Noa iạtege Probhu do Israel hoṛ kõe hukumat’ko tahẽna eaeak’ serma do onam aṛak’ak’a ar khilgem tahek’ ocoak’a (Exodus 23:10, 11). Onka lekhan ot do ac’ak’ gune ńam ruạṛa ar phosole hũe ocoya jemon reṅgec’ oṛec’ko do ona reak’ko jom. Menkhan aema Isor ren hoṛko do noa ạn ko nihạteda se ona hukum bako batao leda. Khange botoran bicạr reak’ din do hec’ena. Babel ren raj Nebukadnesar do Jihuda teye hec’ena ar okoe kodo uniko birudkedea onko do ko goc’ocona. Eṭak’ ko do Babel reak’ sona nagraha teko idi ocoena. Onako oktere Israel disom do hape hapete nosṭoyena, “ot do Sabbath jirạu ạuri ńam hạbic’. Tin hạbic’ jarkhar tahen on hạbic’ ona do jirạu dine manaokeda.” 2 Biboron 36:21. Eae gel serma mucạt’en khan, sarec’ko do kanan disomteko ruạṛena cas abatok’ lạgit’ ar Jerusalem nagraha benao aroe lạgit’.

Nit khon 6 hajar bochor hạbic’ Jisu do bhage sombat’ reak’ itại er aguakada. Bạibele meneda je “Probhu ṭhen mit’dinge hajar bocor baraggea.” 2 Patras 3:8. Ạḍi usạrage Jisu raj doe ruạṛ hijuk’a dhạrtire irok’ lạgit’. Adom ko uni hijuk’ reak’ rat teko gujuk’a, ar sarec’ko do ac’ak’ sona disom teko idi ocok’a. Enḍe khan noa lanġa akan dhạrti mit’ hajar bochor jirạuk’ mãhãe manawa. Mit’ṭen sunsan khạnḍ huyuk’a, mit’ṭen ot bạnuk’an ghaḍlak’, okaredo soetane tol ocok’a ona hajar bochor ạuri purạok’ hạbic’- ona do nawa dhạrti etohobok’ reak’ somoe.

PAṚHAO

Mimit’ Bạibel kạliko paṛhao tayom khạli ṭhạiko perejpe.

1. Cet’ ghoṭnako do hajar bochor etohop reak’ cinhạ kana?

1 Thessalonikio 4:16 cedak’je _______ ac’ge hukum-ḍakate, ar mukhiạ serma dut reak’ aṛaṅate, … Ar Mạsire goc’koge pạhilte doko _______ _______.

Johan Then Sodorak 20:4, 5 Onko do ko jiwet’ena, ar Mạsi tuluc’ mit’ _______ bochorko rajena. Ar goc’ hoṛko modre sarec’ko do bako jiwet’lena, ona mit’ hajar bochor ạuri purạuk’ hạbic’. Noage _______ jiwet’ beret’ do.

Dhean: Johan Then Sodorak 20 reak’ hajar bochor do ko metak’a Millinium. Ona katha “Millennium” do leṭin bhasate barea katha kana “Milli,” mane “mit’bochor,” ar “Annum,” mane “bochor.” Jisuak’ dosar hijuk’ ar dhorom koak’ jiwet’ beredok’ do hajar bochor reak’ etohop kana. Sanam piṛhikoren sonot ko do (6 yak’ kạlire menet’leka “Bhạgan ar Sonot geako”) Pạhil Jiwet’ beredok’re ko beredok’a.

2. Ar cet’ko huyuk’a ona pạhil jiwet’ beredok’re?

1 Korinthiko 15:51, 52 Sanamko do babon jạpida, menkhan sanamkogebon _______, tuṅghuṛite, mit’ ripit’tege, ses siṅga saḍetege, ente siṅga saḍek’a, ar goc’ko do bin seageko jiwet’ beret’ ocok’a, ar abo dobo pheraok’a.

Philipiko 3:21 Uni do aboak’ nindhạn hoṛmoe pheraotabona, ac’ak’ _______ reak’ hoṛmo tuluc’ muṭhạn midok’ lạgit’, ona daṛe lekate, okaṭak’te sanamak’ko ac’ gobol hõe gobol daṛeak’.

2 Thessalonikiko 2:8 Ar unrege beạiniyic’ doe sodorok’a, one uni Probhu Jisu do ac’ak’ moca reak’ sahet’teye mạutạye ar ac’ak’ seṭerok’ reak’ sodorok’ teye _______ utạre.

Johan Then Sodorak 16:18, 20, 21 Un maraṅak’ tahẽkana _______ _______ do. Ar mit’ ke mit’ ṭạpu do ńir pharakena, ar buruko do baṅ ńamlena. Ar mimit’ mon ganhamal lạṭu _______ serma khon hoṛkore ńũrena; ar hoṛko do Isorko henostawadea arel reak’ duk iạte, ente ona reak’ duk do maraṅgea, ạḍitet’ge.

Johan Then Sodorak 20:1, 2 Khan mit’ten dut … ar uni bińe sap’kedea, uni mare bińge, one uni do Diạbol are Soetan kan, ar mit’ hajar bochor lạgit’e _______.

Dhean: Turui nombor sakam re hajar bocor reak’ chapa ńelpe ghoṭna ko reak’ babote bujhạo lạgit’ oka do hajar bochor etohop re huyuk’a.

3. Okoeko do dosar hijuk’re ko jiwet’ bered ocok’a, ar noa do tinre huyuk’a?

Johan 5:28, 29 Noate alope hahaṛak’a, ente okte hijuk’kana one unre koborre menak’ko jotoge uniak’ aṛaṅko ańjom. Arko odok hijuk’a, bhageak’ko kạmiakat’ hoṛ do jion reak’ beret’ ruạṛok’te, ar _______ kạmiakat’ hoṛ do _______ reak’ beret’ ruạṛok’tege.

Johan Then Sodorak 20:5 Ar goc’ _______ modre sarec’ko do bako jiwet’lena, ona mit’ hajar bochor ạuri purạuk’ hạbic’. Noage pạhil jiwet’ beret’ do.

Dhean: Dusṭạmiko do hajar bochor reak’ mucạt’re ko jiwet’ beret’ ocok’a.

4. Hajar bochor oktere dhaṛti reak’ obosta do cet’ leka tahẽna?

Jesaea 24:1 Ńelpe, probhu do dhạrtiye _______ are ujạṛeda.

Jirimia 4:23-26 Pirthimiń beṅget’ada, ar ńelme, ona do ạlmạl ar _______, Ar sermako sec’ iń beṅget’keda, ar onakore do marsalge bạnuk’a. Buruko sec’ iń beṅget’keda, ar ńelme, onako do daldalaok’kana, … ar ńelme, cele manwa hõ bạnuk’koa, ar sanam cẽṛẽko doko dạṛakada … ar ńelme, joanak’ _______ do hahaṅkar hõeakana, ar ona reak’ sanam nagrahako do rạput’ dhaṅ dhaserakana probhu samaṅre, uniak’ jaljalaok’kan edre samaṅrege.

Jirimia 25:33 Ar enhilok’ probhu hotete _______ do pirthimi reak’ mit’ munucạt’ khon eṭak’ munucạt’ hạbic’ko biliạ bitic’kok’a. Onko do bako homorakoa, bako jarwakoa ar bako _______; onko do ot cetanre guric’ mande lekako tahena.

Dhean: Pirthimi do tahas nahas utarok’a dhạrti laṛao ar arel reak’ dhiri kote Jisuak’ dosar hijuk’re. Pirthimi do ekal ńutre bạgiyak’a. Goc’ hoṛ ko pirthimire ko ńurkok’a onko do bako homorakoa, Cedak’ je okoe ge jiwet’ bako tahena. Joto dhorom hoṛ ko do serma re ko tahẽna ar sanam dusṭạmiko do pirthimire goc’ge ko tahẽna. (Bodol te ńel tabonpe “Athan kunḍ.”)

5. Sonot ko do hajar bocho oktere okare ko tahena, ar cet’ ko cet’kaea?

Johan 14:3 Iń ruạṛ hijuk’a, ar iń ṭhen iń ataṅ idipea, jemon _______ _______ _______, apehõ ondepe tahen.

Johan Then Sodorak 20:4 Ar siṅghạsonkoń ńelkeda, ar onakoreko duṛupena, ar onko do _______ reak’ emat’koa. … Onko doko jiwet’ena, ar Mạsi tuluc’ mit’ hajar bochorko rajena.

1 Korinthiko 6:2, 3 Se bape baḍae _______ do dhạrtirenkoko bicạrkoa mente? … Bape baḍaea abo do dutkobon bicạrkoa mente?

Dhean: Hajar bochor oktere sonotko do semare ko tahẽna, bicạrre ko seledok’a. Unko bako niṭa Okoye bańcaok’a ar okoeko doko nosṭok’a, cedak’ je Isor do onae niṭ ṭhik’akada. Unko do eken Isorak’ bicạr ko ńel niṭa. “ente amak’ dhorom kạmikoge sodorakana.” Johan Then Sodorak 15:4. Dusṭạmi koak’ sạjại do Probhuak’ niṭ lekatege hõeakana, ar dhoroman ko lạgit’ kuṛại (Johan Then Sodorak 22:11, 12). Noa bicạr reak’ mucạt’ do dhorom hoṛ koak’ lab lạgit’ge. Nạmuna lekate, Hudisme je am do sermarem seterakana menkhan amren dulạṛic’ Pasṭor do onḍe bạnua-menkhan am baḍae khuniạhi do onḍe menaea! Khan am do jạruṛge onareak’ biboron jạruṛama. Digdhạ cabae lạgit’ dutko ạk’yurbona ona olak’ puthi uduk’abon lạgit’. Bicạr reak’ mucạt’ ghuṛire, sanam hoṛko aṅgoc’a je Isorak’ bicạr do bhageak’ ar dulạṛak’gea ar okoe sek’hõ Uni do bae ghańjeṛoka’ mente. Unko ko mena, “Ente sạri ar dhoromgea uniak’ bicạr do.” Johan Then Sodorak 19:2. (Bodol te ńelpe “1000 bochor reak’ chapa.”)

6. 1,000 bochor, mucạt’re do cet’ huyuk’a?

Sekaria 14:1, 4, 5, 9 Ńelme probhu reak’ din do seṭerok’ kana, … Enhilok’ uni do _______ dare _______ teṅgona, one ona Jerusalem mohnḍa muhnḍi purub sec’re menak’ ar jạitun dare buru do purub pạchimte bar _______ , … khan probhu ińren Isor doe hijuk’a, ar uni soṅgete sanam sonot hoṛkoge. … probhu do goṭa pirthimi cetanreye rajok’a, enhiliok.

Johan Then Sodorak 21:2 Ar iń, Johan, ńelkidań sonot nagraha, nawa Jerusalem do _______ khon Isor ṭhen khon _______ hijuk’kan iń ńelkeda, ac’ren jãwãe lạgit’ sajaoakade bạhu kuṛi leka sapṛaoakan.

Dhean: 1000 bochor, mucạt’re do, nawa Jirusalem ar ona soate dhorom hoṛko ko ãṛgo hijuk’a ar Jạitun burure ko ãṛgona. Isor do buru koe lạnduṛ somana ar onare maraṅ soman jaega okare do ona nagraha hijuk’a.

7. Soetan do cet’e cekaea tinre uniye aṛak’ ocok’a?

Johan Then Sodorak 20:5, 7 Ar _______ hoṛko modre sarec’ko do bako jiwet’lena, ona mit’ hajar bochor ạuri purạuk’ hạbic’. … Ar onako mit’ hajar bochor purạulen khan, Soetan do ac’ak’ hajot khone _______ ocok’a.

Dhean: Dusṭạmi ko jiwet’ beredok’ tayom, soetan do ar mit’ dome aṛak’ ocok’a unko bulạu ar eṛe ko lạgit’.

8. Soetan do cet’e cekaea tinre dusṭạmikoko jiwet’ beret’ ocok’a?

Johan Then Sodorak 20:8, 9 Are oḍok hijuk’a dhạrti reak’ ponon konḍre menak’ko jạt jạtrenko, Gog ar Magog, _______ ar lạṛhại lạgit’ jarwakoa mente; onkoak’ lekha do jalapuri reak’ gitil leka kana. Ar onko do dhạrtireko pasnao rakap’ena, ar sonot hoṛko reak’ ḍera ar dulạṛiạ nagrahako _______; ar seṅgel do serma khon ãṛgoyente onkoe jom maraoket’koa.

Dhean: Soetan do hoṛe bulạukoa are pạtiạu ocok’oa je uni do beạini khạtirte serma khone ńurhạ ocolena ar jemon unko mit’te ona nagraha ko lạṛhại ar ko jitạujoṅa. Noa baḍaekatek’ je unko do ona nagraha khon ko oḍoṅ barhe ocoakanako, dusṭạmiko do ona nawa Jerusalem lạṛhại jitạu lạgit’ko kurumuṭuea.

9. Noa bises oktere do, sanamak’ ko cet’e thira?

Johan Then Sodorak 20:11, 12 Ar mit’ṭec’ maraṅ _______ _______ iń ńelkeda ar onare duṛup’ akanic’; … Ar goc’ko do onako puthire olakanak’ koteko _______ ocoyena akoak’ kạmiko lekage.

Dhean: Isorak’ siṅghạson do achkage sermare siṅghạson cetanre ńelok’a, ar mucạt’ bicạr do ehobok’a. Ar nonkate Isorak’ nagraha lạṛại do thirena. Puthiko do oṭak’goa, ar mimit’ hoṛak’ jion reak’ bicạr do naksaleka ńelok’a onko samaṅre. Sanamak’ge jhijok’a dusṭạmiko lạgit’ ar dhoromko hõ ko (Luke 12:2, 3).

10. Dusṭạmikoak’ bicạr tayom do cet’ huyuk’a?

Romiko 14:11 Cedak’je olakana, Ińiń jiwet’ gete, Probhui meneda, _______ gunṭhi iń samaṅre _______, Ar mit’ ke mit’ alaṅ do Isore sarhaoea.

Philipiko 2:10, 11 Jemon Jisu ńutumte sermarenko reak’ ar dhạrtirenko reak’ ar ot latarrenko reak’ mit’ ke mit’ gunṭhi ikṛumok’, ar mit’ ke mit’ alaṅko _______ Isor Babawak’ ṭhonok’ lạgit’ Jisu Mạsige Probhu kanae mente.

Johan Then Sodorak 19:1, 2 Onako tayom do sermare ạḍi gadel hoṛko reak’ ãṭ aṛaṅ lekanak’ nonka roroṛkan iń ańjomkeda, … ente sạri ar _______ uniak’ _______ do.

Dhean: Sanam dusṭạmikoko aṅgoc’joṅa je Isor Baba do mońj ar niạic’geye tahẽkana ar Uni do ạḍi ãṭe kurumuṭuleda unko bańcaoko lạgit’, menkhan unko do baḍae tuluc’ko baṅkedea ar nijak’ jion kạire ko khemaokeda. Noa sanamko aṅgoc’ tayom, kại reak’ birud do jaejug hạbic’ meṭak’a ar kạkạikanko nosṭoko do bhageak’ge huyuk’a.

11. Ona tayom cet’ huyuk’a?

Johan Then Sodorak 20:9 _______ do serma khon ãṛgoyente onkoe jom _______ koa.

Johan Then Sodorak 20:15 Ar jãhãege ona jion reak’ puthire olakan bae ńamlen, uni do seṅgel _______ khadle ocoyena.

Dhean: Isorak’ seṅgel dusṭạmiko cetanre ńuruk’a ar Isroak’ nagraha beṛhaete seṅgel reak’ doreãon huyuk’a. Noa seṅgel do unkoe toroc’ utạrkoa (Malaki 4:3). Noa seṅgel cetanre do soetanak’ cet’ hõ ektiạri baṅ tahẽna, oka do norok’ko metak’kan. Menkhan, uni ar ac’ren dutko hõ ona seṅgelre ko rapak’ toroc’ utạrok’ako (Johan Then Sodorak 20:10; Jeheskel 28:18). Noa seṅgel khon do jiwet’ beredok’ do bạnuk’a, oka do dosar gujuk’ko metak’kana (Johan Then Sodorak 20:14).

12. Seṅgel ĩṛĩjok’ tayom, Isor do ac’ren hoṛko lạgit’ cet’e cekaea?

Jesaea 65:17 Ente ńelpe, _______ sermako ar nãwã pirthimiń sirjạueda.

2 Patras 3:13 Menkhan uniak’ gok’ak’ lekate dhạrtigebo ńel horeda, one onare do _______ thamgạḍi akan tahen.

Dhean: Babel reak’ gobol 70 bochor mucạt’re, Israel ren gidrạko do gopok’ doholen disomte ko ruạṛen ar ona nagrahako benao arokeda. Hajar bochor tayom, Dhorom hoṛkoko gohaeako je Jisu do nãwã serma ar nãwã ote benaokeda, okare do kại ar do baṅ rakabok’a (Nahum 1:9). Parades oka do Adam ar Hawakin ak’let’ kạilet’ iạte ona do ńam ruạṛok’a Eden reak’ ṭhonok’lekage. Suluk, rạska, dulạṛ, jaejug rạska do Isoren hoṛko saote jaoge tahẽna!

13. Sesre Isor ar dhorom hoṛko do okare ko tahẽna?

Johan Then Sodorak 21:3 Ar siṅghạson khon ãṭ aṛaṅ nonka roroṛkan iń ańjomkeda, Ńelme, Isor reak’ chạuni do manwako ṭhen menak’a, ar _______ do _______ _______ chạunik’a, ar onko do uniren porjakoko hoyok’a.

Mathae 5:5 Mạhĩrkogeko bhạgana, ente onko do _______ ạidạrijoṅa.

Dhean: Baba Isor ar Hopon akoren dhorom hoṛko saote nãwã pirthimire ko tahẽna. Noa hudislegae tabonpe-Isor do aboren aḍepaserene huyuk’a!

Amak’ Roṛ Ruạṛ

Jisui meneda, “Ṭhại tearape lạgit’ iń calak’kana.” Johan 14:2. Ape lạgit’ tahẽn ṭhại menak’a ona sonot nagrahare. Cet’ nit’ amem ańgoc’ak’ nãwã janamok’ jion reak’ dan oka do uni ame emam kana are sapṛaomea ona raj lạgit’?

Jobab: __________

Bodolte

Noa paṛhao do lahaseak’ paṛhak’ lạgit’ baḍae emok kana
Hajar bocho reak’ naksa

Mit’ṭen athan kunḍ
“Athan kunḍ” do hec’akan Johan Then Sodorak 20:1 khon do ạḍi somoe ona do bhulgeko bujhạuwa. Noa do Greek katha khon torjomawakana “Abusos,” mul iṅgraji kathate do “Abyss.” Mare niạm reak’ Greek re, noa kahta do jahanak’ muṭhạn bạnuk’a mente sodret’kan tahẽna, dhạrti sirjon lahare cet’leka ńutge tahẽkan onka. “Ar ot do ạlmạl ar sunge tahẽkana; ar ńut do athanthar cetanre tahẽkana.” Genesis 1:2. “Abusos” katha do Luke 8:31 re hõ beoharakana okare do dutko okoe hõ bako bulạu daṛeakoa.
Noa hajar bochor oktere, soetan do aemalekanak’koteye tol ocok’a, “Jemon jạt jạtrenko ar do aloe bulạuko.” Johan Then Sodorak 20:3. Sạriak’ tonolte sonotko do bam tol daṛeakoa. Eken mit’ṭen jinis ge manwa bulạukhon sạṅgińkedea, ar ona do unire okoe hõ jiwet’ bako tahẽkana! Tinre Jisui
hijuk’a sanam dusṭạmiko do nosṭo ocok’a ar dhorom hoṛko do sermateko idi ochok’a, khan soetan ar uniṛen dutko do noa dhạrtireko tahẽna ar okoe hõ biḍạuko lạgit’ bako tahẽna. Unko do hajar bochor noa dhạrtire ko dãṛã baṛaea akoak; birud kạmi reak’ kuṛạikoko ńela. Jahan baber do baṅ tahẽna
jhạliko lạgit’. Nonkage soetan ar ac’ren dutkoko tol ocok’a. “Onko do mit’ṭhenko jarwa ocok’a, khandṛaṅre kạidạuakanako lekako jarwa ocok’a, kạd oṛak’reko kabhaṛ ocok’a, ar ạḍi din tayomko sajại ocok’a.” Jesaea 24:22.
Panorama of Prophecy, Lesson 14 ©2022 Amazing Facts International All Rights Reserved