1. Isolara nang·ko simsakbebeama?
Iano Ua maiko aganaha: “Angni nikanio na·a gamchatgipa aro mandera·ani ong·ani gimin, aro anga nang·na ka·saahani gimin.” (Isaia 43:4). “Oe, jringjrotni kasaanichi anga nangna kasaaha” (Jeremia 31:3.
Aganchakani: Isolni nang·na bon·changgijagipa ka·saaniko darang mandeba u·isokja. A·gilsako nang·ni janggisan gimana nanggenchimoba Ua nang·na ka·sakugen. Aro darang gipin papiko jokatna dongjaoba Jisu nang·na An·tangni janggiko on·kugenchim. Uni nikanio na·a gamchatgipa ong·a ine u·ina mamungdakeba gualnabe. Ua nang·na ka·sara aro nang·ni gimin ning·tue simsakaniko daka.
2. Maikai Isol nang·na An·tangni ka·saaniko mesokaha?
“Maina Isol a·gilsakna inditan ka·saaha, ua an·tangni saksa kamkam Depantekon on·jok, maikai uo bebera·gipa sakanti gimagija jringjrotni janggiko man·gen.” (Johan 3:16). “Ianon Isolni ka·saako an·chingo parape·aha, chong·motan Isol an·tang Depante saksa kamkam ba·giminko a·gilsakona watataha, maikai an·ching uachi tangna man·gen. Ianon ka·sara donga, an·ching Isolna ka·saachim, indake ong·ja, indiba ua an·chingna ka·saaha, aro an·chingni paprangni a·sel nangrimatani ong·china an·tang Depanteko watataha” (1 Johan 4:9,10).
Aganchakani: Isol nang·na inditan ka·saahani gimin, Ua An·tangni saksa kam kam Depanteko duk chakna aro sichakna watataha. Ua nang·oni jringjrotna dingtangna ong·ja. Indakgipa ka·saaniko chu·gimik ma·sina gita namen neng·beani ong·naba donga, indiba Isol iako nang·na dakaha.
3. Maikai Ua nang·gita dake sanababa ka·sana man·aha?
“Indiba an·chingna an·tang ka·saako Isol nama ine mesoka, maina an·ching papi ong·engon Kristo an·chingna sichakaha” (Romrangna 5:8).
Aganchakani: Ian saoba iako man·na kraani giminde ong·ja. Saksamangba papni dormahana agre mamungkoba man·na amja, jean siani ong·a (Romrangna 6:23). Indiba Isolni ka·saaniara mamungoba pangchakjaha. Ua cha·ugipa, til·ekgipa aro mande so·otgipanaba ka·sara. Ua an·tangtangni gimin chanchiaigipa, gisik cha·chipilgipa, aro pekgipa ringaniko ringgiparangnaba ka·sara. Na·a maikoba dakmanahaoba, ba na·a maikoba dakengoba, Ua nang·na ka·sara – aro Ua nang·ko paponiko aro signi sastioniko jokatna nangnikenga.
4. Jisuni sichakaniara nang·na maiko dakaha?
“Nibo, mairongpile ka·saako Pagipa an·chingna on·aha maikai Isolni dedrang ine an·chingko minggen; aro an·ching ong·a” (1 Johan 3:1). “Indiba badita mande uko ra·chakaha, ua uamangna, chong·motan uni bimungo bebera·giparangna, Isolni de ong·china bil on·aha” (Johan 1:12).
Aganchakani: Kristo nang·ni kosako siani sasti on·aniko chu·ongnikatna sichakaha. Ua mande ong·e atchiaha jedakode Ua pilak mandeni saknaa nanganiko man·na nangani gita saknana nanggen.Aro da·o, da·alo, Ua maiko dakaha uni man·gniko nang·na on·enga. Uni pap gri ong·e jannggi tanganiko nang·na on·aha jedakode na·a toromi ine chanako man·gen. Uni sichakaniko nang·ni pilak guale dakanirangna chu·gimikan gamchakaha ine Isol ra·chakaha, aro jensalo Ua nang·na maiko dakaha indin on·ani ine ra·chakon, na·a Isol An·tangni nokdangona Uni detang ong·e rimnapaniko man·gnok.
5. Maikai na·a Jisuko ra·chakgen aro siaoni janggiona batanggen?
Aganchakani: Nang·ni nanganiko Uo janapanichi aro bebera·anichi.
Minggittamrangkosan ku·rachakaibo:
- Anga saksa papibegipa.
“Pilakan pap kaaha” (Rom. 3:23).
- Anga sina gita nangaha.
“Papni dormaha sia” (Rom. 23)
- Anga an·tangko jokatna amja.
“Angna agre na·simang mamungko dakna amja” (Johan 15:5).
Uni ja·mano, minggitamko ku·rachakbo:
- Ua angna sichakaha.
“Ua Isolni ka·saachi darangni a·sel siako cha·totgen” (Ibri. 2:9).
- Ua angko kema ka·aha.
“An·ching an·tangtang paprangko kurachakode, an·chingni paprangko watna, aro pilak toromi ong·gijanirangoko an·chingko rongtalatna ua bebegipa aro toromigipa ong·a. (1 Johan 1:9).
- Ua angko jokataha.
“Bebera·gipan jringjrotni janggiko man·aha” (Johan 6:47).
Janggiko dingtangatgipa ia bebe ong·anirangni gimin chanchiatbo:
- Angni paprangni a·sel, anga siani sastio ong·na nangha.
- Anga sastiko jringjrotni janggiko gimaatjaskalde gamna amja. Anga jringjrotna sina nanggnokchim.
- Anga jekon gamna manja un agro nanga! Indiba Jisu agana, “Anga sestina gamchakgen. Anga nang·ni palo sichakgen aro nang·na man·gniko on·gen. Na·a nang·ni paprangna sina nangjawaha.”
- Anga Uni onaniko rachaka! Je somoionin anga angni gro nanganiko kurachaka aro angni paprangna sichakaniko rachaka, anga Uni depante ongaha! (Ian namen altuagipa ong·a, ong·jama?)
6. Ia indin on·gipa janggi jokaniko man·na an·ching maiko dakna nanga?
“Uamang Jisu Kristoo gnanggipa piokachi indinari uni kasaachi toromi inako mana” (Rom. 3:24). Maina niamni kamrangna agre mande toromi inako man·a ine an·ching chana” (Rom. 3:28).
Aganchakani: Janggi jokaniko indin on·ani ine ra·chakanisan mangmang na·a dakna man·gen. An·chingni bamani kamrang toromi inako man·na an·chingko dakchakjawa maina anchingde pap kamanaha aro sina kraaha. Indiba jerangan janggi jokanina bebera·e bi·gen uko man·gen. Papibegipa mandeba bang·gija papko ka·gipa mande gitan chu·gimik ra·chakako man·aha. Nangni batanggimin paprangko nang·ni kosako chantaijawaha! Gisik ra·bo, Isol sakantinan apsan dake ka·sara aro am·gipanade kema ka·aniko on·a. “Maina ka·sao bebera·achi na·simangko jokataha; aro ua na·simangoni ong·ja, Isolni on·asa; pilakba gaorade·jachina, ua kamoni ong·ja” (Ehpesusrangna 2:8,9).
7. Jensalo na·a bebera·achi Uni nokdango bak ra·ahaon, maidakgipa dingtanganiko Jisu nang·ni janggi tanganio ong·ata?
“Uni gimin saoba, Kristoo dongode, ua gital dakgimin ong·a; gitchamrang gimaaha; nibo, uarang gital ong·aha” (2 Kor. 5:17).
Aganchakani: Jensalo na·a Kristoko nang·ni ka·tongo ra·chakon, Ua nang·ni gitcham paparigipa janggi tanganiko gimaatani kamko dakna a·bachenggen aro nang·ko gisikni gita gitalgipa janggi tanganiona ong·atgen. Katchae, naa dosi aro matnangaoni rasongni jakgitel ong·anio janggi tangna a·bachenggnok, aro papo gitchamgipa janggi tangani nangna mitchignigipa ong·skagnok. Na·a nikna man·gen je minute sa Isol baksa janggi tanganio janggi tanga gimik diabolni nokkol ong·ana bate kusi ong·bataniko man·gen. Ian mairongpilgipa on·sreani ong·gen! Maini gimin manderang iako ra·chakna ru·utatenga?
8. Ia dingtanggipa janggi tanganiara gitchamgipa papo janggi tangana bate chong·motgipa kusi ong·batani ong·genma?
Jisu aganaha, “Angni katchaa maikai na·simangon ong·gen, aro na·simangni katchaa maikai chu·sokgen, uni giminan anga na·simangna iarangko aganaha” (Johan 15:11). “Depante na·simangko jakgitel ong·atode, na·simang jakgitel chong·mot ong·gen” (Johan 8:36). “Uamang maikai janggiko man·gen, aro chu·soke man·gen, uni gimin anga re·bara” (Johan 10:10).
Aganchakani: Bang·an indine chanchia je an·tangtangko jena nangani gimin Kristian janggi tanganio kusi ong·ani dongjawa.Uni bikpil ong·aniara ong·chongmota! Jensalo na·a Jisuni ka·saako, katchaani nang·ni ning·o ong·gen. Jensalo rakgipa somoirang re·baahaon, Kristian mande Isolo ka·dongatanio aro bil gnange cheaniokatchana aro nangani somoio dakchakaniko man·gen (Ibrirangna 4:16).
9. Kristianrangni pilak dakna nangako na·a an·tang dakna man·genma?
“Kristo baksa anga chisolo datkapako man·aha; angade tanggipa ong·jaha, indiba Kristoan ango tangenga” (Gal. 2:20). “Angko bilakatgipao anga pilakkon dakna ama” (Philip. 4:13).
Aganchakani: Iano Kristian janggi tanganina dal·batsranggipa aiao inmanani donga: Kristian ong·e Jisuni janggi tanganiko nang·o chotchanggija jokjringatanian nang·ni dakna nangani ong·a. Uano “namatna antangko draatani” dongja! Uni palo, bamanian nang·ni janggi tanganio Isolni ka·saanina kakketgipa aganchakani ong·a. Isoloni atchigipa ong·e, gitalgipa mande ong·e, na·a Una kata manina sikgen maina Uni janggian nang·ni janggio bak ong·atako man·skagnok. Nang·ni ka·sagipa mandeko namnikatnara mamung baljrimani dongja; Ian kusi ong·ani ong·a! “Nangni namnikako dakna anga ka·sroka, O angni Isol, Oe angni ka·tongo nang·ni niam donga” (Gitrang 40:8).
10. Iani miksonganiara Ge·eta Niam Mingchikkungkoba manina rakdukjawama?
“Angna ka·saode, indide na·simang angni ge·etanirangko manibo” (Johan 14:15). “Maina ian Isolna kasara, chongmotan uni geetanirangko mania; aro uni geetanirang jrimja” (1 Johan 5:3). “Indiba je mande uni kattako mania, uon Isolna ka·sara chu·sokchongmotaha” (1 Johan 2:5).
Aganchakani: Sastro bamaniko Isolna chong·motgipa ka·saani baksa kaaha. Kristianrang Ge·eta Mingchikkungko rakkina neng·nikjawa. Jisuni sichakanichi nang·ni pilak paprangko pindapahan baksa, nang·ni bamaniara nang·o donggipa Uni chegipa janggi tanganio ja·dil su·utako man·aha. Nang·ni janggiko dingtangatna nang·ni Una ka·saaniara inditan ning·tuaha je na·a Ge·eta Mingchikkungni nanganirangni nalsaonaba re·angnaba man·gen. Na·a pangnan Uni namnikako u·ina Sastroko am·jringgen, aro na·a nang·ni Una ka·saaniko parakna bang·bate cholrangko am·na jotton ka·gen. “Aro an·ching jeko bi·a uoniko man·a; maina an·ching uni ge·etanirangko mania, aro uni nikanio namnikako daka” (I Johan 3:22).
11. How can you be certain that keeping the Ten Commandments is not legalism?
“Ianon rongtalgiparangni, chong·motan Isolni ge·etaniko aro Jisuko bebera·ako rakkigiparangni, chakchika gnang.” (Parape·a 14:12). “Aro Mes Bi·sani an·chini gimin, aro uamangni sakki on·ani kattani gimin uamang uko amaha; aro uamang siaona kingking janggitangtangnaba ka·sajaha” (Para. 12:11).
Aganchakani: “Niamko kingkot dake mania” ine aganon janggi jokaniko indin on·ani ine ra·chakani pal ian nama kamrangko dakanichi janggi jokaniko man·na jotton ka·ani ong·a. Sastroo rongtalgiparangko mingbri cholonrangchi u·ie ran·a man·a: (1). Ge·etanirangko rakkigen, (2). Mes Bi·sani an·chio ka·donggen, (3). Sakgipinrangna an·tangtangni bebera·aniko sualgen, aro (4). Pap ka·ani pal sina basee ra·gen. Iarangan chong·motgipa Jisuna ka·sagipa aro Uni skarangko ja·rikgipa mandeni chinrang ong·a.
12. Maikai na·a namedake u·ina man·gen je Kristo baksa nangrimanio bebera·ani aro ka·saaniara bariangna man·gen?
“Na·simang Sastrooniko am·bo” (Johan 5:39). “Dondikgija bi·bo” (1Thessa. 5:17). “Uni gimin na·simang jedake Kristo Jisu Gitelko ra·aha, uandake re·rurabo” (Kol. 3:6). “Anga salanti sia” (1Kor. 15:31).
Aganchakani: Isol baksa agangrika gride nangrimaniko dakanio silrorojawa. Bi·ani aro Sastro poraianirangan Isol baksa agangrikani ong·a, aro Unbaksa nangrimanio dal·rorona uarang nangchongmotgipa ong·a. Uni Kattan “ka·saani chitti” ong·a jean salantio nang·ni gisikni gita janggi tanganiko aldumitangna nang·ko skatgen. Bi·achi Unbaksa agangrikaniko dakaniara nang·ni olakkianiko ning·tubatatgen aro nang·ni gisikko Uni gimin u·ie ra·na sikbatatgen. Na·a kusiniko man·na gita aiao inmangipa Uni ka·saanirangko am·e nikgen. Indiba gisik ra·bo, minggipin gita paltangni nangrimanio ka·saaniko gimaataniara salgiko nokkol itaniona pil·atskaani gita ong·a.Jensalo an·ching Kristona aro Uni dakmesokanina ka·sana gita dontongahaon, toromde manichina draatgipa niamrang gitasa ong·aignok.
13. Maikai na·a Unbaksa nangrime janggi tanganio dingtangani gimin sakantina u·iatna man·gen?
“Uni gimin uni siana baptize ka·achi an·ching un baksa gopako man·aha; jedake Kristo Pagipani rasongchi sigiminrangoni chakatpilako man·aha, uandake an·chingba maikai janggini gital ong·ao re·ruragen… An·ching maikai papni nokkol ong·jawaha” (Romrangna 6:4, 6). Maina rongtalgipa me·tra ine Kristona on·na, anga na·simangko segipa saksana ku·pakaha” (2 Kor. 11:2).
Aganchakani: Napbolani Kristoko ra·chakgipa mandeni janggi tanganio minggittam nangchongmotanirangko mesoka: (1). Papna siani, (2). Kristoo gitalgipa janggi tangna atchiani, (3). Jisu baksa jringjrotna gisikni gita “bia ka·ani.” Ia gisikni gita nangrimaniara jena kingking an·ching ka·saanio dongkamgen bilake aro su·utbate dal·rorogen.
Isol an·chingni gisikni gita bia ka·aniko mohor su·a.
Jisu baksa nang·ni gisikni gita bia ka·aniko mohor su·aha, Isol nang·ko watgaljawa ine ku·rachakaniko dakaha (Git. 55:22; Mati 28:20; Ibri. 13:5), saani aro an·sengbaljokani somoio nang·ko simsakna aro nirokna (Git. 41:3; Isaia 41:10), aro pilak nanganirangko onna jean nangni janggi tanganiko rikna mangen (Mati 6:25-34). Na·a jedake bebera·achi Uko ra·chakaha, mikkangchi pilakna Uo ka·dongjringbo aro Ua nang·ko mamungdakeba watgaljawa.
14. Da·on na·a Jisuko nang·ni janggi tanganio ra·chakna aro gitalgipa janggi tangna a·bachengna sikgenma?
Nang·ni Aganchakani: _____________________________________________________________________________________________________________
Nang·ni Sing·anirangna Aganchakmanaha
1. Maikai saksa mandeni sichakaniara pilak mande jatni paprangna daiko gamaha?
Aganchakani: Maina “an·ching pilakan pap ka·aha” (Rom. 3:23 aro maina “papni dormahara sia” (Rom 6:23) ni gimin, atchichigipa mandena maiba dingtangmancha dakna nangani dongaha. Jeni janggi tanganian pilak mandeni jat baksa apsan ong·gijagipasanmangmang pilak mandeni jatni paprangna sichakna man·gen. Jisuan Ong·atgipa aro pilak janggini Nokgipa ong·ani gimin, Uni janggiko on·chakanian pilak manderangni janggirangna bate dal·bata jedakode jringjrotna tangna man·gen. “Uni giminba uchiko Isolona sepangbagiparangko jokatsrangna ama, maina ua uamangni a·sel mol·molchakna jringjring tanga.” (Ibri. 7:25).
- Anga Kristoko ra·chakode aro Uni kema ka·aniko man·ahaoba, ga·aktaiode angara kema ka·aniko man·taigenma?
Aganchakani: An·chingara an·chingni paprangna duk man·ode aro uarangko ku·rachakode Isolni kema ka·aniko man·na Uo pangnan ka·donggen. “An·ching an·tangtang paprangko ku·rachakode, an·chingni paprangko watna, aro pilak toromi ong·gijarangkoniko an·chingko rongtalatna ua bebegipa aro toromigipa ong·a” (1 Johan 1:9). Mati 6:12 koba nibo.
- Maikai anga angni papo ong·engpition Isolona re·bana man·gen? Angna bi·chakna kamal ba pamong nambatjawama?
Aganchakani: Jisu mandeni jat baksa be·en pil·e dongaha aro an·ching gitan “dakmajoako” (Ibri. 4:15) man·aha aro chegipa (Johan 16:33) ong·aha. Ua anchingni paprangko kema watna mana; anching kamal ba pamongko uko dakna gita nangja. Unbaksana, 1 Timothy 2:5 o an·chingna dingtangmancha dake aganaha je uano Isol aro manderangni gisepo Baltichakgipa saksasan dongaia, ua Mandeara Kristo Jisu ong·a. “Kristo Jisuan sigipa, batesa sigiminrangoni chakatatako man·gipa ong·a” (Rom. 8:34), “Uni gimin an·ching ka·saani singhasonona kenmangija sepangna hai” (Ibrirangna 4:16).
- Isol angko jokataha ine dakchakna uano anga maikoba dakna man·genma?
Aganchakani: Man·jawa. Uni miksonganiara ka·sachakanian gapgipa miksongani ong·a (Rom. 3:24; 4:5;): Ian “Isolni onasa” (Eph. 2:8). Ian bebe ong·a maina Isol an·chingna ka·sachakaniko bebera·achi on·aha, Ua an·chingna skaniko aro Una bamna bilkoba on·aha. Ian Uni niamrangna ka·sao bamna dakchakgen. Uni gimin ia bamaniba Isolni jakgitele ka·sachakaoni ong·bara! Katta maniani, dangdike onani aro kasae bamanian chongmotgipa sninggipa onganiko dake niani ong·a aro Kristo Jisuo donggipa bebera·aniara ong·telaigipa biteko ong·ata.
- Jensalo Isol angni papko kema ka·ahaon, angara an·tangko maiba dakgipa sasti on·aniko dakna nangkugenma?
Aganchakani: Romrangna 8:1 o agana, “Uni gimin dao Kristo Jisuo donggiparangna mamung matnanga dongja.” Jisuan an·chingni niam pe·anina chu·gimik daiko gamchakaha, aro jerangan iako bebera·o ra·chakaha rongtalataniko man·na mamung gisik pilani kamrangko dakna nangjawaha maina Jisuan, “an·chingni paprangoniko an·chingko su·srangaha” (Parapea 1:5). Isaia 43:25 o ia nambegipa ku·rachakaniko sualaha, “Angan, angan, an·tangni a·sel nang·ni niam pe·anirangko kimitgipa ong·a, aro nang·ni paprangko anga gisik ra·jawa.” Mika 7:18,19 o Isol, An·tangni bon·kame nang·ko pap kema ka·aniko mesoka: “Namgija dakaniko kema ka·e an·tang man·rikgnini dongsparangni niam pe·aniko watchanggipa nang gita Isol sawa gnang? Ua an·chingna pil·e ka·sachaktaigen; ua an·chingni namgija dakanirangko jakokkimao ga·belgen; oe, na·a uamangni pilak paprangko sagalni tu·ao galatgen.”
See Rakkiani: _____________________________________________________________________________________________
Nipiltaianiko Dakani
- Isol salgini pilakkon mandena dal·gipa on·ani ine rudapatjahama? (1)
_____ Sastro
_____ Uni Mondoli
_____ Kristo Jisu
_____ Niam
- A·gilsakni dal·batsranggipa ka·saaniko mesokaniko nikna man·ahaniara (1)
_____ Pittarang aro natokrang
_____ Jisuni chisolsako sichakani
_____ Pentecost
_____ Pitorni pap ku·rachaka
- Kristoni chisolsako sichakaniara (1)
_____ Sakantinan
_____ Toromirangnasan mangmang
_____ Namgijanasan mangmang
_____ Janggi jokaniko sesogiminrangnasan
- Sakosa Isol namnikbata? (1)
_____ Mondoli memborrangko
_____ Dararirang aro cha·ukokrangko
_____ Sakantinan apsan
_____ Atchitaigipa Kristianrangkosan
- Kristoni mandeni nokdango atchina nanganiara (1)
_____ Papna daiko gamna
󠄅_____ Baditana an·chingara bilgria uko u`ina
_____ Namgipa mistri ong·na
- Janggi jokaniko man·nade mandeara (1)
_____ Sastroko poraina nanggen
_____ Mondolini ong·na nanggen
_____ Dingtang dingtang ku·sikrangko aganna nanggen
_____ Uko on·ani ine ra·chakna nanggen
- An·chingara jokatako (1)
_____ Namgipa kamrangchi man·aha
_____ Ka·sachakanichi man·aha
_____ Skanichi man·aha
- Pap kema ka·ani aro ra·chakani an·chingko (2)
_____ Pap ka·angkuna man·a ine u·ina dakchakgen
_____ Kusi ong·anina duk man·aniko jegalaniko u·ianiona dilanggen
_____ Katchaani aro tom·tomaniko u·ianiona dilanggen.
_____ Jringjrotni janggini gimin ka·dongataniko u·ina dilanggen
- Bamaniara iano pangchakgen (1)
_____ Norokna kenani
_____ Ripengskarangoni ra·chakaniko man·na skani
_____ Jisuni dongkamjringa/Jisuna ka·saani
- Kristian mandeni cholon, ba ge·etanirangko rakkianiara (1)
_____ Niamko maniani ong·a
_____ Chong·motgipa gisik pil·ani biterangoni mingsa ong·a
_____ Gamchatgijani ong·a.
- Kristona bia ka·aniko (1)
_____ Torom noko donganichi mesoka
_____ Napolachi mesoka
_____ Jakrani jako bia ka·ani ringko gananichi mesoka
_____ Jik gri donganichi mesoka
- Kristo baksa ka·saanio dongna dal·batsranggipa minggni cholrangara (2)
_____ Salantio Sastroko poraiani
_____ Jakgitele on·anirangko on·ani
_____ Wak been cha·aniko gelatani
_____ Bi·ani gisik dongjringani
- Ian angni janggi tanganio angni Jisuko ra·chakna aro gital atchinaskani onga.
_____ Ong·a
_____ Ong·ja
_____ Angade dakmanaha
