Tingkum charuk ngan lum numei gansak narui guangnah ringh bam de tumei thai khuan ne.Tingku dai mei Jehoiada rui kana ta kumna jian na cham thou lou khuan ne. Kumna kagan chamei kho meinun kho guangh sunimei pu hei tilou khang hoinei mei kajao na chamrang bam khuan ne. khou tei Jehoiada rui lumnumei rih pi tei kau lana Guangh Ahaziah nah alaoliang mei pu hei riingh bam de tuna Joash ta lian lou the. Kumna rih mei phai phai ti hei ti rihgan lou the, Friday tingzin Sabbath Rahkai kukhang lum mei nun guai guang pukhou Jehoiada rui Guangh Joash ti hei lian lou the, khou tei meiguai rui ngak sak khuan the, tiki Guanghpirun kapi khou run lou rap tikhou meinun rui “banh hiuna — Guangh tingpui maruina lung kan di tho!” tuna kao the. 2 Guanghnun 11:12

Khou tei meisimei Liamma Athaliah tei meinun khuan chu the kum na Rakai khou tei kamei katumna guang the. Mei nei tei rui katuang ngam tei luai lou kanthe. Mi nei tei kamei khatni kathei liang mei nu guai tei suluai ngam the. Kumna Guangh bam tei Joash khang ti lou kanthe.

Bible rui dinlou - e bai mei David nah pou gan khat tingkao tuang Rakai khou rui tiangka muanna Guangh tu khang katumna guang puni the khou kiu mei simei guai ta suman kanithe.

KATHAI MEI

Mih bible bam guai palana kakak khou hi suk gut tho.

1. Tingkao Rakai khou rui katumna guang puni mei Guangh kiu thou cho?

Ndauhloumei 14:14 Mi tang ai hou khuanne kumna zaohlo,muangh mphuanmei khatni muangh ru khou tei ____ ____ kumh mei kapi khou kachak tuang pirun run e

2. Jisu kiu rei rei nah kamei han guang dat puni dah?

I Thesolonika 4:16 Poubauhmei kapumh kahak kauh thangrui kau ____ , kauh banchara daihmei khuanle Raguangh tuang ___ khuan kazauhna keipuni.

Jeremiah 25:30 Ringhpou ___ thangrui nin pat punithe khatni kameinun ru khou nin kei punithe; kumnah ___ punithe

Kalumlu 50:3 Aniu Raguangh guang punithe, khatni kamei rei ___ nituang hamme. kahu khou kaumutmei maibuang chuangna guang puni.

THAILOU KHANG: Puanzinghc dai – Jisu kanei mei suna – guang pukhou aniu rui sangam mak mei ram kachin karo puni de. Tabui nung na sinih nkam na guang ni tuhamme.

3. Jisu guang dat pukhou kandi kho tabui kajaona ti lian lou punicho?

Ndauhloumei 16:18 ___ Zai khuane heikum mei bangladai zaimei kandi khou mansei guai rui lung guangmei khou pat kan mak khuan ne.

4. Jisu guangmei ta thou rui hou pu nei?

Metthiu 24:30 Mi gan khou kiu Mei Nah Mpouh tuang nchinmei tingpuk khou hou puni; khou kiu ___ khou ___ kapumna rui kap puni. Kumna kaniu rui Mei Nah Mpouh tei tingkauh tuang muang ru khou ngam le himdaihna guang mei hou puni.

Ndauhloumei 1:7 Zauhlo, kamei muang khou guang puthe; kumna ___ rui hou puni.

THAILOU KHANG: Aniu rui thai kaguak dat khang mak the. Ringh bam mei guai simei nih nchummei ni Jisu guang meita hou puni. Kam thei na guang puni tumei hei bible kho nai zat mak ge.

5. Jisu muang ru khou han guang dat pukhou thou thou lai guang puni bo?

Metthiu 25:31 “Mei Nah Mpouh tei rui kahim daina ___ ___ kapumle guang na katuang himdai mei guang bampang khou kamei dungh puni.

THAILOU KHANG: Poubauhmei guang pukhou kiu karam gan tei hydrogen bomb riu rui kida ngam makge. Jisu ringh thou pui nei banchara akhat na tuang riu rui Rommei rihmei guai theih mei kum pun kei ngam kande. (Metthiu 28:2-4) tingkao banchara guai riu, Jisu khatni kapu tuang riu (Luke 9:26) kajao na kei pukhou karam gan ta aniu sa ngam ni tuang ramme. Jisu kanei mei suna guang pukhou tho tiing palik mei kum puni. (Metthiu 24:27)

6. Jisu guangmei riu rui meisimei nun ringh bam meita takum punei?

2 Thesolonika 1:7, 8 Poubauhmei Jisu ta tingkauhthangrui katuang ngam daihmei kauh banchara guaile ____ _____ ndauhlou puk- hou kata thai makmei guai ru khou dandi tilou puni.

2 Thesolonika 2:8 Mitang kariak Ladan Liaimmeipu tei ndauh puni, kumna kamei Poubaumei Jisu guang pukhou kamei rui kamuang khou rui mphiu patmei kathiu rui kata suluai puni, khatni Katuang himdai mei riu rui kata ___ puni.

7. Nchum nji meinun thaih kanmei Jisu guang pukhou takum punicho?

I Thesolonika 4:16 Khrista khou theih kanmei guai tei ___ rei puni.

8. Mi gan khou ringh na bammei le ringh thau mei nthan mei nun takum punibo?

I Korinmei 15:52, 53 Kumna theih mei guai ta aman nuh mak mei suna ti ringh thau lou puni, kumna aniuta ___ puni. Tabuicho tiki aman nuh mei hei aman nuh makmei mbaih rap puni the, khatni theih nuh mei hei theinuh mak mei mbaih puni.

THAILOU KHANG: Theih nuh makmei hei ntau tho Raguang rana de.(I Timothy 6:15, 16). Tiki Jisu kanei suna guang pukhou chumji mei nun khang theih nuh mak mei tei nsa kaipat suna ti puni. Kaniu pum ni tingkauh tuang pum ti guanli lou puni aman nuh makmei Jisu pum kum puni (Philippians 3:20, 21)

9. Tikalai lou mei tang nthan mei nun takum punicho?

I Thesolonika 4:17 mitang, ringh bam dumei aniuta kaniu ta le kariuna tiingpuk thang Poubauhmei ta ariu khang muang khou ___ ___ puni. Kumna aniu rui Poubauhmei le tingsangjang bam puni.

10. Jisu kamei guang nimei lam khou takumna salou (warning) bo?

Metthiu 24:5 Kalamthu, “Ai khrista kiu the,” sana mei mpeina rui azanh khou ___ ___

Metthiu 24:24, 26 Kalam thu guatmei khristanun, khatni ___ ___ pat puni; ngam e thei, Raguangh rui kadaloumei guaita guat khang kaniu rui tuang khatni nchinpui tuang daihmei mpeina tan puni. Hamh e thei, meinun rui nangniu khou, “Zauh lo Kamei tazikram thang bam e” tuna sa e thei, khou tei tat riu; kaniu rui rui “Zauhlo, kamei khou tei nkamh bam e!” tuna sa e thei, mi tei ___ ___

THAILOU KHANG: Seitan rui Jisu lun suna kariu ti tata na guang puni mei ching ching ta guat khang. Tiki Jisu rui tho mi kandi khou kahi nituang ramme kamei kanei meisuna guang pukhou tiki tingpuk khou bam punide. Seiitan tuang kariu tei rui mei gei tho guat kan puni.

11. Rachaptat mei ta mei guat mei khou rui takum na gak lou bo?

Isaia 8:20 Kariak latdan khatni Raguangh tuang lat thei sa ___ ___ kaniu khou kariu mak tina – e.

THAILOU KHANG: Raguangh mei nun ta guat ngam makmei thu kaniu Bible kathai lana Jisu guang nimei lam thai tina (Latdiutatmei 17:11) Bible kho hilou mak mei ram guang tho mei guat mei the. Jisu rui dinlou rei the. Metthiu 24:25 Jaolo, Ai hu thui na salou tuang the.

12. Guatmei khrista ta jaotat mei nu dai?

Metthiu 24:26 Meinun rui nangniu khou “Zauhlo, kamei tazikram thang bam e!” tuna sa e thei ___ ___ tat riu.

13. Aniu Jisu guang ni mei gan thai puni dai?

Metthiu 24:36 ___ ___ na rui sini guang nimei tingmik tei khatni khuang gan tei thai makge; tiingkauh banchara guai rui ni thai makge. Pu karana tei rui thai e.

Metthiu 24:33 Meitei kumna nangniu rui mi guai hei hou pukhou, kagan ____ the changmun khou ding bam the tumei thai latho.

THAILOU KHANG: Raguang nade. Jisu kanei mei suna guang nimei thai mei. Kakum kagan rian rian bam mei nuntei Bible le nu na makge. Tiki Jisu rui sathan thiak lou e, madanmei guai guang tang e thei (Mathi 24:4-51; Luke 21:8-33; and 2 Timothy 3:1-8) Kamei guang nimei gan ana the - chang mun kho ding bam the.

14. Jisu kanei mei suna guang pukhou banchara nun rui tabui su puni bo?

Metthiu 24:31 Kabanchara guai rui kandi tin akhat thang rui katin akhat thang mei guaita ___ kariu puni.

THAILOU KHANG: Jisu guang pukhou, nangta duang bam mei banchara (Metthiu 18:10) rui nangta ariu rei pung nge. Adi sangai nicho! Bible rui mi tingmik ti hei “Zanggaimei rigunh” tuna kau e Tita 2:13

15. Jisu guang nimei gan khou lungh bammei aniu mi khang tei akum bam nicho?

Metthiu 24:44 Kumpui jangrui nangniu ni kagan kathui ___ ___ changh nina e; kalam thu MeiNah Mpou tei nangniu rui kata rigun makpui khuang gan khou guang puni.

16. Jisu kanei mei suna guang pukhou suan hei takum ti puni cho?

Ndauhloumei 22:12 Zauhlo, ai katum na guang puthe! Kumna katan katan ___ mei kathui khou ti khang ___ nai e.

THAILOU KHANG: Manseita gulou mei thu zaozian pan rui de tiki suan tho kamei tan lou mei thei laina ti puni, kamei tan phunglou mei thei lai nitu hamme. (not on their profession) Metthiu 7:21-23.

17. Meisimei nun rui Jisu guang pukhou takum sa puni cho?

Ndauhloumei 6:15-17 Kumna kandi tuang guang guai rui, bantan nai mei guai rui, rihpi guai rui lunggai chiingkhiumei guai rui, ngam nai mei guai rui, bangh khatni ningsumei kathui rui khou lang guai khou khatni chingbut tuang tauhdai guai lung khou nkam the.Kumna kaniu rui chingbut guai khou khatni tauhdai guai khou sa khuan e “aniu ru khou keina, guang bampang khou dung bammei kamik zau khou rui, khatni Laujiu laona tuang lung puamhdai khou rui aniu ta nkam lou-0. Kalam thu lungpuamhdai tuang daihmei tingmik tei guang the, kumna ___ rui ding ada ___ nina cho?”

THAILOU KHANG: Charinmei nkhammei banglahdai zai pukhou, meisimei guai ping kadun punithe … Guangh Jisu ta ariu khang chamdan mak puizang rui, tauhdai le chinghbut ta kaniu ru khou punbin keilou dumei ta kahou puni.

18. Rachaptatmei nun rui Jisu ta hou pukhou tabui sa puni bo?

Isaiah 25:9 Zauhlo, kamei aniu Raguangh e; Aniu rui kata khuan bam tuang the khatni ___ ta ___ the … aniu neihla the khatni zanggai the kalamthu kamei rui aniu ta kan lou the.

19. Jisu khrista kanei suna guangni mei hei tabui khang cho?

Jahon 14:3 Ai rui guang dat lana ___ ___ bam cham khang nangniu ta la guang lou puni; kumna ai bampui bam khou tei nang niu ni bam puni.

THAILOU KHANG: Jisu rui guangdat nimei thu Kamei rui chamdan lou mei kaidai khou tei kana guaita la guang lou khang nge. Mikdui keimei, lung rianra mei, lungning bakmei khatni sunu mei tingsangjang khang nai dat lak khe. tiki sangam makmei neihla, chujang mei rui tingsangjang nai bam puni.

NANG TUANG LATDAUH

Jisu hei muangru khou katumna guang puni the. Nangrui kata ariu khang chamdan nitha?

MUNDAUH: ___________

TITHAI NBUHLOU MEI

Kathai nbu khang tithai kasuan lou mei

NKAM MEI RAPTURE LAM

Nkam mei Rapture lam hei kalam tachat nai-e, meigei thu kachang dai tuna phu gut makna lum bamme. Kum khuan sini, aniu kabiu makhang hei kiu scriptures kho naidai tuna tiingmik pum kathai ninade. (I Latdiutatmei 17:11) Nkam mei Rapture tuang lam tachat hei kabangh khou naithe.

1. Rapture hei rim rimi puni.
2. Rapture hei mei hou ni tuang hamme.
3. Rapture khou mei simei guai ringh bam du puni.
4. Raguangh rui rianra rianriu mei kho kajao mak khang rachaptat mei guai ta latat kan tuang nge.
5. Khrista kanei mei suna guang ni mei hei kathag kanei nai e – (1) Nkam mei rapture, khatni (2) Kachang kaling na kahimdai na guangni mei.
6. Khrista guang nimei kathag kanei hei tingkum chanei kak puni. (apart)
7. Rapture hei Khrista ta houhmu mei (Antichrist) guang mak kho khatni rianra rianriu mei guang mak mei hu khou pat puni.
8. Meisi mei nun rui lunglai dat lana Jisu ta siaimruai su dat puni.

Mi tuang lam hei minna piak pari na hei khou kathai khang ngam nituang ramthe, tiki duina kalam gansak tho kathai kho. Kalam rei mei le kanei mei tho karu khou kathai gut mei khou tei nai the tiki kathai kaluai dat kho. Ngak mei gansak khangta chamdan tho.

1. Rapture tumei hei rim rim nit u hamme, kasau kabauh punide. Baibal rui sa–e. Jisu keipu khou “kauh kei puni, banchara pi khuan le khatni Raguangh tuang tiangka muan kei puni.” I Thesolonika 4:16 David rui sa–e “Aniu Raguangh rei reina kei ni tuang hame, tiki puanzing dai kajao na kei puni.” Kalumlu 50:3 khatni Jeremiah rui ni sa-e. “Ringhpou tingpuk thang rui nin pat puni the,Kamei rui nin ranna nin pat puni the ... khuan ran na kauh kei puni the, kakhuan tei kandi tin kagang tang puni the.” Jeremia 25:30, 31. Rim rim na guangni mei lam khatsini makge.Khrista rui guang pukhou, dihkun padei khoubammei guai rui chu puni de. Mi hei thai than lou- o . Jisu guang pui gan khou nang ringh bam khuan –e thei Kamei guang mei khuan tei nang chu puni de.
2. Rapture hei thu ringh bammei guai rui hou puni de. Banchara guai kajao na Jisu guang puni de. (Metthiu 25:31). Jisu ringh thauh puinei banchara akhatna riu rui Rom mei rimei guai ding ngam makna kandi khou theih mei kumna pun kei ngam kande.(Metthiu 28:2-4). Kakhan jao lo tingkauh banchara guai riu hei adih gan puni cho! Banchara guai riu ru khou Jisu tuang riu kajauh dat (Metthiu 25:31) khatni kapu tuang riu (Metthiu 16:27). Sadat ngam makmei ram gan gan puni the. Jisu sadat re. “Tabui cho tiki Mei Nah Mpouh tei rui neipat thang rui neihkei thang tingpuk kapum kanna palikmei tei kumna guang puni.” (Metthiu 24:27). Nkam dai? Tabui nung sini kakhan jat khang makge. kachang kaling na Baibal rui sa than thiaklou – e. “Zaoh lo, Kamei muangh khou guang puthe, kumna mik kathui rui Kata hou puni the.” (Ndauhloumei 1:7) Rouh dat ritho, nang rui ringh bam khuan e thei Kamei guang meita nang hou puni de.
3. Rapture rui meisimei (wicked) tiring bam ni tuang ham e. Poubauhmei guang pukhou kaniu guaita suluai ngam kanide. (Isaia 11:4; Malakai 4:1; 2 Thesolonika 2:8)
4. Raguangh rui rachaptatmei nunta rianra rianriu mei gan khou lagan tat makge tiki kaniuta Kamei rui gaklou puni (Kalumlu 91:5-12)
5. Jisu kanei mei suna guang nimei hei kathag kanei rame, akhatna khangde. Kumna riingh bam mei kaguai rui hou puni de. Kathag kanei lam hei Baibal khou hilou makge.
6. Nkamna guang puni Rapture hei tuna sabammei din pou guai rui kathaek kanei kak khou tingkum chanei nai-e tuna sa – e, tiki hei tei Baibal kho makge.
7. Khrista ta hou mu mei (Antichrist) hei Khrista kanei mei suna guang mei tang tingkum kathum paekri tang guang ni tuang hamme. Kamei tho ting kum phai phai hu khou tan na bam tuang the (I Jahon 4:3) khatni atauh ngan na tan bam me.
8. Meisimei (wicked) nun khang Jisu guangmei tang lunglai dat khang kagan makge. Kalam tho, Jisu guang pukhou papmei guai tei suluai ngam kanituang dithe.

Ramundinc Phaeng Hou Thanranmei, Lesson 1 ©2022 Amazing Facts International All Rights Reserved