Solomon rui luukeina huainei mei zang rui ningting takv kandih khou lungbam meinun khang suang tii nbu lou the. hei ru khou lungai chingkhiu mei zantat mei, khatni panti sang na lung khang tii lou the, Solomon rui guangh tubam dou Israel khou lunggai chingkhiuna, chujang na lung the. Kachaek kaphut geilangna dandi hei intau kumna laalou e. (I Guanghnun 10:27). Kumna hou gai kanmei daikanmei Rakai marble khatni kachaek rui kasiam lou khuan e.

 Raguangh khang, heina ramna guangh kai khatni katuang takuan kai nun ni kaidai kathui khou hougai na kasiam lou e. Kaidai kathui khou ni munlao gai gai mei pikuan kasiam lou e. Guangh nun, meisang, meidai mei aju dikun padei khou rui kaipat kajaona guang jao khuane Israel guangcdi ta. Raguangh rui ningting tak tiilou mei tei king nina guang khuan e (I Guangnun 10:24) mikumna guangmei pang khou kalun gaikanmei liammapui du thangc bammei kandih Sheba tuna kaomei bam khou rui ni guang khuan e. Kamei rui chubam mei hei kachang cho tumei kamei kahak rui thaini na guang khuan e. Sheba tuang Liammapui teirui guangh Solomon ta thuk thuk mei lat than khuan e khatni milat guai ta daulou ti khou Liammapui tei peina ngak khuan the. Kabam kathui kamei rui zau ngak sak na bam khuan e. kumme tiki Israel mei guangcdi kangan tangna gaikanmei tei Raguangh rui nangkhang kasiam lou bammei guangcdih ta laitang ngam makge.

KATHAIMEI

Mi baibal bam guai palana kakak khou hisuk gut tho.

1. Jisu rui kamei nunc khou tabui latrian sulou bo?

Jahon 14:2 Apu kai thangc nangniw _____ bamv khang mpeyna nai e. _____ Mi khou tei nangniw khang chamdanv lou khang ai tatnihe.

2. Jisu rui chamdan bammei bamv laam kiu aniu takumna thai bo?

Isaia 65:17 Zauc loo, ai kandih kathanc khatni ____ kathanc kasiam bam e.

Ibrimei 11:16 kumna kaniw khang ____ akhat chamdaanv lou the.

Metthiu 5:5 Lungh nianhmei nunc tei zaeng gaymei nunc e _____ hei kaniw laa puni.

Isaia 65:21 Meic nunc rui ____ suna khou tei kaniw lungc puni the.

THAILOU KHANG: Angak mei laam sabam e. Raguangh rui kamei nunc khang tingpuk kathanv, kandih kathanc khatni nthancmei kaidai kathan chamdaan lou bam e. nchum njih mei nunc rui himgan mei kaidai Jisu rui kasiam loumei khoutei lung puni (Jahon 14:2) hei ruc khou kandih kathanc khou tei kaniw rui kaisuna lungc puni (Isaiah 65:21)

3. Nthancmei kaidai laam khou aniw thai nbu mei tabui nai dihai?

Ndauhloumei 21:16 Mi kaidai tei kasaeng kadai ____ e. Mi kaidai tei katuang builwang tei rui ndat the, heitei furlongs _____ e.

Ndauhloumei 21:2 Kumna Ntahnmei kaidai Jerusalem kathanc Raguangh khou rui ____ thangc rui keymei ta ai how e.

Ndauhloumei 21:10, 12 Kaoh bahchara tei rui ata kauhmei chyngbut akhat twan khou phungku lou the. Kumna Nthanmei Kaidai, Jerusalem tei Raguangc khou rui tingkauh thangc rui keymei ta akhou lianlou the, … kaidai raengc tei daic e. kauh e, raenghmun ____ nai e.

Ndauhloumei 21:18 Mi _____ tei _____ tauc rui sw e.

Ndauhloumei 21:21 Mi kaidai tuang chaeng dai tei nthanmei _____ rui sw e.

THAI LOU KHANG: Nthanmei kaidai hei kasan kadiat, kakun padei hei ncham e, khatni kasan hei furlongs chingru kanei e, mihei mail chingkhat phai pangngu e. (furlong akhat hei mail kadaam tachat khou kadaam akhat re). Mi kaidai hei tingkauh thangcrui mi kandih khou kei khuan e khatni tauh tauh naibam mei Olive chingbut ru khou kei puni. (Zechariah 14:4) Kumna raengmun runa kanei mei hei mukta akhat khat rui su e (ndauhloumei 21:21). Khatni kaidai tuang raengc tei jasper tauc rui sw e kumna chowbuk 144 (cubits) (Ndauhloumei 21:17) ram e thei feet 216 dai e. (cubit akhat hei 18 inches re)

4. Mi kaidai khou tukhang zangkhang thu khou tei rui phang khang?

Ndauhloumei 22:1 Kauh banchara tei rui akhou ringhmei ____ ni lianloue.

Ndauhloumei 22:2 Mi ____ naek kanei khou kathai ruhna kanei nthai e. Mi nui tei zat nunc ta ti gay khang e.

THAILOU KHANG: Thip dat zat makna nthanc na luang bam mei duiriang tei Raguangh tuang guangh bam khou rui luang pat re. Ringhmei tingthai hei bu pum kathai kazat baibaina thai puni. Mi tingthai le kanui rui theih dat makna tingsangjangringc bam khang the. Hei ru khou nthanc mei guai mi kandi daamthan lou mei khou pikuan tan lana tu puni e. (Isaiah 15:21) Raguangh mei nun taktu tho paap kei mak mei gan khou tu kanmei tei tudat puni (Thaureimei 1:29, 31) Kasimh ni adi tugai puni akhatni pum khang ni thuithik na gai puni e.

5. Tingkauh kandih khou guang lung pukhou nbaan kandi khou ram lung le adi khiatna puni bo?

A. Isaia 35:5 ____ rui how puni.

B. Isaia 35:5 Nu ____ rui chu puni.

C. Isaia 35:6 Katan ____rui asanh launa kumcna kachakna alaamh puni, lat ____ mak mei rui neihlana kauc puni .

D. Isaia 65:25 Khat khat ____ kabaeng nimei naidat lakkhe.

E. Isaia 11:6 Angiw le lauziu lungc nchamc puni ____, kumna _____ rui kaniwta gaengc puni.

F. Isaia 35:1 Sypungramv ____ mun puangc puni.

G. Isaia 33:24 Zaion khou lungc bammei gaanv khat narui sini ____ mei naidat lakkhe,

H. Ndauhloumei 21:24 Khoutei ____, zaengsimei, kapmei naidat lakkhe.

6. Nthancmei nunc takummei pum supuni tha?

Philipimei 3:20, 21 Poubauhmei Khrista rui aniu tuang suanmei pumc tihei katuang hymdaih mei pumc kumhmei khou ____ puni.

7. Jisu pum hei kiu kachangdai ramethei kamei hei bumaengh nac dai?

Luk 24:39 “Aphay abaanc hei zauc tho, mihei ai de! ata kahi zauc o. Mihei kumna ____ ____ katei karuou makge,” tuna sa the

THAILOU KHANG: Jisu ringcthaumei tangc ni kapum hei kachang de, katei karou nai de nang kahi tou punide. Jiabnunc rui bumaengh lanani tuna kata hou rei khou ning khuan e tiki kaniu rui kata kahitou lou khatni kamei tujang mei ta hou mei tangc (Luk 24:40-43), kacha de tumei thai e. Zang riakdei tangc Bethany duangtat lana khatni tingkauh ku kanthe (Luk 24:50, 51). Ziap nunc khou tei banchara neitei rui sa e, “Nangniu khou rui tingkauh thangc laa thau kanmei pu Jisu hei, kamei tingkauh tat kanmei ta nangniw howmei hei kumcna, kamei key dat puni.”

8. Baihmei katiu loumei latrian ni phangbo?

Latdiutatmei 3:20, 21 “Khrista ta kameirui ndiu guang puni, kumna ramguayna damc ____ dat maksan kamei tingkauh thangc bam puni.

THAILOU KHANG: Raguangh ta thuan ne, paap gut rap khou rui mankanmei guaitei Raguangh tuang guangdic thanv khou tii lou dat ngam puni. Meiguai na rui kachangmei ramzian tei naina khatkhat ta lumna nkha kari na lung puni. Hei zang rui khou tei abiw adowmei naidat lakkhe. (Isaia 60:18), khatni su kasi karou mei naidat lak khe. Khoutei neihla zanggai mei rui padikna tingsangjang lung bam puni the.

9. Tingkauh kandih khou kandi tuang rianra zaengsimei rui su katuak dat puni dai?

Isaia 65:17 Karaanmei tei ____ amu kani the, lungning khou nganv ningtow bam dat ni tuang ham the.

THAILOU KHANG: Lungning khou ngan ningtow bam dat ni tuang hamthe. Poubauhmei rui mi kandi tuang lung rianramei tei tingkauh thangc thu nthanc mei nunc khou naidat ni tuang hamthe tuna latrian sulou the.

10. Raguangh guangdi kathan khou khat khat lun thai puni dai?

I Korinmei 13:12 Tiki ata thai nthan thiakmei kumcna ai ni ____ nthan thiak puni.

THAILOU KHANG: Aniu khatle khat ta thai nthan thiak puni de, aniu luncha khou rui; aniu ramtat khou rui khatni aniu latsa khou rui. Khat khat ta thai nthan puni tingkauh khou tho. Tingkauh khou thu gairan mei suna kaikhunmei guai guang kariudat puni de.

11. Guangnimei guangdi kathan khou aniu khang lungning thauran mei latrian Raguangh rui baimei sulou mei kiu tabui ta cho?

A. Isaia 35:10 Kaniw neihlana Zion tangc puni, neihlana kaucna suanna tangc puni, kaniw tingsangzaeng ____ bam puni.

B. Kalumlu 16:11 Khatni ____ tingsaeng nai e.

C. Zekariah 8:5 Khou tei chaengdai guay khou ntumei nac ngaanmei nac nunc rui ____ padik bam dat puni.

D. Isaia 40:31 Kaniw pak sini ____ lage, kaniu tat bam sini _____ key zat lakge.

E. Isaiah 40:31 Kaniw tei mouc kauh kumc ____ kupuni.

THAILOU KHANG: Nthan mei guai tei banchara kumc kariukhangsuang katumna samc tat puni. Ramv kaguai na laatou thina (Ndauhloumei 21:7), kaniu kandih bai baimei thangc ni zauh tat bam puni, asan makna tat tangc punide, Baibal thei laina, Raguang rui baimei kandic paap khou keilou mak mei nai e (Job 1:6; Ibrimei 1:2; 11:13)

12. Raguangh rui damthan loumei guangdih ti hei lat rui adi gai cho satangc ngam puni dai?

I Korinmei 2:9“Mikrui how zat kan makmei, nu rui chu zat kan mak mei, ____ rui ni ____ tangc kanmakmei, Raguangh rui kata nzainmei nunc khang chamdanv lou the.”

THAILOU KHANG: Nang anei ntau lunlungc khou suna Raguangh rui kanah nunc khang chamdaanv lou mei hei kakhan tang ngam nitu ham e. Tingkauh ramgai ta balai rui satangc ngam makge khatni lungning rui nic kakhan tangc ngam khang ram the. Kandih khou rianra khaeng bam sini tingkauh tangc pukhou hei guai tei ram saklou nituang hamh e. (Rommei 8:18)

13. Raguangh tuang guangdih kathan khou dailiang mei suan kiu tabui tei cho?

Ndauhloumei 21:3 Raguangh kamei kahak kaniw le bam _____ punithe.

THAILOU KHANG: Lumlou o, khatni pingna dingh o! Kachang chang na Raguangh rui kamei nunc le tuna damthan mei kandih khou lungchamv puni e. Katik kahim tihei sakida dat khang ram khat sini mak khe.

14. Takum mei mansei nunc ta Raguangh tuang tingkauh guangcdi khou tigut lakni tuang cho?

Ndauhloumei 21:27 Tiki ____ makmei gaanv khatna sini gut lakge.

Ndauhloumei 21:7 Rihngam ____ guay mi guay hei laa puni.

THAILOU KHANG: Paapc hei rui su nphuam mei khatsini tingkauh khou tigut dat nituang ham the. Kum timak e thei, tingkauh khou rih tei kahou dat puni tina. (Jaolou o! Tithai nbu loumei kho “Raguangh guangdih” tun)

15. Paapc tihei ai rui takum su nitha?

I Jahon 1:9 Tiki aniu rui aniu paap Raguangh khou kalauh ti thai, Kamei thu kalat suai makmei pu e. Khatni nchummei taanhmei pu e. Kumna kamei rui aniu paap guay kuak lou puni khatni aniu ____ _____ su nthan lou puni.

THAILOU KHANG: Apap kuaklou diu khang Jisu khou ai huai pukhou, kamei rui kuaklou laana su nthanc louna Kanah ti su lou the.

16. kandi panti khou ni, thei thu guangni mei panti khou ni taanh tangc ngam khang Jisu rui takum su o sa bo?

Metthiu 6:33 Tiki ____ ____ khatni katuang ravchaptatmei tei phurey o, kum e thei mi guay hei ni nangniu khang tii puni.

THAILOU KHANG: Hei kum rapna Guangh Solomon ta Raguang rui, “Nang tabui laani bo” tuna sa ti khou, Kamei kakhan reiliang mei thu Raguangh guangcdic khang khatni katuang rachaptatmei tei e. Kumtina suaihiam le kahim daikanmei guanghdic laa tou kan e. Asei hei ni aniu rui Raguangh guanghdic phu rei e thei hei guai hei phang puni de.

NANGTUANG LATDAUH

Raguangh rui kandi khou pat bammei kaguai na hei sinbam de tumei thaina, nang panti tihei kamei rui sindiu khang nang chun mei tha?

MUNDAUH: _________

TITHAI NBUH LOUMEI

Kathai nbuh khang tithai kasuan loumei

Raguangh guangdih

Baibal khou hilou bam e guangdi kanei kagan kathui athungna bammei - Mi kiu thu Raguangh guangdi le Seitan tuang guangdih. Jisu rui Raguangh guangdih tihei kachung khou louna dinc khuan e. Latdyng kathan mei khou Raguangh guanghdi laam hei kabam 100 buc na nai e, khatni Jisu tuang latgiam khou gei thu nai e. Kamei dinc loumei khou rui raguangh tuang guandcdic hei kanei suna khaipat re - Bumaengh khou khatni kaling.

Bumaengh tuang tingkauh guangcdic mei nunc thu kaniu lungsingh khou Seitan rui guangtu bam khuan e. Lunglaimakmei hu khou thu Seitan rui guangh tu bam khuan e Tiki Jisu tuang ngam khatni kuaklou meita laalou rap pukhoubangclou bammei kangriang tei pup the. Hei kumna Paul rui sa khuan e, “Hei zaeng rui, pumh rui kahaw mei tei ti taaanc dat mak khang, paapc ta na nangniw pumc tuang kapouc tisw dat laknina the … Paapcta nangniw tuang kaipouc tisw dat laknina the.” Rommei 6:12, 14. “Tiki ai rui ravsic nunc ta nthau ganhmei hei Raguangh pumtan paan rui e. Mi hei Raguangh guangcdic nangniw khou guang tangc tina the.

Khrista ta mei gaan khat rui laalou rap pukhou kamei hei Raguang bumaengh tuang guancdic mei suthe. Heizang rui Jisu le Baptist Jahon kanei rui taanv tanc kahou rap khou lunglai lathotuna meinunc khou sa e “Raguang guangcdic anah the” Metthiu 3:2; 4:17. ‘Ana the’ mei kabac thu naibam the, laatou nu the tutuang nge ... Heizang rui Jisu kumna sa e, Raguangh guangcdic thu how takhaanh khan na guang nitu hame, khatni “Mikhou hei nai the,” hamh e thei, “Mi thangc tei nai the,” twna sani tu hamh e. Kalam thu, zauclo, Raguangh guangcdic thu nangniw lungc khou nai the.” Luk 17:20, 21. Mei gaankhat rui duilup rap, zingmei seitan tuang guangcdic tei npatlou na gaanmei Raguangh tuang guangdic mei suthe. Khrista thei laitat chang mei thu Raguangh tuang bumaeng guangdic tuang khin nbaan kandi khou diu lou tuang the. Guanghdi baimei akhat khin suna diu lou mei thu kalat bai e, kapheibanc bai e, kataktu sini bai e,khatni katuang chapriak ni bai e. hei tei kumna Khristian mei akhat suna aniu ni Poubauhmei guangdic khin lin mei guai ramguaina khou chariak thai ni na e, tupuni, sasuan puni, puanrai khou ni, khatni kagan sinsumei khou ni, khatni sianduic khouni.

Neikhat thu suaimakna RAGUANGH meinunc guai katuang guangcdic khou mi tuang para kho kathai mei kumna laatou puni. poubauhmei rasuai khou mi guangcdic ti hei kahawna aniu hei kumna kalum e, “nang guanghdi guang kandiu.” Metthiu 6:10. Kachang changna Raguangh guangcdic hei Ndauhloumei 20 khou hilou mei kumna nkham khou suam thau puni.

Ramundinc Phaeng Hou Thanranmei, Lesson 5 ©2022 Amazing Facts International All Rights Reserved