An·chingni songjinmarango aro nokrangona mande so·otani aro kajia golma ong·ani napdrabahaon, tom·tomaniko aro naljokaniko man·nade an·ching pilakan a·songni niamrangna bamna nanggen ine iara miksongama? Ritcha bilsirangna skangan, Isol An·tangni niamko rong·plengo seaha – aro an·ching uarangko da·aloba rakkina nangkuenga ine Sastro agana. Isolni niamni je bakkoba pe·aniara ong·gija kamni biterangko pangnan ra·bagen. Indiba nangchongmotanide, pilak Isolni niamko rakkianio an·ching tom·tomani aro naljokaniko man·na ama.  Gimaanio kenani ong·engon, Isolni Ge·eta Mingchikkkungni gimin nang·ni janggi tanganio dikdiksa somoiko ra·e dingchike chanchianiko dakora gamchatjawama

       “Niamko pe·an pap ong·a” (1 Johan 3:4).

Aganchakani: Isolni Niam Mingchikkungko pe·anian pap ong·a. Isolni niam chu·sokgipa ong·a (Git. 19:7), aro uni niamrang pilak ma·sina man·gipa papko man·gopa. Ge·etani niamrang “pilak [mandeni dakna nanggniko] (Aganpraka 12:13) man·gopa. Mamungkoba watchangjaha.

3. Maini gimin Isol Niam Mingchikkungko an·chingna on·aha?

“Niamko rakkigipa uan kusi ong·gipa” (Toe Skiani. 29:18) ong·a. “Angni ge·etanirangko rakkichina. Maina uarang salrangni bakroako aro tangani bilsirangko aro tom·tomaniko nang·na on·dapgen” (Toe Skiani. 3:1,2).

Aganchakani A: Kusi ong·atna re·dilgipa ong·e, jringjrotna tanggipa, Isol an·chingko kusi ong·atna, tom·tomaniko man·na, bakroe janggi tangna, chu·ongnikna, chu·sokgipa ong·na, aro pilak gipin dal·a pattianirangko man·na an·chingko ong·ataha jekon an·chingni ka·tongrang man·na skenga. Isolni niaman kakketgipa ramarangko ja·rikna mesokatgipa noksa ong·a jedakode ia chong·motgipa katchaa aro kusi ong·aniko man·na amgen. “Maina niamchi paprangko u·iani ong·a” (Romrangna 3:20). “Indiba niamchi ong·jaode, anga papko u·ijawachim. Maina, Mikboknabe ine niam aganjaode, anga mikbokako u·ijawachim” (Romrangna 7:7).

“Aro an·ching uko u·ia ine iachi u·ia, chong·motan an·ching uni ge·etanirangko maniode” (1 Johan 2:3).

Aganchakani D: Ian Isolko u·ina an·chingko dakchaka.

Dingtangmanchagipa talatani: Isolni niam baksaong·telaigipa ge·etanirangko an·chingko dakgipa Isolchi mande sakantini bimango see donaha. Ua seanirang haida delmrumru dake nikna aro dak nanga gita ong·naba donga, indiba ian uano dongkuenga. Uarang baksa ku·cholsan ong·e dongna an·chingara ong·atako man·aha. Jensalo an·ch·ng uarangko simsakjahaon, uni bitede pangnan gisko jajrenganio, tomtomgija ong·anio, aro duko ong·egen – jedake simsakgija gariko salanio namen namjabegipa saknaani ba siani ong·na man·a.

“Jakgitelni niamchi bichal ka·ako man·nasigiparang gita, na·simang indaken aganbo aro indaken dakbo” (Jakob 2:12).

Aganchakani: Maina Ge·eta Mingchikkung niamara pangchakani niam ong·a jechin Isol manderangko salgio bichal ka·anio sandianiko dakgen.

5. Isolni niamko (Ge·eta Mingchikkung) dingtangatna ba ra·galna man·ama?

       “Indiba niamoni on·timinti chu·sokgijana batede salgi aro a·a gimaan altubata” (Luk 16:17). “Angni songgigrikaniko anga ramram dakjawa, aro angni ku·chilrangoni ong·katgipako anga dingtang dakjawa” (Gitrang 89: 34). “Uni jakrangni kamrang bebe ong·ani aro bichal ka·ani ong·a; Uni pilak ge·ete donarang ka·dongchakani ong·a. Uarangko jringjrotna kingking mangrakataha; bebe ong·ani aro sronganio uarangko dakaha” (Gitrang 117:7,8).

Aganchakani: Ong·ja. Sastroo namen rongtalbea je Isolni niamko dingtangatna man·ja. Ge·etanirang Isolni rongtalgipa cholonni niamrangko parape·aha aro uan Uni songnokni pangchakani ong·a. Isolni donga dipet uarang bebegipa ong·gen.

Ia noksao an·chingna mesokaniko daka je Isol aro Uni niamo apsangipa cholonrang donga, jean Ge·eta Niam Mingchikkungara Isolni chong·motgipa cholonko parape·a, jekon an·ching Isolni gimin nambate tosusae nina man·gen. Isolko salgioniko salongkatjaskalde aro Uko dingtangatjaskalde, Isolni niamko dingtangatna man·ja. Niamara maiachim uko Jisu an·chingna mesokaha – mandeni gita aganode, uan rongtale janggi tangani ong·a. Isolni cholonko dingtangatna man·ja; uni gimin Uni niamkoba man·ja.

6. Jisu a·gilsako dongmitingo Isolni niamko ra·galahama?

“Anga niamko aro katchinikgiparangni kattako gimaatna re·baaha ine dachanchi; gimaatna re·baja, indiba chu·sokatna…A·a aro salgi gimajana kingking, pilakan ong·jaskal niamoni on·timintiba gimajawa” (Mati 5:17,18).

7. Isolni ge·etanirangko ma·sie pe·jringgipa manderang jokatako man·genma?

“Papni dormaha sia” (Romrangna 6:23). Ua papirangko gimaatgen (Isaia 13:9). “Maina saoba niam gimikko manie mingsao ja·gidote, pilakni gimin gro nanggipa ong·aha” (Jakob 2:10).

Aganchakani: Ge·eta Mingchikkung an·chingko rongtala janggio tangna re·dila. An·ching ge·etanirangoni mingsako manijaode, an·chingara nangchongmotgipa Isolni niamni gimin mesokani bakna simsakjaenga. Nangrimatgipa dingsa sliting chotode, chu∙gimik miksonganian matchotjawaha. Sastro indine agana jensalo an∙ching Isolni ge∙etaniko u∙ie pe∙ahaon, an∙chingara pap ka∙enga (Jakob 4:17) maina an∙ching Uni an∙chingna skaniko jegalaha. Jerangan Uni namnikako dakgiparangsan salgini songnoko napna man∙gen. Beben, Isol chong∙mot onge gisik pilgipa aro uko dingtangatna man∙gipa Kristoni bilko ra∙chakgipa sakantikon kema ka∙gen.

       “Isolna kenbo, aro Uni ge∙etanirangko manibo; maina ian pilak mandeni dakna nanggni” (Aganpraka 12:13). “Maina niamchi paprangko u∙iani ong∙a” (Romrangna 3:20).

Aganchakani: Maina Kristian mandeni janggi tanganio “dakna nanggni” de Isolni niamo dongaha. Bilsidok ong∙gipa me∙a bi∙sa jean an∙tangko sason ka∙gipa dakaha, aro an∙tangni ma∙gipana an∙tangko feet 12 changroa ine aganaha gita, an∙ching an∙tangtangko toe agananide, mamungsaloba naljokani dongja. Isolni niamko namedake niatjaskalde, an∙ching papirang ong∙a ine u∙ina man∙ja. Niamko rakkina simsakjaoba, nama kamrangan an∙tangtangni janggi jokaniko man∙na dakchakgen ine bang∙batan chanchia (Mati 7:21-23). Indake, uamang toromi aro jokgiminrang ong∙a ine chanchia indiba uamang papibegipa aro gimagiminrang ong∙aha. “Aro an∙ching uko u∙ia ine iachi, chong∙motan an∙ching Uni ge∙etanirangko maniode” (1 Johan 2:3).

“Anga Antang niamrangko uamangni gisik dongen, aro uarangni katongo uarangko segen” (Ibri. 8:10). “Angko bilakatgipao anga pilakkon dakna ama” (Philipirangna 4:13). “Isol An∙tang Depanteko papi be∙enni bimang gita aro papni gimin watate…maikai… Gisik gita re∙ruragiparang an∙chingo niamni ge∙etako chu∙sokatgen” (Rom. 8:3,4).

Aganchakani: Kristo gisik pil∙gipa papirangkosan kema ka∙aijaha, Ua uamangko Isolni bimangonaba man∙pilatna dakchaka. Ua uamangko Uni niam baksa Uni blini dongpaanichi nangrimaniona ra∙bara. “Na∙a daknabe” ingipaan Kristian mandeko cha∙ujawa, tol∙jawa, so∙otjawa ine ku∙rachakani ong∙ata, maina Jisu an∙chingni gisepo donggen aro sasono dongen. Isol An∙tangni niamko dingtangatjawa, indiba Ua Jisuchi papi mandeko dingtangatna cholko on∙a jedakode an∙ching ua niam gita janggi tangna man∙gen.

“Maina [Papko ka∙gipa sakantian niamkoba pe∙a – 1 Johan 3:4] pap na∙simangni kosako   gitel ong∙jawa; maina na∙simang niamni ning∙o ong∙ja, indiba ka∙saani ning∙o. Indide mai? Niamni ning∙o ong∙gija ka∙saani ning∙o ong∙ani gimin an∙ching pap ka∙genma? Ong∙jachina” (Romrangna 6:14,15). “Indide an∙ching bebera∙achi niamko indin ong∙aiatama? Ong∙jachina. Indiba an∙ching niamko mangrakata” (Rom. 3:31).

 Aganchakani: Ong∙ja! Sastrode uni bikpilesa skiskara. Ka∙sachakaniara governorni koedina kema wataniko on∙ani gita ong∙a. Ian uko kema ka∙a, indiba ian minggipin niamko pe∙na jakgitel on∙ani ong∙ja. Kema ka∙ako man∙gipa mande, ka∙sachakanio donge, an∙tangni janggi jokanina mitele Isolniniamko rakkiangkuna sikgen. Je mandean, an∙tangko ka∙sachakaniosa dongenga ine agane, Isolni niamko rakkina jechakode, uade namen gualaniko dakaha.

12. . Isolni Ge∙eta Mingchikkungrangko Niam Gitaloba ra∙chakaniko dakahama?

Aganchakani: Oe – aro namen rongtalbee talataniko daka. Ka∙mao on∙gipa kattarangko namedake simsake niatbo:

NIAM GITALO ISOLNI NIAM

1. “Na∙a an∙tang Isol Gitelko olakkibo, aro ukosan manibo” (Mati 4:10).
2. “Dederacharang, na∙simang an∙tangtangko mitel dakanioniko rakkibo: (1 Johan 5:21). “Uni gimin Isoloni atchigipa ong∙eba, an∙ching mandeni changachi aro chanchiachi sona, rupa, ba ro∙ongko sol∙a dakgimin gita Isolko chanchina nangja” (Wat. 17:29).
3. “Maikai Isolni bimung aro skiani kal∙stapako man∙jawa” (1 Tim. 6:1).
4. “Maina salsnini gimin ua banoba indake aganaha. Aro Isol ua salsni salo an∙tang pilak kamrangoni neng∙takaha. Indide Isolni manderangna neng∙takani sal dongenga. Maina Uni neng∙takanio napgipa, Isol kamtangoni gita an∙tangba kamtangoni neng∙takaha” (Ibri. 4:9,10).
5. “Ma∙ako aro paako mandera∙bo” (Mati 19:19).
6. “Mande so∙otnabe” (Romrangna 13:9).
7. “Tileknabe” (Mati 19:18).
8. “Cha∙unabe” (Romrangna 13:9).
9. “Na∙a tol∙e sakki on∙nabe” (Rom. 13:9).
10. “Na∙a mikboknabe” (Rom. 7:7).

NIAM GITCHAMO ISOLNI NIAM

1. “Angna agre nang∙ni gipin isolrang dongjachina” Reo. 20:3).
2. “Na∙a an∙tangna kitgimin mite dakaniko, ba kosako salgio donggipa, ba ka∙mao a∙ao donggipa ba a∙ani ningo chio donggipa mamungni bimangko daknabe: na∙a an∙tangko uamangni mikkango tuchikopatnabe, aro na∙a uarangna dangdike on∙nabe; maina anga Jihova nang∙ni Isol sanalgipa Isol, pagiparangni namgijana dedrangni kosako, angko mitchigiparangni gitamgipa chasongni kosako, aro brigipa chasongni kosako sasti on∙gipa, aro angna ka∙sagiparang aro angni ge∙etanirangko manigiparangna, hajal hajalrangna ka∙sachakako mesokgipa ong∙a” (Reo. 20:4-6).
3. “Na∙a Jihova nang∙ni Isolni bimungko indinari ra∙nabe; maina Jihova uni bimungko indinari ra∙gipako namgija gri ine injawa” (Reo. 20:7).
4. “Uko rongtala ine rakina neng∙takani salko gisik ra∙bo. Sal dok na∙a gambo, aro nang∙ni pilak kamko ka∙bo; indiba snigipa sal Jihova nang∙ni Isolna neng∙takani ong∙a: uno na∙a mamung kamkoba ka∙nabe, na∙a, aro nang∙ni depante, aro nang∙ni demechik, nang∙ni nokol me∙asa, aro nang∙ni nokol me∙chik, aro nang∙ni jillanirang, aro nang∙ni guareni do∙garangni ning∙oni mande agital; maina saldoko Jihova salgi, aro a∙ako, sagalko, aro uarango donggipa pilakkon dakaha, aro snigipa salo ua neng∙takaha; uni gimin Jihova neng∙takani salko patiaha, aro uko rongtalataha” (Reo. 20:8-11).
5. “Nang∙ni ma∙ako aro nang∙ni paako mandera∙bo, maikai nang∙ni Isol Jihovani nang∙na on∙gimin a∙songo nang∙ni salrang bakrona man∙gen” (Reo. 20:12).
6. “Na∙a mande so∙otnabe” (Reo. 20:13).
7. “Na∙a til∙eknabe” (Reo. 20:14).
8. “Na∙a cha∙unabe” (Reo. 20:15).
9. “Na∙a nang∙ni songsulna tole saki on∙nabe” (Reo. 20:16).
10. “Na∙a nang∙ni songsulni nokna mikboknabe, na∙a nang∙ni songsulni jikgipana, ba uni nokol me∙asana, ba uni nokol me∙chikna, ba uni matchuna, ba uni gadana, ba nang∙ni songsulni mamungnaba mikboknabe” (Reo. 20:17).

Aganchakani:  Ong∙ja – uarang apsan ong∙ja. Uarangni dingtanggrikaniko ka∙maoniko poraibo:

Moseni niamo pangkamgijagipa Niam Gitchamni niam donga. Ian kamalni dangdike on∙ani, hom bolirangko on∙ani, niamrang, on∙anirang aro gipinrang…jerangan chisolko mesoksoaha. Ia niamko Bitchri re∙bakujana kingking” on∙dapaha, aro ua bitchriara Kristoan ong∙achim (Galatirangna 3:16,19). Moseni niamni hom boli aro manianirang Kristoni sichakaniko mesoksoaha. Jensalo Ua siahaon, ia niam bon∙atako man∙aha, indiba Ge∙eta Niam Mingchikkungko (Isolni niam) “jringjrotna kingking mangrakataha” (Gitrang 111:8). Uano niam rokom gni donga rongtalbeen Daniel 9:10,11 o talataniko dakaha.           

U∙iatani: Isolni niam pap dongadipet donggen. Satro agana, “Niam donggijao niamko pe∙aba dongja. (Rom. 4:15). Uni gimin Isolni Ge∙eta Mingchikkungde a∙bachengonin donga. Manderang ua niamko pe∙aha (papko ka∙aha – 1 Johan 3:4). Papni a∙sel (Isolni niamko pe∙aha), Kristoni re∙bae sichakjana kingking Moseni niamko on∙aha (“on∙dapaha” – Galatirangna 3:16,19). Rokomgni niamrang donga: Isolni niam aro Moseni niam.

Aganchakani: Isolni niamko rakkigiparangko diabol mitchia maina ua niamara kakkete janggi tangna mesokani ong∙a, uni gimin Isolni niamko rakkigiparangni kosokako uni bilaken jegalaniko dakani gimin aiao inmanna nangja. Isolni niamni kosako uni dakgrikanio, Ge∙eta Mingchikkungko jegalchina aro mandeni dongimin niamrangko ja∙rikchina dilgiparangko jakkalgen. Jisu indine aganaha, “Na∙simang an∙tangtang chasong chasongni niamni gimin maina Isolni ge∙etako pe∙a?..Indiba uamang angko olakkigramaia, skianirang ine manderangni ge∙etanirangko skie” (Mati 15:3,9). Aro Daud aganaha, “Jihovani kam ka∙ani sal ong∙a; maina Nangni niamko uamang bingbangataha” (Gitrang 119:126). Kristianrang mikrakna nangaha aro Isolni niamko chong∙motgipa uamangni ka∙tongrangni aro janggirangni biapo donna nangaha.

15. Kristian mandena Ge∙eta Mingchikkungko manina nanga ine na∙a bebera∙ama?

Nang∙ni Aganchakani: ______________________________________________________________________________________________________________

Nang∙ni Sing∙anirangna Aganchakmanaha

1. Niamo gualani donga ine Sastro aganahama?

Aganachakani: Ong∙ja. Manderangosa gualani donga ine Sastro aganaha. Isol “uamango gualaniko” man∙aha (Irbi. 8:8). Aro Romrangna 8:3o Sastro agana je niamara “be∙enchi bil griani gimin, dakna amjaha.” Ian pangnan apsangipa aganani ong∙gen. Niam chu∙soka, indiba manderangosa gualani donga, or bilgria. Uni gimin Isol An∙tangni Depanteko manderangni gisepo donganiko nangnikahachim “maikai be∙en gita re∙ruragija Gisik gita re∙ruragiparang an∙chingo niamni ge∙etako” Kristoni dongpaanichi “chu∙sokatgen” (Rom. 8:4).

2. Jensalo Galatirangna 3:13 o aganani gita an∙chingara niamni matnangaoni piokako man∙aha ine aganon ian maiko miksonga?

Aganchakani: Niamni matnanganiara sianian ong∙a (Rom. 6:23). Kristo “darangni a∙sel siako” (Ibri. 2:9) cha∙totaha. Indake Ua pilakkon niamni matnangaoniko (siako) piokaha aro uni biapo jringjrotni janggiko on∙skaaha.

3. Kolosirangna 2:14-17 aro Ephesusrangna 2:15 o agangipa kattarangara Isolni niamko chisolsako bon∙ataha ine skiama?

Aganchakani: Ongja. Iano agangipa kattarang “Moseni niamkosa” aganenga, je niaman hom boli on∙ani aro kamalni kam ka∙anirangan ong∙a. Ia pilak niamrang aro boli on∙anirang Isolni nangnika gita chisolsako Kristoni sichakanio bon∙ataha. Moseni niamko “bitchri sokbajana kingking” on∙dapaha aro ua “bitchri…Kristo” ong∙a (Gal. 3:16,19). Isolni niamde iano bak dongna man∙ja, maina Paul iani gimin rongtala, kakket, aro nama ine Kristoni chisolsako sichakani bang∙a bilsirangni

ja∙mano aganaha (Rom. 7:7,12).

4. Sastro agana, “ka∙sara niamko chu∙sokatani ong∙a” (Rom. 13:10). Mati 22:37-40 rango an∙chingko Isolna ka∙sachina, aro songsulrangna ka∙sachina ge∙etaniko daka, aro ia kattarangchi matchotata, “Ia ge∙eta minggnion darang niam aro katchinikgiparangni agana pangchaka.” Ia ge∙etanirangara Ge∙eta Niam Mingchikkungni biapko ra∙skaahama?

Aganchakani: Ong∙ja. Ge∙eta Niam Mingchikkung an∙chingni ge 10 jaksirang an∙chingni jak samgnio jedake dingdee donga gita ia ge∙eta minggnio dingdee donga. Uarang dingtangna man∙ja. Isolna ka∙saanian skanggipa mingbri ge∙etanirangko rakkina dakchaka (jean Isolni gimin chanchiani ong∙a) namnikani onga, aro an∙chingni songsulna ka∙saani geeta migdokko rakkina dakchaka (jean an∙chingni songulna chanchiani ong∙a) ian katchaani ong∙a. Ka∙saani niamko ramramgipa bamaniko ra∙anganichi aro niamko ka∙sroke manianichi chu∙sokata (Git. 40:8). Jensalo an∙ching chong∙mot ong∙e mandena ka∙saaon, uni mol∙molanirang katchaani ong∙skaa. Jisu aganaha, “Angna ka∙saaode, indide na∙simang angni ge∙etanirangko manibo” (Johan 14:15). Uni ge∙etanirangko rakkigija dakede Gitelna ka∙sana man∙ja, maina Sastro agana, “Maina ian Isolna ka∙sara, chong∙motan Uni ge∙etanirangko mania, aro Uni ge∙etanirang jrimja” (1 Johan 5:3). “Anga Uko u∙ia ine Uni ge∙etanirangko manigijagipa, ua tol∙gipa aro uno bebe dongja” (1Johan 2:4).

5. Ro∙ongo kite segipa niamko ra∙galna nangachim ine 2 Korinthirangna 3:7 skiahama?

Aganchakani: Ong∙ja. Segipa kata indine agana, “Moseni mikkangni chon∙changgipa rasongni” dangdike on∙ani niam bon∙atako man∙na nanggenchim. 2 Kor. 3:3-9 o segipako chugimikan namedake poraibo. Iano mongsonggipa ja∙pang kattade niamko ra∙galani giminde ong∙ja, indiba, rong∙plengrangni niamko ka∙tongrangni plengrangona dingtangatani giminsa ong∙a. Moseni dangdike onani somoio niam rongplengrango seachim. Gisik Rongtalgipa dangdike on∙anio, Kristochi, niamara ka∙tongo seako man∙skaha (Ibrirangna 8:10). Skul bulletin boardo segipa niam jensalo poraigipani ka∙tongo naposanmangmang chu∙sokatna bil gnanggipa ong∙gen. Apsandake, Isolni niamko rakkianichisan katchae aro kasroke janggi tanggen maina Kristian mandeo Isolna aro mandena chong∙motgipa ka∙saani donga.

6. Romrangna 10:5 o agana, “Kristo niamni bon∙kama ong∙a.” Indide, ian bonahama?

Aganchakani: Ia podo “Bon∙kama” ingpa kattara Jakob 5:11 o agana gita miksongani ba mangsongani ine orto ong∙a. Ortode rongtalbea. Manderangko Krisitoona dilna – jeon uamang toromi ong∙na man∙gen –ian miksongni, mangsongani, ba niamni bon∙kama ong∙a.

7. Maini gimin bang∙a manderang Isolni niamchi kaaniko jechaka?

Aganchakani: “Maina be∙enni chanchiara Isolna bobil ong∙ani ong∙a; maina ua Isolni niamna bamja, aro amaba amja; aro be∙eno ong∙giparang Isolko namnikatna amja. Indiba na∙simango Isolni Gisik dongode, na∙simang be∙eno ong∙ja, indiba Gisiko. Indiba saoba Kristoni Gisikko man∙jaode, ua unin ong∙ja.”

8. Niam Gitchamni toromi manderang niamchi jokataniko man∙ahama?

Aganchakani: Darangba niamchi jokatako man∙jaha. Jerangan chasongjolon jokatako man∙aha ka∙sachakachi jokatako man∙aha. “Ka∙saa gita, jeko Kritsto Jisuo jringjrotni salna skang an∙chingna on∙aha” (2 Tim. 1:9). Niam papkosan mesoke ona. Kristosan jokatna mana. Noah “Jihovani nikao ka∙saaniko man∙aha” (Abachenga 6:8); Mose ka∙saaniko man∙aha (Reo.33:17); Bakrao Israelrang ka∙saaniko man∙aha (Jeremia 31:2); aro Abel, Enok, Abraham, Isaak, Jakob, Joseph, aro banga Niam Gitchamni gipin manderang Ibrirangna 11 o gita “bebera∙achi” jokatako man∙aha. Uamang chisolko nichaksoachi jokatako man∙aha, aro an∙ching, uko nipilatanichi jokatako man∙aha. Niamara nangchongmotgipa ong∙a maina, janera gita, ian an∙chingni janggi tanganirangni “moila” ko paraka. Ia gride, manderang papirang ong∙a aro uni gimin mamung u∙isamsoani dongja. Indioba, niamo jokatani bil dongja. Ian papko mesoke on∙nasan man∙aia. Jisu aro Uasanmangmang, mandeko paponiko jokatna man∙a. Ian Niam Gitchamni somoirangoba pangnan bebe ong∙ani donga (Wat. 4:10,12: 2 Timothy 1:9).

9. Maina niamni gimin jajrenga? Chanchie kam ka∙anian jokatna re∙dilgipa ong∙jama?

Aganchakani: Ong∙ja! Sastro namgija chanchiani, ong∙sigimin chanchiani, aro gitik gitak dake chanchiani gimin agana – ia pilakoba naljokani dongja. “Ka∙tongtangna ka∙donggipa gisik  seng∙gijagipa ong∙a” (Toe Skiani 28:26).

See Rakkianirang:  __________________________________________________

Nipiltaianiko Dakani

(1)  Ge∙eta Niam Mingchikkungko (1)

_______ Isolchi seachi

_______ Mosechi seaha

_______ U∙igijagipa mandechi seaha

(2). Sastro gitade, papara (1)

 _______ Mandeo chu∙onggijani gimin ong∙aha

 _______ Isolni niamko pe∙ani gimin ong∙aha

 _______ Jeba guale dakani gimin ong∙aha.

(3) Isolni niamni gimin bebe onganiko ka∙mao agangipa kattarangoni

     sandianiko dakbo: (4)

_______ Ian kusi dongna chusokgipa dilani onga.

_______ Janera gita, ian papko mesoke on∙gipa ong∙a.

 _______ Ian baljrimgipa aro ka∙saninggija dakgipa ong∙a.

_______ Ian angko namgijaoniko chelchakgen.

_______ Isol gita ian apsangipa cholon bewal donga.

_______ Iako Niam Gitalode bon∙ataha.

_______ Ian sao ba matnanganisan ong∙a.

(4.) Isolni Ge∙eta Niam Mingchikkung: (1)

 _______ Niam Gitchamni somoirangnasan ong∙achim.

_______ Jisuni chisolsako sichakon ra∙galaha.

_______ Dingtangatna man∙gijagipa ong∙a.

(5.) Bichal salo, anga iako dakode jokatako man∙gen: (1)

_______ Anga namgipa kamrangko dakjringode.

_______ Ge∙eta Niam Mingchikkungko manioba ba manijaoba, anga Isolna ka∙saaode.

_______ Angni Jisu baksa ka∙saanichi nangrimanian angko Uni pilak Ge∙etanirangko manina dilanga.

(6.) Manderang (1)

_______ Niamko rakkianichi jokatako man∙aha.

_______ Niamko pe∙anichi.

_______ Jisu Kristochisan mangmang jokatako man∙a ama.

(7.) Gisik pil∙gipa chong∙motgipa Kristianrang (1)

_______ Isolni niamko Kristoni bilchi rakkia.

_______ Niamko rakkija maina ian bon∙atako man∙aha.

_______ Ge∙etaniko manina nanganian dongjaha ine chanchia.

(8) Ka∙sachakanio donggipa mande (1)

_______ Pap ka∙jaoba Ge∙eta Niam Mingchikkungko pe∙na man∙a.

_______ Ian niamko maniaoniko jakgitelataha.

_______ Isolni ge∙etanirangko katchae rakkigen.

(9) Ka∙saani niamko chu∙sokata maina (1)

_______ Ka∙saani niam baksa kam ka∙aha.

_______ Chong∙motgipa Isolna aro manderangna ka∙saanian niamko manina katchaata.

_______ Ka∙saanian bamanina bate nangchongmota.

(10) Moseni niam (1)

_______ Isolni niam gitan apsan ong∙a.

______ Maniani niamrang aro boli on∙anirang, jean Kristoko mesokaha ar chisolsako bon∙ataha.

_______ Jringjrotna rakkina ba manina nanganirang ong∙a.

(11) Ge∙eta Mingchikkungko manigipa manderang (1)

______ Pilakan niamko kingkot dake manigiparang ong∙a.

_______ Daibolchi jegalako man∙gen, jean Isolko aro Uni niamko mitchia.

_______ Niamko rakkianichi jokatako man∙giparang ong∙a.

(12) Kristo aro niamni gimin agananirangna sandianiko dakbo: (4)

_______ Jisu niamko peaha.

_______ Jisuan niamko rakkina man∙a ine mandeni jatna chu∙sokgipa dakmesokgipa ong∙a.

_______ Jisu niamko ra∙galaha.

______ “Na∙a angna ka∙saode, indide Angni ge∙etanirangko manibo” ine Jisu aganaha.

_______ Jisu niamko dal∙ataha aro ian pilak rokom pap ka∙anirangko man∙gopaha ine mesokaha.

      _______ Jisu aganaha je niamko dingtangatna man∙ja.

(13).  Kristian mande Isolni Ge∙eta Mingchikkungko katchae manigen ine anga bebera∙a, aro anga Jisuko an∙tangni janggi tanganiko gipinrang baksa apsan ong∙aniona ra∙bana dakchakchina bi∙enga.

_______ Ong∙a.

_______ Ong∙ja