Ram swlou khang thaimak na bamc mei pui khou tei, Elisha rui kum thanv khuan e, “Nangkai khou tabui naic bo?

“Akai kho akhang ram mak the tiki thaudui lai khatna thu nai e.” tuna mipui tei rui dau the. Meic zian thaimakmei sian phian pou tei rui kakai kho tabui puat nai bo akhat akhat swna laa ngam the ntau thu kanac pou gan neic na lev thaudui lai khatna dithe nsaek lou bammei. Olive thaudui hei maanseic khang kage nailiangmei puat akhat swna bam khuane. Mi thaudui hei, maih daan khang ti chaeng khang, tuckhang khatni tigai khang sinsw e.

Elisha rui maipui khatni kanac khou tei sa the kaigei meinunc khou lairaeng guay nsw tho. Nang kai kho laaguang lana nangkai puina guay kailungc khou gut lana kaikham mbang ngam tho, kumna thaudui tei lai guay khou tei bun lou tho. Elisha salou mei kumna taanc the khou tei Angakmei taanv taanc lou the.Lai guay tei padik maksan thaudui tei luang pat na laic padik ngam the! Mi pui tei rui muhzung khou tei than khuan the, Ntau thu tabui sw khang tha?” Thaudui tei zuan tho, kumna pou tei khang tho kumna liam mei tei rui nangkai puina nunc sinsw na lungc tho, tuna sa khuan the. Kakai puina nunc tei neihla na Elisha pam khou rui tat kan khuanthe ntau thu ningkha suna lungc puni the mei Angakmei thaudui pan khou rui.

Poubauhmei rui nic hei kumna kakhei sicmei pu Seitan kho pou tuan na bammei nun ta kanlou nina bam e. Mituang Angakmei hei pat puni e kamei rui nang tuang buang ti hei kathaudui ti luang liam lou pukhou.

KATHAIMEI

Baibal text guay palana kakak khou hisuk gut tho.

1. Baibal khou muc lai khatni thaudui hei tabui ta satuang cho?

A. Latdiumei 9:15 Tiki Poubauhmei rui sa the, tatro ___ hei akhang kapah patloumei ___ the.

B.1 Samuel 16:13 Samuel rui Olive thauc tei laana kachaic nun hu khou David khou tei thauh teylou the: khou tei Poubauhmei tuang ___ David khou keybam lou the.

THAILOU KHANG: Baibal rui chamlou e Raguangh hei lai kasiam mei pu e aniu hei niang lai e (Jeremiah 18:6; Rommei 9:20, 21). Meic guay na ta kage naicna kasiamlou tuange. Baibal khou thauh ti hei Raguangh tuang bumaengc maengc / khin swna sinsw e. Olive thau nthanmei hei Ibrimei ravkai khou thaudui swna thauhmai khou louna danc gaanc bam khuan e, heitei rui nchinmei thu katuang bumaengc nthanmei rui aniu lungning khou tigaanc bamme tu tuang e.

Kamei nunc khou katuang bumaengc nthamei ti lou khang Ravguangh tuang chunmei e (Joel 2:28).

2. Bumaengh nthanmei hei meic hamh makmei ngam hamh e thei kamei hei Ravguangh dai?

Latdiutatmei 5:3, 4 Khou tei Pitar rui kakhou sa the, “Anania tabui suna Seitan rui nang lung khou padikna ___ ___ khou saraamh tu cho? nang maansei khou saraamh tu hamh e; Ravguangh khou saraamh tuang e.

Ephesimei 4:30 Nangniw hei Ravguangc tuang di the twna thuakloumei tingmik nganv khang nangniw khou tii lou mei Raguangc tuang Buamengh Nthanmei tuang lung ___ riu.

THAILOU KHANG: APOSTOL PITAR RUI SALOU E Bumaengh Nthanmei ta saraamh mei hei Ravguang ta saraamh tuang e. Hei ruc khou, Jisu rui sa lou e, Puc, Nah mpou khatni Bumaengh Nthanmei zanc khou duilup lou o (Metthiu 28:19, 20), hei ruina nchinmei thu Bumaengh Nthanmei hei Ravguangh pi khou kathum swmei pu e, khatni Puc, Nah Mpou khatni bumaengh nthanmei kaniu kei ncham meide kata kalung ti kabiu nuh e aniw rui mi kiu thu kakhou ni nzian mei lungning nai de. Kumna Baibal khou Bumaengh Nthanmei ti hei khalou meipu, bumaengh Nthanmei, Nchummei Bumaengc, Poubauhmei Bumaengc, Ravguang tuang Bumaengc chanei khatni Bumaengh tuna kau e. Heituang zanc nunc rui dinmei thu kamei ni gaanv khat de tutuang e.

3. Bumaengh Nthanmei tuang taanv thu tabui cho?

Jahon 16:13 Nchumhmei Bumaengc tei guang pwkhou, nangniw ta nchumhmei khou ___puni, … kumna thei - thangc guang punimei lam khou kamei rui ___puni.

Jahon 14:26 Kamei rui ramh lam guayna nangniw khou ___ puni khatni ai rui nangniw khou saloumei guay hei kamei rui ti ningtow lou puni

THAILOU KHANG: Jisu rui kagan kathui ai rui nangniw lev bamvcham bam puni tuna latrian swlou e. kumna katuang Bumaengh Nthanmei hei rui aniw lev bam cham bam e khatni aniw lungh khou lungc bam e. (Jahon 14:17)

4. Tabui paap tei cho khat sinic kuak ngam lak mei paap kiu?

Metthiu 12:32 Bumaengh Nthanmei ruc khou ___ samei ta tei thu ___ dat mak khe.

THAILOU KHANG: Bumaengh Nthanmei ta sina samei hei khuai guat natuang hamh e, tiki kagan saeng na nchumhmei ti hei laa lou mucna guangc mei zaeng rui nkham khou thu Ravguangh chunmei ta laa mak tuang the. (Ibrimei 10:26, 27) Bumaengh Nthanmei khuan ti hei chulou makna guang tingsaeng pukhou lungning hei ndic na kakhuan tei chudat ni tuang hamh the. Kumna thoukummei rui ai “kuakdat ngam mak mei paap” taanc la dei thini tuna ningc ppingna bammei tei thu taanv mak bam nu de.

5. Meic gaanv khat rui Bumaengh tuang kaipat tabui kummei phang puni bo?

1 Korinmei 12:8-10 Buamengh tei rui gaanv khat khou ___latsa khang tii lou e, khatni mi Bumaengc tei rui gaanv khat khou ___ lat sa khang tiilou e. … Mi Bumaengc tei rui gaanv khat khou ___tiilou e, baihmei khou ___pumtan taanc ___ khang, baihmei khou ___ khang, baihmei khou kaipat tei Bumaeng Nthanmei tuang ni, baihmei tuangni thay khang tii lou e. Gaanv khat khou thay makmei ___ zaat sa khang tii lou e. khatni baihmei gaanv khat khou mi lat han lou khang tii lou e.

THAILOU KHANG: Bumaengh Nthanmei aniu panti khou gut lungclou e thei, Kamei rui aniw khang kaipat khat na mei kaipat phang cham rap makge. (1Korinmei 12:29-31) Nthanmei Latrik rui bumaengh rui padikmei tuang thuk hei hylou e. Jahon 3:5 khou Jisu rui kum sa e, “Meic gaanv khat rui dui le bumaengh khou puanthan mak e thei Raguangh guangcdic gut ngam nitu hamh e.” Meic jangsi e, Bumaengh Nthanmei khatni kataanc ti hei thay lana bam e kathaek thaek khou. Meic gaanv saek rui Bumaengh Nthanmei thu meic gaanv khat hamh e, baihmei rui aniu panti khou tingmik kathui kazau na tat bam e tu mei tanuh makge; khatni gaanv saek dat rui Bumaengh nthanmei padik mei guay thu thay mak mei lat sa nina de tuna sa e.

6. Korinmei phuamling khou katuak mei patmei hei tabui tuang Bumaengc kaipat khou rui cho?

1 Korinmei 14:1, 2 nzianmei hei nangniw khou nai khang karamc o; kumna bumaengh kaipat khang, nkunna ravmundinh khang kahaw o. Kadat datmei ___ sabammei tei thu Ravguangc khou sabam tu de, maansei nunc khou hamh e.

THAILOU KHANG: Khristian phuamling thaurey khou tei kumna, ntauh ni buamengh kaipat kadat datmei lat sabammei rui bapcta makmei khatni katuakmei ntau ni ti pat bam e. hei zaeng rui mi tuang para khou Bumaengh kaipat nunc tuang lam khou Baibal rui sa lou mei hei kathai bam tuang e.

7. Dih kun padei khou gaichamv dinclik khang Jisu rui ziab nunc khou tabui latrian sulou bo?

Matk 16:17 Kaniw ___ sa puni.

THAILOU KHANG: Baibal khou “lat” samei kabac thu maansei “lat” tu tuang de. Jisu ziab nunc hei ramh thaymei nunc e, tiki geih thu latrik chamlou makmei nunc e. dihkun padei khou gaicham hei din lik tat diukhang Jisu rui kaniw ta nkhalou mei suna latrik chamclou maksini zaatc baihmei lat sangam diu khang kamei rui latrian sulou na kaniw ti hei ginramc mei lat sa rac ngam khang kaipat tilou tuang e.

8. Buamengh Nthanmei bunkei mei ta phang tow pukhou Jisu ziab nunc khou takum kantha?

Latdiutatmei 2:1, 4 ___ tingmik tangc pukhou … kaniw guay na Bumaengh Nthanmei rui padik the; kumna Bumaengh tei rui ti salou tina, kaniw ___ baih baihmei sa thau the.

THAILOU KHANG: Penticost hei Jihudi mei nthanmei tingmik kanpat pui ngai tang zaeng riakngu pui neic ngai pui tuang e. Ravchaptatmei Jihudih mei guay rui kandi guay khou rui Jerusalem khou kaduai na kalum pui tingmik ge. Ravguangh rui katuang Bumaengc panrui ziab nunc khou lat baih baihmei lat sana meic nunc khou dinclou diukhang latc baih baihmei lat sa thay khang mi tuang kaipapt hei ti lou tuang e. Thou puni lumloumei guay rui kakandic kakandic thangc mi gaicham hei phung tat the.

9. Bumaengh Nthanmei bunkei ti khou kandih baih thangc rui guangmei Jihudih mei nunc tabui phang kan tha?

Latdiutatmei 2:11 Kaniw rui Ravguangh rui taandaihmei taanclou mei lam sabammei tei, karamc karamcmei ___ khou aniu ___ the.

THAILOU KHANG: Kagan asak khou lat baihmei lat khou sa thaymei kaipat hei “tingkauh mei lat de” Ravguangc narui thaikhang e hamh e thei lat han thaymei kaipat phangmei narui thay khang de tuna ni sa bam e. Kum bam sini Baibal khou than thiakna sa lou e ziab nunc rui ni nking bammei nunc rui ni “Ravguangc tuang taandai taanc lou mei lam khou” sa bammei ti hei bapta ngam de. Nthanmei latrik khou baihmei lat samei laam khou kabam kathum khou sw nchinlou e. Reymei thu aniu zauc kan the. Kumthina khammei kaneic ti hei how than mai khang zau lou kho.

10. Cornelius kai khou Pitar rui dinhpui gaanv khou takum kan tha?

Latdiutatmei 10:44, 46 Pitar rui sa bammei dyng khou, nking bammei guay khou tei bumaengh nthanmei keylou the. Kalam thu kaniw lat baih baihmei sana, Ravguangc ta ___ bammei ta kaniw chu the.

THAILOU KHANG: Cornilius hei Italy mei ricmei e (Latdiutatmei 10:1), kumna Pitar hei thu Jihudih mei e khatni Aramaic mei lat sa e. Kumna kandi tuang pari thei layna Rommei kaikhunc tuang bangc nunc thu zatc baih baihmei ni subam nu e. Heikumna mi tuang guang ariu mei khou lat thay cham makmei nai khuan the. Kum bam khuan sini, buamengh Nthanmei keilou tikhou, Pitar khatni kapam mei nunc guay rui Cornilius khatni kakai khunmei guay rui lat baihmei lat sa bammei ta Pitar rui thaymei khou sa khuan the. Kaniw guay rui ni mi lat nunc khou rui Ravguangc ta thuan bammei tei chu the. Mi tuang cham hei Pitar rui Jerusalem khou bammei phuamling tuang kapi nunc khou raclou the “Aniw khou Bumaengh Nthanmei keylou mei tei kumna mi niu khou tei ni keylou the.” Latdiutatmei 11:15. Penticost nei ziab nunc rui Bumaengh Nthanmei phang kan kumna Cornelius kaikhun mei guay ni phang kan the Kaniw guayrui ni mei nunc rui thaimei lat khou sa the kaipat tei pnang pui zaeng rui.

11. Ephisimei ziab gaan 12 khou tei Paul rui dinh mei gaan khou takum kan tha?

Latdiutatmei 19:6 Kaniw khou Bumaengh Nthanmei keylou the, khoutei kaniw thay makmei lat sana ___ the.

THAILOU KHANG: Paul, apostal nunc pangkhou latrik thay ducliangmei khatni lat thay geimei pu e. (1 Korinmei 14:18). Mi nunc 12 Ephisimei nunc khou tei bumaengh Nthanmei keylou tikhou kaniw rui thay zat makmei lat khou rui ravmundinc bammei ta Paul khatni Luke kanei rui thay e.

12. Baihmei lat meic nunc rui thay makmei lat samei ta Baibal rui takum sa bo?

1 Korinmei 14:9 Hei tei kumna kadat dat pui latsa bammei tei ni kabah ___ nuhmei tuang hamh e thei, mi kumh mei lat sa bam tu e twmei akumh na thay nina cho?

1 Korinmei 14:19 Tiki phwamling kariumei khou thu thay makmei lat rui latkaeng ching ching sa bammei suangc, latkaeng panguh na sini thay mei lat sana ___ kani de.

THAILOU KHANG: Paul rui kadat dat pui lat samei hei nchumhmei tithailou khang hamh e thei cham lou khang tu tuangc e. Mi lat hei rui, Grik mei lat khou “meicthaimakmei” (unknown) samei lat kaeng hei thaurey mei kabanghbi tuang Baibal hylou mei khou phang makge tiki lat hanmei nunc rui meic geimei thai makmei lat tuna thay khang rui han lou tuang e. Korinmei phwamling khou zaatc tin ta tina khat khat lat thay makna, gaanv khat rui gaicham sabam tini baihmei rui thay mak tuna kachin karo mei phwamling su bam khuane. hei zaeng rui Paul ruina lat baihmei rui sa pui gan khou meic geimei thay mak ni tuang e thei reyrey bammo lat han lou mei mak e thei tuna sa tuang e. (1 korinmei 14:28). Aniw guay thay lou khang nai e, nang rui sa puni, kalum puni, meic guayna thay mak mei lat khou sacra mak mei gai e.

13. Reynung tuang Babilon mei tuang tatna mei thiak daihmei akhat hei tabui cho?

Thaureymei 11:7, 9 kaniw akhat khat lat ___ mak khang aniu keyna kaniw lat ___ dikho. Kumna mi kaidai zanc tei ___ twna kawthe.

THAILOU KHANG: Babel kaidai khou tei rui kandih kapwm tuang lat ti baic pat pui bam e. Ibrimei lat khou Babel khatni Babilon tihei “babel” tuna kaw e, mi kabac ku thu “bapta makmei” tutuange. Ndauhloumei 18 khou Racguangh rui bumaengh tuang Babilon khou bammei kamei nunc ta pat diu khang kaw e. Kumna bumaengh tuang Babilon tuang kheiliak akhat lat kaguakmei hei e.

14. Ravguangc tuang kariak latdanv ta thaina sw bak bamcmei nunc khou Bumaengh padik bam puni dai?

Jahon 14:15-17 Nangniw ata nzian ei thei ___ guay piu puni. Ai rui nangniw khang Nkhavloumeipu baihmei gaanv khat apu khou neylou puni ___ bumaengc e.

Latdiutatmei 5:32 Ravguangc rui kalat ___ guay khang kaipat swna tii loumei Bumaengh Nthanmei hei the.

THAILOU KHANG: Ravguangh latdanv guay piu mak mei nunckhou Bumaengh Nthanmei tuang ngam khatni kakhou guang lungc lou ni tuang hamh e.

15. Takummei Bumaengc kaipat ti hei kahou na bam khang Paul takum sa lou bo?

1 Korinmei 14:4, 5 Thaymakmei lat sa bammei tei thu karana kata kasiamh bam tuang e … thay makmei lat samei khang suangc thu ___ rui nthuk ge.

1 Korinmei 14:12 nangniw Buamengh kaipat laa niina bammei thei layna, ___ ta ___ thau nimei tuang kaipat tei mbu thau khang karamc nina e.

THAILOU KHANG: Paul ruina ravmundinhmei kaipat tihei thay makmei lat samei khang suangc thuk hian e tuna sa tiki meic asaek rui Bumaengh rui padik mei guay thu thaymakmei lat sanina de tuna dinc bam e. Baibal khou Bumaengh Nthanmei rui padikmei ti nchin loumei hei kabamc 25 hian na nai mei lungc khou mei thay makmei lat samei laam hei kabam kathum na de nai mei. latdyng than khou Paul rui buk 14 hylou e tiki thay makmei lat samei lam khou kabam akhat na khou de. 1 Korinmei khou hylou e. Kumna latdyng than buk 27 naimei lungc khou thaymakmei lat samei tuang lam hylou mei hei kabam kathum na khou de.

16. Tabui zaengrui Ravguangc rui meic nunc khou Kabumaengc ti padiklou tuang cho?

Latdiutatmei 1:8 nangniw khou bumaengh Nthanmei guanglou pukhou, nangniw ___ laa tow puni; khatni nangniw guay rui atuang ___ swpuni.

Latdiutatmei 4:31 kaniu guay tei bumaengh Nthanmei rui padikna kaniw ___ Ravguangc ___ tei sa thau the.

THAILOU KHANG: Katuang sakhi tii khang khatni pumtan naikhang Raguangh rui aniw khou katuang bumaengc ti padik lou e.

17. Bumaengh Nthanmei gankhat khou padik bam e hamh e thei bam makge tumei sa ngam puni dai?

Mathiu 7:20 Mi kumna, kaniw ta tei kaniw ___ khou rui nangniw thay puni.

THAILOU KHANG: Meic gaanv khat khou Bumaengh Nthanmei nai e tumei thay nimei hei bumaengh tuang kaipat khou rui hamhe, tiki bumaengh tuang thai khou rui de, mikiu thu, nzianmei, neihlamei, chuzaengmei, khaengthaymei, khatni kapumc sinriapmei hei e. (Galtimei 5:22, 23).

18. Takum e thei ai bumaengh Nthanmei tuang duilup kiu phang tow puni cho?

Luke 11:13 Kumna, meicsimei nangniw sini nangniw na nunc khang gaymei puat tii thay e thei, tingkauh thangc bammei nangniw pu rui thu tabui swna kakhou ___ kathuic khang Bumaengh Nthanmei tii lou mak nina cho?

THAILOU KHANG: Jisu khou dat ngam makmei Bumaengc nai bam e. Ravguangh khou ney e thei aniu buangc ti luangcliam lou puni de, tiki aniw pumc ti sac rey na aniu lunghning kaguay kakhou ti lou nina e.

NANG LAT DAUH

Jisu rui Buamengh Nthanmei nang khang ti lou nina khuan bame. Nang lunghning khatni nang lung kaguay kamei rui sin diu khang ntau nang kakhou ney nitha?

MUNDAU: _______