Amuh nunc guay thu phaybaanc karu chui na piu e tiki Jahon thu guaikuan hiu phey lev guaigic peti kamc khuan e. Kaniu guay rui tugay zanggai mei tuzang bam khou Jahon rui thu napkhaeng na hamh e thei Carob pai lev khuai dui rui kataktu suna bam khuane. Kamei rui drakha dui ni zang makge khatni zouc ni zang makge, kameiRavguangc tuang bumaengc tei lungc padikmei sukhang rui (Luke 1:15).

Ravkai / synagogues khou hamh makna Jahon rui duibaek khatni tauh geimei zangdic tihei katuang ravkai suna kamei rui dinc bam khuan e. Khoutei meic nunc rui, “Mihei Elijah lana cho?” tuna than bam khuan e.

Jahon rui thu Latdyng guangc tuang Muhzung nunc kumna puan rai piu khuan e, tiki kamei thu Elijah thu hamh e. Baanchara Gabriel rui Jahon puipu khou kata puan makmei hu khou rui kum sa lou khuan e. Kamei rui “Elijah tuang bumaengc khatni pumtan khou … Meic nunc ta Poubauhmei guang puni mei khang rui ti chamdaanv lou khang “ Luke 1:17 tat puni.

Elijah rui Ravguangh meinunc ta tikalun thau lou mei kumna Jahon tuang taanduan hei ni Buamengh Nthanmei pumtan rui taanc puni.Kataanv thu meic nuncta paapc khourui lunghlaic patna Poubauhmei Jisu guang reymei khangta chamdaanv khang dinhmei hei the.Baibal rui sa e, Elijah khatni Duiluploumei Jahon tuang rihmei nunc rui nkham mei gaanv khou Jisu kaneimei suna guang ni khou kandi mei guay ta chamdan diukhang taanv hei taanc thau dat puni.” Tiki RINGHPOUC tuang daihmei khatni meic pingmei latzan tingmik kiu guang makmei hu khou, ai rui muhzung Elijah ta nangniw khou thauc guangrey puni.” Malakai 4:5 (zauc lou o- Joel 2:28-31)

KATHAIMEI

Baibal text guay palana kakak khou hysuk gut tho.

1. Jahon rui bumaengc papdikmei panti suna lungc kanmei tuang nkam mei tei tabui cho?

Luke 3:16 Jahon rui dau the, “Ai rui nangniw ta dui rui duiluplou the. Tiki akhang suangc ngamv daihmei gaanv khat guang puni. Ai thu katuang phaythuapc riang rih khang na sini ___ ___ hamh e.

Jahon 3:30 Kamei thu nbuc thau puni the tiki ai thu ___ kan puni the.”

THAILOU KHANG: Jahon rui bumaengh padikmeipanti suna lungc kanmei tei kamei hei meic nunc khang suangc niamkei mei rui e. Kamei ruikapanti Ravguangh khou patduak gut lou na lungc lana kataanc khou ni pumtanh nai na taanc tuang khuan e. Jisu ta meic nunc khou nchinloumei hei Jahon tuang zaenggai liangmei, neihla mei ruipadik khuan e. Kamei rui taanc mei guay hei Ravguangc zaanc himdaihmei su khang rui taanc khuan e.

2. Duiluploumei Jahon rui Baibal pacdai?

Jahon 1:23 Chaeng sw tho! twna tazikramv khou kauc bammei ___ the, twna ___ Isaiah rui saloumei ta pancna Jahon rui daw the.”

THAILOUKHANG: Nguay! Jahon rui latdyng guangc khou hylou Meitei pancna sa e. Baibal rui ni salou e, Jahon rui kaziab nunc ta napkhaeng lana kalum khangncham lou e (Metthiu 9:14). Mi hei rui kamei Poubauhmei ta zian thuk ge tumei nchinlou e. Heitei kumna, aniu ni kagan reypatna Baibal kathai khuan e thei Ravguangh ta thai puni khatni zianmei pat puni kumna katuang Bumaengc thanmei tei latou puni.

3. Duiluploumei Jahon rui Jisu tuang sakhi swni dai?

Jahon 1:29 Nthuanh thauna ___rui Jisu kadaeng khou guangmei ta how lana, Jahon rui sa the,” ___, Ravguangc Lauziu Nac, kandihmei paap laa gancloumei pu!

THAILOU KHANG: Katuang chavswna Jahon hei karana lungc khuan e (Luke 1:80). Kum bam sinih kamei rui meic nunc rui tabui bui sw sini Jisu hei kandihmei ta guloumeipu e tumei nchinlou khang kapanti phau ti pat khang rouc makmei pu e. Heitei kumna Poubauhmei ta zian chang pui mei nunc ni aseic nganna tabui bui bam pusini ping tuang makna Jisu tuang sakhi mei nunc suna tat bam e.

4.  Jahon rui routuang makna dinh pui gaanv khou dihsinmei nunc khatni phwamling tuang kapi swmei nunc pang rui neihla na laa loudai?

Luke 7:30 Tiki Pharisimei nunc khatni Riakdanv dinhpouc nunc thu kamei rui duilupmei khoutei kazauh makna, Ravguangc rui kaniw ra sw pw tu kahaw mei tei kaniw sw ___ e.

Luke 3:19, 20 Tiki Jahon rui dihsinpouc Herod ta kakainac now Herodia kaney lungc nkhuaimei zaeng rui khatni kamei rui taanc kanmei simei taanv guay zaeng rui ___ tina, … kamei rui Jahon ta kangkai khou lou the.

THAILOU KHANG: Ravchap tuang kapi swmei nunc ta ni kaniw gaan khou paap suna bammei nunc ta ping rou tuang makna Jahon rui baucna luh khuan e. Heitei kumna nkham mei gaanv khou Khrista tuang phwamling rui ni dincpukhou dihsinpouc nunc khatni ravchap tuang kapi swmei nunc rui laa lou nituang hamh e.

5. Tuc ta khatni puanrai karuc mei tihei Baibal rui kumc sinsu riu tuna sa bo?

1 Timothi 2:9 Ntu mei guay ni pwanpiu khou (Ngaavmei ni) howsi howgay thayna how ___ tuang pwanpiu piumeita kahaw e. Sam kasiamh mei rui, ___ kaphut rui khatni kamanv kunghmei pheybaan rui karuhmei hamh nina e.

1 Pitar 3:3, 4 ___ tuang swmei sam kasiamh mei kachaek khatni pheybaan rui ___tei nangniw sw ___ e, mi phaan tei Ravguangc mikzaw khou kamanv kunghmei maandat lakmei lanv – lungh zaenghmei khatni kachangc siph sipmei tei rui nangniw tuang kalungcmei tei karuh o.

Isaiah 3:18-21 Mi nungc kiu RINGPOUC rui kaniw gaengh swnakaruh bammei guay kaniw ___ khou … kaniw guangh khou kaniw ___ khatni zauhgumphey, kaniw tuang pikha, pykhim, kaniw tanhkhou siangthai, kamc bammei pykam, thau han kaniw ___khou khatni kaniw nwkwang khou lou bammei ___guay tei laa ganc ngam kan punithe.

THAILOU KHANG: Nguay! Duiluploumei Jahon rui thu pheybaan tou than thiak lou na karu mak na piu e – hei tei aniw khristian mei rui lailuay nina e. Ntau kan tuang thabaula mei tuang puanrai rui meic azu ta nthiam mei khou ti key lou e, khatni siandui ni tuanh na lung e. Khristian mei rui thu hei kumna karu na sian dui key laa na sinsu khang hamh e. Kandih khou tuc tah hei tatna nac pwan suna bam gei e tiki nthanmei latrik khou thu hei tei gay mak ge tu e. Isaiah 3:18-23, khou hyloumei guay hei nang thay tang makmei ni nai nu e tiki kandih kabam bai khou bammei nunc thu thayna sinsu bam e. Ravningc makmei nunc rui sinsu bammei ti hei ntau thu neikei biak thangc bammei nunc rui sinpiu na bam the ntau ganv khou hei.

6. Bumgaengh rui padik mei Jahon panti lev kamei rui tuc zang mei taktu kanei hei sukc mei tuang nai bo?

Luke 1:15 Kalam thu … Kamei ___(wine) khatni zou zang lakni na e. Kakhou ___ ___ rui ni padiklou puni.

THAILOU KHANG: Khristian mei nunc tho bumv khiang lou mei (fermented guay hei zangv lak ni na e. kalam thu nang lunghning hei than thiak (mind) na Ravguangh tuang Bumaengc khuan chu thai khang (Latdudyn 23:31, 32; Habakuk 2:15; 1 Pitar 5:8).

7. Tabui swna Raguangh rui aniw rui tucmei zangvmei tihei heidih khang thukna sabam tuang cho?

Latzanvpoununc 13:7 Nang nang pumc nritna nah mpouhgaanv khat puan puni. Kumhpui zaeng rui nang ___ hamh e thei mba nuhmei dui zangv nuh makge, khatni tu lak nimei ___ ___ tunuh makge, kalam thu mi nac tei kamei ringh saanv nazir swna Ravguangc khang katlou nina e.

1 Korinmei 6:19 Nangniw ___ hei bumaengh Nthanmei tuang ___ e twmei nangniw thay makna cho? khatni Racguangc khou rui nangniw phangc tuang hamh na cho?

THAILOUKHANG: Aniw tuzangv bammei khou rui aniu buak gai khang, nthiammei ta nuh muc ngam khang, heisi heigai thay khaklangc thay khang nai e. Khristian mei akhat swna aniw taanc ruaimei, tupuni zangv puni Ravguangh hym tidaihmei swni na e. (1 Korinmei 10:31)

8. Mban tuang kheiliak ti hei Baibal rui takum sa bo?

Jakob 4:4 Hei zaeng rui, thoupwni mbaanv ta ___ meitei, karana kata Ravguangc khang ___ ti swlouthe.

2 Korinmei 6:17 Nangniw kaniwta mpatlou nina e kumna kaniw khou rui ___ taph tap nina e tuna Poubauh mei rui sa e. Nthan makmei ta kahi lak nina e, kum pwkhou ai nangniw ta laalou puni.

1 Jahon 2:15 Nangniw mbaanv ta ___ e thei nangniw Pu ta nzian ___ ge.

Rommei 12:2 Nangniw mi ___ tuang thiak lay nzeic riu; tiki nangniw lungning kathanc khou ___ patna, nangiw panty lunlung ti kalaic o. Kum pwkhou tabui tei Ravguangc rui ningmei cho twmei, tabui tei gaymei khatni kamei rui kahawmei khatni nthuih mei cho twmei nangniw thy puni.

THAILOU KHANG: RINGHPOUC rui aseic kamei nunc ta kao e, meic nunc ta Jisu kaneimei swna guang ni mei khang ti chamdanv khang aniw ramh lung khou rui ti ndaw o.

9. Khristianmei akhat rui tabui ta kakhan bam nituang tha?

Philipimei 4:8 Nkhamh khou, chanathiu, ___ chingkhiumei, nchumhmei, ___ meic nzianmei khei, mi kumhmei gaymei thuanckulou biuhmei ___guay tihei nangniw lungning khou machunhna bam o.

Kalumu 101:3 Khatni simei ta khat ___ nuhlou ___ ge.

THAILOU KHANG: Duiluploumei Jahon rui meic nunc ta abuai adapmei kaguay taanc lak nina e tuna latdanv ti e. (Luke 3:14). Aniw khang swna ni abuai adapmei tuang maengc nunc hei ni zauc lak nina de. Jisu rui chamlou e lungcmaan lungcmouh mei paapc khatni abuai adapmei hei meic tuang lunghning khourui kahow tuang e. (Methiu 5:22, 28). Kum thina khristian mei akhat sw e thei, TV program, video khatni latrik buk khou rui puni mi kummei gaymakmei mphuam mei lungning pat nimei guay gaanv kei nina e.

10. Kachang mei khristian rui takum mei lu nunc king puni bo?

Kalumlu 40:3 Kamei rui akhang ___ ___ aniu Racguangc ta thuan pui lu tii lou khuan e.

1 Samuel 16:23 Mi khou tei rui thauna, Ravguangc rui thouc guangmei simei bumaengc rui Saul khou guangloumei kathuic David rui katuang ___ laana dowlou the. Simei bumaengc tat pat kan e thei Saul tei ___ maih dat na mphaengv dat raph rap the.

THAILOU KHANG: Kandih khou tatna bammei lu nunc hei rui thu aniw bumaengc panty ta nkha lou tuang makge. Mi lu nunc rui tingkauh tuang laamv ti hei swmut key na paapc tuang lungc chun tihei tii tanc thauh e. Kum bam khuan sinic lu hei gaymei ngam peynac nay e. Simei bumaengc rui guangc Saul ta ti katuak pui ganv khou, David rui nra dow lou pukhou sicmei bumaengc tei thauc gaanc kan e.

11. Laamlu mei hei khristian khang gay dai? (in club)

1 Jahon 2:6 Thow puni kamei Ravguangc khou bam the twna sapui mei tei Jisu Khrista kumna ___ ___ e.

Tita 2:12 Ravchap tatmakmei lwnlung khatni ___ tuang kahawmei guay ganc na, meic pumc sinriapna, nchumna khatni ravningmei panty khou mi mbaanv khou lungh khang e.

THAILOU KHANG: Ntauh kanc tuang laamlu hei thu mbaanv tuang thahboulahmei lu khatni laamlu khatni taleh mei tuang sin di the. Hei kumhmei bam khou aniu rui lat thanc thanh nimei tho, “Jisu rui hei kum sw puni dai ?” Airui kakhan e lu luan khou khatni beating luan khou aniurui kalung bammei ta thu guloumeipu ni nuh lou pung de.

12. Khristian mei rui lottery hamh e thei sian thacna tali mei hei taanc puni dai?

1 Timothi 6:10 Kalam thu ___ ___ hei simei guay tuang bangbi e. Syan kahaw khou rui meic gaanvsaek thu lwmmei khou rui tat pat lana lungh ___ rui kaniw lunghthw sauh biw kumc bam geic e.

2 Thessolonika 3:10 “Taanv taanc __ meita thu tuni tu mak kan diu” twna latdanv swna sa bammei tei the.

Latkudyn 28:20 Tiki ___ ___ khang sw e thei, nang ta dandi tii puni.

THAILOU KHANG: Sian talimei hei puc tulou lana patdat ngam makmei lev ncham e. Thow kumhmei thu kaikhun tuang sian dui guay casino ramh e thei lottery tickets khou hunvmaan ngam na bam e. Geih tho “Lungc gay katum khang” tumei tuang schemes nunc hei sangam makmei risk nai e, nchumh mak mei maan khatni meic riak hamh makmei tuang thiak khou taanc e.

13. Ravguangh mei nunc tuang tamv mei thu tabui nitha?

1 Jahon 3:22 Aniu katuang latdanv guay ___ tipui zaeng rui khatni kamei ___ taanc tipui zaeng rui e.

Ningtingdyn 12:13 Ravguangc ta ping o kumna katuang latdanv guay tei piu o, kalam thu mi ___ heirui maansei ta Ravguangc rui damcloumei tuang e.

THAILOU KHANG: Maansei swmei rui kamei ningmei khou na lungc lana Ravguangh guangdi khou guloumei laa nituang hamh e. Heizaeng rui Jisu mbaanv khou guang lungc lou lana aniu ni nthanmei panty suna lungh khang sw nchinlou tuang e. (1 Pitar 2:21)

14. Mituang para khou aniu lungc nimei thiak kathai keymei lungckhou Ravguangc lat piu khang chala lapna mei hei tabui rui dai?

Jahon 14:15 Nangnrui ata ___ e thei alatdanv guay piu o.

1 Jahon 5:3 Kalam thu aniu rui Ravguangc ta nzianmei twmei hei kalatdanv piwmei hei the. ___ guay hei aniu piu ngam ___ tuang hamh e.

Kalumlu 40:8 Ai nang chwn piu ni e, he RINGHPOUC! Nang ___ tei, ai ___ khou lou e.

15. Tabui zaeng rui Khristian panty swna lungc nimei hei adih kaucmei ramh kaoc cho?

1 Pitar 2:9 Ravguangc rui ___ mei nunc e; guangh tuang amuc nunc e, ___zaat re, Ravguiangc tuang charynmei taanv guay ___ ndauh khang ruina, nangniw ta zinghmei khou rui katuang charynmei gaanhnei khou kaw patlou tuang e.

THAILOU KHANG: Jisu khin tat bamhmei Khristian mei nunc ta Ravguangc rui kauloumei hei kauhak mei tuang e. Duiluploumei Jahon rui Jisu reymei swna guang nimei khang chamdanv khang meic nunc ta nkhav lou kum, Ravguangc rui kamei nunc ta kamei kaneimei swna guang nimei khang rui chamdan diu khang, meic nunc nthan mei panty swna lungh khang dinc lou diu khang kaw lou tuang e.

NANG LAT DAUC

Jisu rui kaneimei swna guangnimei khang tei meic nunc ta nkha loukhang nang rui ni “tazikramc khou khuan” tei kumna Jisu khang sakhi mei swna baih laihna ravchap tat mei nthanmei panty swna lungc nitha?

MUNDAUC: ______

KATHAI NBUC KHANG

Kathai nbuc khang ti thai kasuan loumei

Khrista khin diu lou mei

Meic gaanv khat rui khristian sw the tu e thei khrista khin gayranmei guangdic tuang khang sasuan tat diu khang diu lou mei akhat re. Baibal khou sa lou e “Ntaw thu aniu hei khrista tuang chaguatpou nunc e” 2 Korinmei 5:20.

Dictionary khou ambassador tumei hei kagaanv gansaek khang kandih akhat khourui akhat kho kakandic phan khang sa suan na tat bammei tu tuang e.

Kandih tuang political khou kakandic khin swna bammei kumna bumaengh guangdic khang ni kage nai hak mei tuang akhat re. Tingkauh guangdic mei nunc tho mi kandic tuang dilung mei hamh e. Aniu ti hei Jisu hei thou cho khatni kamei thou cho tumei ti lianlou diu khang aniw ta diu guang lou tuang e. Aniu rui tucmei khou ni zanghmei khou ni, puanrai piumei khou ni, taanv mei khou ni, sasuancmei khou puni Bumaengh thanmei panrui Khrista tuang e tumei tihou pat nina e. Kumna aniu Ravguangc guangdic mei e tu e thei, mi tingkauh guangdic tuang kheiliak tei aniu rui lungc daw nina khuan e. 2 Korinmei 3:18 khou nthanmei latrik rui kum sa khuan e,” aniu guayna hei … Poubauhmei khou tei rui guangmei hym tei rui aniu ta kata luihmei hymdaimei khou mbu hay hayna tigwanlih lou e Poubauhmei bumaeng tei rui.”

Aniu, phwamling hei, kaphay kabaanv, kamik, kamuangh khatni Jisu tuang nuckwan ni the mi kandi khang aseic hei. Aniw hei khrista pumc the (Ephisimei 1:22, 23; 5:29, 30; Kolosimei 1:18). Kamei rui tingkauh kumak kho Jisu rui aniw kho kadilou e, “Puc rui Ata diuguang lou kumna, Airui ni nangniw ta diu lou the.” Jahon 20:21. Aniu panty khou Jisu lun tei lungc daw nina the. "Nangniw riu tei tigaanc pat ro meic nunc hu khou, kum e thei nang tuang taanv gaymeita hou lana tingkauh thangc bammei Puc hym daihmei sw diu." Metthiu 5:16

Ramundinc Phaeng Hou Thanranmei, Lesson 23 ©2022 Amazing Facts International All Rights Reserved