Tinre uni doe beret’ena khan ac’ren gidrạ do raṛec’ge ar goc’geye ńamkedea, Uni maejiu do ona Kandhare tahẽkan eṭak’ maejiuren gidrạ doe ạgukedea ac’ṭhen ar ac’ren goc’ gidrạ do uni ṭhene idi oṭokadea. Tayomte eṭak’ic maejiu doe beret’ena ar goc’akan gidrại ńelkedete ạḍi ãṭe rak’keda. Menkhan uni gidrạ mońjte ńelkedeteye baḍaekeda je uni do ac’ren gidrạ do baṅkanae mente. Ona kandha hana nakhare, Uni do ńel ńamekan tahẽna je ac’ren gate do ac’ren gidrạ keṭek’te sabkade tahẽna.

Nitok’ do raj samaṅre banar maejiukin tegoyena, ar jiwet’ gidrạ lạgit’kin repejok’kan tahẽna. Mit’ṭen doe menkeda “Nui gidrạ do ińren kanae!”.

“Baṅ, goc’ gidrạ do amren kanae!” eṭak’ic doe birudkeda. Raj do cet’lekateye mena je okoeṭak’ do sạriyic’ gogo kanae mente? Solomon do unkinak’ ropoṛe thirket’tạkina ar ac’ren gutiye metadea mit’ṭen tarwaṛi ạgu katek’ nui gidrạ do bar ṭukrạyem mente menkeda. Ehopre sipạhidoe hudiskeda je raj doe landawańkana, menkhan Solomon do ac’ren digdhạkan sipạhiye beṅget’adea. Khan sipạhi do ac’ak’ laser ar jhalkaok’an tarwaṛi oḍok’ket’te uni maejiusec’ taṛam lahaena oke do jiwet’ gidrại hoborkade tahẽna. Khange sạriyic’ gogo do raj ṭhene ńurente menkeda, “Unige jemon gidrạ doe hataowema, menkhan alom gojea!” menkhan eṭek’ic’ maejiu doe menkeda, “Mak’ ṭukrạyem jemon unirenhõ se ińrenhõ aloe huuyuk’ma.” Nitok’ do Solomon begor digdhạteye baḍaekeda je okoe do uni gidrạren sạri gogo do kanae mente.

Nạbi kathare maejiu do mit’ṭen manḍer reak’ cinhạ kanae (Jirimia 6:2). Mucạt’ dinre ạḍi ḍher manḍer saote, cet’lekatebon pachnaokea sạriak’a manḍer do okare do jiwet’ hopon menaea, eṛe manḍer khon do? Solomonleka, abo do Isorak’ katha reak’ tarwaṛe beohar huyuk’ tabona (Ibriko 4:12)!

PAṚHAO

Mimit’ Bạibel kạliko paṛhao tayom khạli ṭhạiko perejpe.

1. Johan Sodor do Isorak’ manḍer cet’ lekae uduk’eda?

Johan Then Sodorak 12:1, 2, 5 Siń candote oyoakan mit’ṭen _____, ar ńindạ cando do uniak’ jaṅga latarre, ar uniak’ bohok’re do gel bar ipilko reak’ mit’ṭec’ mukuṭ menak’taea. Uni doe hoṛmoakana are kikiạueda bedonedete ar bijhạuk’ sasette. … Ar uni maejiu do mit’ṭen koṛa _____ janamkedea, one uni do sanam boṅgan hoṛ jạtrenko mẽṛhẽt’ _____ _____ calaoko; ar uniren gidrạ do Isor ṭhen ar uniak’ siṅghạson ṭhene ạtkir idi ocoyena.

Dhean: Bạibel reak’ nạbi kathare, Isorak’ manḍer do mit’ṭen nitphuṭ’ maejiu hotete sodorakana (Jirimia 6:2). Johan Then Sodorak 12 re, nui maejiu do siń cando, ńida cando ar ipilkoe horok’akana-Isorak’ sirjon reak’ marsaltege. Jisu do, manḍerenkoe menakat’koa, “Apege dhạrtiren marsalko kanape.” Mathae 5:14. Siń cando do Jisuak’ marasale sodoreda (Sereńko 84:11; Malaki 4:2). Ac’ak’ jaṅga latar reak’ ńida cando do mare niạm reak’ dãṛẽ samaṅkoe sodoret’kan tahẽna. Cet’leka ńindạ cando do siń cando reak’ marasale sodoreda, onkage dãṛẽ samaṅ ạn do daraekan hijuk’ic’ Mạsiak’e uduk’ekan tahẽna. (Kolossiko 2:16, 17; Ibriko 10:1). Ac’ak’ bohok’ cetanren gelbar ipilko do manḍer reak’ ạk’yure sodoret’tahẽna- mare niạmren gelbar jạtko ar nawa niạmren gelbar jạtkoe sodoret’ko tahẽna. Loha reak’ ṭhengate sanam jạtrenko ạk’yuric’ do Jisu kangeae (Sereńko 2:7-9; Johan Then Sodorak 19:13-16).

2. “Maraṅ arak’ biń” do okoe kanae, ar uni do cet’ cekae lạgit’e kurumuṭueda?

Johan Then Sodorak 12:9 Ar uni maraṅ biń doe giḍi ńũrhạ ocoyena, uni mare bińge, one okoe _____ ar _____ ńumogok’kan.

Johan Then Sodorak 12:4 Ar uni biń do uni jak’nam lạgidok’kan maejiu samaṅreye teṅgoyena, jemone janamlere uniren gidrại _____ _____ _____ .

Dhean: Uni biń do soetan kanae, okoe do Jisu janamok’ okte khon boṅga sewa Rom raj hotete kạmiyet’kan tahẽna. Soetan do Herod hõe bulạukedea, mit’ṭen Romiko lataren ạk’yuric’, Betlehemren sanam kạtic’ gidrạko goc’kote bale Jisu goje kurumuṭuledae (Mathae 2:16).

3. Cet’ huiena tinre Soetan do Jisu bae nosṭo daṛeadea?

Johan Then Sodorak 12:5 Ar uniren gidrạ do Isor ṭhen ar uniak’ siṅghạson  ṭhene _____ _____ ocoyena.

Dhean: Uniak’ jiwet’ beret’ tayom, Jisu do serma ar Isorak’ siṅghạsonte rakap calaoena (Apostal Kamiko 1:9-11), okare do soetan bae tiyok’ daṛeaea.

4. Jisu do sermate rakap calak’ tayom, Soetan do manḍer cet’e cekakeda?

Johan Then Sodorak 12:13 Ar biń do dhạrtiteye giḍi ńũrhạ ocoyene ńelket’ khan, uni maejiue _____, one uni koṛa gidrại janamlede.

Dhean: Tinre soetan do ac’ak’ raṅgao Jisu cetanre bae oḍok’ daṛeada, uni doe hudiskeda Jisu kosṭoe emaea ac’ak’ raṅgao kạlisiạ cetanre udok’ katek’.

5. Noa botoran santhao oktere okate uni maejiu do calaoena? Tinạk din hạbic’ tahẽkana?

Johan Then Sodorak 12:6 Ar uni maejiu do _____ dạṛkeda, one okare Isore tearakawade ṭhạ̃i menak’tae, jemon onḍeko ạsule mit’ hajar bar sae turui gel dinge.

Dhean: Maejiu do (Isorak’ Manḍer) hahaṅkarteye dạṛkeda (Dhạrti reak’ oko jaegare) calaoena ac’ren bạiri khon okok’ lạgit’. Noa do mit́ṭen itihas kana ńut reak’kal oktere huilena, Isoren hoṛko do nisun jaegateko dạrkeda, Amerika reak’ daṛe hõko dạṛjoṅkeda, dhorom reak’ sạdhin ńam lạgit’ Rom raj ṭhẽnkhon. 1260 serma din do (Bạibelre do 42 mãhã mentehõ uduk’akana se pe serma adha menkatek’hõ) Noa do ạḍi bạṛic’ 1260 bochore sodoreda okare do lakh lakh hoṛkoko goc’ena akoak’ pạtiạu khạtirte. Noa somoe oktere, Isorak’ manḍer do jiwet’ge tahẽk’kana menkhan ona do ńelok’kan mit́ṭen saṅsthaleka do baṅ tahẽkana. (Bodolte ńeltabonpe bisoetet’ “Santhao ocolen Bochorko.”)

6. Isorak’ sạri manḍer reak’ onkan eṭak’ak’ barea cinhạko do cet’ kana?

Johan Then Sodorak 12:17 Ar uni biń do maejiu upạrteye raṅgaoena, ar uni bõsren sarec’ko tuluc’ lạṛhại lạgit’e calaoena, one onko Isorak’ _____ dohoyet’ ar Jisuak’ _____ menak’tako.

Dhean: Isorak’ ses Kạlisiạre, Isor do ac’ren hoṛkoe hohowako kana, onko do Isorak’ ạnkoko dohoea (Ona Sabbath reak’ ạn hõ). Onko ṭhen do Jisuak’ goha hõ tahẽna, okaṭak’ do nạk’bi reak’ Jiu kana (Johan Then Sodorak 19:10). Isor do ac’ak’ mucạt’ kạlisiại hohowako kana “Sarec’akan sonot’ko,” cedak’ je ona do akoak’ biswạkore urumok’ako apostolkoak’ manḍerleka. Mit́ṭen “Sonot kạlisiạ” do mucạt’re sarec’ akan kicric’ reak’ bakhra kana. Ona do ekalte onalekage oka do pạhilak’ moṭra khon hataoleda.

7. Cet’ leka Jisu doe meneda je aboak’ dulạṛ do uni lạgit’bon sodoreda mente?

Johan 14:15 Ińpe dulạṛediń khan, ińak’ hukumkope _____ .

1 Johan 5:3 Ente noage Isor duk’lạṛ do, uniak’ _____ bon dohoege; ar uniak’ hukumko hamal do baṅ kana.

Dhean: Ehop reak’ aboak’ kạhnire, Solomon do sạriyic’ gogoe urum kedea uniạk’ sạri dulạr sodor ket’te. Nonka lekage, Isorak’ sạri kạlisiạ hõ urumok’a ac’ak’ dulạṛ ar monete hukum batao lekate.

8. Okaṭak’ pea dutak’ sombat’ do mucạt’ Manḍerren ko porcara?

A. Johan Then Sodorak 14:7 Isor botoraepe ar unige man emaepe, ente uniak’ _____ ghuṛi do seṭerkana; ar serma ar dhạrti ar jalapuri ar jharna dak’ko benaoket’ic’ge _____ .

B. Johan Then Sodorak 14:8 Ar inạ tayom mit’ṭen eṭak’ic’, metak’me, dosaric’ dute hec’ena, are menkeda, Lạnduṛena,_____ maraṅ _____ do, one ona ac’ak’ loṭghuṭi reak’ edre darkha rasa joto jạtrenkoe ńũ ocoakat’ko.

C. Johan Then Sodorak 14:9, 10 Ar mit’ṭen eṭak’ic’, metak’me, tesaric’ dut unkin tayomteye hec’ena, ar ãṭ aṛaṅteye menkeda, jãhãe hoṛ uni _____ ar uniak’ murhut’e sewawak’ khan ar ac’ak’ moloṅ se tire _____ hatao khan, uni do Isorak’ edre darkhan rasa hõe ńũia.

Dhean: Noko pea dut koak’ katha do sodorakana pea ạḍi jạruṛanak’ sombat oka do Isorren kạlisiạko porcara Jisui ruạṛ hijuk’ lahare.

9. Isorak’ manḍer do noa sombat’ do okoeko ṭhen ko porcara?

Johan Then Sodorak 14:6 One un mit’ṭec’ jaejugak’ bhage sombat menak’tae, dhạrtire tahẽnko ar _____ _____ _____ ar khũṭ ar pạrsi ar jạtrenko jạhirako lạgit’.

Dhean: Isorak’ mucạt’ somoe reak’ manḍer do dhạrtire tahẽnko mit’ke mit’ disomko ṭhenko porcara noa maraṅ pea sombat.

10. Isor do cet’ nonkanak’ bisestet’e emakana ac’ak’ kathare ac’ak’ ses kạlisia ńel orom lạgit?

A. Ona do ńelok’a ar ńelok’lekanak’e kạmia hahaṅkar khon 1798 re oḍon tayom (Johan Then Sodorak 12:6, 13-17).

B. Oni do ona sạriak’geye cet’akoa oka do apostolkoko cet’ak’ko tahẽna, ar noa reak’ sanam cecet’ak’ko do Bạibel saote jurik’a (Johan Then Sodorak 12:17).

C. Nui do Gel hukumkoe dohoea, Bạibel reak’ sabbath hõ (Johan Then Sodorak 12:17).

D. Nui ṭhen do nạbiko reak’ Jiu hõ tahẽna (Johan Then Sodorak 12:17; 19:10).

E. Nui do Isorak’ pea dutak’ sombat koe porcara ãṭ aṛaṅkote (Johan Then Sodorak 14:6-14).

F. Noa do goṭa dhạrtire pasnak’a (Johan Then Sodorak 14:6).

G. Nui do jaejug reak’ bhage sombat’e cet’akoa, oka doe meneda bańcao do eken Jisu hotetege (Johan Then Sodorak 14:6).

Dhean: Ạḍi ḍher manḍeren dulạṛiạ kristanko kanako menkhan onko do cetanre emakana eae goṭen bises cecet’ak’ko do bako senak’a. Enreho, onkanak’ manḍer do Isoren sonotko do bako hui dareak’a oka do uni ac’re pạtiạr gidrạkoe hohoako kana, cedak’ je mucạt’ manḍerrenko do noa sanam eae bisestet’koko mak’naoa.

11. Jisu do noa eae goṭen nạbiko reak’ uprume emok’ kana oka doe uduk eda are meneda, “Du calak’me ar ińak’ manḍer ńamme.” Amak’ ńambaṛae babot’te cet’e gok’akada?

Luke 11:9 Koepe, ado _____.

12. Noa dhạrti reak’ tinạk’ manḍeren saṅsthako do noa eae goṭen bises cecet’ak’re ko jurik’a?

Ephesiko 4:5 Mit’ Probhu,_____ _____ , mit’ bạptisma.

Dhean: Goṭa dhạrtire mit’ṭen manḍerge noa bises cecet’ak’ko saote do jurik’a – Ona do Seventh- Day Adventist manḍer oka do noa sombatkoe ạguieda apeko ṭhen. Oka do nitok’ noa maraṅ pea dutak’ bhage sombat’ Johan Then Sodorak 14:6-12 do porcareda goṭa dhạrtire. Lakh lakh hoṛ do ko aṅgoceda.

13. Ạḍi ḍher manḍerenko do kristan menteko menogok’a. Cet’ ona do onko Isorak sạri manḍerene benaoet’ko kana?

Jesaea 4:1 Ar eae goṭen maejiu enhilok’ do mit’ goṭen herel hoṛ jhuṭiạueteko mena, aleak’ _____ gele joma ar aleak’  _____ horok’ bandea, eken amak’ _____ ńumogok’ma, aleak’ henosta baṛe gucautaleme.

Dhean: Piṭha do Isorak’ katha reak cinhạ kana (Johan 6:35, 51, 52, 63), ar kicric’ do dhorom reak’ cinhạ kana (Johan Then Sodorak 19:8). Eae goṭen noa nạbi kathare do akoak’ piṭha akoṭhenge menak’takoa (Sạriak’ reak’ bicạr) ar onko do ạkoak’ kicric’geko dohoea (Dhorom). Onko do Mạsiak’ bin dagan dhorom reak’ kicric’ do bako khoja. Onko do eken Jisuak’ ńutumko ńuma, hui darek’a cedak’je ona do Bạibele meneda, “Ar eṭak’ jãhãere bańcao do bạnuk’anan, entek eṭak’ ńutum ho bạnuk’anec’ serma latarre manawako talare emakana, one onatebo bańcaok’.” Apostal Kamiko 4:12.

14. Hoṛ do mit’dom Isorak’ mucạt sạri manḍere ńamlekhan, cet’ onaren biswạsi huyuk’ do jạrurgea?

Apostal Kamiko 2:47 Ar Probhu do dinạmge bańcao ocok’ kankoe _____ idiket’koa.

Dhean: He, Isorak’ mucạt’ manḍer re ńutum tahẽn do jạruṛgea. Dheantabonpe Isor do cet’leka ńutum tahẽn reak’ bisoete kukli reak’ pusṭạute roṛ ruạṛe emok’kana:
• Abo do mit’ṭen hoṛmo lạgit’gebon hoho ocoakana (Kolossiko 3:15).
• Ona hoṛmo do manḍer kana (Kolossiko 1:18).
• Abo do ona hoṛmoṛe bạptismak’ lekatebon bolok’kana (1 Korinthiko 12:13).
Cet’leka Noahwak’ oktere Jahajre bolok’ jạruṛ tahẽkana onkage teheń Isorak’ manḍer re bolok hõ jạruṛgea. Probhui meneda, “Am ar joto am ghạrońjrenko, jahajre bolok’pe.” Genesis 7:1.

15. Noahwak’ oktere tinạk’ bańcaok’ lạgit’ pontha tahẽkana?

Ibriko 11:7 Biswạstege Noah … ac’ gharońjrenko bańcaoko lạgit’ mit’ṭen _____ tearkeda.

Dhean: Jisui meneda je ac’ak dosar hijuk’ lahare Noahwak’ oktelekage huyuk’a (Luke 17:26). Bańcaok’ lạgit’ do mit’ṭenge ḍahar huyuk’a, cet’leka Noahwak’ oktere mit’ṭenge Jahaj tahẽk’kana onkage.

16. Eṭak’ manḍerkore hõ ạḍi ḍher biswạsi kristanko menak’ko iạte ar Isorren do mit’ṭenge sonot manḍer menak’a, cet’ huyuk’ takoa nonko biswạsi kristankoak’ do?

Johan 10:16 Arhõ eṭak’ bhiḍiko menak’ kotińa okoe noa chaṛren doko baṅ kan; onko hõ _____ hoyok’tińa, ar ińak’ aṛaṅko _____ ar _____ khạṛko hoyok’a, mit’ gupiyic’ge.

Johan Then Sodorak 18:2, 4 Lạnduṛena, lạnduṛena, maraṅ Babel do, … E ińren _____, uni ṭhen ______ _____ , jemon uniak’ kạikore alope bakhra seledok’.

Dhean: Jisu do ac’ren sanam biswạsiko, sạrige pańjayeko do Babel khon oḍok’ hijuk’ lạgit’e hohoakoa. Onko do Uniak’ aṛaṅko ańjoma, jobabako, ar Uniak’ mit’ṭen sạri, mucạt’ okte reak’ manḍerre ko bolok’a.

Amak’ Roṛ Ruạṛ:

Jisu do teheń ame hohoamkana ac’ak’ maraṅ ses manḍerre bolok’ lạgit’. Uni lạgit’ amdo ạḍi damangeam. Cet’ am uniak’ hohom ańjoma?

Jobab: __________

Bodolte

Noa paṛhao do lahaseak’ paṛhak’ lạgit’te baḍaye emok’kana.
Santhao reak’ sermako
1260 serma reak’ santhao do Bạibelre ghạṛi ghạṛi emakana, cedak’ je itihaslekate noa do ạḍi bạṛic’ak’ge tahẽkana oka do Isoren hoṛko ńellet’ (Mathae 24:21). Noa do 1260 sermae uduk’eda se, 42 mahna, pe serma ar adha, se mit’ serma (Johan Then Sodorak 12:6,14; 13:5; Daniel 7:25). Jihudikoak’ kalenḍarko beohareda okare do 360 maha menak’a mit’ sermare, noa sanam pea do mit’lekanak’ somoege menet’kana-1260 serma. Nạbiko katha reak’ mit’ din do mit’ serma huyuk’ kana (Jeheskel 4:6; Numeri 14:34).
Ithas do pusṭạute meneda je Papesi se Roman katholik’ manḍer do 1260 sermae santhaoket’koa. Noa somoe do 538 A.D re ehoplena, Tinre Papel reak’ daṛe do maraṅena kristankoak’ disạmre roman sipạhi Jastinianak’ hukumlekate. Noare, Uni do Romren Bishop sanam manḍeren mukhiạ mente hukumadea. Noa ciṭhi do Jasitinianak’ ńutum huiena, ona disom reak’ ạn huiena. Ona okte do 1798 re mucạt’ena tinre Nepolian ren sipạhi, Alexander Berthier do, Pope sabkedea. Ona oktere 50 Million kristanko doko goc’ena noa santhao reak’ oktere.

Pea bises bisoe

Pea sạriak’ ạḍi bises jạruṛak’ oka do Johan Then Sodorak 12:10-12. Re emakana, noa sạriak’ko do:
1. Krusre Jisu do Soetane haraokedea boehako buk’lạuic’.
2. Abo jotokoge uni ṭhenkhonbon jitạu daṛeak’a Jisuak’ mãyãmte ar aboak’ gohako lại sodorte.
3. Soetan doe botorok’kana cedak’ je uni doe baḍaegea ac’ak’ somoe do thoṛagea. Abo do babon as daṛeak’a uni do mit’ṭen mońj hoṛleka beohara mente. Uni do aboren ạḍi bạṛic’ bạiṛi kantabona.
Sombat do noa kan je Jisu, okoe do soetane haraokedea, ac’ak’ daṛe mit’ṭen danleka aboe emabonkana. Aboak’ jionre Jisuak’ daṛete, babon harak’ak. Soetanak’ raṅgao do abo cet’ho bae ceka daṛeabona. Uni doe haraoakanic’ bạiri kanae. Uni do serma reak’ lạrhạire haraowena ar uni do lebet’ ńurhạ ocolena. Uni do Krusre Jisu hotete harao ocolena ar uni do ac’ak ektiạriye at’keda. Uni do khạṭigeye harao ocok’a bicạre, ar uni do ar hoe harao ocoak’ tinre uni do Isorak’ sonot nagrahae lạṛhạia. Mucạt’re, uni do norok’ seṅgelre sasetok’te dhạrti khone meṭak’a. Ar, sanam khon mońjak’ do, Jisu doe gok’akada je soetan doe harao ocok’a aboa bulạubon lạṛhạire. Jisu ṭhen khon abo lạgit’ tinạk’ mońj as reak’ sombat’ menak’a.