Sianiara da·ororo ma·sisretbatsranggiparangoni mingsa ong·naba donga. Bang·anan, sianiara uani gimin on·titisan ma·siaiani aro kenaniko ra·baani, namedake ma·sigijani, aro ka·donggijani ong·a. Uamangni sianggipa ka·sagiparang sija, indiba uni palo uamang baksa ba gipin a·songo dongenga ine mitamrang bebera·a. Bimang, gisik, aro janggini nangrimani bidingo million manderang jajaa. Indiba maiko na·a bebera·a uan nangchongmotbegipa ong·ama? Oe–ong·chongmota! Jekon na·a siani gimin bebera·achim, mikkangchi nang·na mai ong·genchim uano ua dal·bee bak nangegen. Chanchichipani uano chol dongja! Sastroo maiko iani gimin aganachim, ia Study Guidean nang·na apsankon mesokgen. Bebeni mikronko ona taribo!
- Ianona maikai mandeara skanggipa sokbachengaha?
“Jihova Isol a·ani a·dimuko mande dakaha, aro ua baljanggiko uni gingkolo spoataha; unon ua mande janggi gnanggipa ong·aha” (A·bachenga 2:7)
Aganchakani: A·bachengo Isol an·chingko a·ani a·dimuoniko ong·ataha.
- Mande siahaon mai ong·a?
“Aro a·dimu skang gitan a·aona pil·angkujana, aro janggi an·tangko on·gipa Isolna pil·angkujana kingking [gisik ra·bo].” (Aganprakgipa 12:7)
Aganchakani: Be·en bimang a·dimuona pil·angtaia, aro gisik/janggi Isolona pil·angtaia, jean uko On·achim. Sianggipa mande sakantini gisik – jokoba jokjaoba – siahaon Isolona pil·angtaia.
Jokgipa aro jokgijagipa dolgnini gisikrang Isolona pil·angtaia. Uamangni bimangrangara a·dimu pil·taia. (Picture words)
- Siahaon Isolona pil·angtaigipa “gisikara” maia?
“Maina maikai be·en gisik gri sia ong·a” (Jakob 2:26).
“Aro Isolni gisik angni gingkolrango dongenga” (Job 27:3)
Aganchakani: Siahaon Isolona pil·anggipa gisikara baljanggi ong·a. Mande simano uni “gisiko” janggi tangani, u·iani, ba chanchiani gnang ine Isolni pilak kattarangon agana dongja. Ian “baljanggisa” aro mamungba ong·ja.
- “Janggiara” maia?
“Jihova Isol a·ani a·dimuko mande dakaha, aro ua baljanggiko uni gingkolo spoataha; unon ua mande janggi gnanggipa ong·aha” (A·bachenga 2:7)
Aganchakani: Janggiara janggi tanganian ong·a. Janggiara pangnan minggnichi nangdimako man·gimin ong·a: be·en bimang + rang·sitani. Be·en bimang aro rang·sitani nangdimjaskalde janggi ong·na gita man·ja. An·chingan janggi ong·a inesa Isolni Katta skia – an·chingo janggi donga ine ong·ja.
5. “Janggiara” maia?
“Jihova Isol a·ani a·dimuko mande dakaha, aro ua baljanggiko uni gingkolo spoataha; unon ua mande janggi gnanggipa ong·aha” (A·bachenga 2:7)
Aganchakani: Janggiara janggi tanganian ong·a. Janggiara pangnan minggnichi nangdimako man·gimin ong·a: be·en bimang + rang·sitani. Be·en bimang aro rang·sitani nangdimjaskalde janggi ong·na gita man·ja. An·chingan janggi ong·a inesa Isolni Katta skia – an·chingo janggi donga ine ong·ja.
- Jokgiminrangara siahaon salgichina re·angama?
“Gopramrango donggipa darangan Uni ku·rangko knagen…aro…ong·katgen” (Johan 5:28, 29). “Ua siaha aro uko gopaha, aro gopani da·alona kingking an·chingni gisepon gnang ine anga kenchakmangija atchu gitcham Daudni giminde na·simangna aganna ama….Maina Daud salgiona gakatjaha” (Watatarang 2:29, 34). “Angni a·ningo dongramna anga sengsoa” (Job 17:13).
Aganchakani: Re·angja. Siahaon manderang salgiona ba norokonaba re·angja. Uamang darangchiba re·angja – indiba uamangni gopramrangon chakatpilna uamang senge donga.
- Siani ja·mano mandeara baditana ma·siani ba gisikni u·iani donga?
“Maina uamang sigen ine tangenggiparang u·ia; indiba sigiminrang mamungkoba u·ija, aro uamangni mamung man·pilskaani dongjaha; maina uamangko gisik ra·aniko gualaha. Aro uamangni mitchia, aro uamangni mikbua gita uamangni ka·saaba gimasomanaha; aro salni kokkimao dakgimin mamungoba uamang jringjrotna mamung bakko man·jaha….maina nang·ni re·gni a·ningo kam, ba chanchisoani, ba u·iani, ba gisik gnangani dongjaha” (Aganprakgipa 9:5, 6, 10). “Sigiminrang Jahko mitelja” (Gitrang 115:17).
Aganchakani: Sigiminrang mamungkoba u·israngjaha ine Isol agana!
- Indiba sigiminrang tangenggiparang baksa agangrikna man·jama, aro tangenggiparang maiko dakengachim uarangko uamang ma·sijama?
“Mande tua, aro chakatjawa; salgirang dongija ong·anona kingking uamang mikrakjawa. Aro uamangni tusiaoni de·mesaako man·jawa…. Uni depanterang mandera·ako man·oa ua uko u·ija; aro uamangko onata, indiba ua uamangna gisik on·ja” (Job 14:12, 21). “Aro salni kokkimao dakgimin mamungoba uamang jringjrotna mamung bakko man·jaha” (Aganprakgipa 9:6).
Aganchakani: Man·ja aro ma·sija. Sigiminrang, tangenggiparang baksa agangrikna man·ja, aro tangenggiparang maiko dakeng uko uamang u·ija. Uamang sigiminrang ong·a. Uamangni chanchianirang gimaaha (Gitrang 146:4).
- Johan 11:11-14 o, Jisu mamungkoba ma·sigija sianiko “tusia” ine agana. Uamang badita ru·ute tusigen?
“Mande tua, aro chakatjawa; salgirang dongija ong·anona kingking uamang mikrakjawa.” (Job 14:12). “Gitelni sal…re·bagen; unon salgirang il·ilari bon·anggen” (2 Pitor 3:10).
Aganchakani: Sigiminrang Isolni dal·gipa sal, a·gilsakni chon·kamaona kingking tusigen. Siahaon manderang mamung kamrang ba pilak u·iani gri ong·e mamungkoba ma·sigija ong·aha.
- Kristoni gnigipa changna re·bapilanio toromi ong·e sianggiparangnara mai ong·gen?
“Nibo, anga bakbak re·baa; aro uamangni kam ong·a gita, sakantina on·na ine angni on·gni dormaha Ang baksan” (Parape·a 22:12). “Maina Gitel An·tangan, inchroa….gnang, salgioni ong·onbagen; unon Kristoo sigiparang skang chakatgen…. Uandake an·ching pangnan Gitel baksa ong·gen” (1 Thessalonikarangna 4:16, 17). “Dikdiksano, mikjipsao….an·ching pilakan dingtang dakako man·gen; aro sigiminrang gimagijani ong·e chakatatako man∙gen…. Maina gimagnigipa gimagijaniko ganna, aro ia sigini sigijaniko ganna nanggen.” (1 Korinthirangna 15:51-53).
Aganchakani: Uamangna on·gni dormahako on·gen. Uamang chakatpilgen, jringna sigijagipa bimangko uamangna on·gen, aro bangbango Gitelko grongna rimdoako man·gen. Siahaon manderangko salgichina rimdoangahaode chakatatpilanio mamung miksonganian dongjawahachim.
- Satanni a·gilsako skanggipa tol·aniara maia?
“Unon chipu me·chikko inaha, Sichongmotjawa” (A·bachenga 3:4). “Gitchamgipa chipu, diabol aro Satan minggipa” (Parape·a 12:9).
Aganchakani: Na·a sijawa.
- Maina diabolara siani bidingo Hobana tol·aha? Siani bidingo, an·chingni chanchiana bate nangchongmotani dongama?
Aganchakani: An·ching sijawa ine diabolni tol·napanian uni skiarangni ja·pangrangoni mingsa ong·a. Hajal bilsirangna, manderangko chalakki dake togina, sigiminrangni gisikni kattako uamang man·soenga ine chanchiatna gita ua bilakgipa, tol·napani aiao inmangipa kamrangko ka·aha. (Mesokna gita: Egypt a·songni montol dakgiparang – Re·ongkata 7:11; Endorni me·chikma – 1 Samuel 28:3-25; Jarigiparang – Daniel 2:2; Nokkol me·chik bi·sa saksa – Watatarang 16:16-18.)
Gisiko Nangbee Mikrakatani
Mikkangchi ru·utgijan, a·gilsakko tol·napna ine Satan, montol dakgipa aro jarigiparangko jakkaltaigen – jedake katchinikgipa Danielni salrango ua dakaha (Parape·a 18:23). Montol dakgipa ba jarigipara sigiminrangni gisikni bil aro u·ianiko man·gipa ine a·kange, ong·gijagipa aiao inmangipa kamrangko ka·timgipa ong·a.
Jisuni Sninggiparang gita Dakjegiparang
Ka·sagipa sianggimin toromirang gita, sianggimin rongtalgipa kamalrang gita, Sastroni katchinikgiparang gita, ba Kristoni watatarang gitamangba dakjee (2 Korinthirangna 11:13), Satan aro uni sa·grerang billion manderangko tol·napgen. Jemangan sigiminrangko tangenga ine bebera·achim, uamangko jedakgipa bimangoba, tol·napna gita man·gen.
- Diabolara aiao inmangipa kamrangko dakbebeama?
“Maina uarangan chinrangko dakgipa korerangni gisikrang ong·a” (Parape·a 16:14). “Maina Kristo dakgiparang aro katchinika dakgiparang ong·kate dal·a chinrang aro aiao inmananirangko mesokgen; maikai, ong·na man·ode, segiminrangkoba brangatgen” (Mati 24:24).
Aganchakani: Oe, dakchongmota! Diabol aiao inmanpile bebera·atna man·gipa aiao inmangipa kamrangko daka (Parape·a 13:13, 14). Satan seng·ani sa·gre gita bimang dakjegen (2 Koronthirangna 11:14) aro, jagokman·pilanide, Kristo gita chachaba ua dakjegen (Mati 24:24). Kristo aro Uni sa·grerang namen ga·sue a·gimiko nampilatani kamko dakdilenga ine a·gilsak gimikni bebera·ani ong·gen. Uamangni daka pilak kamrangko Isoloni gita chacha aro namen chanchisokna ampilgijani gita chacha nikmanpil·gen je Isolni seokgiminrang mangmangsan tol·napanio ga·akjawa.
- Maina Isolni manderangara tol·napanio ga·akjawa?
“Iamang kattako namnikbee ra·chake, indaken ong·ama ong·ja salanti Sastrooniko am·e nie chanchiachim” (Watatarang 17:11). “Niam aro sakkichina hai! Ia katta gita uamang aganjaode, beben uamangna mamung seng·baa dongja.” (Isaia 8:20).
Aganchakani: Sigiminrangde sigiminrangan ong·a, uamang tangjaha ine Uni Ki·tapko uamangni poraigiminoniko Isolni manderangde u·igen. Ka·sagipa sigimin gita dakjegipa “gisikara” diabol ong·chongmota ine uamang ma·sigen! Sigiminni gisikrang baksa bakrime dingtangmanchagipa “seng·aniko” man·gipa ba aiao inmangipa kamrangko dakgipa ine a·kanggipa pilak skigiparangko aro aiao inmangipa kamrangko ka·giparangko Isolni manderangde jegalgen. Aro Isolni manderang uandaken sigiminrang dingtang gipin bimango, badiaba biapo janggi tangskaenga ingipako namen kenbegnigipa aro tol·gipa pilak skianirang ine jegalgen.
- Moseni salrango, sigiminrang janggi tangkua ine skigipa manderangko maiko dakchina Isol ge·etaha?
“Me·mang muni pigipa, ba montol dakgipa, me·asa ba me·chik so·otako man·chongmotchina; uamangko uamang ro·ongrangchi gotatchina” (Levirangna 20:27).
Aganchakani: Me·mang muni pigipa aro “montol dakgipa” ko (jean sigiminrang baksa agangrikna man·a ine a·kangachim) ro·ongrangchi gotate siatchina Isol dabiaha. Sigiminrangni janggirang tangkua ine tol·e skianiko Isol mitchia ine ian mesoka.
- Chakatatpilani somoio chakatpilgipa toromirangara basakoba sipilgenma?
“Ua jringjrotni salko, aro siaoni tangchapilako man∙na kragipa….maina uamang sinaba amjawaha; maina uamang sa∙grerang gita ong·a; aro tangchapilani de onge Isolni de ong·a” (Luk 20:35, 36). “Aro ua uamangni mikrononi pilak mikchiko u·sitgen; aro siani ong·jawaha aro kalimani, aro chrikani, aro saknani ong·jawaha. Skango ong·giparang re·angaha” (Parape·a 21:4).
Aganchakani: Sijawaha! Siani, duk ong·ani, grapani, aro saknaani Isolni gital songnokona napjawa. “Indiba jensalo ia gimagnigipa gimagijaniko gangen, aro ia signi sigijaniko gangen, unon ia segimin katta ong·gen, chong·motan, Amao siako minokaha” (1 Koronthirangna 15:54).
- Siani ja·mano gipin bimango atchitaia ine bebera·ani da·o giproroengaha. Ia skianiara Sastroni gita ong·ama?
“Maina uamang sigen ine tangenggiparang u·ia; indiba sigiminrang mamungkoba u·ija…. Aro salni kokkimao dakgimin mamungoba uamang jringjrotna mamung bakko man·jaha” (Aganprakgipa 9:5, 6).
Aganchakani: A·gilsako donggipa manderangoni bak gittam chu·gimikde siani ja·amano gipin bimango atchitaia ine bebera·a – jeni skianian janggide pangnaba sija indiba sakantini chu·sokani gita dingtang bimango atchitaia ine ong·a. Ia skianide, indioba, Sastro baksa bikpilgipa ong·a.
Sastro Indake Agana
Siani ja·mano mandeara: a·dimuona pil·anga (Gitrang 104:29), mamungkoba ma·sijaha (Aganprakgipa 9:5), chanchiani bilrang dongjaha (Gitrang 146:4), a·gilsako mamung kamkoba dakani bak dongjaha (Aganprakgipa 9:6), janggi tangjaha (2 Rajarang 20:1), gopram ning·o sengenga (Job 17:13), aro dongkamjaha (Job 14:1, 2).
Satanni Bikotani
Sigiminrangni janggi tangkuenga ine skianiko Satan bikotdilaha ine an·ching ma·simanaha. Siani ja·mano gipin bimang atchitaia ine bebera·ani, sigiminrangko okamani, sigiminrang baksa agangrikani, sigiminrangko olakkiani, aro janggide sija ine aganritingbagipa bebera·ani, iarang pilakan mingsa miksonganio, Satanni bikotgiparang ong·a, chong·motan, jensalo na·a siahaon simanchaade ong·ja ine manderangni gisikko bebera·atna gita ong·a. Jensalo manderang sigiminrangni janggirang tangkuenga ine bebera·ahaon, Satan “korerangni gisikrangko, aiao inmangipa kamrangko” (Parape·a 16:14) uamangko bilakbee tol·napna aro brangatna jakkalna man·gnok (Mati 24:24).
- Ia jajaanian gapgipa siani bidingo an·chingna bebeko agangipa, Sastrona na·a mitelanian gapengama?
Nang·ni Aganchakani: _________________________________________________________
Nang·ni Sing·anirangna Aganchakmanaha
- Chisol sakni saksa dokprete ra·gipa mandeara Kristo baksa Uni siani salo salgini songnokona re·angjama?
Aganchakani: Re·angja. Bebe agangenchimode, Robibar pringo Jisu, Maryna indakde aganaha, “Anga Angni Pagipaona doangkuja” (Johan 20:17). Siani somoio Kristo salgichina dongja ine ian mesoka. Iako ma·sie ra·na nangchongmotani ong·a je seanio chinrangko jakkalniko da ·alo an·chingni Sastroo nikenggipara a·bachengoni ong·ja, indiba adita chasongrangni ja·mano Sastroko pe·giparangchi dondapataniko man·aha. Namedakede, Luk 23:43 o donggipa comma-ko “da·alon” ingipa kattana skang donani palo ja·manosa donna gita nangachim, jekon indakesa poraigenchim, “Anga beben nang·na agana da∙alon, na∙a Ang baksa namgipa biapo dongpagen.” Ia podko nambate ma·sibatna gita gipin dake donatskagenchimode, indake ong·gen: “Anga nang·na da·alon aganenga, – jensalo darangkoba jokatna man·ja gita Angko nikengon, jensalo Anga An·tangan dosiko dakgipa gita sichakengon – Anga nang·na da·alon ka·donganiko on·a je na·a Ang baksa namgipa biapo dongpagen.” Kristoni rasongni songnokko Uni gnigipa changna re·bapilaniosa songdimgen (Mati 25:31), aro ua somoiosa pilak rongtalgiparangan uanona napegen (1 Thessalonikarangna 4:15-17), siani somoio ong·ja.
2. “Sigijagipa,” “jringjrotna tanggipa” (immortal) janggini gimin Sastro aganjama?
Aganchakani: Aganja. Sigijagipa, jringjrotna tanggipa jangini gimin Sastroo janapani dongja. “Jringjrot” (immortal) ingipa kattako Sastroo changsasan nikna man·aia, aro uan Isolkosa miksonga (1 Timothyna 1:17).
- Sianio be·en bimang a·dimuona pil·angtaia aro gisik (ba rang·sitani) Isolona pil·angtaia. Indiba janggiara bachi re·angskara?
Aganchakani: Ua darangonaba re·angja. Uni palo, ua dongjaha. Janggi ong·na gita minggnini nangdimaniko nanga: be·en bimang aro rang·sitani. Jensalo rang·sitani re·angahaon, janggi dongjaha maina ua minggnini nangdimanichisa ong·aha. Jensalo na·a lightko off ka·aton, ua teng·aniara bachi re·anga? Ua darangchiba re·angja. Ua dongjaha. Teng·aniko ong·atna minggniko nanga: bulb aro electricityko. Uarang nangdimani gride, teng·aniko ong·atna mang·ja. Uandaken janggioba; be·en bimang aro rang·sitani nangdimjaskal, uano janggi dongna man·ja. “Be·en bimang grigipa janggi” mamungdakeba dongna man·ja.
- “Janggi” ingipa kattara janggi tanganina agre gipinkoba miksongama?
Aganchakani: Oe. Ua (1) janggimanchako, ba (2) gisik, ba u·ianikoba miksonga. Je ortokoba miksongbo, janggide minggnini nangdimaniko nangtelaia (be·en bimang aro rang·sitani), aro ua siahaode dongjaha.
- Johan 11:26ko na·a talatna man·genma: “pilak janggi tange Ango bebera·gipa jringjrotnaba sijawa”?
Aganchakani: Ian skanggipa sianiko miksongja, jeon pilak manderangan sigen (Ibrirangna 9:27), indiba gnigipa sianikosa, jeon papirangsan mangmang siaigen aro jeonin chakatpilani dongjawaha (Parape·a 2:11; 21:8).
- Mati 10:28 o indake agana, “je manderang be·enko so·ota, indiba janggiko so·otna amja, uamangna da∙ken.” Ian janggiara sigijagipa ong·a ine sakkiko on·a ong·jama?
Aganchakani: Ong·ja. Ian bikpilesa sakkiko on·a. Ia apsan podni adha bon·kamgipa kattarang janggi sigipa ong·a ine mesoka. Uan indake agana, “indiba be·enkomung janggiko noroko nisina Amgipana kenbo.” Iano “janggi” ingipa kattani ortoara janggi tangani ine ong·a aro jringjrotni janggiko miksonga, jean indin on·gipa ong·a (Romrangna 6:23) jekon bon·kaman salo toromirangna on·gen (Johan 6:54). Isolni on·gipa ia jringjrotni janggiko darangba ra·sekna man·jawa. (Luk 12:4, 5koba nibo.)
- Nama kattako sigimin manderangna aganpraka ine 1 Pitor 4:6 o aganjama?
Aganchakani: Aganja. Nama kattako “sigiminrangnaba” “aganprakaha” inesa uano agana. Uamang da·o siaha, indiba nama kattako uamangni tangengmitingon “aganprakaha.”
See Rakkianirang: _____________________________________________________________________________________________________________________________
Nipiltaianiko Dakani
- Sigiminni gimin Sastroo indake agana (1)
______ Tusia.
______ Bimang dingtangona pil·anga.
______ Agansokgijagipa aiao inmanani.
- “Gisik” jean siahaon Isolona pil·angtaigipara (1)
______ Mandeni ning·oni.
______ Janggi.
______ Baljanggi.
- Sigimin mande ianona re·anga (1)
______ Salgi ba Norokona.
______ Gopramona.
______ Janggin Chiripram.
- Janggiara (1)
______ Mandeni ong·telaigipa gisik.
______ Mandeni sigijagipa bak.
______ Janggi tangani.
- Janggiara siama? (1)
______ Oe, sia.
______ Sija.
- Toromirangna basako boksisko on·gen? (1)
______ Ia janggi tangmitingo.
______ Sijoko.
______ Kristoni gnigipa changna re·bapilanio.
- Simgiminrang sija ine agane maina Satanara manderangko tol·napna jotton ka·a? (1)
______ Jedakode uamang uni aiao inmangipa kamrangko bebera·e tol·napaniko man·e gimagen.
______ Maina ua uamangna duk ong·chaka.
______ Maina ua an·tangan uko dakna miksonga aro papigipa ong·a.
- Mande jean sigiminrang baksa “agangrikgipara” chong·motde uamang baksa agangrikenga (1)
______ Sigijagipa janggirang baksa.
______ Rongtalgipa sa·grerang baksa.
______ Sigiminrangni bimangko ra·e dakmikgipa namgijagipa gisikrang baksa.
- Moseni salrango jean sigiminrangko tanga ine skigiparangko Isol iako dakchina ge·eta (1)
______ Kamal songchina.
______ Uamangni u·ianiko mandera·china.
______ So·otchina.
- Ua naljokgipa ong·a aro ong·akon dakenga ine mandeara maikai namedake ma·sina gita man·gen? (1)
______ Salgioni dingtangmanchagipa chinna Isolo bi·bo.
______ Skigipa ba pamong jeko agana ukon dakbo.
______ Sastroko bi·a gnang namedake poraie ja·rikbo.
- Jensalo mande siahaon (1)
______ Uni gisik, ba janggi, tange donga.
______ Ua tanggiparangko nie dongna aro uamang baksa agangrikna man·a.
______ Ua pilakni gitan sigimin ong·a – be·en bimang sia, janggi dongjaha, aro tanggiparang baksa agangrikani mamung chol dongjaha.
- Aiao inmangipa kamrangan, uarang Isoloni ong·a ine sakkiko on·ama?
______ Oe. Isol mangmangsan aiao inmangipa kamrangko dakna man·aia.
______ Ong·ja. Satanba dal·gipa aiao inmangipa kamrangko dakna man·a.
- Anga Sastrona namen mitelna ska, jean ia namen jajagipa katta ja·pangni bidingo bebeko agangipa ong·a.
______ Oe, mitelna ska.
______ Mitelna sikja.
