Abraham suangtuahna leh beseina zawng zawng chu fapa Isakaah khan a innghat vek a ni. Sari a upa tawh bawk si a, Pathianin engvangin nge a fapa hlan tura a tih kha a hrethiam lo em em a, mahse van Pathian thu awih leh rin mai chu harsa leh buaithlak tak pawh ni mahse alo zir tawh a.

Tichuan Abraham chuan a fapa Isaka mu lai chu a kai tho a, a chhiahhlawh te nen Moriah tlang lam panin an kal chhuak ta. Inthawina tûr tlang an thlen hma chuan Abrahama chuan a chhiahhlawh chu an lo kîr leh ngak turin a hnutchhiah a. Inthawina tur thing chu Isaka a put tir a, an Pahnih chuan tlangah an lawm chho ta a.
Thil engemaw kim lo awm ni ngei a hria in, Isaka chuan, “Ka pa, mei chhem turin thing leh hman raw dang kan nei vek a, khawiah nge kan beram hlan tur chu a awm,” tiin a zawt a, Abrahama chuan, “Ka fapa, Pathianin Ama tana beram hlan tur chu a intumchawp mai ang,” tiin a chhang a.
A tlang chip an thlen chuan Abrahama chuan mittui nen an kal chhan te a hrilhfiah a. A duhthlanna ngeiin Isaka chu Pathian tan a inhlan ta, tichuan Abraham chuan a fapa chu maichamah chuan a hlang a, chem chu a han lek kâng a, mahse, vantirhkohvin a rawn khap thuaia, hnim buk karah beram chu a fapa aiah hlan turina rawn kawh hmuh ta zawk a ni.
He thawnthu hi Pa in a fapa a hmangaih em em, inpumpek tura a kal tir dawna duhthlanna hautak tak siam a ngaih hialna tur thu awm chhun a ni bik lova.

ZIRLAI

Bible châng chhiar hnu ah a karâwl te hi dahkhat rawh

1. Isaka aia ransa an hlan khan eng nge a entir?

Johana 1:29 Tin, a tûkah chuan Johanan __________a hnênah lo kal dâwnin a hmu a. Tin, a sawi a, “En teh u, Pathian __________, khawvêl sual kalpuitu tûr saw!

2. Eng nge Isua thih kher hi a ṭulna?

Rom 3:23 mi zawng __________thil an tisual tawh vek a, Pathian ropuina an chang zo ta lo a ni;

Rom 6:23 Sual man chu __________a ni si a; Pathian thilthlâwnpêk erawh chu, kan Lalpa Krista Isua zârah chuan chatuana nunna a ni.

Hebrai 9:22 Tin, Dân thu zawngin engkim thaw mai hi thisena tihthianghlimin a awm ṭhîn a, __________chhuah lohvin ngaihdamna rêng a awm lo.

1 korinth 15:3 A hmasa berin ka hmuh ve bawk chu ka hrilh chhâwn che u kha; khatia, Krista chu Pathian Lehkha thu ang zêla __________ __________ avânga a thiha,

1 Petera 3:18 Pathian hnêna min hruai theih nân, Krista chuan sualte avângin vawi khat a tuar bawk si a, mi __________ chuan mi fel __________ aiin a tuar a, tisaah chuan tihthihin a awm a, thlarauvah erawh chuan tihnunin a awm ta a;

Note: Bible hian chiang takin engtin nge khawvelah sual alo luh tih leh engtin nge sual chu chinfel a nih dawn tih a sawi vek a. Pahian hian sual leh a hnu hma hi a palzam mai mai thei lo. Sual man chu thihna a ni si. Chu aia pawi zawk chu Evi leh Adamate sual avangin khawvel mihring zawng zawng pawh misual an lo ni ta. Pathian dan bawhchhiat avangin boral vek tur an lo ni ta a. Pathian chu a thil siam te tel lo chuan a awm thei si lo, tichuan a hmangaihna ropui tak avangin a fapa neihchun chu nang leh kei atan min rawn peta a ni. Kan sual leh kan aia hremna tur chu a tuar ta a, keini chu zalen kan lo ni ta.

3. Chhandamna ruahman ropui tak hi eng nge a hming an vuah?

Thupuan 14:6 Tin, leia awmte hnênah leh hnam tinrêng te, chi tinrêng te, ṭawng tinrêng te, mi tinrêng te hnêna tlângaupui tûra, chatuana Chanchin __________ nei vântirhkoh dang vanlaizâwla thlâwk ka hmu a;

Note: Pathianin chhandamna a ruahmanna hi “Chanchin ṭha” tih ani, chumi awmzia chu “chanchin ṭha” tihna a ni. Mihring zinga chanchin mak leh ropui ber a ni reng a ni. Isuan kan thih ai min thih saka kan sual chu thai bo alo ni ta.

4. Engvangn nge Inhlan mak tak mai hi kan tan Pathianin a siam?

Johana 3:16 Pathianin khawvêl a __________ êm êm a; chutichuan, a Fapa mal neih chhun a pe a, amah chu tu pawh a ring apiang an boral
lohva, chatuana nunna an neih zâwk __________.

Note: Khawvela inzawmna thûk ber chu nu leh fa inkar hi a ni a, Pa Pathianin a fapa kan aiawha thi tura A tih hian mihringin a hmangaihzia kan hriat thiam theihna turin a ni.

5. Isuan ka tan a inhlanna na hi engtin nge ka tan malsawmna a lo nih?

Tirhkohte 16:31 Tin, anni chuan, “Lalpa Isua __________ la; tichuan, chhandamin i awm ang, nang leh i chhûngte nên,” an ti a.

Johana 1:12 Nimahsela, amah lâwm apiang chu, an hnênah __________ __________ nih theihna tûr a pe, a hming ringtute chu;

Note: Isua in pekna hi thil thlawn pek a ni (Rom 6:23). Keini lo tih tur chu lo rin a, rinna thilpek lo dawn mai hi a ni.

6. Engtin, tichuan ngaihdam leh sifai ka ni tihna em ni?

Tirkohte 3:19 Chuvângin, in sualte thai bo a nih theih nân __________ ula, hawi kîr leh rawh u; chutichuan, Lalpa hnên ata harh hunte a lo la thleng thei ang a,

1 Johana 1:9 Kan sualte __________ kan chawi chuan, kan sualte ngaidam tûr leh kan fel lohna zawng zawng __________ fai tûrin, amah chu a rinawmin a fel a ni.

Note: Sual puanna ni simna nen kal kawp tur a ni a, sual puanna dik tak chuan lungngaihna a keng tel a, sual simna nen (Thufingte 28:13).

7. He inthlakdanglamna mak danglam tak hi eng nge an tih?

Johana 3:7 I __________ __________ ka tih che hi mak ti suh.

Note: He thil thleng ropui tak mai hi “Piantharna” kan tih kha a ni a, a chhan chu nunhlui sual kan nei tawh lo a, chu aiah naute pianghlim angin nun thar kan, sual kai lo, thar diai kan nei ta a ni.

8. Krista zuitu piangtharte thinlungah tunge cheng ṭhin?

Johana 14:17 chu chu __________ dik tak a ni; khawvêlin chumi chu an nei thei lo, amah an hmuh lohva an hriat hek loh avângin; nangnin ani chu in hria e, in hnênah a awm reng si a, nangmahniah chuan a awm dâwn a ni.

Note: Isua chuan thlarau thianghlimin a mite a chenchilh ṭhin.

9. Thlarau Thianghlim hmanga kan thinlunga alo chen chuan engtin nge ka lo dawn sawn ang?

Philippi 2:13 ama lâwm zâwng atâna __________ tum tûr leh bei tûra nangmahnia thawktu chu Pathian a ni si a.

Note: A duhzawng te tih ka duh ang a, chutiang hlen chhuak thei tur chuan chakna min pe dawn a ni?

10. Engtin nge ka piantharna nun hi ka chhunzawm zel thei anga, ka rin theih ang?

Philippi 1:6 Nangmahnia thil ṭha ti __________ khân Isua Krista ni thlengin a tifamkim zêl dawn, chu ngei chu ka ring tlat si a.

Note: Isuan a chakna hmangin min hnehsak thei a, chhandamna hi keimah nilovin ama theihnaah a innghat zawk a ni.

11. Engvangin nge kristian nun hi miten an tluksan leh ṭhin?

Isaia 53:6 Kan za hian berâm angin kan vâk bo va; __________ __________ kawngah kan pêng ṭheuh va; Lalpa chuan ani chungah chuan kan zaa khawlohna chu a nghat ta a.

2 Petera 3:2 Zâwlnei thianghlimte thu sawi lâwk leh, in tirhkohte kâa __________ leh Chhandamtu thupêk chu in hriat rengna tûrin;

Note: Kristian nun aṭanga mi tamtak an hlawhchhamna chhan chu Isua hi chhandamtuah chuan an pawm ngei a, mahse an nun ah “Lalber” an nih tir lo thin a ni. Mi tamtak hi chuan kan duh dan a nun hman leh hun hman hi kan thlang ṭhin a ni. Isua kan lala kan pawm hian, kan nun hmandan tur te a hnenah kan kawl tir thin tur a ni. Kan ruahman leh tum te dah ṭha in Isua duh dan a, a hruaina anga awm tur kan ni tawh a ni. (Chhandamna bo thei leh bo theilo chungchang kha en tel bawk la)

12. Engtin nge Patianin a fa ah min pawm tawh a ni tih ka hriat theih ang?

Tita 1:1-2 Paula, Pathian bâwih, chatuana nunna beiseia Pathian thlante rinna kawngah leh, Pathian ngaihsak lam thutak hriatna kawnga Isua Krista tirhkoh bawk chuan Chu chatuana nunna chu Pathian, dâwt sawi thei lova chuan khawvêl awm hmain a __________ a;

Matthaia 7:7 Dîl rawh u, tichuan, an pe __________ che u; zawng rawh u, tichuan, in hmu ang; kik rawh u, tichuan, an hawnsak ang che u;

Note: Amah kan dilin Isua chuan min lo pawm a ni tih kan hria a ni, dawt a sawi thei si lo va. Min lo pawm chu a tiam a, tichuan, ka rilru danglam vang ni lovin min tiam vang zâwkin min lo pawm reng bawk a ni.

13. Engtin nge Piantharna diktakin nun a thlak danglam ang?

A. Johana 13:35 In __________ chuan mi zawng zawngin ka zirtîrte in ni tih chumiah chuan an hria ang,” a ti a.

B. 2 Korinth 5:17 Chumi avâng chuan tu pawh Kristaa a awm chuan __________ thar a lo ni a; thil hluite chu a ral ta a; ngai teh u, a lo thar ta.

C. 1 Johana 3:22 tichuan, a thupêkte kan zawma, a mit hmuha thil lâwmawm kan __________ ṭhin avângin, kan dîl apiang a hnên ata kan hmu zêl ṭhîn a ni.

D. Rom 12:2 He __________ dân ang hian awm suh ula; Pathian duh zâwng, a ṭha leh, __________ tlâk leh, ṭhat famkim chu in hriat fiah theih nân, in rilru a thara awmin lo __________ zâwk tawh rawh u.

E. Tirhkohte 1:8 Nimahsela, Thlarau Thianghlim chu in chunga a lo thlen hunah thiltihtheihna in la nei ang; tichuan, Jerusalem khuaah te, Judai
leh Samari ram khaw tinah te, kâwlkil thleng pawhin ka __________ in ni ang,” a ti a.

F. Ephesi 6:18 ṭawngṭaina leh dîlna tinrêngin eng hun pawha Thlarauva __________, chumi kawngah chuan mi thianghlim zawng zawng tân ṭhahnemngai tak leh dîl tlatin ngaihven rawh u;

14. Eng thutiam ropui tak nge kristiante tan awm?

A. Philippi 4:13 Mi tichaktuah chuan __________ ka ti __________ a ni.

B. Philippi 4:19 Tin, ka Pathian chuan Krista Isuaa a ropuina ngahzia ang zêlin, in __________ tinrêng pawh a phuhrûksak ang che u.

C. Marka 10:27 Isuan anni chu a en a, “Chu chu mihring tân tih rual a ni lo va, Pathian tân erawh chuan tih rual loh a ni lo; Pathian nên chuan engkim tih __________ a ni si a,” a ti a.

D. Johana 15:11 Ka lâwm nangmahnia a awm reng nân leh, in __________ a kim nân hêng thu hi in hnênah ka sawi hi.

E. Johana 10:10 Rûk hmang chu ru tûr leh tihlum tûr leh tichhe tûr lo chuan a lo kal lo; kei zawng __________ an neih nân, tam taka an neih nân lo kal ka ni.

F. Hebrai 13:5 In rilru putzia chu tangka ngainatna tel lo ni rawh se; in thil neih chhun chungahte chuan lungawi rawh u; amah ngeiin, “Eng tikah mah ka __________ tawp __________ vang chia, kal pawh ka kalsan tawp lo vang che,” a ti si a.

G. Hebrai 13:6 Chutichuan, huai takin, “Lalpa chu mi ṭanpuitu a ni, Ka __________ __________ vang; Mihringin eng nge mi tih theih ang?” kan ti ṭhîn a ni.

H. Johana 14:27 __________ ka hnutchhiah a che u; keima thlamuanna ka pe a che u; khawvêlin a pêk angin ka pêk loh che u hi. In thinlung mangang suh se, hlauh pawh hlau suh se.

Note: Pathianin a mite thutiam ropui tak tak pariat a pe a :
• Isua chakna in engkim kan hlenchhuak thei
• Kan mamawh tinreng min pek a tiam
• Kan tan tih theih loh a awm dawn lo
• Kan hlimnain a vawrtawp a thleng ang.
•Nun tam pek min tiam
•Pathianin min thlahthlamin min kalsan dawn lo
• Mihringin a tih theih kan hlau tawh lo ang
•Thlamuanna ropuitak min pe dawn
Pathian chu fakin awm rawh se! Heng aia ṭha leh ropui hi a awm thei dawn em ni?

I CHHANNA

Pathianin chhandamna i tan a ruahman hi pawm turin duhthlanna i siam thei dawn em?

CHHANNA: __________

ZIR BELHNA

Hemi hmuna thu awmte hian i zir zau naah a pui ang che.

Chhandamna bo thei leh bo thei lo?

He zawhna chhanna hi Pathian thu aṭang chauhin kan chhang thei ang? Bible aṭanga chhanna kan hmuh dan chuan, “kan beisei thurin hi a nghin lohna turin i pawm tlat ang u, thutiamtu thu a rinawm si a; tin, hmangaih leh thil tha tiha inchawk tho turin inngaihtuah tawn ang u; Thutak hriatna famkim chu kan chan hnua thil kan tihsual luih si chuan sualte tana inthawina a awm tawh hauh lo vang a, (Hebrai 10:23-24, 26).

Bible hian Kristian kan lo nih hian kan mawhphurhna a tawp ta vek angin a sawi ngai lova. Lalpa leh Chhandamtu Isua Krista an hriat avangin khawvel bawlhhlawhnate an tlan chhuahsan hnuin, chu mi vekah chuan an tan leh a, ngamin an awm leh si chuan an awmze hnuhnung chu atir ai chuan a lo chhe ta zawk a ni ang. Kawng dik chu hriat hnua thupek thianghlim an hnena kawltir chu hawisan ai chuan kawng dik chu hre lo sela an tan a ṭha zawk tur a ni si a. “Ui ama luak lamah a kir leh a, vawkpui inbualfai tawh pawh chirhdiakah inbual turin a kir leh a,” tih thufing tawi chu an chungah a lo awm ta a ni (2 Petera 2:20-22).

Kristian nun hi mipakhat duhthlanna ringawt a ni lova, Isua pawhin “Keimahah awm reng rawh u, kei pawh nangmahniah ka awm reng ang. Peng chu grep hruia a awm reng loh chuan amahin a rah thei lo ang bawkin, nangni pawh keimahah in awm reng loh chuan in rah thei lo vang (Johana 15:4). Tirhkoh Paula pawhin “Nitin ka thi ṭhin:a tih kha (1 Korinth 15:31). Hemi awmzia chu nitin Isua duhdana awm zel a thlang tihna ani zawk. Lal Isua ngei pawhin, mi zawng zawng hnenah, “Tupawhin mi zui a duh chuan mahnihrehawm pawisa lovin, nitin a kraws puin mi zui rawh se” (Luka 9:23).

Bible hian ‘thudik hnungchhawnin chhandamna kan chang thei tho’ tih ang zawngin a sawi ngai lo. Ezekiela 18:24 ah chuan: Amaherawh chu mi fel chuan a felna kawng hawisana, khawlohnate a tiha misualte tih ang zela thil tenawmte a tihin a nung dawn êm ni? A thil fel tih engmah kha hriatreng a ni tawh lo vang a, a bawhchhiatna a bawhchhiatah khan leh a sualna a tihnaah khan, chumi ngeiah chuan a thi ang. Paula pawhin ti hian a lo sawi a, “Chuvangin, dinga inring chu fimkhur rawh se, chutilochuan a tlu dah ang e (1 Korinth10:12).

Mi ṭhenkht chuan ringtu nun hi paltlang miah lovin a sawia sawia theih a nih mai an ring ṭhin. Tin, Isuan an hnenah, “Tih tak meuhvin ka hrilh a che u, rinna in neih a, in rinhlelh loh chuan, theipui chunga tih ang chang hi in ti lo vang a, he tlang hnenah pawh hian, ‘Lo insawn la, tuifinriatah lo inpaih rawh,’ in tih ang chuan a lo awm ang. Tin, engkim ring chunga tawngtaia in dil apiang chu in hmu ang,” a ti a, a chhang a. Tin, Pathian biak ina a luh hnu a, a zirtir lai chuan puithiam lalte leh vantlang upate chu a hnenah an lo kal a, a hnenah, “Tu thuin nge heng thil hi i tih? Tuin nge thu pe che?” an ti a (Matthaia 7:21-23).

Tirhkoh Paula pawhin,” Intlansiakhote chu an zain an tlan a, nimahsela pakhat chauhvin lawmman a hmu thin tih in hre lo vem ni? In hmuh theih nan chutiang takin tlan rawh u. Tin, intihsiaknaahte chuan a bei talh talh apiang chu engkimah an insum thin a ni. Anni zawngin lallukhum chhe thei hmu turin an bei a, keini erawh chuan lallukhum chhe thei lo hmu turin. Chuvang chuan ka taksa ka tichhel a, ka thuhnuaiah ka dah tawh a ni, chutilochuan mi dangte hnena ka tlangaupui hnu pawhin eng emaw tiin keimah ngei hi paihthlakin ka awm dah ang e (1 Korinth 9:24-25, 27).

Vawikhat chhandam kan nih tawh chuan kan chhandamna a bo thei tawh lo tih rinna kan pawm a nih chuan Pathianin kan duhthlanna min lak bosak ṭhin tih rinna nen thuhmun a ni. Chutih rualin Pathian chuan kan nun min thlak danglam sak tawh chu atawp thlenga tihhlawhtlin a tum a ni.
Nangmahnia thil ṭha ti ṭantu khan Isua Krista ni thlengin a tifamkim zel dawn, chu ngei chu ka ring tlat si a (Philippi 1:6).

Isua hi kan zui tlat chuan min thlahthlam dawn lova min hruai zel dawn a ni. Nimahsela, a tawp thlenga tuar peih apiang chu, chu mi ngei chu chhandamin a awm ang (Matthaia 24:13).

Panorama of Prophecy, Lesson 4 ©2022 Amazing Facts International All Rights Reserved