Aganchakani:  Ia sing∙anina aganchakna on∙tisa sandianiko dakna nanga. Bang∙an Neng∙takani Salde, antini skanggipa, Robibar salsa ong∙a ine bebera∙a, indiba Sastroni agananio, Neng∙takani salde antini skanggipa salna skangan ong∙a. Sastroni gitade, Nengtakani Salara antini snigipa salan onga – uan Sonibar sal ong∙a.

“Uko rongtala ine rakkina neng∙takani salko gisik ra∙bo. Sal dok na∙a gambo, aro nang∙ni pilak kamko ka∙bo; indiba snigipa sal Jihova nang∙ni Isolna neng∙takani ong∙a; uno na∙a mamung kamkoba ka∙nabe, na∙a, aro nang∙ni depante, aro nang∙ni demechik, nang∙ni nokol me∙asa, aro nang∙ni nokol me∙chik, aro nang∙ni jillanirang, aro nang∙ni guareni do∙garangni ning∙o mande agital; maina sal doko Jihova salgi, aro a∙ako, sagalko, aro uarango donggipa pilakkon dakaha, aro snigipa salo ua neng∙takaha: uni gimin Jihova neng∙takani salko pattiaha, aro uko rongtalataha” (Reo. 20:8-11). “Aro Isolni jaksichi segimin rong∙pleng dotniko Jihova angna on∙aha” (Deut. 9:10).

Aganchakani: Ge∙eta Niam Mingchikkungni brigipa ge∙etanio, Isol an∙chingko snigipa sal Neng∙takaniko, An∙tangni rongtalgipa sal dake ine rakkichina aganaha. Manderang altuaen An∙tangni Neng∙takani Salko gualaigen ine Isol u∙ia, uni giminsa Ua ia ge∙etaniko “gisik ra∙bo” ingipa kattachi a∙bachengaha.

“Aro Paul uni dakbewal gita, uamangona napangaha, Sastrooniko mesoke aro agane, Nengtakani sal changgittamna kingking uamang baksa jegrikaha” (Wat. 17:2). “Unikoa Paulmang, nengtakani salo gilja noko nape asongaha” (Wat. 13:13,14). “Aro neng∙takan salo cholgugani a∙palchina chibimani rikamona, jeo biani biap donga ine chanchiachim, uchina re∙angaha; aro chinga asonge tom∙dakgipa me∙chikrangna aganaha” (Wat. 16:13). “Aro ua gilja noko, neng∙takani salantian jegrike Jihudi aro Greekrangna skiaha” (Wat. 18:4).

Aganchakani: Oe. Watatarangni kitapo rongtalbee agananiko daka je Paul aro skangni mondoli Neng∙takani Salko rakkiaha.

3. Krisotoni manggisiko to nongna re∙bagipa me∙chik Neng∙takani Salko rakkiaha. Jisu “Neng∙takani salna skang” (Mark 15:37,42) siaha, jekon “Good Friday” ine mingrongaha. Me∙chikrang smilgipa moslarangko aro torangko Uni be∙enonongna daksoaha, indake “Neng∙takan salo niam gita neng∙takaha” (Luk 23:56). “Neng∙takani sal badeangosa” (Mark 16:1) me∙chikrang “antini skanggipa salo” (Mark 16:2) uamangni duk ong∙gipa kamko ka∙angkuna re∙baaha. Uamang Jisuko “antini skang salo pringni” (pod 9) nikna manaha jekon “Easter Sunday” ine mingrongaha. Ka∙sapae u∙ie ra∙bo je Nen∙gtakani Salde “ge∙etani gitade” Easter Sundayna sakng ong∙a, jekon da∙o Sonibar sal minga.

4. Watatarangni kitapko segipa, Luk, olakkiani salko dingtangatani gimin mamungkoba aganja. Uano dingtangatani gimin Sastroo serikani dongja. Watatarangni kitapo, Luk agananiko daka je ua uni nama kattao Jisuni “pilak” skianirangni gimin seaha (Wat. 1:1-3). Indiba ua mamungdakeba Neng∙takani Salni dingtangani gimin sejaha.

“Maina angni dakgnigipa gital salgirang aro gital a∙gilsak maikai angni mikkango dongkamgen, uandake na∙simangni bitchri aro na∙simangni bimung dongkamgen, ine Jihova agana. Aro indake ong∙gen, ja gital changsaoni changsaona, aro neng∙takani sal saoni neng∙takani sal gipinona pilak be∙en angni mikkangona olakkina re∙bagen ine Jihova agana” (Isaia 66:22,23).

Aganchakani: Oe, pilak chasongrangni jokgimin manderang Neng∙takani Salko gital a∙gilsako manigen.

“Ba an∙ching badita Kristo Jisuna baptize ka∙a man∙aha, an∙ching uni siana baptize ka∙a man∙aha ine na∙simang u∙ijama? Uni gimin uni siana baptize ka∙achi an∙ching un baksa gopako man∙aha; jedake Kristo Pagipani rasongchi sigiminrangoni chakatpilako man∙aha, uandake an∙chingba maikai janggini gital ong∙ao re∙ruragen. Maina an∙ching  uni siako mesokan baksa nangrimahaode, an∙ching uni chakatpilanini baksaba ong∙gen. An∙ching maikai papni nokol ong∙jawaha, papni be∙enko gimaatna ine, an∙chingni mande gitcham un baksa chisolo datkapako man∙aha ine an∙ching u∙ia” (Rom. 6:3-6).

Aganchakani: Ong∙ja! Sastro mamung saloba chakatpilaniko dal∙nikna ba gipin a∙selni gimin Robibar salko rongtale rakkichina ku∙pattianiko dakja. An∙ching Uni ge∙etanirangko tongtong manianichi Kristoko mandera∙a (Johan 14:15) – Uni jringjrotni niamni palo mandeni songgimin niamrangko on∙sreanichi ong∙ja.

“Na∙simang angni na∙simangna ge∙etgimin katana on∙dapna ba uoniko komiatna nangja” (Deut. 4:2). “Pilak Isolni kata rongtalatgimin ong∙a…Na∙a Uni katarangna on∙dapnabe, maikai Ua nang∙ko manenge nang∙ko tol∙gipa ine u∙iatjawa” (Toe Ski. 30:5,6).

Aganchakani: Isol manderangko An∙tangni niamko ra∙galanichi ba on∙dapanichi dingtangatna beng∙aha. Isolni niamko onsreanian mingsa namen kenbatgnigipa ong∙aha jekon mande dakaha, maina Isolni niam chu∙sokgipa ong∙a aro namgijaoniko an∙chingko rakkina uko tariaha.

Aganchakani:  Isol Neng∙takani Salko rokomgni chin gita dake onaha: (1) Ian chin ong∙a maina Ua a∙gilsakko sal dokni salo dakaha, aro (2) Ian manderangko piokna aro rongtalatna man∙a ine Isolni bilni bilakanikomesokani chinba ong∙a. Ian Kristian mandena snigipa Neng∙takani Salko Isolni Ong∙atani aro piokani gamchatgipa chin ong∙a ine aganchakani ong∙a (Reo. 31:13,16,17; Ezekiel 20:12). Isolni Neng∙takani Salko ga∙belbelaniara namen mandera∙gija ong∙a. Isaia 58:13,14 o, Isol agana jerangan Uni rongtalgipa salo an∙tangtangni ja∙arangko re∙ekatja patianiko man∙gen.

“Niamko pe∙anpap ong∙a” (1Johan 3:4). “Papni dormaha sia” (Rom. 6:23). “Maina saoba niam gimikko manie mingsao ja∙gidote, pilakni gimin gro nanggipa ong∙aha” (Jakob 2:10). “Kristoba nasimangni gimin duk mane, nasimang uni jakolko jarikchina nasimangna dake mesokangaha” (1 Pitor 2:21). “Aro chu∙sokatako man∙enba, ua uko manigipa pilakna jringjrotni jokani ong∙atgipa ong∙baaha” (Ibri. 5:9).

Aganchakani: Ian tangani ba sianina chanchiani ong∙a. Neng∙takani Salko Isolni brigipa geetanio chelchake rakkiaha aro dedoaha. Geeta mingchikkungoni mingsako miksoge peode uan pap onga. Kristianrang Kristoni Neng∙takani Salko rakkiani gimin damesokaniko kusi ong∙e ja∙rikgen.

“Na∙simang Angna ka∙saode, indide Angni ge∙etanirangko manibo” (Johan 14:15). “Uni gimin namako dakna uie uko dakgijagipana uan pap ong∙a” (Jakob 4:17). “Boljanggiona aro cholgugarangchiko songjinmaona aro napna man∙na gita cholatangtangko su∙giparang kusi ong∙a.” (Para. 22:14). “Aro ua uamangna aganaha, Neng∙takani Sal mandena ong∙aha, indiba mande neng∙takani salna ong∙jachim” (Mark 2:27).

Aganchakani: Oe! Nengtakani Sal Isolni mandena indin on∙gipa ong∙a, jean nang∙na agilsakoni neng∙takna gita on∙aha! Ian ongrongbewal onga je manderang jerangan Una ka∙saa uamangde Uni Neng∙takani Salko rakkina nangnikgen. Beben, ka∙saani gri ong∙e ge∙etaniko rakkianide chong∙motgipa ka∙saani ong∙ja (1 Johan 2:4). Ian sakatini chanchie basee ra∙aniko dakna nangani ong∙a, aroan∙ching iako gelna man∙ja. Namgipa koborde Neng∙takani Salko mainina basee ra∙anichi na∙a bang∙bea pattianiko man∙gen!

Neng∙takani Salo, na∙a an∙tangko dosinigija jakgitele nengtakna mana – nangni salantio dakenggipa kamrang, jedake kam ka∙ani aro korosrangko ka∙ani, uni palo a∙gilsak salgisakko Ong∙atgipa baksa somoiko ra∙skabo. Isolko gipin bebera∙giparang baksa, nokdang baksa somoiko ra∙bo, ong∙atgiminrangni gisepo  re∙ramaniko dakbo, gisikni bidingo de∙doatgipa seanirangko poraibo aro sagiparangko gronge ka∙dongatani on∙anian namgipa cholrang ong∙a jechin Neng∙takani Salko rongtale rakkina man∙gen. Saldokni salrango neng∙goke kam ka∙ani ja∙mano, Isol nang∙na kamoni neng∙takna aro nang∙ni janggiko aldu mitangna Neng∙takani Salko indin on∙aha. Ua maia nang∙na nambatgenchim uko u∙igipa ong∙a ine na∙a ka∙dongchakna man∙a!

Nang∙ni Sing∙anirangna Aganchakaha

1. Neng∙takani Salara Jihudirangnasan ong∙aiama?

Aganchakani: Ong∙ja. Jisu aganaha, “Neng∙takani sal mandena ong∙aha” (Mark 2:27).  Ia Jihudirangnasan ong∙aijaha, indiba mandeni jatnaba ong∙aha – pilak me∙a aro me∙chikrangna pilakchinan. Neng∙takani Salko dakani ja∙mano, Jihudi jat 2500 bilsirangona kingkingde dongjaha.

2. Watatarangna 20:7-12 o sninggiparang Robibar salko rongtale rakkiaha ine saki on∙jama?

Aganchakani: Sastro gitade, salsara sal napaoni a∙bachenga aro pringgipin sal nao bon∙ea (Aba. 1:5,8,13, 19, 23, 31; Levirangna 23:32) aro salni andalgipa bak skang re∙bachenga. Uni gimin Neng∙takani salara Sukrobar sal napaoni a∙bachenga aro Sonibar sal napo bon∙ea.Watatarangna 20 o serikgipa tom∙bimonganio chanchigrikaniaraRobibar salni andalani bako ong∙ahachim, ba jekon an∙ching da∙o Sonibar wal ine agangenchim. Ian Sonibar sal walni tombimongani ongachim, aro uan waljatchiona kingking ongaha. Paul salgipino re∙chakatna mangsongaha aro uamangko niktaijawaha ine ua u∙iaha (pod 25). Ua beben ru∙utbeen skiaha! (antini salrango skirongani waljatchiona kingkingde ong∙rongja.) Paul, “unis al sao re∙chakatna” mangsongahachim (pod 7). Pitako pe∙aniara iano mamung dingtangmancha gamchatani dongja, maina uamang salantion pitako  pe∙rongaha (Wat. 2:46). Antini skanggipa sal rongtala ine ia seanio janapani dongja, ba skangni Kristianrang iako chanchie donaha ine sakkiba dongja. Ba Neng∙takani Salko dingtangataha ine aganani mamung saki dongja. (Eutykusni nokdecholo asonge ga∙ake siani aro uko tangchaatpilani giminsa haida ia tom∙ani gimin janapengnaba donga.) Ezekiel 46:1 o, Isol Robibar salko saldok “kam ka∙ani salrangoni” sal dakesa mesokaha.

3. 1 Koronthirangna 16:1,2 ara Sunday schoolo on∙anirangni gimin aganjama?

Aganchakani: Janapani dongja.  Uano manderangni olakkina tom∙bimonganina aganani dongja. Noktangtangko tangkako dingtangmancha dake donnasa nangachim. Paulara Jerusalemo donggipa kangalrangna dakchakaniko on∙na Asia Minor donggipa mondolirangna seachi uiataha (Rom. 15:26-28). Ia Kristianrang pilakan Neng∙takani Salko rongtale rakkiaha, uni gimin Paul, Neng∙takani Sal badeango, Robibar pringo, uamang duko ga∙akenggipa jongadarangnamaikoba dingtangmancha on∙gilaniko dakchina ge∙etaniko dakaha jedakode uni re∙bao gilarang ong∙jawa. Iako paltangtang dakaha – minggipin gita agangenchimode, noko dakchina aganaha. Uano Robibar salko rongtalgipa sal ine janapani dongja.

4. Kristoni somoionide somoirang gimahama aro antini salrangara dingtangahama?

Aganchakani: Dongja. Skia man∙giparang aro itihasko segiparang apsan ong∙aha je, calendar dingtahaoba, antini salsni salrangde mamungsaloba dingtangjaha. Uni gimin, na∙a indake u∙ina man∙gen je an∙chingni snigipa sal uan apsangipa snigipa sal jekon Jisu rongtalgipa sal ine rakkiaha!

5. Sninggiparang Jisuni chakatpilaniko mandera∙na Robibar salko songe donangaha ine Johan 20:19 o serikahama?

Aganchakani: Dongja. Sninggiparang ia somoio Jisuko chakatpilaha ine bebera∙jaengachim. Uamang uano “Jihudirangna kenani” giminsa gronggrikaniko dakaha. Jensalo Jisu uamangni jatchio mikkangpahaon, Ua uamangko, “Uni tangchapilmano uko nikgiparangko bebera∙gijani gimin” manengaha (Mark 16:14). Uamang Robibar salko rongtala ine chananiko uano mamungba janapani dongja. Niam Gitalo damchet odhai podrangosan antini skanggipa salko janapaha, aro uarango uko rongtalataha ine janapani dongja.

6. Kolosirangna 2:14-17 ara snigipa sal Neng∙takaniko ra∙galaha ine ong∙jachima?

Aganchakani: Ian ong∙ja.  Iano bilsio manigipa, neng∙takani salrangni giminsa agana jerangan “re∙bagnigipana dakjagringani” giminsa janapaniko daka, aro uan snigipa sal Neng∙takani Salni giminde ong∙ja. Chengo Israelrangni somoio, uano bilsio changsni rongtalgipa salrang donga, ba manianirang donga, jekon neng∙takani salrang ineba mingaha (Levirangna 23 ko nibo). “Jihovani Neng∙takani Salrang baksana” (Levirangna 23:38) ba snigipa Nengtakani Salna,iarangara on∙dapani ong∙a. Uarangni mongsonggipa gamchatanide dakjagringanio ong∙achim, ba chisolona mesokatgipa aro chisolo bon∙egipa ong∙a. Isolni snigipa Neng∙takani Salko Adamni pap ka∙na skangan dakaha, uni gimin paponiko naljokatani giminde mamung dakjagringani dongja. Uni giminsa Kolosirangna 2 dingtanggrikataniko dakaha aro neng∙takani salrangko dingtangmancha  “dakjagringani” ine janapaha.

7. Romrangna 14:5 o gita, an∙chingni rakkienggipa salara paltangtangni chanchia gita ong∙aiama?

Aganchakani:Lesson gimikan saksa sakgipinko ka∙dongchakna man∙jani gimin (pod 1) bichal ka∙ani ong∙enga ine u∙ie ra∙bo (pod 4,10,13).  Iano neng∙nikanide snigipa sal Neng∙takani gimin ong∙jaenga, jean ge∙eta mingchikkungni bak ong∙a, indiba toromni bidingo maniani salrangni giminsa ong∙a. Jihudi Kristianrang Gipin Jat Kristianrangni gimin bichal ka∙engachim maina uamang uarangko manijaengachim. Paul ramram dakesa aganenga, “Sakgipinko bichal ka∙nabe.” Chong∙motan hom boli on∙anirangko dakna nangjajok.”

See Rakkianirang:  ___________________________________________________________________________________________________

Nipiltaianiko Dakani  

1. Jisu (1)

_______ Robibar salko rongtalgipa sal ine rakkiaha.

_______ Snigipa salko Neng∙takani Sal ine rakkiaha.

_______ Pilak gipin salko rongtala ine rakkiaha.

2. Gitelni salara (1)

_______ Antini skanggipa sal, Robibar sal ong∙a.

_______ Antini snigipa sal, Neng∙katani sal ong∙a.

_______ Gitelna pakwatgipa je salba ong∙a.

3. Neng∙takani Salko (1)

_______ Jihudirangnasan dakaha.

_______ Ong∙atani somoionin pilak me∙a aro me∙chikrangna pilakchin pilak somoina Isolchi dakaha.

_______ Niam Gitchamni somoirango donggipa manderangnasan dakaha.

4. Neng∙takani Salko Robibar salona dingtangataniko (1)

_______ Kristochi dakaha

_______ Watatarangchi dakaha.

_______ Dilsretgipa dilgiparangchi dakaha.

5. Isolni niam, jeon Neng∙takani Salko man∙gopa, (1)

_______ Da∙alode gamchatjajok.

_______ Mamungdakeba dingtangatna man∙ja. Da∙alonaba dongkuenga.

_______ Kristoni sianio bon∙eaha.

6. Niam Gitalni mondolio Gipin Jatrang aro watatarang (1)

_______ Robibar salko rongtalgipa sal ine maniaha.

_______ Na∙a kakket ong∙ode je salba rongtala ine skiaha.

_______ Neng∙takani Salko rakkiaha.

7. Neng∙takani Salko (1)

_______ Chisolo bon∙ataha.

_______ Jisuni gnigipa re∙bapilanio bon∙atgen.

_______ Isolni jringjrotni songnokoba pilak chasongrangni piokgiminrang manigen.

8. Neng∙takani Salara Isolni ge∙etani bak ong∙ani gimin, Nengtakani Salko pe∙aniara (1)

_______ Kristo siahani gimin mamungkoba chanchina nangjaha.

_______ Pap ong∙a maina ian rongtalanirangko ga∙belbelani ong∙a.

_______ Da∙alode gamchatjajok.

9. Jerangan Jisuna ka∙sachongmota aro ja∙rika (1)

_______ Jisuni dakaha gita, Neng∙takani Salko manigen.

_______ Pilak gipin salko rongtala ine rakkigen.

_______ Robibar salko rongtala ine rakkigen.

10. Nengtakani Salara (1)

_______ Antini skanggipa, Robibar salan ong∙a.

_______ Antini snigipa, Sonibar salan (Sukrobar attamoni Sonibar attamona) ong∙a

_______ An∙chingni je salko Isolna pakwatgipaba ong∙aia.

11. Robibar salko rakkianiara (1)

_______ Sastroo agansogimin gita manderangni banaigipasa ong∙a.

_______ Ian Isolni da∙asalna tarisogimin ong∙a.

_______ Kristoni chakatpilani somoio a∙bachengaha aro Pentecostni somoio ra∙chake donaha.

12. Neng∙takani Salko rakkianiara (1)

_______ Niamko kingkot dake rakkiani chin ong∙a.

_______ Jihudirangnasan gamchataia.

_______ Isolni Ong∙atani aro piokani, rokomgninin chin ong∙a.

13. Jisuni Neng∙takani Salko rakkie dakmesokaniko angaba ja∙rikna ska.

_______ Oe.

_______ Ong∙ja.