Nebuchadnezzar, gaengsumei guangc kamei peina pian the—kakhou Shadrach, Meshach khatni Abednego kaniu nangrui kasiam lou mei maengc ta kalum muc e tuna lat pao guang mak saanv: Kumna guangh tei tui ruprup khuan the, thou cho alat liammei ko. Nebuchadnezzar rui kakhan khuan e miniu guay hei ai sa mei baptac lamak na khuang e. Khou tei kaniu khang kalum diu khang kagan tidat di he ki kalum makge. Kumna ntau thu guangh tei kalung puam the.

Katuang ricmei nunc ta mai tei kaluan chanei ti chaeng hian ku o. Khou tei thingc phailou gei lana mai tei chuangc thau the kumna miniu ganthum ta karakc lou na mai khou tei phai lou the. Mai tei chaengclang na kaniu ta phailou khang phung guang mei nunc tei thei kan the.

Guang tei rui maikhun khou tei phaengc gut tiki gaanvpapdei tat bammei tei hou lana kamuang ha la la na zauc na sa khuan e. “Meic gaanthum nata aniu mai khun khou phailou tuang hamna cho?” Daniel 3:24. Khoutei katuang meicdaih mei nunc teirui kiu de tuna sadau khuan e. Khou tei guangh tei rui sad at re” Ai thu meic gaanv padei tat bammei hou e, khatni kaniu tei mai rui kabiu makna bam e, kum na padeihmei pu tei Ravguangh nac kum e.” Daniel 3:25

Baockanmei chabuan nunc tei nchum mei khang ding tipui zaeng rui kaniu ta Raguangh rui mai khou tei rui kanlou kan e. Heitei kumna nkham mei gaanv khou Ravguangc mei nunc ni mi kummei nchanmei ariu puni e.

KATHAIMEI

Baibal text guay palana kakak khou hysuk gut tho.

1. Daniel 3 khou mei pari rui Ndauhloumei khou takum na kariang tinai bo?

Ndauhloumei 13:15 MI khouringc ___ tei ___ makmei guay ta swluai khang e.

THAILOU KHANG: Nkhammei tingmik khou Ravguangc mei nunc ta tei kaniu rui thai mei tei ramna kalum khang naamphu sw puni. Khoutei meic guay na rui Ravguangc tuang latdanv piu nicniv maansei tuang lat piu nicho? kapac tho.

2. Ndauhloumei 14 tuang Baanchara kathum tuang latcham kiu tabui cho?

Ndauhloumei 14:7 Ravguangc ta ping o khatni kata chakhuang champouh o! Kalam thu kamei rui ___ sw nimei ganv ___ the! Ting- puk kandih duipui khatni duipuak kai guay damcloumeipu ta kalum o!

Ndauhloumei 14:8 Baihmei kaneimei kauhbanchara kathei laypatna sa e, Daihmei ___ tei ___ kan the! Zaatc guayna ta katuang nthah boulahmei zouc, lungpuam tithaumei zouc tizangloumeipui tei bow kanthe.

Ndauhloumei 14:9, 10 ___ khatni kamaengc tatei ___ guay ruc khou khatni kasanpiang khou hamh e thei kabaanc khou mi tuang madanhmei tei naimei guay ruc khou Raguangc lungpuamdai, kasut tuang nai dat makmei lungpuam keilou puni.

THAILOU KHANG: Baibal rui Ndauhloumei 14:6–14 khou nkham mei tingmik ganv khou mituang gaicham kathum khatni ramthai bam diu khang mi rigunmei cham hei dikun padei khou Jisu guang nimei khang chamdan diu khang dinc puni. Mituang gaicham akhat khou khouringc ta kalum la rio tuna sa e. Mi tuang para khou khouringh tei thou cho tumei kathai puni. Kumna para 20 khou katuang madanmei kiu tabui cho kathai puni. Tingsaeng panti amaan nu e, hei zaeng rui Ravguangc rui khalouna bapta khang kalummei kazauna kathai o.

3. Baibal tuang Ramundinc khou khouringh hei tabui khin cho?

Daniel 7:17 Mi daihmei ___ padei hei mi kandic khou guang tw nimei guangcdic padei the.

Daniel 7:23 Padeihmei khouringc tei kandih kho padeihmei ___ e.

Daniel 8:21 Ziuchic tei Grikmei ___ the.

THAILOU KHANG: Baibal tuang Ramundinc khou, khouringh tu e thei kandih tuangc, guanghdic political tuang ngam tei e. Ravguangc rui khouringh ti hei kandih guangcdic ta sa tuang e, ntau tau ni Mouc (eagle ) (United States of America ta e) Chagaamh (Russia) etc. Baibal khou khouringh tumei hei loukeina satuang ram e. Mi hei rui khouringh tuang kheiliak phung mei tu tuang hamh e. Khouringh katuang madaanmei naimei hei Ndauhloumei 13:1–10, 15–18 khou hylou bam e. Kabangh mei lat than tei tatkei mak kho mi tuang baibal bam hei pa lou rey o.

4. Khouringh ti hei akumna Baibal khou ti ndau lou bo?

Ndauhloumei 13:1 Khou tei ___ akhat duipui khouteirui thau- mei ta hou e. Hei tei kachei ruh khatni kapy chanei nai e, khatni kapy guay khou tei guangh pyrun run lou e, khatni kapy guay tei Ravguangc hym swk- achanpui zanc phungc e.

THAILOU KHANG: Ndauhloumei 13:1-10, 15-18 khou Ravguangh rui khouringh lun thai khang ti lou e. Kamei rui mi khouriingc lun thai khang katuang kheiliak tei peina ti lou na bam e.

Point 1 - Duipui khou rui thauc e. (v.1)

Point 2 - Thaangangc tei rui kapumtan, kaguangh bam khatni daihmei kangam ti lou e. (v.2) Point 3 - Mban kapum ruc khou kapum tan naimei (v.3, 7)

Point 4 - Ravguangc hym swkachanmei khuai nai mei (v.1,5,6) Point 5 - Bw 42 kandih ta sine. (v. 5)

Point 6 - Theih biuhmei zamvdai phangna gaydatmei. (v 3)

Point 7 - Ravchaptuang ngam mei guay rui kalum mei laa kan mei (v 4, 8) Point 8 - Ravguangh mei nunc ta adowmei (v 7)

Point 9 - Ngakmei kasing 666 nai e (v. 18)

Point 10 - Kangam daihmei pu akhat rui kapy su e. (v. 18)

Mituang point 10 hei kapumtan naimei akhat khou nai e – Papacy the (Catholic). Tiki than thiakna thai khang Lathan 5 khou rui khat khat suna zauc kho.

5. Mi khouringc hei duipui khou rui pat re. Kum e thei duipui hamh e thei dui rui tabui ta sa tuang cho?

Ndauhloumei 17:15 Nang how kanmei mangsang meiluc rui dungc bin bammei ___ guay tei ___, meic guay zaatc guay khatni lat guay e.

THAILOU KHANG: Ramundinc khou dui tu mei hei meic geic na bammei, hamh e thei meic lungc padikna bammei bam tutuang e. Ramundinc khou saloumei tho mi khouringc hei kaniw ganv khou nai bammei kandic khou rui pat puni. Kumna Papacy (Catholic) hei Europe neikei biak thangc pat re, kumna point 1 tei chavrap the. Kum e tiki baihmei 9 ta tho?

6. Khouringc khang thourui kapumtan khatni kaguangh bam ti tuang?

Ndauhloumei 13:2 Kumna ___ teirui ___, ___ ___ khatni daihmei kangamv tii kan e.

THAILOU KHANG: Khouringh tuang madaanmei nai e hei tei aniu kahei nina e - Thaanngangc rui kakhang pumtan, ngam khatni kaidai ti lou tuang e. Ndauhloumei 12:3-5 thei laina, mi thaangangc hei rui Jisu ta puanlou pui gan khou sumaanc khang phu khuan e. Kumna Rommei guangc Herod ti hei seitan rui katiuna Bethlehem khou bammei ngaan mei nac nunc guay ta suluai khuan e. (Metthiu 2:13, 16). Ravningc makmei Rommei rui thou khang ngam khatni kaidai tii kan? Katuang pari khou kumsa e, Rommei phuamling khang ngam lev kaidai Rom guangc rui ti e. Kabangv khou hylou mei katuang pari khou zauc zauc kho. “Rommei phuamling (Catholic) rui Rom tuang guangcdic khou thuigut laki kamei rui ntauc ngan tat bame … Pope, karana rui guangh kiu ai the khatni Catholic Phuamling tuang kapu hei Kaiser khin linmei the!”1 Kumna Papacy (Catholic) hei rui point 2 teini charap the.

7. Khouringh tuang ngam hei asan tangc bo?

Ndauhloumei 13:3 Khatni ___ ___ ngakna mi khouringc thei tei lay the.

THAILOU KHANG: Middle Ages gaanv khou papacy (Catholic) rui mbaan kapum ta sin kan e tumei meic gaan khatna rui sin kiu hamh e tuna sa ngam ni mei makge. Kaling thu “Catholic” tumei kabac hei “mbaan kapum” tu tuang e. Kumna point 3 tei ni papacy hei charap bam dat re.

8. Khouringh muangh khou rui tabui pat kan bo?

Ndauhloumei 13:6 kumna kamuangh ha pat lana Ravguangh ta ___ na, kazanv ___ khuan e.

THAILOU KHANG: Baibal khou Ravguangh hym swkachanmei hei maansei akhat swlana paapc kuak ngam e tuna samei. (Luk 5:21) khatni Ravguangh kiu ai the tumei tei e (Jahon 10:33) Papacy rui baocna sa e paapc kuak ngam khang ngamv nai e. Catholic Catechism khou zauc lou kho. “Amu rui kachangna paapc kuak tuang ni, hamh e thei paapc ta laganc lou the tuna satuang cho? Khrista rui kakho kapumtan tilou mei thei laina paapc tei kuak changh pui tuang the.1 “Kumna papacy rui ni sa e, Pope hei thu Ravguangh lev ncham de. Poppe Leo XIII rui sa e, “Niw (Pope nunc) mbaan khou ngampari mei Racguangc khin linmei the.”2 Khou hei ni angakmei lat pope rui samei nai dat he: “Nang hei mbaan khou Raguangh baihmei akhat re.”3 Kumna poin 4 tei ni papacy hei charap dat re.

9. Reymei khouringc rui kagan asaanv guangh tu puni bo?

Ndauhloumei 13:5 Kumna bw ___ ngam sin khang ni kakhou tii lou kan the.

THAILOU KHANG: Muh rikho, Ramundinc khou hei zaeng akhat tu e thei tingkum akhat tu tuang e. (Ezekiel 4:6). Mituang gaanv hei Ramundinc khou kaluai dat dat na salou bam e, tingkum kathum na tingkum kapaek akhat, bw 42 ham e thei zaeng 1260. Jihudi mei nunc rui chak bam mei bw akhat khou zaeng 30 chakge. Kumna hei tuang gaanv guay hei kalat khat na de zaeng 1260 hamh e thei tingkum 1260 tu e. Mbaan kapum ta papal Rom rui sinthauc kanmei hei AD 538 kum guangh Justinian rui pope hei papacy tuang kapi the tuna salou k hou rui kahouthe. Kumna Napoleon tuang rihpi daihmei Alexander Berthier rui AD 1798 khou pope ta nimtat kan the kumna thei nikum mei zaamc kan the. nangrui hou puni AD 538 khou rui AD 1798 phao hei tingkum 1260. Kumna point 5 teini charap dat muai de.

10. Bw 42 tangc khouringh khou tabui pat kan tha?

Ndauhloumei 13:3 Mi khouringh py akhat khou tei theic biumei zamvdai kumhmei akhat how e tiki hei ___ tei ___ dat kan the. Mbaan kapum ngak na mi khouringc thei tei lay the.

THAILOU KHANG: Salou rey kumna, papacy hei theic biuhmei zaamvdai zam kan e. 1798 kum rihpy daihmei Berthier rui pope ta France kandi thangc nimtat the kumna khoutei kamei theic kan the.1 Khou tei Europe khou bammei kapaek akhat thu papacy hei theic kan pung di the tuna ning khuan e, tiki Raguangh rui sa e Kazamv tei gay dat kan puni kumna kandi mei kaguay na rui kathei lay ngam kan puni. Malachi Martin, sonsumate Vatican insider, rui hei kumna katuang buk khou ndauhlou e. The keys of this Blood “Pope hei kandi mei guay rui thai bam mei pu e 20th century khou (p. 123), guangdih 91 tuang kapy nunc ta kamei rui thaidiangc na thai e. (p. 490). Khatni ntau thu kandih kaguay ruc khou guanghtu khang chamdan bamthe” (p. 143)2 Kumna kandi mei guay rui papacy ti hei kangam naimei e tuna lalou the khatni kandi khou kangam dailiaing mei the tuna thai e. Kamei rui ginlou bam kathui khou katuang ngam hei ti tanc thau bam e. Millions ruina kandi khou lungvchamna, chuzaengmei naina lungc kho tu e tei papacy rui hamh na baihmei mak khe tuna ning bam the. Ravguangh rui saloumei hei guang tangc bam the.

Point 6 khou hei thanthiak na papay rui charap bam dat the.

11. Khouringh hei ravchap tuang ngam dai?

Ndauhloumei 13:15 Mi maengc ta ___ mak mei guay ta swluai khang e.

THAILOU KHANG: Kumna mi lauziunac kachei kanei thauc mei rui bumaengh tuang laam kho kamei rui taanv swpuni. Ndauhloumei 13 khou “kalummei” hamh e thei “kalumkanmei” laam khou kaluan pangngu nai e mi tuang pumtanv ti hei. Kachang chang na ninglanc dat khang mak khe mi papacy rui point 7 mei khou ti hei kiu muai dithe.

12. Nthanmei nunc ti hei mi khouringc rui tabui sw kan?

Ndauhloumei 13:7 Nthanmei guay ta ___ ___ khang kakhou ti lou the.

THAILOU KHANG: Meicguay na rui thai bam tuang the papacy (Catholic) rui Middle Ages gaanv khou khristian mei azuh ta rairuna, katuang pumtan khatni kangam tanliang mei gan khou swluai kan e. Historian mpeyna rui sa e 50 millions hian na swluai kan e Baibal thei laimei khristian mei nunc ta. Kaniu rui thu phuamling rui taanc bammei hei Ravguangh khang gay tuang the tuna ning khuan e. Pope ruina thu phuamling rui taanc tuan lou mei khang ta kuaklou o tuna neikhuan e tiki kaniu rui swluai lou kanmei tei thu maan dat khang hamh the. Kumna point 8 teini papacy taanv rui charap dat di he.

13. Khouringh ta ti thaimei ngakmei katuang kasing (numbers) tei azu cho?

Ndauhloumei 13:18 Mi sing kiu thu ___ ge.

THAILOU KHANG: Ndauhloumei 13:18 khou mi khouringc hei meic pu akhat re kumna kazan kasing hei chak o tuna Raguangh rui sa e. Aniu rui papacy sa e thei meic gankhat ta ningtou raap rap e, hei kiu thu Pope ta e. Kazan tabui cho? Pope tuang official zanvphuak hei “Vicarius Filii Dei” kau e latin meilat khou-mi tuang kabac kiu thu “Ravguangh Nac Mpou khin lin mei” tu tuang e. Dicham khou hypukhou pope ta tei “Khrista khin linmei,” tuna hy e, hei tei quotation mark ti puni. Mi rui samei kabac thu katuang title hamh ethei kazanv tatei sa tuang e. Ndauhloumei buk khou kum sa e kazanv ti hei Rommei tuang kasing khou chak pat pukhou 666 ncham e. Point 9 & 10 hei papacy lev cham bo zauc zauc kho.

Khou hei lumsi dat khang mak khe. Aniu guay rui nchinlou the points 10 tuang kheiliak Ndauhloumei 13:1-8, 15-18 khou lianlou mei hei papacy rui swlou the. Kumna mi tuang pumtan tuang madan mei hei laa lakni na e.

Thailou kho Roman Catholic mei khristian pangv khou ni ravningchui mei azu nai e Raguangh rui kana nunc khang chaklou bammei. Kumna lungning daihna thouna gaymei zianthaimei pope ni azu nai kan e Raguangh tazianchang mei nunc. Mi tuang para rui Catholic mei nunc ta adow tuang ram mak ge. nthanmei Latrik khou rui zaibiang na phuamling azu ta subammei ravsic ta adow tuang de. Kumbam sini Ravguangh rui miniu tuang madanmei tei thu laa lariu tuna sa e.

Lungh gut chang mei protestant mei nunc, Catholic mei nunc, Jihudi mei nunc khatni khristian hamh mak mei nunc guay rui mi tuang madanc ti hei thai lana duak mei supuni. Ravguangh ta thuanku kho kamei rui katuang lat khou Seitan tuang rousi mei taanv rui meic guay ta su maan khang swbammei ta ti dauh lou mei khang tei.

Mathang mei Para khou khouringh tuang “Madanc” kiu tabui cho tumei thai than puni. nangrui katuang madanmei hei laa tou e thei maan puni. Meic geic thu mi “madanc” ti hei laac mak pui zaeng rui rianra mei ni ariu puni. tiki aniu pu Raguangh rui Shadrach, Meshach khatni Abednego tuang ram lum tei ti lou na Ravguangc ta champou na theih khang ping makna ding ngam mei sw diu o.

NANG TUANG LAT DAUH

Nang champan rui nangta patlou bam sinih jisu rui zailou zailou pui bam khou nang lai tat khang tumei nang rui kahou mei tha?

MUNDAUH: ______