Nibukadnesar do unhạbic’ ac’ak’ baḍae ar rạskạte tirpit’geye tahẽkana-tin hạbic’ uni do Sadrak’, Mesak’ ar Abednegoak’ sandes bae ńamakat tahẽna je onko do uni benaoakade murti bako ḍobok’adea mente. Uni doe hahaṛaena cet’lekate jahãe hoṛ hukum bae bak’tao daṛekea, Nibukadnesar doe hudiskeda je nonko juạn koṛa do pasec’ bako bujhạuleda ińak’ hukum do. Ona iạte uni do ar mit’dom opsore emak’koa jemon uni murtiko ḍobok’ae-menkhan onko do bako ḍobok’adea! khan raj doe raṅgaoena. Uni do ac’ren gutiko ona seṅgel eae dom bạṛti tạpiste jul lạgit’e hukumak’koa. Cet’leka seṅgelre sunumko dulak’kan tahẽna, onko pea koṛa do baberte ạḍi uric’ko tolket’koa. Ar ona seṅgel reak’ elaṅ do unạk’ aṭ ge tahẽlena je okoe do onko koṛa sapkateko khadlet’ko onkoge jharkao katek’ko goc’ena.

Cet’leka raj do ona juluk’ seṅgelsec’e koyok’keda, uniak’ muca do achkage jhic’entaea. Tharbasaoente uni doe kulikeda, “Cet’ pe hoṛge tolkatek’ seṅgelre do bako khadlelet’koa?” Daniel 3:24. Uniren sosolhako do ko menkeda hẽ. Khan Raj doe menkeda, “Menkhan iń do pun hoṛiń ńelet’koa, raṛaakan ar seṅgel bhaṭare ko dãṛã baṛaekan, ar onko cet’ge bako hạnakan; ar ponic’ do ńelok’re debkoren hopon lekae ńelok’kana.” Daniel 3:25. Isor do onko pea sãhosan juạn koṛakoe bańcaoket’koa ona seṅgel reak’ bhaṭa khon cedak’je onko do sạriak’ lạgit’ko teṅgoena. Mucạt’ dinre, Isorren hoṛko do ona biḍạukoge daram huyuk’takoa.

PAṚHAO

Mimit Bạibel kạliko paṛhao tayom khạli ṭhạiko perejpe.

1. Daniel 3 re menak’ aboak’ kạhni do cet’lekate Johan Sodor saote jurik’kana?

Johan Then Sodorak 13:15 Ar tinạk’ hoṛ uni janwar reak’ _____ bako _____ , onko do goc’hõe goc’ ocoko.

Dhean: Mucạt’ dinre, Isorren hoṛko do akoak’ hudisko khon sewa lạgit’ko jormoṭ’koa akoak’ sana khon. Onko do bachaojoṅ huyuk’takoa Isorak’ hukumko bataowa se manwakoak’ khukumge.

2. Johan Sodor 14 reak’ pea dutak’ sombat do cet’kana?

Johan Then Sodorak 14:7 Isor botoraepe ar unige man emaepe, ente uniak’ _____ ghuṛi do _____ ; ar serma ar dhạrti ar jalapuri ar jharna dak’ko benaoket’ic’ge sewawaepe.

Johan Then Sodorak 14:8 Ar inạ tayom mit’ṭen eṭak’ic’, metak’me, dosaric’ dute hec’ena, are menkeda, Lạnduṛena,_____ _____ _____ do, one ona ac’ak’ loṭghuṭi reak’ edre darkha rasa joto jạtrenkoe ńũ ocoakat’ko.

Johan Then Sodorak 14:9, 10 jãhãe hoṛ uni janwar ar uniak’_____ _____ khan ar ac’ak’ moloṅ se tire dage hatao khan, uni do Isorak’ edre darkha rasa hõe ńũia.

Dhean: Johan Then Sodorak 14:6-14 re Bạibele metabon kana je mucạt’ dinre, noa pea as anak’ sombat ar cehaona do goṭa dhạrtite calak’a ar manwakoe sapṛaokoa Jisuak’ dosar hijuk’ lạgit’. Noako reak’ mit’ṭen sombat do kana uni janwar jemon alobon sewawae ar uniak’ cinhạ jemon alobon hatao ona reak’ cehaonae emabonkana. Noa paṭhre, uni janwarbon ńel oromea. 20 paṭhre, cinhạbon ńel oroma. Jae jug jion do hui daṛeak’a hạnre menak’a, onate Isorak’ ạk’yur lạgit’ ar bujhạu ńam lạgit’ koejoṅpe cet’leka ape noape paṛhaowa.

3. Bạibel reak’ nạbi kathare do janwar okoeye sodore kana?

Daniel 7:17 Noko napṛak’ napṛak’ ponea _____ do ponea _____ kanako, okoe dhạrti khonko upelok’.

Daniel 7:23 Ponic’ janwar reaṅ do nonka: Dhạrtire mit’ṭec’ ponak’ _____ hoyok’a.

Daniel 8:21 Ar uni hodga boda do Junanren_____ kanae.

Dhean: Nạbi kathare, mit’ṭen janwar do sorkar, rajosṭi, rajnitik’ daṛeye sodoreda. Isor do janware beoharakadea sorkar uduge lạgit’, cet’leka teheń abobon cekaeda-mit’ṭen pajhaṛ (Amerika disom), Mit’ṭen bana (Rassia), etc. Bạibelre, “Janwar” hoho do bemanotan do baṅ kana. Noa do janwarlekanak’ sobhab do bae uduk’eda. Janwar okoeṭak’ ṭhen do cinhạ menak’a uni do Johan Then Sodorak 13:1-10, 15-18 re uduk’e kanae. Dayakatek’ noa paṛhao tabonpe ponak’ kuklire calak’ lahare.

4. Bạibel do janwar cet’lekae sodorede kana?

Johan Then Sodorak 13:1 Ar jalapuri khon mit’ṭen _____ rakap’ hijuk’kaniń ńelkedea; uni do gel goṭec’ dereń ar eae goṭec’ bohok’ana, ar dereńkore do gel goṭec’ mukuṭ menak’taea, ar bohok’kore do hek’nosta ńutumko.

Dhean: Johan Then Sodorak 13:1-10, 15-18, re Isor do gel goṭec’ cinhạe emakana nui janwar orome lạgit’. Uni do aema jeleń uniak’ colonko bisoete emakana okare do abo uni khạṭitebon orom ńame.
01 – Jalapuri khone rakap hijuk’kana (Kạli 1)
02 – Soetan khon ac’ak’ daṛe, siṅghạson, ektiạriye ńameda (Kạli 2)
03 – Goṭa dhạrti reak’ daṛe huiyena (Kạli 3, 7)
04 – Nui do henota reak’e dosakana (Kạli 1, 5, 6)
05 – Nạbi katha reak’ 42 candoe cak’laoa (Kạli 5)
06 – Gojok’lekan ghạl do bogeyentaea (Kạli 3)
07 – Dhorom reak’ daṛege dewa sewa doe ńama (Kạli 4, 8)
08 – Isoren sontokoe santaokoa (Kạli 7)
09 – 666 Nombor menak’taea (Kạli 18)
10 – Mit’ṭen daṛean hoṛ hotete ạk’yur ocok’kana (Kạli 18)
Eken mit’ṭen daṛege noa sanam gel goṭec’ daṛere ńamok’kana-uni do Papasy. Menkhan ona khạṭi lạgit’, abo mimit’ṭec’ katebon ńela, kukli 5 khon ehopkate.

5. Ńui janwar do jalapuri khone rakapena. Jalapuri, se dak’ do cet’e sodoreda?

Johan Then Sodorak 17:15 Amem ńelket’ _____ , … ona do _____ _____, ar gadelko, ar disom disomrenko ar pạrsirenko.

Dhean: Nạbi kathare, dak’ doe sodoreda ạḍi ḍher hoṛko, ar khan ạḍi bhiṛ jaegako. Nạbi kathare lại lahaokana je nui janwar do noa dhạrti reak’ ạḍi baḍae rajjo khone upelok’a. Papasy pạchim Europere oḍok’na, khan nombor 1 do juriena. Menkhan ar cet’leka eṭak’ak’ arey (9) goṭen nombor reak’ baḍae orom cinhạko do tobe?

6. Janwar do daṛe ar siṅghạson okoe em akadea?

Johan Then Sodorak 13:2 Khan uni _____ do ac’ak’_____ ar ac’ak’ _____ar maraṅ ektiạri uniye emadea.

Dhean: Janwar-okoe ṭhen do dag menak’a uni do abo barone huyuk’a-maraṅ daṛe, ektiari ar ona maraṅ nagraha do soetan ṭhen khone ńameda. Johan 12:13-15 lekate, Soetange daṛe do kanae okoe do Jisuak’ janamok’ okterege goje menet’kan tahẽna. Uni do Soetange tahẽkana okoe do Herode sarbharaoledea, okoe do mit’ṭen Romren Raje tahẽkana uni do Betlehemren sanam koṛa gidrạko goc’koe khojleda (Mathae 2:13, 16). Pagan Rom Se boṅga sewa Rom do okoe ac’ak daṛe emadea ar uniak’ nagraha? Itihasre noa do pusṭạugea je pagan Rome do ac’ak’ nagraha do Roman manḍerre ko bodolkeda. Emakan Itihas reak’ kathako do onkanak’ kangea: “Roman manḍer do … dhạrti reak’ Roman Rajre ko joṛaoena, okaṭak’ do calao idik’ge tahẽkana. … Pope do, okoe ac’ge ‘Raj’ ar ‘Pontifex-Maximus’ kan menteye menogok’ kan uni do Kesaren jitạuic’e tahẽkana.” Dosarak’ hạṭiń hõ Papasy saote jurik’kangea.

7. Janwarak’ asar do tinạk’ Saṅgiń hạbic’e seṭerkeda?

Johan Then Sodorak 13:3 Ar _____ _____ do hahaṛak’ tuluc’ uni janwarko pańjakedea.

Dhean: Okoe noa do bako kulia je Middle Ages reak’ oktere, papasy do dhạrti reak’ daṛege tahẽkana. Menkhan, “Katholik’” katha reak’ mane do “goṭa dhạrti” kana. Abo bon ńel daṛeak’ kana je tesarak’ hạṭiń reak’ katha saote papasy jurik’kana.

8. Janwarak’ moca khon do cet’ oḍoṅok’kana?

Johan Then Sodorak 13:6 Ar Isor birudre _____ katha roṛ lạgit’ mocae cahap’ket’taea, uniak’ ńutum ar tahenok’ak’, metak’me, sermare tahẽnko _____ lạgit’.

Dhean: Bạibele meneda manwako ikạ em daṛeak’ge kana henosta katha do (Luke 5:21) ar Isor kanae mente menogok’kana (Johan 10:33). Papasy do sãhosante meneda je uni ṭhen do ikạ emok’ lạgit’ daṛe menak’. Dheanak’ tabonpe Katholik’ Katesism (Catechism): “Cet’ sạrige naeke do kại ikạyeda se uni do ekene meneda onako do ocok’entapea mente? Naeke do sạrige kạiye ikạyeda mạsiak’ emakan daṛelekate.” Papasy do noa ko mengea je Pope do Isor barabari kanae mente. Pope Leo xiii do menakada, “Ale {Pope} do noa dhạrtire Isorak’ ṭhạile hataoakada.” Onate ponak’ hạṭiń hõ Papasyak’ge meneda.

9. Tinạk’ hạbic’ nui pạhil janwar doe rajkeda?

Johan Then Sodorak 13:5 Ar _____ _____ _____ cando din onka ik’di reak’ ektiạriko emadea.

Dhean: Disạimabonm a nạbi kathare, mit’ din do mit bochor kana (Jeheskel 4:6). Noa somoe do nạbi katha reak’ pe bochor ar adha, 42 cando se 1260 serma. 30 maha reak’ calendar oka do jihudikoko beoharleda, ona pene nạbi katha reak’ somoe do mit’gea nạbi katha reak’ 1260 maha se 1260 khạṭi sermage. 538 A.D re papal Rom reak’ daṛe do goṭa dhạrti reak’ daṛe huiyena, tinre emperor Justineene do niạme bandhaokeda Papasyren maraṅic’ do ar bae birudleda. 1798 re Papasy do harao ocoyena tinre Pope do ko sapkedea Nepolian ren general Alexander Bartier hotete. Apepe ńela je AD 538 ar 1798 do sạrige 1260 serma huyuk’kana. 5 hạṭiń hõ papasyge udukeda.

10. 42 cando tayom janwar do cet’e cekayena?

Johan Then Sodorak 13:3 Uniak’ bohok’ko modre mit’goṭec’ do gujuk’ dạkhil _____ lekań ńelkeda, menkhan uniak’ gujuk’ ghạl do _____; ar goṭa dhạrtirenko do hahaṛak’ tuluc’ uni janwarko pańjakedea.

Dhean: Em lahalen leka, papasy do 1798 re ńamkeda okaṭak’ do ńelok’kan gujuk’ dạkhil ghạl tinre General Berthier do Pope sapkatek’ Francete idi kedea, okare do uniko mak’goc’ kedea. Adha Europe renko do ko hudis leda je noa ghoṭna do papasy reak’ mucạt’dok’ cinhạe uduk’eda, menkhan Isor doe menakada je gujuk’ dạkhil ghạl do bugik’a mente ar papesy reak’ daṛe ar asar doe ńam ruạṛa tin hạbic’ goṭa dhạrtiren uni ạuriko pańjaye hạbic’. Malachi Martin, do Vatican insiderre, mucạt’ keda, The Keys of This Blood ńutuman kitạpre sodoreda: “Pope do ạḍi baḍaeanic’ hoṛ kanae noa 20th satapdire (p.123), 91 satapdiren ạk’yuric’ko saote ac’ak’ sombonde joṛao akada (p.490), ar nitok’ do goṭa dhạrti calao banao lạgit’e sapṛao akana” (p.143). teheń mit’ṭen nawa hoṛ hõ baḍaea je teheń papasy do, aema lekate, ạḍi bulạuanic’ dhạrtiren daṛe kanae mente. Ar mimit’ jaega kore calak’re Popeak’ daṛe do baṛtik’ kan taea. Ạḍi ḍher hoṛko do noako mena je papasyge dhạrtiren jonoṛao, suluk’ and manot’ emok’ic’ do  cet’leka Isore lại lahalet’. 6 nomborak’re hõ papasy doe jurik’ kana.

11. Cet’ janwarge dhorom reak’ daṛe kanae?

Johan Then Sodorak 13:15 Ar tinạk’ hoṛ uni janwar reak’ murhut’ bako _____, onko do goc’hõe goc’ocoko.

Dhean: Noa do khạṭiak’ kana je noare do jiu seak’ kathako selet’akana. Johan Then Sodorak 13 re do dewasewa katha do moṛe bar beohar akana noa daṛe sodoret’ tuluc’. Digdhạ bạnuk’a noa 7 nomborak hõ papasy doe jurik’ kana.

12. Janwar do sonotko cet’e cekayet’koa?

Johan Then Sodorak 13:7 Ar uni do sonotko tuluc’ _____ reak’ ar onko _____ reak’ko emadea.

Dhean: Noa do baḍae kathakana je papasy do jaoge sonot’koe santao are nosṭo akat’koa pạtiar kristanko hõ, Middle Ages somoere, uniak’ sambṛao daṛe oktere. Aema itihas olok’ic’ko ko menakada je 50 millionko goc’ akana akoak’ pạtiạu lạgit noa kosṭo somoere. Nonkako bujhạuet’ tahẽkana je noa do Isorge cekayet’kan tahẽna bedhoromanko cabako lạgit. Pope doe menkeda je manḍerren do ikạko ńama akoak’ bạric’ kạmire, menkhan sạriak’re do noa akoge santao are nosṭoket’koa. Papasy do 8 re hõ jurik’kana.

13. Okaṭak’ kana okoak’ nombor okate do janware oromok’ kana?

Johan Then Sodorak 13:18 Ar uniak’ lekha do ______ .

Dhean: Johan Then Sodorak 13:18, Isor doe meneda uni janwarak’ nombor lekhaetaepe ar ona do mit’ṭen hoṛak’ nombor kana. Tinre abo do Papasy babotrebon hudisa, manwa do Pope kanae mentege ko hudisa. Uniak’ ńutum do cet’ kana? Popak’ uprum pạris do kana “Vicar of the son of God,” oka do “Vicarious Filii Dei” letin bhasate do (Manḍer reak’ uprom bhasa). Khobor reak’ kagojre do, Pope do “Vicar of Christ,” mente meneda ar quotation bhitrire tahẽnkan kahta do uniak’ ńutum se pạris kantaea mente sodoreda. Johan bhage sombatre do meneda je Roman nombor reak’ lekha lekate uniak’ nombor do 666 kana. Delabon ńela 9 ar 10 point do Papasy saote jurik’ kana se baṅ:

Onḍe do jãhãn digdhạ huyuk’ baṅ jạruṛa. Cedak’je Joto 10 goṭen coritro bisoete uduk’akana Johan Then Sodorak 13:1-8, 15-18 do Papasy saote juric’ kana. Ar noa daṛe reak’ do bises cinhạ menak’a oka do abo babon hataoma.
Nitok dayakatek’ noa dheanak’ tabonpe je Roman Catholic manḍerre hõ aema Isor dulạṛ ar sạri biswạsiko menak’koa onko do Isor ac’ren gidrạ mente lekhaet’koa. Ar one aema dayawan ar sãhosan Popeko menak’koa okoe do Isorko dulạṛekana. Noa paṭh do aboren Catholic gateko hạn ocoko lạgit’ do baṅ kana. Noa do Soetan hạne lạgit’ge okoe do manḍerko Isorak’ katha reak’ sạriak’ khone bhanṭaoet’koa. Pạtiạrakan porṭestanko, catholic, jihudi, ar bidinko hõ noa cinhạ do uk’rumko khoja jemon ona hatao khon sahaṛko tahẽ daṛeak’. Dela Isor sarhaobon emaema cedak’je uni do Soetanak’ bạrik’ ponthae oka do abo nosṭobon lạgit’ tahẽkana ona do Isor ac’ak’ kathare uduk’akat’bona.
Aboak’ paṭhre abo do pusṭạutebon orom daṛeak’a janwarak’ “dag” do. Judi janwarak’ dagbon hataowa, ape pe adok’ak. Ạḍi ḍher hoṛ do ko ńam odok’keda je janwarak’ dag bako hatao onko do ạḍi ãṭ ko kosṭok’a. Menkhan Isor do Sadrak’ Mesak’ ar Abednago lekanak’ pạtiạue em daṛeabona, okoe do Isor man emae lạgit’ gojok’ko menjoṅkan tahẽna.

Amak’ Roṛ Ruạṛ

Amren gatem at’kore hõ cet’ unre hõ am monete Jisu pańjayem khoj kana jãhãtege uni ạk’yurme?

Jobab: _______

Panorama of Prophecy, Lesson 19 ©2022 Amazing Facts International All Rights Reserved