Saramhmei muczungh nunc rui sa khuan the, “Syrian mei ta tatna adow tho, rih ngam puni the! “Kume tiki guang Jehoshaphat rui Poubauhmei tuang nchumhmei muhzungh rui sa mei ta kamei chuni na sa khuan e. Khou tei Ahab rui sa khuan e, Jehovah tuang Muhzung akhat thu nai e kazaanh Micaiah tu e tiki, “Aithu kata karaeng e, kalam thu kamei akhang khatsini gaimei ravmundinh sa mak ge, tiki sicmei ranac sa e.” (V. 8).

Kum khuan sinih Jehoshaphat rui nchumhmei muzung khou rui thayni de tipui zaeng rui Micaiah ta kauh diukhang Ahab rui ndiu lou the. Bauc kanmei muhzung tei rui guang lana kahaw makmei lat tei guang na salou dat the. Syria mei ta rih adow pukhou Ahab theic puni the tuna sa khuan the. Ntau thu Ahab hei thou lat laa khuto kakhang kung hak mei phaiding khou bam the. Muhzung 400 rui samei lat laa khoni, Poubauhmei tuang muhzung akhat na rui samei lat laa khu to?

Kalung tanc kanmei guangc Ahab tei rui Jehoshaphat ta rih tat khang sa khuan e. Muhzung Micaiah lat ta laa makna. Ravguangh rui kumsa bam sini ai duak khang su puni tuna kamei rui guangh tuang puan tei piu mak na rihmei akhat tuang puan piu lana thei khou tat gut khuan e. Tiki Ahab hei, Ravguangh khou rui pakduak lou ni pui bam makge tumei kamei thai nian the. Rih adow bammei ding khou tei pailu akhat kab guang mei tei kata kabiu na zeiclana katuang takuan gari khou tei kamei theih the.

Jisu rui kum sa lou e. Kham mei gaanv khou ni saramh mei muhzung nunc mpeyna pat puni (Metthiu 24:11). Hei zaeng rui nchumhmei muhzung ta saramhmei muhzung khou rui khaklang pat thay khang thay ni na e. Kalam thu theih khang ringh khang nai e!

KATHAIMEI

Baibal text guay palana kakak khou hysuk gut tho.

1. Poubauhmei tuang khammei katuang raengc hei thou kho ti thai lou bo?

Amos 3:7 Kauh liangmeipu RINGHPOUC hei katuang raeng kabangc ___ nunc khou ndauh lou rey makna ramh akhat na sini taanh makge.

2. Nkhammei gaanv khou nchumhmei khatni saramhmei muhzung nunc nai puni dai?

Metthiu 24:11 Mi khou kiu ___ muhzung mpeyna pat puni, kumna meic mpeyna ta zay mbiang puni.

Latdiutatmei 2:17 Ravguangh rui sa e. Nkhampui gaanv khou ai rui ___ Bumaengc meic kathuicna khou bun keylou puni. Nangniw nac ___ guay ravmundinc puni.

THAILOU KHANG: Nguay nkhammei gaanv khou nchumhmei khatni saramhmei muhzungnunc pat puni. Nthanmei latrik khou dinclou e ntumei ni ngaanvmei ni muhzung hei naipuni.

3. Takummei saramhmei muhzungnunc ta Baibal rui nuhmak bo?

A. “Duaih raeng sinmeita” Riakdanv Kaluaimei 18:10

B. “Ravmundinc bammei” Riakdanv Kaluaimei 18:10

C. “Heitei thu Hei kum tuang the nah rac bammei” Riakdanv kaluaimei 18:10

D. “Duaih thaymei” Riakdanv Kaluaimei 18:10

E. “Parian para mei” Riakdanv Kaluaimei 18:11

F. “Mangmuc swna pinmei rav”Riakdanv Kaluaimei 18:11

G. “Theihmei ta kachumei” Riakdanv Kaluaimei 18:11

H. “Theihmei ta kauh thauhmei” Riakdanv Kaluaimei 18:11.

THAILOU KHANG: Riakdanv Kaluaimei 18:19-12 khou kumsa e, thou puni mikummei taanv taanc bammei nunc heiPoubauhmei khang chanimei e. hei zaeng rui Khristian mei guay rui hei kummei taanc lak nina ae.

4. Ravguangh tuang nkhammei phuamling khou Ravmundinhmei tuang Bumaengc nai puni dai?

Ndauhloumei 12:17 Khoutei mi thaangangc tei kalung puamc the. Kumna mi pui nac baih mei guay, Ravguangh tuang latdanv guay piumei ta khatni ___ khrista tuang ___ nai mei.

Ndauhloumei 19:10 Ai thu nang kumhmei khatni nchumhmei laatow kanmei chana punav guay kumhmei siamruaimei de. Ravguangc ta kalum o! jisu tuang nchumhmei laatow mei kiu thu ___ tuang ___ tei e.

THAILOU KHANG: Para 16 khoutei Ravguangc tuang nkhammei naibam duhmei phuamling khou Jisu tuang nchumhmei laatow mei hei, “Ravmundinh tuang Bumaengc nai mei tei e.” Ndauhloumei 19:10 lev 22:9 kidah zauc pukhou baanchara tei rui Jahon ti hei chana Ravmundinh tuang Bumaengc nai mei “Muhzung nunc” khatni “mi buk khou hylou meita piumei nunc”. Kumna 1 Korinmei 1:5-8, khou Paul rui hi e phuamling khou “Khrista tuang sakhi” khatni Kaipat hei gat ni tuang hamh e” Jisu kanei mei suna guangc dat mak san. Kumna Ravguangc tuang phuamling nkhammei ganh khou naibam duhmei khou Ravmundinc tuang kaipat nai bam puni.

5. Takum mei thiak khou Ravguangc rui nchumhmei muhzung ta kachu bo?

Singchak 12:6, 8 nangniw khou muhzung nunc nai bam e thei Poubauhmei ai rui ___ khou lyan lou e khatni ___ khou kachulou e. Kumna ai rui kata zaw le zaw puanc adyangna kachu lou e.

Zekaria 4:1 Ata kachuc bammei ___ tei guang datna zipri bam khwan mei ta kumcna ata nchyang thau the.

THAILOU KHANG: Poubauhmei rui katuang muhzung nunc khou ndawman khou, mangc khou, zaw lev zaw puanc adyangna hamh e thei baanchara khou rui kachuclou e. Baan hiak zaw na sanhzaw na gaanchuangna ta zaw lana khatni theihmei a kachuc e tumei guay tei Ravguangc rui katuang muhzung nunc ta kachucmei thiak hamh e.

6. Angakmei taanv taanc mei rui nchumhmei muhzung the tutuang tha?

Ndauhloumei 16:14 Minunc hei ___ taanv mpeyna taanc bammei ___ tuang bumaengc nunc e. Mbaanv kapwm tuang guangc nunc ta khuam kaduai khang kaniw tat kan the.

THAILOU KHANG: Hamh e, charynmei taanv rui nchumhmei muhzwng the tuna laa nuhmakge. Kaniw rui thu meic taanc ngam makmei taanv taanc e tupui lat nade. Hei kummei taanv taanc ngam bammei hei Ravguangc khou rui ni Seitan khou rui cho. hei zaeng khou rui Poubauhmei rui sa lou e. “Bumaengc kaguai ti hei lum riu, tiki nchan rey o, mi hei Ravguangc khou rui ni kalam thu mei peyna saramhmei muhzung kandi khou pat kan the. 1 Jahon 4:1

7. Muhzung ti hei tabui rui thuk liangmei suna nchan khang?

Isaiah 8:20 ___ khatni ___ thei layna samak ethei, kaniw khou kariw makge.

THAILOU KHANG: “Latdanv khatni sakhi “tuna Latdyng guangc khou sa bammei kabac thu “Baibal tu tuang e. Mi kiuthu, thou puni ravmundinc Ravguangh khou rui phang e tuna sa bammei nunc ta tei Baibal khourui kida na zauc nina e. Muhzung tei Baibal khou rui nchan nina de, Baibal ta Muhzung rui nchan khang hamh e. Ravguangh khourui guangmei Muhzung e thei 100 percent Baibal lev nuhna puni. Heichei kachang kaling mei ramc chan the.

8. Muhzung ta chan nimei kanei mei thu tabui tha?

1 Jahon 4:2 Ravguang Bumaengc khou rui e twmei nangniw thay nimei thu mi hei e. ___ ___ maansei guanhna lungc guangc e twna samei kathui tei Ravguangc Bumaengh rui e.

THAILOU KHANG: Ravguangh tuang muhzung e thei Jisu Khrista hei Raguangh maansei guanhna guang e twna kachang na dinc puni. Nchummei Muhzung nunc rui thu Jisu ta zay kau thau puni karana ta hamh na. Saramh mei muhzung nunc geithu Ravguangh lat khou rui zay nbiang patna kamei ningc mei khou tei tat re.

9. Muhzung chan nimei kathum mei thu tabui dai?

Metthiu 7:16 nangniw rui ___ khou rui thay puni.

THAILOU KHANG: Mihei Muhzwng hei thui thik puni tu tuang hamh e. Ravguangh tuang Muhzung nunc ni taanc lan de. Kum khuan sini nchumhmei muhzung thu nchumhmei kamei dinh mei tei kum lungc puni.

10. Muhzung ta chan nimei padei mei thu tabui tha?

Jeremiah 28:9 Muhzung tuang lat tei ___ ___ e thei Raguangh rui diu lou mei muhzung the tuna thay puni e.

THAILOU KHANG: Nchumhmei Muhzung rui Saramh mei tabui nungc sini sa ni tuang hamh e. Ravguangh khou rui guangmei muhzung e thei kamei samei guay tei pat puni. Kum bam sini kamei samei guang tang mei na tei rui nchumhmei muhzung swna lanuh makge. Riakdanv Kaluaimei 13:1-3 khou kum sa lou e, saramhmei muhzung rui samei ni pat chang mei ni nai puni de, hei tei rui meic nunc ta ravbaihmei ta kalum khang zay mbiangh puni. Nchumhmei Muhzung rui thu Baibal thei layna Raguangc tatei kalum puni.

11. Paul rui ravmundinh lam khou salou mei kathum tei tabui cho?

1 Thesolonika 5:20, 21 Ravmundinhmei ta ram sak mak tuang ___ riu. Ramh guayna ta ___ o. ___ tei laa lou o.

THAILOU KHANG: Ravmundinhmei hei aniu rui ramh sak mak tuang su riu tuna Paul rui sa e tiki aniu rui gaymei ni simei ni chan zauc ni na e Baibal thai layna.

12. Nchumhmei tuang Muhzung lat laa mak e thei, thou lat laa mak tuang tha?

Luke 7:28-30 Jahon suangc daihmei Muhzung mak ge. Kalat tei chumei guay, dihkhav kakhamei nunc nganvna Ravguangh hei nchumhmeipu e twmei laa lou the. Tiki Pharisimei nunc khatni Riakdanv dinh pouc nunc thu ___ rui ___ tei kaniw sw mak khe.

THAILOU KHANG: Aniw rui nchumhmei muzung lat laa mak e thei Ravguangh lat ta laa mak tuang the kakhan minkhang nai e. Baibal khou kum sa e, Ravguangh tuang Muhzung lat piu o kum e thei nang duan gay puni. 2 Kinchak 20:20 katuang muczung nunc rui dincloumei tei lum o. Kum e thei nangniu ngam puni.

NANGLAT DAUC

Ravguangh rui ntau ngan katuang muhzung nunc khou rui kachu bam e, khatni nchumhmei muhzung nunc lat hei “Jisu tuang sakhi” nang khang ti tuang e. Ntau kan tuang muhzung nunc tatei Baibal thei layna chan zauc ni the khatni Baibal thei layna samei nunc lat nang piu nitha?

MUNDAU: ______

KATHAI NBU KHANG

Kathai nbu khang tithai kasuan loumei.

Ntau kan tuang Muhzung:

December bw 1844 khou, Methodist mei ntumei nunc khuksun keyna kalum bam khuan e Portland, maine khou, Ellen Harmon -17 tingkum tangc mei pui, kapum suan na bam mei pui (vision) ndawman reyliangmei suna phang khuan e. Ellen (Kamei mih mei tangc rui Ellen White tuna kauh tuang e kaganc James white tipui zaeng rui) rui kakhou Ravguangh rui ti ndauh lou mei tei mei nunc khou sa lana, kamei hei ndawman nunc khatni mangc ni tingkum 70 dou hei phang e kamei theih maksan, kumna kum 1915 khou kandi panti pat lou na zangsu kan the.

Baibal khou Muhzung nunc takum subo Meitei kumna, ndawman phangmei gan khou pat khuan e. Muhzung Daniel kumna kathiula lamak ge khatni kapumtan ni makge.

(Daniel 10:8, 17). Kagan gansak khou katuang ndawman hei khuang gaanv padei dau laa khou ni nai e kumna kathiula lac makge mi gan khou tei. Doctor nunc rui ni zauc e ndawman tat bammei gan khou kathiula laac makge tumei sakhi su e.

Kagan gansaek khou pumtan ni ti lou e (Daniel 10:18, 19). Ellen pumc ritvhei pound 95 nade, tiki kamei rui pound 17 ritcmei family Baibal ti hei minute 30 kabaanv nting patna ndawman lungc khou sin ngam e. Kumna baihmei nunc rui ni lyanlou e kamei ndawman tat mei gan khou kakhou ngamc mei pumtan Ravguangh rui tilou mei khatni Muhzung nunc rui takum sukan bo hei tei kakhou ni taanclou e. Kum bam sini hei tei rui Ravguangh khou rui e hamh e thei Seitan khou rui e samakge. Ravmundinc tuang kaipat phang lana pumtan nai na bam sini, khristian mei nunc hei Baibal khou rui chan ni na de mi hei chumhmei ni hamh mak cho tumei hei.

Baibal tuang nchanmei padei hei rui chanmei.

Ellen Whitge tuang panti khatni katanv hei nchumhmei ni hamh cho tumei Baibal tuang chanmei rui chan zau kho.

Chan reymei - Baibal lev nuhna mei

Ellen white tuang buk khatni khat pazauc tio nang hou puni Baibal khou zaylou puni khatni nthanmei latrik lev tuna nuhna ngam e. kum bam sini, kamei hylou mei hei Baibal khou hyhablou tuang e tuna sa mak ge. Katuang buk khatni hylou mei hei Baibal khou meic guay ta zay guang lou khang hylou tuang de. Ellen rui hei kumna sa e lummei nunc rui piu nimei thu Baibal na de: “Aniu ganv khou latchamv khatni tatnimei riak khourui tat biangh ngam the, kum thina aniw guay protestant mei tuang riak – Baibal ruc khou na dingv ninade aniw tuang lummei khatni taanv guay.”

Kamei rui kum hi e: “Hylou bammei sakhi nunc hei kariu kathan ti tuang hamh e, tiki Bumaengh rui katiulou na ndauhlou rey mei khou tei meic nunc lungcning khou chumhmei tei laa lou diu khang de. Maansei rui Ravguangh khang taanc nimei thouc hei thanthiak na Raguangh tuang lat khou nai bam e; tiki piu bammei thu meic katitna dithe. Nchumhmei hyhaplou tuang hamh e, tiki hylou bammei ti hei meic guay rui thay gai khang khatni chumhmei ti hei naibam khuan mei tei baptac gay nimei thiak khou kameirui ti lou mei ta meic guay hu khou phung guang lou tuang e. Kumna meic akhat na rui sini ai thay mak na dike tuna duak nu mak khang rui e.”

Ellen White kumna sa de, ai rui hylou mei hei Baibal suna laa nuh makge, kum bam sini Bumaengh rui kahilou na hylou tuang e. Ravguangh tuang muhzung daihmei nunc – Elijah, Elisha, Jahon Baptist- guay ni Bumaengh rui katiuloumei sinde tiki kaniw rui latrik khatsini hymakge Baibal khou. Ellen White tuang hylou mei hei kamei rui kum sa e, kariu daicranvmei Baibal khou zaylou khang rui kariu roucmaimei hylou tuang de. Mihei Bumaengh rui katiulouna nthanmei latrik ti hei kaba tithai khang hylou tuang de tiki Baibal hei rui kucliang, dailiangc mei de.

Chanmei – Kanei sumei- Jisu laam khou chumhmei dinhmei.

Ellen White tuang buk nunc - The Desire of Ages, Christ Object Lesson, Steps to Christ, khatni Thought From Mount of Blessing guay hei rui mi tuang chanmei ti hei tiguang tangc lou e. Hei buk nunc khou katuang laam khatsini sa makge tiki meic nunc ta Jisu khou soulou mei lat sin de.

Chanmei – Kathum sumei – Ravchaptatmei panti.

Dih chamv nunc rui Ellen White theihmei gan khou kum sa e, “Mrs White tuang panti hei meic guay khang su chinlou mei akhat re. … Kamei hei niam e, lunghgut mei Khrista ziab e, khatni gaymei taanv taanc tat bammei pui akhat re. maansei gay khang rui aliau tuang makna taanc mei pui khatni ntumei ta chakhuang sumei nunc rui kata chakhuang champou su khuan e. Tingkum 90 dow lungc lou lana, zianmei latsa sa, mei guay khang kalum lou, khatni gaymei taanv rui lunglian lou na khristian mei kapi sumei khat suna theic kan e”

Chanmei-padeisumei-Ravmundinh suaimakmei.

Hu thang guang nimei ravmundinh Ellen White rui salou meihei suai mak ge. “Kabang khou salou mei ravmundinh hei aseic lauthuan tuang dihcham kum e, tiki mi hei atau kanc tat kalu mei tuang kasiam pat mak khou rui salou tuang e. “Rail gari khou rui kabiu kachei mei hei gei khit khit thou puni (accident) bapta makmei, kadianghmei khatni mang chang bam khou rui theihmei pat puni the.”

Ellen White lungc bammei gaanv khou doctor nunc rui maikhou zangmei hei meicphuan khang gay e tuna sabam khuan e “Baih baihna medical nunc rui sabam e tiki scientific proof thu mak bam khuan e. Pum gaymei tuangkhou tuzang nimei t thay mak bam khuan e. Hei kum bammei gaanv khou Ellen White rui pumgay mei khatni taktu laam khou geicsina hypat bam khuan e. Dr Clive Mecay Carnel University khou nutrition tuang professor sulou guat mei pu rui sa e; “Ntau gaan khou scientific nutrition guang mak mei hu nungc rui Mrs White rui hylou bammei ruc khou gay hian mei mak ge asei phau lungc khou.”

Baibal khou kum sa lourey bam e nkham mei gaanv khou ravmundinhmei kaipat hei pat puni. Meic guay rui hou e thay e, Mrs White rui Baibal khou nchumhmei ravmundinhmei rui hei kum puni tumei guay taguang thui lou e. Nangniw ta ni katiu lou ni e, katuang buk nunc asaek lana pazau o kamei Baibal rui samei kum tanc bo sabo tumei thai khang khatni Baibal rui sa e “Ravguangh tuang Muhzung lat ta ram sak maktuang suriu. Ramh guay na chan o, gaymei guay ta sin o.” 1 Thesolonika 5:20, 21.