Tuhin Jacob jong insunga umthei talouvin, a-upa in atha ding kichat jeh in jam mang ding akigotai. Athilbol leh aguhlanna jousen ahinlethuh dan hohi agel tengleh alu akisip jin hakan akap jitai. Gamthip lah a chun songtum akikhap in, molkang khat toh akichoiyin Jacob chu acholdo tan ahi. Akingaitoji in anule pa anungmu kit nadem –chuleh Pathenin eingaidam nadem tiho ageljie. Athachol val jeh chun, amajong amumil tan ahi. Hichun mang aneiyin gao achangtai. Van kot akihong in hichea kon chun vah thengsel hung kikapdoh amue, chuin kalbi ahung kidolha in achunglang in van apha in, anoilang leiset chunga akingam e. Hiche kalbi chunga chun vantil simsen louvin suhkal toukal tho in akilha matchet jeng amutai.

Chuin Jacob in vana konin Pakai awgin aja in chuleh akholjin nalampi jousea phatthei aboh jing dingin kitepna abolpeh tai. Pakaiyin jong Abraham leh Isaac koma akitepna jouse chu Jacob ahenga avelin kitepna aneipeh kittai. Ahungkhah doh phat in Jacob jong akhup in adilsu tai chuleh akipapsetna hinkho jouse nungsun dingin kigeldohna thahbeh aneithei tai. Akitepna chu, “Pakai nangin neipeh jouse soma khat kapeh ding ahi” atitai Semtilbu 28:22.

Pathenin jong Jacob kitepna chu asanpen in chuin van kotcha ahongin phattheina thalhingset aboh in kum 20 jouvin Jacob innlam akilesah tai, hichea chun Jacob chu mihaosatah leh mi hongphaltah mi anahitai.

SIM DING

Bible hohi sim cheh inlang a onglai sudim in.

1. Pathen henga somakhat peh hi Jacob in hoiya kona ahinjil doh ham?

Semtilbu 14:18, 20 Salem lengpa Melchizedek chun changlhah le lengpitwi ahinpoh peh-e; ama hi Pathen chungnung pen thempua pang ahi. Chujongle nagalte nakhut luma lousah a, Pathen chungnung pen jong nunnom hen! ati. Chuin Abramin Melchizedek chu thil jousea konin hopsoma __________ khat khat apesoh keiye.

NOTE: Somakhat kiti hi mikhat in asum apai amujat som lah’a khat kipedoh ahi. Jacob pupa, Abraham chun kum tamtah masanga kona Melchizedek anga Pathen dinga somakhat anapeh jing chu vetjui theiya ananei ahitai.

2. Eiya dinga ilodoh jat hunglut ho lah’a Pathen chan ding chu ipi ham?

Thempu Dan 27:30 “Gamsunga __________ aboncha hi, gamsunga muchi chivoa kon hopsom hihen lang, thingga lougaa kon hopsom hijongle aboncha __________ ahi, hopsom chu Pakai dinga atheng ahiye.

NOTE: Adihtah a chu inei jouse abonchakeiya Pathena ahibouve.
Labu 24:1 Leiset le asunga um thil adimset a kikoi hi Aboncha Pakaiya a hin; Vannoi pumpi le asunga cheng jouse jong Aboncha Pakaiya ahiuve. Hijongleh Pathenin thiljouse hi ama aneitu ahi kiphonna dinga inei lodoh jat hou som lah a khat lekit dinga athum ahi.

3. Somakhat hi Pathen in ipi abolna ham?

Minbu 18:21, 24 “Chule Levi chate chu keiman Israel chate lah a kitoh khom __________ jouse hi kikhopna ponbuh sunga kinbola apan uva, anatoh atha man dinguvin kapetai. Ipijeh-inem itileh Israel chaten Pakai henga thilto ding ahintodoh sau __________ jouse chu keiman Levi chate gou dinga kapehsa ahitai; hijeh a chu amaho hin Israel chate lah a gou anei thei louhel dingu ahi tia keiman kaseipeh ahi,” ati.

1 Corinth Mite 9:13, 14 Thil theng __________ panghon hou ina kona anehjiuva, chule maichama lhacha hon maichama kitoh chan __________ khu nahet louvuham? Chutobangma chu, Kipana Thupha lhangsama panghon Kipana Thuphaa kona __________ dingu ahi, tia Pakaiyin chonnadan asem ahi.

NOTE: Kitepna luiya chun Pathenin somakhat hohi ama lhacha natong dia kikatdoh Levite kitoudalna dinga anapeh sah ji ahi. 1 Corinth Mite 9:13 naa gullui laiya thempu hochu houbuh sunga somakhat akilahji bang uva, tulaiya kipana thupha lhangsam ho jong soma khat akona hi lhalo kisempeh ahi.

4. Somakhat dan kiti hi cross a kichai Mose dan luiyin ahoup ham?

Semtilbu 28:20, 22 Hichun Jacob’in kigahna khat aneiyin hitin aseiye, “Chutia Pathenin eiumpi jinga, hiche kache na lam dung lhunga jinga eichin jinga, neh ding changlhah le silding ponsil eipeh a, chule hiche song khomphua kaphudoh hi Pathen in hung hi ding, chutengle nangman neipeh jouse hi hopsoma __________ khat nangma kapeh ding ahi,” ati.

NOTE: Ahipoiye! Abraham leh Jacob in Mose dan kiphudoh masanga kona Pathen koma somakhat anapeh jing lhon ahitai. Ajeh chu hiche hi Sinai nikho masang peh akona kipan ahitai, cross chunga kichai mose chondan thu hochu ahipoi. Somakhat kiti hi Pathenin alengam natoh kitoudelna dinga tohgon asemtohsa anahijeng ahitai, chuleh tunigeiya chejom jing nalai ahi.

5. Ahinlah Jesu in somakhat thudol hi oimona anei hilou ham?

Matthew 23:23 Ohe, danthu sun le Pharisee mipha lhem ho. nadau ahi! Ijeh-inem itile nang hon pudina le pathikhorn chule jira hicheng chu soma khat natoh jiuvin dan-thupeh lah a alupen. thu adih a tan, milungset chule tahsan hicheng chu na-lhadah-un ahi. Ahin hiche ho hi naman’-uva hiti ho jong chu __________ __________ dingu thu ahi.

NOTE: Ahipoi. Jesu in Pharisees hon pudina, pathkhom leh jira na jeng jong asimtoh chet uva somakhat apeh jiu ahi tichu amu ahi. Somakhat a kichehtah hijongleu apoimo pen mihem ngailut, thutan dih hichengho aneilou jeh uvin Jesu in aphohsal e. Somakhat apeh uchu ajahda ahipoi, ahinlah Christianity hilona thupipen chu aneilou jeh uva aphojoh ahi. Hiche jeh a chu Jesu in hitia asei ahi, “hiche hohi naman uva hiti ho jong chu nalha lou dingu ahi.”

6. Somakhat thudol a Pathein itobanga kitepna thupitah aneiyem?

Malachi 3:10 Hop-som lhingset’in hintoh uvin lang thil kholna insunga lhut sohkeiyun, chutengleh keima houin sunga neh le chah thalhing ding ahi; chutengleh keijeng jong __________’uvin, tin thaneipen Pakaiyin aseiyin, nang ho dia __________ __________ bangkot jouse kahondoh a nang ho dinga phatthei-na chu twi suna kasun lhah ding, aletlha hel a sung lha louva kaum louhel ding ahi.

NOTE: Nalungdon a natahsan louva ahileh “Neipatep in” tin Pakaiyin aseiye. Pathenin phatheina thalhingset apeh ham apehlou ham neipatep un ati ahi. Atahbeh in somakhat pe jing mitamtah in hiche adih e tihi aphotchen sohkeiyu ahi. Pathen chu kipe chaikei theilou ding ahi!

7. Pathenin amite chu thil-kholna inn sunga somakhat jouse ahinchoi diuvin aseiye. Hichu ipi kiseina ham?

Nehemiah 13:12 Chuphat’in Judah miten abonchauvin achang hopsomu jong lengpitwi hopsom jong, chule thaotwi hopsom jeng jong ahinpo kit’uvin __________ in dunga akikhol kit tai.

NOTE: Thil kholna inn chu Pathen goukholna inn houbung ahi. Malcahi 3:10 a hi Pathenin thilkholna in chu “ka inn ahi” ati hichu ama houbuh ahilou leh houbung seina ahi. Chuleh mudang khat a thilkholna inn hi houbuh ahilouleh houbung tia akiseina kit chu 1 Thusimbu 9:26; 2 Thusimbu 31:11, 12; chuleh Nehemiah 10:37 ahi. Hichejeh a chu thilkholna inn kiti chu Pakai houbung ahidan kichehsel ahi.

8. Somakhat ipeh tenguleh, sum hi koi changtahbeh ham?

Hebrew Mite 7:8 Hichea hin hop soma hop khat muho vang chu thina thu noiya um ahiuve; khatjoh hop soma hop khat mupa vang chu hing jing jeng ahi. ti __________ kineiya ahitai.

Colossae Mite 3:23 Chule Pakaiya kona goulona thilpeh nachan dingu chu heuvin-lang. nabol chanu chu mihem dinga hilouvin. Pakai dingin __________ gilin bolun.

NOTE: Somakhat hi mihem a dinga ipeh hilouva, pathen a dinga ipeh u ahi tihi ihet jingu angaiye. Amaa ahi. Pathena dinga kapeh ahi tihi ihet tengleh tithes chu iti kiman ham tichu eilungkham lou ding ahi. Pathenin ama sum akichin theiyin chuleh ama sum ching ding mihem kitup tah apha ding jong ahenai.

9. Keima somakhat hi Pathena hisa ahitan, hiche kalval a Pathenin amite koma adang ipi athum em?

Labu 96:8 Pakai chu achandia kilom amin loupina peuvin, __________ choiyin ainpia hung lut’uvin!

Malachi 3:8 Mihemin Pathen achom ngai hinam? Nang hon keima neichomu pi hi! Ahinla nang hon, ‘Iti nangma kachom diu ham?’ natiuve. Nahopsom tolou jeh-u le __________ choiyin ding natolou jeh-uva neichomu ahiye.

NOTE: Pakaiyin ama ingailut u vetsahna dinga eima lungcham tah a thilto hinchoi ding atin ahi chuleh phatheina eiboh hou kipathu seina ding ahi.

10. Thilto dinga ijat ichoi diu ham?

2 Corinth Mite 9:7 Lung phatmo pumpum le peh louva phamo, tia pe louvin, __________ got bangtah cheh-in peuvin; ijeh-inem itile lunglhai sela pea chu Pathenin angailui.

NOTE: Bible in thilto hijat hinchoiyun tin aseipoi. Mi koihileh Pathen a akipa banga ama lungcham a ato theijat ato thei ahi.

11. Pathen lenggam ilokit nadiuva pu adam leh pi Eve losapnasa eihon avel a patepna itokit uchu ipi ham?

Semtilbu 3:3 Ahin hon lailunga __________ vang khu Pathenin na neh __________ __________ hel ding, lo jong nalo lhah lhon louhel ding ahi, nabol lhonle nathi jeng lhon ding ahi, tin aseiye,” ati.”

NOTE: Pathen in Adam leh Eve chu hon lailunga lung selepha hetna thingga tilou adang jouse aboncha naneh theilhon ahi atipeh e. Hiche thingphung khat chu anehlhon lou ding keohilouva toh jong atohkhah lhon louhel dinga thupeh ahi, ajeh chu thitheilhon ahi. Pathein hiche thingga kimvel a chu electric current daipal aget jong aumdeh poi. Ahinlah theiga alo phah lhon a anehthei lhonna ding mun joh in akoiye. Hijeh chun akilo lhonin anelhontai, ajeh chu Pathen atahsan joulou lhon ahitai. Tunia jong Pathenin in hitobang patepna chu ibonchau chunga eikoipeh kit uve. Hitin aseiye, “Na sum le pai lodoh jouseu somakhat tilou adang chengse kikoiyun atie. Ajeh chu hiche khat chu keiya ahi. Nanghon kilah hih un ati. Hijeng jongleh hiche chu eihon ideiya ahileh isophah uva nomtah a ikilahdoh theinau muna akoikit e. Ahinlah ikilah uva ahileh, Pu Adam leh Pi Eve losapna chunga chu losam ihikit tauve. Pathein theiga jatchom beh chu angaikhoh a akoi jong ahipoi. Amateni kitahna patepna mai mai ahibouve. Tobang chun eiho somakhat jong angaikhoh poi. Ajeh chu ijakai amaa ahi! Ahinlah eiho ama dinga ikitah nau, ama ingailut nau leh Amaa ikingai dan apatepna ahi.

12. Somakhat Pakaiya dinga ipehnom lou tengleh dan thupeh hoiche pen hi ibokeh jiu ham?

Malachi 3:8 Mihemin Pathen __________ ngai hinam? Nang hon keima __________ pi hi! Ahinla nang hon, ‘Iti nangma kachom diu ham?’ natiuve. Nahopsom tolou jeh-u le thilto ding natolou jeh-uva neichomu ahiye.

Potdohbu 20:15 “__________ chat lou ding ahi.

NOTE: Pathenin aseiye koihileh somakhat leh thiltoa tahsan theilou mi chu gucha ahi. Mihem leh mihem kah a kiguhpehto jong aphakhopset e, amavang mihem khat in Pathen achom kiti chu thil gimneitah ahitai! Chujongleh Pathen in kipana thupha machalna dinga paisa manding asemtohsa khat mihem in akiguh a ajahmang kiti chu tahsa leh ngaito ding jong ahahsalheh jenge.

13. Pathenin koihileh henasasa a somakhat holeh thilto hoa Ama chom mihem chu ipity ding ahi ati em?

Malachi 3:9 Hitia keima neichom jeh-uva najat pum-piuva nakigaosap soh hel’u ahitan, na-chunguva __________ chua ahitai.

1 Corinth Mite 6:10 __________, neipap kilose, jukham, mihanse, minambol; hiteho chun Pathen gam alo lou hel dingu ahi.

NOTE: Koihileh somakhat leh thiltoa kitahlou chu Pathen in agaosap ahi, chuleh kikhelna aneilouva ahileh Pathen gama dinga jong lhinglou ding ahiuve.

14. Ipijeh a neipap kilosetna hi kichat umtah ahidem?

Luke 12:34 Ijeh-inem itile __________ umna a chu nalung jong um ding ahi.

NOTE: Neipap kilose kiti hi eima dingbou kigelna ahijeh in tijat aume. Ken kagel chu sum bouseh ahia leh, kalunggel chu kilose ding, valhenhun a kiletsah ding ahi. Amavang kagel chu Pathen lenggam machalna ding ahipouleh, kalung thim chu mikhotona leh ngailutna in dim tantin, chuleh kineosah ding ahitai. Ilung hin igou umnaa chu ajui jeng ahi. Juda jong neipap kiloset jeh a Jesu Christa chu paisa somthum a akijohdoh ahi tichu haimilou hel ding ahi (Matthew 26:14-16)

15. Somakhat leh thilto hoa Jesu ichom tenguleh Aman ipi agel dem?

Hebrew Mite 3:10 Hichejeh a chu Hiche Phung mite chunga hi kalung __________ lou ahi; Amahohi imatih chana Lung chavaite mong ahiuve; Ahinla amahon Kalampi ahepouve;

NOTE: Chate in nulepa sum aguh tengleh alung anat ji banga khu Jesu Christa in jong hitobanga chu agel ding ahi. Sum mansah kiti chu thil lentah hilou lai ahi. Ahinlah, ngailutna leh kitahna neilou chapang hinkho chekhel joh chu lainat umjo ahi. Jesu lungsung suna nom um ding vang katahsanpoi.

16. Peh chung changa Pathenin Bible akona phabep chepi ding aseiho chu ipi ham?

A. 2 Corinth Mite 8:5 Chule hichu kaginchat bangu hilouvin, Pathen __________ amahoa Pakaiyah ape masauvin, chuin keiho eipeuvin ahi.

B. Thuchih Bu 3:9 Nalousoh ga masa jouse leh __________ jouse Pakai jabol nan tohdoh jengin;

C. Thuchih Bu 11:24, 25 It louhel’a __________ mihem chu Ahao cheh cheh jeng jin, Mihem khatman apeh ding dol jong akinung lah vangin Alhasam cheh cheh jengin aning lhingdeh poi. __________ phaltah chu haocheh cheh ding. Mi dinga twi chap peh peh chu ama jong twi kichap peh ding ahiye.

D. Solchahte 20:35 Keiman ijakaiya navet toh-uva natho dingu kavetsah sohkeiye; nang hon chutobanga chu natoh gimuva, chatmoho phatna nabol dingu thu ahi, ‘__________ sangin __________ ochat aumjoi,’ tia Pakai tah-in asei jong chu nageldoh dingu thu ahi,” ati.

E. Luke 12:21 __________ dinga haolouva __________ dinga sum kikhol’a chu chutobang chu ahi.” an.

F. Luke 6:38 Nang hon peuvin. chutile nang ho jong nakipeh dingu ahi; min son chah khet. loh chah khet’in tin letset’in phatetah-in ten tin na-op’uva nasunpeh dingu ahi; ijeh-inem itile nang hon __________ bang banguva nang ho __________ ding naiuve.” ati.

G. 1 Corinth Mite 16:2 Keima hung tenga tolom sum kidon louna dingin, hapta ni masa nileh ato __________ cheh’in dongun ana kikholun.

H. Danbu Ni Na 16:17 amitinin __________ cheh dungjui, __________ na-Pathenin nangma phatthei naboh na dingjui cheh a ato diu ahi.

NOTE: Niseh kalodoh jat jouse lah soma-ko hin soma-soma sanga jong hatah a kabol ding cheng kabol doh thou thou ahi. Chujongleh, Pathenin vangam bangkot ahin hon tengleh, aphatheina hi sumle pai khel khel hilou ahi. Damtheina hithei, lungmonna hithei, taona lolhinna hithei, venbitna hithei, insung michengtoh kingailutah a umthei, chuleh chingthei tah a thulhuh semdan, Jesu toh naicha umkhomna, lhagao mangthai huhdohna a lolhinna, gari luisa inei jong alhai jing theina. Ect. Hithei ahi. Jesu ngailutna dihtah ineiya ahileh ama dinga pehdoh chu pohgih hilouhel ahi. Ahinlah phattheina joh hiding, lungnachim leh loupitah a pedohna ineitheina joh hiding ahi.

17. Jacob in ajan manga amu kalbi chu ipi vetsahna ham?

John 1:51 Chuin aman ajah a, “Tahbeh a kaseipeh nahi, Van akihona Pathen Vantil le ho __________ __________ chunga akal tou le akumsuh namu ding ahi,” ati.

NOTE: Van leh leiset kikaimatna kalbi chu Jacob in amu ahi, hichun avetsah chu Mihem chapa ahi. Malachi 3:10 a chu somakhat jouse chu gou kholna inn a ihin choi uva ahileh Pathen in vankot ahon doh a phatheina thalhingset kabohlhah peh ding nahiuve atie! Hiche phatheina chu Jesu chu ahi.

18. Jesu a dinga thilpeh lenpen ipeh theiyu chu ipi ham?

Thuchih Bu 23:26 Kachapa, __________ neihetsah-in lang, Kaum chan kakhan chan hi __________ nin vephan.

Mark 7:6 Aman amaho chu adonbut’in, ajah uva, “Isaiah themgaovin mipha lhem nang ho thudol aseiya, ‘Hiche phung mite hin, Akam sunguvin eichoian’un; __________ la Keiya konin latah ahi.

NOTE: Jesu in ilungthim anei tengleh, Thildang jouse jong anei ahitai.

NA KIGELHAHNA

Somakhat leh thilto hoa ikitah tengleh, hinkhoa thil ijakai tuple bidoi ineina jousea Jesu Christa toh natongkhom ihiji tauve. Tunia hi somakhat leh thiltoa hoakona Jesu nanatoh khompi dinga nakikou nom em?

DONBUTNA: __________Panorama of Prophecy, Lesson 15 ©2022 Amazing Facts International All Rights Reserved