Heizang rui Pharoah kalung puam na Mousi khatni Aaron kanei khou sa “Nang nei rui kaniu taanv khou ti nthak the!” Tatpatmei 5:5 (Ibrimei lat khou zangthak mei ta “Sabbath” tue. Mi kabac kiu thu Sabbath ngaek mei tutuange).

Kalung puam mei guangc tei kaniu ta kabangv khou lou khang taan taanc me thei nu nituang ham the tuna kaniuta taanv titin mei rui kaniu Raguangc ta ti muh khang su khuan the. Kamei rui sa the, “niangtauc kasiamh khang mi nunc khang hei napgou tii dat ritho. Kaniw ta kakhang kakhang ti phu tho. Tiki kahu nungc taanc pat bammei niangtauc zu tei taanc pat nina e, niangtauc akhatna sini tah nuh makge. Kaniw aliauh lana kaniw Raguangc khang khaeng tat ni twna ney bam tudi the.” Tatpatmei 5:7, 8.

Mousi tuang ganv khou kumna, Raguangh rui kamei nunc khang taanv dai taanc lou puni the. Katumna paapc bangc subammei khou rui kanlouna, tingkauh Canaan thangc tat puni the. Kumna Raguangh rui kamei nunc ta Sabbath zangthaek hei ti ningtou dat lana thaek diwkhang taanv subam dat tuang the.

KATHAIMEI

Baibal text guai palana kakak khou hisuk gut tho.

1. Israel mei nac khang dai Sabbath ngaek khang Raguangh rui tii loumei?

Mark 2:27 Kumna Jisu rui kaniiw khou sa the, “Sabbath neic hei ___ khang ___ tuang de, maansei hei Sabbath neic khang damclou tu hamh e”

THAILOU KHANG: Jisu rui Sabbathneic hei maansei khang su lou tuang de, “maansei” samei kabac thu “maanseizat” khang - maansei guai na khang kagan kathui na, kabam kathui na khou lungbam mei khang ta tuang e.

2. Tabui ganv khou rui Raguangh Sabbathneic tii lou tuang?

Thaureymei 2:1, 3 Heikumna tingpuk kandih hei ___ the … Kamei rui zaeng chaneimei tingmik ta tei suaihiamlou the. Mi tingmik tatei nkunmei tingmik swna reipatlou the, kalam thu mi nungc tei damh mei taanv tei luai the kumna taanc nthaek the

THAILOU KHANG: Sabbathneic hei damhmei kanit dak luai puineic rui kasiam lou tuang e.

3. Kanit dak khou tabui tingmik tihei sabbathneic tuna kao bo?

Thaureymei 2:23 Raguanghc kamei rui taanc bammei taanv tei ___ ___ nungc luai the khatni ___ ___ tingmik khou kamei taanc nthaek the. Kumna kamei rui ___ ___ tingmik tatei suaihiami lou the khatni reicpat lou the.

THAILOU KHANG: Thaureymei 2 khou Raguangh rui damhmei kanit dak khat lung khou Sabbath neic hei zaeng chaneimei tingmik tei e tuna luanthum sa lou e. Kamei rui ni “reicpatlou lou e,” mi kabac kiu thu nthanmei tingmik suna sinsu khang e. Raguangh rui khuang ganv 24 hei rui sabbathneic kasiam tuang e, kalam thu riangluai Jisu khou nai thauc khang hei kagaanv lana nzianmei riangluai nai khang de. Diabol, Egypt mei guangc Pharoah kumna Raguangh ta ti ningtou mak khang taanv tic tinv bam tuang e. Kandih luaini mei gaanv khou lungbammei kamei nunc ni taanv tin puni tumei thai de, tiki Raguangh kamei nuncle tuna khatkhat ta thaina bam khang kamei rui khuang gan 24 hei reicpat lou tuang e, kanit dak khat lung khou. Kamei rui nangta ariu khang kagan kanit dak pum reicpat lou tuang e. Kata ariu makna bam rio.

4. Katuang Nthanhmei Sabbathneic hei adih nthuk cho tumei Raguangh rui nchinlou bo?

Tatpatmei 20:8-11 Sabbathneic tei nthanna ___ khang muhriu ... RINGPOUC airui Sabbathneic ta___ the, kumna mi hei sw nthanlou the.

THAILOU KHANG: Tatpatmei 20:8-11 hei Raguangh tuang Kariak Latdan ru lung khou kasing padeiv mei the. Kariak Latdanv ruh pang khou Sabbathneic tingmik tii lou mei hei adih nthuk cho tumei Raguangh rui nchinlou tuang e. Verse 10 rui sa e, “nang Poubauhmei nang Raguangc tuang Sabbath (Nthaekmei tingmik) e.” Riakdanv padei mei khou na de “muh riu” tuna sa lou mei, kalam thu meic nunc rui muh puni tina sa tuang e. Raguangh tuang Kariak Latdan ruh su bakmei tho paapc e. (I Jahon 3:4) Tiki Jisu theihc loumei thu paapc khou rui gulou khang, hei kiu tho Riakdanv subak mei khou rui gulou khang. (Metthiu 1:21)

5. Sabbathneic hei tabui tuang kungmei kanei khou madanv mei e tuna Raguangh rui sa bo?

Tatpatmei 31:17 Mi (Sabbathneic) hei Israelmei lev akak khou tingsaeng naibam nimei tuang the. Kalam thu RINGHPOUC, ai rui zaeng charuk lungc khou tingpuk lev kandih hei ___ ___

Ezekiel 20:12 RINGPOUC, ai rui kaniw ta sw ___ the twmei kaniw ningtowna bam khang, kaniw le latdyng swloumei tuang ningtowmei swna Sabbath ngaek khang kaniw khou ai rui tii lou the.

THAILOU KHANG: Raguangh rui sa e Sabbathneic hei kangam naina damhpou khatni thuakloumeipu e tumei maadanc the. Ndauhloumei 14:6-14, khou kalam kathum dinclou khang tii e” kandih khou lungc bam mei zaatc kathuic, khuang kathuic, lat kathuic khatni guanghdic khou.” verse 6. Reiliang mei chamh hei verse 7 khou nai e, “Raguangh ta ping o khatni kata chakhuang champouh o! Kalam thu kamei rui Latzan sw nimei ganv guang the! Tingpuk kandih, duipui khatni duipuak kai guay damcloumeipu ta kalum o! “Nchumhmei ram kalum khou hanc guang dat tho tuna sabammei hei Kariak Latdanv papdei khou rui e.” ai RINGHPOUC rui zaeng charuk lungc khou kandih, tiingpuk duipui khatni mi guay khou naimei kapwm hei kasiamhna chaneimei nungc nthaek the.” Tatpatmei 20:11

6. Jisu rui tabui tingmik ta nthanna ngaek bo?

Luk 4:16 Mi tangv Jisu kamei daic thaumei kaidai Nazareth khou guangthe. Khoutei kamei ___ ___ sw bammei thei layna, Sabbathneic sinagog ku the. Kumna Nthanmei latriak pah khang kamei ding thau the.

THAILOU KHANG: Jisu hei aniu nzeic nimei the (I Pitar 2:21) ramh kapum na khou, Sabbathneic nthaek nimei ni, kalam thu mi hei katuang chav sumei the. Chav swmei hei thu taanc tan tan bammei tei e. Khristian mei guay thu kamei tatc kumna tat nina e (I Jahon 2:6)

7. Sabbathneic lam khou Paul tuang kachav thu tabui tha?

Latdiutatmei 17:2 Paul Katuang ___ ___ thei layna sinagog ku khuan e. khoutei kamei Sabbath dak kathumh meic nunc lev Nthanmei Latrik khourui kathai cham bam khuan e.

Latdiutatmei 18:4 Kamei ___ ___,sinagog khou kariuna Jihudimei ta ni Grikmei ta ni tikwm louthe.

THAILOU KHANG: Paul tuang kacha sumei thu kanit dak tuang chaneimei nungc Sabbath ngaek mei the.

8. Apostle nunc ni Gentile mei nunc ta Sabbathneic kalum chamvdai?

Latdiutatmei 13:42 Jihudimei nunc sinagog khou rui tatpat kan pu khou ___ nunc rui guang dat mei ___ ni mi lam khou tei rac loudat ro twna kaney khou sa the.

THAILOU KHANG: Baimei ganv akhat khou ni, kaidai khou sinagog mak tina sabbathneic, ziabnunc lev Gentil mei pui nunc duibaek thangc kkariuna kalum cham tat khuan e.

9. Jisu rui meic nunc paap khang theihlou mei tangc sini Sabbath ngaek diu khang salou bo?

Methew 24:20 Tingsei khou hamh e thei ___ pak mak khang huay o.

THAILOU KHANG: Jisu rui AD 70 (tingkum 40 dau tang) khou Jerusalem sutuai keinimei laam huthuina kadilou tuang e. Kume tiki Sabbathnei rihkei mak khang huaynei o tuna salou tuange e. Khou rui thanc thiakna thai e kamei theih mei tangc sini Sabbath nthan na ngaek na bam diu khang e tumei!

10. Kandi luaini mei ganc khou lungbammei Raguangh mei nunc zaeng chanei tingmik sabbatheic hei nthanna ngaek puni tumei Baibal khou dinclou bo?

Ndauhloumei 12:17 Khou tei, mi thaanngangc tei mi pui (Phuamling) ta tei kalung puamc the, kumna mi pui nac guay, Raguangc tuang ___ guay ____ khatni Jisu rui dincloumei nchumhmei lat tei ntip na sinbammei guay ta adow khang pat the.

Ndauhlouomei 14:12 Mi khou hei, Raguangc latdan guay ___ bammei khatni Jisu khou lum nuhmei sw bammei nthanmei guay khaeng thay khang kage nai e.

Ndauhloumei 22:14 Latdanv guay ___ bammei nunc tei sangaimei nunc e. Kaniw ringhmei thingbang thai tei tu puni khatni raengmun guay khou tei rui mi kaidai khou gut puni.

THAILOU KHANG: Karuh khou Nthanmei Latrik khou rui tithai lou e, Raguangh tuang phuamling kandi luai ni mei ganv khou bammei hei Raguangh tuang kariak Latdanv guay piu puni, hei kiu thu Riakdan padei khou naimei Sabbath tani ngaek puni.

11. Guloumei latauh mei guay tingkauh kandi khou Sabbathneic ngaek puni dai?

Isaiah 66:22, 23 kandih kathanv khatni tingpuk kathanc tei angamv paan rui nai bam ngam nimei kumcna nangniw kikta khatni nangniw zanc nai bam ngam puni. Bw thanh Ngai kathuic khatni Sabbathneic kathuic ___ ___ rui ata guang kalum puni,” twna RINGHPOUC rui sa e.

THAILOU KHANG: Baibal rui sa e, Raguangh rui thuakloumei kaguay narui damcthan mei tingpuk kandih khou meic guay na rui Raguangh tuang Sabbathneic ngaek chamv puni.

12. Ntau kanit dak tuang chaneimei tiingmik tingkuneic hei Jisu rui nthanna ngaek lou duhmei sabbathmeic tei lev ncham dai?

Luk 23:54-24:1 Heitei sabbathneic khang chamdanv mei tingmik khwane. (Friday) khatni Sabbathneic tei na guang the. khou tei kaniw tat dat lana, Jisu pumc khou teylou khang namh gaymei marui khatni thauh chamdaanv the. Riakdanv they laina ___ thu kaniw ___ the. Neidak tuang ___ nungc, kaniw tarou thangc tat the.

THAILOU KHANG: JISU TA KACHAEKNEIC (CHAMDAANMEI TIINGMIK Friday) kros khou thaengluai the sabbathneic, guangc mak mei hukhou (Mark 15:42) Kariak Latdanv thei laina Jisu sabbathneic tarou khou zaeng thaek bam the (Luk 23:56), kumna sabbathneic luai pukhou thaureymei tingmik khou (Sunday) Jisu ringcthau dat the (Mark 16:1-6). Khristian mei guay rui Jisu ringc thau mei tingmik ti hei “Easter Sunday” tuna ngaibam e. Baibal khou thanthiakna hilou bam e sabbathneic hei kachaekneic (Friday) tangc khatni neicneiv (Sunday) hukhou e. Calendar khou zauh e thei kanit dak tuang tingmik tei chala lapnav thei puni. (tithai nbu loumei bam khou zauhlou o. “Dictionary rui tukum sabo” khatni Calendar hei kalai mak puna cho?” tumei tun)

13. Raguangh rui katuang Nthanmei Tingmik kalai khang nu lou dai?

Latkudyn 30:5, 6 Raguang latkaeng kaguay hei nthanc e; ... Raguangh lat khou tei ___ ___.Kamei rui nang ta mphut puni khatni nang hei saramh mei e twmei lyanlou puni.

THAILOU KHANG: Riakdanvkaluaimei 5 khou salou kumna raguangh rui kariak latdanv ruh timak hu khou kamei rui kumsa khuan e. gankhatna sini kalatdanv khou “haplou” numakge, lani “laaganc” numak ge (Riaklatdankaluaimei 4:2). Tiki Kamei tiiloumei guay tei piuchui nina e. Raguangh rui sabbathneic ta suaihiamlou e (Tatpatmei 20:11), khatni Kamei rui suaihiamlou mei tei tingsaengzaeng khang e (I Kinchak 17:27). Raguangh rui sa e, “ A latdyng ai subak ni tuang hamh e , khatni amuangh khou rui pat kanmei lat kalai nituang hamh e”(Kalumlu 89:34). Zaic nbiang mei nunc rui Raguangh tuang Nthanmei Sabbathneic ta Neicneih (Sunday) khou ti kalai loutuang the tuna sa e. Kum e tiki Raguangrui aniuta zailou khang Baibal tilou the, maanseic tuangc ning rui dinc bammei ta Raguangh laa makge.

14. Sabbatheneic hei takum meiganv kho kahouna luai loudat bo?

Levithauc 23:32 Neih ___ rapkhoou rui neih ___ nganvna zaeng nthaekcmei tingmik suna ngaek nina e.

Mark 1:32 Neih keyna ___ key ___

THAILOU KHANG: Sabbathneic hei Kachakneic (Friday) neih key mei khou rui thauhna Tingkuhneic (Saturday) neih key mei nganv the.

15. Ndauhloumei 1:10 khou Poubauhmei Tingmik hei tabui neic ta cho?

Tatpatmei 20:10 tiki chaneimei tingmik tei thu nang ___ nang raguangh tuang sabbathneic e.

Isaia 58:13 Nangniw rui Sabbathneic ti hei nthanmei su ethei, atuang ___ ___ khou nang khang gaeng khang karamh makge thei,

Mark 2:28 “Hei zaeng rui, Meic Nac Mpouh hei ___ tuang Kaipou ni e.”

THAILOU KHANG: Latdyng guangc khat Latdyng kathanmei khou Sabbathneic ti hei Raguangh rui atuang Nthanmei tingmik tuna kauh e. Kamei rui ni Sabbathneic ta meic nunc rui nic bin na paapc sumac khang latdanv tii e. (Isaiah 58:1, 13). Raguangh rui katuang Nthanmei Sabbathneic ti hei maansei guay khang ti tuang e tuna sa e. (Isaiah 56:2-7). Baibal rui tabui nungc nac sinih Neicnei (Sunday) ti hei Poubauhmei tingmik tuna sa makge. Mi tingmik hei thu kanitdak khou taanv taanc pui tingmik akhat de. (Ezekiel 46:1). hei kumna guang tuang de rey khou rui.

16. Sabbathneic tuang latdanv rui tabui suaihiam latrian sulou bo?

Metthiu 11:28 “Taanv ranvna khatni puat nritmei phungcna lakmeithiu, nangniw akhou guang 0, ai rui nangniw ta ___ puni.”

Tatpatmei 33:14 Ai ___ tat nchamc punithe khatni zaeng tii nthaek lou puni.

Ibrimei 4:5 Kaniw rui atuang ___ neic khou gut e thei. KJV

THAILOU KHANG: Kariak Latdanv ruh khou naimei guay hei bumaengh panti khou kabac nai ngam de. Khristian mei gansak rui thu hiloumei tana zaucna bumaengh tuang kabac tei thai mak mei nai e. Jisu rui thu hei guai hei lou chanah sinsu o tu e. (Metthiu 5:21, 22, 27, 28) Baibal rui thu “zaeng nthaekmei” tumei hei kathak thak khou zaikan loumei (salvation) khou ni sinsu e. Ibrimei 4:1, 4, 9, 10 khou sa e, thau puni kachang na kalai mei khou duang loumei nunc tei zaeng nthakmei phang the khatni Khrista khou bammei nunc tho chaneimei tingmik Sabbathneic hei ngaek puni hei rui Khristian mei rui zaeng nthakni mei tuang tii lianlou tuang e.

NANGLAT DAUH

Kalam thu Jisu hei damclou khang khatni suthanlou khang kangam nai e tumei madaanc hei Sabbathneic tii lou mei hei the. Nang ni katuang Nthanmei Tingmik suaihiam laa tau khang Kata champoumei suna ngaek ni tha?

MUNDAUH: _____

TITHAI MBUH LOU MEI

Kathai nbuh khang tithai kasuan loumei.

Dictionary rui samei

Khou hiloumei guay hei dictionary kho zauclou o. khatni nang tabui phang puni cho!

Tingkuhneic (Saturday) –(noun) Chanei mei khatni kanitdak khamliangmei tingmik.

Chaneicmei tingmik (adjective) Zaeng chaneicmei tingmik (Tingkuhneic-Saturday) Neihneic (Sunday-noun) Kanitdak tuang thaureimei tingmik.

Thaureimei tingmik (noun) Neihneic (Sunday)

Calendar kalai tuang rammak dai?

Calendar hei October 1582 kum kalai guat re, tiki kanit dak tuang tingmik thu kalaimak ge. Zaeng ru October 4, 1582 khou laaganc kane October 5 Kachaekneic (Friday) nimei tei October 15 Kachaekneic (Friday) guan kanthe. Kabang khou hilou mei rui kalaimei tei takum bo tumei houthan puni. Kanit dak tuang tingmik hei thu kalai zat makge.

OCTOBER 1582

Sun.	Mon.	Tue.	Wed.	Thu.	Fri.	Sat.
	1	2	3	4	15	16
17	18	19	20	21	22	23
24	25	26	27	28	29	30
31

Ramundinc Phaeng Hou Thanranmei, Lesson 8 ©2022 Amazing Facts International All Rights Reserved