Lesson 11
Da·ode? Diabolko Isol dormaha on·e gimagiparangna sastiko hisap ka·china, norokni skotonggipa dake donbebeama? A·gimikchin ong·nasipile norokni bidingo Sastroni gita ong·gija bebera·aniko rim·kingkinga, aro Sastro maikomancha aganachim uko ma·sie ra·na gita na·a an·tangna groko nanggipa ong·a. Tol·pinapako man·abe – maina na·a norokni gimin maiko chanchiachim, ua Isolni bidingo nang·ni chanchianiko dingtangata! Da·alo aiao inmangipa kakket ong·aniko nang·ni ma·sina nangenggipako man·na gita adita somoiko ra·bo!
1. Badita sak gimagimin janggirang da·alo noroko sastiko man·tokengaha?
“Olakkigiparangko dakmajoaoniko jokatna aro toromi ong·gijarangko bichalni salona kingking sastio rakkina Gitel changa” (2 Pitor 2:9).
Aganchakani: Da·alo saksa janggimangba norokni wal·sareo dongkuja. Sastiko on·na gita bichalni salona kingking papirangko, Isol rakkia, ba rim·rika inesa Sastro agana.
2. Gimagiminrangko basako norokni wal·sareona galatgen?
“Uandake a·gilsak bon·kamao ong·gen. Mandeni Depante An·tangni sa·grerangko watatgen, aro uamang uni songnokoniko pilak jagidotanirangko, aro namgija dakgiparangko chimonge wa·alni a·kolo uamangko galgen; unon grapa aro wagam chikmijila ong·gen” (Mati 13:40-42). “Angni agana kattan chon·kaman salo uko bichal ka·gen” (Johan 12:48).
Aganchakani: Gimagiminrang a·gilsakni chon·kaman salo dal·gipa bichalani somoio norokni wa·alona galako man·gen – uamangni siahaon ong·ja. A·gilsakni bon·ao bichal ka·ramo porika ka·e nimane tik ka·kujaskal mandeko Isol sasti on·jawa. Isol bilsi 5,000na skang sigimin mande so∙otgipako ba bilsi 5,000na bate ru∙ute tanggipa mande so∙otgipa jean da∙alo siahachim uko wa∙alchi so∙gen ine agananiara aro apsan papna apsangipa sastiko man∙na krara ine agananiara orto gnanggipa ong∙ama? (Abachenga 18:25).
3. Simangimin jokgijagiparangara bano?
“Maina jensalo gopramrango donggipa darangan uni ku·rangko knagen, aro namarangko dakgiparang janggini chakatpilaona, aro namgijarangko dakronggiparang bichalni chakatpilaona ong·katgen” (Johan 5:28, 29). “Denggugiparangko nisiatani salo rakkiako man·a?....Aro uade, gopramona ripeangako man·a, aro gopramni kosako nitima gnang” (Job 21: 30, 32).
Aganchakani: Sastro namen rongtale talata. Jokgijagipa aro jokgipa dolgni jemangan siahachim, chakatatpilani sal sokkujaskalna kingking uamang uamangni gopramon “tusie” dongenga. (Simano maia mancha ong·achim uko nambate ma·sibatna gita Study Guide 10ko nibo.)
4. Papni bon·kamgipa biteara maia?
“Papni dormaha sia, indiba Isolni ka·sae on·aniara an∙chingni Gitel Kristo Jisuo jringjrotni janggi ong·a” (Romrangna 6:23). “Aro ua pap brienba sianiko ba·a” (Jakob 1:15). “Isol….An·tangni saksa kamkam depantekon on·jok, maikai uo bebera·gipa sakanti gimagija jringjrotni janggiko man·gen” (Johan 3:16).
Aganchakani: Papni dormahara (ba biteara) sia ong·a, norokni wal·sareo jringjrotna janggi tangkame dongani ong·ja. Denggugiparang “gimagen” ba “sigen.” Toromigiparang “jringjrotni janggiko” man·gen.
5. Norokni wal·sareo papirangna mai ong·gen?
“Kengiparang aro bebera·gijagiparang, mitchianirang aro mande so·otgiparang, aro til∙ekgiparang aro montol dakgiparang, aro mite dakaniko olakkigiparang, aro pilak tol·giparang wa·al aro gondoko ching·gipa wario bak man·pagen. Uan gnigipa siani ong·a” (Parape·a 21:8).
Aganchakani: Papirang norokni wal·sareo gnigipa changna sigen. Papirang noroko kamretretako man·e jringjrotna tanggenchimode, uamang jringjrotna sigijagipa ong·gnok. Indiba ian ong·na amgijani ong·a maina Sastro indake agana Isolsan “sigijani gnang” (1 Timothyna 6:16). Jensalo Adam aro Hoba, Eden Barioni ong·katangahaon, sa·gre boljanggiko dongtimaha jedakode papirang bolni biteko cha·e “jringjrotna janggi tangjawa” (A·bachenga 3:22-24). Papirang noroko jringna sijawa ine skianiara Satanoni ong·baa aro uan ong·chongmotja. A·gilsakona pap napahaon bol janggiko dongtimatachi Isol iakon champengaha.
Basako aro maikai norokni wal·sarekora so·gen?
“Uandake a·gilsak bon·kamao ong·gen. Mandeni Depante An·tangni sa·grerangko watatgen, aro uamang uni songnokoniko pilak ja·gidotanirangko, aro namgija dakgiparangko chimonge wa·alni a·kolo uamangko galgen” (Mati 13:40-41). “Aro uamang a·ani apalako doangaha. Aro rongtalgiparangni a·tipko aro ka·sara songjinmako duulaha. Unon wa·al salgioni ong·onbae uamangko minokaha” (Parape·a 20:9). “Nibo, kakketgipa a·gilsakon on·pilskaakon man·gen; maikai batesa denggugipa aro papi man·jagen!” (Toe Skianirang 11:31).
Aganchakani: Norokni wal·sareko Isolan so·gen ine Sastro agana. Salgioniko rongtalgipa songjinmako ra·onbaani ja·mano (Parape·a 21:2), papirang uko chadramna jotton ka·gen. Ua somoio, Isol salgioniko wa·tomrangko a·gilsakni kosako ga·akdapgen, aro uan papirangko cha·minokgen. Ian wa·alan Sastroni gita nokrokni wal·sare ong·a.
7. Norokni wal·sareara baditana dal·gipa ong·gen aro baditana ding·gen?
“Gitelni sal cha·ugipa gita re·bagen; unon salgirang il·ilari bon·anggen, aro dakgiminrang kame jronggen, aro a·a aro uano donggipa kamrangko kamgen” (2 Piter 3:10).
Aganchakani: Jedakde a·gilsak dal·a ugitasan norokni wal·sareba ong·aigen maina a·gilsakkon wa·al kamgen. Ia wa·alara a·gilsakko jrongatna man·pile ding·gipa ong·gen aro pilak “uano donggipa kamrangko kamgen.” Bangbanggipa “salgirang il·ilari bon·anggen.”
8. Badita ru·ute papirangko noroko wa·al kamgen?
“Nibo, Anga bakbak re·baa; aro uamangni kam ong·a gita, sakantina on·na ine angni on·gni dormaha Ang baksan” (Parape·a 22:12). “Un salo uamangni dakgimin gita Ua sakantina on∙gen” (Mati 16:27). “Aro giteltangni skako u·ieba tarisogija aro uni ska gita dakgijagipa nokol bang·a dokako man∙gen. Indiba u·ijae doka mangniko dakgipa bang·gija dokako man∙gen” (Luk 12:47, 48).
Aganchakani: Sina skang badita ru·ute papirang ua wa·alo sastiko man·genchim, uko Sastro an·chingna aganja. Indioba, pilakan an·tangtangni kamtangtang gita sastiko man·gen ine Isol dingtangmancha agananiko daka. Uni miksonganide, uamangni kamrango pangchake mitamrang sakgipinrangna bate ru·utbate sastiko man·gen.
9. Ua wa·alara ja·mano ka·sine sigenma?
“Nibo, uamang mini bichongdik gita ong·gen; wa·al uamangko kamgen; uamang an·tangtangko wal·sareni biloniko jokatjawa; ding·atna wal·ki ba wa·al chakna wa·al ong·jawa!” (Isaia 47:14). “Aro anga salgi gitalko aro a·a gitalko nikaha…. Aro Ua uamangni mikrononi pilak mikchiko u·sitgen; aro siani ong·jawaha aro kalimani, aro chrikani, aro saknani ong·jawaha. Skango ong·giparang re·angaha” (Parape·a 21:1, 4).
Aganchakani: Oe. Nokrokni wal·sare sigen ine Sastro dingtangmancha skianiko on·a – je uano “ding·atna wal·ki ba wa·al chakna wa·al” dongjawaha. Sastro indakeba agana je Isolni gital songnoko “skango ong·giparang” pilakan re·anggnok. Norok, jean skango ong·giparangoni mingsa ong·achim, ukoba man·chapaha, uni gimin an·chingo Isolni ku·rachakgimin donga je ua dongjawaha.
10. Jensalo wa·al siahaon, maia dongrikugen?
“Maina, nibo, chankol gita kamgipa sal re·baenga; aro pilak gaorade·gipa, aro pilak denggu dakgipa, megap gita ong·gen; aro uamangni ja·dil aro cheksikoba donjana gita, re·baenggipa sal uamangko kamgen…. Maina Angni donsogimin salo uamang na·simangni ja·pani ning·o tappra ong·gen ine Kotokrangni Jihova agana” (Malaki 4:1, 3).
Aganchakani: Da·ororo bang·a manderangni bebera·a gita, bisring gnanggipa kamgijagipa bosturang gita papirangko kamgen ine ia podo agangijaniko ma·sie ra·bo, indiba megaprang gitasa, jekon bon·e chon·e kamgen. Iano “kamgen” ingipa katta bon·sranganiko miksonga. Jensalo wa·al siahaon mamungba dongjawaha, indiba tapprasan dongrikgen. Gitrang 37:10, 20 o, Sastro indine agana, papirang wal·kuo bon·anggen aro bon·srange nisiatako man·gen.
11. Papirangara norokona be·en bimang gnangan napegenma aro, janggi aro bimang, minggnikon nisiatako man·genma?
“Nang·ni be·enni bak ge·sa gimaan, aro nang·ni be·en gimik norokona re∙anggijan nang·na nambata” (Mati 5:30). “Indiba be·enkomung janggiko noroko nisina Amgipana kenbo” (Mati 10:28). “Papko dakgipa mande uan sigen” (Ezekiel 18:20).
Aganchakani: Oe. Janggi tangenggipa mande chong·motan bimang gnangan norokona napegen aro, janggi aro bimang, minggnian nisiatako man·gen. Isoloni wa·al salgioni manderang chong·moton ga·akdapgen aro dongaoniko dongijaona uamangko tapprachangatgen.
12. Diabolara norokni wa·alko nirok simsakgipa ong·genma?
“Aro uamangko brangatgipa Diabolko wa·alni aro gondokni wario galaha” (Parape·a 20:10). “Nang·ko nigipa pilakni nikanio a·ani kosako Anga nang·ko tappra pil·ataha. …. Aro na·a dongjawaha” (Ezekiel 28:18, 19).
Aganchakani: Ong·manchaja! Diabolko wa·alo galgen, aro uan uko tappra pil·atgen.
13. “Norok” ingipa kattakoara kamenggipa ba sasti on·ram biap ine talatna pangnan Sastroo jakkalama?
Pangnande jakkalja. “Norok” ingipa kattako chang 54na KJV Sastroo jakkala, aro uano chang 12san “kamenggipa biap” ine talatani daka. Iako adita dingtang dingtang kattarangoniko dingtang dingtang ortorang baksa pe·aha, jekon ka·mao mesokatenga:
NIAM GITCHAMO
Chang 31 “Sheol” ingipa kattaoniko pe·aha, jeni ortoan “gopram” ine ong·a.
NIAM GITALO
Chang 10 “Hades” ingipa kattaoniko pe·aha, jeni ortoan “gopram” ine ong·a.
Chang 12 “Gehenna” ingipa kattaoniko pe·aha, jeni ortoan “kamenggipa biap” ine ong·a.
Chang 1 “Tartarus” ingipa kattaoniko pe·aha, jeni ortoan “andalgipa biap” ine ong·a.
U·ie Ra·ani: “Gehenna” ingipa kattakoara Ibri katta “Ge-Hinnom” ingipaoniko ra·aha, jeni ortoan “Hinnomni A·kawe” ine ong·a. Ia a·kawe, jean Jerusalemni salgipeng aro saliramni gisepo dongachim, jeon sigimin matburungrangko, jabol, aro gipin jakalgija galgimin bosturangko galram biap ong·achim. Rongtal an·talanina jaboldamko da·ororoni daka gita uano wa·alko so·kamaiachim. Sastroo “Gehenna” ba “Hinnomni A·kawe” ingipa kattako wa·alko me·sokna gita jakkalaha jean bon·kamani somoio gimagiminrangko nisigenchim. Gehennani wa·al pangnajolna dongkamgipa ong·ja. Ong·jaode, ua da·alonaba Jerusalemni salgipeng-saliramo kamkuenggenchim. Uandake norokni wa·alba pangnajolna dongkamjawa.
14. Norokni wal·sareni chong·motgipa Isolni miksonganiara maia?
“O na·simang sao man·giparang, diabol aro uni sa∙grerangna daksoa jringjrotni wa·alona angoni re·angbo” (Mati 25:41). “Sakoba ua janggini ki·tapo seako nikjaode, uko wa·alni wario galaha” (Parape·a 20:15). “Maina on·tisa sal ong·kugen, unon namgija dakgipa dongjawaha…. Jihovani bobilrang…bon·gen; wal·kuo uamang bon·anggen” (Gitrang 37:10, 20).
Aganchakani: Isolni miksonganide ian ong·a je a·gilsakko jringjrotna naljoke rakkina gita norok diabolko, pilak papko, aro joka man·gijagiparangko nisigen. Ia a·gilsako on·titi pap dongrikgenchimode jringjrotna a·gimikko saknaatgipa signigipa sabisi ong·genchim. Papko a·gilsako dongaoniko pangnajolna ra·gale galna gita Isolni miksongani ong·a.
Norokni Jringjrotna Donganio Papko Dongangatkugenchim
Jringjrotna noroko saknae donganio papko dongangatkugenchim aro uko chu·gimik gimaatna man·jawachim. Jringjrotna noroko saknae donganide Isolni dal·gipa miksonganio mamung bak nangeja. Uandakgipa chanchichipaniara ka·sagipa Isolni rongtalgipa bimungni kosako dosko dakani ong·a. Diabol an·chingni Ong·atgipako ka·namgijagipani bimango nikna nemen ka·sroka.
Jringjrotna Donggipa Norokko Sastroo Nikna Man·ja
“Jringjrotna noroko saknae dongani” gimin chanchichipe skianiara Sastrooni ong·ja, indiba dilsretgipa manderangonisa jemangan, ma·sirikgijanio, diabolni jakkalgipa dilgiparang ong·na man·a. Aro jensalo norokna kenani an·chingko gisik nangatengon, an·chingara kenachi jokataniko man·ja indiba Isolni ka·sachakachisa.
15. Joka man·gijagiparangko nisiataniara Isolni dakrongbewaloni dingtanggipa ong·jama?
“Gitel Jihova indine agana, Angni tanga gita, denggugiparangni sianio Anga kusi ong·ja, indiba denggugipa an·tangni re·anioni an·pile tangosa, na·simang an·pilbo, an·tangtangni namgija re·anirangoni, an·pilbo; maina O Isrealni ma·chong, na·simang maini gimin sigen?” (Ezekiel 33:11). “Mandeni Depante manderangni janggirangko nisiatna re·baja indiba uamangko jokatnasa” (Luk 9:56). “Jihova chakatgen….maikai Uni kamko, Uni dakronggija kamko, Ua ka·na man·gen, aro Uni dakaniko, Uni dakronggija dakaniko Ua chu·sokatna man·gen” (Isaia 28:21).
Aganchakani: Oe – Isolni kamde pangnan nisiatanina bate jokatnasa ong·a. Norokni wal·sareo papirangko nisiatnasianiara Isolni dakrongbewaloni namen dingtanggipa ong·a jekon Sastro “dakronggija kam” ine agana. Papirangko nisiatanio Isolni ka·tong sagen. O, maikai sakantini janggirangko jokatna gita Ua bimchipe kamko ka·a! Indiba saoba Uni ka·saaniko gamchatnikgija dake jegalode aro papon dongkamode, jensalo Isol bon·kaman salni wa·alchi ia kenbegnigipa, namgijao dal·rorogipa (jekon “pap” ine mingachim) a·gilsakko ra·galon gisik pil·gijagipa papirangko nisichapana agre Uo mamung cholba dongjawaha.
- Norokni ja·mano ia a·gilsakna aro Uni manderangna Isolni miksonganirangara maiarang?
“Uan bon·chongdikatgen; Duk changgni chakatjawa” (Nahum 1:9). “Anga salgi gital, aro aha gitalko ong·ata; aro skanggipa ong·anirangko gisik ra·jawa, aro gisiko najawa” (Isaia 65:17). “Nibo, manderang baksa Isolni dongchakani, aro ua uamang baksa donggen, aro uamang uni manderang ong·gen, aro Isol an·tangan uamang baksa ong·gen, aro uamangni Isol ong·gen. Aro ua uamangni mikrononi pilak mikchiko u·sitgen; aro siani ong·jawaha aro kalimani, aro chrikani, aro saknaani ong·jawaha. Skango ong·giparang re·angaha” (Parape·a 21:3, 4).
Aganchakani: Norokni wal·sare siani ja·mano, Isol gital a·gilsakko ong·atgen, aro pap napna skang jedake ong·achim, ugitan Edenni pilak nitoanirang aro rasongan gapanirang baksa Uni manderangna uko gital dakataigen. Saknaani, siani, duk ong·ani, grapani, mikchi ong·ani, saanirang, ka·donga gri ong·ani, sinteani, aro pilak paprang jringjrotna gimagnok.
Pap Dongtaijawaha
Pap pangnaba dongtaijawaha ine Isol ku·rachaka. Uni manderang chu·soksranggipa tom·tomani, ka·saani, katchaani, aro chu·ongnike kusi ong·anirang baksa gapgnok. Uamangni chu·soksrange kusi ong·e janggi tanganirang kattachi pangnaba talatna amaoni agansokna ampilgijagipa rasong aro kusi katchaani baksa namen chelbea. Salgiode norokni aiao inmanpilgipa duk mikchi ong·anirang dongja. Mande jean ia aiao inmanpile nitobegipa songnokona napna basee ra·jachim, uni janggi tanga gimiko duk ong·batsranggipa baseani ong·aignok.
- Norokni wa·alo Isolni papirangko jringna sastiko on·gijani gimin skie ra·anina na·ara mitelna sikgenma?
Nang·ni Aganchakani: ___________________________
Thought Questions
Nang·ni Sing·anirangna Aganchakmanaha
- “Jringna noroko saknae dongani” gimin Sastro aganjama?
Aganchakani: Aganja – “jringna noroko saknae donganiko” aganani Sastroo dongja.
- Indide mainasa papirangko kimitna man·gijagipa wa·alchi nisigen ine Sastro agana?
Aganchakani: Kimitna man·gijagipa wa·alara wa·al jean ra·galna man·gijagipa ong·a, indiba jean jensalo ua siahaon pilakkon tappra changatgipa ong·a. Jeremia 17:27 o indake agana Jerusalemko kimitna amgijagipa wa·alchi nisiatgen, aro ia wa·al “Jeremiani ku·sikchi Jihovani kattako chu·sokatna” songjinmako kamaha ine 2 Serikani 36:19-21 o Sastro agana, aro ua mamungba donggiona ong·ataha. Indiba an·ching ma·sia je ua wa·al siaha, maina Jerusalemko da·ode kamjaha.
- Mati 25:46 o papirang “jringjrotna sasti” man·gen ine aganjama?
Aganchakani: Uano donggipa kattara sastiona inesa ong·a, sasti on·enga ong·ja. Sasti on·enga ingenchimode ong·kame dong·enggipa ong·genchim, jeon sastiona ingipara changsasan dakgnigipa kam ong·a. Papirangni sastiara siani ong·a, aro ia sianisa jringjrotna ong·a.
- Na·a Mati 10:28 ko talatna man·genma: “Aro je manderang be·enko so·ota, indiba janggiko so·otna amja, uamangna da·ken”?
Aganchakani: Sastroo “janggi” ingipa kattani orto minggittam donga: (1) janggi gnanggipa ong·ani, Abachenga 2:7 – (2) gisik, Gitrang 139:14 – aro janggi, 1 Samuel 18:1. Aroba, Mati 10:20 o ia janggikoara jringjrotni janggi gita agana jekon uko ra·chakgipa sakantina Isol uko on·na ku·rachaka.
- Mati 25:41 papirangna “jringjrotni wa·al” ni bidingo agana. Uara sigenma?
Aganchakani: Oe. Sastroni gitade, ua sigen. An·ching Sastroko Sastro an·tangan talatchina on·na nanga. Sodom aro Gomorrahko jringjrotni wa·alchi nisiataha (Juda 1:7), aro ua wa·al “toromi ong·gija ong·gnigiparangna uarangko dake mesokaniko donenba” mikrakatani gita uamangko “tappra pil·ataha” (2 Pitor 2:6). Ia songjinmarang da·alona keme dongjaha. Pilakko kamani ja·mano wa·al siaha. Uandake, papirangko tappra changpile kamanani ja·mano ia jringjrotni wa·alba sigen (Malaki 4:3). Ia wa·alni kame bon·atanisa jringjrotna ong·gen, indiba wa·al kamenganide ong·ja.
- Luk 16:19-31 ni man·e cha·gipa aro Lazarusni golpoo jringjrotni noroko saknaani gimin skijama?
Aganchakani: Skija! Ian dingtangmancha toromni bidingo talatna Jisuni toe skianisa ong·a. Golponi miksonganiko pod 31 o nikna man·a. Toe skianikode golpo chong·mot ine ra·na nangja – ong·jaode, bol agana man·a ingipakoba an·ching bebera·aigen! (Bichal Ka·giparang 9:8-15 ko nibo.) Iarangan Luk 16:19-31 ko toe skiani ine adita chong·motgipa sakki on·anirang ong·a:
- Abrahamni kabakde salgi ong·ja (Ibrirangna 11:8-10, 16).
- Noroko donggipa manderang salgio donggipa manderang baksa golpogrikna manja (Isaia 65:17).
- Sigiminrang uamangni gopromon (Job 17:13; Johan 5:28, 29). Ua mane cha·gipa mandede mikron, sre, undakgiparang gnang bimang gnangsa ong·a, indioba Sastroni aganani gitade siahaon mandeni bimang norokchi re·angja indiba gopramon donga ine an·ching ma·sia.
- Manderang Jisuni gnigipa rebaosa man·gniko man·gen, siani somoio ong·ja (Parape·a 22:12).
- Gimagiminrangko agilsak bon·jokosa noroko galgen, uamangni siahaon ong·ja (Mati 13:40-42).
- Indiba Sastroode papirang “jringjrotna” saknaako man·gen ine agananiko daka, aganjama?
Aganchakani: Jringjrotna ingipa kattako King James Sastroo chang 56 janapani donga jerangan bon·chongdikaha.* Uan “changroa” ingipa katta baksa apsanaia, jean mandeko, bolrangko, ba a·brirangko talatanio dingtanggrikani donga. Jona 2:6 o, “jringjrotna” inani ortoara “salgittam aro walgittam” ine ong·a. Deuteronomy 23:3 o, chasong 10ko miksonga. Mande jatko talatanio, uani ortoara “uni janggi tanga dipet” ba “siaona kingking” ine ong·a. (1 Samuel 1:22, 28; Re·ongkata 21:6; Gitrang 48:14 rangko nibo.) Uni gimin papirangko uamangni janggi tanga dipet ba siaona kingking wa·alara kamgen. Papna wa·alni sastiara mande sakantikon papi kri bakroe kamani ong·gen, indiba sastini ja·manode, ua wa·al sigen. Jringjrotna saknaani gimin Sastroni gita ong·gija skiani diabolni pilak banaigiparangna bate manderangko Isolko bebera·atgijaniona dilanganian bang·bata. Ian ka·sachakninggipa salgini Paani ka·saan gapgipa cholon bewalni kosako tol·e aganani ong·a aro Kristianni giproroaniko jripjrip saknaataha.
*“Ever” ingipa kattako concordance-oniko nie nibo.
See Rakkianirang: _____________________________________________________________________________________
Nipiltaianiko Dakani
- Papirangko __________________ norokona galatgen (1)
______ Uamangni sijoko
______ A·gilsak bon·joko
______ Satanchi
- Norokni wal·sareo papirangni man·gniara (1)
______ Siani.
______ Jringjrotna saknaani.
______ Satanchi kal·steke ro·ako man·ani, jean nirok simsakgipachim.
- Norokni wal·sare (1)
______ A·gimiko Isolni don·gimin wa·al ong·gen.
______ Da·aon kamengaha.
______ Chasongnan on·changpilgija jringna kamgen.
- Papirang jemangan siahachim, uamang (1)
______ Janggin’ Chiripramo.
______ Norokni wal·sareo.
______ Uamangni gopramrango.
- Da·alo noroko mande jalaniara (1)
______ Saksaba dongkuja.
______ Millionrang.
______ Chansokgijani.
- Norokni wal·sare (1)
______ Papirangni bimang mangmangkosan nisiatgen.
______ Papirangni janggirangko jringjrotna kal·stekgen.
______ Gimagiminrangni – janggiko aro bimang minggnikon – tapprachangatgen, unikode sigen.
- Jringjrotni noroko saknaaniara (1)
______ Isolni dal·gipa daksamsoanio mingsa nangchongmotgipa ong·a.
______ Uan diabolni skianisa ong·a aro rongtalgipa, ka·saan gapgipa Isolni bimungni kosako tol·e agananisa ong·a, jean manderangni saknaanio katchaachim.
______ Satanna kamko jringjrotna on·ani ong·a.
- Sastroo “norokara” (1)
______ Pangnan kamenggipa biapko miksonga.
______ Miksongani bang·a, uarangoni mingsara “gopram” ine ong·a.
______ Satanni a·gilsakni ning·ao kal·steke rogipa biapko miksonga.
- Norokni miksonganiara (1)
______ On·skaani aro Isolni bobilrangko kal·steke roani.
______ Namao janggi tangchina manderangko kenatani.
______ A·gilsakoniko pap aro diabolko bon·srange nisina aro toromirangko pangnajolna naljokatna.
- Manderangko noroko nisianiara (1)
______ Dal·gipa Isolni katchaani ong·gen.
______ Uko Isolni “dakronggija kam” ine minga, maina uan manderangko Uni ka·sabee jokatna miksongaoni namen dingtangbegipa dakbewal ong·achim.
______ Isolni daksamsoani baksa nangrimgimin Satanni kam ong·gen.
- Norokni wal·sareni siani ja·mano, (1)
______ Satanko Isol a·gilsakni a·palchina watatgnok.
______ Isol chu·soksranggipa gital a·gilsakko ong·atgen, jeon pap dongtaijawaha, aro uko Uni manderangna on·gen.
______ Toromirang pap daktaina kena gnang janggi tanggen.
- Man·e cha·gipa mande aro Lazarusni golpoara (1)
______ Toe skianisa ong·a aro uko golpo chong·mot ine ra·na nangja.
______ Jringna saknaani gimin skina uan Sastroni sakki ong·a.
______ Noroko donggipa janggirang salgio donggipa janggirang baksa golpogrikna man·a ine sakkiko on·a.
- Mandeni janggi tanganiko mesokanio jringjrotna ingipa kattako Sastroni jakkalaniara (1)
______ Uni ortoara “bon·changgijagipa somoi” ine ong·a.
______ Namen ning·tua aro u·isokna man·gijagipa.
______ Uni ortoara “mandeni janggi tanga dipet” ba “uni siaona kingking” ine ong·a.
- Norokni wal·sareo Isolni papirangko jringna sastiko on·jawa ine skie ra·na man·ani gimin anga mitelna ska.
______ Mitelna ska.
______ Mitelna sikja.
