Sodomre bolok’ lahare, nokin serma guḍit’do daṛãyet’kan hoṛak’ rupkin hatao keda. Lot do unkin barea nawa mońj ńelok’ hoṛkine ńelket’kinạ tinre unkin do pạhil duạra tekin boloena, Ar noa baḍae tuluc’ je ona dusṭạmi nagraha reak’ kulhi do ńindạ lạgit’ baṅ mońj gea mente, uni do metak’kinạ ac’ak’ oṛak’re tahẽ aṅgak’ lạgit’. Menkhan onko dusṭạmi hoṛko do ko ńelet’kin tahẽna, ar unhilok’ ạk’yup sec’do onko do Lotak’ oṛak’ duạra ṭhenko jarwaena arko menkeda unkin peṛa oḍok ạgukinme jemon ale unkin saote allele gitic’. Lot do emonge onko dusṭạmi hoṛko saote galmarak’ kan tahena okoe do uniak’ duạrareko tahẽkana. Onkoak’ bạric’ monejoṅ ar tek’ge bạṛtiyen takoa ar onko Lot’ko jormoṭe kan tahẽna! Ar ona oktere unkin dutkin do ạkinak’ asol rup do bạkin oko daṛeada. Unkin do Lot oṛak’ bhitritekin or aderkedete unkin do joto hoṛkin kãṛã ocoket’koa.

Dosar hilok’ ạḍi setak’re, dutkin do Lot ar uniak’ gharońjrenkokin metak’koa, “Apeak’ jion bańcaok’ lạgite ńirjonpe! Tayomsek’ alope koyok’ ruạṛa … buruko sek’ ńirjoṅpe ar baṅkhanpe gujuk’a.” Genesis 19:17. “Khange Probhu do Sodom ar gomora re gondhok’ ar seṅgele jạṛikeda serma khon, Probhu ṭhen khonge.” Genesis 19:24. Eken Lot ar ac’ren barea bin bapla kuṛikin bańcaoena, menkhan ac’ren bạhu do laloc’en saote tayomsec’e koyok’ ruạṛkeda khange buluṅ khunṭiye benaoena. Isorak’ katha re metabon kana je mucạt’ dinre, dhạrti reak’ obosta hõ sodomleka ge huyuk’a - ar onkage ona reak’ kuṛại hõ!

PAṚHAO

Mimit’ Bạibel kạli ko paṛhao tayom khạli ṭhại ko perejpe.

1. Cet’ nonkan barea nagraha em akana dusṭạmi koak’ nosṭok’ reak’ nạmuna lekate?

2 Patras 2:6 Ar _______ ar _______nagrahakin ḍahao toroc’ket’te onakin jalao maraok’te sạjạiok’ lạgit’e bicạrket’ khan, ar happen Isor bin bhoktite din khekmaoko lạgit’ onakin do nạmunae dohoket’.

Dhean: Isor do ona barea nagraha jaejug seṅgelte nosṭokeda - norok’ re dusṭạmiko do onkan seṅgel tege ko nosṭokoa.

2. Dusṭạmiko do tinre ko nosṭok’a norok’ seṅgel re?

2 Patras 2:9 Tobe Probhu doe baḍaegea … ar bedhoromko _______ hilok’ hạbic’ sạjạire dohoko lạgit’.

Johan 12:48 Okaṭak’ kathań roṛakat’, onage _______ _______ bicạrea.

Mathae 13:40-42 Onkage _______ reak’ _______ hoyok’a Manwa Hopon ac’ren dute kolkoa, ar onko do uniak’ raj khon sanam tak’kic’ak’ko ar bedhorom kạk’mikoko jarwa mit’koa, ar seṅgel kũnḍreko khadlekoa.

Dhean: Cetanre em akan Bạibel kạlikore, pusṭạute ol akana je dusṭạmi ko seṅgelreko khadle ocok’a bicạr hilok’ dhạrti reak’ mucạt’ dinre - gujuk’ kan oktere do baṅ. Noa reak’ mane do kana je okoe hõ nit’ do norok’ re bạnuk’ koa. Noa do unrege mońj huyuk’a okoe hõ jemon aloko saset’ocok’ akoak’ bicạr ạuri huyuk’ hạbic’. Hoṛko do kuṛạiko em ocok’a se ko saset’ ocoak’a dosar hijuk’re, ona lahare do baṅ (Johan Then Sodorak 22:12).

3. Dusṭạmiko okoe do ko goc’akan onko judi norok’ re bạnuk’ ko khan onko do okare menak koa?

Johan 5:28, 29 Okte hijuk’kana one unre _______ menak’ko jotoge uniak’ aṛaṅko ańjom, arko oḍok hijuk’a … bạṛic’ak’ko kạmiakat hoṛ do bicạrok’ reak’ beret’ ruạṛok’tege.

Job 21:30, 32 Bạṛic’ hoṛ do ikạkaekana, Raṅgao hilok’re …_______ jaegateko gok’ idilere, Uniak’ _______ cetanreko pahrayeda.

Dhean: Bạibel doe khạṭiabon kana je, dusṭạmi ko okoe do ko goc’akan kobore menak’koa ạuri jiwet’ beredok’ hạbic’ dhạrti reak’ mucạt’ dinre. onko do Jisuak’ hoho aṛaṅ ko ańjoma ar kobor khon ko jiwet’ beredok’a, norok’ seṅgel khon do baṅ.

4. Kại reak’ kuṛại do cet’ kana?

Romiko 6:23 Ente kại reak’ kuṛại do _______ kana, menkhan Isor reak’ daya dan do jaejug jionge Mạsi Jisu aboren Probhure.

Dhean: Kại reak’ kuṛại do jaejug jion norok’ seṅgelre do baṅ, menkhan ona reak ultạ tet’ge gujuk’. Abo sanam ko ge pạhil gujuk’ rebon gujuk’a (Ibriko 9:27), Menkhan Bạibel meneda je dusṭạmi koak’ norok’re gujuk’ge kana dosar gujuk’ (Johan Then Sodorak 21:8) Pạhil gujuk’ khon, sanam koko beret’ ocok’a kuṛại se sasetok’ lạgit’; menkhan dosar gujuk’ khon jiwet’ beredok’ do bạnuk’a. Noa ge mucạt’ do. Ona saote, judi kại reak’ kuṛại do jạejug lạgit’ norok’ seṅgel kan khan, enḍekhan Jisu do ona reak’ kuṛại do bae emleda.

5. Ona barea bachao joṅ do cet’ kana sanam manwa ko lạgit’?

Johan 3:16 Unire pạtiạuk’ mit’ ke mit’ hoṛ aloko bickom _______ _______ _______.

Dhean: Bạibelre do Limbo ar tala barabạri ṭhại reak’ bisoete do baṅ ńamok’ kana. Bạibel do barea bachao joṅ reak’e cet’abon kana - jaejug jion ar jaejug gujuk’ (Deuteronomium 30:15).

6. Norok’ seṅgel re dusṭạmi koak’ do cet’ huyuk’a?

Sereńko 37:10, 20 Ar thoṛa ghạṛi khange bedhoromic’ do bạnugic’an, … menkhan bedhorom hoṛko doko _______, … dhũạ lekako _______ chanok’a.

Malaki 4:1, 3 Ente ńelpe, ona din do darakana, ona do bhaṭa leka
jolok’kana, … joto bedhorom kạk’miko do bhusạ lekako hoyok’a; ona darakan din do onkoe _______ _______ , … ar bedhoromkope lebet’ gańjaokoa, ente onko do apeak’ jaṅga talka latarre toroc’ baraggeko hoyok’a.

Dhean: Dusṭạmiko do norok’ reak’ dhũạre coṭ’teko rakap calak’a. eken toroic’ ge sarec’ tahẽna.

7. Norok’ seṅgel do okare huyuk’a?

Johan Then Sodorak 20:9 Ar onko do _______ pasnao rakap’ena, ar sonot hoṛko reak’ ḍera ar dulạṛiạ nagrahako gheraokeda; ar seṅgel do serma khon ãṛgoyente onkoe jom maraoket’koa.

2 Patras 3:10 One unre sermako do ãṭ seḍeate parom calak’ ar ipilko do
atarok’teko lek’, ar _______ ar onare menak’ benaok’ko do ḍahao cabak’.

Dhean: Norok’ seṅgel do noa dhạrti rege huyuk’a, karon noa dhạrti do seṅgel cetanre huyuk’a.

8. Cet’ soetan do norok’ seṅgel ren mạlik’e huyuk’a?

Johan Then Sodorak 20:10 Ar onko buk’lạuic’ Soetan do seṅgel ar gondhok reak’ doreãoreye _______ _______.

Dhean: Baṅ! Norok’ seṅgel ren mạlik’ huyuk’ khon, soetan do norok’ seṅgel re khadle ocok’a. Mucạt’ re seṅgel do uni “toroc’e benaoea noa dhạrti re.” Ar Isor do soetanak’e meneda, “ar do bam tahe idik’a.” Jeheskel 28:18, 19.

9. Cet’ Norok’ reak’ seṅgel do ĩṛĩjok’a?

Jesaea 47:14 Jorok’ ṭonkok’ lạgit’ _______ _______ _______ ona do, Ar nonkan seṅgel hõ baṅ, one oka sorrem duṛup.

Dhean: Kại tayom, kạkạiko, ar dhạrti reak’ sanamak’ do nosṭok’a, seṅgel do ĩṛĩjok’a. Ona do jaejug hạbic’ do baṅ juluk’a. Jaejug seṅgelre sasetok’ do kạiko khon bańcaok’ do baṅ huikok’a. Isorak’ pontha do kana kại nosṭoe ar meṭao utạr, disạ dohoe do baṅ. Johan Then Sodorak 21:5, “Ńelpe, Sanamak’ ko doń nawaea.”

10. Cet’ hoṛmo ar jiwi banarge norok’ re nosṭok’ana?

Mathae 10:28 Onko do alope botorakoa; bickom okoe _______ ar _______ banarge norokre nosṭoe lạgit’ dạṛe menak’tae, unige botoraepe.

Dhean: Ḍher hoṛ do ko pạtiạuk’a je jiwi do baṅ gujuk’a mente, menkhan bar dom Isore men akada, “kạkại kan jiwi doe gujuk’a.” Jeheskel 18:4, 20. Bạibel lekate, dusṭạmiko do norok’re ko nosṭok’a - jiwi ar hoṛmo.

11. Norok seṅgel do okoe lạgit’ juluk’a?

Mathae 25:41 Menape sarapanko, do iń ṭhen khon calak’pe _______ ar uniren dutko lạgit’ tearakan jaejug seṅgelte.

Dhean: Norok’ seṅgel reak’ kạmi do kana Soetan, ac’ren bạṛic’ dutko ar kại nosṭoege. Judi iń kại reak’ ghoṭna ko khon baṅ ruạṛa, khan ińhõ ona saote nosṭok’ huyuk’tina, cedak’je judi kại baṅ nosṭolen khan, arhõ ona do nawa dhạrti bạṛija.

12. Bạibelre Isor do dusṭạmi koak’ nosṭok’ babodre cet’e meneda?

Jesaea 28:21 Ente Probhu doe … Uni doe raṅgaok’a … Ac’ak’ kạmi kạmi lạgit’ uniak’ kạmi do _______!

Dhean: Isor do okoe dulạṛet’koa onko nosṭoko reak’ hudis hõ bae ạguida. “Probhu do jahaege nosṭok’ bae menjoń kante, bickom sanamko jemon mon ạk’cur huyuk’tako.” 2 Patras 3:9. Uni do jaogea metako kana “Ruạṛok’pe, ruạṛok’pe sanam bạṛic’ak’ ḍahar khon! Cedak’pe gujuk’a.” Jeheskel 33:11. Manwa nosṭoko do Isor lạgit’ mit’ṭen judạ ḍaharko kana je norok seṅgel metak’kana oka do mit’ṭen ac’ak’ “baṅ “cekaelekanak’” kạmi kana. Isor do manwa bańcao ko lạgit’ nonkanak’ cet’ sana hõ ac’ṭhen bae bạgiada. Onko nosṭok’ lahare, mimit’ dusṭạmiko noako ańgoc’a je Isor do niạic’ge tahẽlena (Romiko 14:11).

13. Cet’ Bạibel do bae meneda “Baṅ ĩṛĩjok’” seṅgel do tis hõ baṅ ĩṛĩjok’a mente?

Mathae 3:12 Uniak’ haṭak’ do tire menak’taea, ar khạrạiye sapha utạrtaea, ar guhum do murạireye ạgu jarwaetaea, menkhan bhusạ do baṅ ĩṛĩjok’ seṅgelteye _______ _______.

Dhean: Baṅ! ĩṛĩjok’ seṅgel do ĩṛĩj bam daṛeak’a. Enrehõ tinre jotoak’ jol cabak’a, ona do ĩṛĩjok’a. Nomuna lekate, Jirimia 17:27 re cehaonae emok’ kana je judi Isoren hoṛko biswạsre bako tahẽn khan, uni do Jerusalemre seṅgele jeredak’a “oka do baṅ ĩṛĩjoka.” Ar Bạibel re meneda je noa nạbi katha do purạu cukạuena. “unko do Isorak’ oṛak’ko jeredgiḍikeda, Jerusalem reak’ pạchri bhitko lạnduṛ dhan dhaseṛkeda, ar ona reak’ bebak’ raj dolanko do seṅgelteko ḍahaokeda, ar ona reak’ sanam damanak’ bhajanko do ko marao giḍikada ... Jemon Jeremiawak’ mocate Probhuwak’ katha purạuk’.” 2 Biboron 36:19, 21. Ona seṅgel do baṅ ĩṛĩj daṛeada sanamak’ ạuri ḍahao caba hạbic’; khange ĩṛĩjena. Ona do teheń baṅ juluk’ kana, hõe daṛek’a Bạibel ona do “baṅ ĩṛĩjok” seṅgele meta kanre hõ.

14. Cet’ “jaejug seṅgel” reak’ mane do “baṅ cabak’” seṅgel kana?

Jihuda wak’ cithi 7 Cet’ leka Sodom ar Gomora … _______ _______ reak’ sạjại jojomkan abo samaṅre nạmuna menteko dohoaka.

Dhean: Bạibel reak’ bhed do abo Bạibelge em ocoe jạruṛ kana. Abobon ńel daṛeak’a noa Bạibel kạliko re je Sodom ar Gomora do jaejug seṅgelte nosṭolena mit’ṭen norok seṅgel reak’ nạmuna lekate, menkhan ona nagrahako do teheń hạbic’ baṅ juluk’ kana. Onako do toroc’ utạrena. (2 Patras 2:6), noage jaejug seṅgel doe cekae gea. Noa do jaejug kana ona reak’ kuṛạire. (Ona bisoe reak’ bodolte ńelpe “kisạṛ hoṛ ar Lasaras”.)

15. Tinre Johan Then Sodorak 20:10 re menet’ kana dusṭạmiko do seṅgelre ko sasetok’a “jaejug”, hạbic’, cet’ tobe khan noa do bin mucạdok’ somoe do bae uduk’da?

Jona 2:6 One ona reak’ hurkạṛko do iń upạrte _______ lạgit bonden.

Dhean: Baṅ. Jonah do maraṅ hạkuwak’ lac’re pe siń ar pe ńindạ bae tahek’ kana (Jonahe 1:17), enre hõ uni menkeda “Jaejug”. Ińiń bujhạu daṛeak’ kana je uni do jaejug lekae aṭkarkeda! Junạni kathate “jaejug” oka do Johan Then Sodorak 20:10 re menak’ ko torjomawakada “eaion” oka do hec’ akana “eon” katha khon. Okaṭak’ do jahan khạṭiakan somoe reak’e sodoreda, hisạb khon se behisạb khon. “Jaejug” do 56 dom Bạibelre beohar akana oka do uduk’akada je mucạt’ utạrna mente. Mit’ṭen jagare “jaejug” do uduk’akana mit’ṭen biswạsi golam mente Exodus 21:6, ar eṭak’ jaegare “tin hạbic’ uni jiwet’e tahen “1 Samuel 1:22, 28).

16. Kại ar kạkại kanko nosṭok’ tayom Jisu do ac’ren hoṛko lạgit’ cet’e cekaea?

2 Patras 3:13 Menkhan uniak’ gok’ak’ lekate abo do nawa sermako ar _______ _______ ńel horeda, one onare do dhoromge thamgạḍi akan tahen.

Johan Then Sodorak 21:4 Ar Isor ac’ge onka tuluc’e tahena, ar onkoak’ mẽt’ khon sanam mẽt’ dak’e jodtakoa; ar moron ar do baṅ tahena, ar hirdạni hõ baṅ, ar rak’jon hõ baṅ, ar _______ hõ ar do _______ tahena; ente pạhilak’ko do parom calaoena.

Dhean: Noa saphaen dhạrti reak’ toroc’ko cetanre, Isor do nawa sermako ar mit’ṭen nawa dhạrtiye benawa. Uni kiriạuakana onḍe do sanam jiwianko jaejug hạbic’ rạskạ suluk’ ar asambheṛ rạskạre ko tahẽna.

17. Kại do cet’ ar rakap doṛhak’a?

Nahum 1:9 Gạr do dohṛate bae _______ .

Dhean: Baṅ! Kiriạwak’ katha do khạṭigea ar do doṛhate baṅ rakapbok’a.

Jesaea 65:17 Ente ńelpe, nãwã sermako ar nãwã pirthimiń sirjạueda; Ar pạhilak’ko do baṅ disạk’a, Ar baṅ do monrege rakap’a.

18. Job do cet’ nonkanak’ kupli kuli leda?

Job 4:17 Cet’ maraok’ manwa do Isor khon bạ̃ṛti _______ ṭarhaokok’a?

Dhean: Judi amren hopon mit’ṭen khoniạhiye huyuk’a, cet’ amem aṭkarda je uni do saset’ emae jạruṛgea mente? Jạruṛgea mentem menkea. Menkhan cet’ amem khoja uni jiwet’te seṅgelre julea mente, ạḍi aṭ raṅgaote, mit’din lạgit’ hõ? Ekdom bań. Ona do bam teṅgo ṭarhao daṛeak’a. Ar dulạṛiạ Probhu ho noa do teṅgo katek bae ńel daṛeak’a je ac’ren gidrạko sasetok’. Ona do ạḍi bạric’a khon hõ ạḍi bạric’ joto lạṛhại goc’khon hõ. Cet’ Isor onkangea? Baṅ! Mit’ṭen jaejug norok reak’ sasetok’ do baṅ sahak’a Isor lạgit’ ar ekaltege noa do uniak’ colon reak’ dulạṛ ar nịae birudgea.

Amak’ roṛ ruạṛ

Jahanak’ khon baṛti, Jisu doe khojkana uniak’ ṭhonok’an nawa rajre jemon amem tahen. Uni khojkana je am ona jaegam hatao okaṭak’ do uni tear sapṛaoakat’ am lạgit’. Cet’ nit amem goṭa joṅa ona dan aṅgoc’ lạgit’?

Jobab: ________

Bodolte

Noa paṭh do lahaseak’ paṛhak’ lạgit baḍae emok’ kana.

Kisạṛ hoṛ ar Lasaras
Aema hoṛ do kisạṛ hoṛ ar Lasarasak’ phen kathako beohara noa porman lạgit’ je hoṛ do goc’ tayom sermate se norokteko calak’gea mente. Noa do Jisuak’ hudis baṅ tahẽk’ kana tinre uni noa kạhni lạiyet’kan tahẽna. Jisu do oka katha “norok’” menteye beohar akada ona do “kades” kana, Junạnite ona do mit’ṭen sasetok’ reaṅ jaega. Sanam Jihudiko do noa galmarao ańjom katek’ ko bujhạukeda je Jisu do mit’ṭen mońjte baḍaeak’ kạhni hotete lạiye khoj kan tahena. Judi abo Luke 16:19-31 mońjtebon ńela, ạḍi usạrage abobon ńelńạma noa kạhnire do phen kathate perejakana, Jisu do bae menet’kan tahena je abo noa katha khạṭiak’ mentebon aṅgoc’.
• Nạmuna lekate, cet’ joto bańcao akanko do Abrahamak’ hoborre ko calak’kana? Baṅ.
• Cet’ serma ar norok’ ren hoṛko do galmarao joṅ kana ko mimit’ hoṛ ko saote? Baṅ.
• Cet’ mit’ ṭhop dak’ joro lenre norok’ re juluk’ kan mit’hoṛak’ alaṅ ṭandha kok’a? Baṅ.
• Cet’ noa do Abrahame goṭaeda okoe bańcaok’a or okoe nosṭok’a? Baṅ.
One onkage, noa phen kathate do hoṛ babon cet’ daṛeakoa je hoṛko okoe do dhạrti reak’ mucạt’ bicạrdin lahareko gujuk’ kana onko do serma se norok’teko calak’kana mente. Johan 12:48 re menedae, “oka kathań roṛ akat, onage mucạt’ dinreye bicạrea.”
Khan cet’ noa phen katha reak’ mane do? Kisạr hoṛ do jihudi jạt ko reak’ cinhạ tahek’ kana, kathare ko hesec’sekrejok’kan tahena, tinre do kokoic’ko do duạra ṭhenko-eṭak’ jạt renko-katha ńam lạgit’ ko khadbadao baṛae kan tahenako. Jisu do ona phen katha noa pohom katek’ge cabakeda je “Judi onko Mose ar nạbikoak’ bạko ańjomleda, goc’ khon jiwet’ beret’lenak’ hõ bạko ańjoma.”
Luke 16:31. Hẽ, ona tayomge Jisu do Lasar ńutuman mit’ hoṛe jiwet’ beret’kedea, ar enrehõ Jihudi koren murubiko do bako pạtiạulena (Johan 12:9-11).
Panorama of Prophecy | Santhali, Lesson 13 ©2022 Amazing Facts International All Rights Reserved