Ahab vang chun Pathen adalhah a Baal pathen joh ahouna sotthim tah anahitai, hijeh chun Ahab in leng teni angsunga gao thu sei dingin themggao 400 akoutai. Amaho chu themgao lhem ahiuvin, hiti hin thu gimneitah ahin sei uve, “chen lang Syria te chu gasat tan, najo ding ahi!” atiuve. Hijongleh leng Jehoshaphat chun Pakai themgao dih tah thusei ngai inge ati. Hichea hin Jehovah Pathen themgao mikhat bouseh aumtai “Ama chun Ahab lenga thudol’a gao pha agao ngeipon, thilse hunglhung ding bou aseiyin, hijeh a chu Ahab in ama chu kahot ahi ati,” ama chu michaiah themgao ahi kitipa chu ahi. Verse 8.

Hijongleh Jehoshaphat in jong aseitei jeh chun, Ahab in jong anopleda kibangin themgao Michaiah gapui sah din mi asoltai. Mihangsan tah themgao pa jong ahungin mi jahnom louhelbeh ding gao thu ahung gao kittai. Ahab jah a Syria tetoh nakisat tengleh nathi ding ahi tin aseitai. Hichun Ahab in jong themgao mi 400 hon thu ngei ngei aseiho chu alah ding ham, ahilouleh Pakai themgao khatseh mipa thusei chu alah ding ham? thulhuh semji dan ahetapoi.

Ahab jong akilouchal sah in Jehosaphat chun themgao Miciah thusei alahda a chuleh amatoh gal kona kilhonsuh jeng dingin ajoltai. Ahab chun gal manchah kimsel a kivon a kitomchah kheh a amasanga galmatum a seipai dangho aumpou leh Pakai chu kilhemlhalal ponte ati ahi. Ahinlah Pakai kamsohsa chu peldoh thei ahipoi tihi Ahab in vaikhonung in ahedoh bep e. Galmun a kisattonaa chun, thalpi chang khat hi ahung kikho pheiyin ahileh, Ahab galvon kikilmatna laitah khat akapkha in, hijeh chun asakol kangtalai chunga chun athisan in alongkang den tai.

Ninu-nung tengleh themgao lhem tamtah um ding ahi tin Jesu in aseimasa dem dem e (Matthew 24:11). Hichena ding jeh a hi themgao lhem tamtah ho lah a themgao dih hetkhen dan ihet u angaiye. Hiche hi hinna leh thina hiding ahi.

SIM DING

Bible hohi sim cheh inlang a onglai sudim in.

1. Pathen in athilgon ho koikoma aphondoh ji em?

Amos 3:7 Dihtah mongin Pakai Pathenin Alhacha __________ henga phongdoh masa louvin Imacha thil aguhin Abol kha hih hel’e.

2. Ni nunung tengleh themgao dih leh themgao lhem aum dem?

Matthew 24:11 Chule themgao __________ tamtah sohdoh a mi tamtah alhep lhah dingu ahi.

Solchahte 2:17 ‘Pathenin, ni nunungle hiti ding ahi, mi jouse chunga __________-Lhagao bunglha ding kahi. Chule __________ __________ lhagao thu aseidoh dingu ahi. Chule nalhangval hovin mu aneiyuva, Na-upahovin mang amat dingu;

NOTE: Heng ni nunung tengleh themgao adih leh alhem umcheh ding ahi. Chuleh Pathen thu in aseibanga themgao hi numei jong um ding pasal jong um thei ding ahi.

3. Bible a itobang lampang themgao ho chu hatah a oimona chang uham?

A. “Koihileh themka hia gao thu sei ho” Danbu Ni Na 18:10
B. “Phunsan them.” Danbu Ni Na 18:10
C. “Doi thua gao theina bol ho.” Danbu Ni Na 18:10
D. “Ailhim them ho jong.” Danbu Ni Na 18:10
E. “Mitphel doi them ho.” Danbu Ni Na 18:11
F. “Bumthu them mi ho.” Danbu Ni Na 18:11
G. “Thi-lha doithem miho.” Danbu Ni Na 18:11
H. “Thi-lha gao chang miho.” Danbu Ni Na 18:11

NOTE: Danbu Ni Na 18:9-12 naa ijeh inem itileh hitobang thil bolpen pen mi chu Pakai dinga “thet-umtah” ahi tin aseiye. Hicheho jeh a hi Chrisian tehon hiche ho toh kimatna ding ineitheilou diu ahi.

4. Ni nunung Pathen houbung mite hochun lhagao thu seidoh theina (spirit of prophecy) aneidiu ham?

Thuphon 12:17 Chutah chun gul chu numeinu chunga chun alung hangin, amanu chilhah ho Pathen thupeh nit le __________ thu __________ jop amoh chengse chutoh kisat dingin akon-doh tan ahi.

Thuphon 19:10 Hichun keiman ama chu chibai boh dingin akho bul’ah kaboh khup tan ahi. Chuin aman, “Chingtheiyin, hitobang chu bol hihin, keima nasoh chanpi chule Jesu thu hettohsah nasopite ho soh chanpi kahibouve; Pathen jeng bou chibai naboh ding ahi, ajeh chu Jesu thu hettohsah chu __________ __________ seidoh lhagao ahi,” ati.

NOTE: Simmun 16 langa anasim doh banguva, ni nununga Pathen houbung amoh chengse kikhop na chun “Jesu thu hettohsahna’ anei ding ahi itiuve hiche chu “gao thu seidohna lhagao (spirit of prophecy)” kiti ahi. Thuphon 19:10 leh 22:9 vetkah dungjuiyin, vantil chun isohchanpiu, gao thuseidohna lhagao neipa John chu “Themgao” ahin atin chuleh ‘hiche lekhabua thu kisei doh jop pa chu ahi” atie. 1 Corinth Mite 1:5-8 naa, houbung hin “gao thu seidohna lhagao” anei ding ahi tin Paul in aseiye chuleh Jesu hungkit masanga ngeiya kipe ding lhagao thilpeh ahi ati. Achutileh ni nununga Pathen houbung chun gao thu seidohna lhagao aneijing nalai ding tina ahi.

5. Iti lam dol a Pathen in themgao dih tah koma thu aseiji ham?

Minbu 12:6, 8 Hichun Pakaiyin aseitai, “Kathusei jouse hi ngai lhonin; nang ho lah a hi themgao khat tou auma ahile Pakai kitipa keima hi themgaopa henga chu kei le kei hung kiphonga __________ kaneisah a kakihetsah ji ahi, chujongle keiman themgaopa henga chun __________ jong kakihou limpi jin ahi. Keiman ama hi kamcheng le kamchenga kakihoupia ki-chen tah a kaseiji ahin, thusei kichen louva kaseipeh ji ahipoi; chujongle ama hin Pakai limdol chu amuji ahiye. Chuti ahileh kalhacha Mose douna thu sei jeng ding hi nang ni nakichat lhon lou ham?” ati.

Zechariah 4:1 Kajah a thuseiya pang __________ chu kahenga ahung kit’in. mi aihmutna kona akithodoh bang khun keima eihin thoukangin ahi.

NOTE: Pakaiyin athemgao ho henga kiphonga mu aneisah jia chuleh amanga, limleh mel tahbeh a anakihoupia chuleh vantil jong amanchahji ahi. khutlam vet, phunsan, doithu, ahsi horroscope hoa kon thusei, mithi hotoh kihoumatna kitiho hi Pathenin themgao ho ahoupidan ahipoi.

6. Bolmo kidang bol theina (Miracles) hohi themgao dihtah hetdohna thei ham?

Thuophon 16:14 Hite ho chu __________ __________ ho lhagao ahiuvin, melchihna kidang dang vetsah ahiuve. amaho chun imajouse bolthei Hatchung-nung Pathen nikho loupi chungnung nia galsat dinga vannoi leiset pumpia leng ho kikhopsah dinga amaho henga chu chea ahiuve.

NOTE: Ahipoi, bolmo kidang bolthei jeh a mikhat themgao dih ahi tia seithei ahipoi. Amahon thiboltheina khat aneiye – tibouseh chu avetsah u ahi. Ahinlah hiche thilboltheina chu Pathen akon hithei chuleh satan akona jong hithei ahi. Hijeh a chu Pakaiyin hitia asei ahi: “Nanghon lhagao kititapou chu tahsan hih un, Pathen akon ahi ahilou hiche lhagao chu patep masauvin; ajeh chu vannoiya themgao lhem tamtah asohtai.” 1 John 4:1.

7. Themgao dih tah petepna poimopen chu ipi ham?

Isaiah 8:20 __________ le __________ joh doh ding ahibouve! Amahon hiche thu hi sei jongu leh hichea chun khovah aumpoi.

NOTE: Danthu leh hettohsahna kiti hi kitepna lui phat laiya “Bible” kikouna anahie. Alangkhat a seiding chun, koihileh Pathen themgao kahi tia kilep a thusei jouse chu Bible thusei toh kitoh hinam tichu patep ding tin ahi. Bible a hi themgao hochu petep ding, themgao ho thusei dungjuiya bible patep lou ding ahi. Pathen akon themgao jouse thusei chu Pathen lekhabu theng toh jakhat lah a jakhat kitoh ding ahi. Hichu themgao dihtah photchetna ahi.

8. Themgao dihtah petepna ding anina chu ipi ham?

1 John 4:2 Hichea hi nang hon Pathen Lhagao chu nahet dingu ahi; __________ __________ chu tahsa a hung ahi, ti janoma lhagao chu Pathena kon ahi;

NOTE: Pathen themgao dih tah chun Jesu Christa tahsa lim a hung Pathen ahi – tia hetna leh athutah chu aphondoh ding ahi. Themgao dihtah chun ama kichoisangna sanga Jesu Christa achoisang ding ahi. Alhangpia themgpia themgao lhem hohin miho hi Pathen thua konin apui chaveiyun chuleh amaho lunggel leh ngaitona thu lam joh ahakomu uve.

9. Themgao dihtah petepna ding athumna chu ipi ham?

Matthew 7:16 Amaho chu __________ nahet jeng dingu ahi. Mihemin lingphunga lengpiga aloa ahiloule meithai seltho linga theichang alo ngaiyem?

NOTE: Hichejeh a hi themgao hochu chamkim ding nolnabei jeng ding tina ahidehpoi. Pathen themgao ho jong lhinlalna tamtah nei ahiuve. Hitajongleh themgao lhem ho sanga themgao dih ho thusei lasah dan leh hinkho man dan hi atamjo angeina banga (consistency) muding umjing ahi.

10. Themgao dihtah petepna ding alina chu ipi ham?

Jeremaih 28:9 Amavang chamna dinga gaothu seipa themgaopa dingin, hiche themgaopa __________ chu ahung __________ tengleh Pakaiyin hiche themgaopa chu asol mong monge, ti kihedoh ding ahi,” ati,

NOTE: Themgao dihtah chun aguilhung lou ding aseimasah lou ding ahi. Hiche themgao chu Pathen akon ahimong leh, athuseiya chu hung guilhung tei ding ahi. Hijongleh, athuseidih jeng bouseh a jong hi mikhat chu themgao dih hikittheilou ahi. Danbu Ni Na 13:13 naa themgao lhem athusei hung guilhung theiya ahivanga miho Pathen lim kisemthu nungjui dinga puimang jong umthei ahi dan aseiye. Themgao dihtah chun Bible toh kitoh a Pathen hou dia miho alamhil jingkei ding ahi.

11. Gao thu seidoh lhagao (Prophecy) thudol a Paul in thil thum asei chu ipi ham?

1 Thessalonica Mite 5:20, 21 Lhagao thu seidoh ho chu musit __________ un. Imalam jouse __________ cheh-un lang, apha chu __________ jingun;

NOTE: Lhagao thusei doh theina kiti hi muset lou ding ahi tin Paul in aseiye. Themgao thusei chu Pathen thu toh petep ding chuleh apha leh adih chu ijui diu ahi.

12. Themgao dihtah thumop khat chu ingailouva ahileh koi thusei ingainomlou tina ham?

Luke 7:28-30 Tia kisun chu ama hi ahi Nang ho jah a kasei ahi, numci sunga peng lah a John sanga lenjo aumpoi. ahila Pathen gama aneojo chu ama sangin alenjoi.” ati. Chuin athu sei ja a nu jouse le kai-dong ho John Baptize chansah a Baptize __________. Pathen them achanua adihsah tauve. Ahin Pharisee ho le danthu them-ho vang chu ama chansah a Baptize chang __________ Pathenin amaho chunga agot chu alhun kheisah tauve.

NOTE: Themgao dih thusei ijahda ahileh, Pathen thumopna chu ijahnom lou tina ahi. Pathenin a themgao ho thusei ngai ding ahi atin chuleh koihileh Ama themgao thusei ngaiya jop jouse chu khangtou ding ahi tin Bible in aseiye. Hichu ngaito dinga lom ahi!
2 Thusimbu 20:20 Pakai na-Pathenu tahsan soh keiyuvin, chutileh nachendet joh diu ahi; athemgaote thusei natahsan’uva ahileh gal najo lei diu ahi,” ati.

NA  KIGELHAHNA

Pathenin athemgao hoa kona thu aseijing nalai ahin, chuleh themgao dih tah thusei chu “Jesu thu hettohsahna” ahijeh a chu, tulaiya themgao hohi Pathen thu banga petep ding nanop a chulel Pathen thu toh kitoh chan chu athu jui ding nati em?

DONBUTNA: __________

ABELAP

Hiche simmun hin abelap a sim ding eipeuve.

Tulai nikho Themgao ho
1844 kum olha chun Portland gama’h Maine a chun meithodist hobung numei phabep akiloikhom un dilsu in taona ana manguve, hiche a hi numei chapang kum 17, mi veise tah Ellen Harmon chun – mu masapen ananeiye. Ellen in jong (hou natong James white toh ahung kichen jouvin Ellen White tin ahung kihetai) Pathen akon mu anei chu ahinphon doh toh kilhon in, kum 70 sung sese themgao thil amu jingin chuleh mang akepe jing in – 1915 kum’a athi nikho changeiyin ananeiye.
Bible themgao dih tah ho umchan bangin, Ellen white jong chun gao thil anei tengleh thilbol theina jat chombeh khat in aumpi jinge tihi akimui. Themgao Daniel bangin, gao achan tengleh ahaina hu atan jin, chuleh atahsa pumpi atha abeijin ahi (Daniel 10:8, 17). Abangkom leh gao achan phat sung hi nidan li cheng lut jong aumin, ahivangin ahaina hu atan lhungkei jie. Hitobanga aumlaitah a akholchil dinga um doctor hochun atah tah ahi tihi anaphotchet uve.

Phat dang khat komle, thahatna kidang tah tah jong aneikit e (Daniel 10:18, 19). Ellen hi atahsa pumpi gih dan hi Kg 43 bep (95 pounds) ahin, themgao thilmu aneipet in akhut alhangdoh in insung maicham semna Bible Kg 7 (17 pounds) a gih khat chu minute 30 lang anadom sange. Hiche hotoh thildang tamtah atahsa chunga umho hin themgao nu chunga hin thilbol theina kidangtah khat vang chu aume tihi avetsah e. Ahinlah, hiche thilboltheina chun themgao chu Pathen akon ham Satan akon ham aseichen theipoi. Hitobang thilboltheina ho jeh a mikhat chu themgao khattouva akisei tengleh, Christian ten hiche adih hinam adihlou ham tichu Bible toh itekah jing diu ahi.

Themgao dih petepna jatli ho
Ellen White natoh leh hinkho hin Bible dungjuiya themgao dih kihetdohna thei patepna hoa lhingjou hinam, ahilouvaleh lhinglel ham tichu anaveu hite.
Patepna Masa – Pathen thu toh kitoh hinam (Harmony with scripture)
Ellen White lekhabu khat pen pen hijongleh la inlang simin, Bible toh nakinai cheh cheh sah joh ding, sim thanopna napeh ding chuleh Pathen thu toh akitona namudoh ding ahi. Ahinlah ama alekhabu hohi Bible belap na dinga kijih ahipoi. Pathen mite ngaitona chu Bible lama aheilut a sim thanopna joh apehthah a chuleh thutah hung kona chu Bible bou ahi tia mi alepuilut nahi alekhabu umdohna ajeh pipen ahi. Ellen White hin tahsan lampi jilna ding hi Bible bouseh ahi tia asei hi ihet diu ahi: “eiho khanga hi Pathen thu kihilna dihtah leh tahsan thu akona gam-manna lentah aumtan,
protestant dihtah hina dia –Bible leh Bible bouseh juiya, Bible bouseh hi tahsan lampi kihilna dinga chetohna leh kisemtupna ding ahi tia thah gel kit a kiungle kitna ding hi ngaikhoh ma ma jeng ahitai.”
Ama nu in jong hitin anajih e: “Hettohsahna kajih doh hohi vah kimu athahbeh dinga kajih ahipoi, amavang thutah kiphongdohsa chu athahbeh a ngaitona leh gelkitna dinga umjo ahibouve. Pathen a dia mihemte kin umsa leh mihem te khat leh khat kah a ibol diu kin umsa hohi Pathen thua kichehsel a um ahin; ahinlah hiche thutah juiya seingai ding hi mi atam naipoi. Abelap dinga thutah kiphong ahipon; Ahinlah Pathenin hiche hettohsahna hoa kona hi athutah umsa chu beilama ahin lhekhensah a chuleh Aman Ama deilam a miho lungsung achothouva chuleh koimachan achungthu akisei ong theilouna dinga mitin lungsunga akhumlut peh a ahin suhlang kit ahibouve.”
Ellen White in alekhabu jih hohi Bible toh kibanga koi ding ahipoi tia avel vel a asei jingkei vanga, aboncha hi Pathen akon kipe (inspired) lekhabu ahisohkeiye. Pathen a dinga themgao loupitah tah ana kiseiho – Elijah, Elisha, chuleh John Baptist ho jong chu Pathen akona thu kipe (inspired) ahiuve, ahinlah Bible sunga lekhabu hohi amaho min in khatcha akisundoh poi. Ellen White lekhabu hohi vah lentah umsa Bible juidoh nadinga vahneo kipe chu ahie. Bible hilchetna leh seijao na dinga Pathena kona kipe lekhabu ahin, ahinlah thunei chungnung chu Bible hithou thou ahi.

Patepna Anina – Jesu Christa thudol a thutah hil
Ellen White lekhabu – gah hetthei dinga um “The Desire of Ages, Christ’s Object Lessons, Steps to Christ Chuleh Thoughts from the Mounts of Blessing – Kitiho jouse hin patepna jouse abonchakeiya ajo sohkeiyah ahi. Hiche lekhabu jousea hin ama thudol leh akichoisangna changkhat jong aumpon, ahinlah athumal jousea hin Jesu Christa achoisange.

Patepna athumna – Pathen neitah hinkho
Ellen White thi pet a ama hinkho thudol a thusei press hochun hitin aseiyuve: “Pi. Ellen White hinkho hi mijouse a dinga vetton theitah leh jui thei sohkei ahi ... akineosah in, Christa seijui dihtah ahin, chuleh akiheina tinna thilpha jeng bolmi ahi ... midang khantouna ding leh semphatna dinga ama hinkho jeng jong ki-itcha louhel numei hinkho loupitah neinu hi mi jousen jana apeuvin chuleh akipapi sohkeiyui. Hou thudol a dinga numei mantam pen leh lamkai hina min apu in chuleh ahinkho lhungkei kum 90 dehchet chu thilpha bolna, awnem tho na aneiyin, chuleh mi jousea ding in taona gunchu tah in amanglhum keiye.

Patepna alina – Athusei adih na
Ellen White in mailam a thil hung lhung ding phabep anasei hohi themkhat muthei aume. Aguilhung dinga asei masah khat jingkah thuso khat a hitin ahung kiso e, “Rail kang kitolna lampi hoa toset toh hung tam cheh cheh ding; mihem lamlhahna lampi tinna hetmanloukal a tosetna, lungboi lungsouna, thina-manna ho hung kiphimatchet ding ahi.” Anatie. Hiche asei laiya hi tukhanga che-le-va na khol (transport) thil ho imacha anakisemdoh loulai ahi.
Doctor hon phat khat lai chun meikhu chep hi choup (Lungs) a dinga damna ahi tia anaseiji lai khanga chu Ellen White jong anaum ahitai. Scientific tah a imacha muchet anaumlou, lou-le-ai thudol a louthem ho ngaidan jatchom chom anaum ji khang chu ahi. Nutrition kiti jong hi science a dinga hetphah anahilou lai ahi. Hitobang dinmun laitah chun, Ellen White in nehlechah leh damtheina thudol in lekhabu lentah anajih tan ahi. Dr. Cliv McCay, Cronell University a nutrition professor luipa chun hitin aseiye: “Tulai modern science khantou nunga um hitajongleu hen, Ellen white in masanglaiya ama lekhabu anasei kalval aphajo ding leh ahoidehset jong aumbe deh tapoi.”
Ni nunung tengleh gao thu seidohna lhagao hung um ding ahi tihi Bible in asei ahi. Thil jouse aumdan leh akimu dungjuiyin Ellen White hi themgao dihtah hetdohna patep jouse asulhing keiyin ajouve. Ama lekhabu jih hohi nakilah a nasim a chuleh Pathen thu toh akito dungjuiya najui din tunia hi kaseipeh nahi, “Gao thu seidoh chu muset hih in, thil jouse patep unlang, chuleh apha jouse chu tuhdet un.” 1 Thessalonica Mite 5:20, 21.
Panorama of Prophecy, Lesson 22 ©2022 Amazing Facts International All Rights Reserved