Zip thauc mei gaanv khou nah theic bam tina kapui hei kap khuan the, tiki zausiang tiki kanav hamh mak khuan the. Kumna kanei tei nav zaeng khou rui kagai na guangh daeng khou latzan sulou diu khang phung guang khuan the.

Ganeic mei rui ringc mei nac ti hei anav de tuna kauc kali bam khuan the. Hamh e! theih mei nac hei nang na de tuna khou tei baimei pui rui sa bam khuan e.

Guangh tei rui thou hei ringc bam mei nac pui cho tumei takumna thai nitha? Agii na bam khou tei guangh Solomon rui sa khuan the Kabang puta ringc bam mei na ta mazai khou daw bao lana kanei khang zaanvlou titho! Kabang pu tei kiauc bam lakhuang de tuna kakhan bam khou tei, Solomon rui zauc patlana kapaek raek pat diu khang mik khuan rui tii khuan the. Khoutei kabang tei rui zaengna nac ta kapaek raek khang guang khuan the. Khoutei kapui changc tei rui guangh tan daeng khou khuksun kei laki suluai rio, kakhang tii titho tuna sathe. Khoutei gankhat pui tei rui thu suluai tho kamei ni lamak ai ni lamak tuna sa khuan e. Khou tei thou kapui changc cho tumei Solomon rui thai the.

Ramundinc khou ntuc mei hei phwamling ta e tumei thai e (Jeremiah 6:2). Phwamling geilang na nchum mei phuamlinghei thou cho tumei takumna thai ngam nina! Ringc na bammei Nac tuang phuamling hei le luimei phuamling ta kumna thai khang tha? Solomon kumna Raguangh tuang baengsaeng kalat hei sinni na e. (Ibrimei 4:12)

KATHAI KHANG

Baibal text guai palana kakak khou hisuk gut tho.

1. Raguangh tuang nchum mei phuamling ta Ndauhloumei khou takum na nchinlou bo?

Ndauhloumei 12:1, 2, 5 Mi khou kiu ___ ganvkhat neihmik rui kapuan swna, bw ni binna, gaanchuangcna ruhna kanei naimei pykhim runna bam e. Kamei ___ puanc nina sucna rynra akhaeng na kauc bam e … Khou tei ntanh ___ rui zaatc guay ta sin nimeipu tei puanclou the. Tiki kata tei kaguangc bamv paeng khou dungc bammei Ravguangc daeng thangc laa ku kan the.

THAILOU KHANG: Nthancmei ntumei pui hei Baibal tuang ramundinv khou Raguangh tuang phuamling khin sinsu e. (Jeremiah 6:2). Ndauhloumei 12 khou mipui hei neic khatni gaanchuangna rui kapwan su e - Raguangh rui damloumei riu rui - Jisu rui phuamling ta kum sa e, “Nanghei kandih tuang riu the.” Metthiu 5:14. Neih rui Jisu tuang riuv khin the (Kalumlu 84:11; Malakai 4:2). Bw kaphai nibin bammei tei rui Latdyng guangc khou khaengc na bammei khatni mi kalim nunc khin the. Neih tuang riu bw khou rui tii pat tuang e, kumna khaengc mei taanv tei guang nimei Messiah tuang riu the.(Kolosimei 2:16, 17; Ibrimei 10:1). Gaanchuangna ruhna kanei tei rui phuamling tuang kapi sumei nunc Latdyng guangc khou kaikhuang 12 khatni latdyng thanv khou apostal 12 khin lintuang e. Ntan builwang rui kandih ta sin nimei pu kiu thu Jisu the (Kalumlu 2:7-9; Ndauhloumei 19:13-16)

2. “Daikanmei haengmei thanngangc” hei thou cho khatni kamei tabui taanv khang su bo?

Ndauhlooumei 18:9 Mi daihmei thaangangc ta tei nthau pat the, reydouc tuang nrui, kazanc ___ hamh e thei ___ twna kaumei.

Ndauhloumei 12:4 Thaangangc tei rui aganna tatei puanc key rap pui lev ___ ni twna kamei mi pui hu khou tei ding bam the.

THAILOU KHANG: Thaangangc hei Seitan the ravning makmei Rommei guangdic ta sinsu khuan e Jisu puanclou mei gaanv khou. herod ti hei seitan rui sinsu lana Jisu ta suluai khang rui Bethlehem khou bam mei ngasanna guay ta dowluai khuan e. (Metthiu 2:16)

3. Jisu ta seitan rui suluai tow makmei tangc tabui pat kan the?

Ndauhloumei 12:5 Tiki kata tei kaguangc bampaeng khou dungc bammei Raguangc daeng thangc ___ ___ kan the.

THAILOU KHANG: Kamei ringc thaumei tangc, Jisu tingkauh kulana Raguangh tuang guangc bam daeng thangc bam kan the (Latdiutatmei 1:9-11). Seitan rui kahi tangc dat mak khe.

4.  Jisu ta tingkauh thangc laa ku kanmei tangc, seitan rui phuamling ta tabui su kan?

Ndauhloumei 12:13 Thaangngangc ta kata kandih khou nthau keylou the twmei thay la khou, mi nac mpouh ta puanc loumei pui ta tei ____ thau the.

THAILOU KHANG: Seitan rui jisu ta ramh su ngam maklana, jisu ta ti kabiu khang katuang phuamling ta kalung puam the.

5. Rairiuc mei gaanv khou ntucmeipui tei tabui thangc paktat kan? Kaganv asan cho?

Ndauhloumei 12:6 Khou tei kata zaeng ching khat phaynei riak charuk makuat lou khang chamdaanv loumei bamv ___ thangc mi pui tei pak tat kan the.

THAILOU KHANG: Ntumeipui (Raguangh phuamling) tazikram (meilungv makpui ram) thangc kata zauczih mei khou rui paktat kan the. Meic guay narui thaina bam tuang the. Raguangh meinunc khun kai kho khatni meicthai makmei kandic khou, America ni kazau the, ravchap tuang ningkha sunu bamv khou Catholic meirui rairuc mei khourui zingmei kin khou pak tat kanthe. Zaeng chingkhat phay nei riakcharuk (Baibal khou bw 42 khatni tingkum kathum na kapaek tuna ni kaw e) samei hei tingkum chingkhat phay nei riak charuk gaanv khou Raguangh mei nunc ta ti rianra rianruc na mei million ta suluai khuan e kaniw ram lum khang rui. Mi gaanv khou Raguangh tuang phuamling ti hei how mak khuan e tiki ringc thu ringc bam de. (Tithai mbuloumei “Rairiu mei tingkum” khou zau lou pu o)

6. Raguangh tuang nchummei phuamling ti hei tabui madaanvmei kanei rui tithai bo?

Ndauhloumei 12:17 Khou tei, mi thaangangc tei mi pui ta tei kalung puamc the, kumna mi pui nac baimei guay Raguangh tuang ___ piu mei guay khatni Jisu rui ___ nchummei lat tei ntipna sin bammei guay ta adow khang pat the.

THAILOU KHANG: Raguangh tuang nkham mei phuamling khou kamei rui kameinunc guay ta kaw bam e, mi guay hei Raguangh tuang latdanv ruh tei ngaek puni (Sabbath kazauna). Kumna jisu rui dincloumei nchumhmei mi kiu thu ramundin mei tuang bumaeng, hamh e thei ramundinmei tuang kaipat (Ndauhloumei 19:10). Nkhammei gaanv khou katuang phuamling “Nsaeklou ducmei” hei apostal phuamlling khatni kaniu rui taanc kanmei kum na bammei phuamling ta Raguangh rui kaw e ‘Nsaeklou ducmei’ hei phei kazi loumei khou tei rui nsaekloumei kumtuang e. Mi hei reymei phei kakap pat mei tei le ncham de.

7. Aniu rui kata nzianmei hei tabui rui nchin e tuna Jisu rui sa bo?

Jahon 14:15 nangniu rui ata nzian e thei alatdanv guay ___ nina e.

1 Jahon 5:3 Kalam thu aniu rui, Ravguangc ta nzianmei twmei hei ___ piu mei hei the.

THAILOU KHANG: Lanpatmei pari khou, Solomon rui kapui kachangmei thai kanmei hei karam zian khou rui e. Hei tei kumna Ravguangh tuang nchummei phuamliing rui nzian changna khatni kalatdanv guay tei neihlana piu mei hei rui thai puni.

8. Nkhammei Raguangh tuang phuamling rui baanchara kathum tuang gaicham tei dinc puni, mi kiu tabui tei cho?

A. Ndauhlouomei 14:7 kalam thu kamei rui ___ swnimei ganv guang the! Tingpuk, kandih, duipui khatni duipuak kai guay damc loumei pu ta ___ o!

B. Ndauhloumei 14:8 Baihmei kaneimei kauh baanchara kathei lay patna sa e, ___ ___ tei bow kan the! Zaatc guayna ta katuang nthah boulahmei zouc, lungpuam tithaumei zouc ti zangvloumei pui tei bow kan the !

C. Ndauhloumei 14:9, 10 Kathumhmei kauh baanchara patdat na kauc raanvna sa e, ___ khatni kamaengc ta tei kalummei guay ruc khou khatni kasanpiang khou hamh e thei kabaanc khou mi tuang ___ tei nai mei guay ruc khou, kamei teini Raguangh tuang lungpuamdai zouc tei zang puni.

THAILOU KHANG: Mi baanchara kathum rui samei hei nkhammei Ravguangh tuang phuamling rui Jisu guang makmei hu khou dinc nimei ta sa tuang e.

9. Ravguangh tuang phuamling rui mi gaicham nunc hei thou kho din khang cho?

Ndauhloumei 14:6 Kandih khou lungc bammei ___ ___, khwang kathuic, lat kathuic, khatni guanghdic kathuic khou dinclou khang tingsaeng gaychamv kakhou nai e.

THAILOU KHANG: Raguangh tuang nkham mei phuamling rui mi gaychamv kathum hei kandih khou lung bammei kathui khou dinc puni.

10. Ravguangh rui katuang nkhammei gankhou phuamling ti hei thai khang kalat rui nkhalou puni.

A. 1798 tangc rui patdat puni khatni kataanc tei hou puni e (Ndauhloumei 12:6, 13-17)

B. Apostal nunc rui dinc kanmei tei dinc puni khatni Baibal khou hilou mei thei laina dinc puni. (Ndauhlooumei 12:17)

C. Latdanv ruh tei piu puni, Sabbath tei kian kazau puni-Baibal thei laina (Ndauhloumei 12:17)

D. Ramundinmei bumaengc nai puni (Ndauhloumei 12:17; 19:10)

E. Raguangh tuang nkhammei ganv tuang gaichamv kathum hei khuan ranna dinc puni (Ndauhloumei 14:6-14)

F. Mi hei kandih kapumv khou dincpuni (Ndauhloumei 14:6)

G. Tingsaeng gaicham dinc puni, mikiu thu kanloumei laa tow mei hei Jisu Khrista khou nade. (Ndauhloumei 14:6)

THAILOU KHANG: Meic gaimei khristian mei nunc mi khou kalam chanei hilou mei makmei phuamling nunc khou bam e. Mi kummei phuamling nunc thu Raguangh tuang saeklou ducmei hamh the. kalam thu Raguangh tuang phuamling thu hei guay hei nai puni.

11. Jisu rui thai khak pat khang kalam chanei tii lou lanasa e, “Tat laki atuang phuamlling kiu phu tho.” Nangrui phu bammei ti hei tabui latrian sulou bo kamei rui?

Luk 11:9 Phu o! nang rui phu ___ puni.

12. Kandi khou naibammei phuamling azu khou mi thai khang khak lang mei chanei tilou mei hei nai bo?

Ephisimei 4:5 Poubauhmei ni khat, ___ akhat nade duilupmei ni khatna de.

THAILOU KHANG: Kandih khou mi thai khak langc khang chanei tilou mei hei, Seventh-day Adventist Church na de, mi gaichamv guang na bammei hei the. Ntau dinc bammei daihmei baanchara kathum tuang chamv Ndauhloumei 14:6-12 hei kandih, kapum na khou dincna tat bam the. Millions ruina chulou na bam e.

13. Ravchap azu rui khristian twna kaw bam e. Heitei rui Raguangh tuang nchum mei phuamlling dai?

Isaiah 4:1 Mi nungc kiu thu ntumei gaanv chanei rui nggaanvmei gaanv khat nata nym lana “Aniw ___ khang khatni aniw ___khang aniw rana kaphian kan ni de, nang aniw ___ na swlou o, mic thui lakmeipui nunc swna zakni mei na tei ariw mak khang na” twna sa puni the.

THAILOU KHANG: Ntian hei Raguangh latkaeng tatei e (Jahon 6:35, 51, 52, 63), khatni pheybanc hei nthanmei nunc tuang ravchaptatmei tei e. (Ndauhloumei 19:8). Mi tuang ramundinc khou ntumei gaanv chanei tei aniw khang tuckhang nai de (Kaniw rana nchummei ramcthai) khatni kaniw khang pheybanc ni nai de (ravchaptatmei). Khrista tuang ravchaptatmei nthanmei tei thu laa nic mak ge. Kaniw guay rui laa nicmei thu Jisu zaanc nata de, kalam thu Baibal khou kum sa e, “Tingpuk bang khou meic nunc pang khou guloumei laa tow khang zaan baimei makge jisu rammak na.” Latdiumei 4:2.

14. Raguangh tuang nkhammei phuamling ti hei meic gaanv khat rui thai e thei, mi phuamling tuang nchummei phuamling khou gut mak numak tuang tha?

Latdiutatmei 2:47 Kumna Poubauhmei rui kaniw pang khou kanloumei laamei nunc ta ___ khou tingmik pum ___ bam khuan e.

THAILOU KHANG: NGUAI, nkhammei Raguangh tuang phuamling khou gut nina the. Raguangh rui mituang lat than ti hei nthanc na daolou e.

• • Aniw meic guay nata pum akhat na khou kaw lou e. (Kolosimei 3:15)
  • Mi pumc kiu thu phuamling ta the.(Kolosimei 1:18)
  • Mi pumc khou tei gut nimei hei duiluplou na gut khang the. (I Korinmei 12:13). Raguangh tuang phuamling khougut nimei hei Noah tuang rungh khou gut mei teile ncham e. Poubauhmei rui sa e, “Rungh lungc khou gut tho, nang khatni nangkai khunmei guai.” Thaureymei 7:1

15. Theic nimei khou rui duak khang Noah gaanv khou chaeng azu nai bo?

Ibrimei 11:7 Kumna lummei panrui Noah ___ kasiamhna kakai kaikhunc ta gulou kan e.

THAILOU KHANG: Jisu rui sa e, kamei kaneimei suna guang ni khou Noah ganv khou tei kum puni (Luk 17:26). Noah ganv khou duak khang chaeng akhat na meitei kumna aniw khang ni chaeng akhatna khang de.

16. Phuamling bai baimei khou nic gaicmei khristianc mei nunc peina nai e. Kum bam sinic Raguangh tuang nchummei phuamling thu akhat na de, kum e thei lungh gut chang na khristian subammei nunc khou tabui pat kan puni bo?

Jahon 10:16 Mi lauziu kuanc khou bam makmei atuang lauziu baihmei ni nai he. Mi nunc ta tei ni ai ___ puni, kaniu akhuan ____ puni, kumna gaengmeipu akhat bangc khou kaniw guay lauziu kang ____ sw puni.

Ndauhlooumei 18:2, 4 “Bow kan the, daihmei Babilon bow kan the!___ ___ tho ___ guay lev. Katuang paap khou tei nangniw lay kazauh lamc e; katuang ntaamh mei (Plagues) khou tei lay kazauh lamc e.

THAILOU KHANG: Jisu rui nchum nzimei, khatni latpiumei kamei nunc ta Babilon khou rui tat pat tho tuna kaw puni. Khou tei kaniw rui kakhuan chulana, katuang nchummei nkhammei gaanv khou phuamling khou tei gut puni.

NANGTUANG LATDAUC

Jisu rui katuang nkhamei phuamling khou gut diu khang kaubam e. Nang hei kakhang kamaan kungmei e. Kamei rui nangta zianna kaubam mei ta ntau nang nuhlou nitha?

MUNDAUH: ________

NANG TUANG LATDAUH

Kathai nbu khang ti thai kasuan loumei.

RAIRUMEI KUM NUNC

Kum chingkhat phaynei riakcharuk rianra rianriu mei hei kaluai dat dat na Baibal khou hylou e, kalam thu Raguangh mei nunc charinmei ram rianra tat kanmei gaanv khou ariu kan e. (Metthew 24:21). Hei ti hei zaeng ching khat phay nei riak charuk tuna ni sa e. Bw riakdei kanei tuna ni sa e, khatni tingkum kathum na kapaek tuna ni sa e. (Ndauhloumei 12:6, 14; 13:5; Daniel 7:25). Jihudi mei calendar hei thu zaeng 360 e tingkum akhat khou, kumna mi kathum hei phu kaduai pukhou kagan akhatna khuan e – tiingkum 1260. Ramundinc khou zaeng neikhat hei tingkum akhat khang chak ge. (Ezekiel 4:6; Singchak 14:34)

Patkanmei pari rui dinmei thu mi hei papacy (Catholic) mei phuamling rui kangam naina kum 1260 hei Raguangh mei nunc ta rairucna guang khuan e. Mi hei AD 538 khou rui kahou e, khou tei Rommei guangh Justinian rui khristian mei guay ruc khou papal ngam rui sin kandiu tuna latdanv pat kantuang e. (Papal = Catholic). Kumna kamei (guangh) rui Rom khou bammei Bishop rui church kaguay na tuang kapi the tuna laa lou khuan e. Hei tuang chithi (letter) hei rui guangdih tuang latdanv bangbi suna sin khuan the. Mituang gaanv hei AD 1798 khou Napoleon tuang rihpi daihmei Alexander Berthier rui Pope ta nimtat kan khou rui ngan lou the. Mi gaanv khou 50 million khristian mei nunc ta kaniw lummei zaeng rui suluai kan tuang e.

NTHUKMEI KATHUM

Kachangmei kathum Raguangh meic nunc khang nthukmei hei Ndauhloumei 12:10-12 khou nai e. Mi kiu hei e

1. Jisu rui seitan ta ngamlou the, chana puna ta khuai ti bammei puta kros khou.

2. Aniu guay tuang sakhi tii mei rui khatni Jisu zei pan rui seitan ta ngam puni e.

3. Ravsi hei kakhang kagan rouc pui zaeng rui kalung puam the. Aniu guayrui meic gaimei khang chaklou la riu. Kamei hei aniw tuang hou muc mei de.

Chamv kiu thu Jisu rui seitan ta ngam lou the, kumna katuang dingdav ngam lakmei ngam tei nsa aniu khang ti bam e. Aniu panti khou Jisu tuang ngam panrui suai zat nituang hamh e. Seitan lungcpuam rui aniw ta ti kabiu bam numak ge. Kata thu ngamlou kanmei zauzi mei de. Tingkauh thangc rui ngamlou na kata kathau ganc lou mei pu de. Kros khou ni Jisu rui ngam lou datna Kaguanghdic ni amaan the. Latzanc khou ni kata ngam dat muai puni de, khatni kamei rui Raguangh tuang nthanmei kaidai ta rih su khang guang pukhou ni, ngam loudat puni muai e. Kumna nkham pukhou kata maikuam khou rouc mutsut louna tiangsaeng khang nai dat ni tuang hamh the. Charinliang mei thu, Jisu aniw ta su amaanc khang rui adoumei ganv khou kata ngam loudat puni tuna Jisu rui latrian sulou e. Adih kam khang gaimei cham cho Jisu khou aniu rigun na bammei hei.