Noa nawa dhạrtire Adam ar Hawawak’ hukum bebatao khạtirte kại boloyena, Isor do mit’ṭen dãṛẽ samaṅ reak’ niạme bandhaokeda ar metak’kina je begor mãyãm jorote kại reak’ ikạ do bạnuk’a mente (Ibriko 9:22). Uni do unkine metak’kina je noa dãṛẽ samaṅ niạm do daraekan dinre Jisu do manwae huyuk’a ar dhạrti reak’ kạiko lạgit’e gojok’a mente. Abel do biswạs selek’te mit’ṭen bheḍae ạgukedea ac’ak kại lạgit’ dãṛẽye mente, men khan Kain doe hudiskeda je Isorak’ hukum bak’tao do baṅ jạruṛa. Uni doe hudiskeda je dãṛẽ samaṅ niạm do mạilạgea ar menkeda tin hạbic uni do dãṛẽ samaṅ ar Isore sewawae khan jãhãn bạric’ak’ do baṅ kana. Khan uni do ac’ak’ bagwanre kạmilet’ ona reak’ khone ạgukeda. Kain do hiskạ ar raṅgaote ńelkedae je Abelak’ dãṛẽ do serma khon seṅgel hec’kate Abelak’ dãṛẽ do julena ar ac’ak’ do begor joṭet’e bạgiak’taea. Isor do dulạṛ selec’te Kaine metak’dea nidhạnok’ tuluic’ bak’tao, menkhan ḍhiṭante ac’ak’ birudregeye taṛamkeda. Abel hõ ac’ lạṭu dada saote suluk selec’te galmaraoe khojkan tahẽna, menkhan kain do raṅgaoente dạṛ keda. Uniak’ hudis bundisko ńam ruạṛ hạbic’, Abelak’ mãyãmak’ hoṛmo do uniak’ jaṅga surre ńurakan tahẽna. Isor do Kain upạrte sarape emadea, ar tinre Kain do ac’ak’ sarap babote menkeda, Probhu do uni upạrte mit’ṭen cinhại dohokeda baṅkhan daraekan piṛhirenko do ona reak’ hala ruạṛko hataowa.

Johan Sodor puthire metabon kana je, mucạt’ dinre, laṛhại huyuk’a kristanko talare tinre cet’leka dewa sewa huyuk’a ona bisoete. Ạḍi usạrage sanamkoge urumok’a Isorak’ mohorte se janwarak’ dagte.

PAṚHAO

Mimit Bạibel kạliko paṛhao tayom khạli ṭhạiko perejpe.

1. Mucạt’ eae dukko hijuk’re okoekoko rukhiạ ocok’a?

Johan Then Sodorak 7:3 Menkedae, Dhạrti do alope hạna, ar jalapuri hõ alo, ar dareko hõ alo, aboren Isorren golamko _____ ạurile _____ _____ hạbic’.

Dhean: Okoe ko do Iosrak’ Mohor akoak’ moloṅre ko hataoa unko ge noa dukko oktere ko rukhiạ ocok’a (Sereńko 91:7-11).

2. Dhorom hoṛkoak’ moloṅre menak’ “Mohor” do cet’ kana?

Jesaea 8:16 Gohawak’ do tol poṭomme, _____ do ińren celako talare bondkate mohorak’me.

Dhean: Isorak’ mohor do uniak’ ạnre ńamok’kana. Mohor do mit’ṭen pormane khạṭiyeda okoeak’ kana mente, biseste noare do pea uprum tahẽnkana: Ńutum, Office, Jaega. Nạmuna lekate “Syrus Persiaren Raj” Ezra 1:1.

3. Gel hukum reak’ okaṭak’ hukumre noa pea uprum doe emeda?

Exodus 20:11 Ente turui mãhãte _____ _____ serma, ot, jalapuri ar onakore _____ menak’ak’e benaokeda.

Dhean: Eken ponak’ hukumre noa sanam pea uprum do ńamok’kana:
(1) “Probhutet’” - Uniak’ ńutum,
(2) “Benao” - Uniak’ ṭhại do Bebenaoic’,
(3) “Serma ar ot ar sanam onare menak’ko” - Ac’ak’ jaega.

4. Isor do cet’ bises cinhại emakana ac’ak’ daṛe sodor lạgit’?

Jeheskel 20:12 Ar ińak’ jirạuk’ mãhãko hõń emat’ koa iń ar onko talare mit’ṭec’ _____ tahen lạgit’, jemonko baḍae, baṅma, iń Probhuge onko sok’notic’ do.

Jeheskel 20:20 Ar ińak’ _____mãhãko sonotpe, jemon onako do iń ar ape talare mit’ṭec’ _____ mente tahen, ar jemonpe baḍae, baṅma, iń Probhuge aperen Isor do.

Exodus 31:13 Israel hoponko metakom, Ińak’ jirạuk’ mãhãkope dohoegea, ente ona do iń ar ape talare _____ kana ape piṛhi cetan piṛhige, jemonpe baḍae ińge Probhu apeń sonotet’pe kạnic’ do.

Dhean: Isor do pusṭạute meneda je Uniak’ Jirạuk’ mãhã do benao ar sonot lạgit’ cinhạ mente emakana. Noa do uniak’ cinhạ kana se uniak’ ektiạri reak’ dag kana. “Mohor,” “Cinhạ,” “Dag,” ar “Uprum” kathako do bodol daṛelekanak’ katha leka beoharakana goṭa Bạibelre (Genesis 17:11 do Roman 4:11 ar Johan Then Sodorak 7:3 do Jeheskel 9:4 saote juripe).

5. Johan Then Sodorak 13 ren janwar do cet’ hatao lạgit’ sanamkoe jormoṭkoa?

Johan Then Sodorak 13:16 Ar hupṭic’ko ar hapṛak’ko, kisạ̃ṛko ar reṅgec’ko, sạdhinko ar golamko sanamkoak’ jojom tire baṅkhan_____ _____ ocoyet’koa.

6. Janwarak’ dag do cet’kana?

Dhean: Johan Then Sodorak 13 ren pạhil janwar do 19 nombor paṭhrebon urum ńame kana. Uniak’ dag reak daṛe ar ektiạri do cet’ kana? Uniak’ dag reak’ daṛe baḍae lạgit do papasy ge kuliye jạruṛa. Dheanak’tabonpe Catholic Cathisism khon emakan kathako:
“Q. Jirạuk mãhã do okaṭak’ kana?”
“A. Sonibarge Jirạuk’ mãhã do kana.”

“Q. Sonibar bagi katek’ Robibar cedak’bon manaoeda?”
“A. Ale do Robibarle manaogea sonibar bạgikatek’ cedak’je Catholik’ manḍer do ona reak’ sonottet’ Sonibar khon Robibarre ko ạgukeda.”

Catechism khon eṭak’ak’ olak’:
“Q. Cet’ ar eṭak’ak’ porman menak’a je manḍerak’ do ektiạri menak’a eṭak’ niạm emok’ lạgit’ porobko manao mente?”
“A. Cet’ uni ṭhen onkan daṛe baṅ tahẽkana, Noa piṛhiren dhoromkoren uni saote bako selet’lenkhan uni do ona bae ceka daṛekea-uni do Sonibar eaeak’ mãhã manao do pạhil din mak’naore bae bodol daṛeak’kea, Isorak’ kathare ona bodol reak’ jãhãn ektiạrige bạnuk’a.”
Papasy doe meneda je ona dag reak’ daṛe ar ektiạri do Ribibar sonote benaoeda mente-Ona bodol do goṭa dhạrtiren kristanko aṅgoc’eda. (Bodolte ńelpe “Cet’ bises kukliak’ papasy do protestankoe kuliyet’koa?”)

7. Cet’ janwarak’ dag ar Isorak’ Mohor do ńel ńamok’ak’ kana?

Ibriko 10:16 Probhu meneda; Ińak’ ạn ạri do onko _____ dohoea, ar onkoak’ _____ onakoń ol bạisạua.

Poporcarie 9:10 Jãhãnak’ge amak’ _____ do kạmi lạgit’e sap’tiog ona do amak’ daṛe selet’ kạmime.

Exodus 13:9 Ar ona do amak’ _____ mit’ṭec’ cinhạ mente hoyok’tama, ar amak’ met’kin talare mit’ṭec’ _____ mentege, jemon Probhuak’ ạn do amak’ mocare tahẽn.

Jesaea 59:6, 7 Onkoak’ kạmiko do dusṭạmi reak’ kạmikoge, ar jor bojor reak’ kạmiko do onkoak’ _____ menak’a … Onkoak’ _____ do dusṭạmi reak’ bundisak’koge Jarkharok’ ar dhaṅdhaserok’ge onkoak’ ḍaharre do menak’a.

Dhean: Janwarak’ dag se Isorak’ Mohor okaṭak’ ho baṅ ńelok’a. Moloṅ do mone sodoreda, ar ti do kạmi reak’ cinhạ kana. “Tire” ar “Met’ talare” do Isorak’ kathare menak’ cinhạkana mit’hoṛak’ hudis ar uniak’ kạmireak’ (Exodus 13:16; Deuteronomium 6:8; 11:18). Mit’hoṛ do Robibar sonot mãhãkana mente aṅgoc’lere uni do janwarak’ dage hataojoṅ kana Bạibel reak’ sạriak’ tahẽn tuluc’. Isorak’ mãhãre kạmi lekhan uniak’ tire dage ńameda se robibar mãhã ac’ak’ subida lekate mak’naolekhan-cet’leka kạmi, gharońjse ar arko. Hui daṛeak’a manwako do cinhạtet’ bako ńelńama, Isor doe baḍaea okoeṭak’ hoṛ do okaṭak’ dag menak’tea mente (2 Timothi 2:19). Bujhạulekate mimit’ hoṛ do akotege cinhạko hataojoṅa. Judi in Isorak’ sonot mãhãń manotak’ kana khan uni do iń ac’ren kanań mente dage emańa. Judi iń janwarak’ eṛe jirạuk’ mãhãe mak’naowa, Uni do iń janwaren kanań menteye dagińa.

8. Jisu do cet’ lekae goṭajoṅa judi abo uniren guti kanabon khan?

Romiko 6:16 Bape baḍaea, okoe ṭhen golam menkate hukum _____ lạgit’pe gobolok’kan ar okoeak’pe bataoet’tae, uniren golamko kanape mente.

Johan 14:15 Ińpe dulạṛdiń khan, ińak’ hukumkope _____ .

9. Cet’ nitok’ jãhãe ṭhen janwarak’ dag menak’takoa?

Johan Then Sodorak 13:17 Uni janwarak’ ńutum se uniak’ ńutum reak’ lekha menak’tako hoṛ chaḍa okoe hõ _____ se  _____ aloko daṛeak’.

Dhean: Mit’hoṛ ṭhen ho janwarak’ dag do bạnuk’a. Tinre noare ko jormoṭkoa, eken unkoge okoe do janwarak’ dagko ńamakada onkoge kiriń se ak’rińko daṛeak’a. Ona oktere, hoṛko okoe do Isorak’ sonot Jirạuk’ mãhãko dohowakada onko do akoak’ jion nosṭok’re hõ cekaea (Johan Then Sodorak 13:15), ar okoe ko do Uniak’ sonot mãhã besonot lạgit’ko bachaojoṅa onko do manwawak’ hukumko do Isorak’ hukum khon cetan manko emak’a ar onko do Mạsi birudren ko huyuk’a. Onko sanamko okoe Jisuak’ ar uniak’ sonot dinre pạtiạrko tahẽna uniak’ ṭhonok’ko ńamjoṅa, Khan Uni do onko jae jug lạgit’ ac’rene benaokoa. Okoe ko do cet’hõ bako baḍaelekako tahẽna onko do Mạsi birud sec’ko lekha ocok’a (Mathae 12:30).

10. Mạsi birud daṛe do cet’ nonkan barea jinis bodole khoja?

Daniel 7:25 uni do … ar _____ ar _____ pheraoe ponthaea.

Dhean: Daniel 7 do mare niạm reak’ Mạsi birud daṛe babotre sodoreda. Noa do pusṭạute meneda je janwar do Isorak’ ạnko ar okteko bodol lạgit’e kurumuṭuya. Nui Papasy do Isorak ạnko bodole khojkan tahẽna:
1) dosarak’ hukum birud katek’ muṭhạn samaṅre ḍobok’,
2) Ponak’ hukum khaṭoe lạgit’ 94 goṭen katha khon eken 8 goṭen kedako jemon okaṭak’ din do Jirạuk mãhã kana ona baṅ baḍae lạgit’, ar
3) Gelak’ hukum bar hạtińre ko hạtińkeda.

Papasy do Isorak’ oktekoe bodol lạgit’te kurumuṭuleda:
1) Manwakoe cet’ako kana hapta reak’ pạhilak’ mãhã Sabbath din mente manao lạgit’ eaeak’ din bodolte, ar
2) Boṅga sewa Roman koak’ hewa aṅgoc’ kedako je din do cando hạsur baṅ katek’ tala ńinda ehobok’gea mente. Isorak’ okte Jirạuk’ mãhã lạgit’ do sokolbar hilok’ cando hạsur khon sonibar cando hạsur hạbic’ (Levitikus 23:32). Gujuk’ lek manwa do tis hõ Isorak’ sonot ạn se okteko bodol do baṅ kurumuṭui lagak’a (Mathae 5:18)

11. Isorak’ dodosak’ do mare niạmren naekeko ar Pastorko lạgit’ cet’ tahẽkana?

Malaki 2:8, 9 Apeak’ _____ aema hoṛpe tohot’ ocoakat’koa … menkhan ape do ińak’ horkore bape taṛamakada, menkhan apeak’ sikhnạtre _____ beṅget’akawada.

Hosea 4:6 Ińren hoṛko doko maraok’a, bak’ḍaege banuk’takote; Bak’ḍaeyem nihạ̃takat’ iạte, iń hõ amiń nihạ̃ giḍimea ińren naekem hoyok’ khon. Ar amren Isorak’ _____ iạte, Iń hõ amren gidrạkoń hiṛińkotama.

Dhean: Isor do ńit hõ dukuk’gea tinre pastor ko do irạl goṭen se arey goṭen hukumkoko doholere ar aema hoṛko tohot’ ocoyet’koa uniak’ Jirạuk’ mãhã sonot’ dohoe khon. Sanam manḍerren ko ge akoak’ olak’ kore noako aṅgoc’ akada je Isorak’ kathare do okare hõ robibar sonot’gea mente baṅ ńamok’kana. Duk’anak’ katha do noage, protestanko ar katholicko banarge Bạibel reak’ Jirạuk’ mãhã ocok’ giḍi akadako iạte Isorak’ bicạr lahare dosan geako! Isor ac’ge Jirạuk’ mãhã do ac’ak’ sirjon reak’ daṛe ar ac’ak’ sonot’ ar bańcao reak’ cinhạ menkatek’ em akana (Exodus 31:17; Jeheskel 20:12). Jãhãe judi noa sonot cinhạ rạput’ko menet’, oka do sermare menae maraṅ Isorre sodore kana ar jotoak’ menak’ak’ko?

12. Calaoen dinkore ạk’yuric’ko do Isorak’ ạn cet’lekako aṅgoc’keda?

Hosea 8:12 Gel hajarkate ińak’ ạnkoń olaere hõ, Onako do _____ lekhak’kana.

Dhean: Somoe do baṅ bodolakana. Isorge noa Jirạuk’ mãhãe emakana, ac’ak’ maraṅ cinhạ, ạnko talare ar “disạipe” onatege noa hukum do ehopakana. Enre hõ aema hoṛ teheń uniak’ eae mãhã doho do ạnạṛiak’geko metak’kana.

13. Cet’ bises cehaona Isor do ac’ren dhorom ạk’yurkoe emakat’koa ac’ak’ sonot jirạuk’ mãhã babotre?

Jeheskel 22:8 Am do ińak’ sonotak’kom  _____ar ińak’ jirạuk’ mãhãkom besonotakada.

Jeheskel 22:26 Onaren naekeko do ińak’ ạnko lạnḍhuakada ar ińak’ sonotak’ koko besonotakada; sonotak’ ar besonotak’ do _____ _____ , ar bari do saphawak’ ar besaphawak’ papachnaoko cet’ akawat’koa; ar onko do ińak’ jirạuk’ mãhãkoko _____ , onate iń do onko talareń besonotakana.

Dhean: Isor do dhorom ạk’yurkoe egeret’ko kana okoe menet’kana je Jirạuk mãhã do cet’hõ baṅ kana ar okoe roṛet’ “Nonka Isore roṛet’kan” tire noa baṅ sạria.

14. Cet’ bises kại Isor ac’ren ạyuric’ko do dodose metakokana?

Jesaea 58:1, 13, 14 Kạruṛ kạ ruṛ hohoeme, alom komaoa, Sakwa leka ãṭte aṛaṅme; Ińren hoṛko akoak’ ghạṭ _____ , … Jirạuk’ mãhã lebet’ lạnḍhuṛ khon amak’ jaṅgam or ruạṛ tam khan, Ińak sonot dinre _____ _____ _____ khan, Ar jirạuk’ mãhã do _____ Ar manotanak’ Probhuak’ sonot’ dinem metak’ khan, … Enḍekhan am do Probhurem rạskạjoṅa.

Dhean: Dhorom ạyuric’ko Isore metako kana je Jirạuk’ mãhã rạput’ do kại kana mente ar meneda jemon jirạuk’ mãhã sonot dohoe ko kurumuṭu. Mare celakoleka aboak’ jion do eken Isorak hukum bataorege menak’a manwawak’re do baṅ (Apostal Kamiko 5:29).

15. Tinre am purapuri monte Jisu aṅgoc’ ar pańjayem mena, cet’ huyuk’a?

Mathae 11:29 Ińak’ arãṛ gogtińpe, ar iń ṭhen cet’joṅpe ente mạhir ar monreń nindhạngea, ar apeak’ _____ lạgit’ _____ ńama.

Dhean: Amak’ pheraok’re ṭhonok’anak’ jirạu ar suluk’ hijuk’a amak’ monre. Jirạuk’ mãhã, oka reak mane do “Jirạu,” mit’ṭen jirạu ar suluk’ reak’ cinhạ kana oka do nawa janamok’te ńamok’kana (Ibriko 4:1-10). Okoeko do sạrigeko Janam aroakana onko do jirạuk’ mãhã do mit’ṭen sonot bhoranak’ jirạu reak’ cinhạ menteko dohoea (Kạliko dheanak’pe 4, 9, 10) Pheraoakan hoṛ ṭhen hijuk’akan rạskạ leka rạskạge bạnuk’a okoe do jirạuk’ mãhã sonotko dok’hoeda.

Amak’ Roṛ Ruạṛ

Am do janwarak’ dag “baṅ” mente lại lahare, am do Isorak’ mohorre “hẽ” mente lại lagak’a. Jisu do amak’ ontor reak’ duạr ṭhene teṅgo akana amak’ jobab ńam lạgit’. Cet’ am nit’em goṭajoṅa uniak ṭhonok’anak’ Jirạuk’ mãhãre hijuk’ lạgit’ baṅma noa aṅgoc’ tuluc’ je unege amren sisirjạuic’ ar babańcaoic’ kanae mente?
Jobab: _____

Bodolte

Noa paṭh do laha seak’ paṛhak’ lạgit’ baḍaeye emok’ kana.

Papasy do Proṭesṭanren ko cet́ bises kukliye kuliyet́ koa?
Protestanko do papasy ghạṛi ghạṛiko kulikedea “Cet’leka am do Isorak’ hukum bodol lạgit’tem sãhoskeda?” Menkhan Roman Katholic manḍer hotete protestanko ko kuli ocolen kukli do jhalge tahẽkana. Nonḍe do: “apepe lạiańa je Sonibar do Jihudi koak’ Jirạuk’ mãhã tahẽkana, menkhan
kristan koak’ Jirạuk’ mãhã do Robibarte bodolena. Bodolena! Menkhan okoe? Okoe ṭhen ona ektiạri menak’ak’ maraṅ daṛeanic’ Isore em akan hukum bodol lạgit’? Tinre Isor do roṛ are menkeda, eaeak’ din sonotpe dohoea mente, okoe noa mene dil akada, baṅ, am do dhạrti reak’ sanamak’ kạmi ar jotolekanak’ dhạrti seak’ len-den ko ceka daṛek’ak’ eaeak’ dinre: menkhan am do pạhilak’ din sonot menkatek’ dohoea? Noa do ạḍi bises kukli kana, okaṭak’ do iń baṅ baḍae a am cet’lekam jobaba mente. Am do protestan kanam, ar am do eken Bạibel ar Bạibel lekatege calak’em meneda; ar noa do bisesge kana je haptare eae reak’ mit’din do sonot’ mente dohoe menlekhan, am do Bạibel reak’ olak’ birudtem calak’ kana, ar Bạibele hukum akat’ din bodolte eṭak’ak’ dinem manaoeda. Eaeak’ din sonot’ dohoe do gel hukum reak’ mit’ṭen hukum kana; apepe pạtiạuk’ kana je eṭak’ak’ irạl goṭen hukumko do nitok’ hõ menak’ak’ mente; menkhan ponak’ hukum do ocok’ giḍi lạgit’ okoe ektiạri emak’ pea? Judi ape apeak’ lạileka, Judi ape sạrige eken Bạibel ar Bạibel lekape calak’ak’, khan ape do
nawa niạmre uduk’ daṛeak’ lagak’ak’ okare doe meneda noa ponak’ hukum do pusṭạute bodolena mente.”