Gainuh e thei thu tuna Naaman tei chaeng duhmei ta kakhan mak na tat khuanthe. Katuang ricmei kata gaek khang khatni guangh tuang kaipat kazau lana ti gai lou pu e thei ti khang phung lana tat the. Naaman rui Elisah kai guang tangc the, tiki Elisha rui kata patna ariu lou makge. Kabangh pu ti hei ndiu patna hei kumna sa e, “Nang Jordon duithuak thangc tat lana, duilup liang chanei o, kum e thei nang gai dat kanpuni de.” 2 Guanghnunc 5:10

Muhzung rui dui lou o samei thu Naaman hei mphuam the! Dui tangngau mei khou lup liang chanei o tuna latdanv tii tikhou gaeng sumei ripi daihmei Naaman khang thu kung hak pui tuang the. Kalung puam lana katuang takuan tei thauhan dat na kaibiak thangc tat dat khuan the. Kume tiki kamei Damascus tat dat nimei hei Jordon duithuak luina tat dat khang de. Kamei rui heikumna tat bam khou kabang nunc rui Muhzung rui samei tei taanv zauc diho tuna sa khuan e. Khou tei kamei rui nthak keina katuang mphangaic meita duamliammei ricpuan tei lou kei the. Naaman tei rui zaeng zaeng na Jordon duithuak khou tat kei the. Kamei rui dui lup liang charuk kei mei phau hei khatsini kalai makge tiki lupliang chaneimei tangc thu mphangaicmei tei maan kan the. Kacgii tei ntau thu alau ngasan nac gii kum the.

Naaman rui phangtou, thailou kanmei kumc nang nic tigai mei puanc thanmei laa tou nu e.

KATHAIMEI

Baibal text guai palana kakak khou hi suk gut tho.

1. Latdyng thanv khou Jordon Duithuak khou su nthan khang ramh e thei duilup kanmei Muhzung hei thoucho?

Metthiu 3:1, 5, 6 Mi douc tei ___ ___ Judia tuang tazikramv khou guang na ... Jerusalem, Judia kapum, khatni Jordan duiriang gaengv zaengv kapum khou guang khuan e khatni Jahon rui Jordon dui riang khou ___ khuan e.

2. “Paapc tuang mphanmei ravpuat khou louthan mei” Baibal khou tabui rui lianlou bo?

Latdiutatmei 22:16 Thauna ___ tho, kumna kakhou huayneyna nang paap guay khiu nthan tho.

THAILOU KHANG: Baibal tuang latdanv duilupmei hei meic gankhat tuang panti khou rui paapc khiu than mei khatni puanthanmei e.

3. Baibal theic laina, duilupmei kathiak azu laanuh mei naibo?

Ephisiamei 4:5 Poubauhmei akhat de, lummei akhat na de, ___ akhat nade.

THAILOU KHANG: Asei dou duilupmei kathiak 15 nai e tiki Baibal thei laina thu duilupmei akhat na de.

4. ‘Duilupmei’ kabav kiu tabui tei cho?

Colosimei 2:12 Nangniw duilup khou tei Khrista thei tarou khou lay ___ the, khatni Khrista ti ringc thau loumei pu Ravguangc tuang pumtan khou lwmloupui paan rui nangniw ta khrista thei ti ringc thau loudat the.

THAILOU KHANG: Grikmei lat khou “baptizo” tumei kabac kiu thu “duilimmei” “duibangc kaphummei” ramh e thei “duibang khou kalimmei tu e. Meic gankhat rui kapum kaguai duilung khou kaphum mak e thei “duilupmei” tuna kaumak ge. “Baptizo” tumei lat hei Baibal khou thu nthanmei tanduan duilupmei tei e. Grikmei lat kho dui kathanmei ramh e thei dui bunlou mei khat sini sinsu makge

5. Jisu hei aniu khang sw - nchinmei e kamei takum na duilup kanbo?

Mark 1:9, 10 Jisu guang the ... kumna Jahon rui kata Jordan duiriang khou duiluplou the. Kamei dui khou rui ___ ___ dyng khou tingpuk kakhak lanpatmei hou the.

THAILOU KHANG: Jahon rui Jisu ta duilup loumei hei kapum kaguaina duilung khou ti kaphum lou tuang e khatni rey nung Naaman rui lup kanmei Jordan duiriang khou muai e. Thai lou o kanei hei duiriang “lungkhou” tu e duiriang “ruckhou” tumakge, khatni Jisu tei dui lungc khou rui ku e tuna Baibal rui sa e. Hei kumna Jahon rui duilup lou bammei hei “Salim khou rui duh makmei, Ainon kawmei bamv khou duiluplou bam khuane. Kalam thu mi bamv khou tei dui mpeyna nai e.” Jahon 3:23. Khristian mei guay ni Jisu rui sw – nchinloumei thei lai luai nic nade (I Pitor 2:21), Kamei duilup kan mei tei kumna duilung khou meic pumc ti kaphum lou ni na e “ravchaptatmei taanv mung guay tei taanc nthuilou nina di the” Metthiu 3:15).

6. Ethiopia mei tuang lanrimei puta Philip rui takum meithiak khou duilup lou kan?

Latdiutatmei 8:38, 39 Kumna kaney dui khou tei ___ Philip rui kata duiluplou the. Kaney dui khou tei rui ___ ___pwkhou, Poubauhmei tuang Bumaengc rui Philip ta laa tat kanthe .

7. Duilupmei rui tabui baimei nchummei nchin lou bo?

Rommei 6:4 Pu tuang hymdaihmei pumtan paan rui Khrista ta theihmei khou rui ___ kanmei tei kumcna, aniu ni panty kathanc khou lungh khang aniu duilup khou tei kamei le tarou khou mbeihlou kazauhna kamei theihmei khou tei lay theic kazauh the.

THAILOU KHANG: Duilup mei rui nchinmei thu Khrista theicna phuploumei khou rui ringc thauh dat mei tei e. Reymei khou paapc tei suluai lana, paap tuang panti ran tei duilung khou phup lou lana, khatni dui khou rui panti thanv khou ringcthau dat tuang the. Duilung khou kaphum na duilup mei hei thuithikna nchinlou tuang e. Duilup mei gan khou thui nthikna pum guaina duilung khou kalimkei khou tei thiu matatkhat laamak mei tei rui paapc tei theih the tu tuang the. Kumlana duikhou rui zaithauh dat pukhou thiula kathanv laa dat the, hei tei rui alau ngasana kumna puanthan dat the panti thanv khou tuna nchin tuang e. Hei ramak na kathiak baimei tei thu Baibal khou rui hamthe. Ganvsaek Jisu ringcthau meita champouna Sunday ngaek tuang de tuna samei ni nai e tiki heitei Baibal khou rui hamh makge.

8. Duilup mei hei adih nthuk cho?

Mark 16:16 Lwmlouna duiluppui mei tatei ___ puni, tiki lwmlou makpui meita tei thu kanlou makge.

Jahon 3:5 Dui lev Buamengh rui puanh mak ge thei, meic gaanv khat na sini Rauangh guangdic ___ ngam makge.

THAILOU KHANG: Dui lupmei hei nthanmei latrik khou taanv mak nu makge tumei hei thanthiakna nai e. Kum bam khuansini thou kum mei duilup khang kagaanv phang tou ngam makmei nunc tei thu kai hou meipu khou Jisu rui kross khou sa kan kumna kamei duilup kanmei tei rui biu mei sukan nide. (Metthiu 3:15)

9. Duilupmei hei takum mei suaihiam mei khum ngai ta sa kida lou bo?

Galatimei 3:27 Kalam thu Khrista khou duiluplou kanmei nangniw guayna hei Khrista rui phey baan kumcna ___ ___ the.

THAILOU KHANG: Duilup mei hei noucsuan mei ngai kum tuang e. Baibal rui sa e “Nangniw ta Damcloumeipu hei nangniw gaanv sw puni the kazanc hei Ngamparymei RINGHPOUC E.” Isaiah 54:5. Ntumei pui rui noucsuanlou pukhou kagaanv zanc lakan kum, Khristian mei nunc ni Khrista zanc laa tuang e-kumna Khristian tuna kaoh tuang the. Padikmei sukhang hei ngaineic hei nzianna kat gut lou ni na e. Duilup mei hei Khristian tuang panti khou noucsuan mei lev ncham e.

10. Jisu rui tingkauh kuc mak hu khou kamei nunc khou tabui latdanv tilou kan?

Metthiu 28:19 Hei zaeng rui, nangniw tatna zaatc kapwmna ta aziap kasiamh o, kaniw ta Pu, Nah Mpou, khatni Bumaengh Nthanmei zanc khou ___ o.

THAILOU KHANG: Pitor rui mi latdanv thei laina Pentecost neic lungh bakmei guai ta kum sa e,”Lunglaina, meic kathui rui Jisu Khrista zanc khou duilup tho” Latdiutatmei 2:38.

11. Duilup makmei hu khou tabui thai rey nina cho duilup nuc khang?

A. Jisu chamloumei ta thai nina e. (Metthiu 28:19, 20)

B. Jisu rui chamloumei ta lum nina e (Mark 16:16)

C. Paapc khou tei rui lunghlai ni na e. (Latdiutatmei 2:38)

D. Nanglung kapum rui lumlou ninac e. (Latdiutatmei 8:37)

E. Paapc khou rui tatpat khang nuhlou nina e. (Luk 3:7, 8; Rommei 6:5, 6)

F. Khrista ta nangta guloumeipu suna laalou lana puanthan mei panti su nina (2 Korinthianmei 5:17, Jahon 3:3, 5)

THAILOU KHANG: Karu khou mei phaikam hei ngasana nunc thu tat thai ni tuang hamhe, kumna ngasana tei duilup khang Nthanmei Latrik khou makge, tiki daicthauna gaicham hei laalou thai pui gan khou rui duilup khangde.

12. Khou taih rui kiuram makmei tuang duilup mei hei guang tuang cho?

Mark 7:8 “Nangniw Raguangc tuang latdanv ta ganclouna maansei tuang pupouh ___ ta sin the.

THAILOU KHANG: Dui khou pum guai kaphum lana duilup mei hei nade Baibal gan khou khatni kross tang ni tingkum phai phai hei tei taanc na guang tuang de. Kumme tikii, zai nbiang mei nunc rui kaniu taanc chiu khang kathiak bai na sinsu thau tuang nge. Hei kumna Raguangh tuang chummei nthanmei dui ram lup tei laac makna kaba tei ni sumaan guang tuang e.

13. Raguangh tuang nchummei khin maansei ning mei dinc bammei nunc ta Baibal rui tabui sa bo?

Metthiu 15:9 “ ___ kaniw ata kalume maansei ___ ta Ravguangc lat kumcna ncham lou the.”

Galatiamei 1:8 Aniw rui puni, kau baanchara tingkauh thangc rui keyna pw ni, aniw rui nangniw khou dinclou kanmei gaychamv tei hamhna baihmei dinc e thei, karuc khou ___ keylou kandiu!

14. Bumaengh Nthanmei keyloumei rui duilup mei khin lin tuang hamh na cho?

Ladiutatmei 2:38 Pitor rui kaniw khou sa the, “Nangniw paap guay kuaklou khang, nangniw lungh ___ Jisu Khrista zanc khou ___ ___, kum pwkhou raguangc tuang kaipat, ___ ___tii lou puni.”

THAILOU KHANG: Hamh e ! Pitor rui dinc bammei ta zau o (Latdiutatmei 10:44) nking bammei nunc khou Bumaeng Nthanmei duilup makmei hu khou keylou kan e. Kum bamsini Pitor rui kaniuta duilup nina de tuna ni sa kan e.

15. Duilup tang guatmei duilup dat nu dai? or duilup liangneic mei nchum dai?

Latdiutatmei 19:2-5 “Nangniw lwmlou khou tei Bumaengh Nthanmei laatow tha?” tuna kaniw khou thanv the. “bumaengh Nthanmei nai e twmei sini aniw thay mak ge,” twna kaniw rui daw the. “Kum e thei, akumhmei tuang duilup nangniw lup lana cho?” twna paul rui thanv the. “Jahon tuang duilup tei,” twna kaniw rui daw the. Khou tei Paul rui sathe, Jahon rui duilup mei tei thu lungh laihmei tuang duilup de; kumna kathei khou guang mei puta lwm khang kamei rui Israel mei nunc khou salou khwan e. Mikiu Jisu ta e.” Kaniw mi hei ___ pu khou, kaniw Jisu zanc khou ___ the.

THAILOU KHANG: Neikhat Paul rui Ephesia khou gaicham dinc bam khou, meic ganv ruh na kanei Jahon rui duilup lou mei nai khuan e, tiki Bumaengh Nthanmei laam kaniw chu zaat mak khuan e. Kumna gaicham kathan thai nbuc lana kaniu tei duilup dat khuan the. Heitei kumna thou puni Khristian sumei thiak riak guai tanc dat makna bammei kamei lungh laina guangdat e thei duilup dat nina e. Kumna Baibal khou salou meithei laina duilup makmei nunc tei ni duilup kaluai dat khang kage nai e.

16. Phuamling khou gut khang duilup mei hei kage naibo?

Latdiutatmei 2:41 Kaniw meic mpeyna kalat tei lwm the, kumna ___ the, Mi nungc tei mei ching thumh dow kaniw phwam khou haap lou the.

Latdiutatmei 2:47 Ravguangc ta thuancna lungc bam khwan e. Kumna Poubauhmei rui kaniw ___ khou kanloumei laamei nunc ta tingmik pum haaplou bam khwan e.

Kolosimei 3:15 Kalam thu nangniw ta ___ akhat khou kaw lou the.

Kolosimei 1:18 Kamei kapumc ___ tuang py e.

I Korinthiamei 12:13 Bumaengh tei rui pumc ___ khou lup kariu lou the.

THAILOU KHANG: Nthanmei Latrik khou than thiak de. Raguangh mei nunc guay tei thu pumh akhatna khou kaw kariu lou e, mikiu thu phuamling khou e khatni khou tei duilup na gut tuang e. Puanc pat lou pukhou, nac ti hei makuat thauckhang, gaeklou khang, khatni daihthau khang kaikhun khou lou khuan e.

17. Ai rui duilup lakge tu e thei thou lat laacmak tuang tha?

Luk 7:30 tiki Pharisimei nunc khatni Riakdanv dinhpou nunc ___ tuang ___ tei laa lou makna kamei rui duilup mei khou teikazauh mak khe.

18. Jisu rui duilup khou tei, Kapu rui tabui sa bo?

Mark 1:9, 11 Mi ganv khou tei Jisu Galili tuang Nazareth khou rui guang the, kumna Jahon rui kata Jordan duiriang khou diuluplou the. Khoutei, “Nang hei ai rui nzianmei Nac Mpouh e: nang ta ___ ___ the,” twna tingkauh thangc rui sa key the.

THAILOU KHANG: Thou puni Raguangh nac nunc rui kapap khou rui lunghlaina khatni duilup e the, Raguangh lungc kun lou the.

NANG TUANG LATDAUH

Raguangh rui nangta, “mi hei Airui nzianmei a Nac pou/lu the, a lung kun lou the,” twna salou khang, nangni duilup khang chamdanv ni tha?

MUNDAUH: _____

Nang ruina duilupmei laam thai nbuc ni e thei pastor hamh e thei mituang kathaimei kapy sumei khou sa tou nu e.

TITHAI NBUH LOUMEI

Kathai nbuh khang tithai kasuan lou mei.

DUILUP NIMEI THIAK

Jisu paapc naicpui zaeng rui duilup tuang hamhe paapc su nthancKHANG, KAMEI THU PAAPC MAKMEI DE (I Pitor 2:22). Hei zaeng rui Jahon daeng khou duilup lou diu khang Jisu rui Jordan duiriang khou guang khou kamei ngak tuang e. Jahon rui sa e, “nangrui ata duilup ni tuang de, takumna adaeng khou guang tuang? Metthiu 3:14.

Kum ethei tabui suna Jisu duilup tuang?

Kalam kathum nai e. Reymei khou, thou kumei duilup ngam lak nimei nunc khin khang kamei duilup tuang e. thou kummei thu kangkai khou hamh e thei Hospital khou bammei nunc duilup khang kadou chamakmei khangtei Kamei duilup lou mei tei rui biu mei the. Kaihou meipu kross khou Meitei sw-nchinlou tuang e ( Luk 23:43). Kaneicmei khou, Jisu rui duilup kanmei tei aniu rui tat diu khang sw-nchinlou tuang e (I Pitor 2:21). Kathum mei khou, Jisu rui duilup kanc kum aniu nic lup nu khang, kamei laatou kanmei tei kathai lana, lummei nunc tabui phangc puni cho tumei thai khang e.

Thai nthan khang, kabangv khou mei text hei lat kaeng akhat khat suna zauh kho duilup pukhou tabui aniu laatou pu nibo! Metthiu 3:16, 17 khou pa zau kho. “Jisu tei duiluplou pui lev dui khou rui thau dat the, khoutei tingkauh laanc pat the. Kumna Raguangh Bumaengc akhouhna kumcna keyna kakhou taw loumei ta kamei how the. Khoutei tingkauh thangc rui, “Mi hei ai rui nzianmei alung kwnmei nac mpouh e,” twna khwan akhat rui sa the.