Ahab do serma lahare Probhui baṅ kedea baal debota sewae lạgit’, onate uni do 400 nạbikoe hohowak’koa onkin barea raj lahare hijuk’ lạgit’. Noa eṛeak’ uduk’ lekate onko eṛe nạbiko do ko menkeda, “Do sen katek’ Aramiko lạṛhạikom, ar ape dope jitạuk’a!” Menkhan raj Jehosaphat’ doe nehorat’koa Probhuren mit’ṭen sạri nạbiak’ ańjomtaepe. Ahab doe menkeda onḍe do mit’ṭenge Jehowaren nạbi doe sarec’ akana uniak’ okoak’ ńutum do Mikage kana, Menkhan uni doe juṭuc’ada “ińdoń kurudaegea, ente uni do abo reaṅ tis hõ besak’ do bae nạbigea bic’kom bạric’ak’ge.” Kạli 8.

Jehosaphet’ak’ kurumuṭute, Ahab do mit’ṭen guti kul kedea Mika ạguye lạgit’. Sahosan nạbi hec’katek’ mit’ṭen baṅ baḍaeak’ kathae lại keda. Uni do Ahabe metadea je uni do Aramiko saote lạrhạiyok’re gujuk’a. Nitok’ Ahab do ạḍi muskilak’re paṛaoena. Cet’ uni do 400 nạbi koe pạtiạu koa okoe do mońj kathako ko lại keda, se uni eskar Probhuren nạbi? Ḍhiṭan nạbi Ahab do Jehosephat’e rạji oco kedea nạbi Mikawak’ cehaonako baṅ ańjom lạgit’ ar lạṛhạire selet’kedea. Uni doe hudiskeda sanamak’ lạṛhại reak’ sanaphana horok’ katek’ Probhu samaṅre teṅgo daṛeak’ae ar lạṛhạire lahasec’ baṅ teṅgo katek’. Menkhan Ahab do ạḍi bilạmte cet’keda je Isorak’ katha khon do bam eṛanok’a. Lạṛhại oktere, mit’ṭen ạpạṛi oṭaṅ hec’ente Ahabak’ sanaphana reak’ joṛaore paṛaoadea, ar uni do mãyãm oḍok’ente rat gạdi cetanre goc’ena.
Jisu do cehaonae emakana je mucạt’ dinre aema eṛe nạbiko ko upelok’a (Mathae 24:11). Ona iạte abo do bạṛic’ak’ khon mońjak’ pachnao huyuk’tạbona. Cedak’je noa do jion ar moron reak’ katha kana!

PAṚHAO

Mimit’ Bạibel kạliko paṛhao tayom khạli ṭhạiko perejpe.

1. Okoe ṭhen Probhu do ac’ak’ mucạt’ ponthakoe sodoreda?

Amos 3:7 Khạṭige, Probhu Isor do cet’ hõ bae cekaea Ac’ren guti _____ ṭhen ac’ak’ okoak’ begor khulạute do.

2. Mucạt’ dinre cet’ sạri ar eṛe nạbi banargeko teṅgona?

Mathae 24:11 Aḍi utạr _____ nạbiko ko teṅgona ar aema hoṛko bulạukoa.

Apostal Kamiko 2:17 Ar mucạt’ dinkore nonka hoyok’a, Isore meneda, _____ Jiu reak’ manwa jạtren jotokoń dulakoa, Ar aperen _____ ar aperen _____ nạbia.

Dhean: Hẽ, mucạt’ dinre banarge sạri ar eṛe nạbiko ko teṅgona. Bạibel hoe cet’ abon kana je nạbiko do herel se maejiu hõ ko hui daṛeak’a.

3. Cet’lekan eṛe nạbiko do Bạibelre ko dos ocok’ kana?

A. “Okoe do guniko ko cekayet’” Deuteronomium 18:10.
B. “Sak’gunko roṛ” Deuteronomium 18:10.
C. “Okoe do cinhạko reak’ bhedko ko lại” Deuteronomium 18:10.
D. “Bhabaok’ko” Deuteronomium 18:10.
E. “Bak’ndhonko” Deuteronomium 18:11.
F. “Goc’ hoṛ ḍak’aoko” Deuteronomium 18:11.
G. “Jan guruk’ko” Deuteronomium 18:11.
H. “Goc’ hoṛ ḍak’aoko” Deuteronomium 18:11.

Dhean: Deuteronomium 18:9-12 meneda je joto okoe noako ko cekaeada noa do Probhu samaṅre hirkhạwak’ge kana. Ona iạte kristanko do onko saote cet’ hõ cekae reak’ bạnuk’a.

4. Cet’ Isorak’ mucạt’ manḍerre do nạbi katha reak’ dan menak’a?

Johan Then Sodorak 12:17 Ar uni biń do maejiu upạrteye raṅgaoena, ar uni bõsren sarec’ko tuluc’ lạṛhại lạgit’e calaoena, one onko Isorak’ hukumkoko dohoyet’ ar _____ _____ menak’tako.

Johan Then Sodorak 19:10 Khangeye metadińa, men, alo; iń do amren ar Jisuak’ gohako sap’ dohokat’ amren beohakoren são-golam kạnạń; Isor baṛe sewawaeme; ente Jisuak’ goha do _____ reak’ _____ kana.

Dhean: Cet’leka abo paṭh 16 re bon cet’keda, Isorak’ mucạt’ sonot manḍerre do “Jisuak’ goha menak’takoa,” oka do “nạbi reak’ Jiu kana.” Johan Then Sodorak 19:10 ar 22:9 jurite abo bon ńela je dut’ do Johanren “boeha” mente menogok’kana okoe ṭhen do nạk’bi reak’ Jiu menak’a “nạk’biko” ar “okoeko do noa puthi reak’ kathako dohoet’kan.” 1 korinthiko 1:5-8 re, Paul doe meneda je manḍerren ko ṭhen do “Jisuak’ goha tahẽna” ar “onkoak’ do cet’ dan reak’ hõ okolan baṅ huyuk’a” Jisu dosar hijuk’ hạbic’. Ona iạte Isorak’ mucạt’ manḍerre do nạk’bi reak’ Jiu tahẽn takoa.

5. Cet’ lekate Isor do mit’ṭen sạri nạbi saote galmaraok’ kana?

Numeri 12:6, 8 Ape modre jãhãe hoṛ nạbiye tahẽnkhan, enḍekhan iń Probhu do _____ uni ṭheniń baḍae ocok’a; _____ uni tuluc’ iń galmaraoa.

Sekariạ 4:1 Ar iń tuluc’e galmaraokan tahẽkan _____ do arhõe hec’ sorena, ebhen ocok’ mit’ten hoṛ lekage.

Dhean: Probhu do ac’ren nạbiko saote dorsonte, kũkmũte, mukhạ mukhi, ar dutko hotete galmaraok’ kana. Kańc’ reak’ ghonṭa, ti papaṛhaoic’, cae sakam lekhaic’, ipil koyok’ic’ ar goc’ hoṛko salak’ galmaraoic’ noako do Isorak’ pontha lekate do nạbiko saote galmaraok’ do baṅ kana.

6. Cet’ hahaṛa kạmiko do mit’ṭen sạri nạbiak’ porman kana?

Johan Then Sodorak 16:14 Ente onko do _____ kạk’mikan _____ reak’ jiuko kanako, one onko do goṭa dhạrtiren rapajko ṭhenko oḍok calak’kan.

Dhean: Baṅ, mit’ hoṛak’ hahaṛa kạmiko do sạri nạbi kanae mente porman baṅ kana. Onko do mit’ṭen jinisge ko porman daṛeak’a- eṛeak’ daṛe. Menkhan ona daṛe do hui daṛeak’a Isor ṭhen khon hijuk’a se soetan ṭhen khon. Ona iạte Probhu doe metabonkana: “Joto Jiu do alope pạtiạuak’a, menkhan Jiuko do biḍaupe. Onako do Isor khon kana se baṅa mente entek’ aema eṛe nạbiko dhạrtire ko oḍok’ sena kana.” 1 Johan 4:1.

7. Mit’ṭen nạbiak’ bises biḍạutet’ do cet’ kana?

Jesaea 8:20 _____ ar _____ pańjaepe! Sạrige, onako kathako roṛ hoṛko lạgit’ do aṅga marsalge bạnuk’a.

Dhean: Ạn ar gohako do “Bạibelre” nawa niạm reak’ sodorak’ tahẽkana. Eṭak’ kathate do, jãhãe mit’hoṛ Isor ṭhen khon hec’ kanae nạbi kanae mente menet’kan khan Bạibel saote juriye lagak’a. Bạibel hotete abo do uni nạbi biḍạue jạruṛa, ar nạbi hotete Bạibel do baṅ. Jãhãe Isorren sạri nạbi do Bạibel reak’ joto kathage aṅgoc’a. noage sạri biḍạu do.

8. Mit’ṭen nạbiak’ dosarak’ biḍạu do cet’ kana?

1 Johan 4:2 Niạtege Isorren dope baḍae oromedea; mit’ ke mit’ jiu one onae aṅgocet’, baṅma , _____ _____ do manwa-jạtente hec’ akanic’ge, ona do Isor khonak’ kana.

Dhean: Isorren sạri nạbi do Jisu Mạsiak’ sạriak’e ańgoc’a are cet’akoa – je uni do Isore tahẽk’kana manwa rupre. Sạri nạbi do Jisui sarhaoeae, apnar do baṅ. Ḍher eṛe nạbiko do Isorak’ katha khon dhean ko eṭak’sega ar akoak’ hudisak’ko sec’ko ạk’yurkoa.

9. Mit’ṭen nạbiak’ tesar biḍ ạu do cet’ kana?

Mathae 7:16 Onkoak’ _____ oromkoa.

Dhean: Noa reak’ mane do baṅ kana je nạbiko do ko sạbit’gea mente. Isorren nạbiko do jaoge bhulak’ko tahẽlen takoa. Enre hõ, sạri nạbiko okako cecet’ ar onkoak’ jionko khemaoet’ ona talare dhirpur tahẽn jạruṛa.

10. Mit’ṭen nạbiak’ ponak’ biḍạu do cet’ kana?

Jirimia 28:9 Uni nạbi okoe suluk reaṅe nạbiyet’, uni nạbi reak’ kathako _____ khan, enḍekhan uni nạbi reak’ do baḍaeok’a Probhu do sạrige uniye kolakadea mente.

Dhean: Mit’ṭen sạri nạbi do eṛe bae nạk’bia. Judi mit’ṭen nạbi Isor khon kanae, oka kathako uniye menet’ onako do purạuk’. Enre hõ, ghoṭna jurik’re do mit’ṭen nạbi do sạri nạbi kanae mente do bae sạbite kana. Deuteronomium 13:1-3 re cehaonae emok’ kana je eṛe nạbiko do cinhạko em daṛeak’a oka do purạuk’a ar akoak’ kạmikote hoṛko do eṭak’ Isorko ko sewa lạgit’ko ạyur’koa. Mit’ṭen sạri nạbi do Bạibel lekate Isor sewawae lạgit’ manwakoe ạyurkoa.

11. Pạul do nạbi katha reak’ babot’re cet’ onkanak’ pea jinise menakada?

1 Thessalonikio 5:20, 21 Nạbi katha alope _____, menkhan jotoak’ko _____ aṭkarpe.

Dhean: Pạule meneda je abo do jemon alobon nĩhạ̃t’ ocok’a, se nạk’bi reak’ Jiu do alobon nĩhạ̃tema. Menkhan, abo do nạbi kathako do biḍạu aṭkar lagak’a Bạibel katha hotete ar okaṭak’ mońj ar sạriak’ kana onaleka calak’ jạruṛa.

12. Jãhãtinrege mit’ṭen sạri nạbiak’ kathabon nĩhạ̃t’tak’kan khan okoeak’ solhabon nĩhạ̃tak’ kana?

Luke 7:28-30 Metapekạnạń maejiu khon janamko modre Johan khon maraṅ do okoe hõ bạnugic’an. … Arko ańjomket’ joto disom hoṛ ar mạsul uk’ṭhạuko do Isor do dhoromgeko aṅgockedea. … Menkhan Phạrisiko ar ạn guruko do akore _____ _____ tarse giḍikeda, uni tite bako bạptis ocolente.

Dhean: Tinre mit’ṭen sạri nạbiak’ kathabon nĩhạ̃tak’kan, khan abo do Isorak’ kathagebon nĩhạ̃tak’ kana. Mit’ṭen bises hudis! Bạibel do Isorren nạbikoak’ ańjome metabon kana ar gok’ak’ko jemon okoe ko do mit’ṭen sạri nạbiak’ solha lekako taṛama onko sanamko do ko haraboruk’a. 2 Biboron 20:20 Probhu aperen Isorre pạtiạuk’pe, adope tambhaok’a; uniren nạbikore pạtiạuk’pe, ado jo bahak’tapea.

Amak’ Roṛ Ruạṛ

Isor do nit hõ nạbiko hotete galmaraoet’ kana ar mit’ṭen sạri nạbiak’ katha do ape lạgit’ “Jisuak’ goha kana”, cet’ ape teheńren nạbiko Bạibel lekatepe biḍạu aṭkarkoa ar okoe koak’ do Isorak’ katha leka jurik’ kana onkoak’pe senak’a.

Jobab: _______

Bodolte

Noa paṭh do laha seak’ paṛhak’ lạgit’ baḍaeye emok’ kana.

Teheń-dinren nạbiko
December 1844 re, Methodist juạn maejiu koak’ mit’ṭen dol do potlandre ikṛum katek’ko koejoṅet’kan tahẽna, tinre Ellen Harmon do – 17 sermaren nijor kuṛi tahẽk’kana – onre uni do pạhil dorsone ńamleda. Ellen (Okoe do ac’ak’ bapla James White ńutuman koṛa songe huien taea ona tayom do Ellen White huiena) oka do Isor uni ṭhene sodorkeda, uni do jaoge dorson ar kũkmũi ńelet’kan tahẽna 70 serma hạbic’ – ac’ak’ gujuk’ okte 1915 hạbic’.

Cet’leka Bạibel ok’tere nạbiko lạgit’ sạriak’ tahẽk’ kana, Ellen White ak’ dorson ok’tere hõ ac’ak’ hoṛmore nonkanak’ huyuk’ ńelok’kan tahẽna oka do ạḍi judạge tahẽk’kana. Daniel nạbi lekage, uni dorson ńeńel tuluc’ bae sahet’kan tahẽna ar ac’ak’ hoṛmo reak’ daṛe doe aṛak’ giḍiakat’ tahẽna, (Daniel 10:8, 17). Uniak’ adom dorsonko do pon ghonṭa hạbic’ tahẽk’ kana, menkhan uni do onako oktere bae sahet’leda. Tinre uni do dorsonre tahẽk’kana Doctorko do ko biḍạu aṭkar kedea ona do sạriak’ge kana mente.

Eṭak’ oktere, uni do ạḍi judạ daṛeye ńamet’ kan tahẽna (Daniel 10:18, 19). Hue daṛeak’a Ellenak’ ojon do 95 pound tahẽk’kana, onko ko ńel kedea je ac’ak’tire 17 pound reak’ gharońj reak’ Bạibel 30 minuts hạbic’ tul rakapkat’ ac’ dorsonre tahẽn ok’tere. Noako ar eṭak’ hoṛmo seak’ cinhạ koe uduk’eda je mit’ṭen judạ daṛege oka do mit’ṭen nạbiak’ aṭkar kana. Enre hõ, ona do bae metabon kana je nạbi do Isor khon se soetan khon kanae mente. Tinr e nonkanak’ daṛeko ńelok’ tuluc’ nạbiak’m dane ńam akada mente menle khan, kristanko do Bạibel hotete ńel jạruṛa akoak’ lạiak’ do sạri kana se baṅ.

Bạibel reak’ ponea biḍạu juri aṭkar

Dela mit’ saotebon nela Ellen White ak’ kami do Baibel reak’ noa ponea biḍạure jurik’ kina se baṅ sạri nạbi kanae mente.

Pạhil biḍạu- Isorak’ katha sãote juri
Ellen White ak’ jãhãn mit’ṭen puthige paṛhak’pe, ar apepe ńama je ona do jaoge Bạibel sec’ge ạc’yuret’ pea ar ona do purạge Isorak’ katha saote jurik’ kana. Enre hõ, uni do ac’ak’ olak’ko Bạibelre olak’ reak’ juṭuc’ak’ ko kana mente do bae meneda. Uniak’ ol reak’ karon do kana Isorren hoṛ koak’ dhean Bạibel sec’ ạgui ar Bạibelge eken sạriak’ reak’ mul do kana mente. Dheanak’pe Ellen White ac’ak’ sodorak’tet je eken Bạibelge pạtiạu reak’ mul do kana; “Aboak’ oktere do sidhant ar sạriak’ khon ạḍi saṅgeńko calao akana, ar ona iạte ruạṛ hijuk’ reak’ maraṅ jạruṛ menak’a ona proṭestanak’ niạmre – Bạibel ar eken Bạibelge aboak’ pạtiạu ar kạmi do.”
Uni arhõe ol akada: “Ol akan gohako do nawa marsal emok’ lạgit’ do baṅ, menkhan oka do sạriak’ reak’ sarbharao sodor lahawakana onarege udgạuna emok’ lạgit’. Isorak’ kathare manwawak’ kạmi Isor lạgit’ ar hoṛko lạgit’ do pusṭạute sodor akana; enre hõ thoṛa hoṛge ona marsal do ko bak’taoeda. Jãhãn juṭuc’ak’ sạriak’ do baṅ ạgu akada; menkhan Isor do gohako hotete ona maraṅ sạriak’ko oka do em lahawakan ar ac’ak’ bachao akat’ lekate manwa koak’ lahare ạguieda ebhen ocoko lạgit’ ar onkoak’ monere udgạuna emako lạgit’, jemon okoe hõ aloko eṛanok.” Hui daṛeak’a Ellen White doe meneda ińak’ olak’ do Bạibel reak’ his do baṅ kana, enre hõ onako do sarbharao sec’tege huiakana. Ạḍi ḍher Isorren maraṅ nạbiko do – cet’leka Elia, Elisa ar Johan bạptis – onko hõ ko sarbharao ocolena, enre hõ onko do Bạibel reak’ jãhãn puthi do bako olakada. Ellen White ak’ olak’ do men daṛeak’abon mit’ṭen kạtic’ marsal oka do maraṅ marsal sec’e ạyuret’bona oka do Bạibel kana. Hui daṛeak’a ona ko do sarbharao akan Bạibel kathako reak’ commentery kana, menkhan eken Bạibelge maraṅ ektiạri do kana.

Dosarak’ biḍạu – Jisuak’ babot’te sạriak’ cet’ako
Ellen White ak’ puthiko re – cet’leka Desire of Ages, Christ Object Lesson, Jisu sec’ Taṛam ar Thought from the Mount of Blessing – noa joto do uniak’ biḍạu reak’ purạutet’ reak’ gohayedako. Noa puthi kore ac’ak’ babot’re cet’ hõ bae lạiakada, menkhan jaoge eṭak’ko Jisu sec’e ạyuret’koa.

Tesarak’ biḍạu – mit’ṭen Isor lekan jion
Mit’ṭen hoṛ do, Ellen White ak’ gujuk’ babot’re menakada: “Mrs. Whie ak’ jion do mit’ṭen nạmuna leka sanamko ṭhen sodor lạgit’ lekman gea. … Uni do nidhạnge tahẽk’ kana Mạsiren jimak’ akan celae tahẽkana ar uni do bhageak’ koe kạmi akada. … uni do sanam hoṛko man manot’e kan tahẽna uni maejiu okoe do apnar baṅ katek’ hoṛ koak’ bhạlại lạgit’e kạmi keda. Uniak’ gujuk’ do noae cinhạkeda je ar mit’ṭen dhorom ạyuric’e tahẽkana okoe do 90 serma hạbic’ ac’ak’ mońj kạmi kote dherporenae ar ac’ak’ mońj katha ar sanam manwa jat’ko ren ko lạgit’ koejoṅet’ kan tahẽnae.”

Ponak’ biḍạu – jojaok’ se jurik’ nạbi kathako
Adom nạbi kathako oka do Ellen White daraekan din reak’e menleda ona do algatege aṅgoc’ daṛeak’a. Em akan lại lahawak’ ko do setak’ reak’ khobor paper leka kana, menkhan onako do ạḍidin laharege ol tahẽn kana. “Rail gạḍite nosṭok’ do bạṛti idik’a; gaḍbạḍi, bańjurik’ ar gạḍi kote calak’re aema gujuk’do bạṛtik’a.”
Ellen White do onako oktere tahẽk’ lenae tinre do Doctorko do cuṭi ńũi lạgit’ solhako emako kan tahẽna akoak’ borore goṛo huyuk’ lạgit. Bodolok’ lekan ran oṛak’ reak’ hudisko tahẽk’ kana, menkhan bigyan hotete pormanak’ do onako oktere baṅ tahẽk’ kana. Jom ńũ bisoete bigyan do bako baḍạe kan tahẽna. Enre hõ Ellen White do hoṛmo ar jom ńũ reak’e ol akada. Doctor Clive McCay, do Cornell University ren jom ńũak’ koren cecet’ic’e tahẽk’ kana, uni menleda; “Jom ńũ bisoete Mrs. White ak’ olak ko do tehẽńren bigyani ko khon ạḍidin lahare ol lena, ona khon jãhãn mońjak’ olak’ do teheń bạnuk’a.”
Bạibele meneda je mucạt’ din korek’ nạk’bi reak’ Jiu do upelok’a. Bạibel lekate sạri nạk’biak’ biḍạu hotete Ellen White do pormanok’ kana. Ale udgạunale emape kana noa jemonpe ańgoc’ ar uniak’ olak’ adom puthikope paṛhak’ ar Bạibel reak’ emakleka pańjaepe “Nạbi kathako alope nĩhạ̃ta. Menkhan jotoak’ko biḍạu aṭkarpe ar bhageak’ baṛe sap dohoepe.” 1 Thessalonikio 5:20, 21.

Panorama of Prophecy, Lesson 22 ©2022 Amazing Facts International All Rights Reserved