Ahinlah hiche gollhang chu mihon aseiphat kalval in avum
aval adeibe nalaiye. Apa laltouna chua thanei ding atitai. Ipi soh henlang hijongleh – Israelte leng hiding anome. Amasan Absalom upa chu Amnon ahin, ama chun asopinu Tamar abolset jeh in Absalom in Amnon chu athat tai. Amnon chu David chapa lah’a atahpen ahin laltouna ngah dia lom ahi.
Hijongleh Absalom chunga deisahna joh ahung umtai, hijeh chun apa David vaihom dan, athu tan dan, chuleh adanthu ho chu aseise lele in Israel mite atilse gamtai “hichea kon hin Absalom in Israel mite lungthim abonchan athu nunsoh heltai.” 2 Samuel 15:6

Achaina in, Apa chu mat a tha ding aban leh alaltouna chulhah ding ahinti phat in anatoh gon phaloutah chu ahung kiphongjah tai. David leh anungjui ho chu Jerusalem dalha a jam doh dingin akisa tauve. Ahinlah phat chomkhatset akidou jou uvin, David in alaltouna anunglokit tan, golhang Absalom chu akithat tai.

Thusim hi lhaset umtah ahie, ahinlah hiche hi leng insung kidouna masapen anahipoi. Masanglai chun lenggam loupitah khat anaum in, hiche lenggam ajong chun hitobang kidouna khat anasohdoh in, ahinlah hiche kidouna gimnei dan chu tunigeiyin hitobanga kidouna gimnei chu asohdoh naipoi.

Hiche lenggam chu –vanggam ahi!

SIM DING

Bible hohi sim cheh inlang a onglai sudim in.

1. Vangam a kidouna hin pandoh leng chapa min chu ipi hiya, ipijeh a dou anapat ham?

Isaiah 14:12 “Vo sunlai ahsi, __________ chapa! Idinga vana kona hung pullha nahiya, Namtin vaipi sunema pang nangma Itidola leiset’a hung kisat lha nahi hi tam!

Isaiah 14:13-14 Nangman __________ naseiyin, ‘Keima Pathen ahsite chunglam Vana kaltou ving ting, __________ __________ kidong kate! Nisolam gamla tah a Houbung kikhopna molsanga tou-vinge!

Ezekiel 28:17 Na mel-hoi jeh chun nalungthim akilet sah tan, __________ ding khohsah nan nachihna chu __________ tai.

Note: Lucifer hi Pathen thilsem lah’a thaneipen leh melhoipen ahi. Vantilte lah’a chungnung pen chuleh vangam a vantilte lasah lamkai jong ahi. Ahinlah aman amelhoina chu kiletsahnan aneilo tai. (Abelap in “Satan vetsahna kisei Tyres lengpa leh Babyon lengpa” chu simin)

2. Pathen in Lucifer asema chu gitlouna toh asemtha ham?

Ezekiel 28:15 Nakisemdoh nikhoa pat nangma hi Nalam lhahjousea __________ beihel nahi; Hita chu nasunga __________ akimudoh kahsen

Note: Pathen in nolnabei leh chamkimsel dingin vantil khat asemin, chuleh deilhen semtheina jong apei, Hijongleh hiche vantil chun amacham a gitlouna (Devil) lungchang ahin kisemdoh ahi. Athu umdan hi geldan hahsaji lheh nante, hijongleh Lucifer hung gitlou masang chun, eiho jong anaum leuhen Ama chu a-ngaiya ingailut diu ahi. Itih laiya thilsoh anahitam tichu hehihjong leuhen, Lucifer in alungthim a gitlouna leh douna ahinso-lhah masanga chu kum sottah kipahtah a Pathen na anatoh tei ding ahi. Pathen in asemsa mite hohi robot tobanga isem dan dan uva um thei (Program) dia asemthei thou ahi, ahinlah robot kiti chun amacham a ngailutna aneitheilou ahi. Ngailutna dihtah kiti chu ase-apha ding henasasa puma kium sah thei ahi. Hiche jeh a chu sei ngailou tah in chaten hinkho hin mang jongleh, Nule paten hiti ding hesasa pum puma naosen aneiji ahi. Lucifer in douna abol hochu thil jat chom chom ding gelna jeh a Pathen in anasuhthip lou ahi. Ajeh masapen khat chu ahileh, Pathenin asemsa jouse hi amacham a deilhen theina anei mong monge ti ilungdon nalou diuva Lucifer natoh chu aphal ahi. Ajeh anina chu ahikit leh, Pathen in Lucifer lungthim setna amu mu chun apet pet in anathatdoh jeng taleh, vantil dang ho leh thilsem dang jousen “Lucifer joh chu adih ngap hijo tante” tia lunggel avop lhungkei dingu, Pathen thu chu a-imatih geiya ahetthem theilou diu ahitai. Hicheho jeh a chu chonset phatlouna aga mijousen amucheh theina dinga Lucifer chu Pathenin ana mohvet a abol nom nom abolsah phot ahi. Ajonakei dinga ajeh khat chu ahileh, Mihemte leh vantil hohin Pathen thupeh angailou jeh a gotna chang ding ahiuve ti kichatna jeh a Pathen ihou diu chu Aman adeilou jeh ahi. Eima lungchang monga hung kondoh ngailut dihtah’a Pathen ingailut uva ihou diu chu Aman adei ahi.

3. Achaina a ipi hung lhung em?

Thuphon 12:7 Chuin __________ __________ akisat tan ahi. Michael le Avantil ho chengsen dragon chu asat tauvin ahi; hichun __________ le asolchah ho jong chun asat thuh tauve:

Note: Hichejouvin Lucifer leh ama langa ding vantil hochu vangam akon in sotlhah ahitauve.

4. Giloupa thupehna noiya natong hattah ho chu ipi ham?

Thuphon 12:4 Chule amei chun van a ahsi ho hop thuma __________ aloilhan leiyah asep lhan ahi;

Thuphon 12:9 Chuin dragon len chu gul lui, diabol le satan kiti vannoi pumpi lhemiha a chu, ama chu leiyah lelhah-in aumtan ahi; chule __________ ho jong chu amatoh lelhah than aumtauve.

Note: Satan hi ajonchih dan chu ama nungjui ding leh Pathen douthei ding vangam a vantil hop thum lah’a hop khat akithunun jou ahi. Tuhin vantil amatoh sotlhah a um ho chu “giloupa” (devils) ahilouleh “thilha” (Deomon) tia het ahiuvin amahohin satan tohgon amolso jiu ahi. Abul langa Absalom thusim iseinauva, natoh phalou hochu amatah in atong ngeipoi ti iheuve. Absalom chun asolchahte ho chu alungdei banga natong dia asolji ahi.

2 Samuel 13:28 Chujouvin Absalom chun asohte thu ape masan aseiye, “Ammon khu lung nom tah a ahung uma, lengpitwi ahung kham velhi jing jenguvin lang, keiman najah-uva, Ammon chu denguvin,’ tia kahinsei teng leh that jenguvin, kicha hih hel’uvin. Keiman thu kapeh louva nabolu ham? Hanguvin lang thanei tah-in pang- uvin,” tin aseipeh tai.
2 Samuel 14:30 Chuphat’in aman jong asohte jah a aseiyin, “Veuvin, Jo’ab lou khu keima louban tah ahi, alou laiya khun sakol chang akitui, cheuvin lang meiyin gahalvam tauvin,” ati.

5. Satan in ama natohnaa ipi lampang (method) amanji em?

A. Thuphon 12:9 Satan kiti vannoi pumpi __________ a chu, ama chu leiyah lelhah-in aumtan ahi;

B. Mark 1:13 chua chun ni som li satan lhep __________ aumin, gamsa lah a aumin; chuin Vantil hon ahung jenleu-vin ahi.

C. Thuphon 16:14 Hite ho chu thi lha ho lhagao ahiuvin, melchihna __________ dang vetsah ahiuve.

D. Thuphon 12:10 Ajeh chu isopiteu __________ chu Akileh lha a ahitai, Ama chun i-Pathen henguva amaho chu Asun ajana __________ jingji ahi.

E. John 8:44 Ama chu atil’a pat’a __________ ahin, chule thutah a ding lou ahi: ajeh iham itile ama a chu thutah __________ ahi.

Note: Alangkhat a seiding in, selepha kidouna sunga hi Pathen in thutah bou aman ahin, satan in Pathen sangin manchah atamneijo in anatoh gon tohdoh na dingin thutah leh jou ania mankop theina tha aneiye. (Abelap simmun sunga “Ginchat loubeh thil kinem in” tichu sim o)

6. Diabol chu itih tengleh tijat umdehset ham?

2 Corinth Mite 11:14-15 Hichu thu kidang ahipoi, ajeh chu salan amatah jengin jong __________ __________ mel aputji ahi. Chuti chu ahin, alhacha hon chonphat lhacha ho mel aput chu thupi ahipoi; ahivanga athilbol dungjui cheh-a akichainiu hi ding ahi.

Note: Giloupa in abolji banga, Absalom in jong mipi ho chu ngailubeh akisa in anatoh athilbol uva akikum in alhemlha tan ahi.
2 Samuel 15:5-6 Chutia chu ama jabol dinga ahenga mi ahung seh leh aman hitobang miho chu akhut’in atuh chah jeng jin, achop jeng jie. Hitobang‘ hin lengpa henga athu kikhola kitansah dinga hung- ji Israel mi tapou chu Ab’salomin anabol jing jin ahi; hichea kon hin Ab’salomin Israel mite lungthim abonchan athu nunsoh heltai.
Satan kiti hi houin sung dunga lhagao mitah dan a ahungvale ji teng tijat umpen ahitai. (Abelap a kisei “Vantil chingtah” kiti chu simin)

7. Satan in Bible ahet em?

Matthew 4:5-6 Chuphat’in diabol’in ama chu khopi theng lama apuiyin Pathen houin tingvuma chun adinsah-in ajah a. “Pathen Chapa nahile nangma kileh lha jengin; ijeh-inem itile ‘Aman nangma chung changah Avantil ho thu pentin, ama hon akhut’uva nadop dingu ahi; achuti lou le songah nakeng kisuh khanate; tin __________,” ati.

Note: Diabol kiti hin mihem alheplhah na dinga bible simdoh leh akaleh lam’a kodoh hi athep a them ahi. Hiche jeh a chu Pathen mite amaho leh amaho puichat vaiya aumlouna dia Pathen thutheng ahet diu hi kultah ahi.

8. Diabol in vannoiya ahot pen miho chu koi hintem?

Thuphon 12:17 Chutah chun gul chu __________ chunga chun alung hangin, amanu chilhah ho Pathen thupeh nit le Jesu thu hettohsah jop __________ chengse chutoh kisat dingin akon-doh tan ahi.

9. Satan kihetna dinga gamsa gimneitah jatni Bible in tekahna apeh chu ipi ham?

1 Peter 5:8 Limgeh chan umun, kihong-phauvin; nakidoupiu diabol chu keipi __________ kituma banga koi kavai lhum theidem, tia hoi lea vah lea ahi:
Thuphon 12:9 Chuin dragon len chu __________ lui, diabol le satan kiti vannoi pumpi lhemiha a chu, ama chu leiyah lelhah-in aumtan ahi;

Note: Keipi bahkai leh gul kiti hin a-anchah matna ding a agep a akheltan thei ahi. Diabol bol tobang bangin kiningchang louvin a-anchah ding chu abolut in hesoh genthei tahleh sosetah in aboljie.

10. Satan akon kivendoh na ding umsun chu ipi ham?

Jacob 4:7-8 Chuti ahijeh chun nang ho Pathen thun __________; ahin diabol vang chu lethuh jiuvin, chutile nakomuva konin jam mangtante. Palhen kom naiyun. chutile ama nang ho kom __________ __________ ding ahi. Vo michonse ho, nakhut suthengun. chule lung tho neiho nalung
sungu suthengun.

Note: Pathen kom naina dinga lampi phapen chu taona leh Ama hetna dinga athu simjing chu ahi.

11. Satan michou naho chu Jesu’n itobanga alethuh em?

Matthew 4:10 Chutah-in Jesu n ajah a, “Chemangin, Satan; __________ itile __________ __________, ‘Pakai na-Pathen chu chibai boh-in lang ama jeng bou houvin.’ akiti,” ati.

Ephesus Mite 6:17 Chule huhhingna lukhuh chu kilah un, Lhagao
__________ panun, __________ chu.

Hebrew Mite 4:12 Ajeh chu Pathen __________ hi hing jingle natong hat jing ahi, chule hemto chemjam jouse sanga jong hemjo ahi.

Note: Satan duhha thutah akona kivendoh na dingin lunga Pathen thu khumlut jing angaiye chutengleh chonset ipeldoh diu ahi. Jesun amanchah Pathen thu chu tunia jong eihon jong imanchah thei diuvin aum jinge.
Labu 119:11 Kalungthima nathu kakhol jingin, Nang douna kchonset louna din kakoiye.
Ephesus Mite 6:11 Diabol lungthim gilou tincheng masanga nadin jou theina dingun, Pathen galvon chengse kivonun.

12. Ajonakeiya Absalom thidan leh satan thi ding itobanga akilona um em?

2 Samuel 18:17 Chuin amahon Absalom long chu adom’uvin gammang lah a __________ lentah khat sunga aleh lut’uvin achunga songtum jeng alhuh lentah in asetkhum jeng uve.

Isaiah 14:15 Ahinlah noimigam geiyin akisonlhan, kokhuh sunga __________ thuh lai naki-geitan ahi.

13. Pathen mite lhemlha kit dinga Satan hung umkit ding ham?

Ezekiel 28:19 Aitih geiya umdoh kit __________ ding nahitai, tin,” ati.

Nahum 1:9 Akisatpite chunga chu __________ __________ phu alah lou ding khat-veiya achaihel ding ahi.

14. Migiloute suhmanga aum hi Pathenin itobang in ageldem?

Ezekiel 33:11 Ajah-uva seipeh loiyin, Pakai Pathenin keima kahing jinge, tin aseivin, Keiman mi gilou thina chung changa __________ kanei ahipoi, mi giloupa chu alampi gilouva kona ahung __________ doh ding chubou kadei ahi; hijeh chun nalampi gilouvuva konin kinung hei loiyun, kinunghei loiyun, ajeh chu ipi dinga mohseh a __________ dingu ham Vo Israel insung mite?

15. David in migiloutah achapa Absalom akithat tai ti ahetdoh a chu ipity um em?

2 Samuel 18:33 Chuphat’in lengpa chu __________ dam behseh jengin, kelkot chunga indan chung nunga chun akaldoh-in, akap tai; achepum pumin, “O kachapa Ab’salom, kachapa; kachapa Ab’salom! __________ __________ kei __________ iti ham, vo Ab’salom, kachapa, kachapa!” atin ahi.

NA KIGELHAH NA

Hiche lim imu dan uhin van Pathenin achate mangthah ding hohi itobanga khoto em tichu avetsah ahi. Ama eiho khel a athinom keo hilouva; kal asongbe in – thilpeh chungnungpen Achapa deitah eipeuve! Koimcha imanthah diu Pathen anompoi. Nangma huhdoh dingin akisalal lheh jenge. Hiche jeh a chu Jesu nangma khel a hung thilo ahi. Vannoi mihem tamtah van Pathen doudingin satan toh akilhon ui. Tunia hi Ama ngailutna leh anatohna nakilhen joh lou ding ham?

DONUTNA: __________

ABELAP

Hiche simmun hin abelap a sim ding eipeuve.

Tyre lengpa leh Babylon hi Satan vetsahna ahi.

Isaiah 14:4-15 naa Bible chun satan chu Babylon toh atekah e, chuleh Ezekiel 28:11-19, Satan chu Tyre lengpa toh tekah ahikit e. Hiche Bible thumun kipe teni hi isim leh leiset leng ho toh tekah thei ahipoi ajeh chu hichea Pathenin mi asei teni hi mihem mai mai ho chunga jah dingin akimang theipoi. Lucifer (tua satan) kiti pa jong hiche thumun sunga akisei dan hi heute:
• Van akon lelhah (Isaiah 14:12)
• Chingtah, chamkimsel leh melhoitah ahi (Ezekiel 28:12)
• Pathen houn Eden a um (Verse 13)
• Song mantam jousea kijem ahi (Verse 13)
• Thao nusa cherub khat koma kikoi (Verse 14)
• Pathen lhang theng chunga um jing (Verse 14)
• Imalam jousea nolnabei (verse 15)
Babylon lenggam leh Tyre lenggam hin kibang chet a kivaihomna aneiya chuleh Satan lenggam banga anitahlhon a suhgama aum jeh a chu, Pathenin amateni hi Satan banga atekah jeng ahitai. Atahbeh in Bible them jousen jong hiche tekahna hi apom sohkei uve. Kidangtah in Lucifer vetsahna jatchom chom Bible mundanga jong tamtah vei aseiye (Luke 4:5-6; 10:18; John 8:44; 2 Peter 2:4; 1 John 3:8; Jude 6; Thuphon 12:7-9), amavang Ezekiel 28 leh Isaiah 14 panglouva satan thusim hi bukimsel a kihedoh joulou ding ahi.

Ginchat loubeh thil kinem in

Mitamtah in khonung tengleh satan chu lhangphonga Pathen melma dan a hung umdingin agingchauve, ahinlah hichu hung hilou ding ahi. Satan chu Pathen melma khohpen chu ahinai, ahung kilah ding dan hi chonphatah a hung ding ahi (Matthew 24:24). Vantil vah bangin loupitah in akilang theiyin (2 Corinth Mite 11:13-15) chuleh mipi ahin kihousah ding ahi (Thuphon 13:12). Pathen toh hung bang jeng ding ahijeh chun “leiset pumpin” kidang asauvin ajuitauve tichu Bible in kichehsel a aseisa ahi (Thuphon 13:3). Gimneitah a seiding in! Satan chun Christa umchan ahintho ding, kiloubehseh ding vannoi pumpin anung ahin jui dingu ahi, amaho chu Jesu nungjui dan a kigel diu ahi. Hichea chu lheplhah nahidem? Tunia hiche bible jilna pumpi hi nasim jou sohkeiya ahileh lheplhah a naum lou ding ahi.

Vantil chingtah

Satan hi mihon kichat chat um leh lim hoimo tah, bah-lhaving nei tobang mihem tobang sahem tobang, atomei saotah, vomkei kui, akhut a tengcha muhka akidop sah uva meidil a vah lele dan a aseiji tenguleh ama hi akipahlheh jie. Hiche chu jouthu ahi ti akichensel e. Hitobang lim ngaitona hohi Greek Mythology akona hung kipan ahibouve. Satan hitobang chu ahi tihi Bible a mudoh ding imacha aumpoi. Bible in satan chu chingtah, vetnom umtah melhoi, thusei them ahi ati. Chuleh amahi Pathen thu hesohkei jong ahi (Matthew 4:5-6). Diabol kitipa hi Pathen melma a kiseiya Pathen nunlekhan suse dingleh alenggam chulha ding kigo jingpa ahi. Hiche Bible jilna hin satan tohgon jouse nahetdoh sah ding chuleh nakivendoh ding dan nahil ding ahi. Tunina huhhingpu khut a umdin nakhinkho kilhan doh jengin, chuleh ama puihoina chang dingin gunchu tah in tao jingin.

Panorama of Prophecy, Lesson 3 ©2022 Amazing Facts International All Rights Reserved