Tazikramv gut mei tangc Raguangh rui kadat dikna dihbac biak thangc duang kei the nrianloumei kandic thangc ram makna. Nrianloumei kandic gut mak khou kaniu ta cham chei lou khang khatni Raguangh khou lumlou diu khang rui duang kei tuang khuan e. Kaniu rui Sinai chingc thang tat mei gankhou, Raguang kaniu khang taktu tii lou e. Kaniu ndap pukhou tingkauh ntian titu lou e. Kaniu dui taripui gaanv khou, Poubauhmei rui taucdai khou rui dui tipat lou e. Houhmuc mei nunc rui rihkei pui gan khou kamei rui angakna rih tingam lou e.

Kumna ntau thu Nthanmei chingphai khou kaniu guang nthaek lou the.

Raguangh rui reynung tan zat makmei taanv taanc lou the. Kamei rui katuang latrian kaniu khou salou the, mi kiu kariak Latdanv aruv tei e. Katuang Riakdanv guay tei sa lou pui tangc Mousi ta Sinai chingbut thangc kauku the. Katuang kariak Latdan ruv tei laa khang. Tiki hei teina ram makna baimei nic tii lou e. Mikiu thu Raguangh ta kalummei kai, phung tat numei ravkai tingkau thangc naimei tei kumna kalun gaimei kai kasiam khang dinc lou the. Mi kai ramh kasiam tei kalaam kathum aniu rui howna thai bam khang samei thu aniu ta paapc khou rui kanlou nimei chamvraengc tei lian lou the.

KATHAI KHANG

Baibal text guay hei paclana kakak khou hi suk gut tho.

1. Raguangh Mousi khou tabui kasiam o sa bo khatni tabui zang rui?

Tatpatmei 25:8 Airui meic pang khou tei bammei ___ khang meic nunc tei rui akhang nthanmei ___ akhat kasiamlou nina e.

2. Ravkai khatni ravkai taanduan tei rui meic nunc tabui chamcdunic meita Raguangh kahow na cho?

Kalumlu 77:13 He Raguangh, nang ___ tei ravkai khou nai e.

THAILOU KHANG: Raguangh chaeng, ram e thei chamraengc, zaikanloumei tuang laam guay hei mei kandih khou ravkai tei ruinchin e. Mi ravkai khou taanv guay tei rui, khatni naibam mei puat guay tei rui dinc mei thu Jisu rui aniuta kanlou khang taanc nic mei guay the. Maanseita zaikanlou nimei chamvraeng guai hei mi ravkai tuang taanv guaita thai mak e thei aniu thaitangc ngam ni tuang hamh e. Mi hei daihkanmei 3-D tuang howna thaikhang zaikan lou mei tuang chamvraeng kabac tei lianlou tuang e.

3. Mi ravkai (Pheykai) tei kasiam nimei thiak guay tei Mousi, khou tei rui phangctuang?

Tatpatmei 25:40 Ai rui nang khou ___ ruc khou lyanlou kanmei tei ____ mi guay tei kasiam khang sunina e

THAILOU KHANG: Rackai kasiam nimei thiak riak guay tei Raguangh rui Mousi khou Sinai chyngbut khou tei tii lou the (Ibrimei 8:5). Mi hei tingkauh thangc naimei rackai maeng kahak tei nchinlou tuang e.Thaureymei Ravkai hei hougai kanmei pheykai khuan e. (15ft by 45ft, based on an 18 inch cubit) khou Raguangh himdaihmei tii ndauh pui bam khatni ravkai kumei

taanduan taanv pui bam e. Ngaengsaeng hei acacia thingpaek rui e khou tei suknimei bam nunc tei dandi rui e.khatni hei thingpaaek guai tei kachaek rui sungliam lou khuan e I (Tatpatmei 26:15-19, 29). Kainam tei kasap padei e, linen, zuhiu phey, lauziu chic giic haeng mei rui nsangc lou mei khatni badger gic rui khup khuan e (verses 1, 7, 14). Kaac kanei e, Nthanmei bam khatni nthanliangmei bam. (Thanmei bam tei 15 x 30 feet khatni thanliangmei bam 15 x 15 feet khuan e). Karuc khou mei maengc tei zaulou pu o para kathai pukhou.

4. Kaic hu khou tei tabui loubo?

A. Tatpatmei 29:18 Mi lauziu chic pumc tei ___ khou raw tho. Mi ___ tei rui ata tipianloou puni.

B. Tatpatmei 30:8 Tanzinc rui kabamv sumei tuang tanzinc tuang duikhiu ___ kasiamh o. Kumna khou tei dui lou o.

THAILOU KHANG: Maic rou na khaengc mei tuang Ravchapaaeng (Tatpatmei 27:1-8) hei khouring katna rou pui bam e. Mi hei rakai (Pheykai) chaengmun mackhou nai khuan e. Mi tuang Ravchapaeng hei Khrista tuang kross ta nchin puituang e. Khoutei katna khaengc bammei khouringc nunc tei Jisu ta lian pui tuang e. Samei thu kalingmei lauziu khaeng lou nimei, (Jahon 1:29). Dui khuc kuak (Tatpatmei 30:17-21; 38:8) tei Ravchapaeng lev chaengmun kak khou tei lou e. Amuh nunc ravkai lung gut mak khou kaphai kabaanv khiu khang e. Mi dui hei duilupc mei ta tii lianlou e, paapc suthan laana khatni puanthan mei ti nchin pui tuang e.

5. Nthanmei bamv khou tabui puat kathum naibo?

A. Singchak 4:7 Ringhpouc khang ___ katnimei tuang ____ khoutei phey nrymmei rui gumlou na ... khou tei ntyan nai tanh tan bam nina e.

B. Singchak 8:2 nangrui thaumai tei lou pui ganv khou kariu tei ____ hu biak thangc gaanc pat khang sunina e.

C. Tatpatmei 30:1 ___ ntei khang akasia thing tuang ____ akhat kasiam nina e.

THAILOU KHANG: Ntyan loumei paeng (Tatpatmei 25:23-30) tei Jisu khin the, ringcmei ntyan (Jahon 6:51).Katiang chanei naimei thaumaih tei (Jahon 9:5; 1:9). Jisu khin the, kamei kandimei riu.Thaudui tei bumaengh Nthanmei ta sa chap lou tuang the (Zekaria 4:1-6; Ndauhloumei 4:5). Ngaw teimei paeng tei (Tatpatmei 30:1-8) Raguangh mei nunc rasuaih (huaineimei) ta nchin tuangc e (Ibrimei 5:7).

6. Nthanliangmei bamv khou tabui tuang thukliang mei puat lou bo?

Tatpatmei 26:34 Zauzian bampaeng tei latdyng ____ ruc khou louna hei tei nthanliangmei bamv khou tei lounina e.

THAILOU KHANG: Nthanliangmei bam khou tei thu (Tatpaptmei 25:10-22) Latdyng tuang khuk akasia thing rui kasiam lana kachaek rui tei lou mei tei na de. Mi khuk ruc khou tei baanchara kanei maengh kachaek na rui kasiam mei lou khuan e. Mi khuk gumv ti hei zauzian bamv (Tatpaptmei 25:17-22) tu e, khou Raguangh rui bamv khuan e. Mi bamv tei rui tingkauh thangc Raguangh tuang guangc bamv tatei nchinc pui tuang e. Kumna baanchara kanei kak khou zauzian bamv tei nai tuang e (Kalumlu 80:1; Isaiah 6:1, 2).

7. Mi khuk lung khou tei tabui nai bo?

Tatpatmei 25:21 Zauzian bamv tei mi khuk ruc khou lou o, khatni mi khuk lungc khou ____ ai tii puni mei ta lou o

Riakdankalauimei 10:4, 5 “Nangniw khang tiimei ____ Ruh hylou mei kahak tei RINGPOUC rui mi taucpaek neikhou tei heylou the. Ai kaibiak ziangrih datna chyng khou tei rui key dat the khou tei RINGHPOUC rui Latdanv tii mei kumcna, ai rui kasiamh loumei thingkhuk khoutei mi taucpaek nei tei ____ bam kanthe.”

THAILOU KHANG: Raguangh rui katuang Latdyng tei kabaanv zung khak rui hylou the taucpaek kanei khou kumna Latdanv khuk lungc khou tei lou the. Zauzian bamv tei thingkhuk ruckhou tei lou the, mi kiu thu Israel mei nunc rui lungv laina kaniu paap sadauna khatni paapc ta patlou na mi zauzian bamv ruc khou gut na zeic tei kathaanv lou e thei kaniu ta kuak lou puni tu tuang e.(Latkudyn 28:13), amuh rui hei taanv taanc lou e thei (Levithou 16:15, 16). Mi zei hei Jisu kros khou zeikeina theic lou mei paan rui kuaklou mei khatni su nthan lou nimei ta ti nchin lou tuang e. (Metthiu 26:28; Ibrimei 9:22)

8. Tabui zaeng rui lading guangc tuang rakai khou khouring khaeng tuang cho?

Ibrimei 9:22 ____ makna kuaklou khang kachaeng makge.

Metthew 26:28 Kalam thu mi Latdyng thanv tuang azei the, meic guay ____ ____ khang kei lou mei zeithe.

THAILOU KHANG: Khouring daucluai na khaeng bam mei rui meic nunc ta bapc ti ta khang samei thu Jisu zeikeina kros khou theilou mei paan rui paapc kuaklou tuang de. Kachang kaling na paapc tuang dandic thu theih mei de. Kalam thu meic guay na paapc taanc ngam the, kumna theih khang na di the, tiki Jisu nthuihmei purui aniu phaanc theic lou mei paanc rui aniu ringc bamlaatau tuang e. paapc taanv meipu rui khouring phung guang lana kaban kahak rui daucluai lana khaeng khuan e. (Leviticus / Levithau 1:4, 5) Heikumna zeic kei mei zang rui meic nunc paapc hei rui Jisu ta suluai ding the tuna nchum mei ta thai the. Heikumna Latdyng guangc khou mei nunc rui kros ta phaeng zauc khuane khatni Latdyng thanv khou bamc mei aniu rui thu kros ta zauhan bam dat khang the kan lou khang. Hei ram ma kanlou mei latou khang chaeng baimei makge.

9. Paapc khang khouring khaeng lou pukhou paapc thu takum kan tha?

Levithau 1:4, 5 Mi pu tei rui khaeng khang phung guang mei khouring pi khou tei ___ mbaeng lou pukhou, hei tei kapaap ____ khang katloumei ravkhaeng puat suna laalou puni. Kumna kamei rui Poubauhmei hu khou dowluai nina the.

THAILOU KHANG: Paapc meic tei rui khouring pi khou tei kaban mbaeng louna kakhuai sa ndau e thei kapaapc tei mi khouring tei rui phung kan the tumei tii nchin tuang e. Hei tei kumna mi khouring nkhuai the khatni paapc tuang tanv phi thuc theih mei the tuna dowluai the. Hei rui nchinc mei thu Jisu rui aniu paapc phung lou the tu tuang e.

10. Meic guay na paap khang khouring ta dowluai na khaeng pu khou, paapc tei takum kantha?

Levithau 4:17 Zei khou tei kabaaanc zung ntinna ___ hukhou tei ____ liang chainei lou nina e.

THAILOU KHANG: Amuh tei rui khamthingphey khou tei zei tei kathanvlou puni, kum pukhou meic nunc paap tei ravkai (Pheykai) khou tei kalai lou the tuna nchin tuang the. Jisu rui theih mei tangc tiangkauh ku lana, kazei katlou the (kandi khou reynung aniu rui taanc kan kumna) . Kumna thowpuni Jisu zanc khou kapaapc kalau mei guay ta kuaklou na bam e. (I Jahon 1:9)

11. Pheykai (rakai) khou naicmei takummei puat kanei tei Jisu rui tiguang tangcv loutha?

I Korinmei 5:7 Khrista aniu tuang ___ lauziunac ta khaeng lou kan the.

Ibrimei 4:14 Raguangh hukhou guang bam kanmei Raguangh nac mpouh Jisu hei aniu tuang ___ daihmei suna bam e.

THAILOU KHANG: Jisu hei aniu paap khang khaengcv lou mei pu khatni aniu khang tingkauh thangv tingkuh daihmei suna charynmei taanv kanei hei taanc lou the. Reymei khou nthui mei panti tiguan lou e, hei tei puan thanmei tu e kalam thu tat kanmei ganc khou paapv guay tei kuaklou the (Jahon 3:3-6; Rommei 3:25). Kaneimei thu ntau khatni theitho ni lungc ngam khang pumtan tii lou e (Titus 2:14; Philipimei 2:13). Mi nei rui meic gankhat ta nthanmei ti sulou e, mi kiu thu raguangh lev kanei kakkhou nchummei riangluai nai the. Meic gankhat na rui sini taanv khou rui chum mei sungam makge karana rui tiki chumzi mei sungam nimei thu Jisu Khrista tuang zauzian khatni kamei nkha lou mei paan khou rui de (Ladiutatmei 4:12.) Mihei lummei paanrui rachaptatmei sumei hei kachangmei ravchaptatmei kiu the.

12. Baibal khou Jisu rui aniu khang chumzina rachaptatmei sukhang latrian charuk tiloumei hei tabui tei cho?

A. Kamei rui tatkanmei paap ta gum binlou na khuai makmei khang chaklou e (Isaiah 44:22; I jahon 1:19)

B. Raguangh lun khou tei guanglou dat khang Jisu rui latrian su lou e (Rommei 8:29)

C. Raguangh chunmei taan nic mei lungning Jisu rui pumtan ti lou e (Philipimei 2:13)

D. Raguangh lungkun mei taanv khang Jisu rui khalou puni (Ibrimei 13:20, 21; I Jahon 3:22)

E. Aniu theic nimei ta lagan lou na katuang khuai makmei panti tei rui theic nimei khou rui ti duak lou the (2 Korinmei 5:21)

F. Kamei han guang dat maksan suaizat makna bam khang kamei rui khalou puni (Philipimei 1:6; Judah 24)

THAI LOU KHANG: Mi latrian guay ti guang tangtc lou khang kamei chamdanna bam e. Nangni cchamdaan tha? Ntau khuksun kei na nangpanti sinsu lou khang ney o. Kamei tabui nungc sini nang khang suailou zat ni tuang ham e.

13. Nchumzi na rachaptatmei sukhang maansei rui ni taanc khang nai bo?

Metthiu 7:21 Ata poubauhmei poubauhmei tuna kauv mei kathui rui tingkauh guangdih khou gut khang hamh e, tiki tingkauh thangc bammei apu ___ khou ___ kamei na khang de.

THAILOU KHANG: Nguay, aniu ni taanc khang nai e, samei thu anei lungning kaikham lanlouna Jisu ta tigut lou laki anei panti ta kamei ningmei khou sin diu khang nu lou pui ta e. Meic gei thu ai tabui bui taanc bamsini ai kakhou lumlou tuang thina tingkauh guang puni tuna bam e. Tiki mi kummei ramh lum thu theih puni, kachang ram e .(Metthew 7:14)

14. Paapc suthan mei nungc (day of atonement) tabui su tha?

Levithau 16:30 Kalam thu mi nungc tei nang niw ta kwaklou mei, sw ___ khatni RINGHPOU hu khou ____ sw nthanmei taanv taanc puni.

THAILOU KHANG: Kuakloumei tingmik, hei latzan tingmik the mi hei Israel mei guay rui luanc khat tingkum pum pat khuan e. (Levithau 23:27). Paapc kathui sadauc lana khatni gaanc keipui tingmik e. thou puni kapaap sadau makmei thu mi nungc tei Israel mei pangc khou rui suluai gaanc puni (v. 29). Mi nungc tei zuh kanei kapac puni. akhat rui Poubauhmei zuc khatni baimei khat rui meic gankhat tuang khuai phung mei zuc tuna kao e, hei tei seitan khin linmei the (Levithauc 16:7, 8). Poubauhmei tuang zuc tei meic nunc paapv khang rui suluai na khaeng puni (v.9). Mi zeic tei nthanliang mei bamv khou phung gut laana Zauzian bamv khou tei kathanc lou puni (v. 14). Mi tingmik nungc nade tingkuc dailiangmei rui latzanv tingmik khou nthanliangmei bamv khou gutni mei. Mi zeic hei Jisu rui khaeng lou nimei ti lianlou tuang e khatni Raguangh rui hei tei laa lou e, khatni meic nunc sadau lou kanmei paapv guai tei rackai khou rui tingkuc daihmei ruc khou kei lou the. Kumna mi paapv guai tei Tingkuc daihmei rui khuai phung ni mei zuc khou tei ti lou laana mi zuc tatei meic lungmakmei tazikramh khou pat lou kanthe. (verses 16, 20, 22). Hei kumna rakai khou tingkum akhat paapc sadau lana suluai kanmeizei kathan lou mei, su thanc the tumei ti lian lou meituang taanv the.

15. Rey nungc kuakloumei khatni su thancmei taanv rakai khou taanc bamc mei hei tingkauh rakai su nthaanc nimei lim cho?

Ibrimei 9:23 Tingkauh thangc tuang ___ sumei puat guay ta mi kumna sw nthan ni pui thouc nai e. Tiki tingkauh thangc tuang khang thu mi khang suang ____ nthuih ranvmei khaengmei zei kage nai e.

THAILOU KHANG: Nguay! Mi nungc tuang taanv rui nchinmei thu, Jisu aniu tuang tingkuc daihmei tingkauh tuang rakai khou teirui aniu paapv sw nthanlou nimei ta nchinpui tuang e. kamei rui ntau aniu khang chaguat pou suna khatni kazei kei loumei khou ta lummei guai paapv thut mutlou khang chamdan na ding bamv e. Reynungv kuakloumei khatni su nthanmei tingmik tei ntau tau Israel mei rui “Yom Kippur” tuna kauh bamc mei hei nkham mei gaan khoukandih tuang paapv guai sw nthan nimei lim tei nchin tuang e. Nkhammei tuang kuakloumei khatni sw nthanmei hei meic kathui tuang panti nkhammei latzan nungc kiu paapc hei tingsaeng zaeng khang ngaan lou kani the.

NANG TUANG LATDAUH

Nangpanti ti hei Jisu rui chumzi mei ti su lou diu khang ,kakhou tilou khang nang chun mei tha?

MUNDAUH:_____

Ramundinc Phaeng Hou Thanranmei, Lesson 10 ©2022 Amazing Facts International All Rights Reserved