Nitok’ Jakob do oṛak’ khone dạṛek’ kana, ac’ dadawak’ dhomkao ańjom katek’ bańcaok’ lạgit’e dạṛ joṅ kana. Uni do tumbõt’ente rak’ joṅ keda onako hudis katek’ okako do ac’ak’ laloc’ khạtirte ponthaledae onako do ac’ ṭhenge hec’ ruạṛente. Hahaṅkarre ac’ motoge, mit’ṭen dhirire bohok’e doho keda ar apnar rukhiạk’ lạgit’ mit’ṭen ṭhengawante jirạuk’e khojkan tahẽna. Uni hudisec’ kan tahẽna ac’ren gogo baba do ar doṛhate ńelńam kinạe sebaṅ-ar judi Isor baba uni ikạ kaea. Laṅgayente Jakob doe jạpit keda. Ạḍi usạrage ac’ do mit’ṭen marsalge kũkmũe ńelkeda. Uni do serma khon mit’ṭen marsal reak’ rãt bamberok’ do mit’ṭen ạḍi mońj ḍahar leka oka do serma coṭ reak’ ṭhonok’ do dhạrti saote joṛaoakan tahẽna. Ona ãṛgomte do ạḍi dher jhalkaok’kan serma guḍit’ko dejok’ arko ãṛgok’kan tahẽna.

Khan Jakob do serma khon Probhuak’ roṛe ańjom keda ar ac’ak’ calak’re bhoraea mente gok’ak’ kathae ańjomkeda. Probhu do ac’ak’ bondobos Jakob saote khạṭieda okaṭak’ do uni Abraham ar Isahak’ saote bandhaoleda. Tinre uni beret’ena, Jakob do ikṛum katek’e menkeda ac’ak’ laloc’ ḍahar khon doe ruạṛok’ae mente. Uniye kiryạwana, “Ar joto okaṭak’em emań ona reak’ gelak’ hisiń emama.” Genesis 28:22. Isor do uniak’ kiryạwak’e ańgoc’ keda ar serma reak’ khiṛki koe jhic’keda jemon tinre Jakob do bar gel serma tayome ruạṛok’, uni do mit’ṭen jo bahak’ ar hạsạnic’ hoṛe huiena.

PAṚHAO

Mimit’ Bạibel kạliko paṛhao tayom khạli ṭhạiko perejpe.

1. Jakob do Isorak gelak’ hạṭiń ruạṛ bisoete do okare cet’ keda?

Genesis 14:18, 20 Malkisedek … uni do coṭ utạric’ Isorren naekeye tahẽkana. … Ar [Abraham] do sanamak’ reak’ _____ hạṭiń uniye emadea.

Dhean: Gelak’ hạṭiń do mit’ hoṛak’ gel hạṭiń kamae reak’ mit’ hạṭiń kana. “Tithe” katha reak’ manege gelak’ hạṭiń kana. Jakob ren haṛamba Abraham do ạḍi serma lahare Isoren naeke, Malkisedek ṭhen gelak’ hạṭiń em katek’ mit’ṭen nạmunae doholeda.

2. Aboak’ kamae reak’ tinạk’ hạṭiń do Isorak’ kana?

Levitikus 27:30 Disom reak’ sanamak’ reak’ _____ hạṭiń … _____ kana. Probhu ńutumte sonotgea.

Dhean: Menlekhan, Abo ṭhen menak’ 100 partisat ge Isorak’ kana.
Sereńko 24:1 Probhuak’ kana dhạrti ar ona reak’ perec’tet’ do, pirthimi ar onare tahẽnkanko hõ.
Menkhan, Isor doe metabon kana jemon abobon aṅgoc’ je aboak’ kamae khon gelak’ hạṭiń se 10 pạrtisat ruạṛte abobon pạtiạuk’ kana je sanamak’ge Uniak’ kana mente.

3. Isor do aboak’ gelak’ hạṭińte cet’e cekaeda?

Numeri 18:21, 24 Ar ńelme, lewi hoponko do Israelre sanam _____ hạṭiń reak’ mit’ hạtiń ạidạri menteń emakwat’ koa, oneko sap dab onkoak’ sap dap’ kạmi ńutumte, … ente Israel hoponkoak’ _____ hạṭiń … ona do Lewikoko ạidạria menteń emakawat’koa.

1 Korinthiko 9:13, 14 bape baḍea, sonotak’ko reak’ko _____ _____ do pinḍ tuluc’ _____ ńameda mente? Onkage Probhu hõe sorwaakada, baṅma, bhage sombat _____ do bhage sombatteko ạsulok’a.

Dhean: Mare niạmre, Isor doe metat’ko tahẽna je gelak hạṭiń do Lewiko goṛoako lạgit’ beoharok’a, okoe do uniren sapdapko ko tahẽkana.                1 Korinthiko 9:13 re, Isore meneda je cet’leka naekeko do mare niạmre mundil reak’ gelak’ hạṭiń khonko ko emako kan tahẽna, onkage teheń bhage sombat ren sapdapko hõ manḍer reak’ gelak’ hạṭiń khonko emako gea.

4. Cet’ gelak’ hạṭiń ruạṛ niạm do Moseak’ olak’ mare niạm reak’ hạṭiń tahẽk’kana, oka do krusre cabaena?

Genesis 28:20, 22 Ar Jakob doe manankeda, banma, … ar joto okaṭak’ em emạń ona reak’ _____ hĩsiń emama.

Dhean: Baṅ! Moseak’ ạn emok’ ạḍi din laharege Abraham ar Jakob do ạkinak’ kamae khon gelak’ hạṭiń Isor kin emledea. Cedak’je noa do Sinại buru laha khonge tahẽk’kana, abo bon baḍaegea je noa do somaj reak’ niạm do baṅ tahek’ kana okaṭak’ do krusre cabayena. Gelak’ hạṭiń emok’ niạm do Isorak’ ponthage tahẽkana sewa kạmire goṛo huyuk’ lạgit’, ar teheń hõ ona reak’ asar menak’a.

5. Menkhan cet’ Jisu do gelak’ hạṭiń emok’ pontha doe dosek’kana?

Mathae 23:23 Hae, ape, sostor baḍaeko ar Phạrisiko, phạsiạrako do, ente podina, muhri ar jirạ reak’ _____ hạṭiń khon mit’ hạṭiń dope emeda, menkhan ạn reak’ asol asolak’ ko dope bạgiakawada, metak’me, bicạr, mãyã ar pạtiạr; noako kạk’mi ar onako alo bạgikak’ _____ tahẽkantapea.

Dhean: Bań. Jisu doe ńel keda je kokoc’ phạrisiko do gelak’ hạṭiń mundilre ạgu baṅ katek’ onko do eṭak’ eṭak’ aṛak’ sakam korenak’ ar kạṭic’ kạṭic’ jaṅko reak’ gelak’ hạṭiń ko hisạpet’kan tahẽnako. Ona iạte uni do onko kạṭic’ kạṭic’ jinis reak’ gelak’ hạṭińre ạḍi khạṭik’ko khojkan tahẽna ar akoak’ bicạr, daya, ar pạtiạure onko ńurhạgeko tahẽk’ kana onate uni do onko cehaonae emat’ koa. Uni do onko gelak’ hĩs lạgit’ bae doslet’koa, menkhan kristankoak’ eṭak’ maraṅ niạmko bako senak’ khạtirtege. Ona iạte Jisu doe menkeda, “Noa do ape [gelak’ hạṭiń emok’ reak’ kathae tuluc’] cekae jạruṛ tahẽk’ kana, eṭak’ak’ko begor bạgeak’ tuluc’.”

6. Cet’ nonkan hahaṛawak’ gok’ak’ Isor do gelak’ hạṭiń babot’te emakanae?

Malaki 3:10 Purạ puri gelak’ hạṭińge sõc jarwayet’ oṛak’te ạguipe, … ar onkaete iń biḍạu _____ , phạdkoren Probhuye meneda, bhala iń do ape lạgit’ _____ reak’ khiṛki duạrkoń _____ se baṅ, ar bhoriń dul bubhạuapea se baṅ, dohoe jaega ạuri perec’ cabak’tape hạbic’.

Dhean: Isor doe meneda: “Judi amem digdhạk’a gelak’ hĩs em katek’, biḍau aṭkarińme, ar ńelme iń am bhoram kana sebaṅ bubhạuk’ hạbic’se dohoe jaega ạuri perec’ hạbic’.” Sae sae khon hajar hajar gelak’ his emok’ hoṛko metama je noado sạriak’ kan gea. Amdo purạpuri Isor bam em dareaea!

7. Isor do ac’ren hoṛko metako kana purạ puri gelak’ hạṭińge sõc jarwayet’ oṛak’tre ạguepe. Ona reak’ mane do cet’ kana?

Nehemia 13:12 Ar goṭa Jihudarenko do phosol, darkha rasa ar sunum reak’ gelak’ hạṭiń khajańci _____ koteko ạgukeda.

Dhean: Sõc jarwayet’ oṛak’ do Isorak’ manḍer reak’ dhon kana. (Bạibelre “sõc jarwayet’ oṛak’” do “dhon” saote juriakana.) Malaki 3:10 re, Isor do sõc jarwayet’ oṛak’ “Ińak’ oṛak’” mente meneda, oka reak’ mane do manḍer kana, se mundil. Eṭak’ kạliko okare do sõc jarwayet’ oṛak’ do mundil se mundil reak’ dhon mente meneda onako do 1 Biboron 9:26 (Joṛaope); 2 Biboron 31:11, 12 (Joṛaope); ar Nehemia 10:37, 38. Khan noa sõc jarwayet’ oṛak’ do Isorak’ manḍer khajańcige.

8. Tinre abo gelak’ hĩs bon emeda, okoe aboak’ ṭaka doe ataṅeda?

Ibriko 7:8 Ar nonḍe ma gujuk’ hoṛge gelak’ hạṭińko ńamjoṅkan, menkhan onḍe do unige, one _____ reaṅ goha emogok’kan jiwet’ geae mente.

Kolossiko 3:23 Jãhãnak’ gepe cekae, mone lagaokate kạmipe _____ lạgit’ leka, ar manwa lạgit’ leka do alo.

Dhean: Abo jaoge disạ jạruṛ tạbona je abo do aboak’ gelak’ hĩs hoṛ do babon ruạṛako kana, menkhan Isorge Ona do Uniak’ kan gea. Aboak’ do jahan bhabnak’ reak’ jạruṛ bạnuk’ tạbona gelak’ hĩs do cet’leka beoharok’ kana mente judi abo Isore bon emakade khan. Uni do ac’ak’ ṭaka sambṛao lạgit’ baḍae gea ar uni sambṛaoe okoe do ona dan mońj lekate bako beohareda.

9. Ińak’ gelak’ hĩs saote, okaṭak’ do Isorak’ kana, uni do ar ac’ren hoṛ ṭhen khon cet’e khoj kana?

Sereńko 96:8 _____ ak’ ante uniak’ bakher racakote hijuk’pe.

Malaki 3:8 _____ manwa do Isore rec’kea? Enre hõ ape dope rejeńkana. Menkhanpe meneda, Oka lekatele rec’et’mea? Gelak’ hạṭiń ar tulok’ _____ kotege.

Dhean: Probhu do aboak’ sana lekate dan se samaṅak’ emok’e metabon kana noa sodor tuluc’ je aboak’ dulạṛ uni lạgit’ menak’a ar abobon ńam akat’ bhorko lạgit’ sarhao.

10. Samaṅak’ do tinạk’ bon em kea?

2 Korinthiko 9:7 Mimit’ hoṛ do _____ niṭakawan lekaemae, mon dukte se jormoṭte do alo, ente kharsala emok’koge Isor doe dulạṛet’koe.

Dhean: Bạibel do jahan niṭak’ ṭaka do bae menakada mimit’ hoṛ akoak’ monejoṅleka Isorak sarbharaote tinạk’ em sanamea onak’ge samaṅok’ak’ mente em me.

11. Judi abo Isorak’ raj ńambon khojkan khan oka biḍạure Adam ar Hawakin ńurhạena onare abo do paromok’ huyuk’ tabona?

Genesis 3:3 Menkhan tala bagwanre menak’ _____ reak’ jo reaṅ do Isore menakada, Ona do _____ joma, ar _____ hõ ona do aloben joteda, bankhanben gujuk’a.

Dhean: Isor do Adam ar Hawa metat’kinạ bagwan reak’ joto dare reak’ jo do khạtirjoma jomben menkhan boge bạric’ baḍae ok’rom dare reak’ ona reak’ do alogeben joma se aloben joṭeda baṅkhan khạṭigeben gujuk’a. Isor do dare beṛhaete elekṭrik’ tãr do bae lagaoakat’ tahẽna. Menkhan uni do onkan ṭhene doholeda okare do unkin ona jokin tiyok’ daṛeak’a. Ar onkin do onakin ceka keda cedak’je onkin do Isorre bạkin borsalena. Teheń abo sanamko Isor do onkanak’ge biḍạue emabon kana. Uni meneda “joto ṭaka amem doho daṛeak’a ona gelak’ hạṭiń chaḍa. Ona ṭaka do ińak’ kana. Alom hataoa.” Menkhan, uni do onkan ṭhene dohoeda oka khon do abobon hatao daṛeak’a judi abobon khoj khan. Menkhan tinre abo noabon cekaea, abo do Adam ar Hawawak’ kại gebon doṛhaeada. Isor do ona bises dare reak’ jo do baṅ jạruṛaea. Ona do onkinak’ bak’tao reak’ mit’ṭen biḍạu aṭ’kar tahẽkana. Uni do aboak’ gelak’ hĩs hõ baṅ jạruṛaea. Jotoak’ do uniak’ kan gea! Noa do mit’ṭen dulạṛ, bak’tao ar borsa dohoe reak’ biḍạu kana.

12. Tinre abo gelak hạṭiń ar dan babon ruạṛeda khan okaṭak’ hukumbon rạput’eda?

Malaki 3:8 Cet’ manwa do Isore _____? Enre hõ ape dope _____! Menkhanpe meneda, Oka lekatele rec’et’mea? Gelak’ hạṭiń ar tulok’ samaṅok’ak’kotege.

Exodus 20:15 Alom _____.

Dhean: Isorre meneda okoeko do baḍae tuluc’ gelak’ hạṭiń ar dan emok’re pạtiạr bạnuk’ koa onko do kombṛo kanako. Tinre hoṛ do mimit’ eṭak’ ṭhen khonko kombṛoeda ona do ạḍi bạṛic’ge huyuk’ kana, menkhan ona khon hõ bạṛti bạṛic’a hudis kana tinre manwako do Isor ṭhen khon ko kombṛoeda! Noa hõ pạtiuạk’ muskil huyuk’ geaje manwako do ṭaka kombṛo hạbic’ko latarena, okaṭak’ do at’ akanko lạgit’ Isorak’ bhage sombat porcar lạgit’e bahalleda.

13. Isor do cet’e meneda onkoak’ cet’ huyuk’a mente okoeko do baḍae tuluc’ uniak’ gelak’ hạṭiń ar dankoko kombṛoeda?

Malaki 3:9 Ape do mit’ṭec’ _____ sarapakana, ente ape dope rejeńkana’ hẽ, ape goṭa jạtrenkoge.

1 Korinthiko 6:10 Baṅ do _____ , baṅ do dhon lak’locko, baṅ do bulok’ko, baṅ do cokak’ baklak’ roroṛko, baṅ do luluṭko, okoe hõ Isorak’ raj bako ạidạrijoṅa.

Dhean: Okoeko do gelak’ hạṭiń ar dan emok’re biswạs se pạtiạr bạnuk’koa onko do sarapangeako ar onko do bako pheraolen khan Isorak’ raj’ khon kombṛoko leka bahre ocok’ako.

14. Laloc’ do cedak’ ạḍi bạric’ gea?

Luke 12:34 Ente okare apeak’ _____ menak’a, onḍege apeak’ mon hõ tahẽna.

Dhean: Laloc’ do hạhạn gea cedak’je aboak’ mon do aboak’ dhon jarwage menjoṅ gea. Judi ińạk’ mone dhon joma akaerege menak’a, khan ińạk’ mon do laloc’, hak’tao, bạḍạiyok’kan tińạ. Menkhan judi ińak’ mone Isorak’ kạmi laha idi lạgit’kan, khan ińak’ mone do joton, duk’lạr ar hạsak’ ar nindhange huyuk’ kana. Aboak’ mone do jaoge dhongeye khoja. Abo do noa baṅ hiṛiń huyuk’ tạbona je Jihudi do ṭaka reak’ laloc’ ar dulạṛ khạtir tege uni do pe gel rupạ reak’ sikite Jisui ạkhriń kedea (Mathae 26:14-16).

15. Cet’ em hudiseda tinre abo Uniak’ gelak hạṭiń ar dan kobon kombṛoeda onre Jisu do cet’ leka bujhạueda?

Ibriko 3:10 Ona iạte ona piṛhirenkoteń _____, Ariń menkeda, Joage akoak’ monreko chingạuk’ kana; Ińak’ horko do bako baḍaelak’a.

Dhean: Jisu do gogo baba khon ho bạṛtiye bujhạu keda okoeren gidrạ do ac’ak’ thạilak’ khon ṭakae kombṛoket’. Ṭaka at’ do lạṭ u katha baṅkana. Menkhan, noa do gidrạwak’ colon, dulạṛ, ar borsa oka do ạḍi ãṭ mone duk’ket’ taea. Sạrige abo okoe hõ babańcaoic’ak’ mone duk’ ocoe do babon khoja.

16. Isor do Bạibelre ar cet’ eṭak’ak’ kathako emok’ reak’ bisoete menakada?

A. 2 Korinthiko 8:5 _____ aslen leka moto do baṅ, menkhan pạhil do apnarge Probhu ṭhenko emena, ar Isorak’ mone leka ale ṭhen hõ.

B. Kahțukko 3:9 Probhu manoteme, amak’ sanam dhon duribkote, Ar am arjaok’ reak’ _____ _____ .

C. Kahțukko 11:24, 25 Hoṛ menak’koe, lahe caheko emok’a, enre hõ _____ kisạ̃ṛok’a, Ar hõ hoṛ menak’koe, hok khon bạ̃ṛtiko dohojoṅa, enre hõko ṭonṭak’a._____ _____ emok’ hoṛ doko kisạ̃ṛok’a, Jhĩjĩṭko do ako hõ jhĩṭakoa.

D. Apostal Kamiko 20:35 Hak’tao khon bickom _____ _____.

E. Luke 12:21 Onkangea uni do okoe dhone ar Isor sec’ do bae _____.

F. Luke 6:38 Emok’pe, ado ape hõko emapea, bhage sosoṅak’te, ota khacao khacaote, ruku rukute,_____ _____ gochawapea; ente oka sosoṅak’tepe soṅa inạtegeko soṅ ruạṛapea.

G. 1 Korinthiko 16:2 Mimit’ hoṛ jãhãnak’ ge _____ _____ tape apnar ṭhen sõc dohoepe, jemon ińiń senlenre canda uk’ṭhạu do alo hoyok’.

H. Deuteronomium 16:17 Mimit’ hoṛ jageko kulạu daṛeak’, onageko
emok’ma Probhuye emakawat’pe _____ _____ .

Dhean: Gelak hạṭiṇ́ kamae khon aray hạṭiń kamae do bạṛti din calak’a Isorak’ bhor selet’te ona khon okaṭak’re do Isorak’ bhor bạnuk’a. Tinre Isorak’ serma reak’ khiṛki duạrko jhijok’kana, Uniak’ bhorko do eken ṭaka paisate ge do baṅ. Onakorek’ do noako hõ seledok’a cet’leka mońj hoṛmo, suluk’ mon, koejoṅ reak’ jobab, rukhiạ, mońj sombond ar dulạṛ gharońj, hoṛmo seak’ daṛe, mońj bachao joṅ lạgit’ daṛe, Jisu saote taṛam lạgite’ goṛo, manwawak’ jion jitạu daṛere goṛo, mare gạḍi calak’ tege tahẽna, nonkan ar arkore. Judi sạrige abo Jisu bon dulạṛede kana, uniak’ kạmi lạgit’ dãṛẽ samaṅ do jahan hamal kạmi do baṅ huyuk’a. Bickom, ona do mit’ṭen bhorak’ge – oka do abo mit’ṭen ṭhonokan obsor kana je abo do rạskạ ar tirpit’ selet’te onabon cekaea.

17. Jakob ac’ak’ kũkmũre ńel let’ ãṛgom do cet’e sodoret’ kan tahẽna?

Johan 1:51 Are metadea, Sạri sạrigeń metapekana, ape do serma jhic’ akan ar Isorren dutko _____ _____ ãṛgo rakap’kanpe ńelkoa.

Dhean: Jekob do dhạrti khon sermate joṛao akan aṛgome ńel ńamkeda, oka do Manwa Hopone sodore kana. Malaki 3:10 re, Isore meneda je judi abo sanam gelak’ hĩs ko Isorak’ oṛak’tebon ạgui khan, uni do abo lạgit’ serma reak’ khiṛki duạr koe jhija ar bhore dul bubhạu abona dohoe jaega ạuri perec’ cabak’ tabon hạbic’! Jisu kan gea ona bhor do.

18. Cet’ bises utạrak’ dan Jisu bon em daṛeaea?

Kahțukko 23:26 E bạbu _____ _____, emạńme, Ar amak’ mẽt do ińak’ horkoe ạribạndhima.

Marke 7:6 Noko hoṛ do luṭiteko ganaoedińa, Menkhan onkoak’ _____ do iń khon sạṅgińgetakoa.

Dhean: Tinre aboak’ ontor Jisu ṭhen menak’a, khan jotoak’ do uni ṭhenge menak’a.

Amak’ Roṛ Ruạṛ

Tinre abo gelak’ hĩs ar canda emok’re biswas bon tahẽnkan, khan Jisu do aboren gate huyuk’ kanae aboak’ jion reak’ jotoak’re. Cet’ teheń am Uniyem neotaea amren gate huyuk’ lạgit’ gelak’ hĩs ar danko em katek’?

Jobab: _______