1. இயேசு இரண்டாம் முறை எவ்விதமாக வருவார்?

“அவர்கள் பார்த்துக்கொண்டிருக்கையில், உயர எடுத்துக்கொள்ளப்பட்டார்; அவர்கள் கண்களுக்கு மறைவாக ஒரு மேகம் அவரை எடுத்துக்கொண்டது.  அவர் போகிறபோது அவர்கள் வானத்தை அண்ணாந்து பார்த்துக் கொண்டிருக்கையில், இதோ, வெண்மையான வஸ்திரந்தரித்தவர்கள் இரண்டுபேர் அவர்களருகே நின்று:  கலிலேயராகிய மனுஷரே, நீங்கள் ஏன் வானத்தை அண்ணாந்து பார்த்து நிற்கிறீர்கள்?  உங்களிடத்தினின்று வானத்துக்கு எடுத்துக் கொள்ளப்பட்ட இந்த இயேசுவானவர் எப்படி உங்கள் கண்களுக்கு முன்பாக வானத்துக்கு எழுந்தருளிப்போனாரோ, அப்படியே மறுபடியும் வருவார் என்றார்கள்” – அப்போஸ்தலர் 1:9-11.

பதில்:  இயேசு பூமியைவிட்டு உயர எழும்பிப்போனவிதமாகவே, காணக்கூடியவராக, நிஜமானவராக, சரீரத்தோடு திரும்பி வருவார் என்று வேதவாக்கியம் வாக்குக்கொடுக்கிறது.  “மனுஷகுமாரன் வல்லமையோடும் மிகுந்த மகிமையோடும் வானத்தின் மேகங்கள்மேல் வருகிறதை” என்று மத்தேயு 24:30 கூறுகிறது.  அவர் நிஜ நபராக, மாமிசத்தையும் எலும்புகளையும் உடையவராக, மேகங்கள்மேல் வருவார் (லு|க்கா 24:36-43; 50, 51).  அவருடைய வருகை காணக்கூடியது!  இந்த உண்மைகளில் வேதவாக்கியம் தெளிவாக இருக்கிறது.

பதில்:  இயேசுவின் இரண்டாம் வருகையில், இந்த உலகத்தில் வசிக்கிற ஒவ்வொரு ஆணும், பெண்ணும், குழந்தையும் அவரைக் காண்பார்கள்.  தள்ளாடச் செய்யும் அவருடைய வருகையின் மும்மடங்கு பிரகாசம் (லூக்கா 9:26)  பூமியின் ஒரு எல்லையிலிருந்து அதன் மறு எல்லைவரையிலும் பரவியிருக்கும்.  மின்னலைப்போன்ற பிரகாசம் வானத்தை மூடும்.  எவரும் மறைந்துகொள்ளமுடியாது.  உயிரோடிருக்கும் ஒவ்வொரு ஆத்துமாவும் இயேசுவை சந்திக்க நிர்பந்திக்கப்படும்.  சந்தேகப்படுவதற்கோ தவறாக புரிந்துகொள்ளப் படுவதற்கோ இயேசு எந்த ஒரு சந்தர்ப்பத்தையும் வைத்திருக்கவில்லை.

குறிப்பு:  இன்று பொதுவாகப் போதிக்கப்பட்டு வருகிற இரகசிய வருகை வேதாகமத்தில் இல்லை.  அது ஒரு மனித கண்டுபிடிப்பு.  அது மனந்திரும்பும்போது இருதயத்தில் நடக்கிற ஆவிக்குரிய வருகை அல்ல; மனிதனின் மரணத்தில் நடக்கிறதல்ல, சிறப்பான எதிர்காலத்தின் அடையாளமும் அல்ல.  இந்த கொள்கைகளெல்லாம் மனிதன் கொண்டுவந்தவைகளே.  இரண்டாம் வருகையில் நடக்கப்போகிற ஒன்று; உலகமுழுவதும் காணக்கூடிய ஒன்று; இந்த உலகத்தை முடிவிற்குக் கொண்டுவந்து, அனைத்து ஆண்களுக்கும் பெண்களுக்கும் பலனையோ அல்லது தண்டனையையோ தர கிறிஸ்துதாமே மேகங்கள்மேல் தனிப்பட்ட விதத்தில் வரப்போகிறார்.

1. இயேசு இரண்டாம் முறை வரும்போது அவருடன் யார் வருவார்கள்? ஏன்?

“அன்றியும் மனுஷகுமாரன் தமது மகிமைபொருந்தினவராய்ச் சகல பரிசுத்த தூதரோடுங்கூட வரும்போது, தமது மகிமையுள்ள சிங்காசனத்தின் மேல் வீற்றிருப்பார்” – மத்தேயு 25:31.

பதில்:  பரலோகத்தின் அனைத்து தூதர்களும் இயேசுவின் இரண்டாம் வருகையில் அவரோடுகூட வருவார்கள்.  பூமியை நெருங்கும்போது இயேசு தமது தூதர்களை அனுப்புவார்.  பரலோகத்திற்குத் திரும்பிச்செல்லும் பயணத்திற்கு ஆயத்தமாயிருந்த நீதிமான்கள் அனைவரையும் அவர்கள் சேர்ப்பார்கள். (மத்தேயு 24:31).

பதில்:  மரித்த நீதிமான்கள் அவர்களுடைய கல்லறைகளிலிருந்து எழுப்பப்பட்டு, கிறிஸ்துவைப்போன்ற பூரணமான அழியாத சரீரங்கள் கொடுக்கப்பட்டு, கர்த்தரைச் சந்திக்கும்படி மேகங்கள்மேல் எடுத்துக்கொள்ளப்படுவார்கள்.  பின்னர் உயிரோடிருக்கும் நீதிமான்களும் கிறிஸ்துவைப்போன்ற சரீரம் கொடுக்கப்பட்டு ஆகாயத்தில் கர்த்தரைச் சந்திக்கும்படி எடுத்துக்கொள்ளப்படுவார்கள்.  இயேசு அவர்களை தம்மோடுகூட பரலோகத்திற்கு எடுத்துச்செல்வார்.  இயேசு இரண்டாம் வருகையில் இந்த பூமியைத் தொடவில்லை; பூமிக்குமேல் மேகங்களிலேயே இருப்பார் என்பதைக் குறித்துக்கொள்ளுங்கள்.  பரிசுத்தவான்கள் அவரை ஆகாயத்தில் சந்திக்கிறார்கள்.  எனவே தேவனுடைய பிள்ளைகள், கிறிஸ்து சென்னையில் இருக்கிறார், மதுரையில் இருக்கிறார் என்கிற செய்திகளை பொருட்படுத்தமாட்டார்கள்.  கள்ளக் கிறிஸ்துக்கள் தோன்றி, பூமியில் அற்புதங்களைச் செய்வார்கள் (மத்தேயு 24:23-27).

1. இயேசு மீண்டும் வரும்போது துன்மார்க்கருக்கு என்ன சம்பவிக்கும்?

“தமது வாயின் சுவாசத்தால் துன்மார்க்கரைச் சங்கரிப்பார்” – ஏசாயா 11:4; “அக்காலத்திலே பூமியின் ஒரு முனை துவங்கிப் பூமியின் மறுமுனைமட்டும் கர்த்தரால் கொலையுண்டவர்கள் கிடப்பார்கள்” –  ஏரேமியா 25:33.

பதில்:  துன்மார்க்கர் இயேசுவால் சங்கரிக்கப்படுவார்கள்.

9. Does the Bible give specific information regarding the nearness of Christ’s second coming?

Answer:   Yes! Jesus Himself said, “When you see all these things, know that it is near—at the doors!” (Matthew 24:33). The Lord placed signs all along the way from His ascension to His second coming. See below …

A. The Destruction of Jerusalem
Prophecy: “Not one stone shall be left here upon another, that shall not be thrown down. … Let those who are in Judea flee to the mountains” (Matthew 24:2, 16).

Fulfillment: Jerusalem was destroyed in ad 70 by the Roman warrior Titus.

B. Great Persecution, Tribulation

Prophecy: “Then there will be great tribulation, such as has not been since the beginning of the world” (Matthew 24:21).

Fulfillment: This prophecy points primarily to the tribulation that took place during the Dark Ages and was instigated by the apostate Christian church. It lasted more than 1,000 years. Over 50 million Christians were slain by the false church, which “has shed more innocent blood than any other institution that has ever existed among mankind.” W.E.H. Lecky, History of the Rise and Influence of the Spirit of Rationalism in Europe, (Reprint New York: Braziller, 1955) Vol. 2, pp. 40-45.

நிறைவேறுதல்:  இருண்ட காலத்தில் தேவதுரோகம் செய்த சபையினால் துவங்கப்பட்ட நீண்ட உபத்திரவ காலத்தை இந்தத் தீர்க்கதரிசனம் முதலாவது சுட்டிக்காட்டுகிறது.  அது ஆயிரம் வருடங்களுக்கும் மேலாக தொடர்ந்தது.  ஏறக்குறைய ஐந்து கோடி கிறிஸ்தவர்கள் தங்கள் விசுவாசத்திற்காக அந்த பங்கரமான உபத்திரவ காலத்தில் கொல்லப்பட்டனர்.  “மனிதக் குலத்தில் இதுவரையிலும் இருந்திருந்த வேறு எந்த நிருவனத்தைக் காட்டிலும் (தேவ துரோகம் செய்த சபை) அதிகமான குற்றமில்லாத இரத்தத்தைச் சிந்தியிருக்கிறது” என்று ஒரு எழுத்தாளர் எழுதியிருக்கிறார்.  W.E.H.Lecky. History of the Rise and Influence of the Spirit of Rationalism in Europe, (Reprint New York: Braziller; 1955) Vol.2, pp.40-45.

இ.  சூரியன் இருண்டுபோகும்

தீர்க்கதரிசனம்:  “சூரியன் அந்தகாரப்படும்” – மத்தேயு 24:29.

நிறைவேறுதல்:  மனித சக்திக்கு அப்பாற்பட்ட இருட்டினால், மே 19, 1780 அன்று இது நிறைவேறியது.  அது ஒரு கிரகணம் அல்ல. “1780, மே 19-ம் நாள் குறிப்பிடத்தகுந்த இருண்ட நாள்.  அநேக இல்லங்களில் மெழுகு வர்த்திகள் கொளுத்தப்பட, பறவைகள் மௌனமாகி காணாமற்போயின.  பட்சிகள் தங்கள் கூடுகளுக்குத் திரும்பின.  நியாயத்தீர்ப்பின் நாள் வந்துவிட்டது என்கிற பொதுவான கருத்து அன்று இருந்தது” என்று தீமோத்தேயு டிவைட் என்பவர் கூறுகிறார்.

Quoted in Connecticut Historical Collections, compiled by John Warner Barber (2^nd ed. New Haven: Durrie & Peck and J.W. Barber, 1836) p.403.

ஈ.  சந்திரன் இரத்தமாக மாறும்

தீர்க்கதரிசனம்:  “சந்திரன் இரத்தமாகவும் மாறும்” – யோவேல் 2:31.

நிறைவேறுதல்:  இருண்ட நாளான மே 19, 1780 இரவு சந்திரன் இரத்தம் போல ஆகிற்று.  மிலோ வாஸ்டிக் என்பவர்:  “Stone’s History of V” என்ற புத்தகத்தில் “முழுமையாக இருந்த சந்திரன் அன்று இரத்தம் போல காணப்பட்டது” என்று கூறுகிறார்.

உ.  நட்சத்திரங்கள் வானத்திலிருந்து விழும்

தீர்க்கதரிசனம்:  “நட்சத்திரங்கள் வானத்திலிருந்து விழும்” – மத்தேயு 24:29.

நிறைவேறுதல்:  1833, நவம்பர் 13 இரவன்று, மாபெரும் நட்சத்திர விழுகை நடந்தது.

ஒரு செய்தித்தாளை தெருவில் நின்று வாசிக்குமளவு அது பிரகாசமாயிருந்தது.  ஒரு எழுத்தாளர்: “ஏறக்குறைய நான்கு மணி நேரங்கள் வானம் பிரகாசமாயிருந்தது” என்கிறார்.  உலகத்தின் முடிவு வந்துவிட்டது என்று மனிதர் நினைத்தனர்.  கண்களை மிகவும் கவரும் இயேசுவின் இரண்டாம் வருகைக்கான இவ்வடையாளங்களைச் சிந்தியுங்கள்.

ஊ.  இயேசு மேகங்கள்மேல் வருவார்.

தீர்க்கதரிசனம்:  “அப்பொழுது, மனுஷகுமாரனுடைய அடையாளம் வானத்தில் காணப்படும், அப்பொழுது, மனுஷகுமாரன் வல்லமையோடும் மிகுந்த மகிமையோடும் வானத்தின் மேகங்கள்மேல் வருகிறதைப் பூமியிலுள்ள சகல கோத்திரத்தாரும் கண்டு புலம்புவார்கள்” – மத்தேயு 24:30.

நிறைவேறுதல்:  இதுதான் அடுத்து நடக்கவிருக்கும் சம்பவம்.  நீங்கள் ஆயத்தமா?

உலக சரித்திரத்தின் கடைசி நாட்களில் நாம் இருக்கிறோம் என்று காண்பிக்கக்கூடிய அநேக அநேகமான அடையாளங்களில் ஒரு சில இவை:

அ. யுத்தங்களும் குழப்பங்களும்.

“யுத்தங்களையும் கலகங்களையுங்குறித்து நீங்கள் கேள்விப்படும்போது, பயப்படாதிருங்கள்; இவைகள் முன்னதாகச் சம்பவிக்கவேண்டியதே” – லூக்கா 21:9.

யுத்தங்களும் பொது அழிவுகளும் உலகம் முழுவதும் ஆயிரக்கணக்கானோரை பாதித்துக் கொண்டிருக்கிறது.  இயேசுவின் அதிசீக்கிர வருகையே யுத்தத்தின் வேதனையையும் அழிவையும் முடிவிற்குக் கொண்டுவரும்.

ஆ.  அமைதியின்மை, பயம், கலகங்கள்.

“பூமியின்மேலுள்ள ஜனங்களுக்குத் தத்தளிப்பும் இடுக்கணும் உண்டாகும்;…. பூமியின்மேல் வரும் ஆபத்துகளுக்குப் பயந்து எதிர்பார்த்திருக்கிறதினால் மனுஷருடைய இருதயம் சோர்ந்துபோம்” – லூக்கா 21:25,26.

இது இன்றைக்கு அன்றாடம் வருகிற செய்தித்தாளின் முழுமையான படமாகத் தோன்றுகிறது. நாம் உலக சரித்திரத்தின் கடைசி நாட்களில் வாழ்ந்துகொண்டிருக்கிறோம் என்பதே அதற்குக் காரணம்.  இன்று உலகில் நிலவிவரும் நெருக்கடியான சூழ்நிலை நம்மை ஆச்சரியப்படுத்தவேண்டியதில்லை.  கிறிஸ்து ஏற்கனவே அவைகளை அறிவித்திருக்கிறார்.  அவரின் வருகை சமீபமாக இருக்கிறதென்று இது நம்மை உணர்த்தவேண்டும்.

உ.  சன்மார்க்க சீரழிவு, ஆவிக்குரிய வாழ்க்கையின் தாழ்வு

“மேலும், கடைசிநாட்களில்… மனுஷர்கள் தற்பிரியராயும்,…. சுபாவ அன்பில்லாதவர்களாயும்,…. இச்சையடக்கமில்லாதவர்களாயும்,…. நல்லோரைப் பகைக்கிறவர்களாயும்,…. தேவபக்தியின் வேஷத்தைத் தரித்து அதின் பலனை மறுதலிக்கிறவர்களாயும் இருப்பார்கள்” – 2 தீமோத்தேயு 3:1-5.

அமெரிக்கா மாபெரும் நெருக்கடியின் மத்தியில் இருக்கிறது.  மனிதப் பிரச்சனைகளுக்கு தற்கொலை மிகவும் பிரபலமான விடிவாக மாறிக்கொண்டிருக்கிறது.  ஏறக்குறைய இரண்டு திருமணங்களில் ஒன்று விவாகரத்தில் முடிய, விலாகரத்துக்களின் சதவிகிதம் ஏறிக்கொண்டிருக்கிறது. அசுத்தத்திலும் பாலுறவிலும் மிதமிஞ்சி, சபை உறுப்பினர்களின் எண்ணிக்கை அதிகரித்து – உண்மையான ஆவிக்குரிய வாழ்க்கை கீழிறங்கிக் கொண்டிருக்க – சன்மார்க்கர்களின் எண்ணிக்கை அதிகரித்து – உண்மையான ஆவிக்குரிய வாழ்க்கை கீழிறங்கிக் கொண்டிருக்க – சன்மார்க்க சீரழிவிலிருக்கும் இன்றைய தலைமுறை, தேவனுடைய வார்த்தையின் நிறைவேறுதலுக்கான தெளிவான ஒரு ஆதாரம். 2 தீதோ. 3:1-5ல் பட்டியலிடப்பட்டிருக்கிறவைகளில் எத்தனை காரியங்கள் ஞாயிற்றுகிழமையின் செய்தித் தாளில் இருக்கின்றன என்பது அதிர்ச்சியாக இருக்கும்.  உலகத்தை ஆட்கொண்டிருக்கிற தீமையின் அலையை ஆண்டவரின் வருகையைத்தவிர வேறெதுவும் நிறுத்தமுடியாது.

ஏ.  அழிவுண்டாக்கும் நில அதிர்வுகள், வெள்ளங்கள், பஞ்சங்கள்

“பல இடங்களில் மகா பூமியதிர்ச்சிகளும், பஞ்சங்களும், கொள்ளைநோய்களும் உண்டாகும்” – லூக்கா 21:11.

பூமியதிர்ச்சிகளும், சுழல்காற்றுகளும், வெள்ளங்களும் முன்னெப்போதும் இல்லாதளவு அதிகரித்துக்கொண்டிருக்கின்றன.  உலகத்தின் மூன்றிலொரு பகுதியினர் பசியோடிருக்கிறார்கள்.  ஆயிரக்கணக்கானோர் அனுதினமும் பட்டினியால் சாகிறார்கள்.  இவைகள் அனைத்தும் நாம் பூமியின் கடைசி மணிநேரங்களில் வாழ்ந்து கொண்டிருப்பதற்கான கூடுதல் ஆதாரங்கள்.

ஐ.  இந்த கடைசி நாட்களில் உலகத்திற்கான விசேஷ செய்தி.

“ராஜ்யத்தினுடைய இந்தச் சுவிசேஷம் பூலோகமெங்குமுள்ள சகல ஜாதிகளுக்கும் சாட்சியாகப் பிரசங்கிக்கப்படும், அப்போது முடிவு வரும்” – மத்தேயு 24:14.

கிறிஸ்துவின் இரண்டாம் வருகயைக்குறித்த மாபெரும் பவித்திரமான எச்சரிப்பின் செய்தி ஏறக்குறைய 900 மொழிகளிலும் பேச்சுக்களிலும் கொடுக்கப்படுகின்றது.  ஏறக்குறைய மக்கள் தொகையில் 95 சதவிகிதத்தினர் இந்த செய்திகளை பெற்றுவருகின்றனர்.  இயேசுவின் இரண்டாம் வருகைக்குமுன் அவருடைய அதிசீக்கிர வருகையைக்குறித்து உலகத்திலுள்ள ஒவ்வொரு நபரும் எச்சரிக்கப்படுவார்.  இந்த எச்சரிப்பின் செய்தியை புறக்கணிப்பவர் மாத்திரமே இரட்சிப்பை இழந்துபோவார்.

ஒ.  ஆவிமார்க்கத்திற்குத் திரும்புதல்.

“பிற்காலங்களிலே… சிலர் வஞ்சிக்கிற ஆவிகளுக்கும் பிசாசுகளின் உபதேசங்களுக்கும் செவிகொடுத்து, விசுவாசத்தை விட்டு விலகிப்போவார்கள்” – 1 தீமோ. 4:1; “அவைகள் அற்புதங்களைச் செய்கிற பிசாசுகளின் ஆவிகள்” – வெளி. 16:14.

தேசத்தலைவர்கள் உட்பட  அநேகர் உளவியல் நிபுணரிடமிருந்தும், பிசாசுகளோடு தொடர்பு கொள்பவர்களிடமிருந்தும், ஆவிமார்க்கத்திடமிருந்தும் ஆலோசனைகளைத் தேடுகின்றனர்.  ஆத்துமா அழியாதது என்னும் பொய்யான போதனையோடு  ஆவிமார்க்கம் சபைகளையும் ஊடுருவியிருக்கிறது.  ஆனால் மரித்தவர்கள் மரித்தவர்களே என்று வேதாகமம் போதிக்கிறது.

ஓ.  முதலாளிக்கும் தொழிலாளிக்கும் பிரச்சனை.

“இதோ, உங்கள் வயல்களை அறுத்த வேலைக்கார்ருடைய கூலி உங்களால் அநியாயமாய்ப் பிடிக்கப்பட்டுக் குக்குரலிடுகிறது; அறுத்தவர்களுடைய கூக்குரல் சேனைகளுடைய கர்த்தரின் செவிகளில்பட்டது.” “நீங்களும் நீடிய பொறுமையோடிருந்து,…. கர்த்தரின் வருகை சமீபமாயிருக்கிறதே” – யாக்கோபு 5:4,8.

முதலாளிக்கும் தொழிலாளிக்கும் இடையே கடைசி நாட்களில் பிரச்சனை ஏற்படும்.  அதன் நிறைவேறுதலை செய்தித்தாள்களில் பாருங்கள்.

பதில்:  கிறிஸ்து ஏற்கனவே வந்துவிட்டார் என்றோ அல்லது வேதாகமத்தில் சொல்லப்படாத விதத்தில் வருவார் என்றோ கூறி அநேகரை நம்பவைக்க (கிறிஸ்துவின் இரண்டாம் வருகையைக் குறித்த) அநேக பொய்ப் போதனைகளை சாத்தான் கண்டுபிடித்திருக்கிறான்.  சாத்தானுடைய தந்திரத்தைக் குறித்து: “ஒருவனும் உங்களை வஞ்சியாதபடிக்கு எச்சரிக்கையாயிருங்கள்” (மத்தேயு 24:4) என்று கிறிஸ்து எச்சரித்திருக்கிறார்.  சாத்தானுடைய திட்டங்களையும் பொய்களையும் வெளிக்காட்டி, நாம் எச்சரிப்படைவதற்கேதுவாக: “இதோ, முன்னதாக உங்களுக்கு அறிவித்திருக்கிறேன்” (வசனம். 25) என்று நினைவுபடுத்துகிறார்.  அவர் வனாந்தரத்திலோ அல்லது அறைவீட்டிலோ காணப்படமாட்டார் என்றார்.  கிறிஸ்துவின் இரண்டாம் வருகையைக்குறித்து வேதாகமம் போதிக்கிறதை நாம் கற்றுக்கொள்வோமானால் வஞ்சிக்கப்படமாட்டோம்.  அதைக்குறித்து வேதாகமம் என்ன சொல்லுகிறது என்கிற அமில பரிசோதனையே நீங்கள் செய்யவேண்டிய ஒன்று.  இரண்டாம் வருகையைக்குறித்து வேதாகமம் என்ன சொல்லுகிறது என்று அறிந்திருக்கிற மக்கள் சாத்தானால் வஞ்சிக்கப்படமுடியாது, மற்ற அனைவரும் வஞ்சிக்கப்படுவார்கள்.

சிந்தனைக்  கேள்விகள்

 1. மாபெரும் உபத்திரவம் இனிமேல்தானே வரவேண்டும்?

பதில்:  இயேசு தமது பிள்ளைகளை விடுவிக்கும்முன்பாக பயங்கரமான மகா பெரிய உபத்திரவம் பூமியை மூடும் என்பது உண்மைதான்.  தானியேல் இதை:  “யாதொரு ஜாதியாரும் தோன்றினதுமுதல் அக்காலமட்டும் உண்டயிராத ஆபத்துகாலம் வரும்” (தானியேல் 12:1) என்று விவரிக்கிறார்.  மத்தேயு 24:21-ன் உபத்திரவம்.  இருண்ட காலங்களில் தங்கள் விசுவாசத்திற்காக கொல்லப்பட்ட இலட்சக்கணக்கான தேவனுடைய பிள்ளைகளின் உபத்திரவத்தைக் குறிப்பிடுகிறது.

2. கர்த்தர் “இரவில் திருடனைப்போல” வரப்போவதால் அதைக்குறித்து எவ்விதம் நாம் அறிமுடியும்?

பதில்:  இதற்கான பதில் 1 தெசலோனிக்கேயர் 5:2-4-ல் இருக்கிறது.  “இரவிலே திருடன் வருகிறவிதமாய்க் கர்த்தருடைய நாள் வருமென்று நீங்களே நன்றாய் அறிந்திருக்கிறீர்கள்.  சமாதானமும் சவுக்கியமும் உண்டென்று அவர்கள் சொல்லும்போது, கர்ப்பவதியானவளுக்கு வேதனை வருகிறதுபோல, அழிவு சடிதியாய் அவர்கள்மேல் வரும்; அவர்கள் தப்பிப்போவதில்லை.  சகோதரரே, அந்த நாள் திருடனைப்போல உங்களைப் பிடித்துக்கொள்ளத்தக்கதாக, நீங்கள் அந்தகாரத்திலிருக்கிறவர்களல்லவே”.  கர்த்தருடைய நாள் ஆயத்தமாக இல்லாதவர்களுக்குத்தான் திருடன் வருகிறவிதமாக வருகிறது.  “சகோதரருக்கு” அல்ல என்கிறதை கவனியுங்கள்.

3. கிறிஸ்து எப்போது தமது இராஜ்யத்தை இந்த பூமியில் ஸ்தாபிப்பார்?

பதில்:  வெளிப்படுத்தல் 20ல் கூறப்பட்டுள்ள ஆயிரம் வருடங்களுக்குப்பின்பு இயேசு தமது இராஜ்யத்தை இந்த பூமியில் ஸ்தாபிப்பார்.  இந்த ஆயிர வருடகாலம், தம்மோடு பிழைக்கவும் ஆட்சி செய்யவும் இயேசு நீதிமான்களை இந்த பூமியிலிருந்து எடுத்துச் செல்லும் இரண்டாம் வருகையில் துவங்குகிறது.  ஆயிர வருடத்தின் முடிவில், “புதிய எருசலேமாகிய பரிசுத்த நகரம்” (வெயிப்படுத்தல் 21:2) சகல பரிசுத்தவான்களோடுங்கூட (சகரியா 14:1,4,5) பரலோகத்திலிருந்து பூமிக்கு இறங்கிவருகிறது.  அப்போது இதுவரையிலும் அனைத்து யுகத்திலும் மரித்திருந்த துன்மார்க்கர் உயிரடைகிறார்கள் (வெளிப்படுத்தல் 20:5).  அவர்கள் பரிசுத்த பட்டணத்தை பிடிக்கும்படி அதை வளைந்துகொள்ளுகிறார்கள் (வெளிப்படுத்தல் 20:9).  அப்போது அவர்களை பட்சிக்கும்படியாக தேவனிடமிருந்து வானத்திலிருந்து அக்கினி இறங்கி வருகிறது.  இந்த அக்கினி பூமியை சுத்திகரித்து பாவத்தையும் பாவிகளையும் குறித்த அனைத்துத் தடயங்களையும் எரித்துப்போட்டு ( 2 பேதுரு 3:10), சாம்பலை மாத்திரமே விட்டுவைக்கிறது (மல்கியா 4:3).  அக்கினி அவிந்துபோகிறது (ஏசாயா 47:14).  பின்னர் தேவன் புதிய பூமியை சிருஷ்டித்து (2 பேதுரு 3:13; ஏசாயா 65:17; வெளிப்படுத்தல் 21:1), அதை நீதிமான்களுக்குக் கொடுக்கிறார்.  “அவர்களிடத்திலே அவர் வாசமாயிருப்பார்;… தேவன்தாமே அவர்களோடேகூட இருந்து அவர்களுடைய தேவனாயிருப்பார்”… வெளிப்படுத்தல் 21:3.  தேவனுடைய பரிபூரண சாயலுக்கு மீண்டும்  கொண்டுவரப்பட்ட பூரணமான, பரிசுத்தமான, மகிழ்ச்சியான மக்கள், தேவன் முன்னதாகவே திட்டம்பண்ணியிருந்ததைப்போல பாவமில்லாத, கறையில்லாத உலகத்தில் வசித்திருப்பார்கள்.  மிகவும் மதியற்ற நபர்களே இதை இழக்க தெரிந்துகொள்ளுவார்கள். (மேலும் அழகிய புதிய இராஜ்யத்தை குறித்து வேதபாடம் 4 ஐ படிக்கவும். மேலும் 1000 வருஷம் குறித்து வேதபாடம் 12 ஐ படிக்கவும்.)

4. கிறிஸ்துவின் இரண்டாம் வருகையைக் குறித்த அதிக பிரசங்கங்களையும் போதனைகளையும் ஏன் நாம் இன்று கேட்பதில்லை?

பதில்:  காரணம் பிசாசுதான்.  இரண்டாம் வருகை கிறிஸ்தவர்களுடைய “ஆனந்த பாக்கியம்” (தீத்து 2:13) என்றும், சரியாகப் புரிந்துகொள்ளப்படும்போது, கிறிஸ்துவின் வருகையை துரிதப்படுத்தும்படி இந்த நற்செய்தியை மற்றவர்களுக்குச் சொல்லத்தக்கதாக, அது ஆண்கள் மற்றும் பெண்களுடைய வாழ்க்கையை தனிப்பட்ட, ஜாக்கிரதையான, சுறுசுறுப்பான நிலைக்கு மாற்றும் என்றும் அவன் நன்கு அறிவான்.  இது சாத்தானுக்கு ஆத்திரத்தை கொடுக்கிறது.  எனவே, தேவபக்தியின் வேஷத்தைத் தரித்து அதன் பலனை மறுதலிக்கிறவர்களைத் (2 தீமோத்தேயு 3:5) தூண்டி, “அவர் வருவார் என்று சொல்லுகிற வாக்குத்தத்தம் எங்கே? பிதாக்கள் நித்திரையடைந்தபின்பு சகலமும் சிருஷ்டிப்பின்தோற்றமுதல் இருந்தவிதமாயிருக்கிறதே” (2 பேதுரு 3:3,4) என்று கூறி பரியாசம்பண்ண நடத்துகிறான்.  இதை மறுத்து, அலட்சியம் பண்ணி, கிறிஸ்துவின் இரண்டாம் வருகையை (விரைவில் நடக்கவிருக்கும் நிஜமான சம்பவத்தை) அற்பமாக எண்ணுகிறவர்கள், இவ்விதம் மேற்குறிப்பிட்ட வேதாகம தீர்க்கதரிசனத்தை குறிப்பாக நிறைவேற்றி, பிசாசிற்கு மாபெரும் சேவை செய்கிறார்கள்.

5. ஆனால், “ஒருவன் ஏற்றுக்கொள்ளப்படுவான், மற்றவன் கைவிடப்படுவான்” என்று லூக்கா 17:36-ல் சொன்னபோது இயேசு இரகசிய வருகையைக் குறித்து கூறவில்லையா?

பதில்:  இல்லை.  இந்த சம்பவம் இரகசியமானது என்பதற்கு மிகக் குறைவான அடையாளம்கூட இல்லை. இயேசு நோவாவின் காலத்து வெள்ளத்தையும் சோதோமின் அழிவையும் விவரிக்கிறார்.  (லூக்கா 17:26-37-ஜ பாருங்கள்).  எவ்விதம் நோவாவையும் லோத்துவையும் தப்புவித்து, தேவன் துன்மார்க்கரை அழித்தார் என்பதை அங்கு கூறுகிறார்.  இன்னும், ஜலப்பிரளயமும் அக்கினியும் “எல்லாரையும் அழித்துப்போட்டது” (வசனம் 27,29) என்று குறிப்பாகக் கூறுகிறார்.  ஒவ்வொரு சம்பவத்திலும் சிலர் பாதுகாப்பிற்காக எடுத்துக்கொள்ளப்பட்டனர்; மற்ற அனைவரும் அழிக்கப்பட்டனர் என்பது தெளிவாக இருக்கிறது.  மேலும், “மனுஷகுமாரன் வெளிப்படும் நாளிலும் அப்படியே நடக்கும்” (வசனம் 30) என்று சேர்த்துக் கூறினார்.  இதை விளக்க, “வயலிலிருக்கிற இரண்டுபேரில் ஒருவன் ஏற்றுக்கொள்ளப்படுவான், மற்றவன் கைவிடப்படுவான்” (வசனம் 36) என்று இயேசு தொடர்ந்தார்.  இதில் இரகசியம் என்பதற்கு எதுவுமே இல்லை.  “கண்கள் யாவும் அவரைக் காணும்” – வெளிப்படுத்தல் 1:7.  அவருடைய இரண்டாம் வருகையில், கிறிஸ்து அனைவர் முன்பும், வெளிப்படையாக, நீதிமான்களை மேகங்கள்மேல் எடுத்துக்கொண்டு (1 தெசலோனிக்கேயர் 4:16,17) துன்மார்க்கரைக் கொல்லுவார் (ஏசாயா 11:4; 2 தெசலோனிக்கேயர் 2:8) எனவேதான் துன்மார்க்கரின் சரீரங்களைக்குறித்தும், அவைகளைச் சூழ்ந்திருக்கிற கழுகுகளைக்குறித்தும் லூக்கா 17:37 பேசுகிறது. (வெளிப்படுத்தல் 19:17.18-ஜயும் பார்க்கவும்).  கிறிஸ்துவின் வருகையில் விட்டுச் செல்லப்படுகிற துன்மார்க்கர் மரித்தவர்களாக விடப்பட்டிருப்பார்கள். (இரகசிய வருகயை குறித்து மேலும் படிக்க இதைப்பற்றிய புத்தகத்தை பெற எங்களை அனுகவும்.)

கேள்விகள்

1. அவருடைய இரண்டாம் வருகையில்: (1)

(  ) கிறிஸ்து தனியாக வந்து பூமியின் குறிப்பிட்ட நகரங்களைச் சந்திப்பார்.

(  ) கிறிஸ்து வனாந்தரத்தில் தோன்றுவார்.

(  ) கிறிஸ்து மேகங்கள்மேலேயே இருந்து நீதிமான்களைத் தம்மிடம் அழைப்பார்.

2. இயேசு இந்த பூமிக்குத் திரும்பும் போது: (1)

(  ) நீதிமான்கள் மாத்திரம் அவரைக் காண்பார்கள்.

(  ) கண்கள் யாவும் அவரைக் காணும்.

(  ) தொலைக்காட்சியில் ஒளிப்பரப்பப்படும்வரை மக்கள் அதை அறியார்கள்.

3. கிறிஸ்துவின் இரண்டாம் வருகையில் நீதிமான்களுக்கு என்ன சம்பவிக்கும்? (2)

(  ) மரித்த நீதிமான்கள் எழும்பி, அழியாமை தரித்து, மேகங்கள்மேல் பரலோகிற்கு எடுத்துக்கொள்ளப்படுவர்.

(  ) உயிரோடிருக்கும் நீதிமான்கள் அழியாமை தரித்து, மேகங்கள்மேல் பரலோகிற்கு எடுத்துக்கொள்ளப்படுவர்.

(  ) நீதிமான்கள் இங்கேயே தங்கியிருந்து துன்மார்க்கரை மனமாற்றுவார்கள்.

(  ) நீதிமான்கள் இரகசியமாக பறித்துக்கொண்டுபோகப்படுவார்கள்.

4. வேதாகம அடையாளங்களின் அடிப்படையில் கிஸ்துவின் வருகை: (1)

(  ) மிகவும் அதிக சீக்கிரத்தில் நடக்கும்

(  ) இப்போதிருந்து சில நூற்றாண்டுகளுக்குப்பின்பு சம்பவிக்கும்.

(  ) ஏற்கனவே சம்பவித்து விட்டது.

5. இயேசு வரும்போது உயிரோடிருக்கும் துன்மார்க்கர்: (1)

(  ) நித்தியமாக  எரியப்போகிற நரகத்தில் போடப்படுவர்.

(  ) அவருடைய இரண்டாம் வருகையில் கொல்லப்படுவர்.

(  ) மற்றொரு சந்தர்ப்பம் பெறுவர்.

6. கீழே கொடுக்கப்பட்டவைகளில் உண்மைகளைத் தெரிந்தெடுங்கள்: (4)

(  ) அவர் இரகசியமாக வருவார்.

(  ) இரண்டாம் வருகை மனமாறுதலின் அனுபவம்.            (  ) அவர் மேகங்கள்மேல் வருவார்.

(  ) நாம் மரிக்கும் நேரத்தில் கிறிஸ்து நமக்காக வருகிறார்.

(  ) துன்மார்க்கர் அவரை காணமாட்டார்கள்.

(  ) அனைத்து தூதரும் அவரோடு இருப்பார்கள்.

(  ) அவர் இந்த பூமியை தொடப்போவதில்லை.

(  ) அவருடைய வருகையின் நேரத்தையும் நாளையும் நாம் அறிந்துகொள்ளக்கூடும்.

(  ) இலட்சக்கணக்கானோர் ஆச்சரியப்பட்டு இரட்சிப்பை இழந்துபோவார்கள்.

7. இயேசுவின் இரண்டாம் வருகையில்: (1)

(  ) முழு உலகமும் ஆயத்தத்தோடு காத்திருக்கும்.

(  ) அழிவை ஏற்படுத்துகிற மிகப்பெரிய பூமியதிர்ச்சிகள் சம்பவிக்கும்.

(  ) துன்மார்க்கர் மனந்திரம்புவார்கள்.

8. பூமியின் கடைசி நாட்களைக்குறித்த அடையாளங்கள்: (7)

(  ) உலகநிலை மேன்மையானதாக – இன்னும் மேன்மையானதாக மாறும்.

(  ) முதலாளிக்கும் தொழிலாளிக்குமிடையே போராட்டம் இருக்கும்.

(  ) மிகக்குறைவான பூமியதிர்ச்சிகளும் வெள்ளங்களும் ஏற்படும்.

(  ) வேதகம சத்தியத்திலிருந்து விலகிச் செல்லுவார்கள்.

(  ) இன்பத்திற்கான பைத்தியம் அதிகரிக்கும்.

(  ) நன் நடத்தை தவறுகளின் சீரழிவு.

(  ) குற்றம் எண்ணிக்கை குறையும்.

(  ) மாபெரும் பஞ்சங்கள் ஏற்படும்.

(  ) அறிவு பெருகிப்போம்.

(  ) அமைதியின்மையும் போராட்டங்களும் வெடிக்கும்.

9. கிறிஸ்துவின் வருகையைக் குறித்த வானத்தின் அடையாளங்கள் எவை? (2)

(  ) ஹேலிஸ் வால் நட்சத்திரம்.

(  ) 1780-ம் வருடத்தின் இருண்ட நாள்.

(  ) நவம்பர் 1833-ல் ஏற்பட்ட நட்சத்திர விழுகை.

(  ) சந்திரன் பூமியின்மேல் வந்து விழும்.

10. இயேசு வெகவிரைவாக பூமிக்குத் திரும்புவார் என்று நாம் எவ்விதம் அறிவோம்? (1)

(  ) வேதாகமம் கடைசி காலத்தைக் குறித்த அடையாளங்களையும், பூரண விளக்கத்தையும் கொடுப்பதால்.

(  ) இயேசு விரைவில் வருவார் என்று அநேகர் நம்புவதால்.

(  ) சில ஜோசியர்கள் அதை முன்சொல்லியிருப்பதால்.

11. கிறிஸ்து வரும் விதத்தைக்குறித்தும் நேரத்தைக்குறித்தும் அநேகர் ஏமாற்றப்படுவார்கள். காரணம்: (1)

(  ) அனைவரும் இரட்சிக்கப்படவேண்டும் என்று தேவன் விரும்பவில்லை.

(  ) அவர்கள் போதுமான காணிக்கை  கொடுப்பதில்லை.

(  ) சத்தியத்தை காண அவர்கள் தங்கள் வேதாகமங்களை ஆராய்வதில்லை,  12.       கிறிஸ்துவின் வருகைக்கு நான் எவ்விதம் ஆயத்தமடைய முடியும்? (1)

(  ) இயேசு எனக்குள் வசிக்கும்போது.

(  ) நான் அனுதினமும் செய்தித்தாளை வாசிக்கும்போது.

(  ) என் போதகரின் ஆலோசனைகளுக்குக் கீழ்ப்படியும்போது.

13. இயேசு திரும்ப வரும்போது ஆயத்தமாயிருக்க நான் தீர்மானித்திருக்கிறேன்.

(  ) ஆம்.

(  ) இல்லை.