jạruṛa. Nạmunalekate rokoic’ko, horoko, roṭeko, icạk’ko, jalapuri rokoic’ko ar onkan ar arkoge.

11. Okalekan cẽṛẽko doko besaphagea?

Levitikus 11:15, 16 Ar sanam lekan kạhuko,_____ _____ ,_____ _____ , dak’ kẽhẽ ar lekan lekan tirmuṭi.

Dhean: Levitikus 11 re emakan cẽṛẽ okoe do sendra katek’, seawak’ko ar hakoko jomet’ko kanko do ko besaphagea. Enrehõ, sanam jomak’ sendrae cẽṛẽko do cet’leka gunḍri, sim ar bir simko do ko saphagea.

12. Sapha ar besapha reak’ ạn do cet’ Moseak’ samajik ạn tahẽkana, oka do krusre cabaena?

Genesis 7:1, 2 Am ar joto gharońjrenko jahajre bolok’pe … Sanam _____ janwarko mod khon do eae joṛ katem hataojoṅa, ạnḍiạ ar eṅgage; menkhan _____ _____ _____ khon do _____ _____  kate ạnḍiạ ar eṅgage.

Dhean: Baṅ, Sapha ar besapha janwarko do Isorre begarakada ar menak’a sirjon khonge. Noah doe hukumade tahẽna sapha janwar do eae joṛ ader ar besapha do mimit’ joṛ katek’. Ar noa do Moseak’ ạn em ạḍi din laha reak’ kathakana.

13. Cet’ Isor doe meneda je besaphawak’ jomak’ jom do mit’ṭen henostawak’ kana?

Jesaea 66:15, 17 Ente ńelpe, Probhu do seṅgelreye _____, Ar uniak’ rãt gạḍi do birbao hoe lekage … Onko one onko jaherte bolok’ lạgit’ko sonotok’ kan arko solthonok’kan, ar talare senok’kanic’ko pańja idiyedekan, _____ _____ ar hirkhạwak’ko ar goḍokoko jomet’ko, onko do mit’ domtegeko _____ , Probhuye meneda.

Dhean: He! Bạibelre ạḍi sapha ar puṭạugea je jãhãegeko bujhạu daṛeak’a. uniak’ dosar hijuk’re, Probhu doe nosṭokoak’ unko okoe doko baḍeae uniak’ katha do cet’e menda ar sukri jilkoko joma ar eṭak’ besaphawak’ jilko.

14. Kristanko lạgit’ do cet’ mit’ṭen niạm menak’a niphuṭ hoṛmoan tahẽn lạgit’?

1 Korinthiko 9:25 Ar joto haparaok’ko do sanamak’re _____ tahẽnkana.

Dhean: Sambṛaok’ mane do onako joto jinis khon sahaṛ tahẽn okako do bạṛic’gea, ar okako do mońjgea o nakore do hisạb katek’ beohar huyuk’a.

15. Bạibelre emakan hoṛmo lạgit’ niạmko do cet’ teheń hõ ko manaoeda?

A. Eskarge tahẽlekhan do ruạ baṅ ucạṛok’a (Levitikus 13:46).
B. Manwawak’ barheteak’ do topa jạruṛa (Deuteronomium 23:12, 13).
C. Um saphak’ ar kic’rik’ saphalere do tijuko bako huyuk’a (Leviticus 17:15, 16).
D. Hukum taberre tahẽlekhan loṭghuṭite huyuk’akan ruạ khon sahaṛgebon tahẽna (Leviticus 18; Kahțukko 5:1-12; Kolossiko 3:5).
E. Janwarkoak’ itil do jom baṅ jạruṛa (Leviticus 3:17; 7:22-24).
F. Kurud ar raṅgao do hoṛmo lạgit’ bạric’gea (Leviticus 19:17, 18; Kahțukko 15:17; Ibriko 12:14).
G. Jom bạṛti do bạṛic’gea (Kahțukko 23:2).
H. Aboak’ hoṛmo do mońj jirạu jạruṛa (Sereńko 127:2; Mark 6:31).
I. Kạmi reak’ bisestet’ (Exodus 20:9, 10; 2 Thessalonikio 3:10).
J. Mit’ṭen mońj colon do bhage rankangea (Kahțukko 17:22; 1 Timothi 6:6).
K. Gogo babawak’ hewa do gidrạko ṭhen paṛak’gea (Deuteronomium 12:25; Exodus 20:5).

Dhean: Hoṛmo mońj dok’hoe reak’ niạm do Isor ac’ren hoṛko do hajar bochor laharege emakat’koa okare do bigyanko ho baṅ tahẽkana. Surdinge baḍae ńamakana je ona niạmko do sạrige tinạk’ mońj goṛo huyuk’ana mente!

16. Cet’ sermare hoṛko do janwarko goc’koa arko jomkoa?

Jesaea 65:25 Bako _____ ar bako _____ Ińak’ goṭa sonot burure, Probhuye meneda.

Johan Then Sodorak 21:4 Ar _____ hõ ar do _____ tahẽna.

Dhean: Sanamak’ oka do Adam ar Hawakin at’let’ kại boloyen okatere ona do Isorak’ nãwã rajre ńam ruạṛok’a, aṛak’ sakam jomak’hõ. Nawa dhạrtire do janwar goc’ ar baṅ huyuk’a.

17. Cet’ lekate iń jomak’ ar hoṛmo reak’ bodolin’ ạgu daṛek’a okate do Probhui kusik’?

Jeheskel 11:18-20 Ar onko do noa reak’ sanam bhirikak’ko ar ona reak’ sanam hirkhạ wak’ko noa khonko _____ … Ar iń do mit’ moniń emakoa, ar onkoak’ ontorre mit’ṭec’ _____ jiuiń emok’a, … Jemon ińak ạrikoreko taṛam ar ińak’ ạnkoko dohoe ar onakoko purạu.

Dhean: Tinre abo Isorak’ hoṛmo seak’ ạn bataobon goṭajoṅa, Uni do abore mit’ṭen nãwã jiue emabona oka do abo mońj hoṛmoan tahẽn lạgit’te daṛe emabonae (Johan 1:12).

Amak’ Roṛ Ruạṛ

Isor do Daniel ar ac’ren gatekoe ganaoket’koa ac’ak’ hoṛmo seak’ hukumkoko dohoket’taete, okaṭak’ko do ạḍi bisesgea kristan jion lạgit’. Cet’ amem khojok’ kana Isorak’ kathare menak’ hoṛmo seak’ niạmko ar amak’ sonot hoṛmo jimae uniṭhen jemon uniye tahẽn?

Jobab: _________

Bodolte

Noa paṛhao do lahaseak’ paṛhak’ lạgit’ goṛoe emok’kana.

Patrasak’ dorson bujhạo

Ạḍi ḍher hoṛ do Patrase ńelet’ maraṅ cador reak’ dorson (Apostal Kamiko 10:9-28) do besapha janwar jomko lạgit’ko mengea. Onkoko mengea je noa do Jisu ac’ren celakoe cet’ak’ko tahẽna je jahan janwarge jom do bhagegea.
Enrehõ, Tinre cador do aṛgo hec’ena ar Patras do aṛaṅe ańjomkeda je ma goc’kom ar jomkom, uni doe menkeda, “Ohoge, Probhu, ente jãhãn chutak’ ar besaphawak’ do tis hõ bań jomakada.” Apostal Kamiko 10:14. Dheanak’tabonpe pe serma ar adha Jisuak’ cecetak’ko ańjom tayom, Patras do thoṛagan hõ bae ańjomakada je besaphawak’ jomak’ do ganok’gea mente. Noa baḍaejoṅ do bhagegea, je Ona cadorkhon do Partas cet’hõ bae jomleda.
Patrase ńellet’ cador reak’ dorson do besapha janwarko saphako lạgit’ do baṅ tahẽkana. Patras ac’ge noa reak’ bhede lạiyeda 28; Kạlire “Isore uduk’akawadina okoe hoṛ hõ chut se besapha aloń metako lạgit’.” Ar hõ 34; kạlire Patras do noae meneda “sạriak’kana menteń bujhạu oromeda, baṅma, Isor do methã beget’ak’ic doe baṅkana.”
Patras lạgit’ Isorak’ sombat’ do tahẽkan manwako saphako lạgit’, janwarko do baṅ. Noa dorson do Jihudiko celako sarbharaoko lạgit’ tahẽkana je eṭak’ jạtrenko do jemon besaphawan do aloko metakoma, ar bhage sombat’ do jemon mostete goṭa dhạrtirenko ṭhen pocarok’ma.

Cet’ koejoṅte jomak’ do sonotok’gea?
1 Timothi 4:1-5 re emakan tayom dinkore birudak’ korenak’ cehaonakore do koyek’ṭi cecet’ak’ko baṅ aṅgoc’akana-soetan pańjaye, baplak’ baron, adom jomak’ko khon sahaṛok’. Sanam khon bhulak’ bujhạu do 4 rak’
kạlire rakapakana, okare doe meneda je “Isore benaowakatko sanam janwarko doko mońjgea.” Noa kạli reak’ mane do sanam benaoakanak’ko mit’ṭen bisestet’ lạgit’ko benaoakana. Menkhan adomko doko mena sanam janwarkogebon jom daṛeakoa judi onko upạrte gunman johar selc’te koejoṅ katec’bon bhorak’ khan. Noa reak’ mane do huyuk’ana je Chund, Cepṛe, Godo, se Barduṛuc’ hõ mońj jomak’ko huyuka. Onkanak’ bhed bhaṅgao do ạḍi bạṛic’gea. “Alope bulạuk’a, Isor do ohoe siṛok’ ocolena; cedak’ je manwa do okaṭak’e era onage ir hoe ira.” Galatiko 6:7.
Jahan bạṛic’ak’re mucạt’ khon bańcaobon lạgit’, Pạul do usạrage noae juṭuic’ak’kana je: Ente Isorak’ katha ar koete sonot ocok’kana.” 1 Timothi 4:5. Jemon Isorak’ kathate jemon pạhil do manak’ jạruṛa ar enḍekhan hẽ
gunman johar koejoṅte do jom lạgit’e sonota. Noa disạ dok’hoe jạruṛgea je mul katha re “Jil” reak’ mane do eken jilge do baṅ kana. Junạni kathate “Broma” mane do “Jomak’” ko metak’a noate abobon baḍae daṛeak’a je Pạulak’ galmaraore do Bạibel lekateak’ besapha janwarak’ do bae meneda, cedak’ je adom jil oka do baronledae onako do jomak’ tahẽkana “Oka Isore sirjạuket’ pạtiạuk’ko ar sạriak’ baḍea oromakat’ko gun manao jaharateko hatao lạgit’.” 3 Kạli.
Noa do Isorak’ kathare ńam lạgit’ algagea ona jomak’ ko bisoete okako do Isor babae benaowakada okaṭak’ do gun manao johar katek’ jombon daṛeak’a (Genesis 1:29; 3:18; Levitikus 11:1-22). Noa do olena onko lạgit’ okoeko do ko “pạtiạuk’a ar sạriak’ baḍaeko khoja.” Isorak’ kathage sạriak’ kana. Eken onkoge okoe doko “pạtiạuk’a ar uniak’ kathako baḍaea” onkogeko ak’yur ocok’a onako jinisre oka do “sonotgea” ar “gun manao selec’te jom” lạgit’e benaowakana. Okoeko doko “sonot ocoakanko” judi onko besaphawak’ko jom idiyak’a khan Mạsiak’ dosar hijuk’re ko nosṭo ocok’a (Jesaea 66:15-17).