Thlalera a paltlang hnu chuan, Pathian chuan a mi tam takte chu khawthlang lam – Ram Tiam kawng lehlamah – a hruai a, mak a ti hle a ni. An rochan chang tura an inbuatsaih hma chuan amah ring tura inruahman leh zirtir an nih a ngai tih Lalpa chuan a hria a. Sinai tlanga an zin lai chuan
Pathianin an mamawh zawng zawng a pe vek a. An rilṭâm chuan Pathianin vân atanga chhangin a chawm a. An tuihalin Lalpa chuan lungpui atangin tui a luan chhuaktir bawk a. Hmêlma ten an hnung lam aṭanga an rawn beih thut pawhin mak tak maiin hnehna an chang ta zel a ni.

A tâwpah chuan Israel fate chuan tlâng thianghlim bul lamah an riak a. Chutah chuan Pathianin a hma leh a hnu lama a tih ngai loh thil a ti a. Ani chuan – hnam pum pui hriatah – A thuthlung, Thu Sawmte chu a sawi a. Lalpa’n a dan chu hriat theiha a sawi hnu chuan, lunga ziak, Pathian kutzung tang ngeia ziak chu dawng turin Mosia chu Sinai tlangah a ko chho ta a ni. Mahse, Pathianin thil dang a pe bawk. Ni 40 leh zan 40 chhung Lalpa nena tlanga an awm laiin, Mosia chuan Pathian biak in mawi tak, phurh (khaisawn)theih tur biak buk sak dan tur thupek chipchiar tak a dawng a. Vanrama A awmna tak tak entawn tur tlemte chauh a ni ang. He biak buk siam dan danglam tak hi sual laka min chhandam tura Pathian
ruahmanna, khawvel pum pui tan thil chi thum nei zirlai angin a thawk tur a ni.

ZIRLAI

Bible thu i chhiar zawh hnuah a kar awlte hi dah khat rawh.

1. Engati nge Pathianin Mosia kha biak buk sa turin a tih, eng vang nge ni ang?

Exodus 25:8 Tin, hmun __________ mi siamsak rawh se, an zînga ka __________ ve theih nân.

2. Pathianin a mite chu hmun thianghlim leh a rawngbâwlna atangin eng nge zir chhuak turin a beisei?

Sam 77:13 Aw Pathian, i __________ chu hmun thianghlimah a awm a; Kan Pathian ang hi pathian ropui tu nge awm?

Note: Pathian chhandamna kawng, leh ruahmanna chu lei hmun thianghlimah lantir a ni a. Hmun thianghlim chhunga thil awm zawng zawng, leh a rawngbawlna nena inzawmte chu Isuan min chhandamna kawnga thil a tih tur entirna vek a ni a. Hmun thianghlim leh a rawngbawlnate kan hriatthiam hma loh chuan chhandamna ruahmanna hi kan hre thiam kim thei lo vang. Chhandamna kalphung sawifiahna, 3-D thil hmuh theih lian tak a ni.

3. Mosia chuan hmun thianghlim siamna tur ruangam (blueprints) chu khawiah nge a hmuh?

Exodus 25:40 Tichuan, __________ a __________ ka entîr ang chiah che khân engkim i siam tûr a ni tih hre reng rawh khai.

Note: Hmun thianghlim ruangam, a sak dan tur engkim chiang taka tarlanna te chu Sinai tlangah Pathianin Mosia hnenah a pe a ni (Hebrai 8:5). Hei hi vana Pathian hmun thianghlim dik tak in (microcosm) a ni tur a ni. Hmun thianghlim hmasa ber emaw biak bûk puan in ang maia in sak mawi tak chu (feet 15 by feet 45, inch 18-a sei, tawng 18-a sei) a ni. Chutah chuan Pathian awmna (supernatural presence) chu a awm a, rawngbawlna bik neih a ni bawk. A kulh bangte chu tangkarua zungbun-a dah, rangkachak khuh, Acacia thinga ding nghet taka siam a ni (Exodus 26:15-19, 29). A chung chu khuhna thuah li-a siam a ni a – puan zai te, kêl sam te, berâmno vun sen hring, leh badger vun (chang 1, 7, 14). Pindan pahnih a nei a:hmun thianghlim (feet 15 by feet 30), leh hmun thianghlim ber (feet 15 by feet 15). He zirlai i enfiah lai hian a chunga a lem (diagram) hi en fo ang che.

4. Biak buk chhungah khan, eng hmanrua te nge awm?

A. Exodus 29:18 Tin, berâmpa chu a pumin __________ chuan i hâl tûr a ni. Chu chu Lalpa tâna __________ thilhlan a ni a; Lalpa tâna meia
hlan rimtui chu a ni e.

B. Exodus 30:17-18 Tin, Lalpan Mosia hnênah, “Insilna tûr dâr __________, a hûnchhan dâr nên i siam bawk tûr a ni. Chu chu inbiakna puan in leh maichâm inkârah i hûng tûr a ni a, chutah chuan tui i dah tûr a ni.

Note: Hâlral thilhlan maichâm (Exodus 27:1-8) chu ran inthawina hmun a ni. Hmun thianghlim luhna pawn lama huang chhungah a awm a. He maichâm hian Krista kraws a entîr a ni. Inthawina rannung chuan Isua, inthawina hnuhnung ber a entîr a ni (Johana 1:29). Maihun (Exodus 30:17-21; 38:8) chu hmun thianghlim luhna leh hâlral thilhlan maichâm inkâra awm, dâr silna bawm lian tak a ni. Chutah chuan puithiamte chuan hmun thianghlima an luh hma emaw, inthawina an hlan hma emaw chuan an kut leh ke an sil thin a. Tui chuan baptisma te, sual laka inthiarfihlimna te,
piantharna te a entîr a.

5. Hmun Thianghlima thil pathum hmanruate kha engte nge ni?

A. Numbers 4:7 Tin, __________ chhang __________ chungah puan dumpâwl an phah ang a, chutah chuan thlêngte, fiante, berhbute leh note
a bun chhuahna tûr an dah tûr a ni; tin, chatlak lova chhang dah chu chutah chuan a awm tûr a ni.

B. Numbers 8:2 “Arona bia la, a hnênah, ‘Khâwnvârte i hâlin khâwnvâr pasarih chuan sathau __________ dahna hma lam a ên tûr a ni,’ ti
rawh,” tiin.

C. Exodus 30:1 Tin, __________ hâlna tûr __________ i siam tûr a ni; thingri thingin i siam tûr a ni.

Note: entîrna chhang dawhkan (Exodus 25:23-30) chuan Isua, chhang nung chu a entîr a (Johana 6:51). Zar pasarih nei khâwnvâr (Exodus 25:31-40) chuan Isua, khawvêl êng a entîr a (Johana 9:5; 1:9). Hriak khawnvarte chuan Thlarau Thianghlim a entir a ni (Zakaria 4:1-6; Thupuan 4:5). Rimtui halna maichâm (Exodus 30:1-8) chuan Pathian mite ṭawngṭaina a entîr a (Hebrai 5:7).

6. Hmun thianghlim berah eng thuziak bik nge awm?

Exodus 26:34 Tin, zahngaihna ṭhutphah chu hmun thianghlim berah thuthlunna __________ chungah chuan i dah tûr a ni.

Note: Hmun thianghlim bera thil awm chhun (Exodus 25:10-22) thuhriattîrna bâwm, rangkachak thinga siam bâwm a ni. Chu bâwm chungah chuan rangkachak nghata siam vântirhkoh pahnih an awm a. Bâwm khuhna chu khawngaihna ṭhutphah an ti a (Exodus 25:17-22), chutah chuan Pathian awmna a awm a ni. He hmun hian vâna Pathian lalṭhutthleng a entîr a, chu pawh chu vântirhkoh pahnih inkârah a awm a ni (Sam 80:1; Isaia 6:1-2).

7. Chu bawm chhungah chuan eng nge awm?

Exodus 25:21 Tin, bâwm chungah zahngaihna ṭhutphah chu i dah tûr a ni a; tin, bâwm chhûngah chuan __________ ka la pêk tûr che chu i dah tûr a ni.

Deuteronomy 10:4-5 Tin, lungphêkahte chuan a hmasaa ziak ang, in pun khâwm nîa tlânga mei aṭanga Lalpan in hnêna a sawi thu sâwm __________ __________ a ziak a, Lalpa chuan mi pe a. Tin, tlâng ata chu ka lêt thla a, lungphêk chu ka bâwm siamah chuan ka dah a; Lalpan thu mi pêk angin chutah chuan a awm ta reng a.

Note: Lungphek pahniha thuziakte chu Pathian kut zungtang ngeia ziak a ni a, chu lungphek pahnih chuan bawm chhungah chuan dah a ni. Bawm chungah chuan zahngaihna thutphah a awm bawk a. Chu chuan Pathian mite’n an sualte an puan a, an kalsan chhung chuan (Thufingte 28:13) puithiamin zahngaihna ṭhutphaha thisen a theh hmangin khawngaihna chu an chungah a thlen dawn tih a tilang a ni (Leviticus 16:15-16). Chu thisen chuan mi zawng zawng ngaihdamna leh tihthianghlimna thlen tûra Isua thisen chhuak chu a entîr a ni (Matthaia 26:28; Hebrai 9:22).

8. Thuthlung Hluia hmun Thianghlim rawngbawlnaah khan, eng vanga ran hlan ngai nge a nih?

Hebrai 9:22 Tin, Dân thu zawngin engkim thaw mai hi thisena tihthianghlimin a awm ṭhîn a, __________ chhuah lohvin ngaihdamna rêng a awm lo.

Mathaia 26:28 hei hi ka thisen, __________ __________ nâna mi tam tak tâna chhuak tûr, thuthlunna chu a ni.

Note: kraws-a Isua thisen luang chhuak lo chuan sual ngaihdamna a awm thei lo tih miten an hriatthiam theih nân ran inthawina chu a ṭûl a ni. Thudik mak tak mai chu sual hremna chu thihna a ni tih hi a ni. Kan zavaiin sual tawh kan nih avangin kan thi vek tur a ni - chuan kan thi ngei ang, Isuan kan sualte rulhna tur kan aiawha thihna hremna chu thihna a ni tih hi a ni. Isuan kan sualte rulhna tur kan aiawha thihna hmanga a nun famkim a hlan tih loh chu. Mi sual chuan ama inthawina ran a rawn keng a, a kut ngeiin a talh a (Leviticus 1:4-5). Chu thisen chhuak mak tak mai chuan, sualin Isua thihna a thlen tih thutak ropui tak hmangin mite a thawng hle a ni. Chutiang chuan chhandamna tur kraws chu nghakhlel takin an lo thlir a; keini erawh chuan chhandamna kraws chu kan thlir let ve thung zawk a ni. Chhandamna kawng dang a awm lo.

9. Engtikah nge rante chu sual tana hlan a nih a, sualte chungah chuan eng nge thleng?

Leviticus 1:4-5 Tin, hâlral thilhlan lû chungah chuan a __________ a nghat ang a; tichuan, a tân __________ siamna tûrin pawmsak a ni ang. Tin, Lalpa hmaah bâwngpa a talh ang a; tin, Arona fapa puithiamten thisen chu an hlân ang a, inbiakna puan in kawngka bula maichâm chu thisen chuan an theh vêl tûr a ni.

Note: Mi sualin ran chunga kut nghaha a sual a puan khan, mi sual sualna zawng zawng chu ran chungah tlaktir vek a ni a. Tichuan, chu ran chu thiam loh chantir niin, sual man thihna chu ran chungah chuan nghah vek a ni ta thin a ni. Chu chuan Krista kan sual avanga A thihna a lo entir.

10. Mi zawng zawng tana inthawina ran an hlan khan, chu an hlan sual chungah chuan eng nge thleng?

Leviticus 4:17 tin, puithiamin thisenah chuan a kut zungṭang a chiah ang a, __________ bulah Lalpa hmaah vawi sarih a __________ tûr a ni.

Note: Puithiam chuan hmun thianghlim chhûnga puanzar hmaah thisen ṭhenkhat chu a theh a, chu chuan entîr neiin sual chu mipui lak atangin hmun thianghlimah sawn a ni ta thin tihna a ni. Isua a thih hnua vana a lawn khan, Isua hminga kan sualte ngaihdam a nihzia lantir nan a thisen
(hmanlai puithiam lalber ang bawkin) a hlan a (1 Johana 1:9).

11. Isuan kan tân eng hmun thianghlim entîrna pahnih nge a tihpuitlin?

1 Korinth 5:7 Dawidim tel lo in ni ang bawkin, chhang hlâwm thar in lo nih theih nân dawidim hlui chu thian fai rawh u. Kan __________ Kûtna
tûr pawh an talh tawh si a, Krista ngei chu;

Hebrai 4:14 Tichuan, vânahte kal tlang tawh __________ __________ ropui tak, Isua, Pathian Fapa chu kan neih avângin kan thurin hi i pawm
tlat ang u.

Note: Isua chu kan sualna anga inthawina atân leh kan tan vânah Puithiam Lalber angin rawng a bâwl a, chu chu thilmak pahnih kan tân a tihhlawhtlin chu a ni. A hmasa ber chu piantharna an tih, hun kal tawha sual zawng zawng ngaihdam tawh, nun danglam famkim a ni (Johana 3:3-6; Rom 3:25). A pahnihna chu tûnah leh nakin hun dik taka nun theihna a ni (Tita 2:14; Philippi 2:13). Heng thil pahnih hian mi a tifel a, chu chuan Pathian leh mite inkarah inlaichinna dik tak a awm tihna a ni. Mihring thiltih (ama thawhrimna) avânga mi felna kawng a awm lo va, a chhan chu felna chu Isua chauhin a pêk theih khawngaihna atangin a lo chhuak a ni (Tirhkohte 4:12). Hei hi rinna avanga felna a ni a, chu chu felna dik tak awm chhun a ni.

12. Isua’n felna min pêk chungchângah Bible-in eng thutiam mak tak tak paruk nge min pêk?

A. Kan sual zawng zawngte kha min thupbo sak ang a, thiam loh chantir lohvah min ruat ang (Isaia 44:22; 1 Johana 1:9)

B. Pathian anna kawngah siam thar leh min tiam a ni. (Rom 8:29)

C. Isuan Pathian duhzawng tih duhna leh thiltihtheihna min pe a ni (Philippi 2:13).

D. Isua chuan Pathian tilâwm thei thilte chauh ti tûrin min ṭanpui ang (Hebrai 13:20-21; 1 Johana 3:22).

E. Sual nei lo nunna leh inremna, thihna chawimawina pein kan thi tura hremna chu a thai bo ta a ni (2 Korinth 5:21).

F. Isua chuan A lo kîr hma loh chuan rinawm taka min awmtîr tûra, min ṭanpui tûrin mawhphurhna a la a ni (Philippi 1:6; Juda 24).

Note: I nuna thutiam ropui tak takte tihlawhtling turin Lalpa Isua chu a inpeih reng asin. Nang i inpeih ve tawh em le? Tunah khan i nuna Lalber ni turin thingthiin han tawngtai nghal teh, Ani chuan a tibeidawng ngai lo ang che.

13. Mi tu emaw mi fel nihna a chan theih nân chanvo/tih tur a nei em?

Mathaia 7:21 ‘Lalpa, Lalpa’ mi ti nazawng chu vânramah an lût lo vang a; ka Pa vâna mi __________ zâwng __________ erawh chu an lût ang.

Note: Ni e, kan chanvo chu kan thinlung leh duhzawng Isua hnêna hlan a, rorêl phalsak hi a ni. Kan nun thununna famkim nen Amah kan rinchhan tur a ni. Mi tam tak chuan Isuan a hming puang mai maite chu an nungchang thliar lovin vanah a hruai vek dawn niin an ngai. Mahse he thihna rinna hi a dik lo (Matthaia 7:14).

14. Inremna niah khan, eng nge thleng?

Leviticus 16:30 hemi ni hian nangmahni __________ nân in tân inremna siam a ni dâwn a ni; tichuan, Lalpa hmaah in __________ zawng zawng
lak ata in thianghlim ang.

Note: Inremna ni chu Israel ramah kum tin vawi khat thleng thin rorêlna ni ropui tak a ni (Leviticus 23:27). Sual tinreng chu puan chhuah leh kalsan a ngai a ni. A duh lote chu chumi ni ngei chuan Israel riahhmun ata kumkhuain an boral ta a ni (chang 29). Chumi ni chuan kel pahnih an thlang a. Pakhat chu Lalpa kêl a ni a, pakhat chu inthawina kêl a ni a, chu chuan Setana a entîr a ni (Leviticus 16:7-8). Lalpa kel chu talhin mipuite sualna atan an hlan a ni (chang 9). A thisen chu hmun thianghlim berah kengin zahngaihna thutphah chungah leh a hmaah an theh a (chang 14). He rorêlna ni bîk takah chauh hian Puithiam Lalber chu hmun thianghlim berah a lût a. Thisen theh (Isua inthawina entîrtu) chu Pathianin a pawm a, mipuite sual puan tawhte chu hmun thianghlim atangin puithiam lalber hnênah nghah a lo ni ta a ni. Chumi hnuah chuan hêng sual puan tawhte chu inthawina kêl chungah nghah a ni leh a, chu chu thlalêrah hruaiin a kalsan ta a ni (châng 16, 20, 22). Chutiang chuan, hmun thianghlim chu entîr neiin mipui sualna atangin tihthianghlim a ni a, chu chu kum hmasa zawng zawnga thisen theh vek atangin chutah chuan nghah a ni tawh a ni.

15. Inremna nî hlui tawh chuan vân hmun thianghlim tihthianghlimna a entîr em?

Hebrai 9:23 Chutichuan, vâna thil awm __________ chu chûng chuan tihthianghlimin a awm tûr rêng a ni, vân thil tak takte erawh chu chûng aia
__________ ṭha zâwktein tihthianghlimin a awm tûr a ni.

Note: Aw le! Chumi nia rawngbâwlna chuan vân hmun thianghlima kan puithiam lalber Isua’n sual a thai bo thu a târ lang a. A mite tana inremna siam turin a awm a, a thisen chhuak rinna lantir tur zawng zawngte sual tihbo turin a ding reng a ni. Hmanlai inremna niah chuan, tûn lai Israel-te Yom Kippur ang bawkin, kan chenna khawvel (planet Earth) tâna inremna hnuhnung ber siam tûr chu a entîr lâwk a ni. Inremna hnuhnung ber chuan rorelna hnuhnung ber a thlen a, chu chuan mimal tinte nunah sual zawhna chu kumkhuain a chinfel sak ang.

I CHHÂNNA

I felna tura thilmak pawimawh a tih theih nan i nun chu Isua kutah hlan vek i inhuam em?

CHHANNA: ___________

Panorama of Prophecy, Lesson 10 ©2022 Amazing Facts International All Rights Reserved