Chabuan subam dauc thu kamei Raguangh khou anacna bam tuang khuan e .Tiki guangh tumei tangc thu kamei meicsimei khatni Raguangh rui samei lat ta numuc the. Kagan akhat khou ni kamei rui kailuangc khat khou bammei amuh nunc ta kalung puam na suluai ngam the. Guangh Saul rui Raguangh lat ta laalou mak khuan e, ntau thu kalung rianra katuak mei gaan khou Raguangh rui ni dauhlou dat mak khe.

Khoutei Saul rui katuang bangcnunc khou sa the, “Mangmucpui akhat ta phu tho, ai kata kachuc tat ni the.” I Samuel 28:7 Raguangh rui thu heikum mei maipa maipi khou tabui nungc sini tat nu makge tuna latdanv tei tii lou e. (Levithou 19:31; 20:27), tiki Raguang lat ta laa loudat mak khe.

Endor khou Mangmucpui akhat theihmei bumaengh ta kachu ngam mei nai e tutina kamei rui meic baimei lunsuna kadaeng tho tat the. Kamei rui sathe, Samuel tei adaeng khou kauh guang o.” Khoutei Mangmucpui tei rui parian laana khatni Muzung Samuel the tuna kauguang the khatni guangh khang khatsinih gaeng makmei chamh ti lou the. Nthuan, nang khatni nang nah ganthum mei guai rih bam khou theihc ngam puni the.

Hei tei kumna Saul nacnunc tei Philistinmeinunc rui dauh luai the, khatni Saul ni zam khuan the, khatni kalung ning tang khinmei na lev karanac katuang bangsaeng khou pun louna kapanti laa the. (I Samuel 31:2-4). Thou cho Saul ta Mangmucpui khou rui kachu mei - Raguangh tuang Muzung ringcthaudatmei ni ram ethei rasi rui suthiam tuang cho?

KATHAIMEI

Baibal text guai paalana kakak khou hisuk gut tho.

1. Saul rui houkanmei mangtei Muzung Samuel changcdai?

I GuanghNunc 22:22 ‘Nang takumhna guat nina?’ twna RINGPOUC rui sa the. Bumaengh tei rui daw the, ‘Ai tatna Ahab tuang muczung guay tatei ___ the.’

Ndauhloumei 16:14 Mi nunc hei charynmei taanv mpeyna taanc bammei ___ tuang ___ nunc e.

2. Theihmei nunc rui ringcbamei nunc ta guang kachu dat dai?

Job 14:21 Kanac nunc tei zaw kauhna guang e, tiki kamei hei tei ___ ___ mak khe, kaniw zawsina bammei ta ni how dat mak khe.

Ningtindyn 9:5, 6, 10 Nguay, ringhmei nunc hei thu kaniw theic puni twmei thay e, tiki theihmei thu ___ ___ sini thay mak khe. Kaniw swan maek khe; kaniw ti hei amu pary the. Kaniw tuang ___, kaniw ___, khatni kaniw tuang ntianmei guay tei aman ngam kanthe. Mikandic khou pat bammei ramhkhat na khou sinih kaniw kazauh dat ni tuang hamh the. kalam thu nang rui tat nimei theihmei kandic thangc tei taanhmei, kakhanhmei ___, ningting twmei guay hei nai dat lak khe

THAILOU KHANG: Hamh e! Baibal heithu thanthiak de.Theihmei rui ramkhatsini taanv dat mak khe, khatni kandih khou pat bammei guay thay dat mak khe.

Kalumlu 115:17 RINGHPOUC ta theihmei rui thuan makge

Kalumlu 6:5 Theihmei thu nangta ningtow dat mak khe.

Job 7:10 Kaniw kai khou ngalanc guang dat mak khe.

Isaia 38:18 Theihmei rui nangta thuan makge.

Kalumlu 146:4 Kaniw raengc loumei guay maan ngam the.

3. Ndauhloumei latrik thei laina, theihmei khamtan nunc thau kho naibo?

Ndauhloumei 1:8 Ai hei ___ pu ___ e. khatni ___ kanthe, tiki ntaw thu ai tingsaengc ringc bam e. Theihmei khatni taruaihram (Tarou) khamvtaan abaanc khou nai e.

THAILOU KHANG: Baibal khou thu thanthiak de. Jisu khou nade theihmei khamtaan naimei. Theihmei laam khou thai khang kalat (Baibal) khou kathai nina e.

4. Thaurey khou raguangh rui mansei ta takumna kasiam bo?

Thaureymei 2:7 Khoutei Poubauhmei Raguangh rui kandihkhou rui ___ laana mi khou tei rui maansei kasiam the. Kamei rui kanukwang khou ___ thiu ___ tina maansei tei ringc the.

THAILOU KHANG: Damhkhou kalang kanei patre. (1) Raguangh rui taaniang laana maansei kasiam the, khatni (2) Kanukwang khou ringhmei thiu mbunlouna maansei ringc khuan the. Hei kumna maansei hei ringhmei bumaeng su khuan the.

5. Theih e thei tabui sutha?

Ningtingdyn 12:7 Aniu tuang ___ hei kandih taniang guan dat puni, khatni ___ hei tii loumei Raguangc khou hanc guang dat puni.

THAILOU KHANG: Theih mei thu damclou mei khou rui kadat dik tuang de. Meic pumc hei kandih taaniang guanh dat puni khatni bumaengh thiu tii loumei pu Raguangh khou handat kanthe. Baibal ruin than thiak thiak na diinclou e. Raguangh khou hanguangdat kanmei bumaeangh hei ringc mei thiu mbunlou mei tei de maansei ta kasiam mei ganv khou. (Jacob 2:26, Job 27:3; Job 33:4) Kalumlu 104:29, 30 khou hilou e, “nangrui kaniw thiulaa ganc pwkhou kaniw theic e, kumna kaniw taaniang guanh dat the. Tiki nangrui kaniw thiu (buamengh) tii lou pukhou kaniw cha pat the.”

6. Theih mei nunc kaniu tabui thu tat kan?

Job 21:32 Katuang ___ thangc puanc tat pukhou, tarou tei gaek lou bam puni.

Jahon 5: 28, 29 Thoupuni ___ khou ___ guay kakhwan chuna ringc thau puni.

THAILOU KHANG: Theih mei guay, meic gaimei nic, meic simei nic tarou khou bam dihe, khatni Jisu khuan chulana kaniw ringc thau dat puni kaniw tarou khou rui kaniu suan la khang ramh e thei dandi phang khang.

7. Baibal rui thu Guangh David guloumei laa tou the tuna sa e. Hei kiu kamei ntau tingkauh thangc bam tha?

Latdiutatmei 2:29 “Achana thiu, aniw pupouc David lam khou nthanna ai rui sa ni mei thu; kamei ___ kanthe kumna katuang ___ aseic nganvna. aniu daeng khou nai bam e”

Latdiutatmei 2:34 David tingkauh thangc ___ ___ he.

THAILOU KHANG: Hamh e! Apostal Pitor rui David theic kan mei lam khou nthanv na salou e. Katuang tarou khou phuplou bamdi he kamei tingkauh tat makge. Hei ruc khou Ibrimei 11:32-40 khou nthanvna salou e, latpiu mei guay tei kaniu suan phang mak he tiki meicguay na phang cham puni de (verses 39, 40)

8. Bumaengh thu theihdat numak mei de tiki meic pum na de theic ni mei tumei kiu chumdai?

Ezekiel 18:4 “ ___ tanpui mei (bumaengh) tei ___ puni.”

Job 4:17 “ ___ kata damhmeipu suangc nthan nuhna cho?”

I Timothi 6:15, 16 Guangh guay guangc, khatni kaipouc guay ___, kamei ___ theih makmei pu e.

THAILOU KHANG: Aniu bumaengh the, khatni mi bumaengh hei theic de. Maansei hei theic nimei pumc de. Theicdat numak mei thu Raguangh rana de. Meic nunc rui bumaengh hei theic dat numakmei de tuna lum laana dinc bammei hei Baibal khou phang mak ge. Mi hei maansei rui kasiam mei tuang de.

9. Tabui nungc rui nthanvmei nunc khang theicdat lakni mei tii khang dai?

I Korinmei 15:51-53 Nkhamhmei ___ khwan chu pukhou mikkhipdak khou ___ puni. Kalam thu bianggun muan pwkhou theic kanmei nunc tei theic dat laknimei swna ___ puni. Taamc maan dat lakmei khou ,khatni theic nimei hei theic dat lakmei khou guanlihlou puni.

I Thesolonikamei 4:16 Poubauhmei kamei kahak tingkauh thangc rui keyna kauh banchara daihmei khwan rui, Raguangh tuang bianggun rui kauc puni. Mi khou kiu, Khrista khou lwmlouna ___ kanmei nunc tei ringcthau ___ puni.

THAILOU KHANG: Nguay! Nthanmei nunc khang ringthau pui nungc kiu theicdat laknimei pumc khou ti guanhlihlou puni. Meic gaimakmei nunc thu hei tei laatau ni tuang hamh e.

10. Theih meita Baibal kaluai dat dat na takum sa bo?

Jahon 11:11, 14 “Aniu champanv Lazarus ___ kan the … Lazarus theic the.”

Metthiu 27:52 Tarou guay laanclou the khatni nthamei ___ kanmei nunc mpeyna ringc thau dat the.

2 Samuel 7:12 Nangpu nunc lev nang ___ kan pukhou.

I Thesolonikamei 4:14 Mi zaeng rui Raguang ruiJisu khou lwmlouna ___ kanmei nunc ta phung guang loudat puni.

THAILOU KHANG: Theih meita Baibal khou zipmei ta sa chap lou e. Theih mei thu ramh khatsinic thai makge.Minute 15 nac bam niv tingkum bamni kalat khat de. Theih meithu katuang tarou khou zipbam tuang de Jisu rui tiring thau maksan. Theihmei bumaengh the baanchara kum tuang de ram e thei bucmei kumtuang de tuna dinc bammei tei Nthanmei latrik khou rui ramh e.

11. Kum e thei Mangmucpui,maipa khatni theih mei bumaengh ta kachu tauh de tuna sabam mei kiu thu thauc ta kachu bamtuang dai?

Ndauhloumei 16:14 Mi nunc hei ___ taanv mpeyna taanc bammei ravsic tuang bumaengc nunc e.

THAILOU KHANG: Kauh baanchara guay hei thu Raguangh tuang “Siamruaihmei bumaengc” (Ibrimei 1:14 ) kandih meita nkhalou bammei nunc e. Seitan thei laitat kanmei tingkauh thangc rui thauc ganlou kanmei baanchara (Ndauhloumei 12:7-9) tei ni bumaaengh nunc e - ravsic bumaengh nunc, meic nunc ta guat na charynmei taanv taanc mei bumaengh nunc the (Ndauhloumei 16:13, 14). Kaniw rui “ ngam guay khatni maadanmei khatni saramcna ngakmei taanc mei bumaengc nunc” (2 Thesolonikiamei 2:9) khatni tingpuk khou rui meic nunc hu khou maih ngan na kandih khou ti kei ngam puni”(Ndauhloumei 13:13). Mangmucpui nunc rui theihmei bumaengh ta kachu tauc de tuna sapu e thei,kaniw kachang chang na thu Seitan thei lai kei kanmei baanchara nunc ta de. (Isaia 8:19, 20)

12. Tabui suna seitan rui maansei tihei theic kanmei bumaengh nunc ringc bam de tuna tii lum niic tuang cho?

Metthew 24:24, 25 Kalam thu guatmei Khrista nunc khatni guatmei Muczung nunc pat puni. Nuh e thei ___ nunc ta nganvna zay ___ khang ___ khatni ___ taanv daih mpeyna taanc puni.

THAILOU KHANG: Seitan tuang meic guat reyliangmei thu “Nang theic nituang hamh e” Thaureymei 3:4. Kamei rui meicnunc ta theih mei bumaengh ringcna bamde tuna ti lum khang katuang baanchara nunc ta, nthanmei nunc kum,Muczung kum, chumzi mei kapi sumei theic kanmei kum, khatni tingkauh tuang baanchara kumna guang puni. (2 Korinmei 11:13-15) Hei kumna meic millions ta guat puni. Mei kumhmei ravsi tuang bumaeng sinsumei ti hei “mangmucpui” tuna thai e. Mi hei kalang kanei khou rui lum bam tuang e. (1) Theihmei nunc ringc bamde, khatni (2) kaniu rui nangta kacu nu de ram e thei nang rui ni kaniu ta kachu nu de. Mi hei Seitan tuang su kasiliangmei ramc chamv the. Kumbam tisinih kandih mei guay rui lum na bam e ntauc tauc Endor khou bammei “Mangmucpui” tei Samuel ta kau guang tuang hamh e tiki gaimakmei baanchara tei rui Samuel lunv suna ti lian lou tuang de.

13. Nkham mei tingmik guang pukhou ravsi bumaengh sinsu na Seitan rui kataanc khou adi gaengc mei supuni cho?

Ndauhloumei 18:23 “Nang tuang duaic raengc rui kandih mei ___ guay ta ___ the.

Ndauhloumei 18:2 “Bow kanthe, daihmei Babylon bow kanthe! Hei tei ___ nunc ___ sw kan the.

Ndauhloumei 12:9 Reydouc tuang nrui, kazanc ravsic hamhe thei Seitan twna kawmei, mbaanv kapum ta ___

THAILOU KHANG: Seitan tuang charynmei taanv (duaih, raeng) katuang simei baanchara nunc khou rui, kandih mei guay ta guatkan puni.

14. Simei baanchara nunc rui taanc bammei charynmei taanv ti hei Raguangh rui takum laa lou bo?

Levithouc 20:27 Thow puni ___ kachucpui mei ta ____ nina e.

I Timothi 4:1 Meic gaanv saekc thu ___ ___ guatmei bumaenghc nunc lat khou khatni ravsic nunc tuang riakdyn khou lunghgut tat kan puni.

Ephisiamei 5:11 Zinghmei tuang ___ makmei taanv guay tey lai ___ riu

Galatiamei 5:19-21 Meic pumc tuang taanv kapaengc khou how patmei kiu thu mi hei e. Lungcmaanv lungmowmei, mphuam mphamei, nthah boulahmei, ravmaengc kalum mei, ___ raengh sinmei, karaeng zauzihmei, agay agimei, howti howkanmei, lungh puamhmei, kakhangna ningmei zou mbamei kasau kabaumei khatni meicdowmei mi kumhmei guay hei e.

Ndauhloumei 21:8 Duaih raengh sinmei nunc , ... guay khang thu ___ rui chuangc bam mei ___ tei the, mi hei theic kaneimei kiu the.

THAILOU KHANG: Mousi ganv khou Raguangh rui mangmucpui ta tei suluai nin e tuna latdan tii e. Ntauh duaih raengh sinsumei hei meic pumc tuang taanv e, hei rui maansei ta sumaan puni tuna Raguangh rui sa e. Kamei rui chariak na bam diu khang sa lou e samei thu mangmucpui nunc ta nang kachu tat e thei lum nsisiingh mei pat lou puni khatni Raguangh rui sa e hei kummeri maansei nunc thu theic liang kanei mei ramh theih maizeic khou rouc puni.

15. Raguangh rui kamei nunc khang takum mei himgaanhmei ngam tii ni sa bo?

Philipimei 3:10 Ai rui Khrista ta thay khang khatni ___ datmei pumtan

THAILOU KHANG: Jisu rui kata tic ringc thau datmei pumtan ta aniu khang chumzi na lung khang tii bam e. Adih gaicho! kamaan tii makna heikumhmei pumtan ti bammei ta laa tou makna bam nicho? Jisu aniuta nzian langv pui zaeng rui guat mei baanchara nunc tuang ngakmei taanv rui ti boumak khang chariak thaina bam diu khang ti thai lou tuang e khatni katuang charinmei zauzian rui katuang tingkauh guangdi mei sukhang chamdan bam khang aniu ta taanc lou bam e. (Philipimei 1:6)

NANG TUANG LATDAUC

Raguangh rui kandi khou patbammei guay sinna bam pui zangrui, nangnic kakhou nang panti kamei rui sindiu khang ti nic tha?

MUNDAUH: _____

TITHAI NBUH LOUMEI

Kathai nbuh khang tithai kasuan loumei

Kross khou kaihow meipu

Jisu rui kaihow meipu ta kros khou tingkauh tat nuangc puni tuna latrian subo, “Aseic nanganei paradise khou bam cham puni the” tuna sa khou? Khrista rui sa kanmei latbam Luk 23:43 khou mei hei nthanvmei Latrik rui latdauh ti khang de. Mi nungc tei Jisu Kamei kahak tingkauh kuc kan dai?

Nthanvmei latrik thei laina kukan makge. Kamei ringcthau mei nungc tarou tuang pikuan khou tei Mary ta ariu mei gaanv khou, “ Ata kahi riu, Ai apu daeng thangc tat mak he’ tuna sa kan e. Jahon 20:17 Jisu Neineic (Sunday) lauthuan sa e “Ai apu daeng thangc tat mak he” tu e thei thu kamei kachaekkneic (Friday) nungc tei tingkauh tat kan makge!

Kum e thei tabui suna Jisu sa tuang, “Aseic nang Aneic paradise khou bam cham puni”? Mi bam hei kabangbi Grik mei lat khou zauc e thei bapcta puni, kalam thu Grik mei nunc khou “punctuation” makge. Kumna lat hanc meiv nunc rui koma khatni baibai mei kazii pung nge tuna kaniu lou tuang de. Nang lum nicniv lumziniv koma akhat rui lat kabac hei tikalai ngame. Poubauhmei rui Luk 23:43 khou sakan mei lat bam hei kum nituang khuan e. “Ai rui nang khou kaling siakna asei sa tuang e; Nang hei Paradais khou anei bam puni the.” Jisu rui kaling siakna samei thu hei de. Aseic, ram guayna maanhngam kani kum, aseic, ai Poubauhmei ram e thei guangh khang lui mak kum, khatni aziab guay ni pak tat ngam kan, aseic, abaan kross khou tanhsau rui hian bin khuan sini, ai nangta gulou ngam de.

Neikhat tho, kaihow meipu tei, Khrista ta laalou mei guay lev tuna, kamei rui latrian sulou kanmei thei laina ringc thau pui nungc Jisu lev paradais khou guang bam chamv puni.

Baibal khou “bumaengh” lev “thiu” tumei kabac hei tabui tei cho?

Job 27:3 khou thu “bumaengh” (spirit) lev “thiu” hei chamv de. Job rui hei kum na ni sa e mi bumaengh (spirit) ram e thei “thiu” hei anuhkuang khou nai e. Ningtou lou kho, Adam ta kasiam puigan khou Raguangh rui Adam nuhkuang khou “thiu” tii lou e (Thaureymei 2:7). Hei zang rui meic theih pui gan khou Raguangh khou han guang dat kanmei tei thu ringcmei ‘thiu’ tei de, bumaengh meic pumc khourui kalangc baina pat makge. Baibal khou khatna sini meicpumc khou rui baina bumaengh Raguangh pam nzuan kan the tu makge meic theic pu khou.

Meic theic pukhou “bumaengh” thu tabui thangc tat kan tha?

Damhmei gan khou bumaengh hei kaneic kaariu pukhou rui pat kan e - “pumh khatni thiu”. Mic neih hei guang tinc dat maksan bumaengh hei makge. Theic pukhou mi neih hei taam kanthe. Miec pumc hei taniang guanh dat kanthe khatni thiu tei Raguangh khou han guang dat the. Bumaengh hei bai thangc tat mak ge tiki nai tan kan the. (mak the)

Ramundinc Phaeng Hou Thanranmei, Lesson 9 ©2022 Amazing Facts International All Rights Reserved