Peter in atah tah dinga asei ahi hijongleh alungsunga hoithona neipuma aseilam chu akihetlou ahi. Jingkhovah a Jesu Christa ahung mat phatuvin seijuiten amohvet uvin, hichun Peter in jong Pakai panpina ding in chemjam akilah in avat lele tan ahi. Hijeng jongleh Jesu thu atanchaiyu phat sotlouvin, Jesu Christa melma ten Peter chu agingmo uvin ajonteiyun ahileh, Peter in jong Jesu Christa chu koi ahilamcha jong kahekhapoi tin thumvei jen aseilep tai. Ahasei lai chan un Peter chu hatah in akilep cheh cheh in, ajona in vanleh lei pan in akihahsel tai (Matthew 26:74)

Hichetah chun ahchal ahung khongtai. Jesu Christa jong thutanna insunga mi’n avoh a ajep laitah u ahin, ahung kinung heiyin ngailutna leh khotona mel toh thoa Peter chu ahin vetleh, apet pet chun amapa lungthim ajunlha jeng tai. Pakai thusei “Jingkah ahcha khon masanga thumvei neiseilep ding ahi” ati chu ahin geldoh in, chuleh ama kihahselna chu ageldoh tai. Hijeh chun Peter chu agapot doh in lhaset chungnung in alhase in akap tai.” Luke 22:61, 62.

Hiche nikhoa kipat chun Peter in hinkho kikhelna chombeh ahin neitai. Miho lungholna in akisalal tapon, ahinlah Pathen lunglhaina dingbou chu aboipi tai. Apenthah jouva kipat chun, Judate vaihomna insunga adinsah uvin, Jesu kitipa thu naseikit leh nakijep ding nakivo ding ahi tia juda ten mipi angsunga gihsalna abol uvin jong, Peter in hangsantah in adonbut in, “Keihon mihem thu sanga Pakai thu joh kangai diu ahi: ati Solchahte 5:29. Rome kumpipa Nero in Peter tha dinga amat laitah chun aman jong Jesu seilep kit sangin thingpel chunga kabungbu in nekhai uvin tin Jesu Christa dinga tahsan umtah a adin a chuleh Jesu angailutna chu ana phongdoh tai.

SIM DING

Bible hohi sim cheh inlang a onglai sudim in.

1. Pathen langa ihi ihilou chu itobanga Aman ipity ahetthei ham?

Matthew 7:21 “Pakai, Pakai eiti chan chu van gama __________ ding ahipoi; koi hileh van a um ka-Pa lung lam __________ bou chu lut ding ahi.

Rome Mite 6:16 Koi heng koi heng hijongle athua nung dinga asoh-a __________ chu, thina dinga chonsetna lam hijongle chonphatna dinga thua nunna hijongle, athua __________ soh chu nahi, hichu nahet louvuham?

NOTE: Koi langa nahi ham nahilou ham ti chu athua naumnapa dungjuiya beilamtah a kihedoh ahi. Eihon Pathen chate kahitauve tiutin satan thuhil ngen chu joptaleu hen, eiho leh eiho kilhemlha ihiuve.

2. Pathen thupeh leh mihem thupeh akibahlou teng, koi thupeh joh ijui diu ahi tia Peter in aseiyem?

Solchahte 5:29 Ahivangin Peter le solchahho chun adonbut’un, “Mihem thu sanga __________ thua kanunjoh dingu ahi.

NOTE: Peter apenthah a Jesu ngailutna aneijouva konin, Juda lamkai ho henga aseiyin Keiman Pathen lunglam bou kabol ding ahi ati. Tunia hi eihon jong ni nunung tengleh sahem dan thupeh leh Pathen dan thupeh chu hung kikalto ding ahiti iheuve. Eihon vang Pathen thu banga chonna joh chu ikilhen diu ahi – ipi hung lhung ding hijongleh.

3. Ahoina theipen a Pathen ingailut dan itobanga ivetsah theiyuvem?

John 8:31 Hijeh chun Jesu n Juda mi atahsan ho jah a chun, “Nang ho __________ hi __________ jom jinguva ahile kaseijui tahbeh nahiuve:

John 14:15 Keima nei ngailut’u le kathupeh ho __________ dingu ahi.

1 John 2:4 Keiman ama chu kahetaila tia athu __________ lou chu mijou ahin, asunga thutah umlou ahi

NOTE: Mikhat in Jesu kangailui tia ahoitheina pen a avetsahna chu alungdei lama achonna chu ahin, chuleh Pathen dan thupeh hi Pathen lungdei kiphonna bukim chu ahi (Labu 40:8).

4. Ipi jeh a Jesun miphalhem hochu Pathen hetah dan a um u ahe atiham?

Matthew 6:2 Hijeh chun mi thil napeh teng mi __________ ding ngaito nan mipha lhem ho bangin kikhopna in tin le lam dungah namasang sanguva sumkon mut hih-un; tahbeh a kaseipeh nahiuve, amaho chun kipaman akisanu ahitai.

Matthew 6:5 “Nang ho Pathen henga natao tengule mipha lhem ho toh bang hih-un, amahon mi __________ dingin kikhopna in tin le lamkon tin a din a tao adeiyun ahi. Tahbeh a kaseipeh nahiuve, amaho chun kipaman akisanu ahitai.

NOTE: “Mihem in polam mel avetji ahin, Pakaiyin vang lungsung avetji ahi” 1 Samuel 16:7 tia Bible chun asei ahi. Christian dih tah chun mihem in amuding sanga Pathenin agel ding joh chu hatah a agelkhohji ahi.

5. Mi ho bol bol juijeng kiti hi phajingkei hinam?

Potdohbu 23:2 Nangman thilse bol dinga kijot mipi nung namoh __________ __________ ding; japi nung najuidaa thutan dihna chu leheipeh dinga jong mi le mi kihehna chung changa hettohsah a napan lou ding ahi;

Matthew 7:13, 14 “Kot jima lut’un; ijeh-inem itile __________ lam chu akot jatah ahin, alampi jong lentah ahi, chule chua lut chu __________ ahi. Hinna lam chu akot jong ajimin, alampi akichin, chule hichu amua alhome.

1 Peter 3:20 Amaho chu masang laiya. Noah nikho lai sungsea Pathen lung dehatna-in a-nga laiya chu thua nunglou anahiuva ahi. Hiche konga chu mi __________ khat, get seh bou twiya __________ a ahi.

NOTE: Mipi atamjo nungjui kiti hi alhangpia thilse lamjoh jotna ahinome tihi khanglui thusim hoa akimu e. Joshua leh Caleb songa selih a chuleh Egypt langa kilekit taute tia boina semho chu mipi ahiuve (Minbu 14:4-10). Chuleh “Khenbeh un, khenbeh un” tia pengho jong chu mipi ahikit uve Luke 23:21. Chukit jongleh ni nunung tengleh sahem melchihna kilah ding hi mi atamjo hung hiding, alhom lang hung hilou ding ahi (Thuphon 13:16).

6. Pathen thupeh sanga mihem thupeh joh ikoi masatji tenguleh Jesu in iti agel em?

Mark 7:7, 9 Ahoi hitaleh amahon athu hil’u hi Mihem thupeh jeng ahil’u ahijeh-in, Eihouvu jong hi moh ahi,’ tia kisun chu atahbeh ahi. Aman ajah uva, “Nang hon __________ __________ akhang akhanga ahung chonna dan namandet theina dingun, Pathen thupeh chu kichentah-in napai-yuve.

7. Ni nunung tengle Christianity hi machal lheh inte nati em?

Matthew 24:9 Hiche phat teng chule genthei hesoh thoh dinga mihon nang ho nahinpeh doh dingu ahi. tha jong natha dingu ahi; chule keima min jal a nang ho vai __________ __________ nahung um dingu ahi.

2 Timothy 3:2 Chule koi hile __________ ngaisah kijentah a Christa Jesu a hinga um lung go chan chun bolsetna __________ ding ahi.

Thuphon 12:17 Chutah chun gul chu numeinu chunga chun alung hangin, __________ chilhah ho Pathen thupeh nit le Jesu thu hettohsah jop amoh chengse chutoh __________ dingin akon-doh tan ahi.

Thuphon 13:15 Chule sahem lim chun thu asei theina dinga, chule chuche sahem lim chu ahou lou jouse akitha theina dinga, ama chun sahem lim sunga chu hinna hu akhum ding, hichan geiya chu __________ kipea ahi,

NOTE: Ni nunung tengleh, satan leh anungjui jousen Pathen mi dihtah, Bible tahsan chate ho chu ahindou ding ahi.

8. Mi atamjo lunglhainaa um ding toh Pathen natoh hi kikop theiyem?

Matthew 6:24 “Koima Pakai ni soh ahi theipoi; ijeh-inem itile aman khat __________ tin khatjoh __________ ding ahi, ahiloule khat’a hakaiyin tin khatjoh anahsahmo ding ahi. Nang ho Pathen le sum soh nahikop thei lou dingu ahi.

Matthew 12:30 Koi hile keima lama pang lou chu __________ __________; chule eikhop khompi lou chu athecheh ahi.

NOTE: Christa leh satan kidouna sunga hi, koimcha langa kapangpoi tihi umtheilou ahi. Jesu Christa lama ding ihilouva ahileh, satan lama ihijing uve.

9. Jesu Christa sanga insung mi ahilouleh loilegol ngailut joh hi pha hinam?

Matthew 10:37 Koi hile keima sanga __________ apa ngailujoa chu keiya hoi ahipoi; chule koi hile keima __________ achanu le achapa ngailujoa chu keiya hoi ahipoi.

Luke 14:26 “Koi hijongle kahenga hunga apa. anu. __________, achate, asopiho. asopinu ho chule ama __________ jeng jong itcha louhel’a bol lou chu kaseijui hithei lou ding ahi

Matthew 12:50 Ijeh-inem itile van a um ka-Pa __________ lama chonpatah chu kasopipa le kasopinu chule __________ ahi,” ati.

NOTE: Isopi ingailut cheng huhdohna dinga Jesu christa ngailut masat ding hi Aman aseidoh nom ahi. Huhhingpu leh eisempa ngailut masanga isopi i-insung mi dinga ngailutna jouse bohlhah jeng hi bolkhel lentah hithei ahi.

10. Jesu sanga leiset minthanna holeh neile gou kikoi hi chihna lut hinam?

Matthew 16:26 Ijeh-inem itile min __________ leiset apumpin neihen lang ahinna chanta le a-ipi phachom ding ding ham? Ahiloule min __________ lhenga ipi apeh ding ham?

Luke 12:15 Chuin ajah uvah, “Ching theiyun lang neipap kiloset jousea konin kikangseuvin; ijeh-inem itile hao lheh jongle mi __________ chu ahinna ahi-poi,” ati.

NOTE: Natoh neiya thilhoi thilpha neiya kona kipana hungkon ding ahi tia tahsanna hi thina thei lhepna ahi. Hitilam chu hilouva, Jesu in “mihaosa vangam alut sangin, hewbil a sanong sang alut ding abeijoi” tin aseiye Mark 10:25.

11. Pathenin athutah eivetsah nunga athu ngailouva um ding hi pha hinam?

Hosea 4:6 Kamite chu hetna alhahsam jeh uvin __________ aumdoh-uvin, Nangman hetna nahsah __________ naum phat’in, Nathemput a konin nangma kapaitai; Hitobanga nangin Na Pathen __________ nasuhmil jeh-a hi Kenjong danthu nasuhmil a kadonda ding ahitai.

Hebrew Mite 10:26 Ajeh chu eihon __________ hetna inei __________. ihenasa le ijanasan chonset bol leu hen. chonsei jal’a longlhenna kikheh umta lou ahin;

12. Thutah janomlouva dalbol tei teiho chu ipity diu ham?

2 Thessalonica Mite 2:10-12 Chule __________ ho chengse chu chonphat louna jousea duha lhep lhah a um ahiuve; hichu amahon huhhinga aumna dinguva, __________ __________ chu alah lou jeh-u ahi. Chule hichena dinga hi Pathenin amaho chunga chu suhkhel lamvaina natoh alhunsah ahi; chutia chu amahon thujou chu __________ dingu; thutah tahsan louva chonset alunglam hijoho jouse thu kitan ding ahi.

John 3:19 Chule themmo achan nau chu hiche ahi, vannoiyah vah ahungin ahivangin achon nau __________ jeh-in mihon vah sangin muthim __________ ahi;

NOTE: Jesu chu thutah ahi tin Bible in aseiye (John 14:6). Thutah chu ipilam ipilam in sangnom hih jongle chun Jesu kisanlou nahijenge.

13. Ni nunung tengle Pathen mite bolsea pangho chun thipha bol dan in akigel diuvem?

John 16:2 Amahon kikhopna a kona nahin kaidoh dingu; ahi, phat chu hung lhung ding ahi, chutengle koi hile nathat chanu chu __________ dinga __________ tonga kingaito ding ahi.

14. Thutah hea ahivanga juinom lou hochu Peter in iti ding ahi atiem?

2 Peter 2:21, 22 Ajeh chu ahet nunguva amaho kipea thupeh thenga kona __________ __________ sangun chonphat lampi chu ahet __________ u hile amaho dinga phajoa ahi. Uiyin aloh lhahsa __________ kit jin, vohpi kisil ngimsa jong bonlhoh lah a akibol’in akilejie, ti pao chamtuh hi amaho chunga lhung ahitai.

15. Jesu nungjui kiti hi hahsatna leh eima kingaitomna jao em?

Luke 9:23 Chuin aman abonchauva jah a. “Koi hile kanung eijui noma chun ama __________ hen lang mseh-in athingpel kiput hen lang kanung hinjui hen.

16. Jesu nung oltah in jui inge tia vohchon chon thei ham?

Hebrew Mite 4:7 Khonung sottah nungin, ‘Tuni nikho khat atep kit tan, David kama masanga bang chun.’ “Tunia nang hon a-o __________ uva ahile Nalung tahsah hih-un.” ati kit in ahi.

Hebrew Mite 2:3 Huhhingna loupi hi __________ leu hen eiho iti isochat dingu ham? Hiche huhhingna hi amasa Pakai kama asei, aja hon eiho dinga aphudet ahin,

2 Corinth Mite 6:2 Ijeh-inem itile Aman hitin ati, “Keiman lah phatchan nataona kasange; Chule huhhing nikho nin nangma kahun ahi.” Veuvin, __________ lahphat tah ahi; veuvin, tu hi huhhing __________ ahi.

NOTE: Pathen ogin ngaina ding phat hoipen chu najah pet chu ahi, chuleh Pathen deilam bolna dinga phat hoipen chu Aman nakomupet hi ahi. Phat tamtah naneinai, oltah a thulhuh nasem thei ahi tihi satan in mitamtah alhep lungmongna ahi. Pathen ogin najah chu oltah dia nakoidoh a ahileh thip doh ding ahi tihi satan in nahetpeh ahi. Nikhat tengleh, ajoutengleh Jesu jui pan nange tijeh a hi mihem telmah jat a sim satan in manthahna lampia apuilut ding ahitai, ajeh chu hiche nikhat chu hunglhung talouhel ding ahi.

17. Thutah juina jeh leh kisan jeh a phatchomna kimu chu ipi ham?

Labu 119:165 Nadanthu deihon __________ lentah anei yun, Imachan kipal lhuh sah pouvin te.

John 8:32 Chule thutah chu heuvin natin. thutah chun __________ dingu ahi,” ati.

1 Peter 1:22 Nalhagao chengu nasuh __________ ahitah a. kisopi ngailut cheh dinga le thutah thua nunga sei ngaiya nahiu ahitah a ahile. lung gil’in khat le khat ki-ngailu to cheh-un;

NOTE: Koihileh thutah kisan a chuleh jui jouse lung sunga chamna lentah, bitna, leh jalenna tah alhung jie.

18. Jesu in Peter henga thumvei jen adoh chu ipi ham?

John 21:17 Chuin athum vei nan ajah a, “John chapa Simon, nangin __________ tahbeh mong ham?” ati kit leuvin ahile, thumvei jen, “Neingailut’em?” atijeh chun Peter alung nommotan, ajah a, “Pakai, nangman ijakai nahenai; keiman nangma ka-ngailut nangman nahenai,” ati. Jesu n ajah a, “Kakelngoi ho vah-in.

NOTE: Pathen a dinga kipum pehlhahna leh kiphal thengselna ahiteng leh hiche thudoh hi poimopen ahi. Ama na ngailut hinam?

NA KIGELHAHNA

Hiche chonsetna leiya hi thutah chu itijongle minche louhel ding ahi, chuleh mi atamjo hin lampi nom akilhensoh kei ding ahi. Ahinlah nachonset  hatdohna dingin Jesun nanga dingin ngailutna mantam tah ahinvetsah tai. Pathen in nanga din tohgon semtupsa loupitah aneiye. Hiche jeh a chu hiche thutah hi nahenga ahin phondoh ahitai. Tunia hiche ngailutna chu lethuhna dinga Ama chu huhhingpu leh lengpa a nakisan a chuleh hoilai hijongleh aman nasolna chan a chena dinga na lung thim pumpi napeh nom em?

DONBUTNA: __________
Panorama of Prophecy, Lesson 24 ©2022 Amazing Facts International All Rights Reserved