Hei ha Raguangh tuang chamraeng ram makge. Solomon rui rakai reiliang mei Jerusalem khou kasiam thauc pui gaan khou, Raguangta champouna, kangrimv hakna taanc khuan e. Ram kaguaina duancha rap rap khang kasiam lou ngam lana, mi rakai kasiam thouc kho Tandiak khuan tumei khatsini ti chu makna kasiam tuang khuanne.Lauziu banghmei riang gansak naibamc mei tei ruikaduai louna meic baic mei riangh kasiam the. Kumlana Raguangh Nac Mpou tei rui biangun khuan kumna: “Miguay hei latat kan tho! Apu kai ta lanvguan pui kai tisw dat nuh mak khe!” tuna sa khuanne. Jahon 2:16. “Akaita huayneypui kai kaw puni,” twna hylou e, tiki nangniw rui mi ti hei kwamtumei nunc duppui bamv ti swlou the.

Metthiu 21:13 zuanbammei nunc bamv akhat khou rui akhat suna khouring guay tei mpatlou the khatni sianv kaihbammei bamv guay tei kalaanc kadat ngam lou the.

Lanvguan lanvdaeng mei guay tei Ngampari rimei bamc mei ta thailana pingna thei ziangri dat makna pak tat kan the rakai daeng khou tei rui. Tingkauh thangc bammei pu Raguangh tuang ramzian khatni nthancmei tei rambaicmei khang suangc meic nunc khou Jisu rui ti thai lou ni khuan e. heizang rui rakai ti hei lanv guanpui kai subam tina Jisu lungh bak tuang khuan e.

Tingkum geidauc huhnungc rui Daniel rui dinkasuak lou khuan e, kagan bai mei khat khou Rakai tihei suphuam lou puni, raguangh lat tihei ramsak mak puni.

KATHAI KHANG

Baibal text guai paalana kakak khou hisuk gut tho

1. Daniel rui charynmei ndawhman khou Lauziu chic kachei kaneithauc mei hou khuan e. (Daniel 8:1-4). Mi Lauziu chic hei thau khin cho?

Daniel 8:20 “Nang hou kanmei kachei kanei naimei lauziuchic tei ___ khatni ____ guangc dic e.

2. Hei tangc Daniel hou dat khuan e kamik kanei kak khou kachei daihmei thauc mei ziuc. Mi kabac thu tabui ta dai?

Daniel 8:21, 22 Ziuchic tei ___guangc dic e. Kumna kamik kanei kak khou kuidwnmei chei tei ___ guangc e. Reymei chei tei bau kan pwkhou thau datmei chei padeih tei, ____mei guangc dic khou tei rui baknimei guangc dic ____ e, hei tei reymei guangdic tei kumna tanc lak nimei lyan mei tuang e.

THAILOU KHANG: Mi ziuchic tei Grikmei guangcdic ta lyan pui tuang e. khatni kuidwnmei chei tei Reymei guangc Alexander tei e. Kachei padeic tei Rihpi daihmei padei tei e kumna Alexander theic kanmei tangc kaniw rui kalangc padeic bakpatna sin kan e.

3. Khoutei kachei padeic mei akhat khou rui kachei louna akhat thau dat khuan e. Mi “chei launa” tei tabui ngam ta lyan tuang cho?

Latdiutatmei 18:2 Klaudia rui ___ guay ta Rom khou rui tat pat khang latdanv pat the.

THAILOU KHANG: Raguangh mei nunc ta rairiu na khatni Jisu ta houmuv mei, nthanmei puat guay ta nicbin na taanc kanmei “kacheic launac” tihei, ravningmakmei Rom lev Papal rom kanei rui lyn tuang e. Grikmei guangdic tangc pumtan naina sindat mei hei thu Rommei guangdic the.

4. Daniel khou salou e, mi kachei launac rui rakai ti hei suphuam puni. Sw thandat khang kagan asanv lapuni tuna sa bo?

Daneil 8:14 mihei chingh ___ phay ___ tangc, Ravkai tei su nthanc dat puni.

THAILOU KHANG: Mi zaeng 2,300 hei Baibal khou ramundinc pang khou saengliang mei the, tiki kahou thau nimei kagan hei Daniel 9:25 himak huh khou kagan tei thai makge.

5. Daniel rui mi kachei launac rui Raguangh mei nunc ta rairucna khatni nchummei tei ti hau mak kanc khou kamei takum kan tha?

Daniel 8:27 Ai zaeng mpeyna lungh rianrana khatni akhaeng bam khuan e….tiki mi ndawman tei rui ata ti nnguangthe kumna hei tei ___ thay ngam makkhe.

THAI LOU KHANG: Raguangh mei nunc ruc khou guang puni Meitei hou pukhou, Daniel rui kalungh ryanra na kagan asak nsuana bam khuan e. Kabang bi khou Daniel khatni kapam mei nunc ni zaeng 2300 tuang ndawman ti hei thaymak khuan e.

6. Mathangc mei chapter khou, baanchara tei rui mi ramundinc tuang laam tei salou the. Mituang ndawman khou salou rey makmei kagan tei asan dau cho?

Daniel 9:24 ___ ___ hei nangmei nunc khatni nang tuang nthanmei kaidai ta ... ndawman khatni dinkasuak lou mei tei ti guang tang khang.

THAILOU KHANG: Tingkum geidauc tang zaeng 2300 tuang ndawman tei ti thailou khang baanchara tei rui Daniel daeng khou samguang dat the. Baanchara tei rui Daniel khou ndawman tei ti daic patna kanit dak (week) 70 tuang dinkasuaklou mei tei ni loudat the, hei tei Jihudih mei nunc khatni nthanmei Jerusalem kaidai khang e. Raguangh rui kamei nunc khang tingkum 490 hei kagan ti lou e kandih mei nunc khou Messiah ta ti ndauhlou khang (Daniel 9:23, 24)

7. Zaeng 2300 khatni kanitdak 70 tuang ramundinc hei tabui gan khourui kahou kan?

Daniel 9:25 Mi hei chaklou o khatni kabah thay o; ___ kasiamh ___ dat khang. Guangnac Messiah guang maksan khou kanitdak chanei khatni riakcharuk kanei puni.

THAILOU KHANG: Baanchara tei rui Daniel khou salou e. Zaeng 2300 khatni kanitdak 70 tuang dinckasuakloumei hei Jerusalem kasiam thaudat khang khatni ningkha sumei tiguangdat khang latdanv tipat mei neic rui chak thau tho. Mi gaanv khou hei Raguangh mei nunc hei nimzai guanglouna Persia mei guangcdic khou lungc bam khuan e. Mi latdanv hei Guangh Artaxerxes rui tingkum chanei guangtu tangc na bam khou tipat tuang e, kamei hei kum 464 BC (Ezra 7:7) khou rui guangtu kahou the, kumna 457 BC khou Artaxerxes rui Jerusalem kasiam thaudat khang khatni kaniu ningkha sudat khang latdanv hei tiipat tuang e.

8. Baanchara tei rui sa e 457 BC khou rui chak thauna kanitdak 69 tangc pukhou Messiah guang puni the. Hei kiu pat changc dai?

Latdiutatmei 10:37, 38 Jahon rui duilup khang chamv dinhmei tangv ... pary tei nangniw thay the. Raguangh rui Nazareth mei Jisu khou Bumaengh nthanmei khatni pumtan ___ keylou kanmei tei nangniw thay e.

THAILOU KHANG: Nguay! kum kan e. Mi charynna ngakmei the. Tiingkum phay hu khou rui Jisu khou Bumaengh Nthanmei bunkey lou puni tuna ramundinc rui salou rey e. “Messiah” tumei hei Ibrimei latre mi hei “bunkeyloumei” (anointed) khatni “Khrista” tumei hei Grikmeilat khou the. Luk 3:21, 22 khou kumna sa e, Kamei duilup pui neic tei Bumaengh Nthanmei bunkeylou kan e. Ntau tu khou hei khamtanc naithe. Kumna Baibal khou ramundinc tuang zaeng akhat ti hei tingkum akhat lev ncham e (Singchak 14:34; Ezekiel 4:6; Luk 13:32). Kanitdak 69 / zaeng 483 (69x7=483), tei 457 BC khou phuctinc pukhou tingkum AD27 khou phung guang lou e.

AD 27 kum Jisu duilup rap khou rui kamei Messiah the tuna kataanc taanc kahou thauc the, tingkum 483 latdanv patmei tangc guang tangc charapv the. Hei zaeng rui duilup tangc rap khou rui thauna Jisu rui gaichamv dinc thau the, “Kating tangc the, kumna Raguangh guangcdic guang the” Mark 1:15. Kamei rui Daniel 9:25 tuang dinckasuakloumei tei satuang khuane.

9. Hei tangc Ramundinc rui tabui pat dat puni tuna sabo?

Daniel 9:26, 27 Kumna kanitdak 62 tangh Messiah ta ___ ___ tiki karana khang ham e. Kumna kamei kanitdak akhat thu meic mpeyna le twna ntipna latdyng sin puni. Kumna mi kanitdak akhat tuang ___ khou kamei rui khaengmei khatni puatkat tiimei tii nthaek kan puni.

THAILOU KHANG: Ramundinc rui salou dat re, Jisu tihei kross khou suluai puni kanitdak 70 tuang nkhammei kanitdak tuang kapaek khou. Karu khou Bumaengh Nthanmei bunkey loumei kum AD 27 khou rui tingkum kathum paekri chak guang pukhou kariakting (Spring) AD31 khou Jisu ta kross khou suluai kane. Kumna kamei theic rap pukhou, Rakai tuang khamthing phey tei karu thangc rui kabangc nganv na kanei khang siat kaek the (Metthiu 27:50, 51) Mi rui nchinmei thu Raguangh tuang Lauziounac khaengc lou thina ntau thu khaengmei taanv taanc dat khang hamh the. Kagaanv chakmei tuang hei kabangc khou zau lou pu o.

10. Jisu rui ziabnunc ta takum mei mei nunc khou diinc rey o tuna sa bo?

Metthiu 10:5, 6 Zentel mei khou tat riu tiki maan kanmei lauziu ___ khou tat ro.

THAILOU KHANG: Ziabnunc ta Jisu rui Jihudihmei khou tat rey o, kalam thu kaniu Messiah ta laalou na dinc khang kaniu khang tilou mei gaanv tingkum 490 tangh khang tingkum kathum kapaek nai di he. Daniel 9:27 khou dinckasuakloumei khou kum sa e, Jisu rui zaikanloumei chamraeng tei tingkum chanei meic nunc tii ntip lou puni, Tiki Jisu tatei nkham mei kanit dak tuang kapaek khou tei suluai kanthe, kumna kanitdak khat ti ntiplou puni tumei hei kamei theic tang tiki hei tei takum tii tip lou khang? Mi latdau hei Ibrimei 2:3 khou nai e. “Aniu Heidi daihmei kanloumei chaeng ti hei ntaamv lana akumna duak ngam nina cho? Mi kanloumei cham hei reymei khou Poubauhmei rui kauc ndauh lou the. Kumna heitei kakhou rui chumei guay rui nchumh mei the twmei nchinlou the “Jisu ziab nunc rui tingkum kathum kapaek hei Jihudihmei nunc khou dinclou the, kaniu rui gaicham ti hei laalou makna AD 34 khou nchum nzi mei deacon ta ntauc rui kuam luai pui nung tei rui ngan lou kanthe. (Zaulou o, tithai nbu lou mei bam kho “Phuangbammei kanit dak” khou tei)

11. Kapac pat loumei kamei nunc khou chariak thai na bamdiu khang Jisu rui tabui sa lou bo?

Metthiu 21:43 Raguangh guangdic tei nangniu khou rui ___ dat lana kathai nthai nimei ___ akhat khang tii kan puni.

THAILOU KHANG: Jisu rui Jihudihmei zaat khou nthan thiakna sa lou khuan e nangniw rui Messiah ti hei nucmuhna bam khuan e thei nangniw ta Raguangh rui kungcna kamei nunc kauhlou bammei ti hei lagan kan puni.

12. Kum e thei Metthiu 21:43 khou ,baimei “zaat” samei kiu thou ta cho kamei kapacpatlou mei nunc suni mei ko?

Galatiamei 3:29 Nangniw ___ tuang e thei, nangniw Abraham nac nunc the, kumna Raguangh rui nrianloumei tei laa nimei nunc the.

Rommei 2:28, 29 Kapaeng khou Jihudi supui mei tei hamh e … tiki ___ tei ___ swpui mei tei e.

THAILOU KHANG: AD 34 khou Stephen ta ntau kuam luai khou tei rui (Latdiutatmei 7:58, 59) Jihudi mei zaat hei Raguangh rui kapa pat lou mei zaat sutanc the. Kalam thu kaniu khang Raguangh rui chamraeng lou mei ta nu mak pui zaeng rui kaniw hei nkham mei gan tuang dinkasuakloumei khou kaniw tei thukna laa mak khe. Ntau thu thoupuni Jisu ta laalou mei guay tei kapa patlou mei nunc the, khatni Israel mei nunc khou latrian swloumei tei Bumaengh tuang Israel mei guay khang nih e (Rommei 9:6-8)

13. Baanchara rui Daniel khou samei theih laina tinggkum 2300 tang pukhou tabui su puni bo?

Daniel 8:14 Khatni kamei rui akhou sa e, “Zaeng chingnei phaithum tangc ___ tei su ___ puni

THAILOU KHANG: AD 34 tangc tingkum 1810 nai di he zaeng 2300 tuang Ramundinc tei luai khang. (Diagram khou zaulou o). Tingkum 1810 tei AD 34 khou lou pukhou Baanchatbw 1844 khou guang tangc lou e. Khou tei baanchara tei rui sa khuan e mi gaanv khou tei tingkauh tuang Rakai sw nthan puni. (Kandi khou mei Rakai thu AD 70 khou rui sumaan kanthe) Aniu tuang tingkuc daihmei Jisu hei tingkauh thangc bam e (Ibrimei 4:14-16; 8:1-5), kumna tingkauh tuang Ravkai khou tei rui paapc su nthanmei taanv tei taanc kahou bam the (Ndauhloumei 20:12; Latdiutatmei 3:9-21) kumv 1844 khou rui. Mi tuang reymei latzaan ti hei kaneimei suna guang mak mei hu khou latzaan sumei tuna kauh e, samei thu Jisu kaneimei suna guang makmei hu khou pat nimei tuang e.

14. Kaneimei suna guang mak hu khou thou ta latzan suni tuang cho?

1 Pitor 4:17 Kumna ___ ___ nunc ta latzan su rey puni.

THAILOU KHANG: Mi rey mei latzan hei thu Raguangh nac nunc the tubammei nunc tei e.

15. Reymei latzan k hou hei tabui ta zau khang cho?

A. Ndauhloumei 20:12 Theic kanmei kaguay tatei, mi ___ khou hylou bammei tei zaucna latzan sw the.

B. Nintingdync 12:14 Aniw tuang ___ kaguayna ___ taancloumei taanv guay ta nganvna Raguangh rui latzan sw puni.

C. Jacob 2:12 Aniuta ___ ___ they tei layna, aniuta latzan sw puni

THAILOU KHANG: Latzan swnimei thu meic gankhat tuang panti khou tabui taanc lou bo tumei tingkauh tuang latrikbuk khou tei sw puni (Kalumlu 56:8 khou ni zauc lou o). Raguangh tuang kariak latdanv ru khou tei rui latzan hei sw puni. (Ndauhloumei 22:14)

16. Latzan khou kiu Raguangh rui aniuta khuay nkham mei su puni cho?

Ndauhloumei 12:9, 10 Reydouc tuang nrui, kazanc ___ kandi khou nthau key kan the … kalam thu Raguangh hu khou dingna zingbangc kalaanv aniu chana punav guay ruc khou ___ nkham bammeipu.

THAILOU KHANG: Hamh e! Seitan de khuay nkham bammei pu Khristian gansak rui thu kumna ning e.Jisu na rui Pu Raguangh khou latzan gaanv khou kanlou diu khang kachu bam e, tiki Jisu rui sa e “Puc kahak rui nangta nzian bame.” Jahon 16:27.

17. Jisu guang mak hu khou latzan khou arana dingc khang dai?

A. Jisu hei aniu tuang sungpouc e. (I Jahon 2:1)

B. Jisu hei aniu tuang latzan pouc e (Jahon 5:22)

C. Jisu hei aniu tuang suaizat makmei sakhi e (Ndauhloumei 3:4)

THAILOU KHANG: Thuanku e. Latzan khou Jisu hei Khristian meic tuang sungpouc e. Latzanpouc khatni sakhi e. Nang Jisu khang lung bam e thei tabui nung sini maan zat nitu hamh e (Rommei 8:1; Kolosimeii 1:12-14)

NANGTUANG LATDAUH

Jisu rui nang tuang sungpouc latzan tingmik khou su e thei, kamei latrian su lou e, tabui nungc sini nang maan nituang hamh e. Kumthina, asei nang panti kakhou tilou nitha?

MUNDAUH: ________

TITHAI NBUH LOUMEI

Kathai nbuh khang ti thai kasuan loumei

Phuangna bammei kanitdak

Baibal chamnac gansak rui nkhammei kanit dak (tingkum 7), tingkum 490 tuang dinckasuakloumei Daniel buk khou hylou mei ta, Khrista ta haumuc mei kandi luai nikhou taanc nimei taanv, khatni tingkum chanei rianrarianriu nimei tei e tuna sa e. tiki hei tei Baibal khou makge.

KALINGMEI GANSAK ZAUC ZAUH KHO:

A. tingkum 490 tuang dinc kasuakloumei hei, tingkum 70 Raguangh meinunc kaniu kandic pat louna lungc tat kanmei Daniel 9:2 khou hylou mei tei kum pui tuang de.

B. Nkham mei kanitdak khat tei Jisu duilup mei khou tei rui kahou e (AD 27). Hei zaeng rui kamei dinc khuane. “Kagaan hei guang tangc the” Mark 1:15

C. Jisu kross khou theih pui ganv khou, chariakting AD 31, khou tei Jisu kau khuane, “Luai the.” Guloumeipu rui thanthiakna kamei theic nimei laam Daniel chapter 9 khou meita sa tuang e. Hei guay tei heikum khuan e.

1. Messiah ta suluai puni (verse 26)

2. Kamei rui khaengcmei khatni puat kat guay ta ti nthaeklou puni kalam thu meic guay nac khang Raguangh tuang Lauziunac suna theic pui zaeng rui. (verse 27); I Korinthiamei 5:7; 15:3)

3. Kamei rui paapc kuaklou khang (verse 24)

Kamei guang mei tei salou kanmei Messiah kagan charap khou guanglou the, tingkum 490 khatni tingkum 2300 tuang dinc kasuakloumei tei suai tuang makna guang tangc e.

Ramundinc Phaeng Hou Thanranmei, Lesson 11 ©2022 Amazing Facts International All Rights Reserved