Pitar thu kachangna sabam e tiki kalungh sing khou gaengh sumei nayc mei ta kamei thay makge. Mi zingbangc ta meic kangdaic rui Jisu ta nimkhang guang pui gaanv khou meic nunc rui zaucna bam khou Pitar tei rui katuang bangsaeng tei satpat lana Kakaipouc ta gak khang su the. Tiki asanvmak khou Jisu ta latzanc swbam khou, Pitar ta sinnuic thao the Jisu ta houmucmei nunc rui, khou tei kamei rui Jisu ta ai thay makge twna saliang kathum khuan the. Sapuipumv bauckhit khit thauh the, kham khou thu siangding suna khatni siangcna ai kata thay makge twna sakhuan the. (Metthiu 26:74)

Khou tei ruay khuangc khuan the. Mi ding khou tei Jisu thu latzanh kaikhou, sipay nunc rui kata baina bam khuan e. Jisu rui ziangri patna Pitar ta nzianmei zaukum rui zauc patmei tei Pitar hou khuan the - Kumna kalung bak the. “Khoutei Kapoubauhmei rui sa kan mei lat tei ningtou the, kamei rui kakhou tabui sa kan bo tumei tei, ‘Ruay khuang makmei hukhou nang rui ata thay me tuna saliang kathum puni.’ Kumna Pitar tat pat lana kalung suna kapkhuan the.” Luke 22:61, 62.

Mi neitei rui thaucna Pitar hei kalai meic sukhuan the, Ntauc thu meic nunc chun khou duancloumei hamh na Ravguangc chunmei khou taanc khang kalungh ding the. Kalung laihmei tangc kata Jihudihmei peikai khou phung guang lana baih laki Jisu tuang pari racdat nuhmak the tuna sa tikhou, pingtuang makna kamei rui sa dauh khuan e,” Aniu thu maasei lat piu mei khangsuangc Ravguangc lat piu kan ni de.” Latdiutatmei 5:29. Heina hamhna Pitar rui tingsaeng Jisu ta nzian e tumei hei kata Nero, Rommei guangc rui kross khou thangc ni kho, ai thu aPoubauhmei ramvtheih swna theihkhang biuc makge kumthina ata thu thangc changling na thangc o tuna kamei heitei kumna theic kan e.

KATHAIMEI

Baibal text guay palana kakak khou hysuk gut tho.

1. Nang aniw Ravguangc biak liang e liang mak ge tumei Ravguangc rui tabui khou rui thai bo?

Metthiu 7:21 Ata Poubauhmei, Poubauhmei twna kawmei kathuicna tei tingkauh guangdic khou ___rap ni tu hamh e; tiki tingkauh thangc bammei apu rui ningmei khou ___ kamei na tei rui gut khang de.

Rommei 6:16 Nangniw ta gaanv khat bangh swna ___ pwkhou, nangniw hei kalat ___ bammei nangniw khaipouc bangc tei the twmei nangniw thay e. Nangniw hei theihmei khou zayloumei khou paapc bangc hamh e thei ravchaptatmei khou zayloumei latpiumei bangc sw bam nuh e.

THAILOU KHANG: Aniu chala kha nacnav thay e thoulat piubam bo hei tei rui mipu bangc e twmei. Aniu rui Ravguangc bangc the tu laki ravsi khou rui hamh e thei mbaanv mei lat piubam e thei aniu ravna meiguat mei the.

2. Ravguangc tuang latdanv khatni maansei tuang latdanv nuhna mak e thei thou lat piu o tuna Pitar rui sa bo?

Latdiutatmei 5:29 Pitar khatni baihmei latdiutatmei guay rui sa the, “Aniu thu maansei lat ta suangc ___ lat piu kan nina di the!”

THAILOU KHANG: Pitar rui lunghlai dat mei tangc Jisu ta nzian the, kamei rui Jihudih mei peih nunc khou kum sa khuan e. reyliang mei khou Ravguangc lat piu nina de. Aniu guay rui thay the nkham mei gaanv khou khouringh khatni kandihmei tuang latdanv lev Ravguangc tuang latdanv nuhna mak puni. Tabui bui pusini aniu thu Ravguangc tuang latdanv piu nina de.

3. Aniu rui Ravguangc ta nzian e tumei tabui rui gayliang mei suna nchin bo?

Jahon 8:31 Ai rui dincloumei hei nangiw ___ ___ e thei nangniw aziap ling the.

Jahon 14:15 Nangniw ata nzian e thei alatdanv guay ___ puni.

1 Jahon 2:4 Thowkumh mei rui kamei kata thay the twna sa laki, ___ guay thu piu makpui Meitei saramhpui mei e, khatni kakhou nchumhmei maek ge.

THAILOU KHANG: Meic gaanv khat rui Jisu ta nzian e thei kamei ningmei taanc puni, kumna Ravguangc tuang latdanv hei thuiliangmei kamei ningmei kiu the. (Kalumlu 40:8)

4. Jisu samei theihlayna, gaykhe sumei nunc rui ravchaptatmei lwn swbam tuang?

Metthiu 6:2 Kaniw guay rui meic nunc rui ___ pwdiu khang rui taanc e.

Metthiu 6:5 Kaniw tei meic nunc rui ___ diu khang taanc e.

THAILOU KHANG: Baibal khou kum sa e, “Meic nunc rui paeng gam khou zauc e tiki Ravguangc rui thu kalungh ta zauc e.” 1 Samuel 16:7. Kachang kalingmei khristian rui thu meic nunc rui kakhan mei khang ta hamhna Ravguangc rui kata takum ningc puni bo tumei khou tei kalungh lou e.

5. Meic geic mei thei laytat mei hei aniw khang kabiu ni tuang hamh tha?

Tatpaptmei 23:2 Meic geihmei rui nkhuai mei taanc pw e thei ___ ___

Metthiu 7:13, 14 Nangniw nrummei chaengmun khou gutro. Kalam thu ___ khou zaylou nimei chaengmun tei thu ha e. Kachaeng ni daic e. Kumna mi khou tei gutmei meic ___ e. Tiki ringhmei khou zay loumei chaengmun tei nrum e, kachaeng ni nthyam e, kumna hei tei laatowmei meic rau e.

1 Pitar 3:20 Heitei Nouha rui hih kasiamh bammei ganv khou, mi khou tei meic ___ gaanv tachat na hih khou gutna dui khou tei rui ___ khwan e.

THAILOU KHANG: History rui ti chinlou e meic geihmei rui nkhuaimei khou ding e. Meic geihmei rui Joshua khatni Caleb kanei ta taokwam ni e kumna Egypt mei bangc sutat dat ni khuan e. (Singchak 14:4-10). Meic geihmei rui ni “Kata kros khou thaengcluai o! Kata kros khou thaengcluai o! twna kaniw rui kauc bam the.” Luke 23:21. Kumna meic geihmei rui khouringh tuang madanvmei tei ni laa puni, meic rauc mei hamh na – nkhammei ganh khou. (Ndauhloumei 13:16)

6. Aniu rui Ravguangc tuang latdanv hu khou maansei tuang latdanv lou e thei Jisu rui takumna ningc kanni bo?

Mark 7:7, 9 “ ___ kaniw ata kalum e, maansei tuang latdyn ta riakdanv kumcna nchamlou the.” Jisu rui sa the, “Nangniw ___ riak ngaek khang rui Ravguangc tuang latdanv ta thei kaneilou the.

7. Nchumhmei Khristian mei riak hei nkhammei ganv khou mei guay rui tatnav puni dai?

Metthiu 24:9 Azaeng khou rui nangniw ta zaatc ___ rui ___ puni.

2 Timothi 3:12 Khrista Jisu khou ___ panty khou lungc nimei guay ta thu rairiu ___ tina di the.

Ndauhloumei 12:17 Khoutei, mi thaanngangc tei mipui ta tei kalung puamc the, kumna mi pui nac ___ guay, Ravguangc tuang latdanvpiumei guay khatni Jisu rui dincloumei nchumhmei lat tei ntipna sin bammei guay ta ___ khang pat the.

Ndauhloumei 13:15 Kumna khouringh maengc ta kalum makmei guayta ___ khang e.

THAILOU KHANG: Nkhammei ganv khou Seitan khatni kathei laymei nunc guay rui Ravguangc lat Baibal khou mei ta lumhchangna bammei nunc ta sumut khang rih adow puni.

8. Ravguangc khatni meic geihmei ta siamruai suchamv ngam puni dai?

Metthiu 6:24 Meic gaanv khat na sini kaipauc kanei bangc sw nuh makge. Kamei rui gaanv khat ta ___ e thei gaanv khat ta ___ puni. Hamh e thei gaanv khat ta kungc e thei, gaanv khat ta ntaamv puni.

Metthiu 12:30 Abiak liangh makpui mei tei ata ___ e.

THAILOU KHANG: Khrista lev Seitan kanei tuang ric khou hei kakak khou bam khang kabam makge. Pih raengh loumei ruc khou dungc na zauc bam nuh ni tuang hamh e. Jisu biak liangh mak e thei ravsi ta nkha bam tuang di the.

9. Champanv ta hamh e thei kaikhun meita Jisu ta suangc nzian mbupui mei tei rui aniu khang kabiu ni tuang hamh dai?

Metthiu 10:37 Ata suangc ___ kaputa nzian mbupui mei tei amei sukhang biuh makge; ata suangc kanacmpouh aluhta nzian ___ mei tei amei sw khang biuh makge.

Luke 14:26 Thow pwni aziap sw ni twna guang lana, kapui kaputa, ___ kanac nunc ta, kachaic kakainac nunc ta, khatni ___ kahak ta karaeng makge thei, kamei aziap sw ngam makge.

Metthiu 12:50 Kalam thu tingkauh thangc bammei apu rui ___ taanhpui mei tei achana the khatni ___ the.

THAILOU KHANG: Jisu rui kumna chinlou e aniw rui nzianmei nunc ta guloumei ti latou khang nkhalou khang gailiangcmei chaeng thu aniu panty khou Jisu ta reyliangc mei khou lou nina e. Aniu ta damcloumeipu khatni guloumeipu ta khang suangc aniw kaikhunc mei ta hamh e thei champan ta nzian mbuc mei hei aniu khang phaysui daihmei akhat re.

10. Aniu rui lungcgai chingkhiumei hamh e thei taanv daihmei hei Jisu ta khang suangc hu loumei hei ningtingmei taanv dai?

Metthiu 16:26 Tabui cho tiki, thow kumhmei rui ___ kapwm kakhang laatow sini, mi khang tei rui karingcpan maanlou e thei, kakhang tabui gaengna cho? ___ thuak dat nuhpui puat tabui naina cho?

Luke 12:15 Kalam thu maansei panty hei lungcgaymei khou rui ___ tuang hamh e.

THAILOU KHANG: Taanv gaymei khatni syanlanv rui neihlamei khatni gaekloumei guang e twna lumbamcmei hei theihnumei meicguatmei e. Hei tei hamhna Jisu rui sa e, “Lungcgaymei rui tiangkauh guangdic gut mei khang suangc guaikuan rui pinvmai khou gut mei rui chiu e.” Mark 10:25

11. Kamei rui nchumhmei tithaylou mei tangc Ravguangc ningmei ta piu makna bammei hei aniu khang gaypuni dai?

Hosea 4:6 Amei nunc hei ___ the kalam thu kaniw ata thaylou mak khe. Amuh nunc nangniw ___ ata thay ___ the kumna ai rui nchamlou mei ta___ mak khe, hei zaeng rui ai rui nangniw ta ganc pat the khatni nangniw nac nunc ta atuang amuc swna laalou dat lak khe.

Ibrimei 10:26 Kalam thu ___ tei thay lana aniu thayna thayna paapc taanc bam e thei, aniu paap khaeng kuak dat khang ramh baihmei maek khe.

12. Nchumhmei ta laalou makna kum bam e thei karuh khou tabui pat puni cho?

2 Thessolonika 2:10-12 Kumna ___ kan nimei nunc ta tei karoucsina guat puni. Kaniw maan nimei thu ___ tatei ___ laalouna kanloumei laa mak khou rui e. Hei zaeng rui nchum makmei ta kaniw ___ khang kaniw khou taanv sw khang Ravguangc rui nchumh makmei tuang pumtan kaniw khou tiguang the. Mi thai kiu thu nchum mei ta lwm makna, paapc ta kahaw bammei nunc ruc khou latzan keylou puni.

Jahon 3:19 Latzan kiu mi hei e; Gaanhmei tei mbaanv khou guang the; tiki meic nunc hei gaanhmei ta suangc zinghmei ta ___ the. Kalam thu kaniw tuang taanv ___ the.

THAILOU KHANG: Nthanmei latrik khou chamclou e Jisu hei nchumhmei e (Jahon 14:6). Nchumhmei ta laalou mei hamh e thei laalou makmei hei Jisu ta laaloumei hamh e thei laalou makmei le kalat khat de.

13. Nkhammei ganv khou Ravguangc tuang mei nunc ta rairuc na swmei nunc rui kaniw taanc bammei hei nchummei de tuna ningc puni dai?

Jahon 16:2 nangniw ta sinagog khou rui alay ganc puni, kumna nangniw ta swluaimei hei Raguangc khang katloumei ___ e twna meic nunc rui ___ nimei ganv guang puni.

14. Nchumhmei ta thaylou lana piu makmei nunc ta Pitar rui takum na sa bo?

2 Pitar 2:21, 22 Kaniw nchumhmei chaeng tei thayna kaniw khang tiiloumei nthanmei latdanv tei laalou ___ mi khou teirui ___ ___ suangc, nchumhmei chaeng tei thay mak kham meirui kaniw khang gay ni tuang e. “Si thu kamei rui nruy patlou mei tei tu dat re,” khatni “guak ta duilowlou tiki bih ___ dat re,” twna samei latchap hei kaniw khou guang tangh tuang the.

15. Jisu thei laynimei hei aniw racna tanuh makna khatni anym khang nai puni bo?

Luke 9:23 Thow pwni athei lay nii e thei, karana kata nu ___, tingmik pum katuang kros phungc na athei lay nina e.

16. Jisu thei lay khang kanak ni he hamh e thei neikhat khang kasatpat mei hei gay dai?

Ibrimei 4:7 Nangniw aseic Ravguangc khuan ___ e thei nangniw lung tanh rio.

Ibrimei 2:3 Aniw heidi daihmei kanloumei chaeng ti hei ___ lana akumhna duak ngam nina cho?

2 Korinmei 6:2 Zauclo! laalou nipui ganv kiu ___ hei the; kanlou nipui ___ kiu aseic hei the.

THAILOU KHANG: Gayliangcmei chulou nimei ganv kiu thu nangrui Ravguangc khuan chu bam khou tei the, khatni Ravguangc ningmei taanc lou nimei gayliangmei ganv kiu thu kamei ningmei chinlou bam khou tei the. Seitan tuang phac thu kaganv naidihe, ntauc tauc hamh mak sini nuh de twna meiguat mei ha the. Seitan rui thay e, Ravguangc Buamaengc khuan rui nangta katiu na nang lungh lay niicmei ta kaganv satpat e thei chuc kei kan ni de tumei. Meic million million rui Jisu thei lay tat ni chang na chamraeng na thuan dauc rui tat khang the tuna bammei nunc khang tei kaganv tei guang makna maan kan puni e.

17. Nchumhmei ta laalou na piu mei nunc khang tabui gaeng mei guang bo?

Kalumlu 119:165 Nang latdyn (law) ta nzianmei nunc khang daihmei ___ nai e, khatni kaniw ta tibow nimei tuang ramhkhat sini maek ge.

Jahon 8:32 Kumna nangniw nchumhmei tei thay puni. Kumna nchumhmei tei rui nangniw ta bangh khou rui ___ puni.

1 Pitar 1:22 Ntaw thu nchumhmei lat tei piupui paan rui nangniw la sw ___ the.

THAILOU KHANG: Nchumhmei ta laalou na piupui mei nunc khou charynmei chuzaengmei gaeklou mei, khatni ningkha swmei lunghning khou guang lungc lou the.

18. Jisu rui Pitar khou tabui latthanc than liang kathum kan bo?

Jahon 21:17 “Jahon nac mpou simon, nang ata ___ daih?” twna luan thummei swna Jisu rui kakhou sa the.

THAILOU KHANG: Ravguang tuang ningmei khou kachaeng changna panty katgut lou pukhou mi lathan hei nthukliang mei the. Nang ata nzian daih?

NANG LAT DAUC

Paapc rui padikmei mbaanv kandic khou hei thu nchumhmei hei meic nunc rui kahaw makge khatni meic geihmei rui chalamei chaeng tat kan ni de. Tiki Jisu rui charynmei ramh nzian nangta nzian na nang paapv khang rui kapanty tii lou the. RINGHPOUC rui nang panty khang daihmei raengc lou bam e. Hei zaeng rui nang kho nchumhmei hei ndauhlou bam e. Kum thina nang rui karam zianta tei handat na nang lungh kaguay kakhou tii nitha, mi kiu thu kata nang tuang kaipouc swna laalou laki kamei rui zaylou lou kho tat khang nutha?

MUNDAU: ______

Ramundinc Phaeng Hou Thanranmei, Lesson 24 ©2022 Amazing Facts International All Rights Reserved