Misor ren ko lạgit’ Israel hoṛko do haptare 7 mãhãge kạmi huyuk’ kan tahẽna akoak’ kạmiko purạu lạgit’menkhan noa Mose saote ńapam tayom, onko do ko goṭa keda jirạuk’ lạgit protek eaeak’ mãhãre. Ona iạtege raṅgak’ kan Pharao do Mose ar Arone metak’ kinạ “Aben do onko kạmi khon ben jirạu ocoyet’ koa!” Exodus 5:5. (Ibri katha te do “jirạuk” oka do beohar kana onado “Shabbath” ona reak’ mane do “Jirạuk’ mãhã dok’hoe.”)

Raṅgaok’ kan raj do baḍae kan tahena je jahanak’geye cekaea onko golamren jạtko ac’ak’ gobol latar re dok’ho ko lạgit’, ona iạte uni doe goṭakeda je unko kạmi re bhiṛe dohokoa ar ona sạotege unko do akoren Isor ko sewawaea akoak’ hudis kote. Uniye menkeda “hoṛko iṭạ benao lạgit’ busup’ alope em idiạkoa, nit hạbic’pe emak’ko leka do akotege sen kate busup’ko halaṅ ạgujoṅa. Menkhan pạhil tinạk’ iṭạko benawet’ tahekan, unạk’gepe bharakoa onakhon do alope komaotakoa.” Exodus 5:7, 8 Moseak’ dinre lekage, Isor do ac’ren hoṛko lạgit’ maraṅ jiniskoe cekaea. = Usạrage unko do kại reak’ golam khon ko oḍoṅok’a ar sermateko calak’a. Ar mit’domte nitok’ Isor doe kurumuṭueda je ac’ren hoṛko jirạuk’ mãhã reak’ bisestek’ ko bujhạu.

PAṚHAO

Mimit’ Bạibel kạli ko paṛhao tayom khạli ṭhại ko perejpe.

1. Cet’ Isor do Jirạuk’ mãhã eken Israelko lạgit’ge benao leda?

Marke 2:27 Are metat’koa, Jirạuk’ mãhã do _______ lạgit’ge _______ , manwa do jirạuk’ mãhã lạgit’ do baṅa.

Dhean: Tinre Jisue meneda je Jirạuk’ mãhã do manwa lạgit’, “manwa” mane do sanam “hoṛko” – sanam hoṛko lạgit’, sanam okte lạgit’, sanam jaega lạgit’.

2. Isor do Jirạuk’ mãhã tinre benao keda?

Genesis 2:1, 3 Nonkate serma ar ot do _______ ar onaren sanam phạdko hõ … Ar Isor do eaeak’ dine bhorada are sonotkeda, ente Isor do ac’e sirjạu are benaoket’ joto kạmi khon ona dinreye jirạuena.

Dhean: Sabbath do sirjon hapta reak’ mucạt’re benao lena.

3. Hapta reak’ okaṭak’ din do Sabbath kana?

Genesis 2:2, 3 Ar Isordo _______ dinte ac’ak’ kạmiye sạtkeda, one okaṭak’e kạmiket’ ar _______ dinre doe jirạuena ac’ak’ joto kạmi khon, one okaṭak’e kạmiket’. Ar Isor do _______ dine bhorada are sonotkeda.

Dhean: Genesis 2 re pe dom, Isore lạiabon kana je, sirjon hapta reak’ eaeak’ din do jirạuk’ mãhã menteye benao keda. Ona do uniye sonot keda, ona reak’ mane do “sonot beohar lạgit’e begar keda.” Isor do jirạuk’ mãhã purạ 24 ghonṭa somoe ṭarhao keda, cedak’ je somoege kana okaṭak’ do sạri dulạṛ sombond Jisu sạote benạoedae. Soetan do misor ren Pheron leka abo kạmire nonka golame dohoet’bona je abo jemon Isor babot’te babon hudis. Noa baḍae katek’ je mucạt, dinre manwako do tinạk’ bhiṛko tahena, onate Isor do hapta reak’ 24 ghonṭa somoye begarakada jemon ac’ren hoṛko uni saote somoeko kaṭao. Uni ona hapta reak’ okte do am saoteye dohoakada. Alom eṛanok’a uni ńapame khon.

4. Isor do cet’ lekae sodorakada ac’ak’ Sonot Sabbath din reak’ bises tet’?

Exodus 20:8-11 Jirạuk’ mãhã disạime,_______ onam sonot … Probhu do jirạuk’ mãhãe _______ are sonotkeda.

Dhean: Exodus 20:8-11 do Isorak’ gel hukum reak’ ponak’ hukum kana. Ac’ak’ gel hukum reak’ mit’ hukum do sabbath mente benao katek’, sodor keda ona reak’ bisistec’. 10 kạlireye meneda “jirạuk’ mãhãren Probhu amren Isorge.” Ponak’ hukum motoge eken “disạime” kathate etohop akana, oka do baḍae ocoyet’ bona je Isore baḍae gea mit’din do manwa noako hiṛiṅa mente Isorak’ gel hukum rạput’ do kại kana (1 Johan 3:4). Menkhan Jisu do manwako akoak’ kại khon bańcao ko lạgit’e goc’ena se ạn rạput’ khon (Mathae 1:21).

5. Sabbath do cet’ barea bises cinhạ kana mente Isore meneda?

Exodus 31:17 Iń ar Israel hoponko talare ona do jaejug hạbic’ mit’ṭaṅ cinhạge tahena; ente, turui mãhãte _______ do ot ar sermae _______ , ar eae mãhã hilok’ doe jirạuena are cerṭhayena.

Jeheskel 20:12 Ar iń jirạuk’ mãhãko hõn emat’koa iń ar onko talare mit’ṭec’ cinhạ tahem lạgit’ jemonko baḍae, baṅma, iń Probhuge onko _______ do.

Dhean: Isor doe meneda sabbath do mit’ṭaṅ cinhạ se mohor kana ac’ak’ daṛe reak’ sisirjạwic’ ar babańcaoic’ lekate. Johan Then Sodorak 14:6-14 re Isor do pea bises sombat’e emok’ kana “dhạrtire tahenko ar mit’ke mit’ disom ar khut ar pạrsi ar jạtrenko jahirako lạgit’.” 6 kạli. Pạhilak’ sombat’ do ńamok’ kana 7 kạlire “Isor botorae pe ar unige man emaepe, ente uniak’ bicạr ghoṛi do seṭer akana ar serma ar dhạrti ar jalapuri ar jharna dak’ko benao kak’ic’ge sewa waepe.” Noa aṛaṅ do sạriak’ sewae lạgit’ ruạṛok’ reak’ hoho kana oka do ponak’ hukum khon kana: “Entek’ turui mãhãte Probhu do serma, ot, jalapuri ar onakore joto menak’ak’e benaokeda are eae mãhã hilok’ doe jirạuena.” Exodus 20:11

6. Jisu do okaṭak’ din sonot’e doho keda?

Luke 4:16 Ado Nasaretteye hec’ena ona okareye haralen, ar _______ _______ _______ jirạuk’ mãhãre sunạgogteye boloyena, ar paṛhao lạgit’e teṅgoyena.

Dhean: Jisu do aboren nạmuna kanae (1 Patras 2:21) Jotoak’re, sabbath din dohoe re hõ, okaṭak’ do ac’ak’ cạli tahe kana mit’ṭen “cạli do” dinạm cekae mit’ṭen hewa kana. Kristanko do ac’ cet’ lekae taṛamleda onka taṛam lek’ kan takoa (1 Johan 2:6).

7. Paul ak’ cạli do sabbath babot’re cet’ tahe kan taea?

Apostal Kamiko 17:2 Ar Pạul do _______ _______ _______ onko ṭhene boloyena, ar pe jirạuk’ mãhã hạbic’ sostor reak’ onko tuluc’e apṭha ạpṭhik’kan tahẽkana.
Apostal Kamiko 18:4 Ar _______ _______ _______ sunạgogre hoṛko tuluc’e galmaraokan tahẽkana, ar Jihudi ar Junạnikoe bujhạu orom ocoyet’ko kan tahẽkana.

Dhean: Eaeak’ din sabbath mente dohoe do Paulak’ ho cạli tahe kana.

8. Cet’ apostolko hõ eṭak’ jạtrenko tuluic’ sabbath reko ńapamok’ kan tahena?

Apostal Kamiko 13:42 Ar unkinkin oḍok calak’kan tahẽkanre _______ doko nehõrena, jemon noako katha do hijuk’kan _______ _______ hõkin galmaraoako.

Dhean: Ar mit’ṭen okte rehõ celako do sabbathak’ dinre ar mit’ṭen eṭak’ jạtren ayo hoṛ koak’ dol saote gaḍa aṛereko ńapam lena, cedak’je ona nagrahare sinạgog baṅ tahek’ kana (Apostal Kamiko 16:13).

9. Cet’ Jisu doe khoj kana jemon ac’ren hoṛko sabbath ko dok’hoe akoak’ kạiko khạtir goc’en tayom?

Mathae 24:20 Ado koejoṅpe jemon apeak’ ńirjoṅ do rabaṅ dinre se _______ alo hoyok’tape.

Dhean: Jisu do Jerusalem ńurok’ reak’ babot’re lạ i akat’ tahekana, oka do uni baḍaeak’ak’ tahena AD 70 re huyuk’a mente (40 serma tayom). Menkhan uni unkoe metak’ ko tahena koejoṅpe jemon apeak’ ńirjon do rabaṅ se sabbathre do alo huyuk’. Noa do pusṭạu gea je Jisu doe khoj kan tahena ac’ren hoṛko do jemon sabbath din sonot’ ko dok’hoe ac’ak’ gojok’ ạḍi din tayom hõ.

10. Cet’ Bạibele cecet’ kana je Isor ren mucạt’ okteren hoṛko do eaeak’ din sonot’ sabbath din menteko dok’hoe?

Johan Then Sodorak 12:17 Ar uni biń do maejiu upạrteye raṅgaoena, ar uni bõsren sarec’ko tuluc’ lạṛhại lạgit’e calaoena, one onko Isorak’ _______ _______ ar Jisuak’ goha menak’tako.

Johan Then Sodorak 14:12 Noage sonotko reak’ sombhuri do, onkoak’, okoe Isorak’ _______ _______ .

Johan Then Sodorak 22:14 Bhạgangeako onko do okoe akoak’ _______ _______ _______, jemon jion reak’ darere hok hoyok’tako, ar duạṛako sec’te nagrahateko _______ daṛeak’.

Dhean: Cetan reak’ sostor kathako do Isorak’ ses kạlisiạe sodoreda, ar mimit’ kathako khạtite meneda je Isorak’ ses kạlisiạ do uniak’ hukumko ko dohoea – oka do ponak’ hukum hoe selet’eda ona do sabbath.

11. Cet’ bańcao ńamko do sermare sabbath ko dohoea?

Jesaea 66:22, 23 Ente cet’ leka nãwã serma ar nãwã dhạrti One oka ińiń benao Iń samaṅre ṭarhaoakan tahenkana, Probhue meneda; Onkage aperen bõsko ar apeak’ ńutum do ṭarhaoakan tahena. Molok’ cando piche, ar jirạuk’ mãhã piche,_______ _______ _______ do iń samaṅre sewae lạgit’ko hijuk’a, Probhue meneda.

Dhean: Bạibel onae meneda je sanam piṛhi khon bańcao akanko do Isorak’ sabbath mit́teko dohoea sermare ar nãwã dhạrtire.

12. Cet’ abo khạṭi geabon oka hapta reak’ eaea mãhã do (sonibar)kana mente ar ona sabbath din ge oka do Jisu sonote doholeda?

Luke 23:54, 56; 24:1 A sapṛaok’ din tahẽkana, ar jirạuk’ mãhã do pahpahaok’kan tahẽkana … Khange ruạṛkate mosolako ar mahkaok’ sunumko ko tearkeda, Ar _______ _______ _______ do hukum lekako _______. Menkhan hapta reak’ pạhil hilok’… ạḍi setak’re kobor ṭhenko hec’ena.

Dhean: - Jisu do sokaol hilok’ ko kurus kedea (sapṛaok’ din), Sabbath lahawak’ din (Marke 15:42). Jisu do ạn lekate jirạuk’ mãhã hilok’ kobor re jirạuena (Luke 23:56), ona tayom pạhil hilok’ jiwet’ beret’ena – Sabbath tayomak’ din (Marke 16:1-6) dhạrtiren kristanko do tehen hõ onadin esther Sunday menteko manaoeda. Bạibel pusṭạute uduk’eda je Sabbath do sokol khon tayomak’ din ar robibar khon lahawak’ din kana. Ạḍi sohoj gea hapta reak’ ona din do kelender re lagao lạgit’. (bisoetek’ bodolte ńelpe dictionary cet’e meneda ar “cet’ kelender do bodolena?”)

13. Cet’ Isor do ac’ak’ sonot din jahae bodol ocoakoa?

Kahțukko 30:5, 6 Isorak’ mit’ke mit’ katha do biḍạu ṭarhaoak’ kana … Uniak’ kathako do _______ _______, Baṅkhan doe nisṛạumea, ar eṛe roṛoṛic’em hoyok’a.

Dhean: Isor gel hukum emok’ lahare, cet’ leka deutornomy 5 hạtin re ol akana, uni biseste cehaonae em akana je okoehõ juṭuic’ se kaṭao bako daṛeak’a ona ko khon (Deuteronomium 4:2). Jemon hukum mape kanleka onakope dohoe. Isor do ac’ak’ Sabbathe bhor akada (Exodus 20:11), ar tinre ac’ jahanak’e bhorak’a, onado jaejug bhoran gea (1 Biboron 17:27). Isore meneda, “Ińak’ bondobos do bań rạput’da ar ińak’ luṭi khon oḍoạkanak’ katha bań bodola.” Sereńko 89:34 bhul te ạk’yur akan hoṛko do ańgoc’ geako je Isoak’ sonot jirạuk’ mãhã (Sabbath din) do robibar re bodolna mente. Menkhan Isor do manwawak’ cecet’ak’ko do bae ańgoc’a uni do Bạibele emakana aboren ạk’yuric’ leka.

14. Tinre Sabbath do ehop ar mucạt’dok’ gea?

Levitikus 23:32 Cando reak’ areak’ mãhã reak’_______ _______ dosar _______ _______ jirạuk’ mãhãpe manaoa.
Marke 1:32 Ado ạyup’en khan, _______ _______ .

Dhean: Sabbath do sokol cando hạsoṛok’ re ehopok’ gea ar Sonibar cando hạsoṛ re mucạt’dok’ gea.

15. Johon Then Sodor 1:10 lekate okaṭak’ din do Probhuak’ din kana?

Exodus 20:10 Menkhan eae mãhã hilok’ do _______ amren Isor ńutumte mit’ṭec’ jirạuk’ din kana.

Jesaea 58:13 Jirạuk’ mãhã lebet’ lạnḍhui khon amak’ jaṅgam or ruạṛtam khan,_______ _______ _______ apnarak’ bam karbar khan.

Marke 2:28 Onate Manwa Hopon do _______ _______ hõe mạlik kana.

Dhean: Mãre ar nãwã banar niạm re, Isor do Sabbathak’ din Probhuak’ din kana meneda. Uni hukum akada je manwako jemon cehaona ko emako Isorak’ Sabbath din rạput’ kate kạiedako mente (Jesaea 58:1, 13). Isore meneda je ac’ak’ Sabbath do sanam manwa ko lạgit’ (Jesaea 56:2-7). Bạibelre do tisho Robibar do Probhuak’ din kana mente bae meneda. Ona do hapta reak’ eṭak’ turui din reak’ kạmi din kana (Jeheskel 46:1) ar noage hec’ ạguakana.

16. Cet’ gopok’ak’ bhordan menak’a?

Mathae 11:28 Dela iń ṭhen hijuk’pe, ape joto laṅga ar bojhate tenakạnko, ińgeń JIRẠU ocopea.

Exodus 33:14 _______ _______am soṅgeteń calak’a, ar am ona reak’ jirạuiń emama.

Ibriko 4:5 Onko do _______ _______ bolo ńamjoṅa.

Dhean: Mimit’ gel hukum reak’ jiusek’ lekate mane menak’a. Adom kristanko do ạn reak’ ciṭhiko dheanak’ gea ar ạn reak’ jiuseak’ kathare do bako moneak’a. Jisu do khoj kana je abo banar bon senak’a ṭarhao akan tahen lạgit’ (Mathae 5:21, 22, 27, 28). Ạḍi somoe Bạibel re “Jirạuk’” beohar kana oka do bańcaoe sodoreda. Ibriko 4:1, 4, 9, 10 re menedae je okoeko do sạrige ona jirạuṛ re ko ạk’yur ocok’kana ar okoe do Mạsire menak’ ko onko do eaeak’ din Sabbath do kristankoak’ jirạuk’ maha mente mit’ṭen cinhạ kana.

Amak’ roṛ ruạṛ

Karon Jisu do Sabbathe em kana mit’ṭen aeak’ sirjạu ar sonot daṛe reak’ cinhạ mente, cet’ am ona sonot’ din manao katek’ ona reak’ bhorem ńam khoj kana?

Jobab: ________

Bodolte

Noa paṭh do lahasec’ paṛhaok’ lạgit’ baḍae emok’ kana.

Dictionary do cet’e meneda
Ńelpe em akan jahan dictionary rege, ar dheanme cet’e ńama:
Sonibar (ńutum) eaeak’ din ar sapta reak’ mucạt’ak’ din.
Eaeak’ din (cinhạ) eaeak’ din reak’ (sonibar).
Robibar (ńutum) sapta reak’ pạhilak’ din.
Pạhil din (ńutum) Robibar.
Cet’ kelender do baṅ bodolakana 1582 re mit’dom kelender ko bodol leda, menkhan ona hapte reak’ purạutet’ do baṅ ṭarhao lena gel ṭi tạrik kelender khon ocok’ lena octobor 4, 1582 re. Sokol bar do tobe cekaena, October 5 sokol bar do October 15 sokol bar huina. Latar re em akan diagram goṛo wama bujhạu lạgit’ ona bodoltet’. Amem ńela je hapta reak’ din korenak’ pante do baṅ bodol lena.

Panorama of Prophecy| Santhali, Lesson 8 ©2022 Amazing Facts International All Rights Reserved