Raguangh rui sabammei hei kamei bhapta ngam mak khuan the tiki tingkauh thang bammei Puta lumna lat piu mei hei kamei kahunung rui tanguang tuang the. Kumthina Abraham rui kanah Isak khatni lumnu mei kabangh gannei ta cheang thau lana neithum changkak kaniu rui Moriah thang tat the. Kaniu rui rakhaeng nihmei chingh phai daeng khou kabangh gannei ta Isak kanei han guang datmei ta khou hei khuan bammo tuna sathe. Khou tei thing tei kana ta tii puan lou lana kanei chinghbut thang tat ku the.

khoutei kanah Isak rui sa khuan e, “Apule, anei rahkhaeng khang thing le mai thu nai thiki lauziu tho khou tai dai?” Abraham rui dauh khuan e, Anah le, Raguangh rui lauziu kiu tho chamdan lou puni de.

Chinghbut tuan kutang pukhou, Abraham tei rui kamikdui chungc chun chun na tabui khang kanei ku tuang cho tumei lam salou the. Khou tei Raguangh tuang latdan e thei tho ai nude tuna Isak rui kum lou the. Nkham mei ram pam suna kanah ta kapu rui pam lana kaphai kaban karaklana Rachapang khou tei nzi lou the. Abraham rui kanah ta suluai khang Suri tei khuanthau the. Khoutei ting kauh banchara akhat rui kham lou the kumna ziuchi sau bang rak khou kachei palian na bammei tei nchinlou the khaeng khang tei. Mi pari naram makge pu akhat rui lungniing kabiuna kamei rui nzian kanmei kanah ta khaeng khang ti pat mei.

KATHAI MEI

Mi baibal bam pah lana kakak khou hisuk gut tho.

1. Isak khiin khaeng kanmei khouring tei thau khin e tubo?

Jahon 1:29 Nthuan thauna ____ kadaeng khou guangmei ta how lana, Jahon rui sathe, “Zaulo Raguangh ____ Nac, kandihmei pap laa ganc lou meipu!”

2. Tabui suna Jisu theimak numak tuang cho?

Rommei 3:23 Kalam thu ____ c taanc the.

Rommei 6:23 Kalam thu paapc taanv phy tho _____ e.

Ibrimei 9:22 “ _____ key makna paapc kuak lou makge”.

I Korinmei 15:3 Khrista aniu _____ _____ theic lou the.

I Pitar 3:18 Khrista ni luanguaina paapc khang theic lou the. Kapaap _____ rui ______ nunc khang theic lou the.

THAILOU KHANG: Baibal hei Kaman sangam makge kalam thu kandih khou takumna paapc guang tuang khatni takumna lagan dat nitu mei hilou e. Paapc ramsi ta Raguang rui zaulou ngam lakge, paapc taan phi thu theihmei de. Khatni paapc si e tumei thu Adam le Eve kaneirui paapc taanh lou khou rui theihmei hei meiguai na khou guang louthe. Raguangh tuang latdan khatni subakmei nun taanh phi tei kalai zat nitu hame, kum thina mansei guai hei theih khang na dithe. Kume tiki Raguangh rui kameidamloumei mansei ti hei tam ngam makge. heizangrui charinmei ramzian tei rui kanah tihei kandi khou diuguang louna, nang anei theic nimei khin theic lou the. Aniu paap khatni aniu theih nimei khin theic louna aniuta ningkha tisulou the.

3. Mi daikanmei zaikan loumei chamraeng ti hei takum kanbo?

Ndauhloumei 14:6 kandi khou lung bammei zaatc kathui, khwang kathuic, lat kathuic, khatni guanghdic kathuic khou dinc lou khang ____ ____ kakhou nai e.

THAILOU KHANG: Raguangh rui jaikan loumei chamraeng tihei gaychamv tu e. Kumna manseita guduak lou nimei gailiangmei gaichamv kiu the. Aniu theic nimei tei Jisu rui phung lou the kumna aniu khuai guai lagan louthe.

4. Tabuizang rui Raguangh hei kummei kat lou tuang cho?

Jahon 3:16 Kalam thu Raguangh rui nbaan maanseina ta heidikamv _____ zangrui _____ Mpou _____ namei ta tii lou the.

THAILOU KHANG: Kandih khou kiangriang tipliang mei thu puipu sumei rui kanah ta nzian mei hei the. Raguangh rui Kanah Mpouh Jisu ta aniu paap khang rianra khaeng na theih diu khang tipat mei rui nchin mei thu adikam na Raguangh rui aniu ta nzian cho tumei nchin lou tuang e.

5. Jisurui akhang katpat na theih loumei khou rui gangmei latou khang ai tabui su nicho?

Latdiutatmei 16:31 Poubauhmei Jisu khou ____ o kum e thei nangta kanlou puni.

Jahon 1:12 tiki kata laaloumei guay ta mu Raguangh ____ sukhang _____ rui ngamv tii lou the.

THAILOU KHANG: Jisu rui kanlou mei thu nsa kaipat de (Rommei 6:23). Aduan thu mitei kachaeng e tuna mi kaipat tihei lum nsisinghna lalou khang the.

6. Takumna ai kuaklou mei khatni suthan lou mei laatau nicho?

Latdiutatmei 3:19 Nangniu paap guay thut maanlou khang nangniu lung _____ han guang dat ro

I Jahon 1:19 Tiki aniu rui aniu paap Raguangc khou _____ ti thei, kamei thu suai makmei pu e, khatni nchumhmei pu e; kumna kamei rui aniu paap guay kuaklou puni khatni aniu khuay su _____ puni.

THAILOU KHANG: Paap kalauh mei hei thu lunglai mei sapat meituang e. Kachang kalingna lunglai mei thu paap tanh lou mei khangtei lungbakna khatni paap khou tei rui tat duak pat mei tei e. (latkwdin28:3)

7. Mi charimei lunglaimei tihei takum kauh bo?

Jahon 3:7 nangniw ____ _____ nina e.

THAILOU KHANG: Mi tuang himdaih mei latau meitei hei puanc thanh mei tuna kauh e kalam thu midingh khou tei rui tat kan mei gaanh tei mak khe. tiki aniu panti thanh suna kahou dat the ngasanna kumnatat kanmei gan khou khuai lou mei guai tei thut than thiak lou the kumna panti thanh suna lung tou dat mei adi gaicho!

8. Puancthanh datmei lungsing khou thou gut bam tha?

Jahon 14:17 Kamei hei mbaanv rui laatow ngam lakmei nchumhmei _____ e _____ nangniw ta bam nduangh bam e khatni nangniu lungkhou bam puni.

THAILOU KHANG: Khristian mei lung khou Jisu kahak bumaeng thancmei khou rui lungc bam e.

9. Jisu bumaeng thaanmei khourui alungsing khou lung bam ethei ai tabui taan puni cho?

Philipimei 2:23 Kalam thu Ravguangc kamei rui ningmei tei piu nii khang khatni piu ____. khang kamei nangniw khou taanv taaanclou bam e.

THAILOU KHANG: Airui kamei ningmei tei taanc nii puni, khatni taanc ngam khang ngamv tilou puni.

10. Tabui zangrui ai puanthanv mei hei ngam punide tuna lumgai bam khang cho?

Philipimei 1:6 Kumna mi gaytaanv hei nangniw khou ____ Racguangc rui, Khrista Jisu tuang tingmik nganvna mi taanc suaklou puni twmei ai lum e.

THAILOU KHANG: Ai rui lum e kalam thu Jisu rui akhang taanc lou ni tuna latrian sulou e. Kanlou mei thu atuang pumtan khou rui ham e tiki Jisu paanc khou rui de.

11. Tabui suna Khristian mei gansak thu bauh bam tuang?

Isaia 53: 6 Aniu kaguayna kamei kamei ____ ____ tat bam khuan the.

2 Pitar 3:2 Latdiutatmei nunc rui dincloumei _____ Gulooumeipu tuang latdanv guay tei ningtow o.

THAILOU KHANG: Khristian mei bauhbammei hei Jisu ta thu guloumeipu tuna laalou e tiki kaniu Kaipou suna kaniu panti khou tilung lou mak pui zang rui e. mei gei thu kamei ningmei khou na lung bam tina e. Aniu rui Jisu tihei akaipou suna laalou lana aniu panti kakhou tilou nina e. Aniu panti Kakhou ti dut lou na kamei rui zailou lou khou tat nina the. (Zauhlou o tithai kasuan loumei kho-Gulou guat, guloutan)

12. Ata Jisu laalou the khatni ai kanah dithe tumei takum na ai thai khang tha?

Tita 1:2 Saraamh makmei Racguangc rui ____

Metthiu 7:7 “Ney o, _____ puni.”

THAILOU KHANG: Aniu rui neih pukhou Jisu laloue kalam thu kamei saraamh mak mei pu de. Aniu ta laalou e kalatrian thei laina - Kamei aniuta laalou mei kiu aniu gaitina cho! - ham e tiki kamei latrian sulou puizang rui de.

13. Kachangna lunglai meirui aniu panti takum ti kalai ni cho?

A. Jahon 13:35 “Nangniw khat khat ta ____ ti thei, nangniw hei aziap nunc e tumei meic guayna rui thay puni.”

B. 2 Korinmei 5:17 Thow puni Khrista khou bampui mei tei, kamei ____ kathanc dithe.

C. I Jahon 3:22 Aniu katuang latdanv guay ____ tipui zaeng rui.

D. Rommei 12:2 Nangniw mi mbaanv tuang thiak lay ____ riu; tiki nangniw lungning kathanc tikalaic o. Kum pwkhou tabui tei Ravguangc rui ningmei cho twmei thu, tabui tei gaymei khatni kamei rui kahaw mei khatni _____ cho twmei nangniw thay puni.

E. Latdiutatmei 1:8 Nangniu alam khou ____ khang e.

F. Ephisiamei 6:18 ____ 0, nkhav lou khang kagan kathui.

14. Khristian panti khou tabui tuang charinmei latrian guang bo?

A. Philipimei 4:13 Khrista rui akhou tiiloumei pumtan paan rui ai ramh ____ ngam the.

B. Philipimei 4:19 Racguangc rui nangniw khang kage naimei guay ____ puni.

C. Mark 10: 27 Ravguangc thu ____ turana de.

D. Jahon 15:11 Nangniw ____ padik khang .

E. Jahon 10:10 Ai guangmei thu kaniw ringhmei laa khang e, … gaat tuang naidat ____

F. Ibrimei 13:5 Ai rui nangta ____ ____ khatni ganc nrulou lakge.

G. Ibrimei 13:6 Ai ____ ____ ge. Maansei rui ata tabui sw ngam nina cho?

H. Jahon 14:27 Atuang ____ hei ai nangniw khang tii tuang e.

THAILOU KHANG: Raguang rui kamei nunc khang kungmei latrian tachat tiilou mei kabang khou zauhlou kho.

• Jisu paan rui aniu ramguai taanc nggam e

• Aniu khang gaat tuang guai kamei tii puni e.

• Ramkhatna sinic ngam mak tuang makge.

• Aniu neihlac padik puni.

• Aniu panti gaina lung puni.

• Raguangh rui aniuta patlou zat nituang ram e.

• Aniu rui pingdat khang hamthe maansei ta.

• Poubauhmei rui katuang thuimei nchu nzang mei tii lou puni .

Poubauhmeita thuanno! Hei ru khou gaihian dat mei tabui nai di hai?

NANGLAT DAUH

Nang Jisu ta laalou nii tha guloumei laalou khang ram e thei nang diingh kaluai dat ni tha?

MUNDAUH: ________________

TITHAI NBUH LOUMEI

Kathai nbuc khang tithai kasuan lou mei.

Gulou guatmei ta gulou tan tan tha? Khrista ta kata guloumeipu suna laalou guat mei maandat puni dai? Mi lat than tihei Raguang tuang lat kaeng nac rui dauh ngam khang de. Baibal rui kakhang kara na rui sakhang de. “Aniu patpat gut gut tuang su makna, aniw rigwnmei tei ntipna sin dikho. Kalam thu latryan swloumeipu hei kalat suaimeipu hamh e. Nzian thay khang khatni gaytaanv tanc thay khang khat khat ta akumna katiu thau kho cho twmei kakhanh kho, ... kalam thu nchumhmei tei thay tang lana aniu thayna thayna paapc taanc bam e thei, aniu paap khaeng kuak dat khang ramh baimei maek khe.” Ibrimei 10:23, 24, 26.

Aniu khristian surap aniu tanc dat khang mak khe tuna Baibal khou hilou makge.

Raguangh lat khou thu thanthiak de. “Kalam thu thowkumhmei aniu Poubauhmei khatni Guloumei pu Jisu Khrista ta thaymei paan rui nbaanv tuang mphuammei khou rui duak pat tang lana, mikhou tei manclou dat na mi guay tei rui kata ngam datna bam e thei, mi kumhmei nunc hei thu kaniw tuang lwnlung tei kahunungc suangc nkhamh mei tei rui si diangc the. Kaniw nchumhmei chaeng tei thayna kaniw khang tiilou mei nthanmei latdanv tei laalou makna mi khou tei rui tatpat mei suangc, nchumhmei chaeng tei thay mak khammei rui kaniw khang gay ni tuang e. Si thu kamei rui nruy patloumei tei tudat re. khatni guak ta duilowlou tiki bih niangc datre,” twna samei latchap hei kaniw khou guang tangh tuang the.” 2 Pitar 2:20–22.

Khristian sumei thu lungning akhatna dingmei suangc nbuh e. Jisu sa e, aniu khang guloumei hei kagan kathui nackhou kakhou bam tan tan nicna de. (Jahon 15:4). Apostle Paul sa e, “Ai tingmik pum theic tan de,” I Korinmei 15:31. Mi kabah tho tingmik pum kamei karana ta numak na Jisu thei laitat tande tu e. Poubauh mei kahak rui sa e, “Thow puni athei lay nii e thei, karana kata nuh makna, tingmik pum katuang kros phungcna athei lay nina e.” Luke 9:23.

Baibal rui na tho nchumhmei ta theitho ganlouna guloumei laatou punde tuna chamlou makge. Ezekiel 18:24 khou kum sa e “Tiki ravchaptat meipu akhat rui gaymei taanv taanc ngam lana, meicsimeipu rui taanc bam mei simei chanymei taanv guay tei taancna lungc dat re thei, kamei tei ringc puni dai?

Ringc bam lakge! kamei rui taancloumei gaymei taanv guay tei ai ningtow loudat lak khe. Katuang lwmnuh mak mei taanv khatni kapaap guay zaengrui kamei theic puni. Paul rui ni kumna salou e, “Heizaeng rui, thow puni kamei ding bam de tuna ningpui Meitei bow mak khang ramh thay o.” I Korinthiamei 10:12.

Thow kummei thu sathu sanu de tat mak sinic tuna ning e. Kume tiki Jisu rui sa e, “Ata poubauhmei, Poubauhmei tuna kaw mei kathuicna tei tingkauoh guanghdic khou gut rap nitu hamh e, tiki tingkauh thangc bammei apu rui ningmei khou tatmei kamei na tei rui gut khang de. Mi nungc kiu meic mpeyna rui ‘Poubauhmei, poubauhmei, aniw nang zan khou ravmundinc kan tu hamhna cho, nang zan khou ravsi nunc ta nthau ganc kan tu hamh na cho, khatni nang zanc khou charynmei taanv mpeyna taanc kantu hamhna cho?’ twna sapuni.

Mikhou kiu, ‘Ai nangniw ta thay makge, nangniw latlliamei nunc, akhou rui tat kan o’ twna airui kaniw khou sapuni.” Metthiu 7:21-23.

Paul rui nchumhmei khristian thu karam tan tan bamme tumei nchinlou e kamei hei kumna sa e, “Pak akhyammei khou meic mpeyna pakge; tiki kaniw pang khou gaanv khatna swan laa e twmei nangniw thay e. Heizaengrui nangniw ni swan laa khang pak go. Talic akhyam nimei nunctei kaniw pumc Heidi sinriapna chada bam e; ... Ai hei meic baihmei khou thu diinc tat laki, ai swan laatow mak puram e twna arana ata diangc ndana khatni apum sinriapna bam e. I Korinmei 9:24, 25, 27.

Gulou guat thina mandat nituang hamthe tuna lumbammei nunc thu Raguangh rui kaniu ningkha suumei lagan lou the tuna lumbammei nunc the. Khat biak thang rui, Raguangh rui aniu panti khou taanc kahou lou kanmei taanv tei taanc luai lou puni de tumei mu rikho. “Kumna mi gaytaanv hei nangniw khou kahou loumei Raguangc rui, Khrista Jisu tuang tingmik nganvna mi taanv hei taanc suak lou puni twmei ai lwm e. Philipimei 1:6 Aniu lumgai bam nude kathei laitat tanv bam e thei, kakho ngang tan tan bammei nunc ta kamei rui zailou punide khatni npatlou zat ni tuang ham e. “Tiki katwan nganvna akhaengpui mei ta tei kanlou puni.” Metthiu 24:13.

Ramundinc Phaeng Hou Thanranmei, Lesson 4 ©2022 Amazing Facts International All Rights Reserved