Petera kha a sual vang ngawr ngawr ni bik loin a thinlungah chapona leh midang ngaihdan ngaih pawimawh lutukna a awm vang a ni a. Chumi zana mipuite Isua man tura an lo kal a, mi zawng zawngin an thlir thup lai chuan Petera chuan a zirtirtu chhan tumin a ngunhnam a rawn phawrh a. Mahse darkar tlemte a ral hnu, Isua ro an relsak lai chuan kawt vela mi awmte khan Isua zirtir a ni em tih an lo zawt a, hetah hian vawi thum lai mai a phat a. A tawp berah phei chuan anchhia lawh hial khawpa tangin a phat a ni (Matthaia 26:74).

Ar a lo khuan lai chuan Isua chu rorelna hmunah vengtuten vua in an sawisa a. Peteran Isua a va en chuan amah chu hmangaihna leh khawngaihna nen a rawn en tih a va hmu a, a thinlung a na em em a. Petera chuan “Zâninah âr a khuan hmain vawi thum mi phat ang,” Lalpan a hnêna a tih kha a hre chhuak a. Pâwnah a chhuak a, a ṭap ta zawih zawih a (Luka 22:61-62).

Hemi ni atang hian Petera chu mi thar a lo ni ta a. Midangte ngaihdan leh midangte tihlawm a tum ber tawh lo a, Pathian chiah tihlawm a lo tum tawh a ni. A lo pianthar hnua Isua chanchin a hril vanga puithiamte hmaa rorel sak tura an rawn hruaia, vuaka an vau pawhin huaisen takin, “Mihring thu aiin Pathian thu kan zawm zawk tur a ni,” tiin a lo sawi hial a ni (Tirhkohte 5:29). Petera chuan a Lalpa phat leh ai chuan Rom awptu Nero-a’n kraws-a letlinga a khai hial huamin, Isua a hmangaihna leh a rinawmna a lo tilang ta a ni.

ZIRLAI

Bible thu i chhiar zawh hnuah a kar awlte hi dah khat rawh.

1. Engtin nge Pathianin A lamah kan tan leh tan loh a thliar hran?

Matthaia 7:21 ‘Lalpa, Lalpa’ mi ti nazawng chu vânramah an lût __________ vang a; ka Pa vâna mi __________ zâwng titu erawh chu an lût ang.

Rom 6:16 Tu hnênah pawh an thu âwih tûra bâwiha in __________ chuan (thihna khawpa sual bâwih emaw, felna khawpa thu âwih bâwih emaw), a thu in awiha __________ chu in ni tih in hre lo vem ni?

Note: An thu kan awih thinte tan kan rinawm thin tih hi chu mi zawng zawng hriat a ni awm e. Pathian bawih ka ni ti chunga Setana emaw khawvel thil lam thu kan ngaih pawimawh zawk tlat chuan keimahni kan inbum tihna a ni.

2. Petera’ n Pathian thu leh mihring thu a inkalh changa kan awih zawk tur a tih kha eng nge?

Tirhkohte 5:29 Nimahsela, Petera leh tirhkohte chuan, “Mihring thu aiin __________ thu kan zâwm zâwk tûr a ni.

Note: Petera a pianthar hnu leh Isua a hmangaih tak tak hnu khan Puithiam leh roreltute hnenah Pathian tana a rinawm hmasak ber dawn thu a hrilh a. Ni hnuhnungah chuan sakawlh leh khawvel dan te leh Pathian dan te hi a inkalh lo thei lo tih kan hria a. A nghawng chu eng pawh ni dawn se Pathian dan te hi awih kan tum tlat tur a ni.

3. Pathian kan hmangaihna chu engtin nge kan tihlan ang?

Johana 8:31 Chutichuan, Isuan amah ringtu Juda-te hnênah chuan, “__________ __________ in awm reng chuan ka zirtîrte in ni tak tak ang.

Johana 14:15 Nangnin mi hmangaih chuan ka thupêkte chu in __________ ang.

1 Johana 2:4 A thupêkte __________ si lova, “Amah ka hria,” titu chu mi dawthei a ni, thutak amahah a awm lo.

Note: Isua kan hmangaihna kan tihlan dan tha ber chu a duh zawng tih a ni a, Pathian duh zawng kan tih tur chu A dan te zawm hi a ni (Sam 40:8).

4. Engvangin nge Isuan mi vervekte kha sakhaw mi tak anga an lan nia A sawi?

Matthaia 6:2 Chutichuan, mi hnêna englo i pêkin, mi vervêkten mi __________ an hlawh theihna tûra inkhâwmna inahte, kawtthlêrahte an tih ṭhin ang hian, i hmaah tawtawrâwt hamtîr suh. Tihtak meuhvin ka hrilh a che u, an lâwmman chu an hmu zo tawh.

Matthaia 6:5 Tin, in ṭawngṭaiin, mi vervêkte angin in ti tûr a ni lo; miin an __________ theihna tûrin inkhâwmna inah te, kawtthlêr pêng takah te,
ding chunga ṭawngṭai an ngaina si ṭhîn a. Tihtak meuhvin ka hrilh a che u, an lâwmman chu an hmu zo tawh.

Note: Bible chuan, “Mihring chuan pawn lam landan an en thin a, Lalpa chuan thinlung lam a en zawk thin a ni” (1 Samuela 16:7). Kristian tha tak chuan khawvel in a ngaihdan ai chuan Pathianin A ngaihdan tur a ngai pawimawh zawk tur a ni.

5. Mi tam zawkin an zawh ang kawng zawh ve hi a him em?

Exodus 23:2 Thil sual tih tumin mipui chu i __________ tûr a ni __________ va; thubuaiah pawh a tam lam, a dik lo zâwk lamah chuan i ṭang ve mai tûr a ni hek lo.

Matthaia 7:13-14 Kawngka zîmah chuan lût rawh u; __________ kalna kawngka chu a zau va, a kawng pawh a zau bawk a, chumi lama lût chu tam pawh an __________ hle a ni; nunnaa kalna kawngka chu a zîm a, a kawng pawh a chêp bawk a, a hmutute pawh tlêm tê an ni.

1 Petera 3:20 chu chuan hmâna Nova dam laia, lawng siam chhûng zawnga Pathian dawhtheihnain a nghah lai khân an âwih lo va; chu lawngah chuan mi __________ tê (chu chu mi pariat tihna a ni) tuia __________ an awm ta:

Note: Hun kal tawh kan thlir chuan a tam zawk te kawng zawh hi a dik lo fo tih kan hmu a. Mosia kha den hlum a, Aigupta rama sal ni tura let leh duh tu te kha mipui tam zawk an ni (Numbers 14:4-10). “Khengbet rawh, khengbet rawh,” ti a au te pawh kha mipui tam zawk an ni leh bawk (Luka 23:21). Hun hnuhnunga sakawlh chhinchhiahna nei tu tur te hi mi tlem zawk ni loin mi tam zawk tho an ni leh dawn a ni (Thupuan 13:16).

6. Pathian dante aia mihring thu leh thu rochhiah kan ngaih pawimawh zawk hian Isuan engtiangin nge a ngaih?

Marka 7:7, 9 Eng pawh ni sela, an zirtîrnaa mihring thupêkte an zirtîr avângin, an mi biak ṭhin hi a __________ mai a ni,’ tih ziak ang hian. ... Tin, amah vêkin an hnênah, “__________ thurochhiahte chu in pawm theihna tûrin Pathian thupêkte in duh lo hi rem in hre zet mai e!

7. Kristianna dik tak hi ni hnuhnungah kan la vuan zel ang em?

Matthaia 24:9 Chumi hunah chuan hrehawm tuar tûrin an mantîr ang che u a, an tihlum ang che u; ka hming avângin hnam zawng __________ __________ in ni ang.

2 Timothea 3:12 A ni, tu pawh Krista Isuaa Pathian __________ awm tum apiang chuan tihduhdahnate an __________ bawk ang.

Thupuan 12:17 Tichuan, dragon chu __________ chungah chuan a lo thinur a, a thlah la awm, Pathian thupêkte zâwma Isua hriattîrna thu pawmte chu __________ tûrin a kal ta a.

Thupuan 13:15 Tin, sakawlh lim chu a ṭawng theihna tûr leh, sakawlh lim chibai bûk lo apiang a __________ theih bawkna tûrin, sakawlh lim hnênah chuan thâwkna a pêk phal a ni.

Note: Ni hnuhnungah chuan Setana leh a ho ten Pathian fate leh Bible ring tlattute an la do dawn a ni.

8. Pathian leh mihring rawng a bawl kawp theih em?

Matthaia 6:24 Tu mân hotu pahnih rawng an bâwl kawp thei lo: pakhat __________ pakhat an __________ ang; a nih loh leh, pakhat ṭanin pakhat an hmusit ang. Pathian leh sum rawng in bâwl kawp thei lo ve.

Matthaia 12:30 Tu pawh ka lama ṭang lo chu mi __________ a ni; tu pawh mi lâk khâwmpui lo chuan a tidarh a ni.

Note: Isua leh Setana inbeihna ah hian tuilairapin a awm theih loh a, a sir atanga lo thlirTu ringawt a nih theih hek loh. Isua kan tanpui a nih loh chuan Setana kan tanpui tihna a ni ang.

9. Isua aiin thian emaw chhungte emaw kan hmangaih thei em?

Matthaia 10:37 Tu pawh a __________ emaw, a pa emaw keimah aia hmangaih zâwk chu ka mi ni tlâk a ni lo; tu pawh a fanu emaw, a fapa emaw keimah aia hmangaih __________ pawh ka mi ni tlâk a ni lo.

Luka 14:26 “Tu pawh ka hnêna lo kal chuan, a pa te, a nu te, a nupui te, a fa te, a __________ te, a farnu te, ama __________ nên lam pawh a huat loh chuan ka zirtîr a ni thei lo vang.

Matthaia 12:50 Tu pawh ka Pa vâna mi __________ zâwng ti apiang chu ka unau te, ka farnu te, ka __________ te an ni asin,” a ti a.

Note: Heta Isua in sawi a tum ber chu kan hmangaihte kan puih theih dan tha ber chu Isua kan nuna kan dah hmasak ber hi a ni. Min siamtu leh kan Chhandamtu aia kan thiante leh kan chhungte kan dah hmasak zawk hian kan tisual fo thin a ni.

10. Isua aia kan hna emaw kan rosum te dah pawimawh hmasak zawk hi a tha em?

Matthaia 16:26 Miin __________ hi a pumin nei sela, a __________ chân si sela, a tân eng nge sâwt ang? A nih loh leh, miin a nun aiah eng nge a
pêk ang?

Luka 12:15 Tin, an hnênah, “Fîmkhur ula, awhna rêng rêng lakah chuan invêng rawh u; __________ ngah hi mihring dam chhan a ni lo ve,” a ti a.

Note: Hlimna hi hna tha leh thil man to tak tak ah a innghat tih rinna hi inbumna mai a ni. Isua chuan, “Pathian rama mi hausa an luh aiin hriau benga sanghâwngsei kal tlang a awl zâwk,” a ti a (Marka 10:25).

11. Thudik kan hriat tawh hnua Pathian duhdan la zawm loh reng hi a pawi em?

Hosea 4:6 Ka mite chu hriatna tlâkchham avângin __________ an ni a, Hriatna i __________ avângin kei pawhin ka puithiam i nihna ata ka hnar tawh ang che. I Pathian __________ i theihnghilh vei a, Kei pawh hian i fate ka theihnghilh ve ang.

Hebrai 10:26 __________ hriatna famkim chu kan chan __________ thil kan tihsual luih si chuan, sualte tâna inthawina a awm tawh hauh lo vang a,

12. Thudik pawm duh lote chungah eng nge thleng ang?

2 Thesalonika 2:10-12 __________ mêkte tân fel lohna bumna tinrêng nên a ni ang; chhandama an awm theihna tûrin __________ __________ chu an pawm loh vâng a ni. Chuvâng chuan dâwt thu chu an __________ tûrin Pathianin sual hna thawhna an hnênah a thlentîr ang, thutak âwih lova fel lohnaa lâwm zâwkte chuan thiam loh an chan vek theih nân.

Johana 3:19 Hei hi thiam lohna a ni, êng khawvêlah a lo kal a; nimahsela, miten êng aiin thim an __________ zâwk, an thiltihte a __________ avângin.

Note: Bible chuan Isua hi thutak a ni tih min hrilh (Johana 14:6). Thutak kan pawm chuan Isua kan pawm tihna a ni a, thutak kan hnawl chuan Isua kan hnawl tihna a ni.

13. Ni hnuhnunga Pathian mite tiduhdah tute chuan thil dik an ti niin an inhria ang em?

Johana 16:2 Inkhâwmna inahte an hnawntîr ang che u a; a ni, tu pawh a tihlum tûr che u apiangin Pathian chungah thil __________ tiin an __________ ang, chutiang hun chu a thleng dâwn.

14. Petera khan thutak hriaa zawm duh lote kha engtin nge a sawi?

2 Petera 2:21-22 AKawng fel chu hriat hnua thupêk thianghlim an hnêna kawltîr chu __________ ai chuan, kawng fel chu hre __________ sela an tân a ṭha zâwk tûr a ni si a. “Ui ama luak lamah a kîr leh a, vawkpui inbual fai tawh pawh chirhdiakah __________ __________ a kîr leh a,” tih thufing tawi dik tak ang thu chu an chungah a lo awm ta a ni

15. Isua zui hian mahni inphatna leh tawrhna a keng tel em?

Luka 9:23 Tin, amah vêkin mi zawng zawng hnênah, “Tu pawhin mi zui a duh chuan, mahni __________ pawisa lovin, ni tin a kraws puin mi zui rawh se.

16. Isua zui hi nakina tihtura khek chi a ni em?

Hebrai 4:7 rei tak hnu khân Davidaah chuan “vawiin hian” tiin, ni eng emaw a ruat nawn leh a ni, “Vawiin hian a aw in __________ chuan In thinlung tikhauh suh u,” tia a hmaa ka sawi ang khân.

Hebrai 2:3 heti kauva chhandamna ropui hi thlahthlam ila, engtin nge kan tlân chhuah theih tehlul ang? Chumi chhandamna thu chu a tîra Lalpa hmanga __________ a ni tawh a, a hretute chuan min tihnghehsak a;

2 Korinth 6:2 “Hun lâwmawmah ka ngaithla che a, Chhandamna nîah ka ṭanpui che,” a ti si a. Ngai teh u, tûn hi hun __________ chu a ni a; ngai teh u, tûn hi chhandamna __________ chu a ni.

Note: Pathian aw ngaihthlak hun tha ber chu A aw i hriat hun kha a ni a. Pathian duhzawng tih hun tha ber chu A duhzawng a hriattir hun che kha a ni. Setana thang chhuanvawr ber chu mihringte hian Pathian aw chhang turin hun tam tak an la nei anga inhriattir hi a ni. Setana chuan Thlarau Thianghlim aw hi kan ngaih pawimawh loh zel chuan a zawi tial tial anga hriat loh hun kan nei dawn tih a hrechiang em em a. Mi tam tak ‘engtikah emaw’ Isua la zui tum tute hi boral hlen tam tak an awm dawn a ni.

17. Thutak pawm leh zawm chuan eng nge hlawkna a neih?

Sam 119:165 I dân ngainatute chuan __________ nasa tak an nei a; Tlûkna rêng rêng an nei lo.

Johana 8:32 Tin, thutak in hria ang a, thutak chuan bâwih a __________ ang che u,” a ti a.

1 Petera 1:22 Unaute hmangaih tak tak tûrin, thutak zâwma in thlarau in __________ tawh avângin, thinlunga ṭhahnemngai takin inhmangaih tawn
rawh u;

Note: Thlamuanna, himna leh zalenna nasa tak chu thutak hriaa zawm tut e thinlungah leh nunah a awm thin.

18. Isuan Petera kha zawhna vawi thum a zawh nawn kha eng nge?

Johana 21:17 Tin, a vawi thumnaah chuan a hnênah, “Simon, Johana fapa, nangin kei mi __________ em?” a ti a. Tin, a vawi thumnaah, “Nangin mi
ngaina em?” a hnêna a tih avâng chuan Petera chu a lungngai a, a hnênah, “Lalpa, engkim i hria a, ka ngaina che tih i hria e,” a ti a. Isuan a hnênah, “Ka berâmte châwm rawh.

Note: He zawhna hi Pathian hnena kan impumpek dawna thil pawimawh ber a ni. Amah chu i hmangaih em?

I CHHANNA

Thutak leh thudik hi he khawvel bawlhhlawh takah hian mten an inchuh rawn a ni ngai dawn lo a, mi tam zawk chuan kawng awlsam lam pan an thlang fo dawn a ni. Amaherawhchu Isuan A hmangaihna ropui tak chu sual man tlak nana A nunna pein a rawn lantir a ni. Pathianin i nun kal zel tur atan ruahmanna tha tak a neih avangin A thutak i hriat theih turin a rawn lantir a. He A hmangaihna hi i thinlung A hnena hlana, Amah Lal atana pawm leh kal tura A tihna che apianga kal in i chhanglet thei ang em?

CHHANNA: ___________

Panorama of Prophecy, Lesson 24©2022 Amazing Facts International All Rights Reserved