Hijeh chun kinepna samjang ticha um jongle tin Naaman chun lamsaotah Isreal lang chu ahinjon tai. Amatoh atahsa vengtup ding sepai phabep toh kilhon in ahungin chuleh damna achantheiya ahileh tia thilpeh ding kipaman toh ahinchoiye. Naaman jong themgao pa inn-mai ahung geiphat chun, alem dingin Elisha chu ahung potdoh tapoi. Hijongleh asohte khat ahung lhaidoh in, Naaman henga hitin ahung ti: “Chen lang Jordan vandunga vei sagi gakiphum luttan, chutia chu natahsa naosen vouso jolsel hung bang ding, aban naphah-vei hi theng ding ahitai.” Ahungti sah e 2 Lengte 5:10.

Naaman chu minen ahi hiche jeh a themgao pan asol ahi! Hijongleh Jordan vangdung twi nendehduh lah’a sagivei kiphumlut dinga kisol chu –sepai jalamkai jaumtah khat ding chun kinoisetoh val jeng tai. Hijeh chun Naaman jong lunghangtah in asakolte aleheiyin inlanga hung kinungle ding agotai. Hijongleh Damascus phah masangjep a hi Jordan vadung kipalji ahi. Hiche luidung chu ahinphah phat uvin, Naaman sohpa’n jong ipi hijongleh kapu Pathen themgao thusei khat chu bolpou lechu pha hilou ham tin aseipeh tai. Chuti ahileh tin Naaman in jong asakolte chu akhongaisah tan, akumlha in, agalvon chengse, aphah aseljina chu ahin sutlha tan ahi. Ama jong olchan Jordan twiya chun aluttai. Gupvei jen twiya akiphumlut in ahinlah ima aphachom aumpoi, ahinlah sagivei naa ahung doh chun, aphah-vei chu anaumtapon ahi! Atahsa vun chu adam thengsel in naosen vouthah jolsel toh abangtai.

Naaman semthah ahibanga hi, nangin jong penthahna hitobanga hi hinkho naneithei ahi!

SIM DING

Bible hohi sim cheh inlang a onglai sudim in.

1. Kitepna thah sunga baptise bolna ding ahilouleh kisuhthengna dinga Jordan lui anamang chu koi themgao hitam?

Matthew 3:1, 5, 6 Chulai chun __________ __________ ahungin, Chule a an neh ma chu khao le gam khoiju ahi. Chuphat in Jerusalem le Judea gam jousea mi. chule Jordan vel gamkol sung jousea mi ahenga ache cheuvin achonset nau cheh aphongun; Jordan lui dunga chun ama khut a __________ achang tauvin ahi

NOTE: Gospel thusim hi baptism thusima kipan a chuleh Baptism thua kichaikit ahi. Hiche hi Jesu Christa thuhil lah a apoimopen khat hiding dan ahi (Matthew 28:18, 19)

2. Bible a hi chonset phah-natna soplhah vetsahna thil kibol loupitah chu ipi ham?

Solchahte 22:16 Chule ipi tua nakhongai ham? Kipatdoh-in lang __________ changin aminin taovin, nachonset kisoplhah-in,’ eiti.

NOTE: Bible a Baptism kibol hi mihem khat hinkhoa pat’a chonset soplhah vetsahna leh penthahna ahi.

3. Bible dungjuiya baptism chichom chom ijat um em?

Ephesus Mite 4:5 Pakai khat, tahsan khat, __________ __________ khat ahi.

NOTE: Tulaiyin baptism vetsahna kibol hi chisom tobang aume, amavang bible dungjuiya hin baptism dihtah khatseh ahi.

4. “Baptize” kiti thucheng hi ipi seina ham?

Colossae Mite 2:12 Na baptize chanuva amatoh lhana __________ nahitauve, chuche baptize chan vang mamaa chu athi lah a kona akaithou Pathen thilbol tahsan vanga amatoh kaithouthaa um nahi tauve.

NOTE: Greek pao chang “Baptizo” kiti hi “phumlut (Submerge)”tina ahi. Koihileh twi kiphumlut lou laisea chu baptize changlou lai ahi, ahilouleh twiya kivuilut nailou ahi. Hiche thuchang “Baptizo” kti hi Bible a natohna theng toh kisamkainaa kisei jing ahi. Greek thuchang a “twithe tho” ahilouleh “twi bohkhum” tiho akisei khapoi.

5. Jesu hi eiho vetjui dinga um ahi. Ama chun baptize ipity abol em?

Mark 1:9, 10 Hilai chun ahitin ahi. Galilee gam sunga Nazareth khoa konin Jesu ahungin Jordan luiya John khut’a Baptize a-changtan ahi. Chuin twi lah a kona __________ doh doh-in van __________ Lhagao vakhu banga ahenga ahung kumlhah amun.

NOTE: Naaman miphah pa kisuhdamna twi mamaa John chun Jesu chu aphumlut a baptize achansah ahi. Jordan vadung laiyah aum uve atie (vadung pam atipoi) chuleh Jesu chu twi lah a konin ahung doh e atikit e. Hiche jeh a chu John in “Salim kenga Aenon kho chu twi atam jeh chun baptize achansah e” akiti John 3:23. Christian hohi Christa dungsun ihiuve (1 Peter 2:21), Ama chu twiya kiphumlut a baptize chang ahi “hitia chu chonphat suhbulhitna ding ahi.” Matthew 3:15.

6. Philip in itobanga Ethopia sumchingpa chu baptize abol ham?

Solchahte 8:38, 39 Chuin akangtalai chu angahsah-in, ani lhonin twiyah __________ lhonin, Philip le nukisopa chu, chuin Philip’in ama chu baptize achansahtai. Chuin twiya __________ __________ lhon phat’in, Pakai Lhagaovin Philip chu alhohmangtan ahile nukisopa chun amu kittapoi, ama kipah thanomtah a achena dinga achepaitah jeh chun.

7. Baptism hin thildang ipi avetsah nalaiyem?

Rome Mite 6:4 Hiche jeh a chu Pa loupina vanga Christa athi lah a kona __________ banga chu eiho jong hinkho thah lam chu ijot theina dinguva, baptize chana hi athinaa amatoh kivuithaa ihitauvin ahi.

NOTE: Baptism kiti hi Christa thina, kivuina leh thokit vetsahna ahi. Amasa chonset a thina, chujouphat leh twiya nunlui hinkho vuilemna, achaina chu twiya kona hinkho thahbeh neiya thokitna ahi. Twiya kiphumlut a batize bol hi dihpen ahi. Chonset hinkho chu athitan, chutengleh baptize chang dingpa chu hailouvin ahu akituhtang in hiche kah chun atahsa pumpi athi melpu in twiya akivuilut in ahi. Chujouphat leh amapa chu twiya konin ahung kikaithouvin, naosen pengthah bangin ahung haitheikit tai, hinkho thah amukit tan, hiche thokit vetsahna ahi. Hiche tilou baptize kibol dan dang hohi Bible toh akitoh thei aumpoi. Mi abangin thokit vetsahna din Sunday kanit e atijiuve, ahinlah hitobang chondan chu Bible a kimulou ahi.

8. Baptism hi itobanga poimo ham?

Mark 16:16 Atahsana Baptize chang chu __________ ding ahi; atahsan lou vang chu themmo changa um ding ahi.

John 3:5 Jesu n adonbut’in, “Tahbeh a kaseipeh nahi, mi koi hijongle twiya le Lhagaova apen loule Pathen gam alut __________.

NOTE: Baptise kiti hi bible in aloutheilouva bol ding ati ahi. Amavang baptize bolthei louhel ding khat aumtah a ahileh, thingpel chunga gucha khatpa tobang dinmun hochu, Jesu in amakhel a dinga baptize abolpeh ahitai (Matthew 3:15).

9. Baptism toh gah tekah thei ding chondan (Ceremony) ipi um em?

Galatia Mite 3:27 Nangho Christa a baptize chang chengse chun abonchauva Christa chu __________ __________.

NOTE: Baptism kiti hi kichenna kin tobang ahi. Bible chun hitin aseiye, “Nangma nasempa chu najipa ahi, thaneipen Pakai kiti chu Ama min ahiye.” Isaiah 54:5. Kichennaa numeiyin apasal phung min akilahlut banga, Christian ten Christa min ikilah u ahi –Hiche jeh a chu Christian ikisah u ahi. Giltah leh jeneitah ahina dinga chu hoichepen kin chu hitajongleh anigella ngailutna leh kiphaltheng naa akipat ngaiyah ahi. Baptism hi Christian hinkhoa kichenna apoimo banga aloutheilou ahi.

10. Jesu vana akaltou kona chu amite ho henga ipi thupeh aneiyem?

Matthew 28:19 Hichejeh chun nang ho cheuvin, namtin a mi jouse seijuiyin gasemun, a-Pa, a-Cha, chule Lhagao Theng min’ah amaho chu __________ gabol’un;

NOTE: Peter in Pentecost nikho chun hiche thupeh hi ajuiyin mipi ho henga chun aseiye “Kisih un, lungheiyun, Chuleh mijouse Jesu Christa min in baptize changun anatie.” Solchahte 2:38.

11. Baptism bothei na dinga ipipi nei masat ngai ham?

A. Jesu Christa thuhil hetthemna (Matthew 28:19, 20)
B. Jesu thuhil jouse tahsan ding (Mark 16:16)
C. Phatchesa chonsetna kisih ding (Solchahte 2:38).
D. Nalungthim pumpia natahsan ding (Solchahte 8:37).
E. Chonset akon kinunghei nomna (Luke 3:7, 8; Rome Mite 6:5, 6).
F. Christa chu nahuhhingpu in kisan inlang chuleh pengthah in (2 Corinth Mite 5:17; John 3:3,5).

12. Baptism ditah hilou jouse (counterfeit) hi hoiya kona hung kipan ham?

Mark 7:8 Nanghon Pathen thupeh tahbeh chu nathaimil’un, mihem akhang akhanga ahung __________ dan joh nahatuh-jouve,” ati.

NOTE: Twiya kiphumlut a baptise bol bible phat lai leh cross joulang peh a jong adihtah chu ahijenge. Hijongleh mihil chavei hon abeilam lam jo ding atiuva baptize boldan chom chom ahinpohdoh u ahi. Hijeh a chu baptism chondan thengtah chu suhset hiya chuleh avetsah akodoh lentah chu kimutheilou ahitai.

13. Pathen thutah sanga mihem thuhil joh domsang hochu Bible in itobanga aseiyem?

Matthew 15:9 Amahon athu hil nauva __________ thupeh jeng thua ahil jeh uvin Eihouvu jong __________ ahi,’ ati chu adih tangeiye,” ati.

Galatia Mite 1:8 Ahin keihon nangho henga kahung seiyu Kipana Thupha hilou akal-vala thupha chomdang hung seiya aumle, keiho hiuving, ahiloule vana hungkon vantil khattou hijeng jongle, ama chu __________ chang hen.

14. Ahinlah Twiya kiphumlut a baptize bol hitalouva lhagaova baptize kichang ding hitalou ham?

Solchahte 2:38 Chuin Peter’in ajah-uvah, “Nalung __________ chonset suh-beinan Jesu Christa minin nabonchauvin __________ __________ __________, chule Lhagao __________ kipea hi nachan ding ahi.

NOTE: Hichu ahipoi! Peter in thu aseilaiya hi (Solchahte 10:44-48) athusei ngai jouse chunga lhagao theng chusa ahitai, hiche lah’a mi tamtah chu baptize bol nailou ahiuve. Ahinlah lhagao thenga baptize achantah jeng vanguva, Peter in twiya jong baptize achan diuvin asei nalaiye tihi heuhite.

15. Ahileh avel a baptize bolkit hi pha hinam?

Solchahte 19:2-5 “Natahsanuva chu Lhagao Theng nachannah-uvem?” tin adongin ahile, amahon ajah a, “Lhagao Theng aume ti jong kajapouve,” atiuve. Chuin aman, “Ahile ipiaba baptize changa nahiuvem?” atile, amahon, “John baptize chanin,” atiuve. Chuin Paulin, “Johnin miho jah a chu, ‘Kanunga hunga Jesu chu tahsanun,’ atia lung heina dinga baptize achansah ahibouve,” ati. Chuin thu hiche chu __________ phat’un Pakai Jesu minah __________ achangtauve.

NOTE: Nikhat chu Ephesus a Paul in thu aseilaiyin, mi 12 john khut a baptize anachang hotoh akisuto e, ahinlah lhagao theng thudol anajah phahloubeh u ahi. Ahileh hiche thutah ahinjah phat un, amaho chu avel in baptize achangkit tauve. Hitobanga chu, mikhat in Christian hina chu anakimansah tah a ahileh, Pakai toh kimukit naa baptize abolkit thei ahi. Chuleh koihileh bible toh kitohlova baptize anachang ho dinga jong avel a baptize channmona umlou ahi.

16. Baptism hi houin kaitoh akisamkaimat na um em?

Solchahte 2:41 Chutah chun athu jop chan chu __________ achang tauve; chule hiche nilele chun amaho chu mi sang thum jenin abetauve.

Solchahte 2:47 Pathen avahchoiyun, chule mi jouse lungdeiyin aumun ahi. Chuin Pakaiyin huhhinga umho chu niseh-in amahoa chun __________ jingtan ahi.

Colossae Mite 1:18 Ama chu tahsa (hichu Houbung) luchang ahi; ama chu abul ahin, imalam jousea chungnungpen ahina dinga, athiho lah-a __________ ahi.

1 Corinth Mite 12:13 Ajeh chu eiho Judah mi hiuhen, Greek mi hijongleu hen, ibonchauva __________ khat ihi theina dinguva, Lhagao khat’a baptize ichanu ikiphumu ahitai; chule ibonchauva Lhagao khat idon khomu ahitai.

NOTE: Pathen thutheng hi boina ding beihel (unequivocal) ahi. Pathen mite jouse hi tahsa pumkhat dia kou ihiuve, hichu houbung akitin, hiche sunga chu baptism changa ilut theiyu ahi. Naosen khu apenlhah jou tengleh, ama vetsuina ding, adamna ding leh akhantouna dinga insung mia killalut ahin hiche chu ama dinga thilpha ahi.

17. Baptism kabolda a ahileh, koi thumop kalahnom lou ham?

Luke 7:30 Ahin Pharisee ho le danthu them-ho vang chu ama chansah a __________ chang iouvin __________ amaho chunga agot chu alhun kheisah tauve.

18. Jesu baptize achana chu, Apa in ipi aseiyem?

Mark 1:9, 11 Hilai chun ahitin ahi. Galilee gam sunga Nazareth khoa konin Jesu ahungin Jordan luiya John khut’a Baptize a-changtan ahi. van a konin o khat ahung gingin. “Nangma ka-Chapa deitah nahi. na-chungah kalung __________ __________ ngeiye,” ati.

NOTE: Koihileh Pathen chate khatpen penin chonset lungheina aneitengleh, Pathen achunga lunglhai ahi.

NA KIGELHAHNA

Pathen in “amanu/amapa hi kacha deitah ahi, achunga kalung alhai tangei” tia asei theina dinga chonna dan theng thoutah baptize bol dinga kigotna naneinom tah em?

DONBUTNA: __________

Baptism thudol hetbe nom naneiya ahileh, hiche bible jilna makaiya pang pastor pa ham ahilouleh hou lamkai khatpen pen koma nalunggel seiyin lang nadei nangaichat khol in.

ABELAP

Hiche simmun hin abelap a simding eipeuve.

Baptism kibol dan (Model of Baptism)
Jesu chun achonset asoptheng ding aneijeh a baptise abol ahipoi, ama chu chonsetna neilou ahibouve (1 Peter 2:22). Hiche jeh a chu john Baptist hatah’a lung dong ahie Jesu ama henga baptize chang dinga Jordan lam ahinjot pet a chu. John chun aseiyin, “Keijoh nang khut’a baptize kachanjoh tahsea, nangjoh kahenga nahunge” ati Matthew 3:14.

Ahileh Jesu in ipijeh a Baptize abol sese ham? Ajeh thum tobang um inte. Akhatnaa, Jesu baptize chan hi mihem hi koihileh baptize boltheilou ho dinga alahpeh vetsahna ahi. Vetsahnan, mi abangloi songkul sunga Pathen hin tahsan jong aumin, ahilouleh lou-inn a kona Pathen tahsana baptize boltheina ding lampi neitheilou aume. Jesu in amaho dinga baptize abolpeh ahitai. Thingpel chunga gucha khatpa chu gah kihilna theikhat ahi (Luke 23:43). Aninaa, Jesu chu eihon ijuina dinguva Aman baptise abol ahi (1 Peter 2:21). Chuleh athumna dinga, Jesu in baptise abol hi, ama hinkho ivet uva, tahsan jal a ipi kinepna ito diu vetsahna ijildoh nadiu ahi.

Avetsahna ding chun, anoiya bible chang hohi athu chang khat in khat in anaveu hitin chuleh ipi kinepna inei diu ham tichu imu diu ahi. Matthew 3:16 leh 17 naa “Ama baptize achan jouphat in, twi lah akonin ahung doh in, chuleh ven, van kot kihon chu amun, chuleh Pathen lhagao theng vakho bangin ahung lenglhan ama chunga ahungchu e. Hichun van a konin awkhat ahung gingin, hitin ati, ‘Hiche hi kachapa deitah ahi, achunga kalung alhai tangeiye.”

“Vankot akihonge” = Pathen kom ilut theiyui tina ahi

“Amu e” = ilhagao mit u kihong a, thilthah leh mukidang eimusah u                                  ahi.

“Pathen lhagao theng” = Ama eiumpiuve tichu akihetheiye

“Vakho bangin ahung kum lhai” = lungsung chamna in alotai

“Kachapa deitah” = ama insung mia eisem uva chuleh gamdang mi hina chuineiyu ahi.

“Van akon awgin” = Hiche awgin hi awso neocha gin a ijah pan          dingu ahi.

“kalung alhai tangei” = Pathein ngaidamna bulhingsel a eilahlut u ahi.
Panorama of Prophecy, Lesson 12 ©2022 Amazing Facts International All Rights Reserved