Khan Elisa do uniye metak’dea “lạiạńme oṛak’re do cet’ menak’tama?”

“Oṛak’re cet’ hõ bạnuk’tińa menkhan mit’ cukạk’ sunum chaḍa,” uni roṛ ruạṛadea. Thoṛa thoṛate uni do jotoak’ duṛupak’ko ar daman jinisko ac’ak’ oṛak’ reak’ uni sạue emadea tin hạbic’ ac’ak’ oṛak’re cet’hõ baṅ tahẽlen menkhan ac’ren barea koṛa ar mit’ṭen kạtic’ cukạk’re sunum. Jạitun sunum do ạḍi bises jạruṛanak’ jinis mente ko hetawak’kan tahẽna. Ona do marsal, loloe, isin ar bugeko lạgit’ko beoharet’kan tahẽna.

Khan Elisa doe menkeda, do sen katek’ aḍepaseren ṭhen khon bhajanko koe ạgu joṅme ạjạuṛe bhajankoge men thoṛa do baṅ. Ado oṛak’te bolo katek’ siń poṭomok’pe ado onako bhajanre ona sunum dulme. Onko do Elisa menket’ lekageko cekakeda, ar ạḍi mońj hahaṛawak’ huiyena. Ona kạtic’ cukạk’ khon sunum oḍok’gok’tege tahẽyena sanam cukạk’ko se bhajanko ạuri perejok’ hạbic’! Uni maejiu do nạbiye kulikedea “cet’le cekaea?” “Du sen katek’ sunum ạkhrińme, ar amak’ rin sodtam, ar sarejok’ak’te am ar amren hoponkintepe ạsolok’pe,” uni metak’koa. Uni maejiu ar ac’ren koṛakin Elisa ṭhen khon rạskạ ar sadhin selet’te ko calaoena sunum reak’ hahaṛa kạmi iạte.
Probhu doe khojok’ kana am sadhinme lạgit’ uni mit’ṭen sạu khon o koe do soetanko metae. Noa hahaṛa kạmi do onrege huyuk’a tinre uni amak’ bạṭi dul perejtam ạuri bubhạk’ hạbic’ ac’ak’ bises sunumte!

PAṚHAO

Mimit’ Bạibel kạliko paṛhao tayom khạli ṭhạiko perejpe.

1. Bạibelre, bhajan ar sunum do cet’e sodoreda?

A. Apostal Kamiko 9:15 Menkhan Probhu do uniye metadea, do calak’me, ente _____ do bachao _____.

B. 1 Samuel 16:13 Khan Samuel do dereń sunume hataoket’te uniren boehako talareye ojok’kedea; ar Probhuren _____ do enhilok’ khon Daude dec’adea. Ar Samuel do beret’ente kamateye calaoena.

Dhean: Bạibele cet’abon kana je Isor do kuṅkạl kanae ar abo do hasa bhajanko kanabon (Jirimia 18:1-6; Romiko 9:20, 21). Joto hoṛkoge mit’ṭen pontha katek’ko sirjạuakana. Goṭa Bạibelre sunum do Isorak’ sonot’ jiu reak’ nạmuna kana. Mońj jạitun sunum do diuhe marsalge juluk’akan tahẽn lạgit’ko beoharret’kan tahẽna ibrikoak’ mundilre cet’leka sonot’ Jiu do aboak’ ontore marsale onkage. Noa do Isorak’ sana kana je ac’ren sanam hoṛko ac’ak’ Sonot’ Jiute perej koa men katek’ (Joel 2:28).

2. Cet’ Sonot’ Jiu do mit’ṭen bin hoṛmoan daṛe kanae se uni do Isor kanae?

Apostal Kamiko 5:3, 4 Menkhan Patrase menkeda, Henda Ananiạs, cet’ iạte Soetan do amak’ mone perec’akada _____ _____ eṛeṭeye? … Manwa do bam eṛeakat’koa, bickom Isorge.

Ephesiko 4:30 Isorren Sonot Jiu do alope _____ _____ ocoyea, one uniregepe mohor chapen chaḍaok’ reak’ din ạuri hijuk’ hạbic’.

Dhean: Apostol Patrase meneda je Sonot Jiu samaṅre eṛe do Isor samaṅre eṛege huyuk’ kana. Ona khon hõ lahasec’, Jisu do aboe menakat’bona Baba, Hopon, ar Sonot’ Jiu ńutumte bạptismak’pe mente (Mathae 28:19, 20), Ona doe uduk’eda je Sonot’ Jiu do pene mit’ Isorren tesaric’ kanae, Baba ar Hopon barabarige. Bạibel do noa hõ menet’kana abo do sonot’ Jiu duk’ ocobon daṛeaea, oka reak’ mane do uniak’ hõ ontor menak’a. Uni do eken bin ńelok’ daṛe do baṅ kanae. Isorak’ kathare Sonot’ Jiu do gok’ṛoic’, Sonot’ Jiu, sạriak’ Jiu, Probhuak’ Jiu, Isorak’ eae goṭen Jiu, eken Jiu tet’ge. Noa sanamak’koge mit’ hoṛak’ uprumtet’ kana.

3. Sonot’ Jiuak’ mul kạmitet’ do cet’ kana?

Johan 16:13 Menkhan uni, metak’me, sạriak’ren Jiue hec’lenre sanam sạriak’ reye _____; … ar darakanak’koe jạhirapea.

Johan 14:26 Unige sanamak’koe _____ ar okakoń lạiakawat’pe sanamak’koe disạ ocopea.

Dhean: Jisu doe gok’akada je uni do abo saote jaoge tahẽna mente, ar ona do sonot’ Jiu lekatege uni do abo saote ar aboreye tahẽnkana (Johan 14:17).

4. Okaṭak’ ona mit’ṭen kại oka do baṅ ikạk’a?

Mathae 12:32 Menkhan jãhãege Sonot  Jiu _____ roṛ, uniak’ do _____ ikạk’taea, noa jugre hõ baṅ ar darakanak’re hõ baṅ.

Dhean: Sonot’ Jiu birudre henosta do mit’dom duk oco do baṅ kana, menkhan jaoge sạriak’ birudakae tahẽnge mucạt’re Isorrak’ sana birud huyuk’ kana (Ibriko 10:26, 27). Tinre mit’hoṛ jaoge birudet’ kanae ar bae aṅgoc’et’ khan uniak’ mońj hudisko do cabak’kantaea unhạbic’ okare do uni Sonot’ Jiu reak’ aṛaṅ bae pachnao daṛeak’ kana. Ona iạte mit’hoṛak’ do botor menak’ak’ je cet’ uni “baṅ ikạk’ kại” bae cekaoakada hui daṛek’a bae cekaoakada.

5. Sonot’ Jiu reak’ adom bhor danko do cet’ko kana oka do mit’hoṛe ńam daṛeak’a?

1 Korinthiko 12:8-10 Ente mit’ hoṛ do Jiu hotete _____ reak’ roṛ emaekana; ar etagic’ do _____ reak’ roṛ ini jiu lekatege; eṭagic’ do ini Jiu lekatege _____; ar eṭagic’ do _____ reak’ daya danko, ini mit’ Jiurege; ar eṭagic’ do _____ _____ reak’ rik’ka; ar eṭagic’ do _____; ar eṭagic’ do jiuko pak’chnao; ar eṭagic’ do judạ judạ pạrsi roroṛ; ar eṭagic’ do _____ torjok’mage.

Dhean: Tinre Sonot’ Jiu aboak’ jionre hijuk’ kana, uni do judạ judạ bhor dankoe ạguieda. Joto hoṛ do mit’lekan dan do bako ńameda (1 Korintians 12:29-31). Isorak’ kathare do jaoge menet’ kana Sonot’ Jiute perejok’ do ạḍi bises gea. Jisu do Johan 3:5 re cet’ abon kana je “Jãhãe dak’ ar Jiu khon bae janamlen khan, Isorak’ rajre ohoe bolo daṛelena.” Duk’ reak’ do noage, Sonot’ Jiu ar uniạk’ kạmi do jaoge eṭak’geko bujhạueda. Adom hoṛko cet’akogea je Sonot’ Jiu do bin hoṛmowanak’ daṛe kana; eṭak’ko do uniak’ dinạm manwako upạrte ạk’yur bako aṅgoc’kea; ar enre hõ eṭak’ko do ko cet’akoa je mimit’ hoṛ okoe do Sonot’ Jiuteko perej akan onko do eṭak’ pạrsite galmarao huyuk’ takoa.

6. Bhordan reak’ okaṭak’ bisoe do korinthian, manḍerre birud huilena?

1 Korinthiko 14:1, 2 Dulạṛ khudạupe; ar jiuteak’ danko ńam lạgit’ jidpe, menkhan ḍhertet’ do jemonpe nạbi. Ente eṭak’ _____ roroṛic’ do hoṛko tuluc’ do baṅ, menkhan Isor tuluc’e roṛeda; ente okoe hõ bako bujhạutaea; menkhan okoak’ko jiuteye roṛa.

Dhean: Laha dinko reak’ kristan manḍerleka, pạrsi reak’ bhordan do mit’ṭen torkok’ reak’ bisoe hui akana. Ona iạte ale ạḍi ḍher olakadale noa bisoete bujhạu abon lạgit’ je Bạibel do Sonot’ Jiu reak’ dan bisoete cte’e cet’ abon kana mente.

7. Jisu do ac’ren celako goṭa dhạrtire porcarlere cet’lekate goṛoakoa mente gok’ak’e emakat’koa?

Marke 16:17 Nawa _____ roṛa.

Dhean: Bạibelre, “Pạrsi” katha reak’ mane do “bhasa” kana. Jisuren celako do budan hoṛgeko tahẽk’ kana menkhan ḍher hoṛge begor paṛhaoanko tahẽk’kana. Goṭa dhạrti bhage sombat’ idi pasnaore goṛo lạgit’, Jisu do mit’ṭen bises daṛe emakoae mente gok’ak’e emako tahẽna jemon onko eṭak’ disom reak’ bhasako ko roṛ daṛeak’ onko do bako paṛhao akana se baḍae hõ bako baḍaea.

8. Tinre celako do sonot jiuko ńamkeda unre cet’ huiyena?

Apostal Kamiko 2:1, 4 Ar _____ din seṭeren khan, … Ar sanamkoge Sonot Jiuteko perec’ena ar eṭak’ _____ roroṛko nandhaoena, Jiu roroṛe danat’ko leka.

Dhean: Pentekost reak’ din do jihudi koak’ porob tahẽkana oka do senparom porob tayom moṛe gel mãhãko manaowet’kan tahẽna. Goṭa dhạrtiren biswạsi jihudiko do Jirusalemte dewa sewa lạgit’ko hijuk’kan tahẽna. Ac’ak’ sonot jiu reak’ daṛete, Isor do ona ok’tere celako pạrsite roṛ reak dankoe emak’koa jemon celako ona reak’ sarbharaote bhage sombat’ onko ko talare ko porcarakoak’ pạrsite. Okoe ko do ona bhage sombat’re ko pạtiạuena onko do akoak’ disomte ko iditorakeda ona bhage sombat’.

9. Onko bidesiako do cet’ aṭkarko ńamkeda tinre onko do sonot jiuko ńamlet’?

Apostal Kamiko 2:11 Kretikon ar Arabiko, aboak’ nij _____ Isor reak’ maraṅak’ko roroṛkanbon _____ ko do.

Dhean: Noa do adom somoe noako mena je sonot jiu reak’ daṛe do “serma reak’ bhasa kana” oka do eken Isorge bujhạua ar onko okoe do onako torjomaea. Bạibel do pusṭạute meneda je celako ar onko okoe ko doko ańjomet’kan tahẽn onko doko bujhạukeda cet’ko porcaret’kan tahẽna ona - “Isorak’ ạḍi bhage kạmiko.” Isorak’ kathare eken pea nạmuna emakana oka do pạrsite galmarao reak’e meneda. Abo do pạhilak’rebon ńelkeda; dela nitok’ do sarec’ak’ baṛebon ńela jemon ona pusṭạuk’.

10. Tinre Patras do Kornelius ar uni gharońjren koe porcarat’kore cet’ huiyena?

Apostal Kamiko 10:44, 46 Patras onako kathae roroṛ kan tahẽkan tuluc’ge katha ak’ńjomkanko sanamkore Sonot Jiue ãṛgoena. … Ente buliko roroṛkan ar Isor _____ ańjomket’koa.

Dhean: Kornelius do mit’ṭen Iṭalikoak palton khataren subedare tahẽkana (Apostal Kamiko 10:1), Patras do jihudi tahẽkana enre hõ aramik’te galmaraok’kan tahẽkanae. Itihasre hõe metabon kana je Roman gharońjre guti do dhạrtiren jãhã ṭhại khongeko hui daṛeak’a. Noa sobhare do pạrsi reak’ ạnḍuṅ tahẽkana. Enre hõ, tinre do sonot jiu kornelius ar ac’ak gharońjren ko ṭhen hec’ena, onko hoṛ okoe do Patras saoteko hec’len onko do ko bujhạu daṛeak’ kan tehẽna je onko do akoak’ pạrsi khon eṭak’ak pạrsi hõ ko galmaraoet’ kana mente. Onko do ko ańjom ket’koa je onko do onako pạrsite “Isorko sarhaoedea” kana mente. Noa aṭkar do Jerusalemren manḍer ạk’yur koe lạiyat’koa, Patrasse menkeda, “Sonot Jiu do onkoreye aṛgoyena, cet’ leka etohop’re alere hõ.” Apostal Kamiko 11:15, Kornelius ar ac’ren gharońjren hõ ona pạrsi reak’ danko ńamkeda cet’leka celako ko ńamlet’ penṭekost dinre. Onko do pạrsiteko galmaraokeda oka do bujhạuena.

11. Cet’ huiyena tinre Paul do gelbar celakoe porcarak’koa?

Apostal Kamiko 19:6 Ar Pạul onkoe capoket’ko khan Sonot Jiu do onkoreye hec’ena, ar bulikoteko roṛkeda arko _____ .

Dhean: Pạul, okoe do ạḍi paṛhaowan hoṛe tahẽkana ar aema jaegate dãṛãn hoṛe tahẽkan, aema pạrsiteye roṛet’kan tahẽna (1 Korinthiko 14:18). Tinre sonot jiu do noṅko ephisasren gelbar hoṛko ṭhen aṛgoyena, Pạul ar Luke do kin bujhạu daṛeak’kan tahẽna je oka pạrsiteko nạbiyet’kan tahẽn ona pạrsi do laha bạkin ańjomakat’ tahẽna.

12. Bạibel do cet’e meneda pạrsite roṛ babaote oka do baṅ bujhạuk’kan?

1 Korinthiko 14:9 Onkage ape hõ _____ bujhạuk’ak’ alaṅte bape phuṭạule khan roṛogok’a?

1 Korinthiko 14:19 Menkhan manḍer talare eṭak’ pạrsite gel hajar kathań roṛ khon bickom ińak’ bujte mõrẽ goṭec’ kathageń roṛkea, jemon eṭak’ko hõń _____ daṛeako.

Dhean: Pạul do ghạṛi ghạṛi noae lạiakada je pạrsite roṛ reak’ mane do kana galmaraok’ se sạriak’ lại lạgit’. Junạni bhasate “baṅ baḍae” pạrsi do mul Bạibel kathakore do baṅ ńamok’kana, menkhan torjomaet’ko hotete baḍae ocolena je onḍe tahẽkanko lạgit’ do ona pạrsi bidesiạge tahẽkana. Korinktia reak’ manḍer do mit’ṭen ạḍi ḍher jạtren hoṛkoak’ manḍer tahẽkana, ar adom ok’tere do onkoak’ dewa sewa bujhạu lạgit’ muskilge tahẽkana tinre onko do akoak’ porcar, gohako se akoak’ koejoṅko eṭak’ pạrsiteko menet’kan tahẽna oka do onḍe tahẽnkanko do baṅko bujhạuet’kan tahẽna. Ona iạtege Paul doe hukumak’ko tahẽna thir tahẽn lạgit’ judi ona jãhãe torjomae lạgit’ bạnuk’ko khan oka pạrsi do eṭak’ko bako baḍaea (1 Korinthiko 14:28). Abo lạgit’ cecet’ak’ do noage je judi jãhãe onḍe hạjir menak’ko hoṛ bako bujhạule khan abo do onḍe ona pạrsite roṛ se koejoṅ baṅ jạruṛa.

13. Ona Babel reak’ mul cal colon do cet’ tahẽk’kana?

Genesis 11:7, 9 Delabon ãṛgonte onkoak’ pạrsi onḍegebon _____, jemon mit’ hoṛ do soṅgetenic’ak’ katha _____ bujhạu. … Onate ona reak’ ńutum do _____.

Dhean: Babel reak’ buruńjge ona jaega tahẽkana okare do pạhil hoṛkoak’ pạrsi do bodolentakoa. Babel ar Babylon do Ibri kathate banarge “Babel” ona reak’ mene do “gaḍbaḍi.” Johan Then Sodorak 18 re, Isor do ac’ren hoṛko ona Jiu seak’ Babel khon oḍok’ hijuk’e metako kana. Jiu seak’ Babel reak’ mit’ṭen colon do kana pạrsi reak’ gaḍbaḍi.

14. Baḍae tuluc’ Isorak’ hukum rạput’ko do cet’ ac’ak’ Jiuteko perec’ ocok’a?

Johan 14:15-17 Ińpe dulạṛrediń khan, ińak’ _____ dohoea. Ar iń do Babań koeyea, ar uni do mit’ṭen eṭak’ Sok’hot’ic’e emapea, … uni _____ Jiuge.

Apostal Kamiko 5:32 Ar Sonot Jiu hõ, one okoe Isor do ac’ _____ taekoe emakawat’ko.

Dhean: Okoe ko do Isorak’ hukumko bako batao onko ṭhen do sonot Jiu reak’ daṛe bae thamgạḍi daṛeak’a.

15. Abo do okaṭak’ Jiu reak’ dan ńam lạgit monejoṅ jạruṛa mente Paul doe metabon kana?

1 Korinthiko 14:4, 5 Eṭak’ pạrsite roroṛic’ do apnargeye benao rakabok’a; menkhan nạk’biyic’ do kạlisiạrenkoe benao rakap’koa. … Menkhan ḍhertet’ do jemonpe nạbi ente eṭak’ pạrsikote roroṛic’, kạlisiạrenko benao rakabok’ lạgit’ bae torjomae khan,_____ do uni khone sorosgea.

1 Korinthiko 14:12 Onkage ape hõ jiuteak’ danko lạgit’ jijidko kantepe,_____ benao rakabok’ lạgit’ apepe _____ mente ńam baṛaepe.

Dhean: Pạul do Jiu reak’ dan pạrsi khon do nạbiko reak pạrsi reak dange bạṛti bises mente metabonkana, nit adomko do noa cecet’ak’ko emako kana je jãhãege Sonot Jiuteko perec’akana onko do pạrsiteko galmaraok’a. Bạibel reak’ 25 goṭen khon ḍher okare do ac’ren hoṛko Sonot’ Jiute perec’let’ koae, eken pe jaegarege pạrsi reak’ dan do kana okaṭak’ do ona joṛao menak’a. Apostol Paul okoe do nawa niạm reak’ 14 ṭi puthi olakada, uni do pạrsi reak’ eken mit’domgeye olakada –
1 Korinthiko. Nawa niạm reak’ 27 goṭen puthire eken pea kạlirege pạrsite roṛ reak’e meneda.

16. Isor do cedak’ ac’ak’ sonot’ Jiute hoṛkoe perec’et’koa mul karon do cet’kana?

Apostal Kamiko 1:8 Menkhan _____ ńama, Sonot Jiu apereye hec’lenre, ar ińren _____ hoyok’a.

Apostal Kamiko 4:31 Ar jotoge Sonot Jiuteko perec’ena ar _____ _____ _____ roṛtet’ tahẽkana.

Dhean: Isor do ac’ak’ Jiute perec’et’bona gohae bakhra daṛe ńam lạgit’!

17. Cet’ noabon lại daṛeak’a je mit’hoṛ do Sonot’ Jiute perec’ akana se baṅ?

Mathae 7:20 Enḍekhan onkoak’ _____ oromkoa.

Dhean: Abo do mit’hoṛ Sonot’ Jiu reak’ bạptismae ńam akada, Jiu reak’ dante do baṅ menkhan Jiu reak’ jo kote oka do “duk’lạṛ, rạskạ, suluk, sobori, susṭop, bhạlại, pạtiạr, mạhir, sambṛao” kana onatebon oromea (Galatiko 5:22, 23).

18. Cet’ lekate Sonot’ Jiu reak’ bạptismań ńam daṛeak’a?

Luke 11:13 Ado enḍekhan apepe bạṛic’re hõ aperen gidrạ bhage dan emakope baḍaege khan, tinạk’ artet’ge Serma Baba do ac’ _____Sonot Jiue emakoa.

Dhean: Cet’leka Jisu ṭhen asambheṛ Sonot’ Jiu tahẽk’kana, abo hõ Isorbon koe daṛeaea jemon aboak’ bhajankoe bubhạk’ hạbic’e perej, menkhan pạhilte abo do aboak’ ontor jimại tuluc’ khạlik’ jạruṛa.

Amak’ Roṛ Ruạṛ

Jisu do aboak’ jionre Sonot’ Jiu reak’ daman sunum dulabonae mente tạṅge are khojkana. Cet’ nitok’ amem metaea jemon Uni amak’ mone ar ontor sambṛao lạgit?

Jobab:_____________