Khou tei Ashpenaz rui Daniel, Hananiah, Mishael khatni Azariah tei hei guangh kai khou duang guang the. Kumme tiki khou tei nuna makmei pat the. Tuzang khang kasiam loumei tei Raguang rui tu riu tumei zaanc khatni zou nai khuan the.

Neilah makmei lun ti hou maknaDaniel rui kapam mei ganthum le kaniu khang thing nuang pannu gaanc le dui na ti o tuna sa khuan the. Khou tei guangh bangpu tei rui numakna sa khuan e, “nangniu rui mi taektu tuc e thei (veg) nangniu pumc gai dat khang hamh the! Nang niu suan kei e thei Guang rui api laa kan puni.” Kum e tiki Daniel rui niamna sadat khuan e, nang rui lummak e thei zaeng ruh nchan zauc o, aniu lev khatni guangh tuang taektu tuc mei nunc tei le.

Mi tuang lat bam tei nuna lou na Daniel khatni kapam mei nunc khang thingnuang pannu gaanh khatni dui ti khuan the.

Zaeng ruh tang Daniel khatni kapam mei nunc tei “Guangh tuang taektu tuc mei nunc khang suang pum ni luncha nic gai hian khuan the.” Daniel 1:15

Tingkum kathum tangv, guanghrui mi niu gaan padei ta tei nchan pukhou, baimei nunc khang suang saruk ru tingtak mei khou, pum gai mei khou, luncha khou khatni pumtanc khou mbu the. Babilon khou bammei ningting mei nun suang tuna Guangh rui sathe. Kumna Baibal rui sa e, Daniel hei tingkum phai khat dau ringc lou e. Takum tina Daniel khatni kapammei nunc hei tingtak, pumgai khatni panti saeng tuang?

KATHAIMEI

Hilou mei Baibal text guai palana hisuk gut tho.

1. Raguangh rui mansei tuzang khang tabui taektu ti lou bo?

Thaureymei 1:29 Nap bi ___ kaguayna khatni ___ paannu zaat kapwmna nangniu taektw khang ti lou the.

2. Adam lev Eve kanei paapc keimei tangc tabui taektw tuckhang ti kuan loudat bo?

Thaureymei 3:18 Nang nwmbangc ___ paannu tu puni the.

THAILOU KHANG: Mansei khang Raguangh rui damlou rap khou ti lou mei taektu tho thingthai, nap - bi na de. Adam lev Eve kanei paapc keimei tangc rui thing nuy paannu tilou dat the kumna ringcmei thingthai tei tu tou dat mak khe.

3. Pumgai meiti hei Raguangh laani dai?

Metthiu 4:23 Jisu tei sinagog guay khou nchamlouna, guangdic tuang gaychamv dincna, khatni meic nunc tuang suan baengmei khatni sunu naunianmei guay ___ Galili ramv kapum khou ruanlou the.

3 Jahon 2 Kungcna nzianmei, ramh lam guayna khou nang khang ___ rana ariw bam khang khatni nang bumaengh khou gayna bammei kumcna nang ___ pum ni ___ bam khang ai huayney bam e.

THAILOU KHANG: Baibal khou kumna chamlou e aniw pumc gaina bammeita Raguangh khang kungmei e. Jisu rui ni kamei nchamlouna bammei kumcna sunu mei ta nic ti gay lou e. Kumna aniu pum gaina khatni panti saeng na lungc bam khang Baibal khou tat nimei, tan nimei thiak peina nai e.

4. Israel mei nac nunc khou Raguangh rui latrian sulou e, kaniu rui kalat piuna kata siamruai su e thei, sunu naunian mei kaniu khou rui laa ganc lou puni. Kalatrian tei kamei piu dai?

Kalumlu 105:37 Kamei rui Israelmei nunc ta zay pat the; kaniw guay tei pumh ___ the khatni ___ the.

THAILOU KHANG: Kakhan zauc kho! Raguangh mei nunc nrianloumei kandic guang tangc khou tei, sunu naunianmei makge khatni suan baengmei makge.

5. Aniu pumc gaymei tihei Raguangh khang tabui suna kungc tuang cho?

1 Korinmei 6:19, 20 Nang pumh hei Bumaengh Nthanmei ___ e … Kum thina nang ___ khou Rauangh tuang himdai mei ti ndauc o.

Rommei 12:1 Hei zaeng rui, nangniw ___ hei Ravguang khang ticpatloumei khatni kata tipianloumei nringh ravcha suna ___ o.

THAILOU KHANG: Aniu pumc ti hei Raguangh tuang bumaengh nthanmei lungcmei kai suni e. Hei zaeng rui nthanmei kai Raguangh tuang bumaengh bamlou nu mei pumc suni na e.

6. Pumh gaina lung khang Baibal khou ta kum mo tunasalou bo?

1 Korinmei 10:31 Hei zaeng rui nangniw rui swmei guay, ___ puni, ___ Ravguangc hym khang sw o.

THAILOU KHANG: Aniu ringc bam san, aniu tuang kheiliak khou puni tumei khou pwni zangvmei khou pwni Ravguangc hym daimei ti sw nina e.

7. Khristian mei akhat suna zouh zangv nu dai?

Latdudyn 20:1 Zouh zangv mei hei rui nangta ___ ___ ti sw e. Mi hei mpangmei taanv e.

THAILOU KHANG: Nthanmei latrik rui zouh zangv riu tuna nthanna sa e. Baibal khou “Zouh” tuna samei hei drakha dui khiang mei (fermented) / bumloumei ram e thei khiang makmei (unfermented) / bumlou makmei tatei sa tuang e. Asei dou “cider” tuna ni sabam mei hei kalat khat de. Latkudyn 23:29-32 khou zouh tuna baibal khou sabammei hei khiangmei / bumloumei (fermented) drakha dui tei sa tuang e khatni aniu ta zauc sini zau riu tuna Raguangh rui sa e. Khristian mei rui sinsu nimei zouhc tho ntau tau sum pat mei drakha dui deimei tei de. (Khiangmakmei / bumlou makmei). Isaiah 65:8 Zouh kathan (new wine) tei kachuam (cluster) khou nai e. (drakha dui).

8. Thouh punic kapumh ta sw mphuam mei ruc khou Raguang rui tabui taanc puni bo?

1 Korinmei 3:16, 17 Nangniw hei Ravguangc tuang ravkai e. Ravguangc tuang ravkai ta sw kasicpui mei (mphuammei) tatei thu, Ravguangc rui kata ni ___ ___

Tatpatmei 20:13 Meicbiw ___ riu.

THAILOU KHANG: Tabui bui puni meic pumc ta sw kasimei ram e thei panti ti dui keimeipuat taektu kaguay hei sinsw lakni na e. Karana kata suluai mei hei kathiak baicbaic bam nu e tiki karana kapanti laa mei sin de. Mi kiu hei guay ni kazauh the. ti kabiu nimei puc nunc (drugs) (maikhou kazaat bai baimei guay) khatni caffeine kazaumei zang lak nina e. Thouh puni thai thaina pumc ti kabiu mei puat sinsw laana tuzangv na bammei guay ta Raguangc rui su amaan lou puni.

9. Takum mei khouringc katan padei mei pang khou tu khang Ravguang rui nu lou bo?

Levithouc 11:3 Mikiu thu ___ bakmei khatni ___ khaihmei khouringc nunc tu nu e.

THAI LOU KHANG: Ram guay na thai chala khang, Ravguang rui nthanmei khatni mphuammei khouringc tuna kalang kanei khai lou e. Kumna nthanmei khouringc tatu khang nu lou e tiki mphuam mei khouringc nunc ta thu tu riu tuna sa lou e. Katan padei mei khouringc pang khou tunu mei khouringc thai khaklang khang katuang kheiliak kanei ti lou e. (1) kangian bakmei khatni chalat khai mei. (2) Sw nchin loumei guak hei kangian bakge tiki chalat khai makge kumna mi hei mphuammei e tunu makge.

10. Dui khou bammei khouringc pang khou tabui ta tunu bo?

Levithou 11:9 ___ khatni ___ naimei khav guay tunuh e.

THAILOU KHANG: Khav gei thu tunu de, kume tiki khavrui, sharks, ngakra hei thu tunu makge. Dui khou naimei khouringc kasw khatni kalip naimei na khang de tunuv mei, su nchin lou khang niangpei, taniang, ngou ngaa, khakuang, guaiphuap etc. hei tunu makge. (Kahuap naimei khouringc guay hei mphuam mei e).

11. Takummei nruai hei mphuam mei cho?

Levithou 11:15, 16 Agaekc zaat guay, ___ puanmangh ___ duipui nruay mouclaengna zaat guay.

THAILOU KHANG: Levithou 11 khou sa lou e, nruay khat khat ta nimtu mei zaat, mphua mphamei tumei zaat, khatni khat ta nimtu mei zaat guai hei mphuam mei ruay e. tiki, mukna, nruay (kai khou ruay bammei etc hei thu tu nuv e.

12. Nthanmei khouringc khatni mphuammei khourinigc hei Mousi tuang latdan kross khou ngan lou mei pang khou kazau dai?

Thaureymei 7:12 Nangkai kaikhunc kapwm ta nduanghna hidai khou tei gut tho; ___khouringc rui kazaat kathuic tuang kakui kaduic chanei chanei, khatni nthan ___khouringc kazaat kathuic tuang kakui kaduic akhat ___laguang tho.

THAILOU KHANG: Hamh e! Nthanmei khouringc khatni mphuammei khouringc hei damlou rap khou rui kalangc kanei Raguangc rui khailou de. Nouha tatei Raguangh rui nthanmei khouringc kuidu chanei chanei khatni mphuammei khouringc rui kuidu akhat akhat hi dai khou laa guang khang sa kan e. Mousi tuang latdan ti makmei hu nungc rui nai bam tuang dithe.

13. Mphuammei taektu tuna bammei hei Ravguangc hu khou laanc dai mei e tuna sa bo?

Isaiah 66:15-17 Zauhlo! Poubauhmei ___mai kazauhna pwanzingh khou tuangcna ___ puni … Poubauhmei rui sa e, Rav baihmei ta kalum khang kaniw pumc sw nthan bammei nunc, ___ zanc, apuak zanc khatni baihmei chanymei taektw tu bammei nunc ta sw ___ kamai lou ngam puni.

THAILOU KHANG: NGUAI! Baibal khou thanthiak na hilou bamthe, thai kaguak dat khang mak the. Jisu rui kaneimei swna guang pui nei guak zanc khatni phuamphamei taektu tu zanggv bammei guay ta sw kamut kamai lou ngam puni e.

14. khristian mei khang pumh gainimei tuang tanc nimei thiak kiu tabui tei cho?

1 Korinmei 9:25 Mei kathui suan laac khang talic akhyam nimei nunc tei kaniw pumc ta ___ chada bam e.

THAILOU KHANG: Sinriapna samei kiu thu pumc khang kabiu nimei taektu sinsu makna gaimei puat guayni kachaeng thai na sinsw mei tu tuang e.

15. Baibal khou pumh gaimei tuang hilou bammei hei asei hei ni aniw khang kage nai di hai?

A. Quarantine tuang niom hei rui meic gankhat khou rui gankhat khou neng nimei rapian ta kham lou e. (Levithouc 13:46)

B. Meic pumc khou rui mphuam phamei e jun baa, teiv etc hei phup ni na e. (Riakdan kaluaimei 23:12, 13)

C. Meic pumc duiloumei khatni pheybanc soumei rui karikta kham lou e. (Levithou 17:15, 16)

D. Nthanna lunghmei rui Tutatmei (sexual )tuang sunu mei khou rui kham lou e. (Levithou 18; latdudyn 5:1-12; Kolosimei 3:5, 6)

E. Khouringc rah/katha (fats) tu riu (Levi thou 3:17; 7:22-24)

F. karaeng zauczimei khatni khuchik mei hei meic pumc khang gaimakge (Levithou 19:17, 18; Latkudyn 15:17; Ibrimei 12:14, 15)

G. Tu langlimei (overeating) gaimakge, mei pumcta ti kabiu e. (Latkudyn 23:2)

H. Aniu pumc hei kagan chana thaek nina de. (Kalumlu 127:2; Mark 6:31)

I. Taanv taanv mei tuang thuk .(Tapatmei 20;9, 10; 2 Thesolinika 3:10)

J. Gaimei biak thangc laa lou mei hei puc gaymei kum tuang e. (Latkudyn 17:22; 1 Timothi 6:6)

K. Puipu kheiliak rui nac nunc khou ni kakou tou e. (Riakdan kaluaimei 12:25; Tatpatmei 20:5)

THAILOU KHANG: Ravguang rui tingkum ching ching hu thangc rui kamei nunc khang pum gay nimei tuang latdanv tilou mei hei kaniu ganv khou thai mei khang suang hu thuina ti lou tuang e. Seidau kanc na rui mei ram gai tatei kachang na thai di he.

16. Tingkauh thangc meicnunc rui khouringh suluai tu dat puni di hai?

Isaiah 65:25 Atuang nthanmei ching Zion khou ___ ___ nimei tuang naidat lak khe.

Ndauhloumei 21:4 Khoutei ___ ___ lak khe.

THAILOU KHANG: Adam lev Eve kanei paapc kei khou rui maan kanmei guay tei guanghdic kathan khou tilou dat puni, thaurey khou taektw tei ni ti loudat puni e. Kandih kathan khou thu khouringh dauluaina tudat ni tuang hamh the.

17. Poubauhmei lungc ti kun loukhang ataektw khatni pumh gai khang takum na ai kalai ngam khang tha?

Ezekial 11:18-20 Kaniw rui mphuammei chanymei guay tei ___ ___ e … Ai rui kaniw khou lungh akhat na khatni lungning ___tii loudat puni … khou kiu kaniw atuang latdyn guay piu puni khatni atuang latdanv guay piu chuyna piu puni.

THAILOU KHANG: Aniu rui Raguangh tuang pumhgaymei tuang latdanv piu pukhou kamei rui lungning thanh tii lou na pumh gayna lungh khang pumtan tii lou puni .(Jahon 1:12)

NANG TUANG LATDAUH

Raguangh rui Daniel khatni kapammei nunc rui pumh gaymei tuang latdanv piu pui zaeng rui kaniw ta champou lou e, mi hei aniw khristian mei khang ni nthuk mei akhat the. Raguangh tuang latrik khou pumh gayna lungh khang khatni nang pumh hei bumaengh nthanmei ravkai suna Katuang bumaenghc thanmei lungc diu khang nu tha?

MUNDAUH: ______

TITHAI MBUC LOUMEI

Kathai nbu khang tithei kasuan loumei.

Pitor tuang Ndauman bapta mei

Meic geithu Pitor tuang ndauman khou phey paek kummei (Latdiumei 10:9-28) kho mphuammei khouringc nunc ti kei mei khou teirui tunu the tuna sa bam e. Kaniw rui hei thu Jisu rui ziab nunc khou ram guay na tunu the tutuang the tuna sa e.

Kum bam sini, mi phey paek kumh mei khou mphuammei khouringc nunc ti kei lana Pitor ta suluai tu tho tikhou Pitor rui sadau e, “Ai tu lak ge, Poubauhmei! Nthanmak mei puat ai khat sini tu makge,” Latdiutatmei 10:14. Zauc kho, Pitor rui tingkum kathum khatni tingkum kapaek kamei rui Jisu rui nchamc mei tan king guang tuang the, tiki mphuammei taektw tu khang kamei chuzat makge. Heina ram e, Pitor rui ni mi ndauman khou tei mphuammei khouringc tei suluai na tu zat makge.

Pitor tuang ndauman khou hei thu mphuammei zanc / taektw tu khang su than lou the tutuang hamh e. Pitor rui ni katuang ndauman tuang kabac tei verse 28 khou tii lou e; “Meic gaanv khat nac ta sini nthanmak mei e twna ning nu mak ge twna Ravguangc rui akhou lyan lou the.” Kumna vers 34 khou ni Pitor rui katuang ndauman tuang kabac tei kum sa dat re, “Ravguangc thu gahsw guhsw makna meic guayna ta nchamcna swmeipu de twmei ai ntaw thu thay the.”

Ravguangh rui Pitor khou tiguang mei chamv thu khouringh ta hamh e tiki mansei ta sw nthan mei tuang de. Mi ndauman rui Jihudimei ziab nunc ta tabui nungc sini Gentil mei nunc ta mphuammei zaat tuna kaudat nu mak khe, tiki kandimei guay khou Ravguangc tuang gaicham hei dinc tho tu tuang de.

KALUMMEI RUI TAEKTU SU NTHAN DAI?

1 Timothi 4:1-5 khou sa lou mei hei thei thangc tat nbiangmei peina rui ravsi thei nzei na, nou kou, nimei ta thing puni, khatni taektu gansak ta tu riu tuna thing puni. Khoutei bapta makmei pat bammei thu verse 4 khou, “Ravguangc rui damcloumei puat guay gaymei rana de” tumei tun tei the. Mi lat hei thu damcloumei kaguay na hei kage nai ngam de tutuang de. Kum e tiki gansaek rui thu khouringh guay tunu dut the thuankuna kalumlou e thei tuna sa e. Hei kiu e thei, liangkiha, kaikaengpei, apuak, lamtuay ram e thei luangchi etc nunc ni kalumlou e thei tugai pung di the. Mi kum mei lat ram han hei phaisuy puni e. “Nangniw rana nangniw ta guat riu. Ravguangc ta kiauc lac nu makge. Kamei kamei rui nrouloumei tei tay dat puni.” Galatimei 6:7.

Nkhuai mei khou ti kei lou mak khang, Paul rui kumsa lou e, “Kalam thu Ravguangc lat khatni huayneymei rui hei tei nthanmei taektw sw the. 1 Timothi 4:5. Kumthina reymei khou Ravguangc tuang lat rui nu lou pui ta e, kum pu khou rui thuanku na kalummei tei rui sw nthan lou khang de.

Thailou khang nai e zaan( meat) hei kahou mei lat kho tabui cho tumei, mi hei zanc nata hamh e. Grik mei lat khou “broma” tumei kabac thu “taektu” tu tuang de. Aniw guay ni thay lou khang nay e, Paul rui sabam mei hei Baibal khou mphuammei taektw ta hamh e, kalam thu gansaek rui thingbam mei thu zanc ta hamh e tiki taektw ta de, “Nchumhmei ta thaymei lwmmei nunc rui thuanckuna tu khang Raguangh rui damcloumei taektw “tei de verse 3.

Baibal khou thuankuna tunu meitaektw Raguangh rui damcloumei hei chala khavna thai de. (Thaureymei 1:29; 3:18; Levithou 11:1-22). Mi lat bam hei hilou mei thu nchumhmei ta thay na lwmloumei nunc khou de. Ravguangc lat hei thu nchumhmei e Ravguangc lat ta thayna lwmlou mei guay thu tuni mei tunu makmei thay na tunu mei taektu khou tei thuanku na kalwm lou pukhou sw nthan louna tupu ni e. Thoupuni “Karana sw nthan lana” mphuammei taektw tuc bammei nun tei Khrista kaneimei suna kei pu khou sumut sut lou puni. (Isaiah 66:15-17)