Aginchat bang bangu chun, milen milal hon Daniel chu a-umna pindan sunga kotcha hong puma Pathen henga taona anei chu amudoh tauve. Daniel chu kaipi bahkai hong sunga selut hiding in aumtai, chuin Darius lengpa’n jong eikilhim lhah a hitobang dan chu mohor eikinamsah ahi ti ahedoh tai. Aman jong Daniel huhdoh tei tei ding lung agel in ahinlah dan chavei tah khat asemdoh chu khelmohel in aumtai. Daniel jong kaipi hong sunga selut ahitan, hijengta jongleh Pathen in avantil ho asolpeh in kaipi bahkai ho kam ahuhbing pehtai (Daniel 6:22).

Themgao thilmu in phat nunung tengleh, Pathen miten hitobang chet a kibolna dan thua kikanna chu ahinto diu, Pathen dan thu joh anun diu ham lengle lal ho dan thu joh anun diu ham ti hung um ding ahi.

SIM DING

Bible hohi sim cheh inlang a onglai sudim in.

1. Pathen chonna Dan thu hi khel thei ham ahilouleh semthah thei ahidem?

Luke 16:17 Ahivangin danthu halsi cha khat man-thah sangin van le lei __________ __________.

Labu 89:34 Keiman kakitepna sukeh __________ ting, Kakamsung sohsa kathusei jong __________ ponge.

Labu 111:7, 8 Akhutsoh athilbol akitah jingin __________ cheh-e. Adanthu aboncha tahsan lomtah ahiye. Adanthu jouse aitih chana dia __________ ahitan. Kitah tah le lungdih tah a boldia um ahiye.

Malachi 3:6 “Ahipoi, Pakai kitipa kei hi __________ louhel kahi; hijeh chun vo Jacob chapate, nang ho hi min nabahgam loulaiyu ahibouve.”

NOTE: AJeh beihel a Pathen dan thupeh som hohi khel thei ding leh semthah thei ding imacha aumpoi. Pathen abang ahijing banga adanthu jong abang hijing ahi. Bible ahin leiset leng mithum aumin (Herod, Ahasuerus, leh Daruis) amaho cheng hin khonunga akisihna diu dan asemdoh uvin ahinlah akhel thei tapouve. Chutia mihem mai maiya kigel hon dan kikhel theilou asema ahileh, Ipi atileh tonsot Pathen danthu – Pathen amatah in akhut junga song pheng nia ajih chu akikheltai tia min asei thei ahidem? Anoiya Pathen leh Ama danthu kitekahna hi ven:

PATHEN                                                                      DANTHU
Luke 18:19 .. .. .. .. .. .. .. .. Aphai(Good)  .. .. .. .. .. .. .Rome Mite 7:12
Isaiah 5:16 .. .. .. .. .. .. .. .. Athenge(Holy) .. .. .. .. .. ..Rome Mite 7:12
Danbu Ni Na 32:4.. .. .. .. .Adih e (Just).. .. .. .. .. .. ..Rome Mite 7:12
Matthew 5:48.. .. .. .. .. .. ..Chamkim (Perfect).. .. .. .. .. Labu 19:7
I John 4:8 .. .. .. .. .. .. .. ..   Ngailut (Love).. .. .. .. .. .. Rome Mite 13:10
Potdohbu 9:27.. .. .. .. .. .. Chondih ahi(Righteous).. .. .. .. .. Labu 19:9

Danbu Ni Na 32:4 .. .. .. ..Thutah ahi (Truth) .. .. .. .. Labu 119:142, 151
I John 3:3 .. .. .. .. .. .. .. .. Atheng (Pure) .. .. .. .. .. .. .. .. Labu 19:8
John 4:24 .. .. .. .. .. .. ..  Lhagao ahi(Spiritual).. .. .. .. ..Rome Mite 7:14
Malachi 3:6 .. .. .. .. .. . Kikhellou(Unchangeable). .. .. ..Matthew 5:18
Semtilbu 21:33 .. .. .. .. Tonsot (Eternal) .. .. .. .. .. .. .. .. Labu 111:7, 8

Pathen danthu hi kikhel theilou ding ahi, ajeh chu hiche hi Pathen chondan kijih ahi. Loupitah’a Pathen chungchang kisei naho chu adanthu kiseina jong ahi. Pathen danthu hi ama umchan kijihdoh vetsahna ahi. Pathen amatah akikhel tilou ngal adanthu kikhelna ding lampi aumtheipoi.

2. Bible dungjuiya chonset hi ipi ham?

1 John 3:4 Koi hile achonsea chu __________ sukeh ahi; danthu suhkehma chu chonset ahi.

Rome Mite 3:20 Danthu juiya thilbola mi koima aang sunga them changa umlou ding ahi. Ajeh iham itile __________ chonsetna kihe doh soh ahi.

NOTE: Satan in Pathen danthu hi ahot lheh jenge ajeh chu hiche hin chonset akon huhhingpu ingaichat dan u eihil uve. Rome Mite 4:15 in aseina’ah “Danthu umlou naa chonset jong aumpoi.” Danthu in mi ahuhhing ahipon, ahinlah Danthu chun eiho lhinlal naa kon’a Pathen chamkimna eimusah u ahi.

3. 1 John 3:4 naa dan hi ipi dan kisei ham?

Rome Mite 7:7 Achutile ipi isei dinguham? Danthu hi chonsetna ham? Ahipoi; __________ chu ipi ahi anahe __________ kahi, danthua kona kahetdoh ahibouve; ajeh chu, “Papset bol hih-in,” ti hi danthun aseilou hile, ipi ahi kanahet lou ding ahi.

NOTE: “Papset/otcha hih in” hi Pathen dan thupeh som lah’a khat ahi. Achutileh Pathenin akhut jung ngeiya ajihdoh adanthu som (Potdohbu 31:18; 32:16) palkeh kiti chu chonset ahi. Mitin’in chonset abol doh jouse hi Pathen dan thu som lah’a khat pen pen in demna anei ahi. Hiche jeh a chu Pathen dan thu hi “Athalhingset e” (Labu 119:9) tia kisei ahi. Chonsetna kaneiye ti ikihetdoh tihtih tengleh huhhingpu ihol jiuve. Chutijeh a chu satan in Pathen danthu hi ahotlheh ahi, ajeh chu chonset akon eihuhhing dingin Jesu ikomu uvin chuleh Aman eingaidam theiye.

4. Jesu Christa in dan thusom anit em?

John 15:10 Keiman ka-Pa thupeh ho __________ soh keiya angailut’a kaum bang hin nang hon kathupeh ho nit leu chun ka-ngailut’a naum dingu ahi.

NOTE: Henge Jesu Christa in eiho vetton thei dingin dan thusom anitsoh keiye (1 Peter 2:21)

5. Mi ijat chonse hitam?

Rome Mite 3:23 Ajeh chu mi __________ hi chonsea ahitai, Pathen loupina chu changlela ahiuve.

6. Chonset hinkho man jeh a gutsa gotna chu ipi ham?

Rome Mite 6:23 Ijeh ham itile chonset man __________ ahi, Pathen thil mohpeh vang hi Pakai Christa Jesu vanga tonsot hinna ahi.

NOTE: Pathen danthu hi khelthei hitaveleh, Jesu christa cross a ahung thi khoh ngailou ahi. Jesu Christa hi eiho khel a chonsea kisim a ahung thi hin Pathen danthu khelthei ahipoi ti avetsah ahitai.

7. Mi abangloiyin Pathen dan thusom hi new testament Christian hoa ding ahitapoi atijiuve. Jesu in hiche thudol a ipi aseiyem?

Matthew 19:17 Chuin Jesu n ajah a, “Thilpha thudol ibola neidoh ham? Apha khatsch bou aume. ahinla nangma hinnaa chu nalut noma ahile thupeh chengse __________ tan,” ati.

John 14:15 Keima nei ngailut’u le kathupeh ho __________ dingu ahi.

Thuphon 22:14 Hichea hin Pathen thupeh ho le Jesu tahsan thu __________ mitheng ho thohhat je thu kilanga ahi.

Thuphon 14:12 Hichea hin Pathen mitheng Jesu thu hettohsah holeh athupeh nit ho thohhatje akilange.

NOTE: New testemanet a chun Pathen miten a thupeh anit diu ahi ti akichensel e. Tunia mijousen leiset aboidan ihesoh keiyuve ajeh chu mitamtah in Pathen danthu nit hi athupi dan ahetthei taloujeh ahi. Bible chun eiho nikho thudol umchan hitin anaseiye, “Nadanthu akisusen akisuhkeh tai. Pakai dia kipat’a natoh phat ahitai.” Labu 119:126.

8. Pathen thusom chu ity kinit thei ding ham?

Rome Mite 8:3, 4 Ajeh chu tahsaphe lam hilouva Lhagao lama chon eiho, __________ __________ danthua chonna hi aguilhun theina dinga, danthu chu tahsaphe jeh-a ahatmoa abol jou lou chu, Pathenin a-Chapa chu chonset thoinaa chonset po tahsaphe lim pua ahinsola, tahsaphea chu themmo achana abol ahi.

Philippi Mite 1:6 hichea hin nangho sunga thilpha bol pana chun Jesu Christa nikho ni geiya abol __________ __________ dettah-in kagingchai;

Philippi Mite 4:13 __________ vanga chu ijakai bol thei kahi.

NOTE: Mikhat chu apenthah a ahileh, lhagao thenga kona Jesu Christa chu mipa hinkhoa lutjia hiche chun kidangtah a seingaina ajo sah ji ahi.

9. Kitepna lui chu ipi hiya, itidan a losam ham?

Danbu Ni Na 4:13 Hichea chun Pakaiyin nang ho henga najui diu, nang ho nathupeh sau ama kitepna chu aphongdoh tan ahi; hiche thupeh kiti thusom __________ __________ ahin, aman hichengse chu song pheng ni chunga sutsan akoitai.

Hebrew Mite 8:8 Ajeh iham itile __________ chu __________: “Veuvin, keiman Israel phung mite le Juda phung mite dinga Kitepna Thah Kasemdoh ding nikho Hung lhung ahitai,’ ati Pakai chun;”

10. Kitepna thah chu ipi thudol a kiphutdoh ham?

Hebrew Mite 8:10 Hiche nikho ho nunga Israelte toh Kitepna kaphudoh ding chu hiche hi ahi: Ati Pakai chun, Alungthimuva __________ __________ peng ting, Chule alung sunguva kasut ding ahi; Chule keima amaho __________ hing ting, Amaho jong kamite Hi ding ahiuve;

NOTE: Kitepna teni hi Pathen leh amite kikah a kiphutdoh ahi. Kitepnalui alosapna ajeh chu amiten amaho thahat vanga jo ding agot jeh uleh juiding agot jeh u ahi.
Potdohbu 24:7 Chujouvin aman kitepna lekhabu chu apodoh-in mipi nabenga chun asimpeh tai; hichun mipin jong aseiyin, “Keihon Pakai thusei jouse chu aboncha kaboluva, chujongle keiho hi sei ngaitah a kaum diu ahi,” atiuve.
Hebrew Mite 8:10 Hiche nikho ho nunga Israelte toh Kitepna kaphudoh ding chu hiche hi ahi: Ati Pakai chun, Alungthimuva kachondan thupeh peng ting, Chule alung sunguva kasut ding ahi; Chule keima amaho Pathen hing ting, Amaho jong kamite Hi ding ahiuve; Mihem khat hindan chu pumkhel a kikhe jenga, chutia chu Pathen deilam bolding chu athanoppi ahi. Kitepna thah hi dan dan luipa toh kibangchet mama kisem ahin, ahinlah akijihna mun chu achom ahitan (lungthim sung) chuleh Pathen kitepna phajo cheh a kiphut ahi (Better promise).

11. Tahsan jeh a lungset vanga huhhing ihiuve kiti hin Pathen danthu apoimo tapoi atina hilou ham?

Rome Mite 6:15 Ititan tem ahile? Danthu noiya um louva lungsetna noiya um ihi jeh uva chu, ichonset dinguham? __________ __________.

Rome Mite 3:31 Chuti ahile itahsan jeh-uva hi danthu kisumanga ham? Ahipoi; __________ __________ joh ahibouve.

NOTE: Koihijongle dan palkeh jeh a Jesu in achonset angaidam hochu thonlouva a danthu palkeh kit talou dinga seingai ho ahiuve. Ngaidam chang ahi akihetjeh un, midang ho sangin kipahtah in Jesu nung ajui uve.

12. Dan thu nit jeh a mi sohcha thei ham?

Ephesus Mite 2:8, 9 __________ mana __________ vanga huhhinga uma nahitauve; hichu nanghoa kon ahi-poi. Pathen thilpehjoh ahibouve: koima-cha kison thei louna dinga, hichu thilbol vanga hilou ahi.

NOTE: Pathen danthu nit jeh a sohcha ding koima aumpoi. Mijouse hi Pathen lungsetna kidangtah jeh’a bou huhhing chang ahiuve. Ahinlah huhhing chang ding ho chu, Jesu Christa lungsetna vanga ami ngailutna leh ahenga thangvah kipana thusei vetsahnaa a dan thupeh anit diu ahi.
John 14:15 Keima nei ngailut’u le kathupeh ho nanit dingu ahi.

13. Mikhat chu Pathen danthu nit dinga ipi chun athanopsah ham?

Rome Mite 13:10 Ngailutna-in hengle kom setna abolpoi; hijeh chun __________ hi danthu bukipna ahi.

Matthew 22:37-39 “Chuin aman adonbut’in, “Nangman __________ pumpin, nalhagao pumpin, chule nalungthim pumpin Pakai na-Pathen chu ngailun.” Hichu thupeh pipen le amasapen ahi. Chule chuto-banga chu anina hiche ahi; ‘Nangma nakingailut bangin naheng nakoma ngailun,”

1 John 5:3 Ajeh chu athupeh nit hi Pathen __________ ahi; chule athupeh chengse jong chu pohgih sa ahipoi;

NOTE: Ngailutna kiti hi mi hin thanopsah pipen chu ahi. Thupeh som lah’a amasa li changse hi kei leh Ka Pathen kah a molso ding kakin ho ahi. Ken Ama kangailut’a ahileh, hiche athupeh nit ho chu kathanom ahi. Ajonalam gup chengse chu ahileh ka mihem chanpi chunga kabol ding kin ho ahikit e. Ka mihem chankhompi ho kangailut a ahileh, amaho suhnatna thei ding thil imacha kabol lou ding ahi.

14. Pathen thupeh nitlouva Christian dihtah kahithei ding ham?

1 John 2:3, 4 Chule eiho ama thu __________ ihiule hiche chun ama ihetauve, ti iheuve Keiman ama chu kahetaila tia athu mt lou chu __________ ahin, asunga thutah umlou ahi

15. Kitepna luiya danthu abang bang hi Christian ho ding ahitapoi ti um em?

Ephesus Mite 2:15 __________ ngaidan thupeh chu, kidouna chu atahsaa asuhbei ahitai; chutia chu aman amaa mi ni chu mi khat asosahna dinga asuhcham ahi;

NOTE: Henge, chonna ngei dan thupeh, thempu natohna leh kithoina pumgo thilto kibolji hochu suhbei ahitai ajeh chu hiche ho chu Christa vetsahna anahie (Colosian 2:13-17). Pathen kelngoinou dihtah ahina chun asubei ahitai.

16. Satan in koiholoi chu ahotpen ham?

Thuphon 12:17 Chutah chun gul chu __________ chunga chun alung hangin, amanu chilhah ho Pathen __________ nit le Jesu thu hettohsah jop amoh chengse chutoh kisat dingin akon-doh tan ahi.

NOTE: Jesu thupeh nit’a chuleh michonse khat chu Pathen thahatna vangin mitheng thou akisohkit theiye tia thu hillhang phat nunung houbung chunga hin satan hi alungsalheh jenge.

17. Pathen dan thupeh nit jeh a kipaman loupitah khat muding chu ipi ham?

John 15:11 __________ nanghoa aum jingna ding le __________ akimna dinga, hicheng thu hi najah uva kasei ahi.

Thuchih Bu 29:18 Gaothu kiseina louva mipi amangthah jin. Amavang koi hileh danthu nitpa chu __________ nom ahi.

Labu 119:165 Nadanthu __________ chamna lentah anei yun, Imachan kipal lhuh sah pouvin te.

NOTE: Kipana, lungmona leh thanopna chuleh adang dang jouse hi Pathen danthu nit’ jeh a bou kimu ahi. Hiche jeh a chu David in hitin anaseiye, “Na dan thu hi sana thengsel simjou lou tojong tekah thei ahipoi” ati (Labu 19:10)

NA KIGELHAHNA

Jesu Christa toh kiguijopna nomtah neipuma seingai tah chate hi ding hi nanop em?

DONBUTNA: __________

ABELAP

Hiche simmun hi abelap a sim ding eipeuve.

Bible miho leh Jesu Christa umchan akitona

Bible miho atamjo hi Jesu Christa lim leh umchan tho ahiuve. Mose, Joseph, David chuleh Solomon hohi ahinkhou phatbih phabep hi Christa natoh mudohna leh ale-a (shadow) pang anahiuve. Amaho hinkhoa hitobanga Christa toh kitona anaum hi vannoiyin Jesu Christa chu Pathen chapa ahimonge ti ahetna ding bou ahi.
Daniel in danthu thudol leh keipi bahpi honsunga athilto hi anoiya hobanga hi Jesu Christa toh akitona ahie:
• Medo-Persia milen milal hon Daniel chu adinmun sangtah akonin aladoh nom uve ajeh chu ama lengpa toh kinaitah’a aum chu a-engsetpiuve. Daniel 6:3, “Lengpan Daniel chu vaipipo leh mitamtah chunga vaihom din apansah tai.” Hitobangchet chun Jerusalem a milen milal tehon Jesu Christa chu thaimang ding ago jinguve ajeh chu vannoi leiset jouse chunga thuneipen Pa Pathen toh kinaicha aum chu a-engset piuve (John 5:18-20)
• Medo-Persia milen milal hon Daniel chu aguh agal in achanglhi jingun itihta le suhkhel bolkhel anei dem atiuve (Daniel 6:4). Jesu Christa nikho laiya hou lamkai ho jong chutobang chun Jesu velhi keovin aum’un itihtah leh thukhat ahinseikhel in ahin bolkhel dem tin achanglhi jeng uve (Luke 20:19, 20).
• Daniel melmate hon amachunga thenmona ding imacha amudoh jou pouve, hijeh chun akipalhuh teina dingin thang akam tauve (Daniel 6:5-9). Hitobang bang chun thempu chungnung leh danthu sun ho toh Judas isachariot chu akihoulhi uvin Jesu kipalhuh na ding thang akam kittauve (Luke 22:2-6). Hijeng jongleh Pilate chun Jesu thenmona imacha amujou deh poi (John 19:4)
• Daniel kaipi bahkai honsunga selut ahi chun, kaipi hong chu songtum khat in akisin den in achunga chun lengpa mohor akinamdet tai (Daniel 6:16, 17). Jesu Christa jong song-lhan sunga akikoilut chun lhankot dingin songpi atanglut un achunga solkar mohor akinamdet kittai (Matthew 27:58-60, 65, 66).
• Daniel leh Jesu Christa chu anilhon a nolnabei ahilhonin chuleh leiset noiya pat ahinga hung kaldoh cheh ahilhon e (Daniel 6:23; Mark 16:5, 6). Bible a midang dang ho jong Jesu Christa hinkho toh akitona namu doh theileh ven!

Panorama of Prophecy, Lesson 6 ©2022 Amazing Facts International All Rights Reserved