Hiche nikho hapta nimasa (Sunday) nilhah nisa lhumlhah kontah’a kholjin lampi ahinjot pettah in, mikhat toh lampia akitohpauve. Amanin vang hiche mikhat chu thoukit Pakai ahi ti hetna neocha jong aneilhon poi.

Miteni’n jong kholjin mipa chu nasah behlouvin akoiyin, tuhapta
sunga thilsoh thu umdol hochu akihoulim phei pheilhon in ahi, kal
asonbe laichan lhon in akinepna lhon abei deu abei deuve. Jesu in
akihouna lhon chu angaiya ahileh, kei kahibouve tia kiseidoh ding
anomlheh jenge. Ahinlah Pakayin keima kahibouve tin kiphondoh
jengta leh miteni chun Pathen thu ahetthem theilhon lou ding ahei.
Chutia ahetdohna lhonna dingin Jesu Christa chu kiphongdoh jeng
taleh, thanomval behseh lhon a thutah poimotah kisei chu ajahman
lhon lou ding ahi.

Kum thum leh akeh jen Jesu thuhil ahin jah jeng vanguvin, Ama natoh thupipen tah chu ahedoh jou naipouve. Ama kichentah’in aseiyin, “Mihem chapa chu mihemteho khut’a pedoh hiding ahi, chuleh athadiu ahi. Ama athi jou tah leh, nithum jou leh thou ding ahi ati. Ahinlah hichu amahon ahetthem pouvin, chuleh dohbe ding jong akichauve.” Mark 9:31, 32.

Jesu Christa in akihoulim hon chu alatan loiyin, nidan ni sung tobang Pathen thu leh themgao thu ho ahetthem theilhon na dingin asim dan ahil e.

SIM DING

Bible hohi sim cheh inlang a onglai sudim in.

1. Pathen thutheng ijat itahsan diuva thupeh um em?

Luke 24:25 Chuin aman ajah lhonah, “Vo lungthimbei themgaoho thusei __________ tahsan ding lung ngongkai ho;”

2 Timothy 3:16 Pathenin ahaikhum Pathen le-khabua __________ kisun chengse chu kihilna a kipho na a kipuijangna a, chonphat kisinsahna dinga phatah ahi:

NOTE: Pathen thutah chamkim (Sacred truth) hi kitepna lui leh kitepna thah tenia kijih lut ahi. Thuphon lekhabua themgao thilmu leh themgao thusei jouse hetthem theina hi kitepna lui thusim hoa kon alampi kihe ahi. Vetsahna dingin, Thuphon bua verse 404 um holah’a hi verse 278 tobang hi kitepna lui thusim hoa kon kilason ngen ahi.

2. Jesu Christa in Pathen thu leh themgao thu hoa kona koi kiphong doh ahi ati em?

Luke 24:27 Chuin Mosea pat le themgaoho jousea pat’in Pathen lekhabu pumpia __________ thudol kisun jouse chu amani ahilchentan ahi.

John 5:39 Nang hon Pathen lekhabua thu nahol-toh jiuve, asunga chu tonsot hinna naneiyuva nangaito jeh-un; ahin hiche ho chu __________ thudol hettohsah ahiuve;

Thuphon 1:1 __________ __________ thuphondoh, Pathenin asohte hetsah dinga apeh, thil hung sohvah ding ho chu; aman Avantil asol’a asoh John ahetsah ahi.

NOTE: Pathen thu leh themgao ho thusei jouse in ako uchu Jesu Christa ahi. Tuchung a simmun hin themgao thusei tamtah lunglut umtah tah ho banneicha eihil diu ahi, Amavang lung’a haimil lou ding chu ahileh Daniel leh thuphon lekhabu hin amasapen a aseidoh nom chu thildang aumpon, Jesu Christa leh alenggam ahi.

3. Bible a Jesu min dang kisei chu ipi ham?

John 1:1 Atil’a chu __________ um ahin, Thu chu Pathentoh uma ahi, chule Thu chu Pathen ahi.

John 1:14 Chuin __________ chu tahsaphe ahung soh in ilah-uva ahung chengin, keihon aloupina Pa a kona chapa chang khatseh loupi chu lungset le thutah dimset’in kamutauve.

4. Pathenin a Bible hi koi tobang mi ho amachah a ajihdoh sah ham?

2 Peter 1:21 Ajeh chu thusoh ding chu mihem lung chama konin asoh khapoi; __________ chu Lhagao Thengin asotlea Pathena kona amu chanu
aseijiu ahibouve.

5. Tonsot hinna hi Jesu het’a kon kinei ahi (John 17:3). Jesu chu itobanga seijuite het hiham?

Luke 24:35 Chuin lam dung a thu umchan le __________ __________ ahebal’a amanin ahetdoh lhon hiti imajouse chu amanin jong asei lhonin ahi.

NOTE: Bible a changlhah hi Pathen vetsahna ahi. Jesun aseiyin, “mihem chu changlhah jenga hing lou ding ahi, Pathen kamsung soh thua kon bouva hing ding ahi.” Ati Matthew 4:4. Pathen thu isim uva, ihet uva, ijui uva pat, hatah a kipana, lungmonna leh tonsot hinna in eijui diu ahi.

6. Christian te dia Bible sim hi itobanga poimo hitam?

Job 23:12 Akamsung thu peh khat cha jong dalhah kaneipon, Akamsung soh athusei __________ ka-lung sunga __________ jing jenge.

Labu 119:105 Nathu hi kakeng din __________ apangin, Kalampia __________-in apange.

NOTE: Satan in Bible hi ahot lheh jengin mi’n asim louna ding ahipoule ipi hijongleh boldinga kimansa ahijenge. Satan in mi lheplhahna dinga tohgon aneiho hi themgao thua kon kiphongdoh ahi ti ahei. Hijeh a chu hiche Bible jilna bu hi naisim chai theilouna dinga satan in thildanga nasuhboiya nalunggel alodim sah’a ahileh datmo hihbeh in. Koihileh thutah henom jouse dinga Pathenin lampi asem ding ahi.

7. Bible jilthemna dinga koiyin eikithopi em?

John 16:13 __________ dihtah chu ahung teng vang le ama chun thutah lam jousea nang ho napuihoi dingu ahi; ijeh-inem itile aman achama asei lou ding, ajah chan asei ding bou ahi, chule khonung thusoh ding naseitohpeh dingu ahi.

John 14:26 Ahinla Pan kamin a ahinsol ding Lhamonsah __________ __________ chun imajouse nahil soh kei dingu, chule najah uva kathusei chengse hi nageldohsah dingu ahi.

1 Corinth Mite 2:13 Hitiho chu mihem chihna-in ahil thu banga sei louva, Lhagao __________ thua lhagao lam thudola lhagao thu kabea kasei ahi.

8. Ka Bible sim naa lhagao thengin eipui monge ti kahetna dinga ipi kabol ding ham?

Luke 11:9 Chule keiman nang ho kaseipeh nahiuve, “__________ kipe ding nahiuve, hol’un namu dingu ahi; kiuvun kihonpeh ding nahiuve.”

Luke 11:13 “Hijeh chun nang ho bon migi-loutah hiuva nachateu thilpha pehje nahet’ule, hiche sanga chun gam chenga van a Pa chun __________ __________ chu Lhagao Theng apeh lou ding ham?” ati.

John 7:17 Koi hijongle __________ __________ got lam bol noman kathuhil hi Pathena kon ahi, keima chama kasei ahi, ahet ding ahi.

NOTE: Lhagao theng anatoh lah’a khat chu Pathen thu hilchet ding hi ahi. Hiche jeh achu Bible sim masanga leh lhagao theng koma kithopina ithum jingu angaiye. Hiche banga hi kabol’a ahileh Lhagao thengin ka Bible sim naa eipui nai ti kahet ding ahi (I) Eihil them dingin kathum jing nai, chuleh (2) Lhagao thengin eihetsah banga thutah chu kisanna chuleh jui ngam ding ahi.

9. Tao jing puma Pathen thu sim hin itobanga eikithopi em?

Labu 119:11 Kalungthima nathu kakhol jingin, Nang __________ __________ louna din kakoiye.

Jereimaih 33:3 “Neihin kouvin, keiman __________ ing ting, nangin nahet khah louhel __________ __________ tah kiselguh chu naseipeh inge.”

Rome Mite 15:4 Ajeh chu nidang laiya thu kisun chengse chu, lekha kisun Pathen thua kona thohhatle lungmonna imuva kinepna inei theina dinguva, eiho __________ __________ kisun ahi.

Jacob 1:5 Nalah uva khat tou __________ hetna lhasama aumle, it louhel le house louhel’a pejia Pathen henga thum hen; chuteng kipe ding ahi.

10. Bible isim tengleh ipi lampi (Method) mangcha’a sim ding ahi tia Pathen thu in eihil uvem?

Isaiah 28:10 “Ajeh chu chondan jeng chondan jeng ahin, Chonna jeng chonna jeng, __________ them khat __________ them khat, ahi,” ati.

1 Corinth Mite 2:13 Hitiho chu mihem chihna-in ahil thu banga sei louva,
Lhagao hil thua lhagao lam thudola lhagao thu __________ kasei ahi.

2 Peter 1:20 Pathen lekhabua thusoh ding kisei hi aseiyan ama chang
__________ aledoh ahilchet dol ahipoi;
NOTE: Eiho chang lunggel leh ngaidan suhto umlouva Bible a eiman isim nompen (subject) chu munjousea sim ding (“hilama themkhat, khulam themkhat”) chuleh achang jouse chu tekah’a vetkah sohkei ding ahi. Bible ama leh ama ikihilchet sah diu ahi. Hitobanga ibol tengleh thutah chu hung kihechen tei tei ahi. Hitobanga chu Jesu Christa in jong Emmaus kholjin lampia seijuite ni jong chu kigelhahna aneisah a Ama chu messiah ahimonge tichu asuhchet peh ahi (Luke 24:27).

11. Pathen thu sim hin eiho ding ipi abol doh um em?

2 Timothy 3:15 Chule __________ umna dinga __________ thei Pathen lekhabu theng chu nachapan laiya pat’a nahin hetsa peh ahitai.

NOTE: Pathen thu hin huhhingna lampi tohgon eihetsah uvin –hichu Mihem tea dinga thu poimopen.

12. Jesu Christa thusei dungjuiya, thutah hoiya muthei hiham?

John 14:6 Jesu n ajah a, “Kei hi lampi le thutah chule __________ chu
kahi; keiya che lou chu koima Pa kom alhungpoi.”

John 17:17 Thutah chun amaho hi suthengin; nangma __________ chu
thutah ahi.

NOTE: Pathen thu Bible - akon thutah imu-uve. Tu vannoi dinmun dol’a Thutah kiti chu thil vang-tah khat ahi, hiche jeh a chu leiset a mihemte jouse genthei ahi. Thil jouse dia angaikhohpen thutah kiti hi Pathen thua kimu ahi. Athu sima chuleh bol hi mihem jalenna apei (John 8:32) chuleh kipana alhut in, hinna akiben ahi (John 15:11).

13. Pathen thu in Bible sim thudol a ipi hetsah masat (warning) aneiyem?

2 Timonthy 2:15 Nangma kipatep them chang banga Pathena kipehna dingin gunchun pon panin. Jachatna beihel natong mi hin. thutah’thu chu __________ chan mang chan.

2 Peter 3:16 Alekha thot chengsea chu hiche thu chu aseiya chutobangma chu asut ahi. hichenga chun het hahsatah tah thu aume; hichu mi lung lhom ho  le lung det louhon Pathen lekha-bua thu dang dang angai __________ bangun angai koijiuvin ama le ama __________ jiuve.

NOTE: “Thutah jangkeiya manchah ding” kiti hi thutah chu dih keicha ledoh ding tina ahi. Bible hi eima seinom khat kosah tei teina dinga heikoi hi tijat umtah ahi. Keiman Bible thudol kasei chu imacha ahipoi. Ahilah Bible in ipi asei ham tihi thil lentah, akhoh a khoh ahi.

14. Hou thuhil (religious teachings) holeh tahsan thuhil (doctrine) hohi itobang patep ding ham?

Solchahte 17:11 Amaho chu Thessalonica miho sang chun aphajouvin, lung kipahtah-in thu chu asangun, hichu hina hilouham ti hetna dingin niseh-in Pathen lekhabuah __________.

Isaiah 8:20 __________ le __________ joh doh ding ahibouve! Amahon hiche thu hi sei jongu leh hichea chun __________ aumpoi.

NOTE: Hou thuhil jouse Bible toh phatea patepna neiding ahi. Thuhil khat pou pou hijongleh Pathen thu toh akitolouva leh, thuhil dihlou ahin dalhah ding ahi.

15. Jesu Christa in Emmaus kholjin lampia aseijui lung lhalhop teni koma Pathen thu ahilchet pet’a chu ipity em?

Luke 24:32 Chuin amani chun khat’in khat jah a “Lampi dunga eikihoulimpi lhona Pathen lekhabu thu eihil chen lhona chu __________ __________ lah jeng hih am?” akitito lhone.

16. Seijuiteni chun Jesu ahingkittai tia ahetdoh lhon a chuleh themgao thuhil ahilchen ajah lhon jouva chu, Ipi abol lhon em?

Luke 24:33 Hiche pettah chun akipat lhonin Jerusalem lama __________ lhonin, chukoma som le khat le aumpiho mun khat’a anaum khomu __________ lhonin;

NOTE: Jesu in Pathen thua thu kisei ho ahilchen jouva ajah lhon’a pat chu seijuiteni chun midang ho seipeh dingin alung hon asoulah lah jenge. Nang in jong hitobang thanopna chu nanei ding katahsan in hiche Bible thu jilna dinga hi nasopi naloi napai ho nakou lut ding kakineme.

NA KIGELHAH NANA NA

Pathen thu hi het lhingsel a chuleh jui ding nanop hinam?

DONBUTNA: _________

ABELAP

Anoiya ahung kisei ding hohi Bible themgao thilmu ho jilna dinga vetsahna leh ahilchetna ho ahi. Avetsahna hohi len deuvin kijih intin chuleh ipi kiseina ham ti ahilchetna toh um ding ahi.

Vantil = Thangkou (Messenger)
Daniel 8:16; 9:21; Luke 1:19, 26; Hebrew Mite 1:14

Babylon = Hou dihlou/lungboina sakho
Semtilbu 10:8-10; 11:6-9; Thuphon 18:2, 3; 17:1-5

Sahem = Lenggam/Solkar/gam thunei (Political power)
Daniel 7:17, 23

Changlhah = Pathen thu
John 6:35, 51, 52, 63

Nikho = Kum khat kiseina
Ezekiel 4:6; Minbu 14:34

Dragon = Satan ahilouleh amanchah ho
Isaiah 27:1; 30:6; Labu 74:13, 14; Thuphon 12:7-9; Ezekiel 29:3; Jeremiah 51:34

Chalpang = Lungthim
Rome Mite 7:25; Ezekiel 3:8, 9

Khut = Natoh
Thuhilpa 9:10

Numei thenglou = Houbung vahvai/sakho dihlou
Isaiah 1:21-27; Jeremiah 3:1-3, 6-9

Luchang = Thahat thuneipen/Lamkai/solkar
Thuphon 17:3, 9, 10

Ki = Leng/ lenggam
Daniel 7:24; 8:5, 21, 22; Zechariah 1:18, 19; Thuphon 17:12

Kelngoi = Jesu Christa/Pumgo thilto
John 1:29; 1 Corinth Mite 5:7

Thaomei = Pathen thu
Labu 119:105

Kaipi bahkai = Jesu Christa
Thuphon 5:4-9

Mohor/Mark = melchihna, phalpeh leh phalpeh louna
Ezekiel 9:4; Rome Mite 4:11; Thuphon 13:17; 14:9-11; 7:2, 3

Moul = political leh sakho kigoma thaneina
Isaiah 2:2, 3; Jeremiah 17:3; 31:23; 51:24, 25; Ezekiel 17:22, 23;
Daniel 2:35, 44, 45

Thao twi = Lhagao theng
Zechariah 4:2-6; Thuphon 4:5

San(Red) = Chonset/setna
Isaiah 1:18; Nahum 2:3; Thuphon 17:1-4

Songpi = Jesu/Thutah
1 Corinth Mite 10:4; Isaiah 8:13, 14; Rome Mite 9:33; Matthew 7:24

Mohor = melchihna, phalpeh leh phalpeh louna
Rome Mite 4:11; Thuphon 7:2, 3

Gul = Satan
Thuphon 1:16, 20; 12:4, 7-9; Job 38:7

Nisa= Jesu/Kipana thupha gospel
Labu 84:11; Malachi 4:2; Matthew 17:2; John 8:12; 9:5

Chemjam = Pathen thu
Ephesus Mite 6:17; Hebrew Mite 4:12

Gucha = Kiningchanglouva Jesu hungkit na ding
1 Thessalonica Mite 5:2-4; 2 Peter 3:10

Phat/Nidan = Kum kiseina
Daniel 4:16, 23, 25, 32; 7:25; Daniel 11:13

Twi = namtin chitin/mipi
Thuphon 17:15

Tupat ponnem = Jona/chonphatna
Thuphon 19:8; 3:5; 7:14

Hui = Boina, gal kidou
Jeremiah 25:31-33; 49:36, 37; 4:11-13; Zechariah 7:14

Nungah theng = Houbung dih
Jeremiah 6:2; 2 Corinth Mite 11:2; Ephesus Mite 5:23-27

Nungah thenglou = Houbung vahvai
Ezekiel 16:15-58; 23:2-21; Hosea 2:5; 3:1; Thuphon 14:4Panorama of Prophecy, Lesson 7 ©2022 Amazing Facts International All Rights Reserved