Ajonakei dinga, hiche khopi chonsetna leh thenmona jeh a hi Pathenin suhmang ding ati ahitai, ahinlah amsapenin Sodom khoa Pathein vantil ni asol masa in lot leh a-insung mite ho ahuhdohsah e.

Sodom alut masanglhonin, hiche vantil ni chu milham mai mai lim umchan atholhon e. Khopi kelkot ahinkallhah hona ahileh Lot in jong amateni chu akitopi in, jan tengleh khopi hi migilou dim jengji ahijeh chun Lot in hiche miteni chu ama inna lhung dingin alholhon tai. Ahivangin migilou hon ahin hedoh un hiche nilhah tah chun Lot inn chu ahin umkimvel un kholjin mini chu neipedoh uvin keihon amani chu numei bola kabol diu ahiye tin Lot henga athum tauve. Lot in jong mipi kiphin hochu atingjou tapoi. Migilou kititkhom hochu alung hang cheh cheh uvin, Lot kisen jong ahin gih pantauve! Hichepettah chun vantil tenin ahinalhon chu aseljoulhon tapoi. Gangchal in Lot chu insunga akailut loilhonin kotbenga um mipi ho chu amit-u achotsah lhon tai.

Ajing jingkah jingpitah in, Vantil chun Lot leh a-insung mite henga aseitai, “Hiche muna konin jamdoh tauvin! Chuleh hung kinung heikit hih un ... molsang chung lang del loiyun, chutilouleh nangho jong namanthah khah diu ahi.” Semtilbu 19:17. “Hichun Pathenin soddom leh Gomorrah khopi chunga mei leh kath gojuh bang in ajuhlhah sah tai.” Semtilbu 19:24. Lot toh achanu jinei nailou teni chu asohchauve, ajeh chu ajinu jong soddom lhangaiya agah kinung heikit a ahileh adinna muna chun chi-song akisohtai. Ninunglam teng jongle Pathen thu in hitin aseiye, leiset jonghi soddom khopi tobang chu hiding ahitan –chuleh gotna jong soddom kigotna chu chang kit ding ahi ati.

SIM DING

Bible hohi sim cheh inlang a onglai sudim in.

1. Michonsete kisuhmang ding dan vetsahna dia ipi khopi ni chu anakisumang ham?

2 Peter 2:6 Chule __________ le __________ khopi ni vutvai asosah a chu Pathen ngaisah louho chunga itobang ahung chuh ding vetkahsahna a asema themmo achan a asuhmang jeng ahi;

NOTE: Pathenin hiche khopi hochu tonsot meikonga asuhmang ahi –hiche meikong mama chu michonse ho kisuhmangna ding chu ahi.

2. Migiloute chu itih tengleh meidil a kisumang ding hiuvam?

2 Peter 2:9 Pakai chun Pathen ngaisah ho chu lhepna a kona huhdoh je ahen chonphalou ho __________ kitan ni kahsea dinga talen matsah a koije ahei;

John 12:48 Koi hijongle eidei louva kathu jong jop lou chu athutan a khat aum nai; kathusei chu hiche chun __________ ni leh athu atan ding ahi;

Matthew 13:40-42 Hijeh a chu changlhem chengse achop khomuva meiya ago banguva chu vannoi __________ __________ ni jong le chuti ding ahi. Mihem Chapan Avantil te sol’in tin chule amahon gamsunga konin kisuhmona chengse le akhang giloute jouse chomkhomun tin. lhum sunga aselut dingu ahi; hikoma chu ka le hagel um ding ahi.

NOTE: Achunga kiseiho banga hi, Bible in ninung leiset kichai nia thutan nikho tengleh migiloute chu meiya selut hiding ahiuve tin kichentah in aseiye. Hiche chu ahialeh tupet a hi meidil a koimacha umnailou tina ahi. Thutan nileh ama ama chungthu kitan chaiteng gotna kipeding chu adihjon ahi. Jesu ahungkit tengleh mihemte hi kipaman sang leh gotna chang ding um ahi, hiche masanga chu koima chungthu kitan lhanailou ahi (Thuphon 22:12).

3. Ahileh migilou athisa hochu meidil a aum nailouva ahileh, hoiyaba um’u ham?

John 5:28, 29 Hiche hi datmo hih-un; ijeh-inem itile phat ahung lhunge, hichea chu __________ __________ a um ho jousen o ajah dingu, chule hungdoh ding ahiuve; thilpha bolte ho chengse hinna a thoudoh kit ding, chule thilphalou bolte ho chengse themmo changa thoudoh ding ahiuve.

Job 21:30, 32 Migiloupa chu hamset nin akihing hoi-yin, Pathen lungsat nin jong akihuhdoh-e, atiu chu? Ama chu __________ lama akiput tengleh, Mihon __________ angah jiuvin ahi.

NOTE: Michonse athi tasa jouse hi lhankhuh a kichol ahiuvin leiset kichai nikho thokitni jingkah geiya thoudoh lou ahiuve. Jesu in ahinkou tengle bou a-awgin ajah dingu lhankhuh sunga kona hung thou doh ding ahiuve, meidil akona hungdoh ding ahipouve.

4. Chonset man chu ipi hiya chuleh ipi gotna chang ding ham?

Rome Mite 6:23 Ijeh ham itile chonset man __________ ahi, Pathen thil mohpeh vang hi Pakai Christa Jesu vanga tonsot hinna ahi.

NOTE: Chonset man chu meiya tonsot thitheilouva kigou ding ahipon, ahinlah meiya chu tonsot a thiding joh ahi. Mijouse hin thina masa akitoh cheh e (Hebrew Mite 9:27), ahinlah Bible in meidil a michonsete thina ding hi thinina ahi ati (Thuphon 21:8). Thina masaa kona hi mi jouse anatohman sanga dia thou sohkei ding, amavang thininaa hi thokitna umtalou ding ahi. Hihcu akichaina ahitai. Gahseibe dingin, chonse man chu meidil a tonsot a thitheilouva kigo ding ahileh, Jesu eiho ding athi ngailou ahi.

5. Mihemte dinga deilhenna jatni chu ipi ham?

John 3:16 Ajeh chu Pathenin hibanga hi vannoi angailut ahin, koi hijongle ama tahsan chan chu __________ louva tonsot __________ __________ anei theina dingin, Achapa chang khat chu apetan ahi.

NOTE: Mithi ho chenna (thikhol khul) kitiho leh purgatory kitihohi Pathen thua imacha umlou ahi. Bible hin deilhenna jatni bou asei ahi – tonsot hinna leh tonsot thina hijeng ahi (Danbu Ni Na 30:15).

6. Migiloute chu meidil a iti diu ham?

Labu 37:10, 20 Phat chomkhat jouteng migilou beitan tin, Tua navet leh apha lheh lheh tobanga akimu vangin Aumna muna khun umtaponte. Migiloute vang mang thah diu, Pakai douva pang te chu chomkah a hamhing dongpha bep hidiu ahibouve. Meikhu kitol’a leng mang banga Kitol manguva __________ diu ahi.

Malachi 4:1, 3 “Ajeh chu vetan, nikho chu meilhum sung kong leng lung bangin ahunge. hichea hi mi kiletsah jouse leh thilse bol jouse kipal lhusoh hel diu ahi; hiche nikho hung lhung hin hitobang __________ hi mei banga __________ diu ahi, tin thaneipen Pakaiyin aseiye; hiteng hileh amkho hin apansatna ajung bulpi geiya chule abah geiya jong akhen louhel ding ahi.Chule migiloute chu nachotphauva. keiman na katoh nikho chuleh abonchauva nakengto khotaljum noiyuva leivui banga kijam diu ahi, tin thaneipen Pakaiyin aseiye.

NOTE: Meidil a chu migiloute chu meikhu banga kitolmanga kavam diu ahi. Vutvai kisoh ding ahiuve.

7. Meidil chu hoilaiya um ding ham?

Thuphon 20:9 Chu-in amaho chu lei vai khah tanin __________ akonun mitheng ho ngah phol le khopi deitah chu aum kimveltauve; hichun van a konin mei ahung lhan amaho chu akavamgamtan ahi.

2 Peter 3:10 Amavang Pakai nikho chu gucha banga hung ding ahi; hiche ni chu le van ho chengse ha gin a ginglul lul’a, mang hel ding ahi, chule thilbul chengse meiyin akahjol’a kavama gamhel ding ahi; chule __________ leiset le asunga thil um jouse aboncha kavam sohkei ding ahi.

NOTE: Meidil hi hiche leiset a um ding ahin, hiche leiset hi meikong ding ahi.

8. Meidil a hi satan lamkai ding dan ham?

Thuphon 20:10 Chule amaho lhem lha a __________ chu mei le kath meika dil sunga chun asep lut tauve; hiche koma chun sahem chule themgao lhem jong chu aumui; chule amaho cheng chun tonsot tonsot __________ asun ajan a thohgim nasatah athoh jing dingu ahi.

NOTE: Ahipoi! Lamkai tahsanga, ama diabol joh chu mei leh kath meidil a chu kiseplut ding ahibouve. Chutengleh ama chu achaina vutvai kisoh ding ahi. Pathen in satan chu hitin aseiye, “tonsot a umtalou ding ahi.” Ezekiel 28:18, 19.

9. Meidil meikong chu ahung kichai kit dem?

Isaiah 47:14 Vetan, amaho chu changpol bep ahiu-vin, Abonchan meiyin akavam ji tauve; Meikong thahattah lah a konin Amaho leh amaho akihuhdoh jou pouve; Min __________ dinga kito __________ dan ahipon. Amasanga touna ngam meikong ahi-poi!

NOTE: Chonset kisuhbei jouva, michonsete leh leiset chunga thil jouse hi kisumang soh ahitai, chuin meikong chu amittai. Tonsot tonsot a mitlouva kong jing ding ahipoi. Tonsot a mittheilouva kong jing ding mei chun chonsetna asuhmang joulou tina ahi. Chonset kiti hi notdoh a, aban chebe sahtalou ding hi Pathen tohgon ahi. Thuphon 21:5 in aseinaa, “Veuvin keiman thil jouse kasemthah tai” ati.

10. Ahileh meidil a hi tahsa leh lhagao ania kisumang ding ham?

Matthew 10:28 Chule natahsau that’a lhagao that thei lou ho chu kicha hih-un, __________ le __________ akop’a damuna sumang thei amabou chu kichauvin.

NOTE: Mitamtah in lhagao hi athitheipoi atiuve, ahinlah Pathein niveijen aseiye, “koihileh chonset bolpa (soul) chu thiding ahi” ahi ati Ezekiel 18:4,20. HIjeh a chu Pathen thu dungjuiya vang migiloute chu meidil a kisumang ding, atahsa leh alhagao ania kisumang ding ahi.

11. Koiya dinga meidil hi kisem ham?

Matthew 25:41 Chutengle aman aveilam a um ho jah a chu. “Vo gaosap chang ho. kakoma konin chemangun. __________ le atil le te dinga kikoi meilhum sunga luttauvin;

NOTE: Meidil kisemlona jeh hi chonset suhmang na ding, chuleh satan leh atil le teho toh suhmangna dinga kisem ahi. Keijong chonset kadalhahnom louva ahileh, eikisuhmangna ding ahi, ajeh chu chonset hi akisuhmang louva ahileh, avel a leiset ahin suhboikit ding ahi.

12. Pathenin michonsete asuhmangna natoh hi Bible in ipi natoh ahi atiem?

Isaiah 28:21 Ijeh-inem itile Pera’zim molsang chunga banga chu Pakai hung kipatdoh ding, Gibeon phaichama banga Hung lung hang ding; Anatoh ding dol tong dia ama natoh chu __________ __________ ahi! Athilbol abol ding, ama thilbol chu ajatchom hele!

NOTE: Pathenin angailutpen khat asuhmang ding chu avengampoi. “Pakayin ... koima amangthah umlouva mi jousen lung aheimanna ding angaito ahi.” 2 Peter 3:9. Aman jong aseikit aseikit jinge, “nangho nachon lamlhah phalou jouseuva konin kinungheiyun! Ipijeh a namoh thi jeng ding ham?” Ezekiel 33:11. Mihem ho suhmang kiti hi Pathenin gonphah a jong aneilou natoh ahin hijeh a chu meidil chu Pathen natoh jatchom hel (unusual act) tia kisei ahi. Pathenin mihemte ahuhhingna dingin abol lhinglel imacha aumtapoi. Migiloute jouse hi akisuhmang masang uva, Pathenin in achunguva gotna achuhsah chu athutan dihjeh ahiti aphondoh sohkeiyuva gotna akisan diu ahi (Rome Mite 14:11).

13. Bible in “mittheilou meikong” tia asei ahileh hichun meidil chu kichai theilou ding tina hilou ham?

Matthew 3:12 Aman akhut’a godal achoiye; aman aphol jap ngimsel’intin, achang apang sunga knumintin, asi vang chu mei mit thei louva __________ __________ ahi,” ati.

NOTE: Ahipoiye! Mittheilou mei akiti chu ameikong chu akon sunga koiman achenmit joulou ding tina ahie. Amavang mei chun imajouse ahalvam sohkei tengleh, amachama mit ding ahitai. Vetsahnan, Jeremiah 17:27 a hin Pathen mite chu tahsan thei ahilouva leh Jerusalem khopia meikong ding, hiche meikong chu “mittheilou meikong” tin akiseiye. Ahileh hiche gaothu kisei hi atahbeh in anaguilhungtai tichu Pathen thu in eimusah uve. “Amahon Pakai houbuh chu ahallha uvin, Jerusalem kulpi jouse asulhu uvin, laltouna mun jouse jong ahalvam uvin ... hiti chun Jeremiah themgao kamsoh chu anaguilhung tai.” 2 Thusimbu 36:19, 21. Meikong chun ijakai akahmang soh takahsea chu kisumit joulou ding ahi. Bible in “mittheilou meikong” tia aseivangin tunichan geiyin meikong aum tapoi.

14. Ahileh “tonsot meikong/meidil” kiti hi kichai theilou ding tina mong mong ham?

Jude 7 Chutobangma chu Sodom le Gomorrah chule akimvel’a khopi ho chengse amaho banga huh le jon thanhoi patna lama akipumpeh jeh uva chule atipumu bol lamdanga umna dinga, akihabolna lamuva lam-vaiya talen a __________ __________ athoh gimuva vettoh dinga uma ahiuve.

NOTE: Bible hi ama leh ama kidonbut sah ding ahi. Meidil itobanga ahi vetjuina dinga soddom leh Gomorrah chu tonsot meikonga kihalvam ahi tin Bible chun aseiye, ahinlah hiche khopi teni chu tuni geiyin meikong akong jing nalaiye nati em? Amaho chu sotlaipeh a vutvam kisoh uva ahitai (2 Peter 2:6), hichu tonsot meikong natoh dan ahi. Tonsot a mangthah ding tina joh ahie (Abelap a kisei “Mihaopa leh Lazarus” thu hi simin).

15. Thuphon 20:10 naa migiloute chu “tonsot tonsot a” thohgim nasatah athoh jing dingu ahi kiti hin kichai theilou dinga aseina hilou ham?

Jonah 2:6 Molsang bul geiyin eitomjol tai, Akotgol jouse __________ eikha khum jing thei Hitobang gamsunga chun kakumsuh tai; Hijeng jongJeh hiche kokhuh sunga kon hin O Pakai ka-Pathen, nangin kahinkho neihuhdoh peh-e.

NOTE: Ahipoi. Jonah chu ngapi oisunga nithum leh janthum um ahi (Jonah 1:17), ahinlah aman aseina’ah “tonsot” atin, aum sung chu tonsot dan a ahet ahitai! Hilaiya Thuphon 20:10 a tonsot thuchang greek paova pat’a hung kiledoh hi “aion” kiti ahi, hichea kona chu “tona kumton (eons)” kiti hi hung kiladoh ahi. Hiche hi phat kiseichen theilou, sao ding chomding kihetheilou lampang seina ahi. Bible a tonsot (Forever) kiti hi 56 vei jen akimange, ahinlah akichaisa ngen, asohchaisa kiseina jeng ahitai. Vetsahna in, “tonsot/a-imatih geiya” kiti hin soh khat hinkho lhumkei kiseina jong ahi (Potdohbu 21:6), chuleh mundang khat a chun “tonsot/a-imatih geiya” kiti hi khang som bouseh seina ahikit e (Danbu Ni Na 23:3). Mihem kampaova seiding chun, “tonsot” kiti hi hinkho inei sungsese chu kiseina hijeng ding dan ahi (1 Samuel 1:22, 28).

16. Chonset leh chonsete ho akisuhmang jouva, Jesu Christa in amite dinga ipi abol peh ding ham?

2 Peter 3:13 Ahinla eihon vangama thutepdungjuiya vanthah ho le __________ __________ ingau ahi, hichea chu chonphat chenga ahi.

Thuphon 21:4 Chule amit chenguva amit lhi chengseu atheh ngim ding; chule chule thina umta louhel ding; chule lhasetna le ka-na chule __________ __________ umta lou ahi; thil masa ho chengse chu kitol mangsoh ahitai,” ati.

NOTE: Hiche meiyin akahchai vutvai kisoh leiset chunga hi Pathenin vanthah leh leithah asemdoh ding ahi. Hichea chu kipana, cham leh lungmonna, hinkho neijouse dinga kipan a seichimjoulou atonsot a umding ahitai.

17. Chonset hi avel a hung umkit thei ding ham?

Nahum 1:9 Ipi dinga Pakai douna thil nagonu ham? Pakaiyin achaina hel’a asuh beihel ding ahi; Akisatpite chunga chu Nivei pansa phu alah lou ding __________ achaihel ding ahi.

NOTE: Umkit talou ding ahi! Pathen kitepna chu akichehsel in. Chonset nungum kit louhel ding ahi.
Isaiah 65:17 Ijeh-inem itile neive temin, Keiman vanthah le leiset thah khat kaseme; Chule thil masa chengse chu kigeldoh kit lou ding Lunggila jong hung chukit lou ding ahi.

18. Job in thudoh giltah khat adoh chu ipi ham?

Job 4:17 ‘Thi thei mihem hi Pathen angsunga dih chang mong hinaa, Mihem hi Asempa angsunga __________ mong ding hinam?

NOTE: Nachapa chu tolthat gimneitah mi hung hileh, amachu gotna chang thei ahi nati dem? Nati ding ahi. Ahivanga ama chu ahing changin, genthei tah in meiyin kihallihgo leh navejou mong nadem, nikhatcha ding hijongle? Navetjou louhel ding ahi. Namohvet louhel ding ahi. Hiche banga chu van Pathenin jong achate meiya thitheilouva akihal jing ding chu avetngamlou
ahi. Hiti ding chu ahia leh Pathen chu migilou chungnungpen khotona bei hiding ahi. Hitobang chu Pathen hinam? Naisai poi! Tonsot meidil a kigotna hi Pathen a dinga naval behseh ding ahi chuleh ama chonna leh hina toh kitoh theilouhel khat ahi.

NA KIGELHAHNA

Thil dang jouse sanga, Jesu in vangam nomtah a chu cheng dinga nadeisah pen ahi. Nang dinga asem inn nomtah sunga naum ding chu alhangai jing ahi. Tunia hi hiche thilpeh chu nakisan ding ham?

DONBUTNA: __________

ABELAP

Hiche simmun hin abelap a simding eipeuve.

Mi haopa leh Lazarus
Mitamtah in mihaopa leh lazar thulhem hi mangcha in mihem athi thi leh vangam ahilou leh meidil ajonpai pai jitai atiuve. Ahinlah Jesu in hiche thusim hi hitia pansatna dinga chu asei hilou hel ahi. Jesu in athuchang man hi “Hades” kiti greek mythology a mihemte kisuhgentheina mun kiseina hi
ahi. Koihileh hiche nikhoa Jesu thusei ngaiya hung juda mite jouse chun athulem sei hi thusim kithang tah khat thu tekahna/hilchetna dinga aman ahidan ahet sohkeiyu ahi. Luke 16:19-31 hi phatah’a ivet tengleh, hiche thulhem thusim hi thu tekah/vetsahna kimang adimset e tihi akihei, hiche hochu akiseidan bang chet chet a lah dinga Jesu in asei hilou hel ahi.
• Vetsahnan, koihileh vangam kai jouse Abraham angsunga lut jing diu ham? Ahipoi.
• Vangam kai holeh meidil a kihal hochu kihou mat thei ding ham? Ahipoi.
• Twi votkhatseh chun mihem dangchah asuhnou jou ding mong ham? Ahipoi.
• Koichu sohcha ding, koichu sohcha lou ding hi Abraham thutanna kingam ham? Ahipoi.

Hiche tobanga chu, hiche thulem hi thutanna nukhah masang leiset kichai masanga mithi hochu athi thi tengleh vangam achepaijin meidil achepaiji tia pansatna ding ahipoi. John 12:48 “kathusei chun ninung nileh thu atan ding ahi” ati.
Achutileh thulem hi ipi kiseina ham? Mihaopa hi juda mite ho vetsahna ahin, Pathen thua haosatah te ahiuve, ahileh kelkot a um khutdo pa chu – Gentile te vetsahna ahikit e–Pathen thu ngaichaa gilkiel te ahiuve. Jesu in thulem chu hitin akhumkhana abolpeh e “Amahon Mose leh themgao
ho thusei angainomlou uva ahileh, athi lah’a konin mikhat thou jongleh atahsanlou dingu ahi” Luke 16:31 ti phondohna dinga asei ahi. Atahbeh in chomkhat jouvin Jesu in lazarus kiti mikhat athisa in akaithouvin, ahivangin juda lamkai tehon apum tahsan dehpouve (John 12:9-11).
Panorama of Prophecy, Lesson 13 ©2022 Amazing Facts International All Rights Reserved