Hichejeh tah tah’a hi Pathenin Israel chate chu gam leiset hi kum sagi alhin tengle akicholdo sah diuva thupeh anabol ahi (Potdohbu 23:10). Chutia chu gam leiset chu leipha leihoi hung kiledohkit ding chuleh vaicha genthei te dia anche louhing ahinkedoh sah thei ahi. Hijeng jongleh Pathen mite hon hiche thupeh hi donselouvin akoitauve. Hijeh chun Pathen thutanna gimneitah ahung chutai. Babylon lengpa Nebuchadnezzar chu Judea gama ahungin akidoupi jouse ahung sattai. Asat moh chengse chu sana khopi kiti Babylon a sohle sal a dingin akikai tai. Hichekah sung chun Israel chu suhset in aumin, “agamsungin cholngah nikho hung lhung ding ho anit kit’uva akipa thanop kahseuva dinga chutia ahitai.” 2 Thusimbu 36:21. Kum 70 akichaiyin, ahing nalai ho chu gamtep gam caanan sempha ding leh Jerusalem houin sadoh dingin ahungkile kittauve.

Tua leiset jong hi, kum 6000 tobang Jesu Christa in kipana thupa muchi athe jing ahitai. Bible chun hitin ati “Pakai a dinga nikhat jong chu kum sangkhat tobang ahi” 2 Peter 3:8. Chutengleh vannoi leiset chang-at khom dinga Jesu christa hungloi ding ahitai. Ahung phatleh avah chun mi tamtah atha ding, chuleh adang chengse vang chu van sana khopi sunga apuilut ding ahi. Aban leh hiche kah sunga chu hiche chonset gimna leiset hin kum 1000 kicholna anei ding, koima chen theilouna songku-thim lah kokhuh mongbei banga um ding, asunga satan kihen a ding, kum sangkhat sung hitia chu akichai tengleh – leiset thah kipan ding ahitai.

SIM DING

Bible hohi sim cheh inlang a onglai sudim in.

1. Kum 1000 kipatna dinga ipi thilsoh um em?

1 Thessalonica Mite 4:16 Ajeh chu __________ chu amatah aotoh, vantil pipui awgintoh, chule Pathen sumkon gintoh, kithoa vana kona hung __________ ding ahi; chule Christa a thisaho chengse __________ ding ahiuve;

Thuphon 20:4, 5 Chuin keiman laltouna phabep khat kamun, achunga touho chu thutan vaihom apedoh-un ahi; chule Jesu thu hettohsah jal le Pathen thu jal’a alu kitan ho, chule sahem chule alim chibai boh lou, achal le akhut uva melchihna kilah a kichin lou amaho chengse lhagao hing chu kamun ahi; amaho chu ahinga ahitauve, chule kum __________ __________ Christa toh vai apo khomui. Hiche kum sang khat chu alhin masangsea chu mithi ho amoh chengse chu hingdoh lou ahiuve. Hichu thokit masa ahi.

NOTE: Thuphon 20 naa kum sangkhat hi millennium tia kiseiji ahi. Hiche ‘millenium’ thuchang hi latin pao “milli” kiti kum sangkhat seina leh “annum” kiti “kum” kiseina hi kikilmatto ahi.Jesu hungkitna niloupi chutoh mithengte thoukit ho hi kum 1000 kipatnaa thilsoh masapen ding ahi. Tonlaiya pat a mitheng jouse hiche thokit masa a hi thouding ahiuve.

2. Thokit masa sunga thildang khat soh ding chu ipi ham?

1 Corinth Mite 15:51, 52 Veuvin, keiman nangho thugil khat kaseipeh nahiuve, ibonchauva ina ihmut lou dingu ahi; ahinla sumkon gin nunungpena chu hai khat sunga mitphet kah louva ibonchauva __________ sohkei dingu ahi; ajeh chu sumkon hung gin ding, chule athiho chu monmang theilouva kaithouva um ding; chule eiho ikikhel dingu ahi.

Philippi Mite 3:21 Aman athilbol theinaa ijakai athua anunsah thei ahi, hiche dungjuiya chu eiho tahsa manmo hi akhela ama tahsa __________ lima chu aumsah ding ahi.

2 Thessalonica Mite 2:8 Chule hiche teng chule dan susea chu hung __________ ding ahi; ahinla Pakai Jesu n akam hua ama chu athaa chule ama hung kilah a chu asuhmang ding ahi.

Thuphon 16:18, 20, 21 Hichun koi aphen, o agingin, van agingin, ahitai; chule vannoi leiset chunga mihem umtil a pat chutobang lingpi kihot kha louhel, hitobangtah chun __________ tan ahi. Chule twikol gam jouse ajam mang gamtan, mol le lhang ho jong akiholmo tan ahi. Chule mi chunga van a konin agih talent khattoh kikot __________ nasatah alhan; hiche gelpi chun asuhgam jeh-u chun min Pathen ataitomtan ahi; ijeh-inem itile hichu nasa behseh jenga ahi.

Thuphon 21:1, 2 Chuin lei-ong hehna le thihkhao khat choiya Vantil khat van a kona ahung kumlhah kamun ahi. Chuin ama chun dragon gul lui chu, hichu diabol le satan ahin, amanin chuin akanin kum sang khat geiya dingin lei-onga chun __________ lut tan ahi;

NOTE: Kum 1000 chart lim kijina chu ve inlang, kum 1000 kipatna dinga thilsoh ho chu ve in.

3. Thokit nina tengleh koiho thoudoh diu ham, chuleh itih tengle hiding ham?

John 5:28, 29 Hiche hi datmo hih-un; ijeh-inem itile phat ahung lhunge, hichea chu lhan khuh a um ho jousen o ajah dingu, chule hungdoh ding ahiuve; thilpha bolte ho chengse hinna a thoudoh kit ding, chule __________ bolte ho chengse __________ changa thoudoh ding ahiuve.

Thuphon 20:5 Hiche kum sang khat chu alhin __________ chu mithi ho amoh chengse chu hingdoh lou ahiuve. Hichu thokit masa ahi.

NOTE: Chonsete chu kum 1000 kichaiya thokit ninaa chu thou doh ding ahiuve.

4. Kum sangkhat sunga chu leiset hi itobanga um ding ham?

Isaiah 24:1 Vetan, Pakaiyin leiset hi ahin __________ ngim hela akeova ahinjam ding; Leiset mai aloichi toa asunga chengte athecheh ding ahi.

Jeremiah 4:23-26 Keiman leiset kaven ahileh, vetan akeo sa leh __________ ahitai; Chule vanlam jong kaven, ahivangin khovah aneipouve. Keiman molsang dung ho kaven ahileh, vetan akihot ling linguve; Chule thing lhang jouse jong akinung-tol akimatoluvin ahi. Keiman kaven ahileh, vetan mihem aumpoi; Chule chunga leng vachate jong ajam mangtauve. Keiman kaven ahileh, vetan, gam gapha tah jong chu neldi gam anahi; Chule akhopi jouse jong chu Pakai angsung, alunghanna masanga __________ jeng jengin Ana kijamsoh tan ahi.

Jeremiah 25:33 “Chuleh hiche nikhoa Pakaiyin mi __________ ho chu leiset mong lang khat’a pat’a among lang khat geiya kijam mat soh hel ding ahiuve. Amaho chu koiman jong aka louhel ding, loh jong, kiloh khomuva __________ louhel ding ahiuve; abon chauva’ amaho chu tollhanga eh banga kithe thang jeng ding ahiuve.

NOTE: Jesu ahungkit a chu lingpi kihot a gelchang lenpi pi vana kona jua leiset pumpi hi teldeh a sedeh jeng ahitai. Achunga chu khovah kiti jong umtalou thimpi jing ahitai. Hiche sunga chu mithi jouse chu eh banga kijam chap jenga, aloh khom ding leh avui ding jong umlou, chuleh alunghem a akapi ding jong mi ahing umtalou ahitai. Chonpha jouse chu vangama um uva, chonse ho jouse chu leiset a thi ahitauve. (Abelap a kisei “Kokhuh mongbei” kiti chu simin)

5. Kum sangkhat sunga mithengte chu hoiya um diu ham, chuleh ipi abol diuvem?

John 14:3 Chule nang ho ding mun sema kachea ahile, __________ __________ achu nang ho jong naum theina dinguvin keima hung kit ing ting kahenga dinga kahung pui ding nahiuve.

Thuphon 20:4 Chuin keiman laltouna phabep khat kamun, achunga touho chu __________ vaihom apedoh-un ahi; chule Jesu thu hettohsah jal le Pathen thu jal’a alu kitan ho, chule sahem chule alim chibai boh lou, achal le akhut uva melchihna kilah a kichin lou amaho chengse lhagao hing chu kamun ahi; amaho chu ahinga ahitauve, chule kum sang khat Christa toh vai apo khomui.

1 Corinth Mite 6:2, 3 Ahiloule __________ vannoi thu atan dingu hi nahet lou mongu ham? Chule vannoi thu nangho tan ding ahile, thu neopan tan ding chu atan dinga kilom lou nahiuvem? Tulai hinkho thu seilouva, eiho hin vantilteho thu san jong itan dingu ahi, hi helou nahiuvem?

NOTE: Kum 1000 sunga hi mithengte chu vangam a um ding ahitai, thutanna chu amaho khut a kipedoh ahitauve. Koichu sohcha ding ham, sohcha lou ding ham ti thutan ding ahipouve, ajeh chu hiche chu Pathenin in ana seitohsa ahitai. Pathen thutan chu adih e, athenge tia namdetna aneidiu joh ahibouve. “ajeh chu Pakai thutan dihje chu akiphongdoh tai.” Thuphon 15:4. Mangthai ho dinga Pathenin gotna tansa akoi jong chu adih dan namdetna anei diu, chukit jongleh chonphate dia kipaman jong chu adih e ati diu ahi (Thuphon 22:11, 12). Hiche thutanna kah hi mithengte dia phatchomna ahibouve. Vetsahnan, vangam nakai tai tiute, amavang na ngailut pastor pa chu vangama namu tapoi – ahinlah michonsetah khat vangam ahunglut kittai! Hitobang dinmuna chu hilchetna nangaichat ding ahitai. Chutengleh vantil in lekhabu hin phongdoh intin nalungboina jouse chu asulhappeh ding ahitai. Hiche thutanna kah hi akichaisoh tengleh, Pathen thutan dihje, ami Pngailutje dan, sihnei leh langnei pathen ahilou dan chu chitin namtinin aphondoh ding ahi, “Ajeh chu thutah leh chondihna chu nangma thutanna ahi.” Thuphon 19:2 (Abelap a kisei “Kum 1000 chart” kipe chu ven)

6. Kum 1000 kichaiya chu ipi thilsoh em?

Zechariah 14:1, 4, 5, 9 Ven, Pakai din nikho khat ahung lhunge, hiche phat chuleh nahenga kichomdoh thilkeo chu nalai lunga kihom ding ahi. Hiche nikho chuleh Pakaiyin akengphang te nia Jeru- salem khopi mai niso lama Olive molsang ahinchot ding ahin; chutah leh __________ __________ chu kehni hung kisoa alailunga phaicham khat hung lum ding niso le nilhum __________ akhen ding ahi; molsang akeh lang chun sahlam jonin tin, akeh lang khatman lhanglam ajot ding ahi. Chule keima molsang dunga phaicham jong kitoutana, hiche molsang ho phaicham hin apangpeh bou aphah ding ahi; chule nang ho jong Judah lengpa Uzzi’ah nikho laiya najam bang banguva hiche ling kihot masanga hi najam diu ahi. Chutah le Pakai na-Pathen hungin tin, amithengte jouse jong amatoh hung kilhon ding ahi. Chutengleh leiset pumpi chunga Pakai hung leng chang ding ahi; hiche nikhoa hi Pakai jong khatseh hiya, amin jong khatseh hiding ahi.

Thuphon 21:2 Chule a-inneipu henga dinga kijema kigosadem mounu banga khopi theng, Jerusalem thah chu. Pathen kom __________ a kona ahung __________ kamun ahi.

NOTE: Kum 1000 kichaiya chu, Jerusalem thah khopi theng chu asunga mithengte jouse chutoh vana kona hung kumlha ding chuleh tua olivet molsang chunga hi hung chu ding ahi. Pakaiyin molsang chu alhopha a phaicham aso ding khopi theng deiumtah chu atun ding ahi.

7. Satan akihenna kona lhadohna dinga abana thilsoh ding chu ipi ham?

Thuphon 20:5, 7 Hiche kum sang khat chu alhin masangsea chu __________ ho amoh chengse chu hingdoh lou ahiuve. Hichu thokit masa ahi. Chule kum sang khat chu alhin teng le satan chu akihenna a __________

NOTE: Michonsete jouse thokit ninaa ahung thodoh sohkei phat in, amaho lhemlha ding leh puichavei kit dingin satan jong chu akihenna konin lhadoh ahikittai.

8. Migiloute akithodoh kit tengleh satan in ipi abol ding ham?

Thuphon 20:8, 9 Vannoi leiset ning lia cheng namtin vaipi, twikhanglena neldi jat, Gog le Magog chu doha __________ a galsat dinga kikhopsah dinga hungdoh ding ahi. Chu-in amaho chu lei vai khah tanin aleilimin akonun mitheng ho ngah phol le khopi deitah chu aum __________; hichun van a konin mei ahung lhan amaho chu akavamgamtan ahi.

NOTE: Satan in mihem hochu alhep a ama chu vana kona dihloutah a hung kinolha dan a aseipeh a hijeh a chu amaho chu khopkhoma khopi thengtah chu lahpeh ding ati ahitai. Migiloute jong khopi pama um ahi akihet phat uvin, hiche Jerusalem thah khopi chu sat dingin ahungkikhom tauve.

9. Hitobang phat khohset pet laitah a chu ipi hungsoh a, thil jouse asuhtang jeng hitam?

Thuphon 20:11, 12 Chuin __________ len chungnung aban a bang khat le achunga toupa chu kamun; ama __________ kon chun vannoi leiset le van ajam mangtan ahi; hite ni ding chun mun akimutapon ahi. Hiche laltouna maiya chun mithiho jouse alen aneo adin kamun; chujouvin lekhabu phabep khat aphongui; chuin hinna lekhabu atiuvin achom khat jong a phongun ahi; chunin chuche lekhabua kisun dung-jui chun mithiho chu ama ama thilbol dungjui cheh-in athu __________ ahi.

NOTE: Khopi theng chunga chu Pathen laltouna kang chu thakhat tah in ahung kilangtai, hichea chu thutanna nukhah pen chu um ding ahi. Pathen khopi theng douding kigo jouse tangchut in aumtauve. Lekhabu jouse aphongdoh un, mihem ama ama hinkho jouse chu achungthu akhol tauve. Migiloute leh michonpha te jouse dinga thil jouse kiphongdoh ding ahitai (Luke 12:2, 3)

10. Migiloute chungthu akitan jou le ipi soh ding ham?

Rome Mite 14:11 Pakaiyin, “Mi __________ kaanga __________ cheh ding ahi, Lei jousen Pathen avahchoiya aphondoh ding ahi, Tia kahinnaa kahahsel ahi.” tin akisune.

Philippi Mite 2:10, 11 Chule __________ __________ chu Pakai ahi, ti chu Pa Pathen loupina dinga lei jousen aphondohna dinga. Pathenin sangtah a achoisanga chule min jouse sanga min chungnungpen ama apeh ahitai.

Thuphon 19:1, 2 Hicheng jou chun van’ah mipi atama tam ogin lheh lheh nasatah kajan, “Hallelujah, huhhingna le loupina Chule thahat thuneina i-Pathenuva ahi; Ama thutan vaihom __________ jeh le __________ jeh ahi. Ajeh chu ajon thanhoiya Vannoi leiset suchavaiya noti lennu chu Aman athu atanin, Amanu khut’a kon Asohte phu chu alatan ahi,” atiuve.

NOTE: Migiloute jouse chun Pathen thutan dihjeh aphondoh sohkei diu chuleh Pathenin amaho sochatna dinga abolthei chan jouse abol nunga amahon chonsetna joh akilhen uva Pathen anungsun teiteiyu ahidan aphondoh diu ahitai. Vannoi mihem jousen Pathen kitahna aphondoh jou tengleh, chonsetna gal lentah chu suhchama umta ding chuleh chonsete jouse chu lungnachimsel a suhmang hiding ahitauve.

11. Aban leh ipity ding ham?

Thuphon 20:9 Chu-in amaho chu lei vai khah tanin aleilimin akonun mitheng ho ngah phol le khopi deitah chu aum kimveltauve; hichun van a konin __________ ahung lhan amaho chu __________ ahi.

Thuphon 20:15 Chule hinna lekha-bu sunga amin kiholdoh louse chu __________ dil’a chun aleh lut tauvin ahi.

NOTE: Pathena konin meikong ahung julha in khopi deiumtah kimvel jousea migiloute chunga chun achutai. Amaho jouse chu meiyin vutvai akiso geiyin akavam soh tauve (Malachi 4:3). Satan in jong hiche meichu ima alo joulou hel ahitai, hichu damun meidil kiti chu ahi. Ama leh asolchah vantil gilou jouse jong chu meiya govam ahiuvin meivam bou ahitauve (Thuphon 20:10; Ezekiel 28:18). Hiche meiya thikit ho ding chun thokitna aumtapoi, hichu thi nina ahitai (Thuphon 20:14)

12. Meikong chu akichai phat leh Pathenin amite dinga ipi abol ding hitam?

Isaiah 65:17 Ijeh-inem itile neive temin, Keiman vanthah le leiset thah khat __________; Chule thil masa chengse chu kigeldoh kit lou ding Lunggila jong hung chukit lou ding ahi.

2 Peter 3:13 Ahinla eihon vangama thutepdungjuiya vanthah ho le leithah kinema ingau ahi, hichea chu __________ chenga ahi.

NOTE: Babylon a kum 70 sal tanna akichaiyin, Israel chate gamtep gam jonin ahung kile uvin khopi akisahdoh kittauve. Millenium akichai tengleh, Jesu christa in vanthah leh leiset thah asem chu mithengten amu diu ahi, hichea chu chonset kiti chun amai amel ahungkilah talouhel ding ahitai (Nahum 1:9). Adam leh Eve in eden hon nopna achaanlhon chu mithengte henga loupina chamkimsel a kilepeh kit ding ahitai. Chamna, lungmonna, ngailutna leh kipanan Pathen mite chu atonsot a aumpi jing ding ahitai.

13. Pathen leh mithengte chu hoiya chengkhom tauvem?

Thuphon 21:3 Chuin keiman laltouna a kon chun o sangtah a thu kisei kajan, “Veuvin, Pathen chenna chu mihem lah ahung hitai, chule ama amahotoh __________ ding; amaho chu ama mite hi ding ahiuve: chule Pathen amatah mongin aumpi dingu chule a-Pathenu hi ding ahi;

Matthew 5:5 Mi lung nengte ho anun nom ahiuve; ijeh-inem itile amahon __________ alo dingu ahi.

NOTE: Pa Pathen leh Chapa Pathen leithah a chu mithengte toh chengkhom ding ahitai. I-inn heng i-innsah pa Pathen ahung hi ding chu gahgel temin!

NA KIGELHAHNA

Jesun aseiye, “keiman nangho ding munsema kache ahi,” John 14:2. Khopi thenga chu nanga dia mun gotsa akoi ahi. Hijeh a chu tunia hi Jesu in nang dia lenggam agotsa nalo theina dinga penthah naneiya tonsot hinna apeh chu nakisan nom em?

DONBUTNA: __________

ABELAP

Hiche simmun hin abelap a sim ding eipeuve.

Kokhuh mongbei
“Kokhuh momgbei” kiti hi Thuphonn 20:1 naa kisei ahin hiche hi hetkhelna lentah aum jinge. Amahi Greek pao “abusos” ti thuchang akona kiledoh ahin, hichu English thuchang “Abys” kipatna jung ahi. Hiche pao chang hi thulhun lui langa semitil a leiset um dan, “alim leh agongbei” kiseinaa akimange. “Semitil chun leiset chu alim leh agongbei ahin, twipi chunga thimpi anajinge” Semtilbu 1:2. Hiche “Abuso” thuchang hi Luke 8:31 naa jong akimang kit e hichea hi lhagao boh hon koima chunga umna aneilou, chuleh pansatna ding aneilou dan hilchetna in akimange.

Kum 1000 sunga hi, satan chu chain a kihentang ahitai “Lheplhah ding koimacha aneilou ahitai.” Thuphon 20:3. Ahinlah chain khao tah tah hoa chu satan chu kihentang joulou ahi. Akiseilona chu lheplhah ding mikhem koimacha aumtalou jeh a chu satan chu bolding helouva um tina ahi! Ajeh chu Jesu Christa ahung pet a chu avah chun chonsete jouse athasoh gama, chonphate chu vangama dinga apuitou ahitai, chijeh a chu satan leh avantil gilou hochu hiche leiset thimpi jinglah a chu bolding helouva kihen ahitauve. Kum 1000 sung leiset adung avaiya vahleuva agitlou gao jeh a thilsoh chu avet lele diu ahi. Amaho chu thihkhao ipikhaova kihen ding ahipoi. Hitobanga adinmun leh aumdan pau joh chu akihenna ahitai. “Abonchauva kokhuh sung khat’a soh chang kikhom khom diu, songkul sunga kot kikha khumuva nikho tamtah nunga talen kimatsah ding ahiuve.” Isaiah 24:22
Panorama of Prophecy, Lesson 14 ©2022 Amazing Facts International All Rights Reserved