Chutia an khualzinpui mi thar chu ngaihsak vak lo chungin, thian dun pahnih chuan chawlhkâr tâwpa thilthleng mak tak takte chu an sawi dun mawlh mawlh reng a; an ke pen tinrengah beidawnna an nei zual sauh a. Isua’n ngawi renga a lo ngaithlak lai chuan, a ṭhian lungngai takte hnêna
inpuan chhuah chu a duh hle naa; mahse, Lalpa chuan harsa ti takin A nihna dik tak chu a thup hram hram zawk a ni. A chhan chu a hma aia nasa zawkin, tunah hian Pathian Lehkha Thu hriatthiam an mamawh em em vang a ni. Krista chuan hêng hnungzuitu rinawm tak pahnihte hi tu nge a nih tih in hriattîr phal ta se, a sawi tûr thutak pawimawh tak takte chu ngaithlak an phur hle ang. Nimahsela, kum thum leh a chanve zet a zirtîrna leh thuhrilna an ngaihthlâk hnuah pawh a rawngbawl dan leh a rawngbawl chhan awmzia chu an la hrethiam tlat si lo a ni. An hnênah chuan, “Mihring Fapa hi mihringte kuta mantirin a awm tur a ni a, an tihlum bawk ang a; tin, an tihhlum hnu ni thum achinah a tho leh ang a,” a ti a. Nimahsela a thusawi chu a ngaihna an hre lo va, amah lah chu an zawt ngam si lo va.” (Marka 9:31-32).

Thian dun panhnihte lungngai taka an ti ti dun lai chuan Isua Krista chuan a rawn ti tawp a. Tichuan, darkar hnih chhung zet chu hrilhlawkna thu leh Pathian lehkha thu chu a awmzia a hrilhfiahsak ta vek a.

ZIRLAI

Bible thu i chhiar zawh hnuah a kar awlte hi dah khat rawh.

1. Pathian lehkha Thu hi engzata tam nge ring tura thupek kan nih?

Luka 24:25 Tin, ani chuan an hnênah, “Mi âte u, zâwlneite thusawi zawng __________ âwih kawnga ngawngte u!

2 Timothea 3:16 Pathian Lehkha Thu zawng __________ hi Pathian thâwk khuma pêk a ni a, zirtîr kawngah te, thiam loh chantîr kawngah te, zilh kawngah te, felna zirtîr kawngah te a sâwt bawk a ni;

Note: Pathian thu (thutak thianghlim) famkimte chu Thuthlung Hlui leh Thuthlung Thar ziakah hian a awm a. Thupuan-a hrilhlawknate hriatthiamna bulpui chu Thuthlung Hlui thawnthuahte hian kan hmu ber a ni. Entir nan, Thupuan bu-a chang 404 kan hmuh zinga 278 chu Thuthlung Hluia thawnthu leh hrilhlawkna dang atanga lo irh chhuak a ni.

2. Hrilhlawkna leh Pathian lehkha Thute hi Isuan tute hnenah nge a sawi?

Luke 24:27 Tin, Mosia leh zâwlneite zawng zawng lehkhaah a ṭan a, Pathian Lehkha zawng zawnga __________ chanchin ziak apiang chu anmahni a hrilhfiah zêl a.

Johana 5:39 Pathian Lehkha in chhiar ngun ṭhîn, a chhûngah chatuana nunna awma in rin avângin; chûng Lehkha chu __________ chanchin hriattîrtu chu a ni si a.

Thupuan 1:1 __________ __________ thupuan chhuah, Pathianin a bâwihte hriattîr atân a hnêna a pêk, thil lo thleng thuai tûr thu chu; tin, chu chu a vântirhkoh hmangin a bâwih Johana a rawn hriattîr a;

Note: Pathian Lehkha Thu leh hrilhlawkna zawng zawnga mi pawimawh ber leh a laimu ber chu Isua a ni. He thil indawt awm zel tur (series) hian hrilhlawkna thupui tam tak a thlur dawn a; mahse, Daniela leh Thupuan bua a thupui ber chu Isua Krista leh a ram a ni tih hre reng ang che.

3. Isua hming dang Bible-ah eng nge a hman?

Johana 1:1 A tîrin __________ a awm, Thu chu Pathian hnênah a awm, Thu chu Pathian a ni.

Johana 1:14 Tin, __________ chu tisaah a lo chang a, kan zîngah a awm ta a (Pa fa mal neih ropui angin a ropuizia kan hmu), khawngaih leh
thutakin a khat.

4. Pathianin a Thu Thianghlim ziah nan eng nge a hman?

2 Petera 1:21 Thu hril lâwk rêng rêng hi mihring thûa chhuak a ni ngai si lo va, __________ Thlarau Thianghlim tirhin Pathian hnên ata an sawi
zâwk ṭhîn a ni.

5. Chatuan nunna hi Isua Krista hriatna atang chuaha lo awm a ni a (John 17:3). A zirtirten engtin nge Isua an hriat?

Luka 24:35 Tin, anni pawhin kalkawnga thil lo thleng leh, __________ a __________, a hmêl an lo hriat tâkziate chu an hrilh ve bawk a.

Note: Bible chhung thuah hian chhang tih thumal hi Isua Krista entirtu a ni a. Isuan heti hian a sawi a, “Nimahsela, ani chuan, “‘Mihring hi chhang chauhvin an nung lo vang a, Pathian kaa thu tin chhuakin an nung zawk ang,’ tih ziak a ni,” tiin a chhang a (Mathaia 4:4). Pathian Lehkha Thu kan chhiar te, kan vawn reng te, kan zawm hian chakna te, hlimna te, remna te, leh chatuana nunna te kan hmu dawn a ni.

6. Kristiante tan Bible zir hi engtiang chiaha pawimawh nge a nih?

Joba 23:12 A kamchhuak thupêk chu ka pênsan lo va, A kâa thute chu ka __________ aiin ka roh __________ a.

Sam 119:105 I thu hi ka ke atânte hian __________ a ni a, Ka kawng atân __________ a ni.

Note: Diabola chuan Bible hi a haw em em a, miten an chhiar loh nân engkim tih a hreh lo vang. Bible hrilh lâwknate chuan mihringte bum tûra a ruahmannate a pholang tih a hria chiang hle a. Chuvângin, Setana’n he zirlai inthlâkthlengna atanga i ngaihtuahna tihbuai a tum emaw, thil dang
lama i rilru a tihbuai tum emaw chuan mak ti suh. Pathianin thutak hriat tumtute tan kawng a siamsak zel dawn a ni.

7. Bible hriatthiamnaa puitu tu nge?

Johana 16:13 Nimahsela, amah, __________ dik tak chu a lo thlen hun chuan, thutak zawng zawngah chuan a hruai lût ang che u: ama phuah
chawpin thu a sawi dâwn si lo; thu a dawn apiang chu a hril zâwk ang; thil lo thleng tûrte pawh a hriattîr ang che u.

Johana 14:26 Tin, Thlamuantu, __________ __________, Pain ka hminga a rawn tirh tûr khân, chu mi chuan engkim a zirtîr ang che u a, in hnêna ka sawi zawng zawng a hriat chhuahtîr leh ang che u.

1 Korinth 2:13 Mihring finna zirtîr thûa sawi lovin, Thlarau __________ thûa sawi zâwkin, Thlarau lam thute chu thlarau lam mite hnêna hrilh fiahin, chûng thil min pêk thute pawh chu kan sawi ṭhîn.

8. Thlarau Thianghlimin ka Bible zirna a kaihruai tih chian nân eng nge ka tih ang?

Luka 11:9 Chutichuan, ka ti a che u, __________ rawh u; tichuan, an pe ang che u; zawng rawh u; tichuan in hmu ang; kik rawh u; tichuan, an hawnsak ang che u.

Luke 11:13 Chutichuan, nangni mi sual mahin in fate thil ṭha pêk nachâng in hriat chuan, in Pa vâna mi chuan a __________ chu Thlarau Thianghlim a va pe dâwn êm!” a ti a.

Johana 7:17 Tu pawh __________ __________ zâwng tih duh chuan, ka thu zirtîr hi Pathian tihchhuah nge keima phuah chawpa ka sawi a hria ang.

Note: Thlarau Thianghlim hnathawh zinga pakhat chu Pathian Lehkha Thu dikzia min hriatthiamtir hi a ni. Hei vang hian Pathian lehkhabu kan keu hmain Thlarau Thianghlimin min kaihruai turin kan dil fo tur a ni. Thlarau Thianghlimin ka Bible zirna a kaihruai tih ka chiang thei a, chu chu (1) min kaihruai turin ka dil a, (2) Thutak min puan chhuahsak ang zelin pawm leh zawm turin ka inhuam bawk tur a ni.

9. Tawngtaina nena Thu zirna hian engtin nge min tanpui ang?

Sam 119:11 I chunga thil ka __________ __________ nân i thu chu ka thinlungah ka khâwl khâwm a.

Jeremia 33:3 ‘Mi au la, ka __________ __________ __________, thil ropui leh inthup i hriat ngai loh chu ka entîr ang che.’

Rom 15:4 Pathian Lehkha Thua chhelna leh thlamuanna hmua __________ kan neih theihna tûrin, hmânlaia ziak apiangte chu keimahni min __________ tûrin ziak a ni si a.

Jakoba 1:5 In zîngah tu pawhin __________ a tlâkchham chuan, mi zawng zawng hnêna hau lo leh ui lova pe ṭhîntu Pathian chu dîl rawh se; chutichuan, a hnênah pêk a ni ang.

10. Pathian lehkha Thuin eng Bible zir dan nge a rawn?

Isaia 28:10 Thununna thu chunga __________ thu chherchhuana, thununna thu chunga thununna thu chherchhuana; __________ chunga dân chherchhuana, dân chunga dân chherchhuana; hetah tlêm tê, sawtah tlêm tê,” tih hlîr a ni si a.

1 Korinth 2:13 Mihring finna zirtîr thûa sawi lovin, Thlarau zirtîr thûa sawi zâwkin, Thlarau lam thute chu thlarau lam mite hnêna __________ fiahin, chûng thil min pêk thute pawh chu kan sawi ṭhîn.

2 Petera 1:20 Pathian Lehkhaa thu hril lâwk rêng rêng hi __________ hrilhfiah tûr a ni lo tih hre hmasa phawt ula.

Note: Kan ngaihtuahnate chu dah bovin, thupui eng pawh Pathian Lehkha Thua thil awm zawng zawng chhiarin (“hetah hian tlemte, chutah chuan tlemte”) leh a tum awmzia atan chang zawng zawngte khaikhin a ngai a ni. Bible hi a amah leh amah inhrilhfiah tir hi kan phal tur a ni. Chutianga tih a nih chuan thutak chu chiang takin a rawn kal chhuak fo thin. Hei hi Isuan Emau kawnga thian dun pahnihte chu Messia a ni tak zet tih a rintîr dân chu a ni (Luka 24:27).

11. Pathian Lehkha Thu kan zir hian eng nge kan tan hlawkna awm ang?

2 Timothea 3:14-15 Nimahsela, nang zawng, tu hnêna zir nge i nih leh, Krista Isuaa rinna awm avâng chuan, __________ hmu khawpa __________ thei che Lehkha Thianghlimte chu i naupan têt ata hre tawh i ni tih inhriain, i thil zir leh i thil hriat chianahte chuan awm reng rawh.

Note: Pathian lehkha Thu chuan A Chhandamna ruahmanna ropui tak min hriatthiamtir a ni-Thi thei mihringte hnena a pek Thu pawimawh tawpkhawk a pekte a ni.

12. Isua thusawi atangin khawiah nge thutak kan zawn hmuh ang?

Johana 14:6 Isuan a hnênah, “Keimah hi kawng leh thutak leh __________ ka ni; keimaha kal lo chu tu mah Pa hnênah an thleng ngai lo.

Johana 17:17 Anni chu thutakin tithianghlim rawh, i __________ chu thutak a ni.

Note: Pathian Thuah thutak chu kan hmu a-Chu chu Bible hi a ni. Thutak chu tûnlai khawvêlah hian thil zawrh tlêm tak a ni a; chuvângin, leia mi zawng zawngte chuan hrehawm an tuar a ni. Thil pawimawh tak tak chungchanga thudik chu Pathian Lehkha Thuah kan hmu a. A thurawn zir leh zawm hian mite a chhuah zalen a (Johana 8:32) hlimna, nun tamna a thlen bawk (Johana. 15:11).

13. Bible zir chungchanga vaukhanna nge te nge Pathian Lehkha Thuah a pek?

2 Timothea 2:15 Hnathawktu, thutak thu fel taka __________ chu zak tûr a ni lo angin, Pathian ngaiha ṭhaa inentîr tûrin ṭhahnem ngai rawh.

2 Petera 3:16 a lehkhathawn zawng zawngah chuan chûng thu chu sawiin, chutiang bawkin a ziak a ni; chûngah chuan thu hriat har takte a awm a, chûng chu mi fing lo leh mi nghet loten Pathian Lehkha Thu dang an ngai kawi angin an ngai kawi a, mahni leh mahni __________ __________ phah ṭhîn.

Note: “Thutak thu dik taka insem” tih awmzia chu dik leh fel taka hrilhfiah tihna a ni. Kan duh ang sawi tûra Pathian Lehkha Thu tihdanglam chu hlauhawm tak a ni. Bible chungchânga ka sawite hi a pawimawh lo hle. A pawimawh ber chu Pathian Lehkha Thuin a chungchâng A sawi hi a ni.

14. Sakhaw thurinte leh zirtirna te hi engtin nge kan fiah theih ang?

Tirhkohte 17:11 Chuta mite chu Thessalonika khuaa mite ai chuan an lo ṭha zâwk a; chutichuan, rilru lâwm takin thu chu an pawm a, an thusawi chu a dik leh dik loh hriat nân ni tin Pathian Lehkhaah an __________ ṭhîn a.

Isaia 8:20 __________ Thu leh __________ Thu chu râwn tûr a ni,” tiin. Chumi thu ang zêla an sawi loh chuan an tân khua rêng rêng a __________ ṭhuai dâwn lo a ni.

Note: Sakhua zawng zawng zirtirna chu Bible hmangin kan zirchiang tur a ni. Pathian Lehkha Thu nena in mil lo zirtirna reng reng chu zirna suak a ni a, chu chu kan hnawl ngam tur a ni.

15. Isua’n Emau lam pana a zirtir, thian dun pahnih beidawng takte hnêna Pathian Lehkha Thu a hrilhfiah lai khan eng nge thleng?

Luka 24:32 Tin, anni chuan, “Kalkawnga min biak laia Pathian Lehkha Thute min hrilhfiah lai khân, kan __________ a __________ huai rêng lâwm ni kha?” an ti a.

16. Heng thian dun pahnih hian Isua chu a tho leh a ni tih leh hrilhlawkna a hrilhfiah vek tih an hriat hnu khan, eng thil nge an tih tak?

Luka 24:33 Tin, chumi lai tak chuan an tho va, Jerusalem khuaah an __________ leh a, sâwm leh pakhatte leh an ṭhiante awm khâwm chu an __________ a,

Note: Isua Pathian Lehkha Thu a hrilhfiahna an hriat hnua hêng zirtîrte’n an chhân lêt hmasak ber pakhat chu mi dangte hnêna chanchin ṭha hrilh duhna nasa tak kha a ni. He Bible zirna chak takah hian i ṭhiante tel ve tûra i sâwm pawh i tum a nih ngei kan beisei bawk a ni.

I CHHÂNNA

Pathian Lehkha Thute hi hrethiam a, a taka ngeia zawm i duh em?

CHHÂNNA __________

ZIR BELHNA

A hnuaia mi hi Bible hrilh lâwknaa entîrna awmzia nei fo ṭhin thumal pawimawh tak takte târ lanna a ni a. Symbol tin hi bold type-in a awm a, a
hnuaiah chuan a awmzia dik tak nen a inmil a ni.

Vantirhkoh = Thuchah Kengtu
Daniala 8:16; 9:21; Luka 1:19, 26; Hebrai 1:14

Babulon = Sakhaw suak / Buai nuai
Genesis 10:8-10; 11:6-9; Thupuan 18:2, 3; 17:1-5

Sakawlh = Lalram / Sawrkar / Politic Thuneihna
Daniala 7:17, 23

Chhang = Pathian Thu
Johana 6:35, 51, 52, 63

Ni khat = Kum Khat
Ezekiela 4:6; Numbers 14:34

Rulpui Tar = Diabola leh a tirhkohte
Isaia 27:1; 30:6; Sam 74:13, 14; Thupuan 12:7-9; Ezekiela 29:3;
Jeremia 51:34

Chal = Rilru / Thinking
Rom 7:25; Ezekiela 3:8, 9

Kut = Thil tih
Thuhriltu 9:10

Nawhchizuar = Kohhran leh Sakhaw Kalsual
Isaia 1:21-27; Jeremia 3:1-3, 6-9

Hotute = Thuneitute, roreltute, sawrkara a fawng vuantute
Thupuan 17:3, 9, 10

Ki = Lal leh Lalram
Daniala 7:24; 8:5, 21,22; Zakaria 1:18, 19; Thupuan 17:12

Beramno = Isua Krista leh A inhlanna
Johana 1:29; 1 Korinth 5:7

Khawnvar = Pathian Thu
Sam 119:105

Sakeibaknei = Isua Krista
Thupuan 5:4-9

Chhinchhiahna = Entirna chhinchhiahna(Sign) leh nemnghehna(seal) Ezekiela 9:4; Rom 4:11;
Thupuan 13:17; 14:9-11; 7:2-3

Tlangte = Politics emaw sakhaw politic emawa thuneihna
Isaia 2:2-3; Jeremia 17:3; 31:23; 51:24-25; Ezekiela 17:22-23; Daniela 2:35, 44-45

Khawnvar tui / Hriak = Thlarau Thianghlim
Zekaria 4:2-6; Thupuan 4:5

Senduk = Sual / Hlemhlepna
Isaia 1:18; Nahuma 2:3; Thupuan 17:1-4

Lungpui = Isua Krista / Thutak
1 Korinth 10:4; Isaia 8:13, 14; Rom 9:33; Mathaia 7:24

Chhinchhiahna(Seal) = Chhinchhiahna (Sign or Mark)
Rom 4:11; Thupuan 7:2-3

Rul = Setana
Thupuan 12:9; 20:2

Arsite = Vantirhkoh / Thuchah kengtute
Thupuan 1:16, 20; 12:4, 7-9; Joba 38:7

Ni = Isua / Chanchin Tha
Sam 84:11; Malakia 4:2; Mathaia 17:2; Johana 8:12; 9:5

Ngunhnam / Ralthuam famkim = Pathian Thu
Ephesi 6:17; Hebrai 4:12

Rukru angin = Isua lo kal vawi hnihna
1 Thessalonika 5:2-4; 2 Petera 3:10

Hun = A ngial ngan kum sawina
Daniala 4:16, 23, 25, 32; 7:25; 11:13

Tui tam tak = Mipuite, hnamte
Thupuan 17:15

Kawrfual var = Hnehtute, mi thianghlimte
Thupuan 19:8; 3:5; 7:14

Thlipuite = Buaina / indona / Chhiatna
Jeremia 25:31-33; 49:36, 37; 4:11-13; Zakaria 7:14

Nula Thianghlim = Kohhran dik / A labang Kohhran
Jeremia 6:2; 2 Korinth 11:2; Ephesi 5:23-27

Hmeichhe Bawlhhlawh = Kohhran Kalsual
Ezekiela 16:15-58; 23:2-21; Hosea 2:5; 3:1; Thupuan 14:4

Panorama of Prophecy, Lesson 7 ©2022 Amazing Facts International All Rights Reserved