Kapu guangh tubam mei ngam ta kahau e. Tabui tabui pusini Israel mei guangh su khang kalung ding the. Amnon, kachaibung rui katanpui Tamar ta lungman lou mei tang kamei rui kachai bungta dauh luai the. Amnon hei David nah pou nahreimei kapu bam lin nimei the. Kapu kunlou na kapu dangkhou bam laki, karouh sina kapu tuang latjanthui makge, khatni kapi subam mei hei tanchui makge tulana “Israel meinun lungning tei kamei rui nimthe.” 2 Samuel 15:6.

Kham khou thu kamei karouh sina su bam mei tei dauh pat the kumna Absalom rui kaputa su luai lana guang asut khang su thauh the. David akhatni kathei laitatmei guai tei Jerusalem khou rui alaihgan the. Kume tiki rih tansi na tingmik burrap su khuan the. Khoutei David rui rih ngam dat the khatni Absalom tei dauh luaithe. Mi hei jangsi pari e tiki mi hei guangh kaikhun khou reiliang mei ram e. Kagan tingsang natat kan mei gan khou ni daih kanmei guangh di akhat khou hei le luimei rih dai pat khuan e. Mi guangh di tei tingkauh tuna kao e.

KATHAIMEI

Mi bible bam guai pah lana kakak khou hisuk gut tho.

1. Tingkauh thang nuhmu thaomei guanghna jan tabui cho khatni tabuijang rui nuhmu thau tuang cho?

Isaia 14:12 Nang tingkauh thang rui takum na taek keituang, he ____ laukhuan ganphiu!

Isaia 14:13, 14 Nang hei kumna ____ khuan e ____ Aini ____ kumni tuna nang sakan e.

Ezekiel 28:17 Nang ____ gai the tuna gangh suthe. Nang zanh ____ rui nang ta mbamei kumna ti lung lou the.

THAILOU KHANG: Lucifer hei Raguangh rui damlou mei pang khou tanliangmei khatni luncha gailiangmei su khuan e. banchara guai pangh khou kaoliangmei khatni tingkauh khou choir tuang kapi su khuan e. Kume tiki luncha gaimei tei rui gangh suthe. (Jaolou o tithai nbu loumei “Satan tihei Tyre khatni Babylon mei guangh ta sachaplou mei bam kho).”

2. Raguangh rui Lucifer ta damh khou diabol kasiam lou dai?

Ezekiel 28:15 Nangta ___ rap khou tei rui thauna nang ___ tanh kahou mak mei dak khou tei thu nangtuang kheiliak hei nthuihna bam khuan e.

THAILOU KHANG: Raguangh nthuih mei banchara akhat suna dam lou e tiki kamei rui diabol sutat tina de. Kakhan tang ngam nituang hamthe tiki Lucifer bouh mak mei hu khou takum cho tumei thai lou e thei kata aniu ni njian puni de. Aniu rui thai than thiak ngam mak khe Lucifer rui neihla na Raguangh ti hei siamruai sukanmei gan tei, khatni kalung khou gaengh sumei, pian mak mei pat mak kho. Poubauhmei rui banchara guaitei robot kumna ni damhlou nude tiki robot rui thu jiamei lungning pat thai mak ge. Kachang mei ram jian thu sipuni, gaipuni san zauh tuang nge. Hei zangrui puipu sumei rui nah lamei hei thairei de nah nun Raguangh lat piu makmei ni nai puni tumei. Raguangh rui Lucifer ta nuhmu na bam tisini kum kandiu tu lou mei hei kumna nai e. Reitap mei khou Raguangh rui kamei damh lou mei guai khang ningkha sumei tilou de tumei hou pat khang. Kaneihmei khou Raguang rui Lucifer tei hei sulaui rap ptithei kamei rui Raguangh ramjiantihei ti lumsi lou mei tei manh mak na naibam puni tina e. Kaniu guai rui “Lucifer samei chumding e tuna ning bam kan puni tina e. Kumthina Lucifer rui pap tanh mei hei siding nge tumei damlou mei guai rui thai diu khang rui kata suluaimaktuang e. Raguangh rui kahou mei thu kata pingna kalat piumei ta ram e tiki jianna lat piu meita de kamei chun mei.

3. Nkham khou tabui paptkan tha?

Ndauhloumei 12:7 Mitang tingkauh thang ___ thau the. Maikel le katuang banchara guai rui dragon rukhou adou the, Kumna dragon rui kabanchara guai le adou the.

THAILOU KHANG: Kumthina Lucifer le kabanchara tei tingkauh thang rui alai gan the.

4. Diabol bangh khou thau rui ngam naina tan bo?

Ndauhloumei 12:4 Kumna kamai rui tingpuk tuang ganchuangna guai tuang kadam ___ ta zai khuan e. Kumna kandih khou ndat kei khuan e.

Ndauhloumei 12:9 Kumna katale ___ guai ta ndat kei kanthe.

THAILOU KHANG: Satan hei kalousing sina tingkauh banchara kadam akhat ta meiguat lana Raguangh ta rih adou khuan e. Ntau thu kata Diabol, khatni Rasi guai rui Satan tuang tanduan tanhna bam e. Kumna ka tuang pari khou tei hou the. Satan tuang tanh simei tei laitanh kanmei. Absalom rui kamei kahou Meitei tanh khang kabangh nunta latdan ti e.

2 Samuel 13:28 Ntauh Absalom rui kabangh nun khou sathe; “Amnon rui zouh zang gei kanmei tei nangniu thai nina e ... khoutei suluai tho. Pingrio. airui latdan pat tuang ham cho?”

2 Samuel 14:30 Absalom rui kabangh nun khou sathe, “Zauhlo, Joab tuang laupuk hei alaupuk dang khou nai e ... Nangniu tat lana mi tei mai loutho.”

5. Satan rui tabui thiak khou katan tanh bo?

A. Ndauhloumei 12:9 Seitan kaumei, mban kapum ta ____ tei the.

B. Mark 1:13 Tazikram khou zang riakdei bamlou khuan e.khou tei seitan rui kata ____ khuan e.

C. Ndauhlouomei 16:14 Kalam thu kaniu tei rasi guai tuangh bumangh e _____ geihna tanh e.

D. Ndauhloumei 12:10 Kalam thu aniu tuang chana puna guaita _____ khatni zingbang kalan aniu tuangh Raguangh ma khou kaniu ta ____tatei ndat kei kanthe.

E. John 8:44. Kalam thu thauhrei khou rui kamei ____ e, akhatni _____ guai pu e.

THAILOU KHANG: Kalam khat khou Seitan khang kadauh gaihian mei nai e Raguangh ruh khou simei le gaimei rih subam khou. Samei thu, Raguangh rui thu nchum mei na sin e, tiki seitan thu nchum mei le saram mei sin lana katan tanh khuane. (Zauhlou o tithai nbu lou mei khou “Khatsinih lummakmeita lummei”)

6. Takum mei gan khou Diabol hei aniu khang kabiuliang puni bo?

2 Korinmei 11:14, 15 Kumna mihei charinmei ham e, kalamthu seitan kahak rui _____ kumh khang kakhe suna guan lih e.

THAILOU KHANG: Diabol rui tanhmei kumna, Absalom rui ni meinun ta zianpui khe suna meiguat mei tan tanh kan e. 2 Samuel 15:5, 6 Mipu teirui kata kalum khang guang pukhou Absalom rui kata hou lana kaput lou rap rap the. Guangh rui latzan sulou pukhang guang mei Israel mei guai khou Absalom rui kumna sulou the, Kumna meinun lungning tei kamei rui nimthe. Seitan hei aniu khang kabiuliang mei thu, kamei rui bumaengh khou changzai mei lun suna phuamling khou tan tanh pukhou the. (Zauhlou khang tithai nbu loumei “Kariu ganhgaimei Banchara”)

7. Seitan Baibal thaidai?

Metthiu 4:5, 6 mitang Diabol rui _____ Jisu khou sa khuan e, “Nang Raguangh Nah Mpou e thei, nang rana cham kei o; Kalamthu _____ nai e.Raguang rui nang lam khou banchara guai khou latdan tilou puni.”

THAILOU KHANG: Mei guat khang Diabol hei Baibal bam lapat lana khatni sinlan na sakhang heimei khat the. Heizangrui Raguang meinun guai Baibal kathai khang kage naithe meiguat mei khou bouhlou mak khang.

8. Kandi khou Diabol rui thouta kareng liang tha?

Ndauhloumei 12:17 Khoutei thaanngang tei _____ tatei lung pua- mh dai puamhthe. Kumna kakikta _____  duhmei, Raguangh latdan guai ngakmei, khatni Jisu Khrista tuang sakhintipna sinmei guai ta rih adou khang tat pat the.

9. Baibal khou kakhe siliangmei khouring kanei seitan ta sachap lou bo?

I Pitar 5:8 Ntak nrak go; tabuicho tiki nangmniu tuang houmu mei Diabol rui rah bammei ____ kumna, thou kummei ta tukhang phuna tat bam e.

Ndauhloumei 12:9 Kumna daih mei dragon tatei ndat pat the. Kamei tei _____ karahpou, Diabol hamh e thei Seitan kau mei.

THAILOU KHANG: Kamanghliangpui le nrui kanei hei kakhuan karing patmak na, ram e thei Ra lana khouring nim tukhang su e. Diabol kumna mangchaeng bam khou suluai tuh mei khouring neih e.

10. Tabui chang narui Seitan ta ndiangna ding ngam khang dai?

Jacob 4:7, 8 Hei zangrui Raguangh khou _____ gutro. Kumna Diabol le ndiangna ding tanh no.kumna kamei nangniu khou rui pak tat kan puni. Raguangh khou ana guang o, kumna kamei rui _____ _____ ana guang puni.

THAILOU KHANG: Raguangh khou ana guang khang gailianigmei chang thu Ra kalum mei le Raguanghta thairan khang kalat kathai mei hathe.

11. Jisu rui Diabol ta takum adou kan bo?

Metthiu 4:10 Khou tei Jisu rui kakhou sa e, Tat kan no Seitan! kalam thu ____ _____ _____.

Ephesiamei 6:17 Bumangh tuang bangsang thu _____ _____ re.

Ibrimei 4:12 Kalam thu Raguangh ____ thu riingh epumtan ni daih e kumna kamun kanei mei bangsang suang bni ntuk ge.

THAILOU KHANG: Seitan tuang rousi na meiguatmei khou rui duak khang khatni pap khou kei lou mak khang e thei Raguangh tuang lat hei aniu lungning khou rilou bam nina e. Jisu rui na adou kanmei bansin tei asei aniu khang ni naide.

Kalumlu 119:11 Ai nang khou pap tanh mak khang ai alung khou nang tuang latdan rilou the.

Ephesiamei 6:11 Nang niu rui Diabol tuang rousimei hukhou ding ada ngam khang Raguangh tuang ripuan kapum tei piu o.

12. Seitian tuang panti nkham pukhou Absolom kum puni bo?

2 Samuel 18:17 Kaniu rui Absalom tuang pumh tei numbang khou khunh nthukmei akhat khou ____ the.

Isaiah 14:15 Tiki ntau thu nangta taruaih tuang nthukliangmei bam khou _____ keilou the.

13. Seitan rui Raguangh meinun ta nthiamdat khang thau dat puni dai?

Ezekiel 28:19 nang hei tingsang zang khang  the

Nahum 1:9 Rianrah rianriu mei naidat ni tuang ____ ______

14. Pap meinun ta suluai pukhou Raguang takum kakhan bo?

Ezekiel 33:11 kaniu khou sa o, “Ai ringhna bammei kum”, Poubauhmoei Raguangh rui sa e, papmei akhat rui theihmei tatei ai ____ bam nii mak ge. Kamei tei ____ tanh nthak lana ____ kanmei ta ai hou nii e. Simei tan tei tanh nthak tho. Tabui suna nang theih niina cho?

15. Latliam mei na Absalom ta dauluai the tumei chu pu khou David rui takum sukan bo?

2 Samuel 18:33 Guangh tei _____ rui padik the. Kamei rui rangh kat ru khou naimei kailung khou gutna kapthe. Kamei tatna kapna kumna sathe, “He anah mpouh! Anah mpouh, Absaloom le! Nang _____ ai _____ ethei ______ nimei tuange! Absalom anah mpouh le!”

NANGTUANG LATDAUH

Heituang pari khou rui, tingkauh thang bammei aniu pu rui kana man kanmei khang kalung adih kabiu cho tumei tuang nge. Kamei aniu khin khang theihlou nihmei na ham na, kamthuk ran gut lana kanah mpou akhatna mei ta aniu khang dailiangmei kaipat suna ti lou the. Gankhatna sini theihdu meita Raguangh chunmei ram makge. Nangta gulou nihna bamme. Heizang rui nangkhin kamei theih lou tuang e. Meigei thu kandi mei guai Seitan thei laitat lana tiingkauh thu bammei Pu Raguangh ta adou bam e. Kata zianna siamruai khang nang tuang chun meitha?

MUNDAUH: _________________

TITHAI NBUHLOUMEI

Kathai nbuh khang tithai kasuan loumei.

TYRE khatni BABYLONmei guangh rui seitan khin lin mei.

Isaiah 14:4-15 khou Babylon mei guangh ti hei seitan khin khang Baibol rui sinsu e, khatni Ezekiel 28:11-19, khou Tyre mei guangh tihei Seitan khin sinsu dat re. Mi bamh kanei khou hei kandih mei guangh rui heitei makum tang ngam makge kazang thu Raguangh rui sabam mei hei kandi guanghta ram makge. Zauh o, Lucifer (ntou thu Seitan) tatei scripture khou kum hilou e.

• Tingkauh thang rui punkei kan the (Isaiah 14:12)
• Tiingtak mei padikmei khatni luncha khou nthui mei. (Ezekiel 28:12)
• Eden khou bam khuan mei (Ezekiel 28:13)
• Kaman kung kanmei tauh rui kaphei banh su khuan e.(Ezekiel 28:13)
• Nang hei thaotei loumei banchara cherub khuan e. (Ezekiel 28:14)
• Raguangh tuang nthanmei chingh khou bam khuane (Ezekiel 28:14)
• Thui thik mei subam khuan e (Ezekiel 28:15)

Babylon khatni Tyre mei guanghnun rui heitei kumna tan lana man ngam kanmei kum Seitan tuang guanghdi ni man kan puni, kumna Seitan khin Raguangh rui mi guanghdi neita salou tuang khuan e. Baibol khou Lucifer lam khou geina hiloue. (Zao o Luke 4:5, 6; 10:18; Jahon 8:44; I Pitar 2:4; I John 3:8; Judah 6; Ndauhloumei 12:7-9) Kume tiki Ezekiel 28 khatni, Isaiah 14, kajao mak e thei katuang pari tei thaithan ngam ni tuang ham e.

Kumpukhang ningmakmei ta phangnimei

Meiguai thu Seitan rui Raguangh tuang houmumei the tuna dauhphou guang pukhang kum a ning bame, tiki kum nituang ram e. Nguai, Seitan hei Raguangh ta khuchikna houmu mei the, tiki kamei rui thu chumji mei kum guang puni (Metthiu 24:24). kamei rui tingkauh banchara kumna guang puni (2 Korinmei 11;13-15) khatni meinun rui kata kalum diu khang supuni (Ndauhloumei 13:12). Baibol khou thanthiak na hilou e,katuang rachaptatmei lun tei rui kandih mei guai ngak na khouring thei laijuan kanithe (Ndauhloumei 13:3) kabiu page 13 kachei nimei lam sa zauh kho! Seitan rui Khrista kumna guang pukhou, kandih mei guai rui kathei laitat ngam kan nithe. Kaniu Jisu thei lai tuang de tuna ning ngam kanithe. nangta ti meiguat nei? Mi kathai mei nang rui chuna piu e thei nangta meiguat dat ngam nitu hamthe.

Kariu ganhgaimei banchara

Meinun rui Seitan thu housimei lamtuai sukhang kummei khouring, haengmei, pakri mansei pakrikhouringh, ka ngian baklana kamai sangh chumrup mei maikhuam khou pap mei nunta kan kadat kadaeng na bamei e tutina kamei thu neihlana bam e kata thai ni tuang ram the tuna miihei thu chummei khou rui du hak kanthe. hei guai hei Greek tuang Mythology khou rui de. Meikumei Baibol khou naih zat makge. Baibal rui thu seitan hei tingtak mei, luncha hougai mei banchara latsa chui thai mei e tu e. kamei Baibol ni thai de (Metthiu 4:5, 6). Diabol hei thu karana rui Raguangh houmumei sutuang de khatni Raguangh ta sa kasi lana Raguangh guanghdi ta la khang sutuang de. Seitan rui ni nangta, khatni nang rui zianmei guaita su kasi khang subam mei pu e. Hei tuang para nun kathai mei rui Seitan tuang pha khou rui duak khang khalou mei latou puni. ngammei gulou meipu khou nang panti sinlou tho kalum mei kajaona, kum e thei kamei rui jai lou diukhang.

Ramundinc Pkaeng Hou Thanranmei, Lesson 3 ©2022 Amazing Facts International All Rights Reserved