Ntau thu kachaibung ta khuailou meizang rui kata suluai ni de tubam mei khang tei rui pingna Jacob hei kai ganlou na pak tat the. Kamei rui rousicna taanclou mei tan tau thu karuc khou keilou the kumna karana kapi bumkei lana kap khuan the. Tazikram khou ntaubut rui kapibaan su, katuang builuang rui kata gaekhang louna kamei zaengsu kei khuan the. Kamei kapui ta houdat ngam puni di cho khatni Raguangh rui kata kuaklou mei laa tou dat puni dai tuna kakhan bam khuan e. Chaeng tat rianra puizang rui kamei zipri kei the. Khou tei asan makna hou than thiak thiak mei mangmaan khuan the. Khou tei tingkauh laan pat lana kariu ganc kei na hougai kanmei kailaek tingkauh thang rui kandic phiantang kei mei ta houthe. Kumna kasing phungam makmei baanchara guay rui kailaek khou teitat kei tat ku bammei ta hou the. Kumna tingkauh thangc rui Poubauhmei rui samei tei chu the kamei tat bammei chaeng ti hei suaihiam lou nina latrian sulou mei. Kapu kapou Abraham khatni Isak khou dingloumei latdyng tei Poubauhmei rui kakhou ni dynglou dat the. Kamei zipthau lana khuksun kei na siangding suthe, kamei agam aga mei tei taanc dat lak khe. Kamei rui latrian su the. “Nang rui akhang tii mei kathui tuang aruh dam tei ai rui suaimakna nang khang tii ni .” Thaureymei 28:22.

Katuang siangding tei Raguangh rui laalouna khatni tingkauh kaikham laan lou the kumna kamei tingkum chui tangc kai hanguang dat pui gan khou, kamei lungcgai chingkhiu na khatni meic ta zian lou thai na tipat thai meipu sukhuan e.

KATHAIMEI

Baibal text guay palana kakak khou hisuk gut tho.

1. Kadam ruh tuang akhat ti mei hei Jacob khou tei rui thai tuang cho?

Thaureymei 14:18, 20 Melchizedek … hei kaoliang mei Ravguangc tuang amuh e … khatni Abraham rui kakhou kadam ___ tuang akhat kakhou tii lou kan e.

THAILOU KHANG: Kadam ruc tuang akhat hei meic gankhat tuang taanv guang mei khou tei rui ti khang e. Kadam ruc tuang akhat samei kaba kiu thu ruh lungc khou akhat tu tuang e. Jacob pou, Abraham rui sw-nchinlou kan e. Kamei rui Melchizedek khou kadam ruc tuang akhat tii kan e, khatni Melchizedek hei Ravguangc tuang Amuh khuan e.

2. Aniu rui taanv guangmei pang khou Raguangtuang tabui tei cho?

Levimei 27:30 kadam ruc khou ___guay tei thu ___tuang e. Mi hei RINGHPOUCkhang thu nthanmei e.

THAILOU KHANG: Kachang kaling na thu kaguay na Raguangh tuang sin de.

Kalumlu 24:1 Mban khatni nai bammei katana RINGHPOUCtuang e; kandih khatni mi khou lungc bammei katana katuang e.

Kume tiki Raguangh rui ram kaguay na katuang e tumei ning tou bam diu khang kadam ruh khou akhat thu ti o tu tuang e.

3. Aniu rui kadam ruc khou akhat ti mei hei tabui khou sinsu khang cho Raguangh rui hei ti hei?

Singchak 18:2, 24 Israel mei rui akhang timei kadam ruh khou ___ tei ai rui Levimei khang tii the. Mi hei kaniu atuang kalummei pheykai khou taanvtanhmei tuang phy swna tii mei tuang e. Kalam thu Israelmei rui tii guangmei ___ ___ tei kaniw khang swna tingsaeng khang tii lou mei tuang dithe.

1 Korinmei 9:13, 14 Ravkai khou taanv tanhmei nunc tei kaniw___ ___ Ravkai khou rui laa e khatni ravcha bamv khou thouhsw bammei nunc tei rui kaniw tu zangv khang ravcha khou tei rui laa e tumei nangniw thaybam tuang dithe. hei tei kumcna, gaichamv dinhmei nunc tei ni gaychamv laalou mei nunc khou tei rui kaniw ___ ___ khang laa nina e twna Poubauhmei rui salou the.

THAILOU KHANG: Latdyng Guangc gankhou, ruhdam khou akhat hei, Levimei nunc sinsu khang e kalam thu katuang taanv taancmei nunc supui zaeng rui tuna Raguangh rui sa e. 1 Korinmei 9:13 khou Raguangh rui kum sa e amuh nunc khang reynung ni ravkai khou rui kadam kaniw guay khang ti kan kumc ntau ni gaicham tuang siamruai sumei nunc khang ni mi ruh dam khou rui kaniw phi nic tinina e.

4. Ruh dam akhat tii mei hei latdanv guangc, Mousi ganv khou tuang dina kross khou nganv lou kan tha?

Thaureymei 28:20, 22 Khou tei Jacob rui RIINGHPOUC khou latdyng akhat swlou the … kumna nang rui akhang tii lou mei kapwm tuang kadam ruh tuang akhat tei nang khang ___puni the.

THAILOU KHANG: Hamh e! Abraham khatni Jacob rui kadam ruh khou akhat tii mei hei Raguangh rui Mousi khou latdanv timak hu nungc rui ti bam tuang de. Mi hei Sinai khou tilou tuang dina, mihei ceremonial tuang latdanv hamh e kumna kross khou ngan lou makge. Kadam ruh khou akhat timei thu Raguangh rui kataanc khou sinsu khang salou tuang dina, asei ngan na tii nina de.

5. Kadam ruh khou akhat tii mei ta Jisu rui nuv mak tuang hamhna?

Metthew 23:23 Gaylun swmei Riakdanv dinhpouc nunc khatni Pharisimei nunc, nangniw sansi e dav! Nangniw rui riangtu, makikhuanc khatni backhuanh tuang kadam ruh khou akhat ___ laana Riakdanv tuang nthuk dianghmei nchummei, zauzian thaymei khatni lwm nuhmei ta ntaamv lou the! Kadam ruh tuang tii mei tei ni ntaamv makna mi guay hei nangniw ___ ni tuang e.

THAILOU KHANG: Hamh me! Pharisee mei nunc ta Jisu rui sameithu kaniw ruh dam tii mei thu chakchuina suaimak khang kasing phuc tang na tii e, khouv khou suak na phung guang mei khin. Kumna Jisu rui kaniw ta phut lou tuang e. samei thu ruh dam thu tii chui thiki nchumna latzan sulou mak, zauzian thay mak, khatni lwmnumei kaniw tei thu kaniw khou makpui zaengrui de. Ruh dam tii mei ta phut tuang hamh e tiki kaniw rui Khristian mei taanc nimei kheiliak ta ntaamv louna bam pui zaeng rui de. Heizaeng rui Jisu kumna sa e, “Kadam ruh tuang tii mei tei ni ntaamv makna mi guay hei nangniw piu ni tuang e.”

6. Kadam ruh tuang akhat tii mei khang Raguangh rui tabui latrian sulou bo?

Malaki 3:10 “Ruh dam kapwmna tei Ravkai khou phungc guang o! … Ata ___ zauc o kumna ai rui ___ kaikhamv ___ nangniw khou suaihiam mphamh mphahna lou chan lakmei nganv bun key puni the.”

THAILOU KHANG: Raguangh rui kum sa bam e,” Nangniw lumsi e thei, ruh dam tii lana, ata nchan zauc o, khatni suaihiam hei nangniw louchan mak khang ai rui ti puni e.” Meic phaih phaih rui ruh dam tii khou rui Raguangh tuang suaihiam hei kachang na ti lou e tuna sabam e. Nangrui Raguangh ta tabui nungc sini tii hian ngam ni tuang hamh e.

7. Raguangh rui kamei nunc ta ruh dam Ravkai khou phung guang o tuna sa e. mi kiu tabui kabac dai?

Nehemiah 13:12 Khoutei Israelmei nunc rui kaniw tuang nap-bi, drakhadui, khatni Olive thauc kadam ruh tuang ___ khou phungc guang dat the.

THAILOU KHANG: Ravkai hei Raguangh tuang laanri kai the. (Baibal laanri kai hei saam le ncham e). Malaki 3:10, khou Ravguangh rui “laanri kai” ti hei “Akai” samei thu Karavkai, ram e thei Ravkai tuang laanri kai, 1 Kinchak 9:26; 2 Kinchak 31:11, 12; khatni Nehemiah 10:37, 38. Kumna Raguangh tuang laanri kai hei thu Ravkai tei e.

8. Aniu rui ruh dam tii pukhou, thau rui mi tei laa tou chang kan bo?

Ibrimei 7:8 khou thu theic kan nimei nunc rui ruh dam laa bam e tiki thangc tei thu ___ bammei pu e.

Kolosiamei 3:23 Maansei khang taanc bam tu e twna ningmakna, ___ khang taanc bam tu kumcna nangniw taanhmei guay lungh gutna taanc o.

THAILOU KHANG: Aniu guay rui ruh dam ti bam mei hei maansei khang tii tuang hamh e tiki Raguangh khang tii tuang e tumei thai ni na e. Mi hei katuang de. nang aniu rui ruh dam tihei takum sinsu bam bo tumei tei anei kakhan bam khang anei thou hamh e. kamei rui katuang siandui pui zaengrui chacmei bam khou sinsu kan nituang de mi khang tei lungh gei kadun bam nang e.

9. Atuang ruh dam ruc khou Raguangh rui heikian atuang de tii o tuna sa bo?

Kalumlu 96:8 ___ phungcna katuang Ravkai khou guang o.

Malaki 3:8 Ai rui nangniw khou kumna thanv e, thou kumhmei rui Ravguangh tuang kuamtuna bammei hei nchum dai? nzih zatmak khe. Nchumh zat mak khe, tiki nangniu ata guat bam e.” Akumhna?” twna nangniw thanv e. Ruh dam khatni ___ tii mei khou tei e.

THAILOU KHANG: Ravguangh rui kata nzianna puatkat ni tii o tuna sa e, kata thuan kuc mei kazau na.

10. Puatkat kiu azuh tii khang tha?

2 Korinmei 9:7 Meic kathuina kamei kamei rui dinglou mei thei layna ___ kandiu. Njavna tii mak nuh mak khe twna tii rio; kalam thu neihlana tii pui mei ta tei Raguangh nzian e.

THAILOU KHANG: Raguangh rui thu heizuh tii o twna samak ge tiki kamei kamei ngambu tei ti o tu e.

11. Adam lev Eve kanei tabui tuang nchanmei khou boukan bo tiki aniu rui Rih ngam e thei tingsaeng Raguangh guangdic laa puni cho?

Thaureymei 3:3 Tiki pikwan kachung khou nai bammei ___ thai tei tu nuh ___ ge, kahi sini ___ nuh makge, twna Raguangh rui aney khou kadylou the.

THAILOU KHANG: Adam lev Eve kanei khou Raguangh rui kadilou e, pikuan khou nai bammei thing thai guay tunu ngam de tiki kachung khou nai bammei gaimei simei thai mei thingbang thai hei tunu makge. Mi thing thai tei turiu khatni kahi sinih kahi riu, nangnei theic lame. Mi thing bang khou tei electric mai rui raeng lou mak ge. Kanei reitu nuh bam khou tii thou lou bam de. Kumna kanei rui Raguangh lat lummak na kanei reitu the. Asei hei ni Raguangh rui aniuta nchanna bam e. kamei rui kum sa e, “Nang khang guang mei siandui guai tei nang khang laa tho tiki ruh dam tei thu (tenth) hamh e. Mi tei nang laa nuh makge, hei tei thu atuang de.” Kumbam sini nang rui laa ni e thei laa tangc nuh bam khou lou bam de. Kum me tiki nang anei laa rap Adam lev Eve kanei kum aniu ni paapc khou dei dat rap puni e. Ragaungh rui mi thing thai tei kakhang kage makge. hei tho kalat piu puni ni piu pulak cho nchan pui tuang na de. heitei kumna aniu tuang ruhdam tii bam mei tei kakhang kage mak ge. Ram kaguai na katuang de. Mi hei kata nzian bamdai, kalat lum bam dai, khatni latpiu dai nchan pui tuang na de.

12. Aniu rui ruh dam khatni puatkattii mi thei tabui latdanv su bak tha?

Malakai 3:8 Thou kumhmei rui Raguangh tuang ___ nu dai ? Kum e tiki nangniu atuang ___ bam the, ruh dam khat ni puat kat khou tuna Raguangh rui sa e.

Tatpatmei 20:15 Nangniw ___ riu .

THAILOU KHANG: Ruh dam khatni puatkat khou nthui makmei nunc hei lhou tu kuamtu bammei nunc the tuna Raguangh rui sa e. Meic gankhat kai hou mei hei si hak mei tuang de, kum bam sini Raguang tuang asut tu bammei hei thu sihak tuang e. Maanmei nunc ta kanlou khang sinsu khang tii lou mei sian hou tu bammei hei adi kei tucho lumlou khang kung hak pui tuang e hei kum bammei hei!

13. Ruh dam khatni puatkat houc tu bammei nunc ruc khou tabui su puni twna Raguangh sa bo?

Malachi 3:9 Nangta siangh ___ the nangrui atuang asut tu bam pui zaeng, zaatc kapumc na kazau the.

1 Korinmei 6:10 ___ nunc, agaamv mei nunc, zouh mbamei nunc, latsic latrouc samei nunc, asut tumei nunc - mi kumhmei nunc gaanv khat na sini Raguangh guangdic laa nitu hamh e.

THAILOU KHANG: Ruh dam lev puatkat khou nthui makmei nunc ruc khou siang nai e khatni kaniu lung laimak e thei kai hou tumei nunc tuna kaniw ta Raguangh guandgdic khou ti gut nituang hamh e.

14. Agaamv mei hei tabui suna Heidi kam khang si tuang cho?

Luk 12:34 Nang tuang ___ khou tai naibo, nang lunghsing ni khou tei de.

THAILOU KHANG: Agaammei hei sihakge kalam thu aniu tabui kho sian pat keilou bo hei khou tei aniu lungc kaguai na lai tat re. Airui sianlaan gei hai hai ku khang karamc pukhou lungning hei agaammei, laa khang narui khatni gaengsumei rui padikge. Tiki Raguangh guangdic tidai khang kakhaan e thei, phaeng zauc lou thaimei, nzian thaimei, tipat thaimei khatni niam thaimei pat puni e. aniw laan thei aniw lungning ni lai zuantat bam e. Muhlou rikho, Judas Iscariot rui Poubauhmei ta zuantucmei hei agaammei khou rui e kumna dandi 30 na khang rui zuantuc kan tuang e. (Metthiu 26:14-16)

15. Aniu rui ruh dam lev puatkat hei asut tuc pukhou Jisu takum bam punicho tuna nang takum kakhan tuang?

Ibrimei 3:10 Heizaeng rui ai ___ the meinunc ta, kagan kathui kaniw lungning mbiang ngam kan the tuna ai rui sa the.

THAILOU KHANG: Kanac rui kapui kapu tuang sian khou khou rui houc pukhou takum kakhan bo, hei tei kumna Jisu ni kakhan kan pu ni e. Sian maan mei tei thu ram hamh e tiki kanac tuang kheiliak, nzianmei, khatni lumnu makmei tei de pian makmei. Meic gaanv khat na sini Jisu lung ning tii bakni khuan lakge na ning e.

16. Tipat mei laam kho baimei Baibal tuang riak khou Raguangh rui tabui salou bo?

A. 2 Korinmei 8:5 Kaniw hei rey liangmei khou ___ ta Raguangh khou tii lou the; mi tangv Ravguangc rui ningmei thei layna kaniw ta aniw khou tii lou the.

B. Latkudyn 3:9 Nang laupuk khou nthai ___ liangmei gay liangmei tei RINGHPOUCkhang katna chakhuang champouh o.

C. Latkudyn 11:24, 25 Meic gaanv saekc kaniw lanv nsa tii pat re kumna ___ hay hay thau e; tiki gaanvsaekc thu tan thih e, tiki lungsi ranv ranv key e. nang baanc ___ o, kum e thei nang lungc ku puni. Meickai ta nkhavlou o, kum ti thei nangta nkhavlou puni.

D. Latdiumei 20:35 “Laatowmei suangc ___ rui ___ mbu e.”

E. Luk 12:21 Thoupuni laanv ___na khuam padiklou laki … kamei Raguangh khou thu e.

F. Luk 6:38 Tii o, kum ti thei, nangniw khang tii lou puni; baanh daicna, nym keyna, kanuk padikna, ___ ___ nang niw pamv khou guang bunlou puni.

G. 1 Korinmei 16:2 Kamei rui ntaanv ___ thei layna, meic kathuic na reic patna lou kaduai bam nina the.

H. Riakdanv Kaluaimei 16:17 Meic kathuicna kamei kamei rui ngammei, RINGCPOUnangniw Racguangc rui ___ ___kaipat phungc guang nina e.

THAILOU KHANG: Kadam ruh lungc khou chakiu laatoumei tei rui ruh lungc khou ruh phangmei khang suang suaihiam mbu e. Raguangh tuang suaihiam tingkauh kaikham laanpat na tikei mei thu sian na hamh e. kamei rui tii mei thu, pumv gaimei, nchu nzaengmei, nangrasuai dauloumei, gaklou na kaikhun khouchuncham latcham mei, pumtan tiloumei, gaimei khou kakhan kei thaimei, Jisu lev riangluai anacna bammei, bumaengh khuam guang geimei, gari karan khuan sini kasi makmei etc. nang anei Jisu ta nzian chang e thei kataanc khang katpat mei hei puatrit mei suni tuang hamh e. hei ruina suaihiam laatou mei suna neihla zaenggai na taanvmei su puni.

17. Jacob rui kamang khou hou kanmei kai lak tei tabui khin dai?

Jahon 1:51 Tingpuk laanc patna Ravguangc baanchara ___ ___ ruc khou key key ku ku bammei ta nang how puni.

THAILOU KHANG: Jacob rui howkanmei kailak tingpuk thangc rui kandih keitungc na bammei tei Meic Nac Mpou khin lin tuang e. Malakai 3:10, khou Raguangh rui ruhdam kaguay Ravkai khou phung guang o, kum e thei tingkauh kaikham laanv patna nangniu lou chanc makmei ngan na suaihiam lou ni! Heitei Jisu tei e – Kamei hei suaihiam kiu the.

18. Aniu tuang dailiangmei kaipat Jisu tinimei kiu tabui tha?

Latkudyn 23:26 Anacle, akhou ___ ___ 0, kumna athei lay nzeih o.

Mark 7:6 Mi mei nunc hei kaniw chy rui ata chakhwang sw e; tiki kaniw ___ thu akhou rui duc the.

THAILOU KHANG: Jisu rui aniw lungh katuang su e thei, ramguay na kian katuang the.

NANGTUANG LATDAUC

Aniu rui ruh dam khatni puatkat thuina ti pukhou, aniu pantikhou taanv khang chamraeng bammei guai khou kamei le taanc ncham the. Kamei lev taanv taanc ncham khang nang tuang ruh dam khatni puatkat (offering) tii ni tha?

MUNDAUH: ______