Heizaengrui Poubauhmei rui Israel meina nunc ta chaneicmei tingkum khou lauc taanc thaek nina e tukhuan e. (Tatpatmei 23:10, 11). Hei kum khuan e thei taaniang khou phunlling gai thau dat khang nai puni kumna nangniu tu zang khang nphang dat puni tuna sa khuan e. Kumme tiki Raguangh mei nunc gei thu piu mak khuan e Raguangh tuang latdanv ti hei. Kum tina kaniu ruc khou Raguangh tuang charynmei latzan key the. Babylon mei guangc Nebuchadnezzar rui guanglana Juda mei nunc kata nu muc meic nunc ta suluai the. Kumna baimei nunc ta Babylon kachaek kaidai thangc nimtat kan the. Mi lung khou tei Israel mei kandic hei su kasi ngam lou the “kandi Sabbaths zangthaek phang maksan.” Meic lungdat maksan kandi tei Sabbath ngaek kan the. 2 Kinchak 36:21. Tingkum 70 tangc rui Nrianlou mei kandic Kanaan kandi thangc ringc bam dumei nunc rui hanguang dat na kailouc taanv dat lana khatni Jerusalem kaidai tei kasiam kaluai thau dat the.

Tingkum 6000 tangc the, Jisu rui gaicham roulou bammei. Baibal khou kum sa e, “Poubauhmei khang thu zaeng neikhat hei tingkum ching khat kumh tuang de.”

2 pitor 3:8. Guang Jisu katumna guang punithe kandi ta taikhang. Gansak ta thu kamei guang mei riu tei rui suluai puni kumna baimei nunc tei thu Katuang kachaek Guangdic thangc phung tat kan puni. Kum pukhou rianra na bammei kandic hei tingkum ching khat Sabbath thaek bam kan puni, meic lung makmei kangkai, kangan makmei khun kai khou, Seitan tei millennium luai maksan bangc lou puni. Kumna kata suluai puni khou tei kandih kathan kahou thau dat puni.

KATHAIMEI

Baibal text guay palana kakak khou hi suk gut tho.

1. Tingkum chingkhat kahou the tumei thai khang tabui pat puni bo?

1 Thesolonikamei 4:16 ___ kamei kahak tingkauh thang rui ___ khuan rana kauc … Khrista khou lwmlouna theic kanmei nunc ___ rey puni.

Ndauhloumei 20:4, 5 Kumna kaniw tingkum ___ Khrista lev guanghtu ncham the. Mi tingkum chingkhat luai maksantheic kanmei baimei guay tei thu ringc thau makge. Mi hei ringcthau ___ kiu the.

THAILOU KHANG: Ndauhloumei 20 khou tingkum chingkhat ti hei meillenium tuna kao e. Millenium tumei lat kaeng hei Latinmei lat kaeng kanei rui kariu loutuang e. “Mille” kabac “chingkhat” lev “annum” kabac “tingkum”. Tingkum chingkhat hei Jisu kaneimei suna guangc datmei khatni kakhou lumlouna theic kanmei ringcthaumei khou rui kahauv the. Kinkin khou lumloumei nunc (vers 6 khou sangaimei khatni nthanmei nunc tu lou mei) tei ringcthau reymei khou thauc puni.

2. Ringcthau reymei gan khou tei tabui ni pat puni bo?

I Korinthiamei 15:51, 52 Aniu meiguay na ___ nitu hamh e - Nkhamhmei bianggun khwan chu pukhou mikkhipdak khou kalaic puni Kalam thu bianggun muan pukhou theic kanmei nunc riingcthau puni,

Philipimei 3:21 Aniu tuang swanmei pumc tihei katuang ___ pumc kumh mei khou tigwanlihlou puni.

2 Thesolonikamei 2:8 Kum pukhou latdan piu mak mei ta lianlou puni, Poubauhmei rui … katuang karangmei riu rui kata ___ puni.

Ndauhloumei 16:18, 20, 21 Khou tei ___ zay the. Maansei lungc pat rap khou rui mi kumhmei baengla hei zay kan mak he … Duipuic guay pak tat ngam the; chyngbut guay ni naidat makkhe. ___ daihmei, talent akhat dou nganv nritmei (Pound 75 dou) tingpuk thangc rui meic nunc ruc khou key the.

Ndauhloumei 20:1, 2 Kauh baanchara … rui reydouc tuang nrui, ravsic hamh e thei Seitan tuna kaumei thaanngangc tatei nymna tingkum ching khat khang ___ kanthe.

THAILOU KHANG: Tingkum chingkhat tuang page 7 khou tingkum chingkhat kahou nimei laam hilou meita zau lou pu – 0.

3. Ringcthau kanei mei khou thou thou ringc thau puni bo, khatni mikiu tabui gan khou puni bo?

Jahon 5:28, 29 Theic kanmei guay rui kakhwan chuna, ringcthau puni - gaymei taanc loumei guay rui ringh khang khatni ___ taanc loumei guay rui ___ khang ringcthau puni.

Ndauhloumei 20:5 Mi tingkum ching khat tei ___ mak saanv, theic kanmei baihmei guay tei ringcthau makge.

THAILOU KHANG: Meicsimei nunc tei tingkum ching khat luai pukhou ringcthau kaneimei khou thau puni.

4. Tingkum chingkhat lungc khou mi kandi hei tabbui lunlungc khou bam puni bo?

Isaia 24:1 RINGHPOU rui kandih ti hei sw ___ karouclouna ganc rymlou puni the.

Jeremia 4:23-26 Ai kandih ta zauc pwkhou mi hei ramh maekmei ___ di the, khatni tingpuk tei gaanhmei maek khe. Ai chingbut guay ta zauc pukhou mi guay tei kanukc bam the ... Hei khou tei maansei ta how mak khe: nruayna nunc nganvna samc tat kan the. Kandih gaymei ramv guay tei Ramkhaengvdic mbaih the; mituang ___ guayna swkamut kamai na ganclou the. RINGHPOUC tuang lungpuam dai zaeng rui.

Jeremiia 25:33 Mi nungc kiu RINGHPOUC rui ___ pumc nunc tei kandih tin akhat khou rui kandih tin akhat nganv nrou padik lou puni the. Meic gaanv khat na rui sini kaplou ni tuang hamh the, meic gankhat na rui sini ___ ni tuang hamh the.

THAILOU KHANG: Jisu rui kaneicmei suna guang pukhou bangla rui khatni nrih thai rui kandih ta su kasi karou lou ngam kan puni. Khou tei ganmei naidat nitu hamh the, Meic theih mei pumc rui kandi namruc khou nrou lou bam kan puni, meic gaanv khat na rui sini kaplou ni tuang hamh the, Kalam thu meic ringc mei khat sini naidat ni tuang hamh the. Nthanmei nunc tingkauh tat kan nithe khatni meic simei nunc theic ngam kani the (zau lou o, tithai mbu loumei “kanganv makmei khun” khou)

5. Tingkum chingkhat lungc khou nthanmei nunc tabui khou bam punei, khatni tabui taanc bam puni bo?

Jahon 14:3 Ai nangniw ta guang laa dat puni kumna ai ___ ___ khou tei nangniw ni bam puni.

Ndauhloumei 20:4 Mi tangv guangh bamvpaeng mpeyna how e khatni guangh bamvppaeng guay khoutei dungc the. Khatni ___ sukhang tii lou the. Kumna kaniw tingkum chingkhat Khrista lev guanghtu nchamc the.

1 Korinmei 6:2, 3 Mbanv tihei ___ meinunc rui latzan supuni tumei nangniw thai mak na cho? ... Aniu hei kauh baanchara nunc ta latzan sunimei nunc e tumei nangniw thay mak nah cho?

THAILOU KHANG: Tingkum chingkhat ganv khou nthanmei nunc tingkauh khou latzan su bam puni, Thou theic khang ram e thei ringc khang tumei thu kaniw khou hamh e. Raguangh baanc khou de. Raguangh rui latzan suloumei ta kiuding the tu khang na de. “Nangtuang nchummei latzan guay how the.” Ndauhloumei 15:4. Raguangh tuang nchummei latzan khou theic nimei ringcnimei guay ta chumding the tuna sapuni. (Ndauhloumei 22:11, 12) Mi tuang latzan hei nthanmei nunc khang gai khang e. Su-nchinloumei, lat khang nang tingkauh ku the khou tei nzian kanmei Pastor thu guang mak tiki meic bu meicdou mei guang bam lin e thei, Nang tabui su lana thaini puni e. Khoutei baanchara tei rui buk tei phaek patlana ti zau lana nang lumsi bammei tei ti thai than lou puni. Mi tuang latzan hei luai pukhou, Raguangh hei chummei e, nzianmei e, khatni ram guay na khou gusu gasu mei mak ge tumei nthan na thai puni. Kaniw guay rui sa puni, “Nang latzan hei nchumme, nzi e.” (Ndauhloumei 19:2) Tithai nbuhloumei “Tingkum chingkhat” tuna hilou bam khou tei zauh lou o.

6. Tingkum chingkhat luai pukhou takum puni tha?

Zekaria 14:1, 4, 5, 9 Zauh lo! RINGHPOUC tingmik hei guang pu the … Mi ganv khoukiu Jerusalem neihpat thangc naimei ___ ___ khou kamei ding puni. Khou kiu olive chyngbut tei kanei khang neihpat neihkey ___ padak patna … kumc pwkhou RINGHPOUC rui kandih kapwm tuang guangc sw puni, kumna Poubauhmei aRaguanghc guang puni khatni kamei lev nthanmei guay kazauh puni.

Ndauhloumei 21:2 Kumna Nthanmei kaidai, Jerusalem kathanc, kagaanv khang karuhloumei nowpeic kumcna Raguangh khou rui ___ thangc rui ___ ta ai how e.

THAILOU KHANG: Tingkum chingkhat luai pukhou kathanmei Jerusalem khatni nthanmei nunc guay lev tuna tingkauh thangc rui Olive chingbut ruc khou key lou puni. Poubauhmei rui mi chiingbut tihei daihmei zaengdic ti su lou punimi kaidai thaeklou pui bamv khang.

7. Seitan ta kangkai khou pat pat dat khang, tabui pat puni bo?

Ndauhloumei 20:5, 7 Mi tingkum chingkhat tei luai maksaanv, ___ kanmei baimei guay tei thu ringcthau makge. Tingkum chingkhat tangv, seitan ta kangkai khou rui ___ pat dat puni.

THAILOU KHANG: Meicsimei ta ti ringc thau pukhou, Seitan rui meiguat mei taanc dat khang ningkha tilou dat puni.

8. Meicsimei nunc ringcthau dat pukhou Seitan rui tabui su puni cho?

Ndauhloumei 20:8, 9 Kandih kwn padeih khou lungc bammei zaatc guay, mi kiu Gog lev Magog ta ___ khang kamei pat puni. Rih adow khang Seitan rui kaniw ta duipui siniang zu khuam guang kaduailou the. Kaniw kandih kapwm khou patna, nthanmei nunc khatni Raguangh nzianmei Kaidai ta ding ___ the.

THAILOU KHANG: Meicnunc ta Seitanrui guat dat lana sa puni, kaba chac makna ata tingkauh thangc rui thauc ganpat tuang the,kumthina aniu guay rui ri keilana mi kaidai ti hei laa di kho. Khoutei meicsimei guay lev tuna kaniu kaidai khou gut numak e na rih adow khang khatni Jerusalem kaidai ta laa khang chamgraeng thow the.

9. Mi kumna bammei gaanv khou, tabui rui ram guay na ta ti nthaek lou puni cho?

Ndauhloumei 20:11, 12 Mi tangv, gaanv khat daihmei ___ ___ akhat khou dungc bammei ta ai how e. Khou tei theic kanmei guay ta tei mi latrikbuk guay khou tei kaniw taanv hylou bammei tei zaucna ___ sw the.

THAILOU KHANG: Diingmak khou Raguang tuang mphuanmei guangc bampaeng kaidai ruc khou tingpuk khou pat khuan e khatni nkhammei latzan tei kahow the. Raguangh tuang kaidai ta adow khang bammei teinthaek kan the. Latrikbuk tei phaek patlana kaniw taanc loumei guay tei nchin puni. Meicsimei nic meicgaimei nic kaniw mik rui how puni the kaniw taanv guay tei. (Latdiutatmei 12:2, 3)

10. Meicsimei guay ta latzan su pui tangv tabui pat puni tha?

Rommei 14:11 Ai riingc bam kumcna, khubut ___ rui ahu khou ___ key puni khatni meic kathui na rui ai hei Raguangh e tuna sa puni tuna Poubauhmei rui sa e.

Philipimei 2:10, 11 Kum thena, tingkauh, kandih khatni kandih bangc khou bammei katana, kazanc ta chakhwang swna khuksun key puni. Khatni Pu Raguangh hym khou meic kathuic rui, ___ Khrista hei Poubauhmei e tuna ___ puni.

Ndauhloumei 19:1, 2 Mi tangv tei meic kangdai rui kauc bammei khwan kumhmei tingkauh thangcv ai chu e. Katuang ___ hei nchum e khatni ___ e.

THAILOU KHANG: Meicsimei guay rui sapuni, Raguangh latzan hei nchum e khatni nzi e khatni kamei rui gulou khang karamc de tiki, kaniw rui nuhlou makna paapc tuang panti khou karana khang ningna lungc tina de. Tingpuk kandih khou bammei guay hu khou hei kumna sa dow puitangv rui paapc meita khatni paapc ta tingsaengzaeng khang sumaan tini ram kabiu dat khang hamh the.

11. Mi tangv tabui patdat puni bo?

Ndauhlouomei 20:9 Raguangh khou rui ___ tingkauh thangc rui ti key na kaniuta ___ sut lou puni.

Ndauhloumei 20:15 Ringcmei latrikbuk khou kazan makmei guay ta tei ___ khou phai lou puni.

THAILOU KHANG: Khoutei Raguangh tuang mai tikei na meicsimei guay ta kaidai daeng kaning na maikuam khou tei raw puni. Mi mai rui kaniw ti hei mbut ti guan lou puni. (Malaki 4:3). Ravsi ruini mi mai zeic tasin ngam nituang hamh the. Kumna katani, katuang baanchara guay tei lev tuna mi mai khou ti hei dandi phangna, mbut raw guanlou puni. (Ndauhloumei 20:10; Ezekiel 28:18). Mi mai khou rui thu ringcthau dat ni tuang hamhthe, kumna mi ti hei theic liang kaneimei tu e. (Ndauhloumei 20:14)

12. Mai mit kan pukhou Raguangh rui kamei nuncv khang tabui taanc lou puni bo?

Isaiah 65:17 Zauclo! ai tingpuk kathan khatni kandih kathan khou ___ nunc lungc nimei ta nkhuan e.

THAILOU KHANG: Tingkum 70 Babylon mei bangc khou bammei tangv Israel mei nunc handat na Jerusalem tei kasiam thaudat the. Hei tei kumna tingkum chingkhat tangc Jisu rui tingpuk kathan khatni kandih kathan paapc tuang simei kheiliak tei naidat makna (Nahum 1:9) lungc puni. Adam lev Eve kanei rui maanlou kanmei Paradise ta tei kasiamthaw loudat na Eden tuang himgaanmei tei ti loudat puni. Khou tei Raguangh mei nunc chuzangna, neihlana, nzianmei rui padikna khatni nthuimei janggai rui tingsaeng zaeng khang suna lung puni.

13. Raguangh lev nthanmei nunc nkham khou tabui bam khou lungc puni cho?

Ndauhloumei 21:3 Zauclo! ntaw khou rui maansei pangkhou Raguangh kei bam puni the, kumna kaniw pangkhou ___ ___ the.

Metthiu 5:5 Lungh niamhmei nunc tei zaeng gaymei nunc e; kandih hei kaniw ___ puni.

THAILOU KHANG: Pu Raguangh khatni Raguangh Nac Mpou lev tuna nthanmei nunc guay pang khou damcthan mei kandih khou lungc cham puni. Kakhan zauc 0-nangkai geimei ha Raguangh subam khang!

NANG TUANG LATDAUC

Jisu sa e, “Nangkhang bam chamdanv khang ai tat ni he” Jahon 14:2.Nthanmei kaidai khou tei nang khang bamv nai e. Kamei rui nang khang ringcsuangmei panti tii bammei hei nang laa lana kamei rui nang khang puanthan mei panti khatni katuang guangcdic khou nang guang khang kamei rui nangta khalou diiumei nang laa lou nitha?

MUNDAUH: ______

TITHAI NBUC LOUMEI

Kathai nbuc khang tithai kasuan lou mei.

Kangan makmei khun

Kangan makmei khun tumei lat Ndauhlooumei 20:1 khou hylou mei ta meic nunc thai laan mei nai e. Mihei Grikmei lat “abusos” tumei khou rui hanlou tuang e. Kumna English mei lat khou “abyss” tu e. Grik mei tuang latdyng guangh khou, mi lat hei, ramkhat sini makmei, zing gun bammei kandic dam mak mei hu khou mei ta sa tuang e. “Mi ganv khou tei kalwn makna khatni nsa karaeng bam khuan e. Thaureymei 1:2 “abusos” tumei lat hei Luk 8:31 khou ravsi nunc meic khat na sini makna guat lou khang maknabam nimei lunlungc tei ni sa lou e.

Tiingkum chingkhat ravsi ti hei kanglou puni, “Kamei meiguat dat mak khang”. Ndauhloumei 20:3. Tanriang rui changthu bumaengh ti hei tabui nungc sini bang ngam ni tuang hamh e. Kata bangc ngam khang kachaeng khatna nai e, mi kiu thu mei mak e thei meicguat khang nai dat ni tuang hamthe. Jisu kaneimei suna kamei nunc ta laa khang guang pukhou meicsimei guay ta suluai ngam kan puni the, kumna lumlou mei guay ta tingkauh phung ku kan puni, khou tei Seitan lev kabaanchara na mi kandic khou bam puni e. Tingkum chingkhat kamei mi kandic khou katuang tanv khou rui pat bammei rak khou ruan tat bam puni. Hei kummei lunlungc khou Seitan khatni katuang baanchara ta bangc lou puni. “Raguangh rui guangh nunc ta khun kai khou kangbangc kaduailou kumc bangc kaduailou puni. Kaniw ta dandi tii nimei ganv tei guang tanghmak saanv kaniw ta mbangh lou puni” Isaia 24:22.