Lesson 15

      Download

Aganchakani: Oe – ian pilakon melia. Hai an∙ching sepangbatkale niatna:

1. Ian Saliram Europe damchikkung songnokrangni giseponi ong∙katbaaha. Geographyni gitade popeni bilara Italy, Romeo ong∙a – jean Saliram Europeo ong∙a.
2. Uano skotong ong∙e agangipa dilgipa mande donggen. Popeni bilo ia chinko nikna man∙a maina uno dilgipa mande saksa donga – uan pope – jean una agantimgipa ong∙a.
3. Popeni bil bilakataniko man∙na songnok damgittam pikbrotako man∙aha.

Saliram Europeni rajarang bang∙batan Katholikrang ong∙a aro popena chakgiparang ong∙achim. Dam gittam Arian songnokrang – Vandalrang, Heruli, aro Ostrogothsrang chakjaha. Uni gimin Katholic rajarang uamangko bamatna ba nisiatrangna nanga ine chanchianiko dakaha. Iano maikai saksa Sastroni gimin u∙igipa aro itihasko segipa, Dr. Marvyn Maxwell, an∙tangni ki∙tap God Cares ni volume, jak 129 o indake talataniko dakaha: Katholic raja Zeno (474-491) Ostrogoths baksa 487 bilsio nangrimaniko dakaha, jeon Arianni Heruls songnokko 493 bilsi jolo bon∙atsrangaha. Aro Katholik raja Justinian (527-565) Arianni songnokni Ostrogothrangni bilko pe∙galaha.  Indake Danielni grong ge∙gittam – Herulirang, Vandalrang aro Ostrogothsrang pikbrote galako man∙aha. Iano popeni bilko u∙ie ra∙na gita neng∙nikani dongja.

9. Ian gipin songnokrangoni dingtanggenchim.

Popeni bilan ia talataniko dakanio kragipa ong∙a, maina uan toromni biloni re∙baaha aro uan gipin   songnok dam 10 oni dingtangachim.

1. Uan dakgrikgen aro rongtalgiparangko neng∙atgen. Mondolini a∙rik sanalaniko dakaniara chong∙mot bebe ong∙a, aro pope uko dakaha ine ku∙rachakaha. Itihasko serikgiparangni aganani gita 50 million janggirangko toromni a∙sel nisiatako dakaha. Chinga minggni sakkirangko ka∙mao on∙enga:
2. “Romeni mondoli pilak gipinrangna bate an∙chi ong∙atbataha jean mandeni jato pangnaba dongkuja, aro itihasni gimin namedake u∙igipa Protestant mandede iani gimin sing∙aniko dakjawa.”¹
3. D. Ivan Antonio Llorente, itihaso Spainni Bil Gnange Sandiani gimin talataniko on∙a:

      “Sak 31,912 manderang dosi chanako man∙aha aro wal∙sareo gimaataniko man∙aha,” aro sak 241,450 manderang “an∙tangtangko bilonggipa duk chakaniko chakna” wate donako man∙aha.”

Simsakna Nangani aro Chanchina Nangani Kattarang

Chongipa grongni bilko talatanichi Kristianskarangko matnangenga ine darangba chanchijachina, ka∙sapae gisik ra∙pabo je katchinike agananiara mandeni tarigimin niamni kosakosa ong∙a, manderangkode ong∙ja. Gimik mondolirangon Katholic bebera∙aniko man∙gope kakket dakgipa, bebegipa Kristianrang donga. Daniel 7 de bichal ka∙ani nama kattasan ong∙aia aro bang∙a gipin mondolirangni dakaha gita, songsarek miteko olakkigiparang baksa bakrimanina gualaniko namatpilanisan ong∙a.

Katchinike Aganani Pilak Bebera∙giparangni Gualanirangko Parakaniko Daka

Gipin katchinike agananirang Protestantni aro Jihudini bebera∙anirango gualanirangko mesoke on∙a. Pilak toromrangon Isolni kakketgipa manderang donga. Uni chong∙motgipa manderangde (uamangni je bebera∙aniko dakoba) pangnan an∙tangtangko bamate Gitelni namatna kam ka∙aniko ra∙chakgen aro uamangni nachilrangko aro ka∙tongrangko Uni kosako chipjawa.  An∙ching mitelna nanga je Isolni Katta mikkang nigija pilak skie ra∙anirangon kakket bebe ong∙anio agana.

1. Ian brigipa Silgrakni Songnokoni Ong∙katgen – Songsarek Romeni Songnok.

 Chinga rokom gni bilrangni gimin iano segatskaaniko daka:

1. “Bilakgipa Katholic Mondoli Romeni Songnokna on∙titisan bata…Gitcham Rome Songnokni skotong songjinmaan Kristian songnokni skotong ong∙baskaaha. Pontifex Maximusni officeon popeba an∙tangni officeko dake kam ka∙angkuaha.”²
2. Romeni bakrangko jerangkon ka∙namgija dake napdragipa manderang aro Arianrang wate donangaha … uarang Romeni Bishopni simsakanio ong∙baskaaha, jean rajachi sason ka∙aniko gimatahaon mongsonggipa dilgipa ong∙e A∙gilsak Romeni Songnokni palo Romeni mondolichi sason ka∙skaha, jean chong∙motde dongangkuenga.”³
3. Isolni manderangko (rongtalgiparang) “bilsi sa aro bilsi gni, aro adha bilsina uarangko uni jako on∙gen.” Aditarangko talataniko iano dakna nangenga:

Bilsi sa, bilsigni, aro adha bilside Sastroni talatani gitade, “Bilsi gitam adha”⁴ ong∙a.

 

Katchinike Aganani Somoi

 

Somoi                =          Bilsi 1

Somoirang         =          Bilsi 2

½ somoi             =          ½ bilsi

 

2. Ia apsan somoikon changsnina kingking Daniel aro Parape∙a ki∙taprangko janapaha (Daniel 7:25; 12:7; Parape∙a 11:2, 3; 12:6, 14; 13:5). “Bilsi sa, bilsi gni, aro adha bilsi” rangko changgittam; ja 42 rangko changgni; aro 1,260 salrangko changgnina kingking janapaha. Jihudirangni jakkalgipa sal 30 ni calendaro pangchake, ia somoirangara pilakan apsan somoi ong∙aha: 3 1⁄2 bilsirang = 42 jarang = 1,260 salrang.

3. Katchinike agananio salsara bilsi sako miksonga (Ezekiel 4:6; Chananirang 14:34).

 Uni gimin, chongipa grong (antichrist) rongtalgiparangni kosako 1,260 katchinike aganani salrangna bil man∙gen; uan 1,260 bilsirangna ong∙a.

 Popeni sason ka∙ani AD 538 oni a∙bachengaha, uan jensalo warachakgipa damgittam Arian songnokrangko pikbrotaniko man∙aha. Ia sason ka∙aniara 1798 bilsiona kingking ong∙angkuaha, uan jensalo Nepoleonni general Berthier popeko rim∙gittange Pope Pius VI ko, aro popeni sason ka∙ani bilko nisie galna ka∙dongaha. Ia somoian 1,260 salrangna katchinike agananio tik tak chu∙sokataniko man∙aha. Ian popeko matatani ong∙ahachim, indiba ua mataniara nampilataniko man∙aha aro da∙alonaba an∙senge dongkuenga.

 Ia apsangipa a∙riksanalaniko Mati 24:21 o namjabatsranggipa a∙riksanalani ine janapaha jekon Isolni manderang chagrongna nangaha. Pod 22 an∙chingna aganana je iara inditan nisiatani kam ong∙aha je Isol somoiko bakan∙dikatjagenchimode saksani janggiba tange dongna man∙jawachim. Indiba Isol somoiko kan∙dikataha. Ru∙utgijan 1798 bilsio pope rim∙gittanga man∙ahaon a∙riksanalaniba dontongaha. Ianon rongtalbeen nikna man∙a je ian popeni sason ka∙aniko mesokna kragipa ong∙aha.

 

Ia bilan Chubatsranggipani [Isol] kosako “matnange agangen.” Sastroo matnange agananiko minggni dake talataniko daka:

1. Paprangko kema ka∙na bil donga (Luk 5:21).
2. An∙tangko Isol dakata (Johan 10:33).

Ian popeko mesokna kragipa ong∙ama?  Oe. Hai an∙ching skanggipa paprangko kema ka∙na man∙a ine a∙kange ra∙gipa sakkiko seaoniko niate nina: “Kamalara paprangko chong∙mot kema ka∙na man∙bebeama, ba uasan uarangko ra∙angna man∙a ine parakataniko dakahama? Kamal an∙tangna Kristochi on∙gipa bilo pangchake paprangko kema ka∙na man∙a.”⁵ Pope a∙gilsakni kamalna pap kema watani bilko on∙e Jisuko gamchatgija ong∙ataha, indake Jisuko, an∙chingni Dal∙gipa Kamalko (Ibri.3:1; 8:1,2) aro Baltichakgipako (1Timothy 2:5) watchanggalaha. Uni ja∙mano, an∙tangko Isol ine a∙kange ra∙aniko chanchiate nibo: “Chinga (poperangde) Bilakgipa Isolni biapko ia a∙gilsako man∙aha.”⁶ Iano bang∙bate sakkirangko nikna man∙a: “Pope Kristo Jisuni palo ong∙aigipasan ong∙aija indiba uan be∙enni pindapanio donugimin Jisu Kristo ong∙a.”⁷

 

Uan, “tik dongimin salrang aro niamko dingtangatna…chanchigen.” Mikkangchi Poraianio, an∙ching “somoirangni” gimin chanchie ra∙aniko dakgen. Ian mongsonggipa chanchiani ja∙pang katta ong∙a aro dingtang dake chanchianiko dakna nangenga. Indiba “niam” ko dingtangatani giminara mai ong∙gen? Sastroo, “niamko” “niam” ine pe∙aha. Iano niatna nanganide Isolni niamko dingtangatani gimin ong∙enga. Beben, darangba uko chong∙motde dingtangatna man∙ja, indiba pope dingtangatna jotton ka∙ahama? Aganchakanide oe, dingtangatna jotton ka∙aha. Uamangni catechism o, pope gnipa ge∙etanio janapgipa bimangrangko olakkianiko ra∙galaha aro brigipa ge∙etaniko 94 kattarangoniko chet ona kan∙dikataha aro chikkunggipoa ge∙etaniko minggni ge∙etanirang dake sualskaaha. (Iako an∙tangna sandie nibo. Ge∙eta Miangchikkungko Katolikni catechism o segipako Reongkata 20:2-17 o segipa Isolni dongimin ge∙etanirang baksa tosusae nibo).

 

Uano mamungba bebera∙na amgijani dongja je Daniel 7 o janapgipa ia chongipa grongara (antichrist) popeko miksonga. Darang gipin dolde ia mingsku chanchianirang baksa melija. Aro, ian maibakai ong∙gakgipa gitalgipa skianiba ong∙ja. Gital daktaianina kamko ka∙gipa (Reformer) sakantian, mamungba watchangalgijan, popeko antichrist ine aganaha.⁸

 

1. E.H. Lecky, History of the Rise and Influence of the Spirit of Rationalism in Europe, Volume 2, 40.
2. Alexander Clarence Flick, The Rise of the Mediaeval Church, 148,149.
3. Adolf Hamack, What is Christianity? (New York: Putman, second edition, revised, 1901), 269,270.
4. Amplified Bible, La Habra, CA: the Lockman Foundation, 2015.
5. Joseph Deharbe, S.J., A Complete Catechism of the Catholic Religion.
6. (New York: Schwartz, Kirwin & Fauss, 1912), 279.
7. Pope Leo XIII, Encyclical Letter “The Reunion of Christendom” (dated June 20, 1894) trans.in
8. The Great Encyclical Letters of Pope Leo XIII
9. (New York: Benziger, 1903),304.
10. Catholic National, July 1895.
11. Allan Anderson, Unfolding the Revelation, 137.

 

1. Antichristara mandesa, dol ong∙ja ine anga pangnan chanchironga. Angara gualengama?

Aganchakani: Poraianio antichristara dol dakgipa dolsa ine sakkiko on∙aha – uan popeni bil ong∙a. Daniel 7:8 o “mandeni mikron gita mikronrang” ingipara dilgipa saksako mesokaniko daka.  Parape∙a 13:18 o mandeni gimin agana jeon nombor donga. Daniel 8 o, Greece songnokko merang gnanggipa do∙bok bipachi dilgipa, Alexander the Greatko, grongchi mesokaha. Apsandake antichristba ong∙a. Ua dolara popechi sason ka∙gipa bil ong∙a. Popean officeo kam kadilgipa onga.  Daniel 7 ni katchinike agananio poperangko namgijagiparang ong∙a aro Katolikrangara Kristianrang ong∙ja ine aganjaenga. Uano bang∙a namgipa aro ka∙saanian gapgipa Katolik Kristianrang donga. Indioba uni skianiko antichrist mingaha maina uan Jisuni bilko ra∙sekna aro Uni niamko dingtangatna jotton ka∙aha.

 2. Kristian manderangna manichina drae niamko dingtangatna kamko ka∙aniara gisik seng∙ani ong∙a ine na∙a chanchiama?

Aganchakani: Ong∙ja. Sastro rongtalen talataniko dakaha je uamang Isolko jegalna baseaniko dakgenchimoba, pilakan jakgitele an∙tangtangni namnikani gita bebera∙atangko basena man∙a (Joshua 24:15). Ong∙atgipaan Adam aro Hobana basee ra∙ani bilko on∙aha. Drae olakkianiko dakaniara diabolni skiani ong∙a. Isolni skianiara ka∙saanian gapgipa mol∙molani ong∙a. Itihaso serikanio mesokaniko dakaha je changantion mondoli drae bebera∙na niamko donaha, aro a∙riksanalaniko aro so∙otanirangko dakaha. Chasong Bijatchini somoio ong∙gipa chongipa grongni itihasoniko, ia skianiko an∙ching skie ra∙na man∙a.

 3. Haida angasa ma∙sisretahakon, indiba angni chanchia gitade antichristara parake Isolko jegalgipa namgijagipa mande ong∙a. Ia chanchianiara ong∙jama?

Aganchakani:  An∙chingni aganbewalode English kattao “anti” ingipa kattara “saniba kosako bobil dakgipa” ine miksongani ong∙a. Ian saniba “biapko” ba “uni palo” ong∙skagipa” ineba ong∙a. Antichristara Isolni bilrangko ra∙ahani gimin sasti on∙ako man∙na nangaha. Indine a∙kange ra∙aha:

1. Uni kamalrang paprangko watna man∙a – jekon Isolsanmangmang dakna man∙a (Luk 5:21).
2. Isolni niamni gnigipa ge∙etaniko (bimangrangko olakkiani) ra∙galaha aro chikkkunggipa ge∙etaniko bakgni dakataha. Isolni niamko dingtangatna man∙ja (Mati 5:18).
3. Popean a∙gilsakode Isol ong∙a.

A∙bachengaonin Satanni Miksongani

Satanni a∙bachengaonin miksonganide an∙tangko Isol gita dakani aro bilko raa∙nian ong∙a. Isolko a∙rikate Uni biapo sason ka∙na am∙anian uni miksongani ong∙a.  (Poraiani 2 ko nibo). Jensalo Satanko salgioniko galatahaon, uni miksonganiko dingtangatjaha indiba batesa biladapataha. Chasongjolnan ua dingtang dingtang mandeni bilrangchi, Isolna bimungko on∙gija aro Uni biapko ras∙ekna kamko ka∙aha.

Antichrist Toromi Gita An∙tangko Nikata

Bon∙kamani salrango manderangko antichristko jarikatna tol∙napanichi Satan Isolni biapko ra∙na miksonga, jean toromi aro rongtalgipa dake an∙tangko nikata. Daniel aro Parape∙ani katchinike seanirangni mongsongggipa miksonganiara Satanni ja∙garangko aro miksonganirangko parake mesokna ong∙a aro manderangko Jisuo kimkim ong∙e aro Uni Kattao naljoke dongna dilangani ong∙a.

Antichrist Bang∙ako Tol∙napgen

Bang∙a manderangan Kristoko ja∙rikenga ine antichristko ja∙riktokgen (Parape∙a 13:3). Segiminrangsanmangmang jokatako man∙gen (Mati 24:23,24).  Uamang naljokataniko man∙gen maina uamang pilak gisikni gita skianirangko aro dilgipako Sastrochi porikka ka∙e niaha (Isaia 8:20). Toromni gita tol∙napani pilakchin ong∙a. An∙ching simsake dongna man∙rongja.

4. 1 Johan 2:18-22 o bang∙a antichristrang donggen ine Sastroara aganjachimma?

Aganchakani: Oe, chasongjolnan uano bang∙a antichristrang dongaha jerangan Isolni songnokni kosako kam ka∙aha. Indioba, uano dingtangmanchagipa bimang jean antichristni cholonrangko ra∙e katchinike agansoaniko chu∙sokataha. Daniel odhai 7 aro 8 aro Parape∙a 13 rango, na∙a antichristni mingchikkung cholonrangko u∙ie ra∙na man∙gen. Ia ming 10 u∙iani chinrangara ge∙sangipa bimango, chong∙motan popeo chu∙sokaha.

 5. Katchinike agananio, “matburung” ni ortoara “matburung gita ong∙ani” cholonrang dongama?

Aganchakani: Ong∙ja. Isol matburungni chinko sason ka∙gipa, jat ma∙chong, sorkari, ba songnokko mesokna jakkalronga. Ian katchinike agananio Uni a∙gilsakni sason ka∙gipa sorkarirangko mesokna jakkalani ong∙a. Anching antangtangba iako aditanade jakkala: An∙ching Russia a∙songko talatna mapilchi talataniko dakaha, United Statesko do∙gamdotchi mesokaha, etc. “Matburung” ni chinnara onchepe ra∙ani, mandera∙gijani dake jakkalani ong∙ja. Ian “matburung” ba “jontu” baksa apsan ong∙aniko talatanisan ong∙a. Kristokoba Mes Bi∙sa ine Johan Napbolatgipachi (1 Johan 1:29) aro watata Johanchi talatna mesokaha (Parapea 5:6,9,12,13). Isol “matburung” ingipa kattako jatrang aro dilgiparangni nama aro namgijakni gimin u∙iatna an∙chingna on∙aha.

---

Nipiltaianiko Dakani

(1) Badia songnok dambrirangko Daniel 7o matburungrangni chinrangchi mesokaha? (4)

       _______ Sweden

       _______ Egypt

       _______ Greece

       _______ China

       _______ Medo-Persia

       _______ Japan

       _______ Babylon

       _______ Iraq

       _______ Rome

 (2) Ka∙mao mingbri sentencerango, on∙sogimin kattarangni mingsako jakkale katchinike aganani chinrangni chong∙mot ortoko gapatbo:

nisiatani         bilsisa             jatrang           manderang                ta∙rakani

 Mesokani: Matburungrang songnokrangko ba j a t r a n g k o mesoka.

Sagal ba chi bang∙bea _ _ _ _ _ _ _ _ _ mesoka.

Grangrang _ _ _ _ _ _ _ _ _ mesoka.

Balwarang dakgrik, dinggrikani, aro _ _ _ _ _ _ _ _ _ mesoka.

Katchinike agananio salsara _ _ _ _ _ ong∙a.  

 (3) Kenbegnigipa matburungni grong 10 ara (1)

      _______ Chikkung bilsirangko mesoka.

      _______ Dingtangmanchagipa dam songjinmarangko mesoka

      _______ Sa∙grerang

      _______ Man∙e Cha∙anirang

      _______ Songnokrang jeonan songsarek Rome ka∙sine bak dakatako man∙aha.

 (4) Badita jatrang ba a∙songrangko chongipa grongni bil pikbrotaha? (1)

      _______ Chet

      _______ Sa

      _______ Dok

      _______ Gittam

 (5) Chongipa grongni bil ba antichrist (2)

      _______ Babylonni generalrangoni saksako mesoka

      _______ Gitcham songsarek Romeni salrango donggipa namgijagipa sason ka∙gipako mesoka.

      _______ Namgijagipa bil jean Jisuni gnigipa re∙bapilani ja∙mano chakatnasigipako mesoka.

      _______ Isol dongja ine bebera∙gipako mesoka

      _______ Popeni bilko mesoka

 (6) Chongipa grongni (antichrist) bilni gimin chong∙motgipa agananiko ka∙mao

        on∙sogiparanogniko sandie nibo:

        _______ Ian Egyptoni re∙bara.

        _______ Ian Isolni manderangko neng∙atgen.

        _______ Babylonni ga∙akani ja∙mano ian rang∙san ong∙kataha.

        _______ Ian Isolni kosako matnangani kattarangko agangen.

        _______ Ian Isolni niamko dingtangatna chanchigen.

 (7) Katchinike agananion, “bilsisa, bilsigni, aro adha bilsi” ara (1)

       _______ Bilsi gittam adha salrang

       _______ 42 bilsirang

       _______ 1,260 bilsirang

  (8) Basakoni “bon∙kamani salara” a∙bachengaha? (1)

       _______ AD 31

       _______ AD 1991

       _______ AD 588

       _______ AD 1798

(9). Antichristara mande ong∙ja indiba dol dakgipasa ong∙a. (1)

        _______ Ong∙a  _______ ong∙ja

(10). Antichrist da∙aloba donga. (1)

         _______ Donga _______ Dongja

(11). Isol niamchi draate chong∙motgipa olakkianiko ra∙chaka

         _______ Ong∙a _______ Ong∙ja

(12). General Berthierni popeko rim∙gittanganiara popeni bilko matata gitasan ong∙aia. Uni siani matani namna a∙bachengaha aro da∙o an∙sengbaengaha. (1)

          _______ Ong∙a _______ Ong∙ja

(13). Ka∙mao on∙sogipa kattarangoni badiasa Isolni manderangko bon∙kamani salrango naljoke rakkigen? (1)

        _______ Skiprakna skie ra∙bo.

        _______ Mande jinmao bi∙bo.

        _______ Sastrochi pilak toromni gimin skianirangko porikka ka∙e nibo.

 (14). Uan rakdugagipa ong∙genchimoba, Jisu jechi dila unona ja∙rikna na∙a skengama? (1)

          _______ Oe.  _______ Ong∙ja.